رواية نبضات قلب الفصل الثامن عشر 18 - بقلم منة مهران
نبـــضات قلـب
الثامن عشر🤎
♡♡♡♡♡♡♡♡♡♡♡♡♡♡
ادهم: هتاخدها امريكا
ملاك: بتهزر صح اكيد لا لا
ادهم: اهدي بس وافهميني دي عمتها ومش هنقدر نقولها لا واكيد حياه هتروح
ملاك: انت ازاي كده انت موافق انها تبعد عننا لو انت موافق فا انا لا
ادهم: انتي متعرفيش انا حاسس ب ايه دلوقتي انا اصلا مش متخيل في يوم اصحا ملقهاش بس اعمل ايه انا مش بايدي حاجه اعملها هنرفع قضيه طب هنقول ايه انا مين علشان اقول اخدها ولا مخدهاش
ملاك بصتله بعيون كلها دموع: انا مستحيل اسيبها يا ادهم مستحيل انت فاهم دي بنتي ياادهم بنتي
ادهم: اهدي طيب يا ملاك علشان خاطري
ملاك: انا داخله اشوف حياه وتعال يلا علشان تفطر
ادهم: طيب
بليل في اوضه ملاك وادهم
••••••••••••••••••
ادهم: سرحانه في ايه
ملاك: ها
ادهم: مالك
ملاك: هي هي جايه امتي
ادهم: مين
ملاك: اخت محمد
ادهم: فيروز هتنزل خلال الاسبوع ده باين
ملاك: انت كلمتها ازاي
ادهم: روحت ڤيلا محمد انهارده علشان ابص عليها لو فيها حاجه وكده لقيت عم عوض البواب بيديني ورقه برقم موبايلها
فلاش باااك
••••••••••••••••••
ادهم: عوض عوض
عوض: ايوه
ادهم: مها بتيجي تنضف الڤيلا ولا مبتجيش
عوض: محدش بيدخلها يابيه من ساعه ما دكتور محمد اتوفي بس انا بخش ابص عليها وافتح الشبابيك شويه واخرج
ادهم: طيب لو معاك رقمها كلمها خليها تيجي تنضفها
عوض: ماشي يابيه اه صحيح
ادهم: ايوه
عوض طلع ورقه من جيبه: اتفضل فيروز هانم رنت عليا ورديت عليها وقولتلها خبر وفاه دكتور محمد وادتني الورقه دي فيها رقم موبايلها هي سالتني عن البنت وقولتلها انها عايشه معاك قالتلي اقولك تكلمها
ادهم خد منه الورقه: طيب ماشي مقلتلكش كانت غايبه كل ده فين
عوض: لا يابيه
ادهم: طيب انا داخل الڤيلا ابص عليها وياريت تبعت لمها تيجي
عوض: حاضر يابيه
بعد شويه
••••••••••••••••••
فيروز بدموع:ادهم
ادهم: عامله ايه يا فيروز
فيروز: ازاي متقوليش ياادهم ازاااااي
ادهم: يابنتي انا مكنتش عارف اوصلك ممكن تفهميني انتي فين ومكنتيش بتسالي ليه
فيروز بدموع: عملت حادثه بس الحمدلله كانت بسيطه بس موبايلي باظ ومعرفتش اجيب رقم محمد تاني لان الشريحه كانت اتكسرت حاولت افتكر معرفتش بس كنت كاتبه رقم عم عوض في ورقه احتياطي كنت برن كتير اوي علي محمد بس محدش كان بيرد عليا بس الحمدلله لقيت ورقه كنت كاتبه فيها رقم عم عوض رد وقالي ان ان محمد اخويا اتوفي
ادهم: وانتي هتنزلي امتي
فيروز: كنت مقرره انزل لما اخلص واخد شهاده الدكتوراه بس مستحيل استني بعد ما عرفت ان محمد اتوفي انا لازم انزل علشان حياه ملهاش حد غيري انا مبقاش ليا حد حته مامتي اتوفت ودلوقتي عرفت ان كمان اخويا اتوفي لاحول ولاقوة الا بالله العلي العظيم
ادهم في باله: معقول تاخدها طب اقولها ايه مش هينفع اقولها لا دي بنت اخوها
فيروز: انت معايا ياادهم
ادهم: ها اه
فيروز: طمني عليها هي كويسه
ادهم: ايوه كويسه انا هقفل معاكي علشان سايق
فيروز: طيب سلام
ادهم قفل وبص جمبه كان عوض واقف بصصله بتركيز
ادهم بصله: خير يااعم عوض بتشبه عليا ولا ايه
عوض: لا يابيه اصل لمؤاخذه يعني سمعت حضرتك بتقول للهانم انك سايق فا هو انا معاك في العربيه دلوقتي ولا احنا في الڤيلا ولو كده نزلني علي اي جمب خليني ارجع الڤيلا
ادهم: روح شوف شغلك يااعم عوض الله يكرمك انا مش ناقص
بقلمي/menna moharam
بااااااك
••••••••••••••••••
ملاك: هي ممكن تسيبها لو انا قولتلها صح
ادهم: متفكريش في حاجه يا ملاك نامي يا حبيبتي وان شاء الله خير
ملاك بدموع: صدقني ياادهم انا مش هقدر اقعد في مكان من غيرها ياااخي دي مش معايا بقالها يوم دي معايا بقالها سنه وكام شهر انا مش هيجيلي قلب اسيبها صدقني دي الحاجه الوحيده الحلوه في حياتي وبعدين هي راجعه بعد سنه وي وتسال عليها
ادهم طبطب علي كتفها: اهدي مش يمكن حياه تقول لا اصلا
ملاك بصتله: بجد
ادهم: يمكن ممكن بقه تنامي
ملاك: هو انت مش مضايق من فكره انها ممكن تسيبنا وتمشي
ادهم: اكيد مضايق يا ملاك مش لازم اعيط علشان ابين اني مضايق يعني
ملاك: طيب روح هاتها تنام هنا معايا
ادهم: حرام عليكي نصحيها
ملاك: علشان خاطري ياادهم هاتها تنام جمبي ولا اروحلها انا
ادهم: خلاص هجبها
تاني يوم
••••••••••••••••••
كوثر: مش بتاكلي ليه يا ملاك
ملاك: الحمدلله انا شبعت
كوثر:انتي كده كلتي يا حبيبتي
ملاك: اه الحمدلله شبعت هي حياه فين
كوثر: بتلعب مع ادهم برا
ملاك: هما فطرو
كوثر: اه ياحبيبتي من بدري صحيو فطرو وطلعو يلعبو برا
ملاك: طيب انا هطلعلهم
في الجنينه
••••••••••••••••••
حياه بدموع: بس انا بحبكو ياادهومي ومش عايزه اسييكو
ادهم: بجد يا حياه
حياه حضنته وقالتله بطفوله: متسبنيش انا عايزه اعيش معاكو انتو وتيته كوثر
ملاك كانت سمعاها وجريت عليها حضنتها: احنا مستحيل نسيبك يا حياه صح ياادهم
ادهم: صح طبعا مش حياه عايزه كده حياه تطلب واحنا ننفز طبعا
بعد شويه كان واقف ادهم قدام قبر محمد
ادهم بدموع: وحشتني اوي يا صحبي مش مصدق اني واقف دلوقتي قصاد قبرك وبعيط بعيط ومش لاقيك علشان تمسحلي دموعي كنت لما بعيط كنت ببقا عارف انك هتيجي وتمسحلي دموعي بس همسحها انا لنفسي، عارف انك مش بتحبني اعيط بس خلاص مش هعيط المهم متزعلش مني انا اسف بقالي كتير مجتلكش بس هجيلك والمره الجايه هتكون معايا حياه وقعد ادهم يحكيلو علي الي حصل الايام الي فاتت
بعد مرور يومين
••••••••••••••••••
كان ادهم وملاك قاعدين في الجنينه ودخلت عليهم فيروز
فيروز بدموع وجريت عليه ولسه هتسلم بس ملاك وقفت قصاده
ملاك بصتله بعصبيه: ادهم مين ديييي
ادهم: هفهمك
ملاك: تفهم ايه انتي مين يا حلوه
ادهم: انتي فيروز
فيروز بدموع: حياه فين ياادهم
ادهم: يابنتي طيب ارتاحي بس انتي مكلمتنيش ليه اجي اخدك
فيروز: مش مهم المهم اني جيت
ادهم: طيب تعالي ارتاحي وسلمي علي ماما يعني داخله جري تقولي حياه فين مش تسلمي علي اهل البيت
فيروز: انا اسفه ياادهم
ملاك: اعملكو ليمون
فيروز: تسلميلي شكرا مش عايزه
ملاك: انا بهزر اصلا يلا ياادهم ندخل جوا
فيروز: هو انتي مين
ملاك: مراته يا حبيبتي
فيروز: اها انت اتجوزت الف مبروك
بقلمي/menna moharam
ادهم: الله يبارك فيكي يا حبيبتي
ملاك بصتله: انت قولت ايه
ادهم: فلتت مني والله
فيروز: طيب انا هدخل اسلم علي طنط وحشاني اوي
ملاك بغيره وضربته في بطنه: بقه حبيبتك صح
ادهم بوجع: مش قصدي والله
ملاك: ششش طلقني
ادهم: حاضر يلا بقه ندخل
ملاك: ادهم بجد هطلقني
ادهم: لا طبعا هو ادهم يعرف يعيش برضوه من غيرك وبعدين مافيش حد حبيبي غيرك انا علشان متعود اقولهالك قولتها بدون قصد صدقيني
ملاك: خلاص مسحماك
عند فيروز وحياه
••••••••••••••••••
حياه: انتي عمتو
فيروز بحب: قلب عمتو وحشتيني اوي يا حياتي اوي اوي
حياه: انتي اكتر
فيروز: انا جيت ومش هسيبك لحظه واحده
حياه: كنتي فين يا عمتو ومبقتيش تكلمينا ليه
فيروز: حقك عليا يا حبيبتي كنت عملت حادثه وكمان تيته اتوفت وكنت مخنوقه اوي ومش بكلم حد حقك عليا انا رجعتلك اهو
عند ملاك كانت واقفه وبصلهم بحزن وخوف
ادهم مسك اديها: متخافيش
ملاك بدموع: خايفه اوي ياادهم تاخدها معاها
ادهم: اهدي
حياه: مش هتسبيني بجد يعني هتعيشي معانا
فيروز: لا يا حياه انا هاخدك انتي تعيشي معايا ايه رايك
حياه بصت علي ملاك وادهم: بس دومي ومامي هاخدهم معايا
فيروز بصتلهم: حبيبتي دي مش مامي وبعدين هتقعدي معاهم ليه يا حياه مش انا عمتو
ادهم: ملاك كانت المربيه بتاعت حياه يا فيروز وكان محمد هيتجوزها بس حصلتلهم الحادثه ومحمد اتوفي وهو الي وافق ان ملاك تكون ام لحياه انا عمري ماشوفت حد بيخاف علي حياه وبيحبها اكتر من ملاك متجيش انتي في يوم وليله تهدي علاقتهم ببعض هي اه مش امها الي ولدتها لاكن امها الي ربتها ولسه بتربيها وسط عيله بتحبها وبتخاف عليها
فيروز: اعتقد اني اولي بيها من الغريب
ادهم كان لسه هيتكلم بس مامته مسكت ايده
كوثر بهدوء: بس ياادهم علشان البنت
فيروز: حياه حبيبتي اطلعي هاتي هدومك علشان نروح ڤيلا بابي سوا
حياه: اوكيه ياعمتو
ملاك بصوت مهزوز: ح حياه
يتبع....
بقلمي/menna moharam
برأيكم حياه هتروح تعيش مع فيروز وتسيب ادهم وملاك ولا هترفض
.صلوا عليه وسلموا تسليما كثيرا🤍
اللهم إنا نستودعك فلسطين وأهل فلسطين وكل فلسطين، اللهم كُن لهم عونًا، اللهم إنا لا نملك لفلسطين إلا الدعاء فيا رب لا ترد لنا دعاء ولا تخيب لنا رجاء وأنت أرحم الراحمين.
لا حول ولا قوة إلا بالله العظيم
•تابع الفصل التالي "رواية نبضات قلب" اضغط على اسم الرواية