رواية وجع القلب الفصل الرابع عشر 14 - بقلم شروق مصطفى
هي كانت متوقفه اخر الممر المؤدي لغرفه الاجتماعاات تقوم بتصوير العقد الجديد بعد التوقيع لتوزيعه عليهم قبل المغادره
هو ذهب اليها ووقف لحين ما انتبهت بوجوده نظر اليها نظره 🙄
وحرك يده لها وقال لها بتحذير : اوعي تنسي الكلام ال قولتهولك سلام
وترك المكان باكمله
مايا ملحقتش تتكلم كان مشي اصلا
رجعت تكمل عملها وخلصته
كان حسام بيودع حمزه
حسام: استني مايا خلصت اتفضل نسخه من العقد
حمزه :تمام مبروك علينا كلنا وفاتحه خير علينا باذن الله يلا انا حمشي انا بقا اشوف ال ورايا مع السلامه ا/مايا حشوفك قريب الفرح
مايا: ان شاء الله
مع السلامه شرفتنا
حسام: مع السلامه
: سلام
رجع حسام ينظر لمايا : مبروك علينا الصفقه الجديده
مايا ردت بهدوء جدا: الله يبارك فيك وفاتحه خير علينا
حسام:مالك يا مايا فيكي ايه صوتك وشكلك مش مريحني
مايا : طيب ممكن لما نقابل نيرمين قبل مانروح المعرض
حسام: ماشي يكون احسن برده بنات مع بعض لكن لو فيه مشكله قوليلي انا موجود جانبك
يلابينا جهزي نفسك واسبقيني
مايا : حاضر
جهزت نفسها ومشو مع بعض
وطول الطريق مايا منطقتش ولا كلمه وسرحانه
حسام : انتي مش مايا خالص نفسي افهم مالك
يابنتي انتي يابنتي يا مايااااه
مايا انتبهت: ها نعم بتقول حاجه
حسام: لا ولا حاجه الموضوع مايتسكتش عليه
مايا رجعت تاني تنظر ناحيه الاخري
خايفه ترجع تعيش نفس ال عاشته قبل كده من رعب وخوف
حسام اول مره يشوفها كده متعود علي هزارها وكلامها و مقالبها
خلاص وصلنا مسك التليفون: انزلي يلا احنا تحت
شويه ونيرمين نزلت وهي بتركب مبطلتش كلام : ايها القوم وحشتووني اوووي اوووي بقالي ٣ ايام مشوفتكوش يلا بقا نجيب العربيه ونتفسح و *سكتت لما لاقت الجو هادئ وهي المتكلمه الوحيده حتي مسلموش عليها*
:ايه ده مالكم
حسام رجع راسه لورا: هس🤫 صاحبتك عندها مشكله
مايا اتكلمت : ازيك يا نيمو عامله ايه
نيرمين بتكلم حسام بنظرات العيون من غير كلام بتشاور بعنيها علي مايا مالها رد هو مش عارف
نيرمين ردت ع مايا: الحمدلله ياقلبي مالك يا مايا في مشكله بخصوص العربيه
حسام رد: لا الراجل لسه قافل معايا كله جاهز علي التسليم بس انا قولتله حنتاخر شويه كده
نقعدو فمكان تكلمو فيه في هدوء كده ولو احتاجتوني كلموني انا حبقا جنب منكو
نيرمين : طيب ماشي انا عارفه مايا مش بتطلع ال جواها بسهوله كده
ان شاء الله خير
وصلهم الكافيه : انا حعمل مكالمه وحركن عربيه تكونو اتكلمتو ورني عليا اجيلكو
نيرمين ردت :ماشي
ودخلو كافيه واختارو ركن هادئ وقعدو وطلبو مشروب
مايا منطقتش ساكته
نيرمين اتكلمت :مايا مالك ايه ده انتي بتعيطي ليه فيه ايه طيب اهدي طيب
مايا عنيها دمعت فقط مسحت دمعتها : انا كويسه
نيرمين: متقلقنيش عليكي حاجه تعباكي طيب
مايا:لا
نيرمين: طيب مالك
انتي من ساعه ما بعدتي مره واحده وانتي مبقتيش زي الاول هو اه بنهزر ونضحك ونعمل مقالب لكن مش بتحكيلي وتفضفضي زي الاول وانا سايباكي براحتك مش عاوزه اضغط عليكي بس اتكلمي يا مايا خرجي ال جواكي حتي لو حتعيطي اتكلمي
المهم تطلعي ال جواكي
مايا: انا محتاجه فعلا اتكلم مع حد بس مش عارفه ابدا منين
نيرمين: اتكلمي وابداي من اي حته بس اتكلمي وخرجي ال جواكي يابنتي
اخدت نفس طويل وطلعته واتنهدت واتكلمت:
في واحد بيطاردني ومش سايبني فحالي
نيرمين اتصدمت😲: ايه بيطاردك بيطاردك ازاي يعني
مايا :فاكره لما كلمتك اول مره وقولتلك ان عندي كعبله فحياتي حبقا احكيلك لما اشوفك
نيرمين: اه فاكره منا لسه بقولك انتي من ساعه ما باعدي ورجعنا ومبقناش زي الاول مش بتحكيلي زي الاول وانا احترمت رغبتك وسيبتك براحتك قولت وقت ماتحبي تتكلمي حتيجي
مايا: في الوقت ده ظهر شخص فحياتي صدفه وانا مكنش عندي القابليه اني اعرف حد وارتبط واعيش حياتي
طاقتي خلصت في الحزن وقتها مكنش عندي حتي مقدره اني اطلع كلام واتكلم وافتح قلبي لاي حد فرفضه طبعا
بعدها بيوم او يومين مش فاكره بظبط لكن فاكره كل كلمه قالها ومستحيل انساها
*مايا دمعت وهي بتحكي*
كنت واقفه ع البحر لقيته جالي وشدني من ايدي وبيتكلم بصوت عالي جدا وقالي
انتي مرخصه نفسك ليه مش حيرجعلك تاني ! وكلام غريب كده
اليوم ده ضربته بالقلم ومشيت بعيد عنه خفت منه اووي
نيرمين بتسمعها ومش مصدقه : بجد
مايا : اه والله انتي ماتعرفيش لسه ال حصل بعد كده
نيرمين :وايه حصل اكتر من كده ده شكله مجنون اصلا طيب كملي كملي
مايا اتنهدت : رجعت البيت لاقيت ماما بتقولي جايلي عريس مجاش فبالي ان يكون هو استبعده تماما
انا كان ردي علي ماما : لا
اصلا انا مكنتش مهيئه ولا نفسيتي تسمح وكنت عاوزه اكون لوحدي فقط الفتره دي
وتاني يوم كان صادمه بنسبه ليا 🙈 يابنتي دخلت البيت لاقيته هو العريس انا تنحت اصلا وماما سابتنا علي اساس بقا نتكلم ونتعارف لو فيه قبول طيبه اوي امي نفسها تفرح بيا
المهم شدينا اكتر وقالي كلام يوجع اكتر
نيرمين بفضول: يعني قالك ايه
مايا :قالي ((انتي لما تروحي تعيطيله ال بتكلميه ده حيرجعلك تاني انتي بتحلمي)) فصل ٨ ده
نيرمين غريبه اوي جملته دي
طيب وبعدين كملي حنرجع للنقطه دي تاني* ١
ووصلتو لفين بعد كده
مايا: كل مقابلاتنا شد وخلاف واعصاب
وماما حاولت اقولها انه بيتكلم وحش عليا
محاولتش حتي تسمع هو بيقول ايه
كان ردها انه لوسمع كلام وحش عليا مكنش جا واتقدم وصمم يتجوزني*
نيرمين: الصراحه برده مامتك عندها حق
يعني لو عريس اتقدم لواحده ولما سأل عليها لاقاها اخلاقاها مش كويسه
حيصمم عليها ليه ويتجوزها برده كملي مش قادره افهمه برده لسه *نقطه ٢
مايا :شوفي انتي قولتي ايه مش فاهماه طيب انا اعمل ايه
نيرمين : وبعدين كملي وحنرجع للنقطه دي برده بس اكمل الصوره كامله في دماغي الاول
*اخر يوم شوفته فيه*
ماما صممت عليه جدا وشايفه انه مناسب واخويا معندوش مانع طبعا
ومحدش حتي عطاني فرصه انه يسمعني انه شكاك وعصبي ومكلم عليا كلام وحش
كانت نفسيتي كانت في الدمار اصلا وكنت قاطعه الاكل
كنت فحاله صعبه جدا
مابين استسلم واوفق وارضي به واني اقف فوشه وماستسلمش
واخد القرار
الصبح قبل ماتتكلمي معايا
لاقيته اتصل رقم غريب طنشت لما صمم فتحت كان هو طلعت كل جوايا غيز فيه وقفلت فوشه
نيرمين: يا شجاعتك وعمل ايه كل ده محكتليش وساكته ياقلبك
مايا: سيبت تليفوني وطلعت بره لاقيت ماما بتديني تليفونها
ولسه بقول الو 🗣
لاقيت ال بيزعق جامد اوي وبيستحلف ومنزلش من البيت لحد ماهو يجي وحجات من دي
كان معايشني فرعب والله ده غير اما بيزعق
انتي عارفاني بس لو حد كلمني بصوت عالي بس انا بعمل ايه بعدها قولي انتي؟
نيرمين :ياخبر انتي كنتي بتنهاري من العياط لو حد شخط فيكي بس
مايا : شوفتي هو كان معايشني فحاله رعب ازاي انا مش عارفه بيعمل ليه كده
ويومها كلمتيني واتفقت معاكي وخلاص
فهمت ماما اني فكرت وحقابله عشان ترضي تخليني انزل بس
اتحججت يومها ل ماما حشتري حجات عشان توافق انزل
نيرمين🤭 ونزلتي
اه نزلت وياريتني مانزلت
((وحكت ال حصل كله واختفاءه لحد ما ظهر انهارده))
وقابلته انهارده في الاجتماع
هو صاحب المناقصه الجديده
نيرمين :اممممممم وبعدين كملي حنرجع نقطه دي*٣
نيرمين:
كده يبقا مسابكيش عشان يرجع تاني ده مديلك مهله او مساحه فقط لنفسك
عمل حاجه انهارده ؟
مايا : طبعا ولسه زي ماهو شاكك فيا وف سلوكي وشاكك فحسام ومش طيقه اصلا واني ابعد عنه
نيرمين :مايا انا كده فهمت الصوره كامله حسالك انا بقا النقط ال وقفت فيها لحد ما افهم الحكايه من اولها
مايا :اسألي
نيرمين:
اول نقطه الفتره ال كنتي لوحدك فيها
انتي ماتعرفتيش علي حد او كنتي تعرفي حد وكلمتيه و عاتبتيه مثلا بعشم
مايا: يابنتي هو انتي تعرفي عني حاجه كده برده
انتي عرفاني كويس اصلا
انا مبعترفش بالعلاقات الهوائيه من غير ارتباط رسمي
نيرمين :طيب امال هو عرف منين انك بتتكلمي حد وبتعيطيله وعاوزاه يرجعلك الله ماتجننيش انتي وهو 😂
نيرمين بتفكر بصوت عالي :طيب يعني انتي مكنتيش بتكلمي حد خالص كده وبتعيطي انه يرجعلك
وهو مصمم انك تعرفي حد فزورتي🙊
مايا جا علي بالها حاجه غريبه جدا مكنتش تتوقع ابدا ولا خطر ع بالها
: هو في حاجه كده انا كنت بعملها يعني مع نفسي لما بقعد لوحدي
نيرمين : حاجه حاجه ايه قولي احنا مستنين معجزه يابنتي
مايا محرجه تقول لانها حاجه خاصه لنفسها مش عاوزه حد يعرفها : يعني انا انا كنت بمسك تليفوني وافتح مسجل بصوت بابا و
وافضل اتكلم معاه وارد عليه وبعد مايخلص مسجل اقعد انهار من العياط واقوله واحشتني ونفسي اشوفك وترجع تاني بقا
نيرمين مسكت دماغها 🙊🙉 حتنفجر خلاص : اه يادماغي ياني
نيرمين مسكت دماغها 🙉 :يعني اتكلمتي فين يعني فالبيت مثلا !
مايا: اه في البيت وكمان ساعات لما بكون لوحدي بره البيت
نيرمين وقفت مره واحده : بااااس خلاص عرفت انا
مايا مسكت ايديها وقعدتها تاني : اقعدي يابنتي حتفضحينا عرفتي ايه مش فاهمه حاجه
نيرمين: يابنتي حرام عليكي اكيد هو سامعك وانتي بتتكلمي وانتي مخديش بالك اصلا ان حد جانبك او وراكي المهم هو سامعك وخلاص
مايا: يابنتي طيب ماهو لو زي مابتقولي كده سامعني طيب ليه مصمم وعاوز يتجوزني ليه ما يبعد عني طالما انا مش كويسه وقابل ماما وكلم اخويا ليه؟
نيرمين بهيمان : علشان بيحبك اكيد لا ده بيعشقك كمان يابنتي وشكله غيووور جدا
مايا : ازاي بيحبني هو لحق يحبني !
ده كان خابطني بالعربيه قبلها
وحبني وعارف اني بكلم غيرو ومتمسكه به انه يرجعلي
ازاي يحبني كده لا لا لا مش مقتنعه
نيرمين : يابنتي مسمعتيش عن الحب من اول نظره وبعدين ازاي ايه
مش قولتي انك لما بيجي تشدو مع بعض يقولك حربيكي وكلام ده
مايا : علاقته ايه كلام ده ب ده
نيرمين حفهمك لحد امتي ياربي : يابنتي هو بيحبك وحيلعمك ازاي تحبيه هو فقط ومش حيسيبك لحد ماتحبيه كمان
الله علي الحب ❤
واكيد كان عاوز يسمع منك لكن انتي متكلمتيش طبعا
او اتكلمتي ومقتنعش بكلامك حس انك بتكذبي عليه ودي نقطه ٣
مايا نقطه ٣ ايه مش واخده بالي:
مش انتي يابنتي قولتي اخر مره شوفتيه لما غصبك علي ركوب العربيه وبعدين سألك سؤال سبب رفضك له ايه! وانتي طبعا اتكلمتي بنيه صافيه انك مش مهياه والكلام ده
مايا: ده حصل فعلا والله
نيرمين :منا عارفه لكن هو مش عارف
هو مقتنع ب ال سمعه هوه وبس اي حاجه تانيه مش حيصدق حيحس انك بتكذبي لانه سامعه بنفسه مش من حد تاني
حتي لما فتح حوار ده ماسمعش ال يرضيه حتي وتتناقشو لتوصلو لحل
انتو لازم تتكلمو لازم*!!!!!!
عشان كده انتم حتفضلو توم اند جيري ع طول
مش عاوز حد يقربلك ولا انتي حتي مدياله فرصه انه يتكلم معاكي اصلا
*مايا وضعت ايديها ع وجهها وبيدور كل ده بدماغها لاقت انه تحليل منطقي جدا*
مايا سالتها :طيب ماهو اختفي وليه رجع دلوقتي طيب
نيرمين : منا قولتلك انه مديلك مهله او مساحه تعيدي تفكيرك مش اكتر
مايا: يعني ممكن موضوع الصفقه دي مترتبه مش صدفه يعني!
نيرمين:مقدرش افيدك فالموضوع ده ممكن حسام يفيدك
هو اتاخر ليه كده حرن عليه كده
اهو جا اهو
حسام :خير ان شاء الله ايه اتكلمتو باين عليكم اهو بس مايا روقت شويه ودمويه جرت فيكي☺️
مايا اتحرجت شويه : طيب بقا انا حقوم اعدل نفسي في تويليت وانتي احكيله بقا
نيرمين : ماشي
حسام: خير في مشكله
*وحكت كل شئ قالته مايا وتحليل نيرمين*
مايا دخلت تظبط نفسها مش مصدقه نفسها هو ممكن بجد يكون كده انا ازاي مجاش فبالي حاجه كده 🙊
دا انا جننته خالص ياعيني
وبتتسم وتلقائيا مسكت قلبها حست انه بيدق كتيررر جدا : طيب انت بدق ليه دلوقتي انا مش خايفه دلوقتي اهدي بقا
خليني افكر حعمل ايه
غسلت وجهها وابتسمت ابتسامه خبيثه وقررت :
و برده حجننك بس ع طريقتي انا 😉وحخليك تلف حولين نفسك 😂 علي كل لحظه عشتها في رعب وخوف وعلي كل دمعه نزلت مني وانت السبب فيها بسبب كلامك ال وجع قلبي وابتسمت وخرجت عشان تنفذ خطتها
خرجت لقت حسام قاعد بيضحك مع نيرمين
مايا: احم ضحكوني معاكو
حسام :ايوه كده دي مايا ال اعرفها تعاليلي هنا بقا صح ال بتقوله نرمين
*مايا هزت راسها بمعني فعلا*
حسام:تحليلها فعلا منطقي جدا وصح جدا كمان
وعلي فكره الصفقه الجديده دي مترتبه مش صدفه
مايا مستوعبتش: ازاي يعني صدفه
حسام حقولك ياستي: بابا كلمني لما قال انهم حيتفقو معايا انا مش معاه هو
كان طلب من صقر انه يغير المكان
لحد دلوقتي والدي مايعرفش ليه السبب لكن وافق لان كده ولاكده فمصلحتنا انه اتفق معانا.
لكن ال عرفته من حمزه انهارده ان اختارنا احنا بالاخص مع انه اتقدم عطاءات اقل مننا لكن هو صمم علينا وغمزلها😉
معني كده انه بيشك فيا
ومش طايقني كمان لانه كمان شافنا اول ما وصل واحنا بنهزر سوا
وطول الاجتماع متكلمش ولا كلمه
مايا احم:هو فعلا مش طيقك وابتسمت
حسام :الله اكبر وبتضحكي كمان لكن هو اكيد فدماغه حاجه وببخطط لها
طيب انتي حتقوليله ازاي؟
مايا ابتسمت بمكر ليهم: مين قالك اني حقوله اصلا
انا حلعب به وحجننه وحذوقه المر كمان وانت ال حتساعدني🙂
حسام : نعم يختااااي انتو مستغنين عني ولا ايه
نيرمين : هيييييح اللعب حيحلو اوووي
حسام : انتي ناسيه انه عزمنا علي العشاء بكره اكيد فدماغه حاجه !!
ونكمل باااقي التحدي💪
- يتبع الفصل التالي اضغط على ( رواية وجع القلب ) اسم الرواية