رواية قصيرة القامة طويلة اللسان الفصل الحادي و العشرون 21 - بقلم شيماء صبحي

  

  رواية قصيرة القامة طويلة اللسان الفصل الحادي و العشرون 21

الفصل الواحد والعشرين..

رواية🌸قصيرة القامة طويلة اللسان🌸

 

 هو حضرتك واصحابك عايزين البدل ليه..

هادي هز راسه وقال" النهارده كتب كتابي يا ساره..!

ساره بصتله بصدمه وقالت .. نعم كتب كتابك ازاي وعلي مين.؟

هادي وقف وهوا باصصلها باستغراب وقال" في ايه يا ساره الأسئلة دي كلها بقولك كتب كتابي بسيطه.. 

ساره بصدمه" أنا أسفه يا مستر هادي مش قصدي حاجه ألف مبروك طبعا.. 

هادي ابتسم وهيا خرجت بسرعه من مكتبه  وهيا مصدومه انه ازاي هيكتب كتابه وهيا للأسف بتحبه من سنين..خرجت وهيا حزينه ومش مصدقه بجد ان هادي هيتجوز..! 

قعدت علي مكتبها وعملت مكالمه مع آتيليه مشهور وطلبت منه  4 بدل بنفس مقاس هادي لانها شايفه ان أصحابه في  نفس جسمه..

خلصت المكالمه وقعدت وهيا لسا مصدومه وبتفكر مين دي اللي هوا هيتجوزها وليه مقالش حاجه زي دي وامتي وفين..! 

قعدت تفكر في صمت وهيا مش مستوعبه الي قاله لحدما قامت علشان تعمل لنفسها اي حاجه تشربها وتعرف تهدي لأن شكلها ملفت جدا انها حزينه؟

__________

عبدالله خرج من مكتبه وراح لمكتب هادي وهو بيقول بابتسامه" ألف مبروك يا عريس..

هادي وقف بابتسامه وقال.. عقبالك يا صحبي.. 

عبدالله حض""نه وقال" والله العظيم انت تستاهل قمر وانا عايزك بس تحطها في عينيك  لان دي في امانتي رغم انها كانت بتحميني وبتخاف عليا بس برضوا انا يعتبر أخوها الكبير وطبعا  هحميها.. 

ابتسم هادي وقرب منه وقال"" انا مش ناسي اول مره دخلت المنطقة وشوفتها بتضربك انت واحد كمان.. 

عبدالله ضحك وقال" كانت غلطه صغيره ولاكنها مبتسبش حقها .مسابتتيش غير لما ادتني علقه محترمه انه والولا الي من رجالة المعلم فاروق  .. 

هادي  ضحك وقال" لسا فاكر التفاصيل!!  

عبدالله ضحك وقال" انت عارف ان قمر رفم انها بنت جدعه ولاكنها مبتسبش حقها نهائي واوعي يا هادي تجرحها لانها ارق من الازاز صدقني.. 

هادي هز راسه بجديه وقال" قمر مش بس هتبقي مراتي دي حته من قلبي يا عبدالله وعمري مهزعلها لانها تستاهل كل خير.. 

عبدالله ابتسم وقال" الف مبروك يا عريس وبعدين مقولتليش احنا هروح القصر امتي!! 

هادي عدل قميصه وقال" انا بعت محمد وسعيد يجيبوا المأزون وخليت ساره تجيب لينا بدل وأول مهيوصلوا هنلبس ونروح علي طول.. 

عبدالله هز راسه وقال" انا هكون الوكيل بتاعها باذن الله علشان دي وصيه عم عبدالتواب الله يرحمه وجمال الله برحمه برصوا.

هادي ابتسم  حط ايده علي كتفه وقال" دا العشم برضوا يا عبده '

عبدالله ابتسم وبعدها الشباب وصلت وبصوا لهادي وقالو.. المأزون بيطلق هيخلص ويجي علي طول .. 

هادي بصدمة. جايبلي مأزون لسا بيطلق ناس..وعايزه يكتب كتابنا .. دا ايه البشاره الحلوه دي؟؟

سعيد بتعب. دا اللي لقناه يا هادي انا مش عارف يا اخي مصر كلها بتتجوز النهارده ولا ايه.. 

هادي هز راسه وقال.. خلاص مش مشكله بيطلق بيطلق هيا جاوزه باينه شكلها .. الشباب ضحكوا علي ملامه وهوا قال بضحكه""يلا خلينا نروح اي فندق نجهز هناك.. 

الشباب هزو راسهم وخرجوا وهادي قرب من ساره الي كانت حاطه ايديها علي خدها وسرحانه وقال. ساره عايز البدل توصل علي الفندق دا.. 

ساره انتبهت ليه وقالت. تمام يا فندم تحب ابعت لحضرت مصففين شعر او حاجه. 

هادي ابتسم وقال.. ياريت يا ساره معلش هتعبك معايا.. 

ساره بابتسامه وقالت وهيا بصاله بطريقة ملفته ".. هو ممكن احضر كتب الكتاب يا فندم. 

هادي ابتسم وقال.. طبعا يا ساره دنتي تنوري. 

ساره ابتسمت وقالت" هوا هيكون في القصر بتاع حضرتك ولا فين.

هادي هز راسه وقال" إنشاء الله هيكون في القصر ولو حابه تروحي دلوقت عادي المهم انك متتاخريش قبل ساعه من دلوقت.. 

قال كلامه وضحك وهيا هزت رااسها وقالت" الف مبررك يا مستر هادي ربنا يكملكم علي خير.. 

هادي ابتسم ومشي مع اصحابه وهيا فضلت باصه عليه بحزن وبتقول" وياتري مين دي اللي هتتجوزها يا مستر هادي معقول تكون حلوه.. 

اخدت شانطتها وخرجت من مكتبها وعملت اتصال مع الاتيليه وبلغتهم انهم يبعتوهم للفندق ال يهادي هيكون فيه  وقالتلهم علي اسمه وبعدها اتواصلت مع مصصفين شعر يروحلهم الفندق وهيا راحت  بيتها علشان تجهز … 

وبعد ساعه ونص تقريباا.. 

خرج الاربع شباب من الفندق وهما لابسين بدل سوداء وكان شكلهم يخطف الانفاث.. 

ركبوا الشباب العربيه وكانو في طريقهم للقصر… 

______

وفي القصر كانت البنات الي بيجهزوا قمر كانو خلصوا وكانت قمر طالعه تجنن كانت لابسه فستان باللون الابيض كان سيمبل وكانت عامله تسريحه شعر بسيطه وميكب سيمبل وكانت النتيجه انها شبه الحوريه حقيقي وقفت قمر قدام المرايا وهيا مش مستوعبه انها بقت بالجمال دا كلو  فضلت تقول بابتسامه" هو معقول دي انا. 

البنات الي معاها قالو" شكلك قمر مشاء الله .. 

سهر كانت خلصت هيا كمان وكانت لابسه فستان بسيط جدا وكان بالون البيچ وعامله ميكب سيمبل جدا خلصت وهيا بتبص لنفسها وبتقول" معقولا انا بالحلاوه دي!!

البنات كانو بيبصولهم ومبتسمين لانهم كانو  جميلات فعلا    . 

سهر قربت من قمر وحض"نتها بفرحه وهيا بتقول" مشاء الله كأنك حوريه نازله من السماء مش معقول كل الحلاوه دي.. 

قمر ابتسمت وقالت بفرحه" بجد شكلي حلو يا سهر.. 

سهر قالت بابتسامه" تحفه اوي يا قمر مشاء الله قمر وانتي قمر.. 

قمر بصتلها بحب وقالت" وانتي مشاء الله عليكي طالعه زي القمر وأكتر منه كمان  .. 

سهر خجلت وقالت بهمس" تفتكري شكلي هيعجب محمد.. 

قمر ضحكت وقالت" تقريبا كدا ممكن يتجنن .. 

سهر وشها أحمر جدا وقالت" انا مبسوطه اوي يا قمر اخيرا هتبقي عروسه . 

قمر قالت بتوتر" بس انا خايفه اوي يا سهر حاسه اني مش علي بعضي  كدا وعايزه اهرب. 

سهر بصت حواليها لقت البنات باصين لقمر بصدمه فقالت بابتسامه" بتهزر طبعا اكيد مش هتهرب. 

البنات هزو راسهم وبعدين بدأو يلموا حاجتهم وسهر قالت بهمس .. انتي بتقولي ايه يخربيتك هتفضحينا.. يعني ايه هتهربي انتي مش كنتي عايزاه يرجع علشان تبقي معاه. 

قمر وشها أحمر وقالت" كنت بكدب يا سهر انا كدابه .. ااه الموضوع موتر دا كل شويه يقولي بكره تبقي مراتي علشان انفخك علي الي بتعمليه معايا.. هو يقصد ايه يا سهر ها.. 

سهر فضلت بصالها بضحك وقالت " تعرفي يا قمر شكلك بق حلو لما بقيتي انثي كدا . 

قمر بصتلها بصدمه وقالت" ايه ؟؟ يعني ايه انا مش انثي.. 

سهر بضحك" لا أقصد بقيتي بتتكسفي وبتتوتري.. يبنتي دنتي من كتر مكنتي جديه كنت بحس انك واحد صحبي.. 

قمر ضربتها بخفه وقالت"  تعرفي اني ممكن  اقلب راجل حالا اه وربنا.. 

سهر ضحكت وبعدها البنات قربوا منهم وقالو" احنا هنمشي والف مبروك تاني . 

قمر ابتسمت وردت عليهم وقالت" الله يبارك فيكوا. 

البنات قالو لسهر" الف مبروك يا انسه.  

سهر بصتلهم  بإستغراب وقالت " الف مبروك ليا انا. 

البنات ابتسمو وسابوهم   وخرجوا وهيا بصت لقمر وقالت بصدمه "  هما بيقولولي الف مبروك علي ايه. 

قمر بصتلها هيا كمان باستغراب وقالت" مش عارفه والله يا سهر بس ممكن ميقصدوش حاجه.سهر هزت راسها بإقتناع وبعدها قمر قالت" بقولك اي يا سهر متنزلي  تحت  كدا تشوفي ايه اللي بيحصل  .؟

سهر هزت راسها بابتسامه ونزلت وفضلت قمر قاعده بتفرك في ايديها بتوتر مش مستوعبه انها كمان دقايق بس هتكون مرات هادي رسميا.. 

فضل قلبها يدق وهيا بتفتكر  انه ممكن يع"مل الحج"ات الي بتح"صل ما بين اي زو"ج وزو"جه فعلاا  .. كانت خايفه ومتوتره ولاكنها فاقت من تفكيرها علي صوت فتح الباب لفت بصدمه وهيا بتقول بخوف" ممين؟ يتبع

عايزه تفاعل وكومنتات كتير علي البارت دا وانتظروا بارت هديه هينزل النهارده بالليل🌸🙈❤️

تكملة الفصل الواحد والعشرين.. 

رواية🌸قصيرة القامة طويلة اللسان🌸

صافي قالت بابتسامه" انا يا قمر انتي  جهزتي  .. 

قمر حطت ايديها علي قلبها براحه ووقفت قربت من صافي وقالت" ايوا انا خلاص جهزت" 

صافي ابتسمت وحض"نتها وقالت" مشاء الله يا حبيبتي طالعه زي القمر.

قمر بصتلها بابتسامه وقالت" شكرا لزوقك يا حماتي.. 

صافي ضحكت وقالت" بصي انا هقولك حاجه .. بشكلك دا والجمال دا كلو مش لايقه خالص عليكي  كلمة حماتي قوليلي صافي أبو"س ايدك" 

قمر ضحكت وقالت" حاضر يا صافي معلش بق اصلي اول مره يبق عندي حما. 

صافي ضحكت وقالت" وانشالله هتكون اخر مره يعني قصدي مش هتتجوزي تاني . 

قمر ضحكت وقالت" والله انتي زي العسل وانا حبيتك اوي . 

صافي ابتسمت وقالت" بصي في الحقيقه انا كنت خايفه منك بس بصراحه بعد اللي انتي عملتيه مع هادي واصحابه ف انتي بالنسبالي اجدع بنت شوفتها في حياتي. 

قمر ابتسمت وقالت" الا هو صحيح فين شاهي هانم وبنتها ساندي.. 

صافي بصتلها بحزن وقالت" للاسف ساندي بتحب شاب ودا يبق ابن عدونا وكانت جيباه عايزانا نوافق علي جوازها منه بس انتي طبعا مش متوقعه ان ابو الشاب دا عمل فينا ايه …دا هو السبب في  افلاسنا وفي خسارتنا وكل اللي حصلنا بسببه…. وطبعا احمد رفض جوازها منه  ولاكن شاهي اختي  واقفت علي قرار بنتها وواقفت انها تجوزها ليه وطبعا احنا اتضايقنا واحمد طلب من ساندي تخرج برا  القصر بو عايزه تتجوزه ….والغريب بق ان البنت وافقت ومامتها قامت هيا كمان واخدو هدومهم ومشيوا .. 

قمر بصتلها بحزن وقالت" معلشي يا صافي هيا البنت صغيره برضوا وتلاقيها حبت الشاب دا بس برضوا مكنش ينفع الي شاهي هانم عملته بس انا هقولك حاجه . هي شاهي اختك وبنتها ماديين. 

صافي هزت راسها بحزن وقالت" للاسف ماديين جداا. 

قمر هزت راسها وقالت" هو ممكن يكون الشاب دا مديهم فلوس او قايلهم هيعيشوا في مكان احسن فهتلاقيهم راحو علشان كدا بس هما اكيد ميعرفوش ان هادي رجع كل حاجه.. 

صافي هزت راسها وقالت" لا ميعرفوش. 

 قمر هزت راسها وبعدها حض"نت صافي وقالت" بقولك اي يا صافي انا خايفه اوي. 

صافي ابتسمت وقالت" دا العادي يا حبيبتي وبعدين متخافيش دنتي هتبقي مرات هادي الحرحي يعني الحنيه كلها. 

قمر قلبها دق اوي وبعدها قالت" عندك حق بصراحه .. 

قمر افتكرت هادي يوم اما رجع من السفر وشاف عمها بيضربها هو وعيلته  ووقتها لما اخدها في حض"نه  علشان يطمنها واخدلها حقها منهم وقتها ابتسمت وهيا بتقول"انا اكتشفت اني بحبه اوي . 

صافي ضحكت وقالت" بصراحه الولد يتحب مش علشان هو ابني بقول كدا.. لا  بس هو في الحقيقه نسخه من ابوه وهوا صغير وعلي فكره يا قمر انا مكنتش بنت ناس اغنيه ولا حاجه انا وشاهي اختي كنا بنات من طبقه متوسطه بس العيشه في المستوي دا بيغيرنا طبعا فانا نصيحه مني خليكي زي منتي متتغيريش مهما  حصل..  

قمر ابتسمت ليها بحب وقالت" شكرا اوي لانك واقفه جمبي في وقت زي دا" 

صافي حض"نتها وقالت" دا وجبي طبعا وخصوصا انك بتفكريني  بنفسي زمان اوي. 

قمر ابتسمت وهيا فرحانه لان صافي طلعت  عكس توقعاتها تماما حقيقي احنا لازم منحكمش علي حد من غير منعاشره الأول  لان ببساطه  انت ممكن تتعرف  شخص   في وقت غضبه مثلا  فتحكم عليه من تصرفاته  انه  شخص مش كويسه وممكن تحكم عليه في وقت يكون هوا رايق فيه او مبسوط  وتقول  عليه انه شخص كويس.. 

احنا لازم نعرف الاشخاص كويس ونشوف هل هما مناسبين انهم يكونو موجودين في حياتنا او لأ ومتتردش لحظة انك تبعد اي شخص سلبي بيقصر عليك وعلي حياتك في انك تخرجه منها . 

________

نزلت سهر وهيا بتبص علي القصر بابتسامه وفجاه لاقت بنت داخله عليها وهيا بتعمل صوت بالجز"مه بتاعها " 

ساره بصت لسهر وهيا مفكراها العروسه قالت بابتسامه حزينه" انتي العروسه.. سهر بصتلها بإستغراب وقالت" لا انا سهر صاحبت قمر العروسه. 

ساره ابتسمت وسلمت عليها وقالت" يعني العروسه فوق. 

سهر هزت راسها وقالت" هو حضرتك مين. 

ساره قالت بهدوء " انا ساره مديرة مكتب مستر هادي. 

سهر ابتسمت وقالت اهلا وسهلا يا انسه ساره. 

ساره ردت بنفس الهدوء وقالت " اهلا بيكي يا انسه هوا انا ممكن اطلع اسلم علي العروسه. 

سهر ابتسمت وقالت" ايوا طبعا اتفضلي. 

ساره هزت راسها ومشيت جمب سهر وطلعوا مع يعض لحدما وصلوا اوضت قمر. 

سهر دخلت الاول وقالت لقمر" الاستاذه ساره مديرة المكتب بتاع هادي واقفه برا  عايزه تسلم عليكي يا قمر.. 

قمر استغربت وبصت لصافي الي قالت بابتسامه" دي ساره ايوا دخليها طبعا. 

سهر ندهت لساره والي كانت لابسه فستان قصير من عند الركبه وبتقول بابتسامه" الف مبروك يا عروسه. 

قمر بصتلها بابتسامه وقالت" الله يبارك فيكي. 

ساره سلمت علي صافي وقالت بابتسامه "صافي هانم ازي حضرتك" 

صافي قالت بابتسامه"  الحمدلله يا ساره انتي عامله ايه وحشتيني؟ 

ساره ابتسمت وقالت" وحضرتك اكتر والله اتمني تبق تتيجي الشركه تاني وتشوفي انجازات ابنك. 

قمر بصتلها ولاحظت ابتسامتها الواضحه لما بتجيب سيره هادي قالت بقلق" ربنا ستر . 

ساره فضلت قاعده جمب قمر وهيا كل شويه بتبصلها وبتقارن بينها وبين نفسها وفي الاخر بصت قدامها اول ما لقت الباب اتفتح ودخل هادي وهوا ماسك ورد وبيقول " لو سمحتو يا جماعه عايز عروستي في كلمتين.. 

ساره قلبها وقف اول مشافته بالبدله ولاكنها اول ماشافت نظراته لقمر وازاي عيونه بتلمع  وهوا بيبصلها زعلت اري وبصت لقمر لاقت ان وشها بق احمر من الخجل " 

صافي انتبهت لنظرات ساره المفجأه لهادي وقمر  فمسكتها من ايديها وقالت بابتسامه" يلا يا ساره خلينا نخرج ونسيبهم لوحدهم.

ساره مشيت معاها وهيا بتبصلهم  بحزن وبعدها هادي قفل الباب وبص لقمر بابتسامه وقال" معقول الي انا شايفه دا؟؟ 

قمر بصتله ولقت نظراته ليها كلها حب قالت بخجل" ايه اللي انت شايفه . 

هادي سحبها من وسطها عليه وهوا مركز مع عيونها وبيقول .. معقول  يعتي بعد دقايق بس هيكون  القمر كلو ملكي.. 

قمر اخدت نفس طويل وهيا بتقول" هادي!!؟

هادي هز راسه وقال" نعم .. 

قمر بلعت ريقها وقالت" أنا خايفة اوي.. 

هادي شدها لحض"نه بضحكه وقال" وايه اللي هيخوفك يا قمر انتي هتبقي مراتي .. 

قمر قالت بصوت واطي" مهوا دا الي مخوفني. 

هادي سمعها وضحك ووقفها قدامه وهوا بيقول بابتسامه" انتي من النهارده هتاخدي حته من قلبي رسمي قدام كل الناس وقدام ربنا وعايزك متخافيش طول منا جمبك واتاكدي من دلوقت ان قلبي دا .. مسك ايديها وحطها علي قلبه وهوا بيبصلها ومبتسم .. قلبي دا  مفيهوش غيرك انتي بس يا قمر فاهمه. 

هزت راسها بابتسامه وهوا مسك الورد الي كان حطه في جنب وقال" امسكي رغم انك احلي منه بس دا لزوم العادات.. 

ضحكت قمر واخدت الورد  وهيا بتشمت وقالت" اي دا ريحته قالبه علي جرجير كدا ليه..!

هادي اخد الورد من ايديها وحطه علي السرير وقال" يبق بناقصه.؟؟ 

قمر فضلت تضحك وهوا رجع مسك الورد تاني وقال" بق انا حاطت عليه برفان مصنف عالميا انه احلي ريحه تقوليلي جرجير.. 

قمر اخدته منه وضحكت وهيا بتقول" انا كنت بهزر بس الصراحه ريحته حلوه اوي دي كلونيا صح…

هادي ضغط علي اعصابه وهيا فضلت تضحك وهيا بصاله وهوا رجع باصلها تاني وقال" خلينا نكتب الكتاب الاول وبعدها هشرحلك البرفان دا مصنوع من ايه بالتفاصيل ..!. 

وشها احمر من كلامه وهوا  ابتسم علي نظراتها ليه ومسك ايديها  وخرجوا…

________

وتحت في الرسيبشن .. 

محمد كان واقف جمب اصحابه اول ماشاف سهر بصلها بابتسامه لان شكلها كان جميل وبسيط اوي.. 

سعيد زقه وقال " روح سلم عليها يابني متبقاش جبله!! 

محمد بصله بغضب وقال " اسكت انت مش عارف حاجه" 

سعيد بصله بصدمه وبص لعبدالله وقال" شايف بيقول ايه هو مش هيسكت غيروانا رايح اسلم عليها انا.. 

محمد زقه بغضب وقال" طيب ابق اعملها كدا وانا اقطع رقبتك" 

سعيد وعبدالله ضحكوا عليه ولاكن لما سعيد شاف ساره والي كانت واققه جمب سهر وكانت تفاصيل جسمها واضحه اوي قال بتوهان" يخربيت كدا هيا مش دي البت ساره الي لابسه نظاره ف الشركه    !

عبدالله بصلها بانتباه وقال" معقول دي ساره سكرتيره هادي.؟؟ 

محمد كانت عيونه علي سهر اللي كانت واقفه جمب صافي وساره وابتسم وهيا لما شافته ابتسمت " فقرر انه يقرب منها علشان يسلم عليها وكان وقتها متوتر جدا وهيا اول مشافته بيقرب منها حست ان قلبها هيقف من كتر ما كان بينبض.. 

محمد بابتسامه" ازيك يا انسه سهر. 

سهر هزت راسها وقالت بإبتسامه " انا كويسه الحمدلله ازيك انت يا استاذ محمد.. 

محمد بصلها وهوا بيبلع ريقه وقال" انا بخير طول منتي بخير. 

سهر ابتسمت وهوا قال" مشاء الله حضرتك جميله اوي. 

سهر بصتله وسكتت وهوا قال بتوتر" مش قصدي اقول حاجه تضايقك انا قصدي ان شكلك حلو يعني بالفستان دا.. 

سهر بصتله وابتسمت وقالت" انا مش متضايقه بالعكس شكرا لزوقك . 

محمد ابتسم وقال" انا كنت عايز اطلب منك طلب بس. 

سهر هزت راسها وقالت" انا برضوا عندي سؤال لحضرتك

محمد بصلها بانتباه وهيا قالت بهمس. هو احنا ليه بنقول حضرتك وانسه منتكلم عادي .. 

محمد ضحك وقال متأخذنيش بس انا بصراحه بعد اللي شايفه دا .. احم قصدي يعني اني كنت عايز اخد معاد من والدك بصراحه.. 

سهر فضلت تبصله بصدمه وهيا مش مستوعبه كلامه وقالت" بتقول ايه… 

محمد" انا عايز اخد معاد مع والدك عايز اطلب ايديكي!! 

سهر بصت حواليها علشان تدور علي قمر ولاكنها ملقتهاش حست بايديها بترتعش. ومحمد انتبه ليها فمسك ايديها وقال" سهر انتي كويسه. 

سهر هزت راسها وسحبت ايديها وبعدها انتبهت لقمر وهادي وهما نازلين فقالت بابتسامه " قمر .. محمد بص علي مكان بتشاور وابتسم لما لقي هادي وقمر نازلين.

سهر قالت بابتسامه" شكلهم حلو اوي لايقين علي بعض.. 

في الوقت دا ساره بصت عليها بحزن وبصت علي هادي وقمر وهما نازلين وكان قلبها بيدق بسرعه من شكل هادي.. 

محمد وعبدالله كانت عينيهم علي ساره وهم مصدقين انها بالحلاوه دي لانها بتكون في الشركه مختلفه تماما عن ماهيا قدامهم دلوقت.. 

هادي سلم علي والده وقمر سلمت علي الشباب وعند عبدالله  اول مشافته ابتسمت وحض"نته بفرحه وهوا قال" طالعه زي القمر واكتر الف مبروك يا ست الكل .. 

قمر ابتسمت وقالت" ربنا يخليك ليا يا عبدالله متحرمش منك ابداا ..!

عبدالله مسك ايديها علشان يب"وسها ولاكن هادي سحب ايدها وقال" اي يا عم عبدالله دي مراتي ،.

عبدالله وقف بحرج وقمر ضحكت عليه وبعدها هادي اخدها وقعدو جمب المأزرن..

  المأزون بدأ يكتتب الكتاب وعبدالله عرفه انه الواصي علي قمر وانه يبق قريبها وطلع بطاقته  وقعد عبدالله  قدام هادي  ومسك في ايديه  وبدأ المأزون يمليهم الكلام وجه عند كلمه عبدالله لما قال زوجتك قمر عبدالتواب صالح الذي وكلني في تزويجها .. 

هادي بصله وابتسم وبعدها بدأ المأزون يكمل وفي الاخر قال " بارك الله لكما وبارك عليكما وجمع بينكما في خير.. 

وقف هادي وسلم علي عبدالله وحض"نه وهوا فرحان وبعدها سلم علي اصحابه وامه وابوه وفضلت  قمر الي واقفه وكانت مكسوفه  جداا لحدما هادي قرب منها وحض"نها بفرحه .. 

وكان الكل بيبصلهم معادا ساره الي كانت حزينه ومتضايقه ان بعد حبها لهادي كل السنين دي من طرف واحد يفجأها انه بيتحوز دلوقت .. 

سعيد كانت نظراته عليها وبالاخص علي جس"مها مكنش متوقع ان ساره جواها انثي بجد ولاكنها قربت من هادي وقمر وسلمت عليهم وباركتلم وبعدها استأذنت منهم انها هتمشي .. 

وفضل هادي وقمر قاعدين مع بعض وبيتكلمو واحمد كان بيكلم صافي وكل شويه يشاور عليهم ويقول" انا مبسوط ليهم  جداا.. 

سهر ومحمد كانو بيبصوا لبعض ومحمد بيقوبها" انا عايزك يا سهر تكلمي والدك في اسرع وقت وانا مستعد اني اجيب اي حاجه هيطلبها مني.. 

سهر هزت راسها بابتسامه وبعدها قربت من قمر وسلمت عليها وحض"نتها بفرحه وهمست في ودنها" طلب يقابل ابويا" 

قمر بصتلها بصدمه ولاكن بفرحه في نفس الوقت وقالت" طيب انجزي كلمي ابوكي بسرعه قبل ما الولد يطير منك دحنا مصدقنا .. 

سهر ضحكت وقالت" حاضر متقلقيش بس المهم اني لازم امشي علشان مرات أبويا هتعملي فيلم لما أوصل.. 

قمر هزت راسها وقالت" طيب يا حبيبتي خلي بالك علي نفسك . 

سهر هزت راسها بابتسامه وطلعت اخدت شنتطها ونزلت" 

محمد كان مستنيها واول ماشافها نازله قرب علي هادي وقال" هات المفتاح يا صاحبي علشان اوصل الانسه  سهر صاحبة مدام قمر زوجت حضرتك. 

هادي بصله وابتسم وبص لقمر وهز راسه  بمعني في ايه وهيا شاورتله يديله المفتاح وهيا هتعرفه كل حاجه بعدين " 

هادي ابتسم وخرج  المفتاح من جيبه واداه لمحمد والي قرب من سهر وقال" اتفضلي يا ست البنات انا هوصلك" 

سهر هزت راسها ومشيت وبعدها هوا خرج وراها.. 

هادي وقف وهوا بيبص لقمر بابتسامه وقال بصوت عالي " انا هاخد مراتي واطلع يلا تصبحوا علي خير..؟

قمر بصتلهم بكسوف وهوا شالها  فجاه ودا خلاها تصرخ بخضه ولما شافت نظراتهم  دفنت وشها في صدره بسرعه لانها كانت مكسوفه من نظراتهم ليها والي كانو بيضحكوا عليهم.. 

هادي كان شايلها ومبسوط لحدما  وقف عند جناحهم وقال" بسم الله الرحمن الرحيم 

اللهمَّ يا ربّ العالمين، ويا مُعطي السائلين، ويا مُجيب الداعين، ارزقنا ذريةً صالحةً طيبةً على صراطك المستقيم

دخل هادي وقمر واللي اتفاجئت بشكل الاوضه كان السرير مفروش بطريقه حلوه اوي وكان محطوط ورد علي شكل قلب " 

نزلت وهادي كان واقف وباصللها بحب.. 

قمر بصتله وابتسمت وقالت" يلا بق تصبح علي خير.. 

هادي شدها وقال بصدمه" هو ايه اللي تصبح علي خير انتي ناسيه ان النهارده دخلتنا.. 

قمر بصدمه" دخلتنا ايه احنا كتبنا الكتاب بس.. 

هادي  بصلها وقال بسخريه" والله العظيم تصدقي برضوا انا كنت فاكرها خطوبه.. 

قمر رفعت حاجبها بقلق وهوا قال" صحيح كنت ناسي هاتي ايديك كدا. 

قمر بصتله بشك ولاكنه طلع خاتم وقال" هاتي ايدك يا زوجتي المصون. 

قمر مدت ايديها وهوا لبسها الخاتم وبا"س ايديها وقال" الف مبروك يا عروسه.. 

قمر ابتسمت وقالت بخجل الله يبارك فيك يا عريس يلا بق تصبح علي خير.. قالت كلامها وجرت علي الحمام ولاكنه لحقها  بسرحه وهوا بيقول" دا اسمو اي دا .. لااا بقولك اي انا مستني اللحظه دي من زمان" 

قمر وشها احمر وهوا قال" ممكن بس نتفاهم واشرحلك بهدوء ايه اللي بيحصل في الليله دي علشان متتفاجئيش.. 

قمر ضربته علي صدره بصدمه وبعدها دخلت الحمام وقالت" هاتلي هدوم لو سمحت.. 

هادي. هز راسه بابتسامه وقال" أيوا بق هو دا السؤال اللي  أنا مستنيه من زمان.. 

قمر سمعته من جوا وضحكت عليه وهوا فتح الدولاب وبص علي القم"صان الي خلي مامته تحطهم في الاوضه وتظبتهاله هيا والخدامه .. 

قال بفرحه " طول عمرك زوق يا احمد يا جارحي علشان كدا جبت ماما الي زوقها خطير .. تسلمي يا ست الحبايب.. 

اخد قميص ابيض قصير وابتسم وهوا بيقرب من باب الحمام وبيخبط" 

قمر من جوا" عايز ايه.. 

هادي رفع حاجبه ولاكنه رد عليها بهدوء " جبتلك الهدوم اللي طلبتيها يا حبيبتي! 

قمر ابتسمت علي كلامه وبعد وقت فتحت الباب ومدت ايديها وقالت" هات .. 

هادي ادالها القميص اللي اختاره وهيا لما شافته قالت بصدمه" 

هات الإسدال يا هادي الي عندك علي السرير.. 

هادي بص علي السرير بصدمه وقال" إسدال؟؟؟؟؟؟؟

قمر هزت راسها وقالت" ايوا هات الاسدال علشان هنصلي ركعتين لله ولا انت ناسي.. 

هادي هز راسه  وقال" لا مش ناسي حاضر هجبلك الاسدال.. 

قال كلامه وراح جابهولها وادهالوها وهيا قفلت الباب بسرعه وبعد دقايق خرجت وهيا لابسه الاسدال ولافة الطرحه" 

هادي بابتسامه" اللهم بارك ايه القمر دا حتي وانتي محتشمه  قمر امال بق لو… 

قمر ضربته علي دراعه بغضب وقالت" ادخل اتوضي يا هادي والبس الجلبيه دي.. 

هادي لتاني مرت يقول بصدمه" جلبيه؟!!

قمر بصتله بضحك وقالت" اي دا هو انت كنت فاكر هتصلي ازاي.. 

هادي هز راسه بابتسامه وشد  الجلبيه من إيديها ودخل الحمام وقفل الباب بعضب.. 

قمر قعدت علي السرير وهيا بتضحك علي الي هوا بيعمله وفضلت قاعده تفكر معقول هادي هيع"مل**… 

خرجت بسرعه من افكارها وقامت علشان تفرش السجاد الي هيصلوا عليه .. 

وبعد وفت خرج هادي بعدما اخد دش سريع واتوضي وكان لابس الجلبيه اللي ادتهالو.. 

قمر بصتله وابتسمت وقالت" ايه الحلاوه  دي بجد انت لازم تغير لبسك من النهارده.. 

هادي بصلها برفع حاحب وقال" نخلص صلاة  الأول بس وانا هرد عليكي. 

قمر ضحكت وهزت راسها وهوا وقف جمبها وبدأ يصلي بيها..

وبعد دقايق بيخلصوا صلاه وهادي بيمسك راسها بلطف وبيق"بلها من جبينها وبيبتسم وهيا وشها كان احمر من شدة الخجل.. هادي بص لشفا"يفها بحب   وكان لسا هيبو"سها ..لقاها بتبعد وبتقول  بصدمه".. علي سجادة الصلاة يا هادي .. 

هادي بصلها بانتباه وبعدها هز راسها  وقال" معلش نسيت ؟؟ 

قاموا شالو السجاد وبعدها هوا وقفها قدامه وقال بابتسامه" انا مش مصدق عيني معقول يعني انتي بقيتي مراتي.. 

قمر هزت راسها بخجل وهوا لسا بيقرب منها علشان يبو"سها لقي الباب بيخبط.. قال بصوت عالي .. يووه بق دا وقته.. 

قمر فطست من الضحك وهوا قرب من الباب وهوا ماسك العبايه واول مفتح لقي صافي  في وشه.. 

صافي بإستغراب اي دا ايه الي انت لابسه دا يا هادي .. 

هادي بص علي نفسه وقال بهدوء " دي جلبيه .. المهم بق خير يا صافي هانم ايه الموضوع المهم الي يخليك تقطعي اهم لحظات حياتي "" 

صافي  ضحكت علي كلامه وبعدها قالت " تعالي تحت يا هادي في مشكله حصلت" 

هادي بإستغراب" دلوقت هيا في مشاكل بتحصل في الوقت دا . 

صافي هزت راسها بحزن وقالت" ايوا يا هادي دلوقت يلا تعالي.. 

هادي بص لقمر وقال" جايلك علي طول يا روح قلبي .. 

قمرهزت راسها  بإبتسامه وهوا خرج ونزل مع صافي واول ما نزلوا لقي شاهي خالته وساندي بنتها متبهدلين وجسمهم كلو مليان كدمات.. 

قال بصدمه" ايه الي عمل فيكوا كدا.. 

ساندي  أول مشافته كريت عليه وحض""نته بعياط وقالت" عزيز النجار هو اللي عمل فيا كدا يا هادي ..؟؟. بقلمي شيماء صبحي 

يتبع الفصل التالي اضغط على (رواية قصيرة القامة طويلة اللسان) اسم الرواية