رواية غدر الزين كاملة بقلم مروة محمد عبر مدونة دليل الروايات
رواية غدر الزين الفصل الاول 1
انصدمت من كلامه ايعقل هذا …اهذا الذي احببته منذ طفولتي وهمست لنفسها بمرارة:ا
فعلازى ما والدته بتقولي …اني غبيه ومغفله .
حاولت ان تتمسك ببعض القوة ومسحت دموعها وقالت:
.وانا ايه اللي يجبرني علي كده.
-ضحك ضحكه صاخبه وقرب وجهه من وجهها ونظر لها نظرته الخبيثه قائلا:
عشانك بتحبيني يا شهيرة …مش كده ولا ايه؟
اغمضت عينها وندمت علي ضعفها وعلي ساذجتها وردت بجمود مصتنع
انا ساعتها مش هكون شهيرة اللي تعرفها ي زين
استهزا من كلامها وثقتها المصطنعه ورد بكبرياء
=:متستعجليش الاحداث بكرة تشوفي ان زين السرجاني الدنيا كلها تيجي تحت رجليه ازاى…….واه قبل ما امشي حافظي انتي وعيلتك المحترمه علي شويه الكرامه اللي عندكم……..عايز ارجع مشفش وش واحد منكم هنا في فيلتي……مفهوم ي شهيرة؟
ابتسمت بمرارة وعينيها تترقرق بدموع خيبة الامل هامسة
=صحيح صدق من قال خافي من غدرالزين .
زين كان يمتلك حاسه سمع رهيبه …استمع الي همساتها الرقيقه وانفجرت اسراريره وتوجه الي سيارته بمنتهي الثقه …وصعد سيارته ورحل …وهي مازالت عيناها المغيمه بالدموع تحدق في غبار سيارته الراحله
في داخل فيلا السرجاني …التي تتميز بالطابع الارستقراطي والجمال الكلاسيكي …والتي تضم عائله السرجاني …من اغني اغنياء منطقه جاردن سيتي.
هبط” خليفه” هو وزوجته وابنة عمه وحبيبه طفولته “نهي”…متشابكين الايدي ومبتسمين لبعضهم البعض الي الاسفل…حيث يجلس افراد العائله لتناول الافطار
تغيرت ملامحه من الفرحه بزواجه …الي الاستياء من مظهر هذه العائله المتكرر… فهم دائما صامتون وان تحدثوا يتحدثوافي قرارات كشبه اوامر عسكريه
لكنه لن يستسلم بسهوله لهذا القناع البارد فاضاف بلهجته المرحه
=يارب ياساتر …ايه مفيش صبحيه مباركه ياعتريس… ولا ايه
=نهي بخجل:
خليفه… بس بقا متحرجنيش
ابتسمت كل من السيده “تفيده”والده “نهي” واختها “شهيرة” علي مرح “خليفه” …اما عن مدام “ياسمين” والدته نظرت لهم باستياء وكالعاده “شرف السرجاني” والد نهي وشهيرة صامت تارك امرتوبيخ “خليفه” ل”زين”… لانه يثق ثقه عمياء في قدرته المطلقه
ابتسم زين بسخريه وقال
وكمان عايزنا نقولك صباحيه مباركه وانت متجوز بقالك اسبوع …طب حس علي دمك ي اخي …وانزل تابع اشغالك =
خليفه بضجر
=ايه المشكله يعني ما انا طالع عيني في الشغل …كتير عليا ارتاحلي اسبوعين مع عروستي؟ وبعدين ده كان قرارك انا اتجوز الشهر ده وارتاح وانت الشهر اللي بعده نريح بعضينا ي اخي
قام زين من مقعده وزفر حانقا وقال
-=انا لو عليا مش عاوز اتجوز …لو الجواز هيعطلني عن شغلي بالطريقه المبهرة بتاعتك دي
هنا ارتسمت مشاعر الاسف علي وجه “شهيرة” لما قاله …الا يكفي تاجيل زواجه بها من اجل صفقه مهمه بالنسبه له …كم هي مغفله تتمني شخص كل همه عمله.
صدح صوت خليفه عاليا:
-=مالها طريقتي ي زين باشا …راجل وبحب الحياه …مش زيك كاره حتي نفسك
ابتسم زين بسخريه من كلام اخيه وصفق بيديه وقال:
=برافووووو وايه كمان …ارغي ي عم الفيلسوف …ولا نقول اله الحب والجمال
زفر خليفه حانقا وفي محاوله منه في السيطرة علي الامور
=حاضر يا زين… انا هجهز حاجتي وهسافر اتمم الصفقه النهارده …متقلقش كل حاجه هتبقي تمام
كاد زين ان يخرج من حجرة السفرة بعد قرار خليفه بالسفر… ولكنه تذكر انه اذاسافر خليفه سياخذ معه نهي …وسوف ينشغل بها عن الشغل …عاد مرة اخري بوجه صارم
=لا يا خليفه انا اللي هسافر المرة دي …انت بس خلي بالك من الشغل اللي هنا انت واسر… وخلي بالكو من “حازم “ابن عمي …انا عارف …هيحاول يعمل اي حاجه في غيابي …لولا صله القرابه كنت طردته من الشركه
خليفه بنبرة حنونه كاخ اكبر لزين
=خلاص اللي تشوفه ي زيزو
استشاط زين غضبا
=قولتلك ميت مرة بلاش زفت زيزو دي معايا …انا مش صغير
رحل “زين “بمنتهي السرعه والعصبيه في حين عاد “خليفه “الي مائده الطعام ليجلس بجوار زوجته الجميله …وقد شعر بالارتياح لعدم وجود والدته وعمه …ولكن عندما نظر الي اخت زوجته “شهيرة” شعر بالاسف نحوها بسبب قسوة وصلابه “زين” في التحدث عن مفهوم الزواج …بالاضافه الي تاجيل موعد الزواج بسبب صفقه مهمه بالنسبه له ……عاتبته زوجته نهي.قائله
=ليه عملت كده يا خليفه
ذغر لها “خليفه” بعينيه…فكيف لها ان تساله هذا السؤال امام “شهيرة”
تنحنحت شهيرة واستاذنت منهم بحجه ان لديها بعض التجهيزات للزفاف …وتبقي نهي وخليفه وتفيده فقط علي المائده
=خليفه بندم
اسف يا مرات عمي ماخدتش بالي ان كلامي هيجرح “شهيرة” …كان نفسي افوقه من البرود اللي هو فيه
تفيده بحزن علي حال ابنتها.
=_ولا يهمك يا ابني …”شهيرة”راضيه بنصيبها معاه …وعارفه انها بالنسبه له جوازة والسلام
= نهي بغضب :
بتقولي ايه ياماما …ازاي يعني المفروض طالما هيا عارفه كده تتكلم مع بابا …وينتهي الاتفاق دا خالص
لوت “تفيده” شفتيها باسف :
=وتفتكرى ابوكي هيوافق …وحتي لو وافق ما هي كده بردو هتتعذب…
نهي باصرار
=بس يا ماما
_زفر “خليفه” حانقا
…بقولك ايه يا نهي:
احنا ملناش دعوة هما حرين …انتي شايفه بنفسك اختك بتحبه وهتموت نفسها علشانه …يبقا خلاص احنا اللي علينا ان نحاول نغير منه شويه …مع اني عارف ان مفيش فايده فيه اصلا
اغتاظت” نهي” من اعلان “خليفه” التخلي عن مشكله “شهيرة ” مع “زين” وزفرت حانقه
=هو ده اللي ربنا قدرك عليه…دا بدل ما تتكلم معاها وتعقلها وتخليها ترفض الجوازة دي اللي هتخليها تعيش في تعاسه …وتفهمها ان جوازتنا مش مقياس لنجاح جوازتهم …
مسح “خليفه” علي شعره بعصبيه وشعر بغيظ من حديث “نهي” وقال
=شاهده يا مرات عمي …انا حاسس ان حضرتك ولدتيها ناقصه تلات شهور …ما هو مش معقول مش فاهماني ولا فهماكي ولا فاهمه اختها…طب اقولها ايه …يا ستي اختك بتحبه …ولو كان مجرم بردو بتحبه وهتتجوزه
تفيده بصبر
=معلش يا ابني بالراحه عليها …هيا بتحب اختها اوى ومفكرة ان اختها ممكن تقتنع بكلامك
=خليفه بقله صبر…
لا يا مرات عمي …”شهيرة”عمرها ما هتقتنع بكده لانها مغيمه بحبها ليه …وعمرها ما شافت بعينها راجل غيره
=نهي بحزن:
ياريتها كانت حتي اخدت بالها من مشاعر “حازم”بن عمي …دا بيحبها حب …بس للاسف هيا مش شايفاه خالص وبتعتبره اخ ليها
خليفه وهو يلك الطعام داخل فمه توقفت اللقيمه في حلقه وسعل كثيرا علي ذكر”حازم” وبعد انا بلع اللقيمه بصعوبه
_=قال :
نهي حبيبتي انتي فاكرة لو هيا حتي انجذبت ل”حازم” السيد والدك هيوافق ده مش بعيد يقتله …من غير حاجه بيعامله كانه خدام عندنا في الشركه…ما تقوليلها يا مرات عمي
تفيده بشرود وحزن عندما تذكرت احداث الماضي وقسوة “شرف” في التعامل مع “حازم” وهو صغير لانه لم يورث من والديه المال مثل “خليفه”و”زين”…افاقت من شرودها.وقالت باسي
=-حقيقه يا نهي…باباكي طول عمره مبيحبش حازم…بيحب “خليفه”و”زين” ولولا رابط الدم كان طرده من الشركه زى ما قال “زين” …تعرفي يا”نهي” انا خايفه ان “زين” يكون نسخه من باباكي ويكرهكم في بعض
شعرت نهي بالخوف وقالت
-=لا ياماما مش للدرجه دي …ان شاء الله “شهيرة” تغيره…صح يا “خليفه”؟؟؟
ابتسم خليفه علي برائتها
=_صح يا روح قلب خليفه …ممكن اكمل فطارى بقا؟
ابتسمت بخجل
=الف صحه وهنا علي قلبك يا حبيبي
-خليفه بمرح
=حبيبتي يا نهنوهتي
علي الجانب الآخر:هربت شهيرة الي المكان المفضل لديها “حوض الورد” الذي تحبه …فهي مثل الزهور شخصيه حساسه ورقيقه وضعيفه من الممكن قطفها بسهوله …منهم من يعتني بها ومنهم من يتركها تذبل وتموت …وقد اختارت هذا المكان خصيصا لأنه يطل علي شرفه حجرة زين ليته ينظر لها وينجذب لها
كان يلملم أوراقه من فوق مكتبه ووضعها في حقيبته …لفت نظره وجودها عند “حوض الورد”هز رأسه يمينا ويسارا بسخريه علي اهتمامها بالزهور …بالنسبه له هذا ليس من اختصاصها ولا يليق بها
ظلت تبكي وكادت دموعها تسقي الازهار وتتساءل بداخلها …لما هذا الالم؟الم يكفيه أنه زواج تقليدى بالاتفاق ؟الم يستشعر مدى حبها له يوم من الايام؟
احست به يخرج من باب الفيلا مارا بالحديقه وهي تعطيه ظهرها وتعلم جيدا أنه يراها فشعرت بغصه في حلقها لأنه لم يعيرها اي اهتمام وحتي لم يلقي عليها السلام وانهارت فور خروجه من الحديقه
عندما ذهب إلى سيارته اكتشف نسيانه لهاتفه رجع “زين” ليأخذ هاتفه واذا به رآها تجلس علي حافه “حوض الورد”وتضعه يدها علي وجهها تبكي
تنحنح قائلا:
=انتي كويسه؟
تفاجئت من رجوعه ايعقل أنه احس بها وبمشاعرها
ردت عليها بارتباك:
=انتي رجعت ليه في حاجه حصلت ؟
راي دموعها وبدون مبالاه:
=لا نسيت موبايلي هاروح اجيبه وراجعلك استنيني لازم نتكلم
فرحت كثيرا علي امل وانتظار منه كلمه حنونه ترطب قلبها المتالم
وعندما عاد
=_شهيرة انا عارف انك مكنتيش حابه تتجوزى بالطريقه دى .
..كادت ترد لتفهمه الأمر وأنها ليست مجبورة …ولكنه قاطعها
=_اسمعيني في الاخر وبعدين اتكلمي …حتي لو مكنش عمي طلب مني الجواز منك …كنت انا اللي هطلبك منه
ارتسمت علي وجهها معالم الفرحه التي سرعان ما تحولت إلي الجمود عندما سمعته يقول:
=لانك بنت عمي اللي رباني وله افضال كتير عليا …وياريت مش كل مرة نتكلم في موضوع الجواز تاخدي الأمور بحساسيه…انا طبيعتي كدة وعمري ماهتغير …عن اذنك .
استوقفته شهيرة برجاء قائله
-=ثواني يا زين …ممكن طلب
=تنهد بنفاذ صبر:
اتفضلي
=عايزة انزل اشتغل في الشركه
بكل جمود منه:
=اسف
شهيرة بحزن :
=ليه
=مبحبش مراتي تكون شغاله عندى
فرجت شفتاها مما سمعته منه ..وقالت
=بتشتغل عندك …زين انا هبقي مراتك
قاطعها قائلا:
=مهما اختلفت المسميات … مبحبش حد من ستات عيلتي يشتغلوا في شركاتي حتي لو كانت امي
شهيرة بالحاح
=يازين بس …
قاطع حديثها كالعادة :
=انا اتاخرت وعندى طيارة بعد الظهر …عن اذنك
تركها مثل العادة في حيرة من أمرها ورحل
في داخل شقه بمدينه نصر تقف “خلود “اامام مراءة الزينه ترتدي ثيابها والتي عبارة عن فستان احمر نارى باكمام وطويل ولكنه ضيق للغايه يبرز مفاتن جسدها كانه لا توجد روابط ولا قيود تمنعها من ارتداء هذه الملابس ولما لا وان كانت هيا الوسيله الوحيده لاباها وامها للحصول علي العريس الثرى كانها ليست ابنتهم انما هيا صفقه مربحه لديهم …قامت بوضع احمر الشفاه وعصكت شعرها لفوق وانزلت خصلتين علي وجنتيها وخرجت من غرفتها تركض لتلحق بالمعهد …في الصاله اصطدمت بامها “هاجر غازى” التي تعتبر من احدي التابعات لمدام “ياسمين” والده “زين” السرجاني
هاجر بانزعاج
اييييه …قطر معدي …مش تاخدي بالك=
خلود بابتسامه
سورى مامي اتاخرت علي المعهد …ومدت يدها وقالت:ايدك
نظرت لها “هاجر” باشمئزاز وقا لت
=ايه ايدك دي …مش تتكلمي بادب
=خلود بنبرة مرحه :
سورى هاجر هانم …ممكن تعطيني قدر من المال؟
=هاجر بسخريه:
منين …باباكي شطب علي كل اللي معايا
زفرت خلود وقالت:
=اوووف …وانا اعمل ايه دلوقتي
هاجر وقد لمعت برأسها فكرة شيطانيه قالت:
=روحيله المكتب وخدي منه…ويمكن زين يشوفك وتعجبيه ونخلص منك
خلود بحنق :
زين مين يا ماما …زين خاطب=
=هاجر بانتصار:
لسه واصلالي الاخبارحالا من “ياسمين” هانم انه شكله هيسيب بنت عمه…لانه اساسا مش بيحبها …و”ياسمين” مش موافقه من الاول …وبعدين ياسمين هانم لما بتتصمم على حاجة يبقى هتعمل ليها الف طريقة وطريقة خصوصا انها من زمان نفسها تشيل شرف من الشركة وتطرده بره زى ماكان عاوز يرميها بره البيت زمان
عضت “خلود” علي شفتيها عندما تذكرت قول “حازم” لها :
ياريت كل مرة اشوف فيها عينيكي الجميله دي تقوليلي فيه اي خبر عن فيلا “السرجاني” يا قمرى
=نهضت سريعا:وقالت
تمام يا مامي يدوبك الحق اروح اخد الفلوس من بابي…سلام يا جوجو
اندهشت هاجر من رده فعل ابنتها بعد سماعها للخبر ورفعت كتفها بطريقه لا مبالاه
ذهبت خلود الي الشركه وطرقت باب غرفه والدها “باهر الجويلي” رحب بها قائلا:
=خلود بنوتي الحلوة …تعالي يا روح بابي …اكيد جايه تاخدي فلوس
ضحكت خلود بشده وقالت:
=وعرفت منين يا سي باباي اني عايزة فلوس …مش يمكن وحشتيني
قاطع كلامهم طرق الباب ودخول “زين”انشرح قلب “باهر”لرؤيته لكي يعرفه علي “خلود”ابنته
=زين برسميه:
فين الاوراق الاخيرة للصفقه
=رحب “باهر” به :
اهلا زين باشا…الاوراق واقفه علي امضاء الاستاذ “حازم”…اعرفك “خلود”بنتي اولي معهد حاسبات ومعلومات
=نظر لها زين نظرة خاطفه وقال :
=اهلا…
لكزها “باهر”في كتفها لتصافحه
مدت يدها بكل برود وقالت
: تشرفنا=
=هو بنفس برودها :
اهلا
تركهم “باهر” ليحضر الاوراق وكادت الغرفه تحترق بهم بسبب غضب “زين” وسخطه علي لبس وبهرجه “خلود”
خرج السيد “باهر” و”حازم”وقدم له الاوراق اخذها وسلم علي “حازم” ببرود وطلب من “باهر” ان ياتي معه لمراجعه بقيه الاوراق…وظلت “خلود” مع” حازم”ووجدته شاردا …لوحت بديها ناحيه وجهه :
=ايييييه “حازم” مالك
=افاق من شروده قائلا:
مش عارف زين ماله
=ابتسمت له وخلود وقالت
واللي يقولك ماله
=نظر لها نظرة ثاقبه وقال:
=عندك اخبار
=خلود:بدلع
=بيبو هيفرقع جيجي
=حازم:ببلاهه
=يعني ايه
خلود:بهمس
=زين هيفركش مع بنت عمه
نظر لها بعدم تصديق فاوضحت له :قائله
=مدام “ياسمين” كانت فرحانه النهارده جدا لانه اتكلم عن جوازة اخوة من اخت خطيبته وازاي هيا اثرت علي شغله فلو جوازته منها هتعمل كده فهو مش عايز الجوازة دي وبالناقص منها…دا حتي مرضاش يخلي اخوه يسافر يتمم الصفقه بداله لانه خايف لينشغل بعروسته وتضيع الصفقه من بين ايديه…شردت “خلود” وقالت:
=للدرجه دي زين انسان بارد …وخالي من المشاعر؟
=ظهرت معالم الفرحه علي وجهه مما اثار دهشه “خلود”وقال
بتتكلمي بجد ؟
استغربت من رد فعله وقالت:
=وانت فرحان اوى كده ليه …هو انت بتحبها؟
اضطرب “حازم”وقال :
=لا ابدا انتي عارفه هما عملوا فيا ايه …وبحبهم مفركشين كلهم
لم تصدقه وكادت تستفهم معني كلامه الا ان انقذه من الموقف ابيها عندما دخل قائلا:
=معلش يا ابنتي اتاخرت عليكي…خدي الفلوس اللي طلبتيها مشي بيهم نفسك الاسبوع ده
=خلود بشرود من موقف “حازم”
ماشي يابابي سلام يدوب الحفق المحاضرة …واشترى كتابين
=بالتوفيق يا خوخه
بعد مرور اسبوع …شهيرة في حديقه الفيلا تنتظر زين يفتح هاتفه المغلق بعد نزوله من الطائرة فهو لم يحادثها من يوم سفره كعادته يفضل الشغل عن اي شئ…ها قد فتح هاتفه ولكنه مشغول
هبطت الطائرة التي استقلها “زين” مطار القاهرة الدولي ونزل زين ارض الوطن …ولم يجد “اسر”صديقه …هاتفه زين:
=ايه يا اسر…انت فين؟
=اسر وهو مشغول:
=اسف يا زين جاتلي سفريه لاسكندريه مفاجئه …المفروض “حازم” اللي يسافر بس طلب يبدل معايا لانه مرهق …حازم بعتلك عربيه هتلاقيها رقمها23453 نوعها….. معلش اسف والله
=نفخ زين وقال:
=طيب يا”اسر” مع اني مش قادر اسوق
=اسر باسف:
=معلش يازين غصبن عني
=زين بتعب:
خلاص ولا يهمك
=اسر :
سلام يا صاحبي
ضحك “زين”علي كلمه “اسر”فهو دائما ونعم الصديق
انطلق زين بالسيارة الي الفيلا واثناء قيادته رن هاتفه …نظر اليه وجدها “شهيرة” زفر ورد قائلا:
ايوة يا “شهيرة”انا في الطريق في حاجه؟
شهيرة باحراج من رده:
=لا بس بطمن عليك
=لوى فمه قائلا :ا
=اطمني انا بخير….لحظه يا”شهيرة” خليكي معايا…وجد “زين” نفسه لم يعد السيطرة علي السيارة فهي تمشي بسرعه اعلي من السرعه الذي حددها لها …اضطربت انفاسه عندما ادرك ان فرامل السيارة غير موجوده وهمس لنفسه:ا
العربيه مفيش فيها فرامل …كان تنتظرة علي الهاتف الا ان سمعته وهو يتحدث عن عدم وجود فرامل ازدادت ضربات قلبها وهي تتسائل هل ما سمعته للتو صحيح ؟نادته قائله:
=زين…زين…زين .. …
كانت السيارة تسرع بترنح علي الجانبين …
جائها الرد عبارة عن صوت انقلاب وتحطيم للسيارة
ظلت تصرخ وتقول
=زين …يا زين…رد عليا يازين …الي ان سقطت مغشيا عليها
- يتبع الفصل التالي اضغط على ( رواية غدر الزين) اسم الرواية