رواية الحب اللطيف الفصل التاسع عشر 19
فاقت حنان بسرعه ومسكت فونها وايديها بتترعش:الووو ادم فين؟ ادم معاك انت عملت فيه حاجه
_متقلقيش ياهانم ادم بيه معانا.. وكل حاجه بقت تمام زي ماطلبتي مننا باظبط
حنان بحده ودموع :قصدك ايه.. ده ابني اوعي تكون عملت فيه حاجه.. انا هقتل'كم لو لمستوا شعره منه فاهم.. انطق عملت فيه ايه
_لسه ياهانم كونت خلاص هخلص عليه وقفت بس على رنتك
تهندت حنان براحه:الحمد لله يارب الحمدلله
وكملت بحده:اوعى تعمله حاجه انا هاجي حالا خد بالك منه
_حاضر ياهانم
عماد بقلق:ها طمنيني ادم كويس
حنان بفرحه:ايوه كويس الحمد لله لحقته في اخر لحظه
عماد براحه:الحمد لله طيب تعالي فكيني عاوز اروح اشوفه
حنان بطاعه:حاضر
قربت حنان وفكته وطلعوا سوى من المخزن للقصر وفجأه وجدوا ملك وفهد قدامهم
فهد بقلق:عمي انت كويس مالك شكلك تعبان كده
عماد بتعب:لا انا كويس متقلقش ياحبيبي
حنان بشك:بس انتو خارجين فين كده؟
ملك بقلق:مريم قالتلي ان ادم اتخطف من قدام القصر
حنان بتفهم:ايوه عارفه واحنا رايحين ليه دلوقتي
فهد بشك:وانتي عرفتي ده منين يامرات عمي
حنان:مش وقته اقولك بعد مااطمن عليه الاول
فهد بتفهم:تمام ياله بينا
خرجوا كلهم الي مكان ادم وبعد وقت وصلوا لبيت قديم ومهدم
فهد بشك:وانتي عرفتي المكان هنا ازاي؟
حنان بسرعه:علشان انا الي امرت بخطفه
ملك وفهد بصدمه:ايه؟!!
عماد بقلق:مش وقته الكلام ده لما نرجع القصر نعرف كل حاجه ياله
دخلوا البيت بسرعه وحنان جرت على الراجل بتاعها بخوف:هو فين؟
_جوه ياهانم نايم لسه من المخدر
حنان سمعته وجرت على الغرفه والكل لحقها بسرعه فتحت الباب لقته قدامها نايم على سرير قديم
فجرت حضنته بقوه وفرحه:ياحبيبي الحمد لله انك بخير ياقلبي انا مش مصدقه انك ممتش زمان ولسه في حضني
فهد وملك سمعوها بعدم فهم وقرب عماد وبص على ادم واطمن عليه وفجأه فاق ادم وبص عليهم
ادم بتعب:انا فين؟ ماما انتي هنا بجد!!
حنان بدموع الفرحه:ايوه ياقلب ماما انا هنا معاك ومش هسيبك تاني ابدا
ادم حضنها بفرحه وقال:انا فرحان اوي انك رجعتي تاني وحشتيني اوي
حنان بدموع:وانت كمان وحشتني اوي اوي
فهد بتوهان:انا مش فاهم حاجه ايه الي بيحصل هنا ؟
عماد:في البيت هتعرف كل حاجه ياله ياحنان لازم نرجع ادم باين انه تعبان
حنان بقلق:ايوه عندك حق تعال ياضنايا نرجع بسرعه
طلعوا بسرعه ووصلوا للقصر وحنان حاضنه ادم بفرحه وعد تصديق
ادم بمرح:خلاص ياماما مش ههرب منك انا
حنان باعتراض:لا مش هسيبك تبعد عني تاني ابدا
فهد بضيق:وصلنا القصر ياعمي ممكن افهم في ايه؟
وقبل مايرد عليه عماد وصل مالك ومعاه فاطمه وياسين ابنهم
عماد بصدمه:مالك يعني ده فهد هو لسه عايش
قرب مالك منهم:ايوه فهد لسه عايش ياعمي انا هقولك كل حاجه بعدين
ملك بصدمه:مين الطفل ده يافاطمه
فاطمه بفرحه:ده ابني ياملك ياسين
مالك بتصحيح:ابننا سوي ياحبيبتي
العيله كلها بصدمه:اييه؟!!
ضحك مالك على شكلهم:مالكم كده ياجماعه انا وفاطمه مجوزين من قبل تلات سنين ودي حكايه كبيره بس المهم ايه الي بيحصل هنا
عماد ببرود:تمام انا هحكيلهم كل حاجه
بدأ عماد وحكى كل حاجه حصلت من الاول للاخر
وكمل:بس ده كل حاجه حصلت و الحمد لله اانها لحقته في اخر لحظه
حنان بندم:انا اسفه يابني كانت النار بتاكل قلبي عليك من زمان والانتقام ليك عماني بس الحمد لله انك طلعت عايش ياحبيبي
ادم بحنيه:وانا مسامحك ياماما
فهد بفهم:تمام كل حاجه وضحت دلوقتي هنعمل ايه بقى علشان نحصل على الملف
حنان بسرعه:انا هساعدكم انا كل هدفي كان الانتقام لابني وبعد ماعرف الحقيقه اكيد هقف معاكم
مالك بفرحه:تمام يعني انتي تعرفي مين شريكهم في مصر
حنان:اكيد اعرفه اسمه معتز العامري رجل اعمال ومعاه شركه كبيره هنا في مصر
فهد بضيق:طيب هنوصل للملف من عنده ازي بقى
حنان بتخطيط:انا عندي حل معتز ده حياته كلها شرب ونسوان ودول نقطه ضعفه
ملك بعدم بفهم:يعني ايه ياطنط
حنان بتوضيح:يعني انا اعرف ان الملف المطلوب عنده في فلته في خزانه والمفتاح بتاعها معاه هو بس مش بيسيبه ابدا
مالك بحيره:طيب وهنجيبه منه ازاي بقى؟
حنان بضيق:مانا لسه قايله نقطه ضعفه الشرب والنسوان محتاجه شرح دي
بفهد بقلق:يعني انتي قصدك
حنان بحده:ايوه لو دخلنا ليه من الطريق ده هنقدر ناخد منه المفتاح بسهوله
ملك بحماسه:انا فهمت وعاوزه اشترك معاكم
فهد بحده وغيره:تشتركي في ايه ياروح امك
ملك بخوف:الله في ايه يافهد بتقولك دي طريقه الوحيده وبعدين منقدرش نجيب حد غريب علشان ده شغل مهم
حنان بدعم:ايوه عندها حق
فاطمه بسرعه وفرحه:وانا كمان عاوزه اشارك
مسكها مالك من قفها بغيره:تشاركي في ايه ياروحي عيدي كده تاني
بلعت ريقها:انا كونت بهزر بس معاهم مهزرش يعني
مالك بحده:لا متهزريش في الكلام ده تاني
فاطمه بخوف: حاضر طيب انا هطلع انيم ياسين فوق عن ازنكم
طلعت فاطمه بسرعه ومالك عنيه مصوبه عليها وفجأه نزلت نرمين
نرمين بتوتر: انا ممكن اساعدكم لو تحبوا
كلهم بصوا عليها وعماد قال: تعالي ياحبيبتي هنا جنبي
قربت وقعدت جنبها وعنيها على حنان بدموع ففهمت حنان وقربت اخدتها في حضنها بحنان وقالت: وحشتيني اوي يانرمين ده انتي بنتي الغاليه واسفه علشان هربت وسبتك ياقلبي بس كان غضب عني
نرمين بدموع: وانتي كمان وحشتيني اوي ياماما
فهد بضيق: بس انا مش موافق
ملك بتوسل: واقف والنبي يافهد دي فرصتنا الاخيره
فهد باعتراض: لا مستحيل لانك لو عملتي كده انا هقتله وهدخل فيه السجن
نرمين بهدووء: انا عاوزه اشترك معاها يافهد صحيح انا عملت حجات كتير وحشه بس خلاص انا عرفت ان اكتر حاجه محتاجها هي وجود عيلتي كلهم جنبي
حنان بحنيه: واحنا هنفضل علطول جنبك ياحبيبتي ومش هنسيبك ابدا
ملك بفرحه: اهو شوفت حتي نرمين هتبقى معايا وافق بقى والنبي خلينا نخلص انا عاوزه اعيش في هدووء انا وانت وابني
فهد بص عليها بتردد لسه فقالت حنان: وانا كمان هكون معاكم في الخطه دي متقلقش يافهد اوعدك كل حاجه هتبقى تمام
فهد بقلق: امم تمام بس احنا كمان هنبقى معاكم من بعيد
مالك بدعم: ايوه مش هنسيبكم لوحدكم ابدا
حنان: كده اتفقنا بكره معاد التنفيذ على بركه الله
وفي اليوم التالي
فهد ومالك وادم كانو تحت منتظرين وفجأه نزلوا البنات قدامهم
فهد فتح فمه بصدمه من لبس ملك كانت ترتدي فستان احمر داكن مطرز وقصير تحفه عليها وحاطه ميكب رقيق بطريقه مزهله وشعرها مفرود بشكل جذاب
قرب منها فهد بمشاكسه وقال:لا احنا نطلع اوضتنا احسن وانتي زي القمر كده
ملك بكسوف:يووه بقى يافهد ده لزوم الشغل
فهد بغيره:لزوم الشغل وانا لا ماشي ياملك ربنا يعدي اليوم ده على خير بقى
ضحكت ملك عليه ومالك وادم بصوا على حنان ونرمين بدهشه وصدمه
مالك بصدمه:ادم مش دي امك او وحده تاني
ادم بصدمه مماثله:والله ماعارف بس الظاهر رجعت صغيره تاني ده لو بابا شافها كده هيجنن
وفي الوقت ده طلع عماد من مكتبه ووقف مبلم في حنان ونرمين
عماد بصدمه:مين الست العسل دي ياولاد
حنان بضحك:ههههه الست دي مراتك ياعماد بيه
عماد بدهشه:احلفي كده
حنان ببسمه:تعالي يابنتي احنا ورانا شغل اهم منه
عماد بسرعه:طب استنوا انا جاي معاكم
حنان بضيق:تاجي فين انت تعال مع الشباب بعد مانطلع تمام
خلصت كلامها ومسكت ايد ملك ونرمين وخرجت
مالك بصدمه:لا دول إتغيروا خالص بقوا بنات تاني
فهد بضحك:والله عندك حق انا نفسي مش مصدق ان دي ملك مراتي
عماد بقلق:تمام تعالوا نطلع خلفهم بقى بسرعه
ادم:حاضر يابابا ياله
وعند البنات وصلو للعنوان المطلوب ودخلوا فله معتز
حنان بقلق:عاوزه اقولكم حاجه الراجل ده عنيه زايغه اوي فتسمعوا كلامي وبلاش دلع قدامه كتير
نرمين بخوف:حاضر ياماما
ملك بتوتر:يعني انا اطمن كده والا ايه انا خايفه من نفسي والله
حنان بضحك:لا اطمني وانا معاكي ياله بقى
دخلوا عند معتز لقوه معاه بنت قاعده على رجله فحمحمت حنان بكسوف
حنان:احم انا اسفه الظاهر اجيت في وقت غلط
رفع معتز نظره على ملك ونرمين باعجاب ور*غبه وقال:لا اتفضلي ياحنان هانم انتي تاجي وقت ماتحبي
ثم نظر للبنت وقال:معلش ياشاهي عندي ضيوف اطلعي فوق وانا هاجي بعد شويه
شاهي بمياعه:حاضر يابيبي باي
طلعت شاهي وملك بتبص عليها بقرف وفجأه قاطعها معتز:تعالي ياحنان هانم ده الفله نورت بيكي
تقدمت حنان بضيق:منوره بيك يامعتز بيه
معتز وهو مصوب عنيه على ملك:ها اتفضلي عندك اخبار جديده
حنان:ايوه انا عرفت مكان الملف فين وخلاص فاضل خطوه وهجيبه لحضرتك
معتز بفرحه:تمام اخبار ممتازه وبمناسبه الاخبار دي احنا هنحتفل سوى دلوقتي تعالوا معايا
وقف معتز وحنان والبنات وقفوا خلفه ودخل لغرفه البار بتاعته وقال:هنشرب سوى بمناسبة الاخبار الحلوه دي اه صحيح عاوز اتعرف على القطتين دول ياحنان هانم
حنان ببسمه:اكيد يامعتز بيه دي نرمين بنتي ودي احم ملك صحبتها اصل نرمين اصرت تشوفك وقالت ناجي كلنا سوى
معتز برغبه:ينوروا ياحنان تعالوا نشرب سوى بقى
قربوا وحنان شربه كأس وكمان نرمين بس ملك رفضت علشان حامل فقرب منها معتز بسكر وقال
:ايه ياقطه المشر*وب مش حلو
ملك بقرف:لا بس انا مش بحب اشرب
معتز بغمزه:على كيفك نطلبلك عصير فراوله زيك
ملك بصت عليه بقرف وحنان فضلت تشربه كتير وبعد وقت خلاص بقى معتز مش واعي فقربت منه حنان بحظر واخدت المفتاح بسرعه وقالت
:خدي ياملك المفتاح زمان الشباب بره في الجهه الخلفيه روحي بسرعه ليهم
اخدت منها ملك المفتاح بسرعه وجرت خارج الفله وبعد ماطلعت لقت فهد قدامها
فقالت:فهد خد المفتاح اهو بسرعه الفله فاضيه علشان معتز أمره بكده ياله دي فرصتكم
فهد بقلق:طيب وانتو هتعملوا ايه؟
ملك ببسمه:متقلقش انا هرجع لطنط حنان ونطلع بعدها بسرعه متخفش
فهد براحه:تمام المهم خدي بالك من نفسك ياملك والنبي
ملك:حاضر وانت كمان خد بالك من نفسك
هز فهد رأسه وملك رجعت تاني بسرعه ومالك قرب منه وقال
:متقلقش مرات عمي معاهم ياله احنا علشان نخلص بسرعه
فهد بقلق:حاضر ياله بينا
دخلوا الفله من الخلف وكان فهد ومالك بس وادم وعماد فضلوا بره بيراقبوا الاحوال
بعد مادخلوا فتشوا في كل مكان لغايه ما لقوا الخزنه بتاعته في مكتبه وفهد حط المفتاح فيها وفتحت والملف بقى معاهم
مالك بفرحه:اخير بقى معانا الحمد لله يارب
فهد بخوف:تمام خلصنا ياله نطلع بسرعه قبل ماحد ياجي
مالك هز رأسه وتوجهوا لباب الخروج بس فجأه تصنموا مكانهم لما لقوا معتز قدامهم
معتز بخبث:يااهلا وسهلا بيك في مكتبي يافهد بيه سيب ياحبيبي الملف ده بتاعي احسن الكتكوته بتاعتك دي تدفع تمنه
فهد بص بصدمه على ملك وهي بين ايدي معتز ومنهاره من الخوف وووو
#يتبع..
الحب اللطيف
الكاتبه نور محمد
الي اللقاء في البارت الاخير من الروايه عاوزه تفاعل ممكن 🥺🤍
@الجميع
•تابع الفصل التالي "رواية الحب اللطيف" اضغط على اسم الرواية