رواية وحش روضته انثى الفصل التاسع 9
البارت التاسع..
كنا قد تركنا ليان ويوسف وقعد عقد قرانهم ليقترب منها بخبث ويهتف.. ايه اظن بقيتي بتاعتي حلالي يبقي مافيش لا عيب ولا حرام ولا عياط تاني..
لترتبك بشده.. ايه يا يوسف بطل كلامك ده بتكسف.. ارادت ان تشغله لتقول تعالي انا مجهزه بقه شويه اكل اصل هدي الرخمه ابنها عيان وسيباني بقالي اسبوع لايصه والبت سميه غلبتها اسبوع عشان تنام معايا اصلي بخاف بت بومه.. تعال يلا.
ليشدها اليه اكل ايه انت عقلك خف مش لما قلبي يشبع الاول..
لتضع يدها علي صدره لتهمس يوسف..
ليقول عيون يوسف وانت بتقوليها كده.. قمر يا قلبي لتبتسم بحب لييقول لا كده ماهستحملش ليشدها اليه لتحمر بشده ليتنهد ويهتف نفسي اعرف بتجيبي الاحمرار ده كله ازاي..
لتطرق بس بقه اوعي ابعد عيب..
ليحملها ويرفعها لتصرخ.. هو ايه اللي عيب بس.. واشدها يقبلها بشده حاولت ان تتملص منه الا انه شد عليها بشده لتستكين بين يديه واصبحت كالهلام لا تبابدله القبلات ولكنها تستجيب وتنتفض ليجن بها وقلبه سيخرج من رقتها ونعومتها واستجابتها العجيبه التي اهلكت قلبه لتأن بعد فتره لينزلها ويحتضنها بشده ويقول ايه ده يخرب بيتك كده دانتي ولعتي فيا يا شيخه.. كانت تدفس راسها في صدره من خجلها.. ليظل فتره ليتنهد.. ايه هتفضلي راشقه كده في حضني طب وانا هستحمل ازاي طيب.. لتبتعد مسرعه ليشدها اليه.. ايه ايه انت ماصدقتي.. لياخذها ويجلس ويجلسها علي قدمه ويأخذها في حضنه.. ليقول حاسه بايه...
لتتنهد.. حاسه اني طايره والدنيا بتضحكلي وانا مع حبيبي.. لتبتعد قليلا وتنظر اليه بحب انا بحبك اوي يا يوسف انت بقيت روحي انت كل حاجه ليا.. لتنساب دموعها.
ليتنهد واحس ان كل هذا فوق احتماله.. ليقول طب دموعك دي ليه..
لتنام في حضنه.. عشان حاسه بالامان يا قلبي انا بقالي سنين بخاف حاسه اني مش خايفه.. دايما عمي يقلي بطلي خوف ماكنتش بعرف. انما انا في حضنك مش خايفه ومبسوطه.. يوسف عارف لو مت دلوقتي هبقي مبسوطه لان قلبي اول مره مايتوجعش من الوحده.. عمي سبني وربنا عوضني بيك يا قلبي.. عارف اني استحاله اقعد لوحدي بس دلوقتي حاسه بنفسك حوالي وصوتك بيتردد جوايا دا صوتك بيجيلي في الحلم يا يوسف ويقلي انا امانك ودنيتك.. ربنا يخليك ليا بجد.. لو بعدت اموت والله لتشددعليه وتنام في حضنه..
ليقربها منه تلقائيا ويشدد عليها لتندس بين ضلوعه ليسرح هو في كلامها.. هو فيه ايه وليه كلامها ده.. هيا البت دي اكيد مش طبيعيه.. يعني حبتني ماشي ما الفجره بيحبو عادي انما ايه الرقه والبساطه دي.. انا هتجنن واستحاله تكون حد لمس شفايفها قبل كده مانا مش اهبل.. امال ايه ايه هموت. هيا ازاي كده حربايه بتتلون بالجمال والنقاء ده وكلامها اللي يمس القلب.. لا انت هتتجنن يا يوسف البت في حضنك واكيد اتلحست اه مانت هتموت وتاخدها وتتمتع بيها.. ايوه انت عقلك خف البت انت بس رغبتك فيها بقت زياده فبتصدق الشويتين اللي بتعملهم دول.. البت دي لازم تدخل بيتك في اسرع وقت كده خطر عليك نخلص من ام دي شغلانه بقه كان في حاله ويمسد علي ذراعها ليهتف طب ايه عاملالنا اكل ايه بقه..
لتهتف تعالي يلا وقاما وبدا هو يجلس ويمازحها والسعاده تشع منها كانت كالحوريه التي وجدت فارسها كان يطعمها ويداعبها وهو سعيد وقلبه يدق ليقوم بعد ذلك ويشغل الموسيقي وياخذها في احضانه.. لتستكين في هدوء وهو يدور بها كانت سعيده هائمه احست ان كل ذلك كثير عليها
لتهمس انا بحبك قوي وحاسه بسعاده انت طيب اوي حاسه اني ماستحقش كل ده(اه والله يا غلبانه 😭😭).
ليتنهد ويهتف انت اللي كتير علي اي حد يا ليان انت الجمال والدنيا الحجميله
لتنام في حضنه وقلبه مشتعل وعقله يغلي ... ايه يا بنت الجزمه هنفضل في الهم ده ماعتش قادر عايزك جوا هموت علي جسمك اخده واشبع بيه اعمل ايه اشيلها جوا طب ايه اجرب.. لينهر تفسه ماتتهب تعقل ايه خلاص محروم ستتات خد حق الواد الاول... ليهتف بس هموت كده في حضني وسايحه وجسمها مولع جتتي.. البت دي لازم تدخل سريري كفايه كده اعمل ايه عايزها جسمي مولع وهيا مالهاش حل اول مره يحصلي كده.. خد الفلوس ونام معاها خليها بتاعتك خلاص البت دي بتاعتك ماهتسيبهاش لحد تاني ولو طلبت فلوس هديها بس تفضل بتاعتي انا مش قادر استحمل اكتر من كده..
لتشده من توهانه وتهمس ايه سرحان في ايه اوعي يكون مش فيا ازعل.
لينظر اليها برغبه فاضحه ليهتف هيكون في مين غيرك يا قلبب يوسف دانت خدتي عقلي.
لتهمس بحب ايوه عشان ماتفكرش في حد تاني.
ليهمس ويقترب من وجهها.. حد تاني ايه بس دانتي لا قبلك ولا بعدك.
لتهتف بحب بجد يا يوسف عايزني وبتحبني اوي كده وانت يعني قابلت كتير.
ليهتف قابلت هوا مفيش مايتعدوش بعدك اساسا وعايزك كلمه قليله عالمطحنه االي دايره جوا وبحبك دي كلمه قليله.
لتهمس بحب وانا بعشقك يا قلب ليان..
ليقترب منها ويشدها يلصقها به ليقترب من وجهها ويهمس.. كتير قلبي يا بنت الايه ليقترب
ليهمس انت بقيتي متملكه يوسف كانت اصابعه تجوب وجهها. عنقها لتتوه هيا بلا وعي منها متعلقه بعيونه لينزل علي فتيها يتلمسهم بحب ولا يفعل الا ذلك لتتوه وقلبها سيخرج من مكانه وهيا قد ذابت وانتهت بين يديه ليحس بدنيا اخري احساس لم يشهده مع احد شعور حالم ورائع كانت تتمايل بين يديه ليرفعها بهدوء ويذهب لها الي الكنبه ليريحها ويتروي في اقتحامها احس انه سيجن ان لم ياخذها ليمد يده ويفك بلوزتها احس انه سيجن ان لم ياخذها بالداخل ويشبع جسده وبدا عنفه يذيد ليمد يده تحت بلوزتها لتنتفض فجاه وتشعر به لتتشنج وهو مغيب تماما سيجن لتبدا في الارتعاب وتحاول ان تبعده ليشدها اليه ويزيح يدها لتتشنج وتصرخ ليعود الي وعيه ليجدها تتشنح بين يديه ليتجلد وقلبه سينشق ويشدها اليه وهو ينهج وهيا مرعوبه ليهمس مسرعا اهدي اهدي خلاص كانت تحاول ان تبتعد ليهمس خلاص والله اسف ماقدرتش ليشدها اليه يعتصرها لعل جسده يهدا وقفل بلوزتها واحتضنها لتبدا هيا في الاسترخاء. هو يمسد عليها ولا ينطق كان يهدي نفسه مما حدث له..
ليهتف.. هتموت يا يوسف البت هتموتك انت والع ومحصور البت نار ايه ده في لحظه فورتك انت ماحصلش قبل كده لا خلاص هاتها بقه بسرعه ماعتش مستحمل يمين بالله لاكون واخدك ومريح قلبي وفوراتي دي.. اهدي خد فلوس الزفت وخدها بعدها هيبقي كل حاجه اتكشفت اديها قرشين. وارشقها في سريرك والله ماهتخرج منه شهر احسس واهيص يخربيتك انت مالميش حل تبقي بتاعتك تطلقها ما دي ماتقعدش علي ذمتك بس خلاص عيشها في الفلوس. تبقي بتاعتك.. نضفها ماتسيبهاش تتصرمح مع الرجاله ماهتحملش الا انها تبقي بتاعتي وبس جسمها ده بتاعي لجسمي وبس لايدي تشبع وتستكفي ولو اني حاسس اني مش هشبع منها دا نار ماقبلتش ست كده.. خلاص كده خد فلوس مازن وعرفها مقامها واكشف ورقك كله وعلي عينك يا تاجر عشان تعقل بقه وتطلعلي البت اللي هطحنها بجسمي اللي هيموت عليها خلاص تبقي الاول نخلص من الشبكه السوده دي ونخش علي شبكه العمر اهيص واتمتع.. ليان مالهاش زي.. تعقل بقه عشان لو روحها طلعت ماهسيبهاش راجل يلمسها. ليمسد علي جيدها. يضمها اليه
ليفيق لينصدم ليجد ليان نامت بين يديه وديعه بريئه تتنهد بحب كل حين واخر.. ليهتف.. ايه ده البت نامت.. هيا هبله والا ايه.. دا نايمه كانها في حضن ابوها.. ظل ينظر اليها بعض الوقت ومشاعره تطحن بداخله.. هيا حلوه كده ليه وبريئه اوي مش مصدق.. دي بتاعه رجاله.. ليمد يده ويتلمس شفتيها بنعومه.. ازاي دول كانو بين شفايفي حاجه بريئه لسه خام ماتعرفش كانو بيرتعشو وقفولي قلبي.. طب ايه كل ده تمثيل يا يوسف.. ليقطب جبينه ويهب ويدخلها الي الحجره ويضعها ويخرج بسرعه كان يطارده شئ سيوجعه ليخرج من الشقه تاركا وراءه حممه البركانيه تطارده..
ليدخل عربته ويتصاعد غضبه.. ايه ايه بقه.. بس بس هتجنن.. اهدي يا يوسف اهدي دانت يوسف صفوان.. قلبك ده حجر مش هيتاثر بحاجه.. دانت بتغير فيهم زي جزمك مفيش واحده تستحق تبصلها لا وخصوصا دي.. بطل هبل وشوف حالك ومشي اللي في دماغك.. مش الوسخه دي اللي هتقلبلك حالك بدل ماتقلبلها حالها.. اهدي يا يوسف.. انت استحاله تتاثر.. اهدي ودوس واخلص من القرف ده.. منك لله يا مازن عالغرزه الزفت اللي شقلبت حالي..(مانت اللي بقره نعملك ايه 😏😏)
مرت الايام وهو يغرقها بحبه ودلاله لتصل هيا معه لدرجه من العشق اصابت عقلها واصبحت مغيبه تسير ورائه لياتي يوم ويهتف..عاملك نفاحاه هتفرحك
لتبتسم بحالميه صحيح يا قلب ليا.. بس هفرح اكتر من كده ايه كده قلبي هيقف.
ليشدها .. بعد الشر اوعي تقولي كده..
ليهتف في الفيلا مستنيكي لياخذها ويذهب بها الي الفيلا ليجد احد المصورين وبعض الديكورات واللبس ليهتف عايز اتصور نع القمر عشان تبقي ذكري في بيتنا..
لتصرخ من السعاده وتحتضنه ليقبلها كان فرحا بما يفعله كان يريد فعلا ان يسعدها رغم فجورها كان سعادتها تسعد قلبه. ليبدا في البس والاستعداد لتصوير السيشن وهيا تلف حوله كالحوريه ليلتقط لهم المصور صورا في اوضاع كثيره والسعاده تشع منهم وقلبها سيجن من سعادتها وهو يشاكسها
ليمر الوقت وهيا تنظر اليه لا تحيد نظرها عنه كانها تلبسها ليرتبك وقلبه ينبض ليهتف بتبصيلي كده ليه..
لتمسك يده وتضعها علي شفتيها ليهتز بداخله لتهتف.. انت جنه يا يوسف.. انت ازاي كده انا قلبي ماعادش فيه مكان للسعاده انا حاسه انه حلم خايفه اقوم مالاقكش فيه..
لينظر اليها وقلبه سيخرج من مكانه فلم يعد قادرا ليشدها اليه ويهمس.. قلبي القمر كنت عايز طلب صغنن بس وحياه الغالين توافقي...
لتقول.. اخص عليك انت بس تؤمر يا قلبي..
ليشدها اليه ويقول.. عايز اتجوز وحياه النبي توافقي انا كده جبت جاز.
لتضحك وتهتف بس بقه عيب كده
ليقول عيب هو ايه اللي عيب.. عايز اتنيل اتجوز لاما هاخدك واخطفك وانت حره بقه والله ماهعتقك.. والنبي يا ليان انا تعبت بعاد..
لتهمس ازاي وعمي بس ماكملش سنه..
ليقول طب نعملها عالضيق انا َانت وحبايبك وخلاص وتلبسيلي فستان قمر كده والفيلا خلصت يا عمري تنوريها.. لترتبك ولا تعرف ماذا تقول ليشدها اليه ويهتف.. حبيبي ماله كده وافقي يا عمري دا هيبقي اسعد يوم عندي..
لتطرق وتقول.. طب اللي تشوفه.. ليحملها علي الفور ويدور بها وهيا تضحك بسعاده وحب.. ليقول والله هتبقي احلي عروسه.
لتبتسم وتمسك وجهه بحب وانت هتبقي احلي عريس..
ليشدها اليه كانت مشتعله بين يديه وهو يحاول ان يتعمق لعلها تستجيب له استجابه من داخلها لاقتناعه ان بداخله تلك الماجنه ولكن استجابتها كانت بريئه لم تخرج منها الا ببساطه وخجل ونفس الاحساس بارتعاشها لم يتغير ليبعدها ويشدها لحضنه وهو ينهج بشده اراد ضربها او خبط راسها بالحائط فاين تلك الوقحه التي تترمي عالرجال.. لماذا لا تخرج لتعطيه مايريد الي متي سيتحمل تمثيلها كل تلك البراءه.. ليتجلد ويشدد عليها والغضب يحرقه فهيا تطحنه من الداخل.. ليهمس بانفعال.. خلال اسبوع تكون كل حاجه خلصت..
لتشهق وتبتعد.. لا يا يوسف مش هنلحق..
ليهتف باصرار هو اسبوع انا ماعتش مستحمل كفايه عليا مده كان يتكلم بجديه.
لتقطب حبينها.. مالك يا يوسف فيه حاجه..
ليرتبك.. هاه لا بس فعلا مش قادر يا حبيبتي عايزك معايا..
لتتنهد وتقول حاضر يا حبيبي انا ليا مين غيرك يا قلبي.. دانت بس تطلب وانا اكون تحت امرك..
طل ينظر اليها.. لينفعل ويشدها اليه ويهتف. اسكتي بقه والنبي لتستعجب من انفعاله وتنام علي صدره.. ظل يتحكم في نفسه كان يريد ان يصرخ بها لتكف عما تفعل لعدم قدرته علي الاحتمال.. كم هذا الخداع وكم هذه القذاره التي تخفيها من اجل ماذا فهي انثي رائعه لو طلبت اي رجل سياتيها ملبيا لماذا تتشح بالفحشاد وتنغرز في الرذيله.. كان سيجن من كثره التفكير.
ليهتف فجاه.. هو ابن عمك مش جاي الفرح..
لترتبك ويلاحظ ارتباكها.. لتقول.. هشوف انت عارف ان بينا مشاكل بس هكلم انكل علي جايز يعرف يقنعه مازن صعب اوي بس انا ناويه اخليه ينسي كل حاجه.. وعارفه اني هخليه يرجع ابن عمي تاني.. بعد اما نتجوز هاخدك ونروحله وتتعرف عليه يا قلبي..
لينظر اليها بخبث.. اه اتعرف عليه امال.. دانا اتمني بس نتجوز واقف انا وانت وهو قدام بعض دا هتبقي ليله وضحك وشدها اليه لتحتضنه فهيا لم تفهم شئ ولم تلاحظ نبرات السخريه التي كانت تخرج من فمه..
لتمر الايام وسميه تساعدها لتكلم المحامي علي لتخبره واذا بها تقول.. طب يا عمو معلش والنبي هو مازن لو كلمته هايجي دا ابن عمي وانا برضه لحمه ماعتقدش يعني انه هيسيبني..
ليهتف علي بلاش يا ليان ممكن يعمل مشكله ويقف ليوسف والفرح يقلب غم.. افرحي يا بنتي..
لتهمس طب يا عمو انا والله كده خلاص الحمل عليا كبير انا هتجوز واديله حاجته ورحمه عمي توافق مش هنستني كفايه كده دا ماله وحاله واكيد هيعقل ويخاف عليه..
ليهتف علي. والله يا بنتي عارف انك تعبانه بس دي وصيه.
لتهتف معلش يا عمي انا هقعد معاه واكلمه وانت موجود اهوه وكلنا هنقف جنبه.. حضر الورق عشان امضيه ونخلصه ولما ارجع ابقي اخد يوسف واروحله يتعرف عليه بص انا هجيلك امضي عل كل حاجه وهعملها لمازن هديه جوازي عشان يقرب من يوسف ويوسف يعرف اني مش لوحدي..
ليهتف علي ربنا يكملك بعقلك يا حبيبتي ويسعدك انت ملاك والله ماحدش في طيبه قلبك ويجعل يوسف راجلك وسندك..
لتبتسم.. يوسف.. يوسف ده هديه ربنا ليا انا مش عارفه عملت ايه حلو عشان استحقه.. دانا هعيش طول عمري تحت رجليه من اللي بيعملهولي ربنا يخليه يا رب..(اه اوماالل ياحزينه 😎😎) لتنتهي المكالمه وهيا تتمني الخير من قلبها علي امل ان تعيش مع حبيبها سعاده طول العمر.
لتمر الايام وتنخرط سميه معها في تجهيزات الفرح ومعهم جمال لا يفارقهم ابدا فكانو ثلاثي رائع اتنين محبين واخت لهما يعشقانها.. فكانت ليان طيبه القلب وهما نعما الصديقين ليتشجعا ايضا ويحددا موعد زفافهما ايضا لتعم الفرحه لتخرج الفتاتان في يوم واحد وياخذ كل حبيب حبيبه ليتجمع الكل في تجمع اسري دافئ والكل في سعاده والفتاتان تخرجان وكان قلبهما متعلقان كل مع حبيبه لينصعق يوسف من ملائكيه زوجته فكانت زوجته تشع نورا وجمالا كانت كفراشه حالمه ليذهب اليها مغيبا ويقبلها بهيام كان قلبه يرجف من جمالها.
اما سميه فكانت مرحه ومشاكسه وكانت تشاكس جمال فهيا ليست كليان هيا شخصيه مرحه وقويه الي حد ما وجمال طيب وحنون ويعشقها ليذهب اليها ويقبلها ايضا ليخرج كل مع حبيبه كان الفرح في بيت سميه وكان الكل من فرط السعاده يتمنيان الا يخرجا من هذا الشعور ليقوم كل حبيب ياخذ حبيبه ليذهب سميه وجمال الي شقتهم ليبدا حياه المحبين وتذهب ليان مع يوسف الي الفيلا علي امل ان تنعم معه دنيتها الجديده.
كانت براقه سعيده خجوله قلبها من فرط سعادتها به لا تنطق ووجهها يشع نارا لتصبح متورده ويشع وجهها جمالاويوسف يتحكم في نفسه لا يعلم ماذا حدث له..دخلا الفيلا ليحملها بين يديه وقلبه يرجف.. لتحاوطه بيديها ويصعد بها الي حجرتهم.. ليضعها وينظر اليها ظل ينظر لا يعرف كيف سيفعل بها ما سيفعله.. كان هناك شيئا يدفعه للخلف ولكن عندما يتمكن الشيطان من الانسان بفعل ما بخه شيطان الانس بداخله.. كان سهل عليه الغدر ونزع قلب من لا يستحق ان يلمس من الاساس.. كان يوسف منفعلا يريدها بشده ويريد ذلك الجمال ولكن شخصيته علي مر السنين تدفعه دفعا ليكمل ما بدا..
لتدخل الحجره خجوله لينزلها ويظل ساهما فيها وجمالها لتهتف.. يوسف.. حبيبي اخيرا بقينا مع بعض.. لتحتضنه بقوه وتضع راسها علي صدره لتسمع دقات قلبه ستخرج من مكانها لتبتسم.. عارف يا قلبي حاسه بقلبك بيدق جوايا.. انا مش عارفه ازاي ربنا اداني نعمه كده.. انت نعمه ربنا ليا يا يوسف.. انت الامان اللي هنام علي صدره.. انت حبيبي وابويا واخويا.. اخيرا يا قلبي هبطل اخاف.. ما حبيبي جنبي ومحاوطني.. لترفع عينيها وهيا ممتلئه بالدموع.. انا حاسه اني طايره يا قلبي ومش مصدقه اني هعيش في سعاده كده واو عدك اني هسعدك واعيش عشانك مانت قلبي اللي بيدق ولو ما دقش يبقي انت مش موجود ربنا يخليك ليا..بس اقولك انت خلاص من هنا ورايح بتاعي انا بس ومفيش حد تاني في دنيتك انا كل حياتك.. انا وانت وبس يا قلبي.
احس بقبضه في قلبه وهو يري دموعها وكلماتها الصادقه لينزل غصب عنه ليلتهم شفتيها بحب شديد لا يعلم ما اللذي حدث له كان يعتصرها بقوه ولاول مره يحس بالخوف لا يعلم ما الذي حدث له.. كانت هائمه بين يديه وهو يفعل بها مايريد لينهره عقله.. اخرج من اللي انت فيه اخرج اعقل بقه انت وصلت خلاص خد بقه اللي عايزه وارميها.. اجمد انت جرالك ايه امال بترسم ده كله ليه.. البت فكراك بقيت بتاعها ايه افتكرت انها طوعتك وخدتك تحت رجلها.. وانت اهبل بقه وهيا عملت الشويتين دول.. لا ماعاش ولا كان اللي تطوع يوسف صفوان.. اجمد وابعد وكمل عليها بقه واخرج من اللي دخلت فيه.. دي مش سكتك من اساسه.. ليهتف قلبه بس انا مش عايز اسيبها هموت عليها هيا عامله كده ليه.. دي استحاله تكون بالوساخه دي. دي بريئه وناعمه وراقيه وقلبها بيدق حاسس اني هموت عليها.. لينهره عقله.. بطل زفت وفوق جسمها عندك اهوه اغرز غرزتك وخد منها االي يشبعك ماهي هتبقي تحت طوعك ما هتنطقش. جايز تخرجلك ساعتها البت الشمال اللي جواها تبسطك بدل الملاك اللي عملهولي ده وقاهر قلبي.. اهدي وابعد.. ليان لازم تاخد اللي تستحقه..ليان نهشت قلوب ناس كتير تستحق تنهش قلبها وتخلعه ليجاهد نفسه ويبتعد ويهمس.. حبيبتي غيري وانا هجيلك كمان شويه..
لتبتسم بحب وتقترب منه وتحتضنه هتوحشني والله لتهتف انا بحبك قوي يا يوسف..
ليشدد عليها كان يشعر. بقهر ولسع في جسده لا يريد ان يبتعد ليتنهد وانا كمان يا قلبي.
لتهمس بحد يا يوسف ولا عمرك هتسبني ابدا ولا تزعلني(ابدا ابداااااا ربنا مايجيب زعل 🙄🙄🙄)
ليتجلد انا اقدر اسيبك دانت روحي.
لتتعلق به وانت قلبي من جوا عايزه ادخلك جوايا واقفل عليك عارف الامان اللي بحس بيه معاك حاجه تخليني اسجد لربنا العمر كله.. انا كنت بترعب يا يوسف انت جيت داويت كل ده..
ليحملها ويذهب ويجلس بها كان يريد ان يبتعد ولكنه لم يقوي احس انه ما ان يخرج من الحجره ستخرج روحه.
لتضع يدها علي صدره وتداعبه بحب لتهتف.. انت حد طيب وجميل انت ازاي كده انت ملاك يا يوسف خايفه في يوم ازعلك والا تغضب مني ساعتها اموت روحي لانك روحي
ليضغط علي جسدها واحس بانفاسه ستخرج منه. لتقوم وتنزل علي قدمها وتمسك يده وتنام علي قدمه.. هتفضل حبيبى لو عدت الدنيا هتفضل حبيبي كان يمسد يده لا شعوريا ودخل في خاله من الهيام وهيا تسترسل.. انت تستحق اعيش تحت رجلك احب فيك وادلعك انت اديتني امان الدنيا لترفع عيونها وتترقرق الدموع وانا عهد عليا اديك فوق قلبي اديك عمري ليمد يده يمسك وحهها كان منظرها يخلع قلبه ترمع علي قدمها وتنظر اليه بعشق صارخ لتقول اخيرا هرضي باي حاجه منك. طول مانت في دنيتي لتضع يدها علي يديه قلبي بيدق ومش مصدقه والله انا مش متحمله حبي ده لتقوم مندفعه وتحتضنه وتجلس علي قدمه
لينشق قلبه من هول ما فيه ويعتصرها بقوه ورعب كان يحس ان هناك شيئا خاطئا ولكن عقله لا يكف ينهره.. .. كفايه بقه انت ايه كفايه انت ازاي كده بطلي يا شيخه انت اللي زيك مايقلش كده فاكراني ايه اهبل..(لا العفو😁😁😁)
لتهمس انا ماعتش عايزه حاجه من الدنيا لترفع عيونها وتضع يدها علي وجهه انا ماعدش عايزه الا انت وبس اسعدك وبس احطك في عيوني وبس احطك في قلبي وبس..
ليحس بقلبه سينخلع لينزل عليها ويتوه معها لفتره هيا بين يديه حالمه محبه ليتجلد ويبعدها ويحتضنها بشده معتصرا اياها.. قوم قوم سيبها سيبها وقوم نفذ بقه بطل انت اتهبلت تجيب فلوس الواد وبعدين تاخد جسمها.. ليهتف قلبه مش قادر مش قادر ابعد مش قادر اخرجها من حضني حاسس اني انشليت.. ليهتف.. قوم واتزفت خلاص كفايه كده خطر عليك قوم واتزفت..البت اسطي هتركعك ياهبل.. قوم افرد طولك واخلع قلبها قوم بلاش قرف دي تبقي مراتك الوسخه دي قوم اتعدل وارجع يوسف صفوان. ايه هتبقي ابوك وتنذل لدي قوم. ليبتعد ويقبلها ويهتف غيري يا قلبي وشويه وهجيلك ويتركها ويرحل..
َلتذهب هيا لتغير ملببسها وتجلس علي السرير قلبها يرجف منتظره حبيبها وتتمتم ادعيه صلاح الحال وهيا لا تعلم ما الذي ينتظرها من جحود وسواد قلوب اعمتهم قذارتهم عن رؤيه كل ما هو ملاك وجميل عجزو عن الوصل الي جمال ليان وطيبه قلبها كونهم لا يعلمون عن الطيبه والنضافه وزيد فوقهم الشرف شيئا. لنري ماذا سيحدث لجميلتنا..( اسيبكو بقه واروح انط في الروبه الفصل الجاي يا مُرااااي😭😭😭😭😭😭😭قلبي يامه😓😓😓)
•تابع الفصل التالي "رواية وحش روضته انثى" اضغط على اسم الرواية