رواية نور الليل الفصل التاسع 9
آسفه يا ابني أصلها واخده العصبيه دي من أبوها الله يرحمه..
مهيمن: الله يرحمه.
نرمين: اقعد يا ابني عشان أجيب العشا ونتعشى سوا..
رنا بهمس لمامتها: هو هيتعشى معانا كمان؟!!
نرمين: أمال ايه؟..عيب يجي لحد هنا ومياكلش حاجه من عندنا..
رنا بضيق: وهو احنا قلناله يجي أصلا؟!
نرمين: اسكتي ليسمعك!
رنا: ما يسمع أنا مالي!
نرمين حطت الأكل على السفره..
مهيمن: الله يا خالتي..أنا بحب الفراخ جدا تسلم ايدك..
نرمين بفرحه: بجد يا ابني..رنا كمان بتحبهم..
مهيمن بص لرنا بتحدي وقال: بجد؟!
رنا بصوت خفيف: بالراحه شويه على معدتك الأكل مش هيطير.
مهيمن بابتسامه: انتي خايفه على معدتي ولا على الأكل؟
رنا بعصبيه: كل وانت ساكت!
مهيمن ضحك..
بعد الأكل..حضرت نرمين الشاي..
مهيمن: بصراحه يا خالتي أنا جاي عشان..سكت شويه وبص على رنا بخوف وكمل: عشان أخطب ايد الآنسه رنا لو وافقتي طبعا..
رنا بغضب: نعم يا خويا؟!!..عشان تخطبني هو انا أعرفك أصلا؟!
نرمين: رنا!!..يشرفنا طبعا يا ابني..بس ممكن تكلمنا عن نفسك شويه..
قعدت رنا على مضض وهي بتبصله بحقد وكإنها عايزه تق*تله وتشرب من دم*ه..
مهيمن بابتسامه: مهيمن العلاوي..عندي 28 سنه..كنت ظابط بس الظروف بقى خلتني أسيب شغلي..فلما اتوفى بابا الله يرحمه سابلي شركته..بس أنا مبحبش شغل الشركات والكلام ده ومليش فيه..عشان كده بعتها لابن عمي ليل العلاوي وبمر عليه من وقت للثاني وبشتغل كمان مع عمي ..مسؤول شؤون الدكاتره والمرضى..فنفس المستشفى اللي بتتشتغل فيها الانسه رنا..
نرمين بإعجاب: ماشاء الله.. ماشي يا ابني احنا موافقين..بس برضه لازم تجيب أهلك ونتكلم في التفاصيل..
رنا بصدمه: موافقين ايه يا ماما؟..هو انتي خدتي رأيي لسا؟!
نرمين بهدوء: اسكتي يابت انتي ملكيش رأي في الحجات دي أنا اللي عارفه مصلحتك..
مهيمن: أيوه يا حبيب..احم..أقصد يا رنا..مفيش حد هيحبلك الخير غير أمك..اسمعي كلامها أحسنلك وأنا يا خالتي عند حسن ظنك..هكون نعم الزوج والأب والأخ لرنا ومش هينقصها حاجه أبدا..والأسبوع الجاي ان شاء الله هجيب أهلي وبالمره نعمل الخطوبه ايه رأيك؟
نرمين بسعاده لبنتها: ماشي يا ابني ربنا يتمملكم على خير..
رنا همست لمهيمن بضيق: ماشي يا مهيمن..حسابي معاك بعدين يا حبيبي!!
ضحك باستمتاع: الله يبارك فيكي..يلا عن إذنكو أنا همشي..
نرمين: الله معاك يا ابني تصبح على خير..
____________________________________________
نور بخفوت: دي..دي أول مره أشوفه بيضحك..ياا..ضحكته حلوه أوي..
ليل: ايه؟..مكنتش أعرف ان ضحكتي جذابه كده..
نور بخجل: انت..
ليل قاطعها: عارف اني وقح!
نور: افتح في حد بيخبط على الباب..
فتح ليل ولقى الخدامه..
جيهان برسميه: اتفضل العشا يا بيه..
هز راسه ومسك الصينيه ودخلها جوه..
ليل: يلا مش هتتعشي؟
نور: لأ أنا هنام..قالت كده واترمت على السرير بتمثل النوم..
ليل: براحتك..
نور في نفسها: الله يخرب بيتك ويحرجك زي ما حرجتني..وحرمتني من اللقمه..
ليل: سامعك على فكره..
نور: ها؟!..انا قلت حاجه أصلا؟
ليل بدأ ياكل ويتلذذ بالأكل..
نور بضيق: اووف..ابعد عني ياليل أنا مش ناقصه.
قام وغسل ايديه..بعدها قفل الأنوار ونام جمبها...
بعد دقايق بتقوم نور وبتتسلل ناحية الأكل..ليل كتم ضحكته بعد ما حس بيها وفتح النور ولقاها بتاكل..
ليل: بتعملي ايه يا حراميه؟!
نور اتضايقت من كلامه: أنا مش حراميه!!
ليل: أمال ايه اللي بتعمليه ده؟
نور: بعمل ايه يعني..باكل سلامة الشوف..
ليل: تصدقي عندك حق..قال كده ولبس نظارات القرايه وكمل: بس لسا شايفك حراميه أهو..
نور: انت منمتش ليه؟..ولا كنت عارف اني هعمل كده..
ليل: صح..عشان كده سبتلك شويه لو ملاحظه..اتغطى وكمل: لما تاكلي بقى طفي النور عشان عاوز أنام..تعبان أوي!
نور بعصبيه من بروده ووقاحته:حاضر!..
بعد شويه خلصت وراحت تنام فسمعت صوت شخيره..
نور: يارب صبرك..هو طلع بيشخر كمان؟؟
____________________________________________
( في صباح يوم جديد )
ليل وبيقرب من السفره: صباح الخير يا بابا..
نادر بصدمه: صباح النور يا ابني..
بص نادر على نور باستغراب من تغيير ابنه المفاجئ..دي أول مره يقوله بابا من سنين أوي..
ليل: مالكم بتبصوا لبعضكم ليه؟..في حاجه؟
نادر: الأحمر حلو عليك يا ابني..
ليل: بجد..دي نور اللي اختارتهولي وغمز لها..
ابتسمت وكملت فطار..
نادر بخفوت وبفرحه: الحمد لله..
بعد مده..
ليل: يلا يا نور اتأخرنا على الشغل.
نور: لأ مش هروح..
ليل رفع حواجبه: ليه بقى؟
نور حاولت تعصبه: عشان مش حابه..
ضحك نادر من شقاوتها..
ليل: انت بتضحك على ايه يا بابا لتكون انت اللي قلتلها..
نادر: لأ يا ابني أنا مقلتش حاجه..
ليل: نور!!..مش ده واجبك وانتي الدكتوره بتاعتي؟!
نور: قلتلك مش جايه!!
ليل: ماشي يا نور انتي اللي جبتيه لنفسك..
قرب منها وحملها على كتفه..
نادر بصدمه وضحك: نزلها يا ليل!!
نور عضت ذراعه: نزلني يا ليل..مش عاوزه أروح..
ليل: آه يا بنت العضاضه..حطها في العربيه فبدآت تعيط..
ليل بقلق: بتعيطي ليه؟
نور افتكرت اللي عمله معاها في الشركه: انت هتعاملني وحش زي المره اللي فاتت..الموظفين كلهم قعدوا بيضحكوا عليا وانت السبب في ده كله..
ليل: انتي السبب يا طفله..حد قالك تجيبيلي الزفت شوكولاطه وانتي عارفه اني بكرهها..
وصلوا الشركه ودخلوا مكتب ليل..
بعد شويه دخل نفس الشاب اللي خبطته نور بالكافيتيريا وحط أوراق على مكتب ليل..
وقال بابتسامه: مدام نور..فرصه جميله اني شفتك تاني..
نور بابتسامه: شكرا لحضرتك كلك زوق..
ليل ضرب المكتب بايده: حيلك حيلك انت وهي..أجبلكم قهوه؟!
____________________________________________
رواية: نور الليل
الفصل:9
هات الأوراق دي يا استاذ علاء ودي آخر مره تكلم فيها مراتي..ولا أقولك..انت مطرود!!
بص عليه علاء بغل وطلع برا..
قفل ليل الباب من وراه وكلم نور بعصبيه: بتعرفي الحيو*ان ده منين؟!
نور بارتباك: أنا معرفوش
ليل بحده: بقولك شفتيه فين؟!
بلعت ريقها بخوف منه وهي بتدعي ربنا تطلع من المشكله دي بخير..
نور حكتله كل حاجه..
ليل: متأكده ان ده اللي حصل؟
نور: أقسم بالله ده اللي حصل!
قعد ليل واتنهد : الولد ده خطر عليكي..كان لازم أطرده ولو اني اتأخرت!!
نور بتوتر: ليه..هو وِحِش للدرجادي؟
ليل: جداً كمان وأحسنلك متعرفيش عنو حاجه..
قربت منه نور وابتسمت: بجد انت خايف عليا؟..ربنا يخليك ليا!
مسك ايديها واتكلم بعد ما غمض عيونه بتردد: نور..أنا بح..
اتفتح الباب بسرعه قبل ما يخلص كلامه وكانت رنا ووراها عناصر الأمن بيحاولو يمنعوها تدخل..
نور بصدمه: رنا؟!!
رنا بثقه وبعصبيه: اسكتي انتي يا نور..أنا هعرف أتكلم مع الحيو*ان ده كويس!!..انت ازاي تتجرأ يا أستاذ يا محترم انت تغصبها عالجواز..دي كثر خيرها انها وافقت تعالجك تقوم انت ترد الجميل بكده..بس وحياة أغلى حاجه عندي لخليك تطلقها حالا ولو موافقتش طريق المحاكم طويل وانت عارف!!
كان واقف متسمر مكانه من شدة جرأة البنت اللي قدامه..قرب منها بهدوء وعيونه بتطق شرار..أما نور فحطت ايدها على بقها من خوفها على صاحبتها من جوزها الوحش المتهور!!
ليل ببصه مرعبه: عيدي اللي قلتيه يا شاطره..معلش..مسمعتش حاجه..
رنا: بقولك طلقهااا!!
رفع ليل ايده عشان يضربها بس لقى ايد بتمنعه وكان مهيمن..
مهيمن بصدمه: ايه يا ليل اللي بتعمله ده؟..من امتا واحنا بنرفع ايدينا على ستات؟!
ليل: ملكش دعوه انت يا مهيمن..روح على مكتبك أحسن!!
مهيمن بسخريه: أروح مكتبي وأسيب خطيبتي عندك تضربها؟!..دي مش أخلاقي ياليل!!
نور وليل بنفس واحد: خطيبتك؟!!
بصت نور على رنا اللي نزلت وشها..
مهيمن: آه خطيبتي..واوعى ايدك عنها لقطعهالك..
نفض ليل ايده من على مهيمن واتكلم: ابقى لم خطيبتك وعلمها ازاي تتكلم مع اللي أكبر منها وتبعد عني وعن مراتي لحسن انسفها من الكوكب ده!!
قربت منه نور وشدته ناحيتها وقالت: كفايه يا ليل..مسمحلكش تكلم صحبتي بالشكل ده!!
ليل: هو انتي مسمعتيش كانت بتقول ايه..دي عاوزانا نتطلق!!
رنا : ايوه هتطلقها يا ليل وانا وانت والزمن طويل..
قرب منها ليل تاني..فخرجها مهيمن بسرعه وهو بيقول: كفايه بقى يا شيخه هو انتي مبتتهديش؟!!
رنا بمقاومه: سيبني..سيبني يا مهيمن مش ممكن اسيبها معاه لحظه واحده بس!
مهيمن رفعها على ذراعه وسط رفضها وتذمرها لخد ما دخلها عربيته...
________________________________________________
نور: خلاص بقى يا ليل هي مشيت وأنا هكلمها واقولها ان احنا مرتاحين مع بعض وهي هتسبنا أكيد..هي بتحبني وبتخاف عليا عشان كده عملت كل ده..صدقني ياليل رنا طيبه جدا وعايزه مصلحتي..
سكتت شويه وبدإت تضحك..
ليل بضيق: بتضحكي على ايه؟
نور: على منظرك..كان لازم اني أصورك..
ليل: اضحكي اضحكي..قرب منها وقال بحب: مش ممكن أسيب حد يبعدك عني ولا أي حد يقدر يبعدك عني غير ربنا!!
حمحمت بخجل بعدها طلعت من مكتبه..
________________________________________________
ابتسم مهيمن وهو بيسمع صوت زمجراتها الغضبانه وقال: عندي ليكي مفاجأه حلوه جدا..متأكد انها هتعجبك..
رنا بسعاده: مفاجأه؟!..مفاجإة ايه؟
مهيمن بغباء: مانا لو قلتلك مش هتبقى مفاجأه!
رنا: ماشي يا مهيمن هستنى مفيش مشكله..
وصلوا بعد شويه للشط..مهيمن: غمضي عيونك..
غمضت عينيها وسارت معاه لحد ما وصلوا لزاويه خاليه من الناس..
مهيمن بابتسامه: فتحي!!
فتحت عيونها ولقت المكان متزين بشموع وبالونات وفي طاوله بالنص عليها أكل..بصت على الرمله جمبيها ولقت مكتوب عليها بخط الإيد: " بحبك معشوقتي العنيده "
بصت بعدها لمهيمن بصدمه وفرحه وقالت: وأنا كمان بحبك يا مهيمن..معرفش امتا ولا إزاي..بس حبيتك من أول يوم التقينا فيه من أول لحظه..تعرف لما جيت خطبتني امبارح كنت هطير من الفرحه بس كان لازم أحافظ على صورتي الحاده قدامك..بس مقدرش اخبي حبي بعد كده..بحبك!!
مهيمن وبيبص لعيونها: وأنا بموت فيكي..
________________________________________________
•تابع الفصل التالي "رواية نور الليل" اضغط على اسم الرواية