رواية غنوة الداغر الفصل السادس 6 - بقلم ميفو سلطان

 رواية غنوة الداغر الفصل السادس 6

البارت السادس..

صعدت غنوه الي حجرتها لترضع ملك لتنام الطفله لتقوم غنوه وتتجه الي الحمام ويمر بعض الوقت لتخرج وتتجه  لتفك شعرها وتسرحه كانت لم تلاحظ ذلك الذي دخل وتسمر مكانه جنب الباب كانت تمشط شعرها الطويل َتلبس شورتا قصيرا وعليه بادي حمالات رقيق وبدات تمشط شعرها الي ان انتهت كل ذلك وهو مشلول من منظرها كانت فاتنه رائعه تمتلك جسدا خلابا كانت عيناه تلتهم منحنياها بشغف وزادها جمالا ذلك الشعر المحمر الذي يتدلي اسفل خصرها في شلالات رائعه ليظل واقفا لا يعرف ماذا يفعل وقلبه يدق بعنف..

 ايه ده يخربيت جمال امك البت بتلمع وتقلي مشوهه دانا قلبي وقف. ايه جمالها ده وشعرها ده البت شعرها لون نار وهيا نارين.ايه مخبيه ايه يخربيت نارك وحش بيضوي.. قلبي بيدق يخربيت كده.. ايه الجمال ده شعرها يهبل . اهدي كده اهدي.. ليجدها تنحني وتسند راسها لفتره لينزاح شعرها ويظهر ظهرها من الخلف كانت تبدو جميله ساحره ووحيده احس انه يريد ان يذهب اليها وياخذها في حضنه ليقترب بهدوء ويمد يده ويضع يده علي شعرها يتلمسها بحنان ليجدها تفزع وتهب مبتعده تنظر اليه ليجدها بدات تشتعل غضبا وتصرخ انت اتجننت انت ازاي تخش هنا من غير اذن..كانت مشتعله ووجهها احمر لتهب وتذهب الي شنطتها لتلبس شيئا ليقف امامها مسرعا لتصرخ.. وسع من قدامي لاطين عيشتك ايه قله الادب دي. 

ليهتف... قله ادب ايه مش شايف قله ادب. 

لتحاول ان تتفاداه لتصرخ.. ماتوعي يا جدع انت عيب اقف كده. 

ليهتف.. ايه العيب مش جوزك وحقي اشوفك قمر كده..

لتنظر اليه وتحمر بشده.. اوعي من وشي والله اطين عيشتك..

ليضحك ويقترب منها وينظر بخبث.. هو فيه حد قمر كده يقول لجوزه هطين عيشتك.. كانت تتراجع وهيا مشتعله من منظرها امامه ولكنه ينظر اليها بوقاحه جعلتها ترهبه لتخبط في الحائط ليصل اليها ويضع يده حولها ليهتف القمر محمر ومز كده ليه لينظر الي صدرها ليهتف الغلايه هتنط ماتهدي يا وبور النعمه دي براحه عليها ..

لترفع يدها لتضربه ليمسك يدها بقوه كان يعلم عنفوانها ليمسك يدها ويلتصق بها لتنهج بشده وتصرخ... ابعد انت سافل كده ليه ايه قله الادب دي انت استحليتها والا ايه بقه..

ليضحك.. من جه استحليتها.  استحلتها والله وانت قمر كده ايه جَمال امك ده ليمد يده علي ذراعيها ويتلمس جلدها الناعم ليهمس بالقرب منها.. مخبي ايه يا وحش....

لتشعر بلسعه في جسدها لتصرخ ماتبعد بقه بقله ادبك ايه ده عيب تكشفني كده ايه المسخره دي ترضاها لاختك..

ليضحك.. اه طبعا ارضاها..

لتبهت.. نهارك اسود ترضي اختك تنكشف علي راجل غريب ليه قرني..

ليضغط علي جسدها بجسده.. لسانك يا قط هنتعب مع بعض كده.. وغريب ايه دانا جوزك يا ابو شعر نار وجسم نارين كانت اصابعه تسير علي جلدها الناعم وهيا لم تعد قادره لتدفعه بعنف ليمسك يدها ويكبلهم فوق راسها لتحس انها ستموت من حرقتها كان ملتصقا بها حتي لا تاتي بحركه قتاليه لينظر اليها برغبه فادحه. 

لتصرخ ابعد بقه هيا لعبه ماتحترم نفسك وسنك ايه ده..

ليرفع حاجبيه باندهاش.. سني ايه شايفاني مركب طقم.. لا كده ازعل ولازم اوريكي امكانياتي كده عيب في حقي ليقترب من رقبتها ويهمس.. شعرك يجنن وريحتك تجنن ونعوميتك تلهب كان يتلمسها بتوهان وهيا تشتعل وقلبها يرجف وبدات ترتعش ليضع شفتيه علي شريانها الذي سيصرخ من نبضه وانفعاله ليهمس الغليان جواكي بيخليني اعلي معاه..

لتهمس وقلبها سيخرج من مكانه من فرط ما هيا فيه.. ابعد بقه ابعد..

الا انه كانت شفتاه تتلمس رقبتها لتنساب مشاعره لتحس هيا بذلك لتدفعه مره واحده  وذهبت لشنطتها وظلت تبحث عن شي تلبسه فملابسها في الشنطه لتتجه الي الشنطه وتظل تعبث فيها وهو  مغمض العين يسيطر علي نفسه ليفتحهم وينظر اليها مبتسما علي منظرها وغضبها ليجدها تشد شيئا وتلبسه وكان روبا طويلا لتقف امامه مره اخري ووجهها احمر وعيونها مشتعله لتهتف بغضب انت ازاي تدخل كده هيا وكاله من غير بواب وتحترم نفسك بقه انت ايه مش بينا اتفاق. 

لينظر اليها بهدوء يحسد عليه ويذهب الي احد الكراسي ويجلس لتصرخ انت كمان هتقعد. 

ليهتف ماتهدي علي نفسك الوبور اللي داير جواكي ده ليه اللي حصل واحد داخل قوضه مراته وشفاها قمرين. 

لتنظر اليه بذهول.. مراتك انت عقلك خف هيا مين اللي مراتك..

ليبتسم ويهتف خف ازاي مش كاتب عليكي انا  انت لسعتي.

كانت تقف تنظر اليه ببلاهه.. انت عقلك خف مش كده اه اكيد..

ليضحك.. ايه واحد دخل قوضه مراته ايه الغريب فيه انت بتحرقي جاز ليه عادي ايه اللي حصل يعني. 

لتقترب وتصرخ انت يا جدع انت انا مش ناقصه حرقه دم اتعدل في كلامك مش ناقصه قرف عالمسا..

ليقف ويمسك يدها ويشدها ليهتف.. لا هتقلي ادبك مش هسكتلك انا مراتي ماتكلمنيش كده. 

لتدفعه بعيدا.. الله يخربيت كده مرات مين ماتعقل بقه لتغمض عينها وتظل فتره تهدا لتفتح عينها.. افندم عايز ايه

ليهتف.. مفيش بطمن عليكي واشوفك عايزه حاجه. 

لتهتف.. شكرا مش عايزه ولا هعوز وماتعملهاش تاني واتفضل بقه روح من هنا. 

ليقترب منها ويهتف بخبث.. مش عايزه حاجه خالص يعني اول يوم في بيت لوحدك لو عايزاني افضل جنبك.. انا تحت الطلب اهدي الغلايه اصل النعمه صعبه ونار حرام والله يتعمل فيها كده.. 

لتنظر اليه وقلبها سيقف من غضبها.. لتهتف انت عايز تحرقلي دمي صح انت قاصد كده وانا مش هرد عليك من اساسه..

ليضحك ويقترب.. شكلك حلو وانت غضبانه اوي علي فكره متعه والله. 

لتهتف طب خلاص شفت الفقره عجبتك يلا من هنا بقه دا ايه ده.. روح لمراتك تطين عيشتك يلا زق بقه. 

ليهتف.. لا والله طب ماشي واتجه الي الفراش وجلس عليه واراح ضهره وهتف وادي قاعده..

لتهتف.. انت بتعمل ايه انت جرالك حاجه في عقلك يا جدع انت. 

ليهتف مش بتقولي مراتي هتطين عيشتي مستني بس اما تيجي تطينها. 

لتهتف بحنق.. وانا مالي بيكو يا ربي انت ايه ده.. يا عم انت قوم بقه انا تعبانه انت متاجر عليا مش قلنا كل واحد في حاله. 

ليبتسم ويهتف... لا انا ماقلتش انت اللي قلتي. 

لتنظر اليه بذهول.. نعم يا اخويا.. هو ايه اللي قلت َو ماقلتش..

ليقوم من مكانه ويذهب اليها ويهتف بكره تعرفي انا قصدي ايه.. واقترب منها وهتف  تصبحي علي خير يا مزه يام شعر نار عموما انا علي نده لو فكرتي تاني وغمز اليها وتركها وذهب.

لتنظر الي الباب مذهوله.. هو مجنون اه مجنون ايه الخبل ده نهار اسود عليه دا طلع مش طبيعي دا ايه الغلب ده.. استغفر الله يا رب علي حرقه الدم.. لتتجه الي الفراش وتظل فتره تفكر فيما حدث لتنام اخيرا متعبه. 

اما داغر دخل حجرته ليجد زوجته جالسه ليدخل ويغير ملابسه ليخرج ليجدها في طريقه ليهتف.. عاجبك االي البت ردت عليا ده انت ازاي تسكتلها. 

ليهتف.. انت اللي نكشتيها وهيا مش نسمه يا ميساء فانت حره وانا مش هدخل وسيبيني بقه عشان مش ناقص صداع ليذهب الي السرير لتهتف انت هتسيبني وتنام انا مش هسكتلها انا ماحدش يكلمني كده. 

ليهتف.. بصي بقه اخرج ابات بره عشان ترتاحي هتبطلي هبد والا اروح اتخمد في نصيبه تاخدني دا بقت عيشه زفت. 

لتصرخ.. خلاص ماعتش طايقني الهانم عصتك عليا..

ليهب ويهتف.. لا كده الليله هتبقي طين وانا عندي شغل وقام ليخرج من الباب وقال اتخمدي لوحدك بقه انت عشان انا ماعنديش استعداد اتخانق وتركها وذهب و َهيا تغلي.

ليذهب الي حجره غنوه ليدق الباب لتفتح له لتجده امامها بملابس البيت لتهتف.. ايه تاني نعم هيا ليله مش هتعدي.

ليدفعها ويدخل ويهتف... اه فعلا ماعدتش وخلاص انت السبب. وسعي بقه وذهب الي السرير واندس في الفراش وهيا واقفه مذهوله لتهتف.. انت بتعمل ايه. 

ليهتف.. هنام هعمل ايه يعني. 

لتصرخ.. نعم يا اخويا هتنام فين. 

ليهتف.. بصي بقه انا تعبان وعندي شغل وكفايه عليا خناقه واحده وادار ضهره ونام. 

لتقترب وتذهب اليه.. انت هتنام هنا بجد وانا هنام فين انت اتجننت رسمي. 

ليهتف.. تلمي لسانك احسنلك عشان انا علي اخري واه هنام هنا مش عاجبك عندك اربع حيطان َماسمعش صوتك بقه واستدار واغمض عينيه ونام بجوار ابنته بهدوء وتركها تغلي في مكانها.

لتهتف الله يخربيتك انت طلعتلي منين يا اخي منك لله يا ربي ايه ده وذهبت الي الكرسي وظلت جالسه عليه فتره لتحس بالتعب لتقوم مجبره وتذهب الي الفراش وتربط روبها جيدا وتندس بجوار ملك من الناحيه الاخري وتظل تفرك حتي نامت متعبه ..

في الصباح استيقظ داغر علي حركه ابنته ليقوم وياخذها بين يديه ويظل يداعبها واتجهت نظراته لتلك الجميله التي تنام باريحه بجواره ليقترب قليلا منها ويظل يتاملها كانت جميله عن حق وتلك الندبه تضفي عليها هاله من الجمال ليمد يده يتلمسها ليبتسم.. لينزل بيديه علي وجهها ونعومتهم لتسرح يده الي شفتيها الناعمتين وظل يتلمس جَمالهم ليبتسم وهيا تتململ ليقبل ابنته ويهتف هتصحي تتحول اعمل ايه متجوز بومه بره ووابور جوه والله يا بنتي ماهشوف يوم عدل عارف.. وظل يداعبها لفتره وهو سعيد بوجوده معهم ليضع ابنته ويقترب من غنوه ومال عليها وبدا في تلثيم شفتيها وخدودها لتبدا في التململ لتفتح عيويها لتحس بشئ علي وجهها ظلت ساهمه لفتره لتفيق فجأه وتري عيون داغر قريبه منها مبتسمه لتشهق وتدفعه بعيدا وتهتف.. فيه ايه يا جدع عالصبح. 

ليضحك بشده ويهتف.. حد يصحي يقول لجوزه يا جدع

لتنظر اليه بغضب.. يادي الزفت عالصبح.. انت اتجننت صح انت اتبدلت ماتقعد بقه بغلاستك دي جوز ايه وزفت ايه يا عم انت جالك لطف في عقلك. 

ليهتف.. فين اللطف في اللي بقوله ليحمل ابنته ويقف مش هتصبحي علي ملوكه..

لتتنهد وتذهب اليها وتاخذها منه وتتسع ابتسامتها وتحتضنها وتظل تداعبها لفتره وهو يتاملها ليهتف بتحبيها يا غنوه. 

لتتسع ابتسامتها.. دا روحي من جوا دانا بقيت عايشه عشانها ومش عايزه حاجه غيرها. 

ليتنهد ويقترب منها.. لا يا غنوه انا مش جايبك عشان اعيشك لبنتي كده بظلمك. 

لتنظر اليه وتقطب حبينها وتهتف... مش فاهمه

ليهتف.. يعني ماتقفليش نفسك علي بنتي اكيد الحياه فيها جزء يسعدك جنب وجود ملك مش هتقفلي نفسك علي بنتي وبس. 

لتنظر اليه بسخريه.. مش حضرتك اللي جبتني هنا عشان مايبقاش ليا حياه تانيه غير بنتك مش كتبت عليا من خوفك لاسيب بنتك وامشي اعيش حياتي انت بتغير كلامك ليه.. ومع ذلك حياه ايه اللي هدور عليها هنا مع مين وليه من اساسه.. يا داغر بيه انا سبق وقلتلك انا مش عايزه حاجه من الدنيا الا بنتك وبس فيا ريت ماتتعبنيش بكلام فاضي انا طول عمري قافله علي نفسي ومرتاحه ويوم ما فتحتها دخلت بنتك وقفلتها تاني.. انا لا عايزه حد ولا محتاجه حد. 

ليهتف بقوه.. عايزه تفهميني ان بنت زيك تعيش من غير حد في حياتها تحبه ويحبها. 

لتنظر اليه لتنفجر في الضحك ليهتف.. ايه ضحكتك اوي. 

لتهتف.. حب ايه يا باشا واحب ايه انت بتتكلم بجد.. لتضحك مش انت اللي قلتلي اوعي لحالك.. كذا مره وكان ناقص تحدفهالي في وشي..

 ليقطب جبينه ويهتف.... غنوه انا ماقصدتش حاجه انا كنت ب..

لتقاطعه.. والا تقصد يا داغر بيه انا متصالحه مع نفسي علي فكره وراضيه بدنيتي وعارفه اللي انا فيه ومش زعلانه ان مافيش حد هيرضي بحالتي عادي جدا بل مبسوطه جدا ان مفيش حد هيقرب مني وعشان كده اطمن بجد وماتفتحش الموضوع ده تاني حب ايه واحب ايه مش ليا ولا سكتي ولا هيحصل.. سيبني ويا ريت تنفذ اتفاقنا بحذافيره لاني ماليش حيل للمناهده.. واستدارت لتضع ملك وذهبت للحمام..

ليمسكها من يدها ويديرها.. علي فكره انت قمر..

لتنظر ليديه وتبتسم بسخريه.. طب يا سيدي شكرا وتدفع يده وتدخل الحمام..

ليقف هو متسمرا.. البت دي مجنونه ايه دماغها دي البت قمر وتقلك ماحدش هيرضي بيها.. ايه الزباله اللي راشقه في دماغها دي.. استغفر الله ودي يتعمل معاها ايه دا مركبه جزم الدنيا في دماغها..

ليذهب الي ابنته.. ويبتسم.. مش عايزه الا انت يا قمر وقافله حياتها عليكي هتفضل كده حد يعيش كده.. ليتنهد.. طب ايه.. الوابور اللي جوه ده سكته ايه..  .. قوم يا داغر قوم اتنيل روح شغلك قوم روح للتانيه خليها تعض في خلقتك عشان تكمل..

وقام وخرج وذهب الي حجرته ليغير ملابسه لتقابله زوجته.. ايه قضيت ليله معاها خلاص عملتها مراتك.. لم يرد عليها لتصرخ انا بكلم نفسي لتكون فاكره انها هتاخدك مني لا تفوق مش حته بتاعه زي دي تعمل راسها براسي والله ما هسكتلها. 

ليستدير بعد ان انهي ملابسه ليهتف.. بصي انا حذرتك انت حره ابعدي عنها.. مش هتهمدي اما يجرالك حاجه انا بحذرك تاني غنوه مش نسمه جربي بقه تغلي فيها.. واخر مره انا ماعادش عندي خلق لنكدك وساعتها مش هبقي علي اي عشره لاني تعبت. 

لتنهمر دموعها وتحتضنه ايه عايز تسيبني عشانها انا مراتك كده يا دودي اهون عليك.. 

ليتنهد يا بنتي انت اللي ماعتيش طايقه حاجه اهدي ماحدش بيطيق يعيش في مشاكل وانت عارفاني خلقي ضيق وماليش في المداديه.. يا ميساء انت اللي بتعملي كده في نفسك.. ربنا يهديكي.. انا رايح الشغل. 

لينزل ليجد الجميع جالسون ليهتف يلا يا مريم استعدي نروح الشغل..

 لتقفز بجد يا ابيه والنبي ربنا يخليك وتذهب اليه وتقبله وتصعد تغير ملابسها.

ليذهب ويقبل امه ويجلس بجوار غنوه التي تجلس تحتضن ملك صامته ليهتف.. انا خارج عايزه حاجه..

لتهتف باقتضاب شكرا كتر خيرك. 

ليتنهد ويهتف.. الحاجه زمانها جايه يا امي اتصرفي انت بقه وغنوه واللي تعوزوه كلموني. 

لتهتف امه تعيش وتجيب يا حبيبي ويجعلها قوضه الهنا ليك ولمراتك تنسعد بيها يا قلب امك.

لترتبك غنوه وتهز راسها باستنكار

ليهتف.. ادعيلي يا امي ربنا يهدي العاصي. 

لتنظر اليه غنوه بغضب لتهتف ناديه دعيالك يا قلبي والله. 

لتحضر مريم وتهتف انا جاهزه يلا يا ابيه. 

ليقوم ويقبل امه ويذهب الي ملك يقبلها في احضان غنوه ليدير راسه لتشعر بالحرج من قربه ليهمس لو عايزه حاجه كلميني لترتبك وتخفض عيونها ليبتسم  مش عايزه حاجه خالص.. لتتنهد ولا ترفع راسها.. ليهمس بس انا عايز وعايز ليقبل خدها ويهمس هتوحشني يا مز يا عسليه  ويرحل لتشعر بغضب من فعلته  ولكنها لم تفعل شيئا خوفا من ناديه التي يبدو عليها التعب.

ليمر الوقت وتاتي الحجره وينشغلو في رص الحجره كانت حجره رائعه لون العسل وجاهزه من كمالياتها وما انتهي الجميع لتدخل ناديه. القوضه قمر زيك يا حبيبتي. 

لتهتف.. غنوه كتير اوي يا طنط دا زمانها غاليه اوي. 

لتهتف ناديه.. بس يا بت جوزك يجبلك ويدفع بطلي طيبه. 

لتتنهد وتهتف طب هما جايبين سرير لملك ليه ماهي هتنام جنبي. 

لتهتف ناديه هيا مين يا قلبي اللي هتنام جنبك.. انت هبله عايزه تطفشي الواد.

لتهتف غنوه بعدم فهم واد مين مش فاهمه. 

لتضحك ناديه.. اكنك مش فاهمه طيب.. لتكمل.. السرير ملك لازم تتعود تبقي لوحدها من صغرها عشان لما تنفصل لوحدها ماتتعبوش انتو الاتنين ماينفعش تنيميها جنبك عشان ماترتبطش بيكي اوي.. لتتفهم غنوه..

لتهتف ناديه.. الله يرحمك يا نسمه بس ربنا عوض بنتها. 

لتتنهد غنوه نسمه.. الله يرحمها اتعذبت. 

لتهتف ناديه.. نسمه هيا اللي عذبت نفسها يا قلبي انت فاكره ايه دا بنتي داغر كان شايلها فوق راسه بس هيا اكتئبت وكانت حساسه وحاول كتير معاها واخر ايامها ما فارقهاش لدرجه ان ميساء كانت هتسيب البيت والله داغر اتعذب ميساء صعبه وقويه ونسمه انزوت وقفلت علي نفسها.. يلا الله يرحمهاوتتركها ناديه وهيا تفكر.. يعني ايه هو ماعذبهاش امال كانت مراته بتعمل كده من وراه وفضل جنبها.. طب ليه يا نسمه عملتي كده وسيبتي الدنيا ايه ماحستيش انه بيحبك اكيد.. يعني كان بيراعيها ووقف لمراته يعني مش وحش ولا عذبها لتلين قليلا من ناحيته .. يا ربي بقه متلخبطه فيه ايه لتقوم برص اشيائها والانشغال بتجهيز الحجره. 

دخلت مريم مع داغر  الي مكتبه ليدخل عليهم جمال مبتسما لهتف داغر بخبث مغيظا جمال.. بصي يا مريوَمه انا عندي هنا احسن ناس في البيزنس هديكي بقه تتدربي مع حد بريمو. 

لتهتف.. ربنا يخليك يا ابيه والله هكون عند حسن ظنك. 

ليهتف طيب ورفع وجهه لجمال شفتش اكرم. 

ليقطب جمال وجهه ويهتف. اكرم الشرقاوي. ماله عايزه ليه

ليهتف داغر..عايزه ناديله. 

ليهتف جمال ماعندك السكرتيره قلها تجيبه كت المرمطون بتاعك. 

ليهتف داغر طيب ورفع تليفونه وطلب من السكرتيره.. ناديلي اكرم قوليله عايزك عشان مريم اختي  تتدرب تحتك. 

ليهب جمال ويهتف بغضب... نعم يا روح امك. 

لتشهق مريم وتهتف.. ايه ده ماتحترم نفسك. 

ليهتف اقعدي انت علي جنب كده بتقول ايه يا امور قول تااني. 

ليضحك داغر ايه يابني مالك قلبت كده اكرم واد كويس وهيفيد مريم ماتخافش مش عشان صغير وروش مش هيدربها كويس لا دا واد بريمو في الشغل. 

لتهتف مريم.. خلاص يا ابيه كلمه نبدا. 

ليهب جمال.. بت انت اقعدي بعبطك ده وانت يا طور ماتلم نفسك بقه انا علي اخري. 

ليضحك داغر.. طيب طيب ايه مقلوب كده..

لينظر اليه بغضب داغر انا مابهزرش في الحاجات دي اتعدل

لتهتف مريم... انا مش فاهمه حاجه فيه ايه..

ليهتف داغر... مفيش يا مريومه.. فيه شياط هنعالجه. 

ليهتف جمال بغضب.. لا فيه خفه وسقاله... ليهتف بتحذير داغر. 

ليدخل عليهَ اكرم.. شاب صغير ووسيم وذو جسد رياضي ليهتف.. داغر باشا اؤمرني..

ليهب جمال ويهمس لداغر والله يا داغر لاطين عيشتك اتعدل خرج الواد لاقوم الزقك في الحيط . 

لتقوم مريم وتبتسم له وتهتف.. مستر. اكرم انا مريم اللي هدرب معاك..

لينظر اليها اكرم نظره اعجاب ويهتف.. دا انا اتشرف يا انسه والله. 

ليهتف جمال.. والله دا بقت مسخره.. ونظر الي داغر انت ناوي علي مصيبه صح. 

لتهتف مريم مصيبه ايه يا جمال مستر اكرم هيدربني فيه ايه. 

ليهتف. لا دا عند امه وقام وذهب الي اكرم خلاص يا اكرم  رجعنا في كلامنا علي مكتبك واستدار لداغر يمين بالله لاكون مطبق وش امك لو ماخرجتش الواد ده. 

ليضحك داغر. خلاص هتاكلني.. ليهتف.. طب يا مريم روحي مع جمال هيتصرف. 

لتهتف باستغراب. ليه ومستر اكرم. 

ليهتف جمال.. استغفر الله يلا يا بنتي انا علي اخري. 

ليهتف داغر.. خلاص يا مريومه نسيت اني محتاج اكرم دلوقتي

لياخذها معه ويذهب بها الي مكتبه ويهتف. بصي انت هتقعدي معايا في المكتب هنا.

لتهتف.. اقعد معاك ازاي مش هروح لاكرم بعدين.

ليهتف لا مش هتروحي لزفت انا اللي هدربك وهتقعدي جنبي هنا علي بال ماجبلك مكتب.

لتنظر اليه وتكشر وجهها.

ليهتف ايه مالك قلبتي كده ايه ماشبهش وكنتي فاتحه بقك علي اخره عجبك الزفت. 

لتهتف ايه كلامك ده وايه عجبني ماتنقي كلامك واه مش عايزه ابقي معاك مش هيعدي دقيقه الا اما نتخانق وشوف كلامك اهوه. 

ليتنهد  ويهدي نفسه ليسايرها.. طب ماحنا كنا بنتكلم عادي ولا اتخانقنا يوم ايه بس اللي قلبك. 

لتهتف... .  بغضب كلامك الزباله اللي قلبني انت دماغك فاكره ان البنات كلها قليله الادب انت حر بعلاقاتك انما لحد عندي وتلزم حدك. 

ليهتف....يا بنتي علاقات ايه وزفت علي دماغي بطلتها من يوم ما كلمتك. 

لتهتف... وانا مالي انت حر تعرف واحده عشره انت حر قل ادبك زي ما قلتلي براحتك بعيد عني..

ليبتسم ويقترب منعا.. لا اقل ادبي ايه بطلناها من زمان قله الادب ليها وقتها لما تيجي هتعرفي. 

لتهتف.. اعرف ايه انت عقلك خف انا اسيبك تقل ادبك معايا. 

ليضحَك ويهتف.. لا مالقمر ساعنها هيبقي مبسوط وانا هخليه مبسوط والله بس نوصل لهناك كده. 

لتنظر اليه ببلاهه ليهتف.. يا مريومه والله قلتلك ميت مره ماكنش قصدي والكلام طلع من غيظي ساعتها. 

لتتهتف بغضب.. وانا كل اما اغيظ سيادتك هتقلي يا رخيصه.. اسمع بقه عشان طالما هتقعد مع بعض تبطل كلامك ده والا اقول لابيه اروح لاكرم. 

ليقترب منها بغضب ويمسك يدها.. اكرم مين وزفت مين انت مش هتروحي لحد غيري. واياكي تنطقي لداغر بكلمه وان كان عالتدريب هنتزفت ياختي خلاص. 

لتهتف... هو ايه طريقه كلامك دي ماتتكلم عدل طالما مش طايق اوي كده ماتسيبني اروح ليه حتي من سني ونفهم بعض. 

لينظر اليها بغضب.. في سنك ليه شايفاني مركب طقم. مسخوطه في ابتدائى سيادتك وتفهمو بعض ليه ليكي عنده ايه. 

لتهتف.. لا بقه انت لا تحتمل انا راحه لاخويا والله ما قعدالك. 

ليهب ويمسكها ويهتف.. راحه فين انت اقعدي بلاش شغل عيال ايه كل شويه اخوكي اخوكي طب يا مريم ماتيجي نعمل هدنه نهدي كده ونحاول نرجع زي ما كنا ولو لقتيني اتكلمت والا قلت حاجه تزعلك ابقي اعملي مابدالك. 

لتتنهد وتهتف.. مش عارفه هتستفاد ايه من كل ده. 

ليقترب منها.. هستفاد قربك يا مريم انا عايز قربك. 

لترتبك وتخجل ليهتف.. والله سنه عذاب كفايه واوعدك اني مش هتعصب واحاول امسك لساني بس انت برضه تحاولي ماتعصبننيش. 

لتتنهد وتهتف طب نشتغل بقه ونشوف الكلام ده بعدين. 

ليبتسم ويهتف احلي شغل والله ليبتسم لما وصل اليه من تهدئه لها وانها لانت علي الاقل تقبل وجوده جنبها. 

عند غنوه كانت تجلس في حجرتها تداعب ملك لتدخل عليها ميساد وتقف امامها لتقطب غنوه جبينها لتهتف انت لتكوني فاكره انك تقدري تاخدي جوزي مني ماعتش الا انت يا فلاحه كان اللي قبلك قدرت. 

لترفع غنوه حاجبيها لتهتف.. ودا من ايه انت تعبتي فجاه لقيتي نفسك كده.. ربنا يشفيكي ياختي. 

لتنفعل ميساء.. انت يا بت انت اتكلمي عدل معايا. 

لتضحك غنوه.. وعايزاني اتكلم ازاي ياختي ماتعلميني يا جناب الدوقه يا سفيره النوايا الحسنه. يلا ابت من هنا..

لتصرخ مايسه انا بت.. ميسا يتقلها بت..

لتهتف غنوه بسخريه.. طب يلا يا ناشفه من هنا او صفرا انسب لظروفك وحالتك دانتي تقطعي القلب.

لتهتف ميسا..تصدقي مالكيش تخشي بيوت زي دي.. وانت هتعرفي منين واحده زيك ماصدقت تدخل بيت زي ده هتعرف منين. 

لتقف غنوه وتقترب منها وتهتف بقوه.. بيت ايه يام بيت دا بيت الامه وانا ماعرفش... انت عايزه ايه في ليلتك عشان انا خلقي ضيق وهتغابي عليكي. 

لتهتف ميساء.. علي نفسك. واعوز وقت مانا اعوز وانت تسمعي انا ست البيت ده وانت ولا حاجه داغر ماهيبصلكيش اساسا ماعتش الا الاشكال. دي ماتبصي لنفسك في المرايه واخده بشله في وشك  ايه القرف ده ماعرفش داغر ازاي خلاكي مراته دا حاجه تعر. 

لتقترب غنوه وقالت بغضب.. عارفه لو ماخرجتيش بره دلوقتي هعمل فيكي ايه. 

لتضحَك ميساء هتعملي ايه يعني.. اللي زيك مابيعملش حاجه هو هنا عشان ينفذ اللي اسياد البيت يقولوه..

لتبتسم غنوه تصدقي طلبتيها ونولتيها ودلوقتي هعرفك مين اسياد البيت وهجمت عليها و..(ايوه قسمي كده.. وشها شقيه خمسات وسبعاات 😂😂)

  •تابع الفصل التالي "رواية غنوة الداغر" اضغط على اسم الرواية