رواية احتواء قلب الفصل السابع عشر 17 - بقلم عبير سليم

     

 رواية احتواء قلب الفصل السابع عشر 17 - بقلم عبير سليم

واخيرا بعد أن طال انتظارها لمن عشقه فؤادها وأول من دق له قلبها يأتي الليله بصحبة أبيه وامه للتقدم لخطبتها يجلسون مع أبيها وامها وجدتها يتحدثون جميعهم في عدة أمور تتعلق بهما ولكن كانت همسه لا يعجبها معظم الكلام الذي يصدر عن ابيها فكانت تلجأ للصمت تارة و تارة أخرى ترد ردا لينا يعكس وجهة نظرها فقط كل ما تريده هو ان يمر هذا الموقف بسلام

والد العريس وهو بينظر لابنه : بس حضرتك مش شايف ان الطلبات دي مبالغ فيها

محسن : امال انتوا عاوزين تاخدوها ببلاش

والد عمرو : ببلاش على اساس انها بيعة و شروة واللا إيه انا مش فاهم الصراحه

محسن : لا طبعا كده حضرتك فهمتني غلط انا اللي اقصده ان همسه طول عمرها متربيه عالغالي وكل طلباتها أوامر دي دلعوتنا كلنا ولازم ابقى مطمن عليها و هيا معاكم وافتكر ان ده من حقي و اللا انا غلطان

والد عمرو : لا طبعا حضرتك مش غلطان ولا حاجه ومن حقك تعزز بنتك و تحافظ لها على حقوقها انا مبقلش حاجه لكن بأي حق اكتبلها الشقه باسمها على اساس ايه انا مش فاهم هي ليها مؤخر ده حقها الشرعي ولو عاوزين نكتب قايمه بكل اللي حتجيبوه نكتب معندناش مشكله لأن نيتنا سليمه لكن شقه باسم العروسه لاء دي حاجه عمرها ما حصلت قبل كده واللا انتوا شايفين ايه يا جماعه

الجده : لا يا حاج حضرتك بتتكلم صح وكلامك عين العقل واحنا بتشتري راجل لبنتنا و انا كل اللي بتمناه لهمسه انها تعيش سعيده ومتهنيه مع اللي قليها اختاره وعمرو الله اكبر عليه باين عليه الطيبه والادب والأخلاق

عمرو : ربنا يخليكي يا تيته وانا اوعدكم ان همسه حتكون فعنيه ان شاء الله وربنا يقدرني واسعدها ان شاء الله

ساميه : ربنا يسعدكم ياحبايبي يارب

والد عمرو : هاه يا استاذ محسن نتوكل على الله ونقرأ الفاتحه واللا حضرتك عندك طلبات تاني بعيد طبعا عن موضوع الشقه ده

محسن : حتعملوا الخطوبه فين انا عاوز اعمل لبنتي خطوبه في أغلى مكان دي همسه ولازم نعمللها حاجه تليق بيها

همسه : بعد اذن حضرتك يا بابا انا مش عاوزة اعمل خطوبه اصلا

محسن : نعم إيه الكلام ده أن شاء الله

مامت عمرو : ليه يا حبيبتي مش عاوزة خطوبه

همسه : مش عمي قال اننا ان شاء الله حنعمل الفرح قريب وان في خلال ست شهور حنتجوز بأمر الله يبقى ليه المصاريف والتكاليف دي كلها ملهاش لزوم الفلوس اللي حتتصرف دي احنا أولى بيها عشان عمرو يقدر يخلص الشقه ونشتري اللي فاضل لينا

انا عاوزة حاجه صغيره عالضيق كده البس شبكتي ونسهر في أي مكان احنا كده مع بعض وفي الفرح ان شاء الله نعمل كل اللي احنا عاوزينه ايه رايكم و اللا انا بنتكلم غلط

والد عمرو : بالعكس يا همسه ده انتي كلامك عين العقل و الله يابنتي انتي كل كلمه بتطلع منك بتعلي بيها فنظري اكتر و بتاكديلي ان عمرو عرف يختار

واحنا ان شاء الله حنجيبلك الشبكه اللي نفسك فيها و اللي تطلبيها انتي غلاوتك عندنا كبيره يا همسه

همسه : ربنا يخليك يا عمي انا والله مش عاوزة حاجه انا يكفيني دبله عليها اسم عمرو دي أغلى حاجه عندي

محسن : لاء بقى يا همسه انا معترض

عمرو : وانا كمان معترض زيك يا عمي مفيش حاجه اسمها مجيبلكيش شبكه دي حقك وفرحتك اللي بتفرح بيها كل بنت همسه انا عارف انك مش عاوزه تكلفيني لكن لاء يا همسه مش للدرجه دي حقوقك مينفعش تفرطي فيها لازم تاخديها كامله عشان بينك وبين نفسك تحسي بالرضا

والده : معاك حق يا عمرو وهمسه غاليه عندنا اوي ولازم منقللش من اي حق ليها انتي يا حبيبتي اتنازلتي عن اننا نعمل خطوبه وانا ان شاء الله حعوضهالكم في الفرح وحعمللكم فرح الناس تحكي و تتحاكى عنه لكن شبكتك حقك يا بنتي

مامت عمرو: طب مش حنقرا الفاتحه بقى

يقروا كلهم الفاتحه ساميه مامت همسه ومامت عمرو يزغردوا وهمسه وعمرو فرحتهم ملهاش حدود وعمرو لبس همسه خاتم رقيق وسهروا معاهم شويه وهمسه كانت عامله اكل كتير بنفسها واتعشوا كلهم سوى وعجبهم جدا الأكل وبعد كده استئذنوا ومشيوا

الجده : مبروك يا همسة يا حبيبتي الف مبروك ربنا يتتملك فرحتك على خير يا رب عمرو وأهله مريحين اوي وشكلهم ناس محترمين و ولاد أصول

محسن : اه ولاد أصول عشان كده كنت كل ما اطلب طلب يعترضوا عليه

همسه : عشان الطلبات اللي حضرتك طلبتها دي مش طلبات عاديه دي آخرها بيعة يا بابا انا عمري ما شفت كده

محسن : وانتي سكتي اصلك مانتي كل ما اتكلم كلمه تعترضي قبلهم الحق علية اني عاوز اعززك واعملك قيمه اللي بيبتدي بالساهل بيروح بالساهل واللي بيضحي اوي هو اللي بيخسر في الآخر

الجده : بس بالاصول يا محسن يابني

محسن : وهو انا كنت اتعديت الأصول في ايه ان شاء الله

واللا كل ده عشان موضوع الشقه

ساميه : طب و الموبيليا وفرش الشقه و الحاجات اللي معروف ان العروسه هي اللي بتجيبها

الجده : خلاص مش عاوزين هم بقى الحمد لله عدت على خير خلينا نفرح بقى بس هي الهانم ذكرى مش المفروض بردو كانت تحضر واللا خلاص احنا بقينا مش من مقامها

ساميه : والله انا قلتلها يا ماما معرفش ماجتش ليه

همسه : ومين قاللكم اني عاوزاها تحضر انا مش عاوزة اعرفها اساسا

ساميه : ليه بس كده يا همسه هو انتوا ليكم غير بعض يا بنتي

همسه : ماما الله يخليكي انا مش عاوزة اتكلم فحاجه تخصها ولا عاوزة اسمع اسمها اصلا كفايه بقى عن اذنكم

تسيبهم همسه وتدخل اوضتها وتتكلم الجده : انتوا ازاي توافقوا انها تسيبكم وتعيش لوحدها هو احنا عايشين فبلاد برة يابنتي الناس تقول علينا ايه دي مطلقه

ساميه : مانتي عارفه يا ماما هي ذكرى حد بيقدر يمشي عليها كلمه اللي فدماغها بتنفذه

الجده : ربنا يصلحلها حالها ويهديها لنفسها يارب

ساميه : يارب يا ماما يارب

…………………………………………

فيك تتركني لأنه مافيك تترك نيهال

نيهال ورده اذا تتركها تذبل طب وسمر

انا حبيبتك مهند انا سمر

بدك اياني موت مهند يعني انت بدك اياني اموت

اذا بينفتح ها الباب راح ينتهي كل شئ

راح تخسر لإلي

تلاقي تليفونها بيرن فتوطي صوت التليفزيون وتفتح الخط : أيوة يا جنه

جنه : مالك يا نجلا انتي بتعيطي

نجلاء : لا بس كنت بتفرج عالحلقه الاخيره من العشق الممنوع اتاثرت اوي

جنه : يابنتي ده انتي شفتيها عشر مرات قبل كده مزهقتيش منها

نجلاء : بحبها اوي يا جوجو وكل مرة لازم اعيط سمر بتصعب علية اوي

جنه : بتصعب عليكي عارفه يا نجلا ان الإعلام احيانا كتير يبيقى خ.. طر جدا علينا وبيصدرلنا افكار ومعتقدات غلط والمشكله اننا بنصدقها هي مش دي سمر اللي كانت بتخ.. ون جوزها مع مهند اللي هو اصلا رباه بعد ما عمه رفض ياخده لما ابوه مات

وبدل ما نكر.. هها لأنها زوجه خاينه والخيانه عمرها ما كان ليها مبرر لا دي بتصعب علينا وبنتعاطف معاها كمان عارفه يا نجلا ده بالظبط زي ما بيقولوا ببيحطوا الس**م في العسل بيضحكوا على عقولنا عشان ينشروا بيننا الغ.. لط واحنا مش حاسين بيخلونا نشوف الحر. ام حلال وانه شئ عادي تحت مسمى الحب فنتعاطف مع المجر.. مين و الخا.. ينين والبلط.. ج يه وممكن يبقوا مثلنا الأعلى كمان

نجلاء : ده انتي بقيتي فليسوفه يا جنه

جنه : لا يا ستي ولافليسوفه ولاحاجه دي حاجات بس بستف.. زني الصراحه

نجلاء : هو في حاجه بتستفزك غير ميار هههههههه

جنه : ميار يا ربي اهي دي لوحدها هم تاني دي اكتر حاجه مضايقاني في الشركه شخصيه مستفزة

نجلاء : اه بس في حاجات كتير حلوة في الشركه

جنه: أيوة الصراحه همسه بحبها اوي و نغم و منى وناس تانيه كتير

نجلاء : وهادي يا اختي نسيتيه

جنه : هادي

نجلاء : أيوة يا قلبي هو ده اللي بتتنهدي وانتي بتنطقي اسمه

جنه : مش عارفه والله يا نجلا

نجلا : مش عارفه ايه بس يا جنه انتي ليه خايفه يا حبيبتي متقارنيش نهائي بين هادي و شهاب الفرق بينهم فرق السما للأرض

جنه : الموضوع مش كده يا نجلا

نجلا هادي مبيتكلمش معايا غير في الشغل او اي كلام عادي دردشه يعني اه نظراته لية و تعبيرات وشه ونبرة صوته بتحسسني بحاجات جميله اوي وان جواه مشاعر حلوة ناحيتي بشوف فعيونه كلام كتير لكن هو مبيقولش حاجه وانا مبقتش فاهمه حاجه يا نجلا

نجلا : وليه منقلش ان زي ما نتي خايفه انه هو كمان يكون خايف وان اللي جواكي ليه هو نفسه اللي جواه ليكي عارفه يا جنه انتوا محتاجين تبعدوا شويه عن جو البيت والشركه وتتكلموا مع بعض وتطلعوا كل اللي جواكم وقتها صدقيني حتلاقوا عيونكم و قلوبكم هي اللي بتفضحكم قبل حتى ما لسانكم يتكلم جنه انا اللي متأكده منه أن هادي بيحبك متضيعوش وقتكم اكتر من كده افرحوا بقى عيشوا حياتكم وانبسطوا عشان تجيبي الولاد اللي نفسك فيهم يا جنه

جنه وانتي يا نجلا منفسكيش انتي كمان تعيشي حياتك وتنبسطي

نجلاء: وانا لقيت اللي انبسط معاه وقلت لاء بس حعمل ايه كل اللي اعرفهم رجاله هم اسكتي مش جايلي عريس

جنه :عريس مين ده يا نجلا

نجلاء : مهندس ديكور

مالك يا جنه حساكي اتضايقتي

جنه :نفسي تتجوزي وتعيشي معايا هنا في القاهره

نجلاء: قولي يارب يااختي

جنه :يارب يا نجلا انتي بتروحي المحكمه

نجلاء :ايوة طبعا

جنه : نجلاء هو فهد موحشكيش

نجلاء : اكدب عليكي لو قلتلك موحشنيش عارفه يا جنه وانا قاعده مع نفسي بفتكر مواقف كتير حصلت بيننا بتخليني غصب عني اقعد اضحك تصدقي اني اوقات بحس اني مفتقداه هو كان قارفتي اه بس حتى قرفه ده وحشني حسه ان يومي ناقص من غيره بس لما بردو بفتكر كلامه البايخ بقول ارتحت منه

جنه :طب مش حتيجي تقعدي معايا يومين

نجلاء :حاضر والله بس في قضيه في المكتب شغالين عليها نخلص منها وانزل و لما كمان اشوف بابا حيعمل ايه فموضوع العريس ده عشان عامل معايا مشكله وبيقول مش كل ما ييجي عريس ترفضيه اخلص من الموضوع ده بس و اجيلك يا قلبي

جنه :ماشي يا نجلا

نجلاء : جنه خللي بالك من نفسك يا حبيبتي

جنه : حاضر يا حبيبتي لا اله الا الله

نجلاء : محمد رسول الله

……………………………………

في اليوم التالي في الشركه

تدخل جنه مكتب هادي فتجده يتحدث لهمسه ويبارك لها

فتحتضنها جنه بحب و تبارك لها : الف مبروك يا حبيبتي ربنا يتمم لك بخير يارب

همسه : الله يبارك فيكي يا جنه انا جيت ملقيتكيش فدخلت علطول

جنه : عقبالك يا حبيبتي انتي وابيه هادي يارب

فتتلاقى اعينهما لثوان بها الكثير من الكلام ولكن الصمت هو سيد الموقف بينهما

فيقطع هادي هذا الصمت : و الخطوبه امتى حبيبتي ان شاء الله

همسه : الاسبوع الجاي ان شاء الله بس احنا اتفقنا نعملها حاجه عالضيق بس ان شاء الله حنعمل فرح كبير

جنه : الف مبروك يا حبيبتي عن اذنكم تخرج جنه من المكتب وهمسه تقعد معاه

ابيه هادي هو انا ممكن ادخل في اللي مليش فيه

هادي : طبعا يا همسه

همسه : حضرتك بتحب جنه صح

هادي : صح يا همسه بس انتي عرفتي ازاي

همسه : من عيونك اللي بتلمع اول ما بتكون ادامك واللي كلها عشق ليها انا بسمع ضربات قلبك وانا فمكاني يا ابيه

هادي : ياااه للدرجه دي باين علية

همسه : عشان حبك ليها صادق و من قلبك وجنه بتحبك يا ابيه

هادي : مش عارف يا همسه مش عارف

همسه : طب ومستني ايه عشان تعرف

هادي : خايف يا همسه

همسه : خايف من ايه يا ابيه

هادي : مانتي عارفه يا همسه

همسه : انا اللي اعرفه ان ظروفكم زي بعض

هادي : وحكايتي يا همسه نسيتيها

همسه: ايوة نسيتها و لازم حضرتك كمان تنساها لأن دي حاجه اهيف من انك تفكر فيها وتشغل نفسك بيها

هادي : انتي بتقولي ايه بس يا همسه دي حياتي عمري كله اصلي ونسبي يا همسه

همسه : اصلك ونسلك ده هو اللي حضرتك عملته حضرتك شرف لأي حد يا ابيه هادي

و اذا كان ده مصدر خوفك فده مش تفكير صح وحضرتك تقدر تتكلم معاها و تحكيلها كل حاجه و انا متاكده ان جنه مش حيفرق معاها حاجه زي دي

لأن اللي انا حساه انها هي كان بتحبك زي مانت بتحبها ابيه هادي جنه ماشاء الله عليها زي القمر وادب واخلاق و انا بشوف عيون الكل حواليها و لما بيكون في عميل للشركه بشوف عينه مبتتشالش من عليها ايه حتفضل ساكت لحد ما تضيع من بين ايديك ابيه هادي حضرتك طول عمرك مثلي وقدوتي و اكتر حاجه حبتها فيك قوتك واصرارك على انك توصل للي عاوزه وبتحبه وانا معتقدش انك بتحب حاجه دلوقتي اد جنه لازم تتكلم يا ابيه عشان خاطرك و خاطرها اقولك اعزمها النهارده عالغدا في أي مكان بعد الشغل واتكلموا براحتكم

هادي : بس هي بتاكل مع مامتها

همسه : يوم مش حيفرق يا ابيه حاول بس

هادي : مش عارف يا همسه مش عارف

همسه : تحب انا اعزمكم بمناسبة خطوبتي و بعد كده اسيبكم واخلع بأي حجه

هادي : هههههه تصوري فكره طب ايه رايك انا اقول اني عازمك انتي وعمرو و اعزمها معانا وبعد كده تخلعوا انتوا

همسه : أيوة بقى هو ده الكلام

بعد مرور عدة ساعات

هادي وجنه وعمرو وهمسه في مطعم شيك جدا عالنيل مباشرة بياكلو وبيتكلموا وبيضحكوا سوا وبعد شويه تغمز همسه لعمرو

عمرو يرن لهمسه من تليفونه وهمسه ترد : أيوة يا تيته مالك يا حبيبتي ايه انتي تعبانه طب انا جايه علطول

هادي : في حاجه يا همسه

همسه : اه في بس تيته تعبانه اوي و انا لازم امشي حالا يا حبيبتي يا تيته

جنه : ان شاء الله خير يا حبيبتي متقلقيش

همسه : اهئ اهئ يارب يا جنه ده انا مليش غيرها

عمرو معلش حبيبي تعالى معايا

جنه : طيب ياللا احنا كمان حنروح نطمن عليها معاكم

همسه : تروحوا فين لا انتوا مش حتروحوا فحتة انتوا حتفضلوا هنا قاعدين

جنه : مالك يا همسه في ايه

همسه : في كل خير ان شاء الله معلش حبيبتي لازم امشي ياللا يا عمرو

عمرو ياخدها و يمشوا و همسه مش قادره تبطل ضحك

عمرو : مكنتش اعرف انك ممثله كده ده انا صدقت ان تيته تعبانه و الله

همسه : اعمل ايه بس الضرورات تبيح المحظورات

عمرو : طب بقولك ايه تيجي افسحك

همسه :، ياللا بينا طبعا

عند جنه وهادي

جنه : همسه دي عسل اوي وطيبه جدا

هادي : انسانه نقيه وجميله اوي وعمرو كمان طيب اوي ربنا يهنيهم ببعض تعرفي انه كان الأول بيحب ميار

جنه : ميار

هادي : ايوة و ربنا كان بيحبها اوي وقعد سنين بيتمنى منها كلمه لكن بعد ما همسه اشتغلت معايا وهو شافها واتعاملوا مع بعض حبها ونسى ميار

جنه : والله ده ربنا بيحبه دي ميار دي انسانه مستفزة بصراحه انا مش بحبها

هادي : هي واحده فاضيه تافهه تحسيها لا ليها هدف و لا مبدأ في الحياه و انا مش عاوزك تحطيها فدماغك ولا تشغلي بالك بيها

همسه : انا مليش دعوة بيها هي اللي دايما بتحاول تضايقني من غير ما اعملها حاجه

هادي : يمكن غيرانه منك

جنه : و تغير مني ليه

هادي : عشان حاجات كتير فيكي ومش فيها يا جنه

جنه طمنيني عليكي عامله ايه وايه اخبارك

جنه : الحمد لله انا كويسه

هادي : جنه هو انتي لسه في حاجه جواكي من الماضي لسه يعني بتفكري في أي حاجه حصلتلك او ضايقتك

جنه : لاء انا خلاص مسحت كل الماضي من جوايا و صدقني لو قلتلك انه مبيجيش على بالي لحظه واحده الحمد لله ان ربنا وقف معايا وخلصني من كل حاجه اذتني او كانت ممكن تؤذيني

وانت يا هادي انا شايفه ما شاء الله ان علاقتك بهمسه جميله جدا علاقة اخ باخته مع ان اللي عرفته انها تبقى انا اسفه والله اني بتدخل في حاجه متخصنيش لكن انت ازاي بتتعامل عادي من غير ما تربطها بالماضي

هادي : لأن همسه ملهاش ذنب فحاجه ولا ليها علاقه بأي حاجه حصلت اللي كان بيني وبين اختها حاجه واللي بيني و بينها حاجه تانيه خالص

جنه هو انتي مفكرتيش تسألي ليه انا واختها انفصلنا

جنه : مقدرش اسأل في حاجه تخصك يا هادي ده غير أن سؤالي ده ممكن يفكرك بحاجه انت ممكن تكون عاوز تنساها وانا مش من حقي

هادي : انتي من حقك كل حاجه يا جنه

جنه : إيه

هادي : جنه انا جوايا كلام كتير عاوز اقولهولك ممكن تسمعيني يا جنه

جنه : اتكلم يا هادي انا سمعاك

هادي : جنه انا

وفجأة يعلن هاتفه عن اتصال تليفوني يستئذنها للرد و يفتح الخط : أيوة يا بسمه خير

بسمه : وهو حييجي منين الخير بص بقى انا بقولك اهوه يا استاذ هادي زي ما دخلنا بالمعروف نخرج بالمعروف

هادي : دخلنا ايه ونخرج ايه هو انتي كنتي على زمتي يا بنتي

تبص له جنه و تستغرب فيضطر هادي انه يفتح الاسبيكر عشان جنه متفهمش غلط و اللي ساعدهم ان الطربيزة اللي كانوا قاعدين عليها كانت بعيده و المكان كان شبه فاضي : مش حضرتك اللي جبتلي الشغلانه دي ولما بعتني ليك عمي مسعد قلتلي حشغلك فمكتب محامي صاحبي وقلتلي فيه قصائد شعر

هادي : حصل

بسمه : طب بص بقى الله يخليك واسمعني كويس عشان ايه بقى عشان انا واحده صحتي على ادي وماشيه بالعلاج و اعصابي خلاص تعبت

هادي : عملك ايه فهد يا بسمه

بسمه : عمايله سوده و منيله وخللي سمعتنا و سمعة المكتب زي الزفت ده مبقاش مكتب محامي ده

حتى القضيه اللي جاتله من يومين مش عاوز يشتغل فيها انا تعبت منه خلاص

هادي : ادخلى في الموضوع يا بسمه تعبتيني

بسمه : من وقت ما بيدخل المكتب وفرقة حسب الله تشتغل من بين شطين و مايه عشقتهم عينيه يا أهل اسكندريه يا غاليين علية

و يروح على واقروا الفاتحه لابو العباس يا اسكندريه يا اجدع ناس

و هوبه يروح راجع لها تاني من بحري و بنحبوه

والجيران يزعقوا و الزباين يطفشوا و اللي طالع و اللي نازل يلقح بالكلام و كل ده و هو ولا في الدماغ

وانا خلاص حطيت صوابعي العشره في الشق منه انا تعبت خلاص هو انا مش قلتلك خده وديه اسكندريه بص بقى انا قلت اكلمك الأول عشان أبقى عملت اللي علية يا اما تخليه يرجع لعقله كده ويرحمنا من الفضايح دي يا اما تشوفلي شغلانه تانيه واللا اقولك انا مش عاوزة اشتغل تاني انا اتعقدت خلاص لكن اكتر من كده مش حستحمل تمام كده يا باشا

هادي : تمام يا بسمه

يقفل معاها الخط و هو و جنه يبصوا لبعض و يضحكوا بشده مش قادرين يوقفوا ضحك

يمسح دموعه اللي غرقت وشه من كتر الضحك : شفتي صاحبتك جننته ازاي

جنه : بس ازاي بيحبها اوي كده وساكت لحد دلوقتي

هادي : كان مسافرلها و الله بس جاتله قضيه ومعرفش يعتذر عنها أن شاء الله يخلصها و يروح لها بأمر الله

جنه : ان شاء الله يا هادي

يعلن هي كمان تليفونها عن اتصال من امها تقوللها انها تعبانه فقام هادي وجنه بسرعه عشان يروحوا يطمنوا عليها

و فمكان تاني نلاقيها قاعده معاه و هو مستغرب هي ليه افتكرته دلوقتي وعاوزة منه ايه

ذكرى : متستغربش يا عدي انا كان نفسي اكلمك من زمان بس مكنتش عارفه رد فعلك ايه وكنت خايفه تكون زعلان مني لسه

عدي : وانا ايه اللي حيزعلني منك يا ذكرى

ذكرى : مانت عارف عشان انا اتجوزت هادي يا عدي

عدي : نصيب يا ذكرى و كل واحد بياخد نصيبه

ذكرى : بس انت كنت بتحبني عدي اللي انا عاوزة افهمهولك اني انا جه علية وقت كنت فعلا بحس بمشاعر ناحيتك لكن هادي حاصرني بحبه لية و مدانيش فرصه افكر في أي حد تاني و حاول بكل طريقه انه يوفرلي كل طلباتي و يجيبلي كل اللي نفسي فيه وقاللي بالحرف انه حيقدر يخليني انساك و ابطل احبك و اني ححبه هو وبس

عدي: انتي بتقولي ايه بس دي مش اخلاق هادي انا صحيح مبحبهوش و مبكر.. هش حد اده لكن ده ميمنعش اني عارفه و عارف أخلاقه كويس

ذكرى : انا بقولك اللي حصل يا عدي و انت عارف ان ظروف اهلي كانت على ادها وكان نفسي اعيش الحياه واتمتع لكن برغم كل اللي حاول هادي انه يوفرهولي الا اني بردو مقدرتش احبه و ده اللي خلاني اسيبه يا عدي

عدي : يعني انتي عاوزه تفهميني انك بتحبيني يا ذكرى

ذكرى : بحبك يا عدي و نفسي اني انا وانت نرجع لبعض وانا واثقه انك لسه بتحبني واكبر دليل على كده انك لسه لحد دلوقتي ماتجوزتش و لا ارتبطت

عدي : أنا فعلا بحبك لسه وعمري ما قدرت احب غيرك يا ذكرى يعني انا دلوقتي لو عرضت عليكي الجواز تقبلي يا ذكرى

ذكرى : طبعا يا عدي بس انا اتعودت اعيش فمستوى معين وعشان اكون سعيده معاك لازم احافظ عالمستوى ده يا عدي وانت موظف بتقبض مرتب اخر الشهر

عدي :طب مانتي عارفه اهوه وانا لا عندي شركه و لا شغل خاص

ذكرى :بس ممكن يبقى عندك شغل خاص ووقتها حيبقى معاك فلوس كتير و نقدر نتجوز و نعيش واحنا سعدا

عدي : وده ازاي يحصل

ذكرى : اسمعني كويس يا عدي وانت حتفهم كل حاجه

 

• يتبع الفصل التالي اضغط على ( رواية احتواء قلب ) اسم الرواية