رواية احتواء قلب الفصل العشرون 20 - بقلم عبير سليم

     

 رواية احتواء قلب الفصل العشرون 20 - بقلم عبير سليم

صدمه الجمتها و جعلتها في حالة صدمه مما فعله بها تضع يدها على خدها من شدة الصفعه التي صفعها لها اما هادي فعينيه تتجه نحو الباب الذي تم فتحه سريعا : في إيه يا هادي مالها جنه

هادي : جنه

فهد : أيوة جنه وانا جايلك خبطت فيها و هيا خارجه من المكتب و بتجري بسرعه هو حصل حاجه

يدفعها من امامه بشده : غوري من وشي و اياكي اشوفك هنا تاني لو دخلتي الشركه دي برجلك تاني حقط**عهالك و حقت**لك يا ميار حقت**لك

يخرج هادي من المكتب بسرعه و فهد بيبص لميار و مش فاهم حاجه

ينزل هادي بسرعه عالسلم لدرجة انه كان بيخبط في اللي طالع و اللي نازل لحد ما لمحها رايحه ناحية عربيتها جرى عليها بسرعه ومسكها من دراعها قبل ما تفتح باب العربيه وهو بياخد نفسه بصعوبه : جنه

تلتفت ليه بعيون محمرة من العياط والبكاء : جنه انتي بتعيطي انا اسف يا جنه اسف على اللي قالته الحي.. وانه دي

جنه : هادي معلش بعد اذنك انا تعبانه و عاوزة امشي

يقفل هادي باب عربيتها و يسحبها من ايدها ناحية عربيته و يفتح لها الباب : ممكن تدخلي

تبصله جنه : ليه

هادي : عشان خاطري يا جنه مش احنا كنا متفقين اننا حنقعد مع بعض النهارده جنه : هادي ارجوك

هادي : ارجوكي انتي يا جنه اركبي عشان خاطري

تلاقي نفسها بتدخل العربيه و هادي يقفل الباب و يركب العربيه و يطلع بيها لحد أقرب مكان و ينزلوا سوا و يقعدوا في مكان هادي عالنيل

هادي : أنا آسف يا جنه آسف

جنه : لا يا هادي متتاسفش أنا اللي آسفه يا هادي اسفه اني حطيتك فى موقف زي ده هيا معاها حق المفروض مكنتش اشتغل عندك و لا اشتغل في أي مكان بعد اللي حصللي و بعد ما كل الناس عرفت حكايتي و اكيد مش ميار بس اللي بتقول علية كده اكيد كل اللي في الشركه بيتكلموا وبيقولوا ازاي يشغل في الشركه واحده زي دي

هادي : اللي يجيب سيرتك بكلمه واحده على لسانه انا اقطعهوله

جنه : انا اسفه يا هادي بس انا خلاص مش حقدر اكون موجوده معاك في الشركه تاني انا غلطانه من الأول اني وافقت على موضوع الشغل ده

هادي : جنه اذا كان عالكلام اللي سمعتيه من البني ادمه دي فهي خلاص اخدت العقاب اللي تستحقه و طردتها من الشركه خلاص اما انتي يا جنه فدي شركتك تدخليها و تقعدي فيها وانتي حاطه رجل على رجل و اللي يفكر بس انه ينطق بحرف هو اللي حيكون برة مش انتي

جنه : محدش يقدر يمسك لسان حد يا هادي واللي مش حيتكلم ادامك حيتكلم من وراك يبقى ملوش لزوم يا هادي ملوش لزوم وجع القلب ده سيبني امشي وخلاص

هادي : وحهون عليكي هادي حيهون عليكي تسيبيه و تمشي قلبي ده يا جنه مش حيصعب عليكي وجعه بعد ما تسيبيه و تمشي

جنه : قلبك

هادي : أيوة قلبي يا جنه قلبي اللي بيحبك و ميقدرش يبعد عنك و لا يوم واحد قلبي اللي وقت ما بيشوفك بيحس انه طاير من السعاده قلبي اللي مش قادر يشوف غيرك و لا يعشق غير عيونك اللي غر. ق.. وه في بحر عشقه وهواه

وخوفي كله انك تقولي انك متفاجئه او مش حاسه بيه و بحبه ليكي لأنك حتبقي بتزودي وجعه اكتر

بصيلي يا جنه باعده عيونك عني ليه ردي علية و ريحي قلبي اللي الوجع هده و كل أمله انه يرتاح و يحس بالأمان مع اكتر واحده حبها في حياته كلها

جنه وهي بترفع عيونها ليه : حسيت يا هادي و الله حسيت

و مش من دلوقتي ده من اول لحظه شفتك فيها من يوم ما وقفت في المحكمه و قلت فحقي كلام ميقولهوش اي حد في الدنيا و لحد اللحظه دي وانا حسه بحاجات كتير حلوه من ناحيتك لية

هادي : وانتي يا جنه احساسك ايه ناحيتي انا جوايا حاجات كتير بتقول انه نفس احساسي بيكي بس انا نفسي اسمعها منك انتي يا جنه

جنه : عمر احساسي بيك ما كان أقل من احساسك بية يا هادي من وقت لما عيوني جت فعيونك وانا ورا القضبان محبوسه وقتها حسيت اني مش شايفه في الكون ده كله غيرك و لحد اخر يوم وانا في الح. بس كنت دايما بتيجي على بالي كنت بحلم بيك ياهادي وكنت ببقى مبسوطه اوي لدرجة اني كنت بزعل لما اصحى و اكتشف انه كان مجرد حلم و لما كانت نجلاء بتجيلي و تحكيلي عاللي بتعمله عشاني و وقفتك مع ماما كان كلامها ده بيخليك تتسحب و تدخل جوة قلبي واحده واحده و يوم مااخدت براءه مكنتش شايفه غيرك انت ادامي وكل يوم بيمر علية بحس بيك وبحبك جوايا بس

هادي : بس ايه يا جنه

جنه : خفت يا هادي خفت يكون احساسي اللي انا حسيته من ناحيتك من طرفي انا بس و تكون علاقتك بية مجرد شفقه او عطف

هادي : شفقه و عطف انتي بتقولي ايه يا جنه انا اذا كان جوايا شفقه أو عطف فهو شفقه عطف على قلبي من حبه ليكي اللي ملهوش حدود بشفق عليه من سطوة حبك عليه وهو خايف قلقان مش عارف بكرة مكتوبله ايه و لا مشاعره واخداه ورايحه بيه على فين

انا من يوم ما شفت اللي حصل في الحفله واحترامي ليكي كان فوق الوصف ووقتها كان نفسي اصر.. خ قدام الدنيا كلها واقول انك اشرف واحده شفتها فحياتي لولا ان الباشمهندس هو اللي منعني وقتها وطلب مني اتكلم وقت تاني

ولما عرفت باللي حصل كان لازم اكون معاكي جمبك مينفعش اسيبك

ومنكرش اني في البدايه مكنتش عارف احدد مشاعري ناحيتك بالظبط بس عمر مشاعري ما كانت لا شفقه و لا عطف انا يمكن كنت حاسس بمسئوليه تجاهك حاسس انك محتاجاني جمبك محتاجاني احتويكي

لكن سبحان الله برغم الضيقه اللي انتي كنتي فيها إلا أني كنت بحس اني بستمد منك القوة عشان اقدر اقف جمبك واساعدك كنت بشوفك فاحلامي

كنتي بتقوليلي أقوى عشان تقدر تساعدني كنتي بتقوليلي انا واثقه فيك خليك جمبي متسيبنيش

لقيتك في بالي ليل ونهار مبتغيبيش عني لحظه بقى كل تفكيري فيكي انتي وبس قدرتي تخرجيني من دايرة ذكرى نستيني حتى انها تيجي على بالي لحظه رميتها بذكرياتها و بكل اللي عشته معاها نسيتها و نسيت غد. رها بية و جر.. حها لية و مبقاش في جوايا غير الحب اللي اتزرع في قلبي ليكي انتي يا جنه انتي وبس وبقى كل يوم بيعدي علية بحبك اكتر من اليوم اللي قبله بعشق كل تفاصيلك بعشق صوتك اللي بالنسبه لي صوت كروان بيسبح بحمد ربنا صورتك صورة شمس بمجرد ما بتهل عالدنيا بتملا الكون كله امل و تفاؤل و نور يمحي اي أثر للحزن و اليأس كلامك زي نسمة صيف جميله بتنزل على القلب تطيبه وانا معاكي في المكان اللي بتكوني فيه بحس اني ادام بحر بياخدني بجمال ريحته و صوت امواجه لأخر الدنيا دنيا جميله نفسي اعيشها وادوق شهدها وحلاوتها وانا معاكي يا جنه

جنه : هادي انا مش مصدقه اللي انا بسمعه ده معقوله كل المشاعر دي جواك لية وانا معرفش طب ليه ليه فهمني كنت ساكت ليه مكنتش عاوز تتكلم ليه يعني كان لازم يحصل اللي حصل ده عشان تتكلم يا هادي سايبني فحيرتي كل ليله وانا بقول لنفسي بيحبني لاء بيعطف علية وابقى بكلم نفسي زي المجانين ليه يا هادي حرام عليك ليه تع. ذبني وتع. ذب نفسك بالشكل ده طب قلبي ده مصعبش عليك تطمنه و انت عارف انه حبك كنت مستني ايه عشان تتكلم مستني ايه عشان تقوللي بحبك يا جنه

هادي : مستني مخافش مخافش من اللي جوايا ليكي وانا مش عارف حيوديني على فين مستني اشيل من جوايا الخوف مستني اطمن ان قلبي مش حينجرح تاني و لا يدوق المرار مرة تانيه

صدقيني لو قلتلك ان الجرح اللي عشته طول عمري كوم وجرح قلبك لقلبي حيكون كوم تاني خالص الدنيا اللي عشتها بحلوها و مرها حاجه و دنيتيك اللي نفسي اعيشها حاجه تانيه خالص الجنه اللي كانت فاكر نفسها فيها احساس و جنتك اللي نفسي ادخلها و اشم ريحتها واشوف هناها حتى لو كنت حقعد على بابها احساس تاني خالص

العالم كله في كفه والعالم اللي املي ان ميكونش فيه غير جنه و هادي عالم تاني خالص

جنه : معقوله كل ده جواك ناحيتي و خايف طب ليه تخاف فهمني عاوزة افهم انا ايه اللي حيخليني اخوفك مني يا هادي ايه اللي يخليك تخاف من إعلان حبك لية

المفروض الخوف ده يكون جوايا انا مش جواك انت

هادي انت خايف اكون زي ما سمعت من ميار خايف اكون انا فعلا الست الوحشه اللي كانت بتتكلم عنها اكون زي ما هيا قالت عني خايف تدي قلبك و ثقتك لواحده متستاهلهاش و تطلع كنت مخدوع فيها

هادي : جنه انتي بتقولي ايه انتي متعرفيش انا عملت فيها ايه لما قالت اللي قالته ده جنه انا مديت ايدي عليها ضربتها و طردتها

جنه انا واثق فيكي اكتر مانا واثق في نفسي و ثقتي فيكي دي مش من دلوقتي لاء من اول لحظه شفتك فيها وانتي عارفه ده كده كويس

جنه انا لو كان جوايا ذرة شك واحده تجاهك مكنتش حبقى هنا دلوقتي اياكي تفكري فحاجه زي دي او حتى تخطر على بالك لأني وقتها مش حقدر اسامح نفسي اني وصلتك لحاجه زي دي

جنه : طب لما هو مش كده امال ايه ايه اللي مخوفك الصح هو اني انا اللي اخاف مش انت

انت محصلش معاك اللي حصل معايا ولا اتعرضت للي اتعرضتله كفايه سمعتي اللي بقت على كل لسان والقضيه اللي بقت وصمة عار لية العمر كله

هادي : جنه انتي بتتكلمي عن قضيه اتحكم فيها خلاص و اتقفلت و طلعتي منها براءه قدام الدنيا و العالم كله و مسير اللي فاكر دلوقتي ينسى مع الوقت

لكن انا حياتي كلها اللي وصمة عار انا اللي قضيتي اتحكم علية فيها بالقهر و الذل واللي مهما عملت استئناف و اللا معارضه عمري ما حكسبها ابدا و حيفضل محكوم علية فيها حكم نهائي مفيهوش رجعه

جنه اذا كانت قضيتك لسه على لسان الناس فمسير حييجي يوم و ينسوها لكن انا قضيتي حتفضل على كل لسان عمري كله و ده مش من دلوقتي لا ده من يوم ما اتولدت لحد ما حموت و هيا حتفضل على كل لسان غنوه اللي رايح و اللي جاي بيغنيها و بيتحاكى بيها

انتي اللي اتعرضتي ليه ميجيش ذرة في بحر هموم و احزان عشتها طول عمري انتي اخدتي براءه من تهمه كنتي مظلومه فيها لكن انا تهمتي اني جيت للحياه تهمه حتفصل ملازماني العمر كله ومهما حاولت اطلب براءه مفيش حد حيبرئني و كأني انا اللي جنيت على نفسي

جنه : هادي انا مش فاهمه انت بتقول ايه ايه الألغاز اللي بتقولها دي كل ده عشان ايه يا هادي

هادي : عشان

جنه : عشان ايه يا هادي اتكلم

هادي : عشان انا لقيط يا جنه

جنه بشهقه: لقيط

هادي : ايوة يا جنه هو اللي سمعتيه و اللي عقلك مش مستوعبه و خضك الخضه دي عشان انا لقيط يا جنه و هو ده السبب اللي خللى ذكرى تسيبني عشان مليش اهل و لا لية نسب لا اعرف انا جيت الدنيا ازاي و لا ايه الذنب اللي عملته عشان يكون جزائي اني اعيش في وصمة عا. ار العمر كله

لحظه حلوه عاشوها اتنين مع بعض و كانت نتيجتها طفل ملوش اي ذنب غير انه حيكشف علاقتهم الحرام فقررت امه من غير شفقه و لا رحمه انها تداري على فضيحتها وانها ترميه في الزباله على امل ان الكلاب تأكله و تريحها منه وتنسيها غلطتها اللي عملتها لكن يشاء القدر ان الطفل ده يعيش ويكبر و يبقى نفسه يعيش الحياه زي اي شخص طبيعي لكن ماضيه يرفض يسيبه فحاله و يرحمه من اللي عاشه طول عمره ما هنش عليه يعوضه عن اللي مر بيه لاء لازم يقف له بالمرصاد و يهدم اي حاجه حلوة بيعملها و اول حد هدني و كسرني كانت اول حب فحياتي الحب اللي عملت عشانه المستحيل اللي تعبت و شقيت و اشتغلت ليل نهار عشان ميروحش منه عشان اقدر أحقق لها كل اللي تتمناه عشان تبقى مراتي و حبيبتي و ام ولادي اللي نفسي فيهم وأماني و سندي في الدنيا

كانت بالنسبه لي حصن قوي حيحميني من كل العالم فضلت ابني فيه و في الآخر كله اتهد فلحظه اتهد على راسي

كانت زرعه قررت ازرعها بايدي بعرقي بحبي اللي وهبته ليها زرعتها بكل ود و إخلاص كان نفسي اشوف نتيجتها ادامي اشوف ثمارها و هي بتطرح عالشجر و بقطفها حب و امان و حنان وحياه جديده

لكن اكتشفت ان اللي الزرعه اللي زرعتها وكنت برويها مكنتش غير زرع شي. طاني اول ما كبرت و طلعت من على وش الأرض جرحتني بأشواكها مرحمتنيش شافت جرح. ي و هو

بين. زف و ماهتزتش فيها شعره هانت عليها حنيتي هان عليها حبي وعشقي ليها و كل اللي عملته عشانها هيا وأهلها الوحيده اللي طمر فيها كانت همسه اهي دي الزرعه الطيبه اللي كانت فيهم عشان كده مقدرتش اخدها بذنب مش ذنبها وهي بنفسها خرجت من بستان ش. رهم و بعدت عنهم

جنه : جر.. حتك

هادي : أيوة جر.. حتني بس مش جر ح هين جر.. ح حيفضل معلم فية العمر كله

خن”*جر غر.. زته فقلبي بكل قس.. وه و جبروت

فكرتني باللي عمري ما نسيته عايرتني اني ابن حر. ام ابن حر. ام انا ابن حر. ام يا جنه

جنه و هي بتحط ايدها على بؤه : اسكت متكملش انت بتقول ايه ارجوك عشان خاطري اسكت (دموعه كانت نازله على ايدها و هي حاطه صوابعها على شفايفه)

انا لا يمكن اصدق ان البني آدم اللي قدامي ده ممكن يكون زي ما بتقول لاء استحاله يكون الي قلبي حبه و روحي اطمنتله يكون كده ابدا ابدا اكيد في حاجه غلط

استحاله زرعتك الطيبه تكون نتاج ارض شي.. طانه لاء يا هادي استحاله قلبي و لا عقلي يصدقوا حاجه زي دي

يقوم هادي و يقف قصاد النيل و عيونه عالمياه : لايا جنه انتي لازم تصدقي لأن هي دي الحقيقه الوحيده اللي فحياتي و اللي مهما حاولت اهرب منها مبعرفش وكل ما احاول انساها لازم الزمن يفكرني بيها

فهد و الباشمهندس و مدام اسماء عارفين كل حاجه و قبل كل دول امي و ابويا اللي لقيوني في الزباله و القطط و الكلاب بتنهش فية اللي اعتبروني ابنهم و ماخدونيش بذنب حد قعدوني بين ولادهم و مخافوش مني هما دول اكبر دليل على اللي انا عشته ودقت مرارته طول حياتي

جنه انا اسف انا حبيتك و مش بس حبيتك لا يا جنه انا عشقتك و بقيت بتنفس هواكي لكن حبي ليكي مش حيكون اناني

جنه انا عمري ما ححاول افرض نفسي عليكي و اجبرك تحبي واحد زيي لقيط ابن….

تقف جنه جمبه : اسكت يا هادي إياك تنطقها تاني مش عاوزة اسمعها

هادي : عندك حق هي كلمه صعبه صعبه اوي بقالي سنين اكتر من تلاتين سنه بسمعها و بتوجعني ومهما حاولت انساها مبعرفش مبقدرش جنه انا اسف اني اديت لنفسي الحق اني احب زي كل البشر اسف اني خليتك تحبيني

جنه : انت بتتاسف على حبك لية يا هادي بتتاسف على وعدك لية انك تكون سندي و اماني انت بتتاسف على الحضن اللي حسيته واتمنيت اني اعيش جواه الحضن اللي انا متأكده انه حيقدر يحتويني و يخليني احس فيه بأمان الدنيا كله الحضن اللي حقدر استخبى جواه و اطمن وانا معاه

هادي : كل اللي بتتكلمي عنه ده يا جنه انا قبل ما يكون انتي

الأمان و الاحتواء دول انا اللي لقيتهم معاكي يا جنه قلبي ده هو اللي محسش بالحب الحقيقي غير وياكي انتي

جنه انتي جنتي الجميله اللي نفسي اعيش فيها اللي جاي كله جنتي اللي نفسي انسى فيها عمري اللي فات و اعيش معاها عمري اللي جاي

جنه : وانت فرحة عمري كله يا هادي الفرحه اللي مخلية قلبي دلوقتي عاوز يصرخ بأعلى صوته و يقول بحبك بحبك يا هادي

هادي : يعني انتي موافقه موافقه تعيشي معايا موافقه تكوني مراتي حبيبتي ام ولادي موافقه تتجوزيني يا جنه

موافقه تعيشي مع واحد ماضيه زيي

جنه : هادي انا مليش دعوة بأي حاجه كانت قبلي انا اللي يهمني اللي احنا فيه دلوقتي اللي يهمني اني اكون انا الحاضر و المستقبل و ان قلبك ده ميدقش لحد غيري طول مانا معاه و وياه

هادي و هو بيمسك ايدها و يحطها على قلبه : وقلبي ده بيوعدك انه طول ما هو بيدق عمر دقاته ما حتكون لحد غير جنه جنه و بس

بحبك يا جنه بحبك يا احلى جنه في الدنيا

جنه : وانا بحبك اوي يا احلى حلم عشته و حيبقى احلى حقيقه

هادي : تقبلي تتجوزيني يا جنه

جنه وهي بتهز رأسها بفرحه : أيوة موافقه

ميحسش بنفسه غير و هو حاضنها بكل قوة وبيشيلها و بيلف بيها بفرحة و بيصرخ بعلو صوته : بحبك بحببك لدرجة ان كل اللي في المكان بقوا واقفين بيتفرجوا و بيضحكوا عليهم و بيصقفولهم

وجنه فرحتها و سعادتها ملهاش حدود

• يتبع الفصل التالي اضغط على ( رواية احتواء قلب ) اسم الرواية