رواية عشق السيف الفصل الثالث 3 - بقلم نورا فريد
سيف سابها و خرج ليلة فضلت تنظر عليه لحد ما خرج ليلة سندت راسها على الحيط و نزلت على الارض ببط و قعدت تبكي و كالعادة تمسح دموعها و اثر البكاء و تخرج بكل قوتهاو خرجت تقعد معاهم و اكنها في دنيا غير الدنيا و في اليوم التالي في غرفة ليلة ليلة نايمة
سها بصرخ و صوت عالي:
ليلة اصحي البيت بيقع زلزال
ليلة بتعب و نوم :
سبوني في حالي بقا ارحموني حرام عليكم . انا تعبانة. تعبانة اوى اغسلو انتوا
ليلي نطط على السرير:
غسيل ايه و كوي ايه بقولك زلزال يعني البيت ها يقع و مش ها نلقي بيت يلمنا لييييلة قومي يلا قبل ما البيت يقع عليكى
ليلة: ممم يكون احسن برضو يارب يقع عليا و اخلص منكم يا عيلة ازبل من الزبالة
سها: حاا استاذ سيف
ليلى: لييييلة سيف بيتصل ردى عليه و نامي تانى
ليلة: اقفلي في وشه أو اكسري التلفون احسن ما اكسرو على دماغكم سبوني اتخمد بقا ابوس ايديكم
ليلة فتحت عيونها و قامت: بتقولي مين بيتصل
سها: خطيبك يا ليلة خطيبك بيتصل قومي ردي لان مش مبطل اتصال
ليلي: الله على الحب و جماله اوعدنا يارب
سها: اش اش ايه الحب ده كله يا لولو يارب أنا نفسي خطيبي يهتم و يحبني كده ربنا يهديك يا معز يا ابن ام معز الله يسهلو يا عم
ليلي: احبوشش
سها: لا مانا مش سرير خالتك ف اتلمي و خالي ليلتك تعدي على خير و يلا نشوف التجهيزات
خرجوا سها و ليلي راحوا على بره
ليلة: اوووف مش ناقصك انت كمان.. الو افندم
سيف: الناس بتقول صباح الخير الاول عموما صباح النور يا قلبي
ليلة قامت: بقولك يا استاذ سيف سبني في حالي الله يرضى عليك انا مش عايزة اخسر اختي عشانك و
سيف: قومي اغسلي وشك و اجهزي عشان نشوف تجهيزات الفرح انا تحت البيت خمس دقائق و تكوني عندي ياما اطالعلك تمام يا حبيبي
ليلة بعدت التلفون عنها: حبك برص و عشرة خرص يا بعيد .. تمام خمس دقائق و اكون عندك باي
ليلة قامت حضرت حالها و بعدين نزلت لى سيف
سيف بينظر عليها من المرايا: لا مانا مش سواق اهلك اقعدي جانبي يلا و خلي ايامك الجاية معايا تعدي على خير
ليلة سندت راسها على ازاز العربية و سرحانة في أيامها اللى فاتت و أيامها اللى جاية سيف وقف العربية فجأة لدرجة ان ليلة اتغضت
ليلة: وصلنا بسرعة كده
سيف بهدوء: لا يا ستي لسه
ليلة بخوف: اومال وقفت ليه انت ها تقت..لني
سيف بابتسامة جذابها: انا عارف ان الموضوع صعب عليكى خصوصا انكي بتحبي اختك اوى بس صدقيني يا ليلة من ساعة ما شوفتك و انا مش شايف غيرك ليكى حق تخافي بس انا مش ماذي و مش وحش عشان تخافي مني ليه منبقش اصحاب ليه بتحكمي على الناس من غير ما حاولي تفهميهم
ليلة نظرت ليه بتردد و بعدت وشها الناحية التانية: مفيش اي حاجة من اللي في دماغك الموضوع جاه بسرعة و زى ما انت قولت صعب عليا عشان اختي ياريت تمشي
سيف: برضو.. تمام يا ليلة
و بعد مرور أسبوعين اخيرا ات يوم الحنة في غرفة ليلة
سها: اهدى مش عايزين حد يحس بى حاجة
ليلي: ليلة على فكرة عيب اوى اللي بتعمليه ده سيف مش وحش ده بيتمن الرضا ترضي بطلي افترا بقا الواد بيحبك حد غيرو كان سبك وقتي بعد قلت الذوق اللى بتعمليه بيها دى
سها بعصبية: ممكن تنقطينا بى سوكاتك البت مش ناقصة
سها مسكت ايد ليلة: حاسه بيكي عارفه انو صعب بس مش جايز يكون بيحبك ليه لا سيف بيحبك يا ليلة
ليلة بدموع : امي قالتلي ان بابا كان بيقول ليها نفس الكلام و عند اول مطب سبها
ليلى نظرة ليها بسخرية: و انتي بقا حكمتي على سيف يا بنتي فوقي انتى كده ها تعنسي متخليش قصة سمعتيها توقف حياتك لحد امتي ها تكوني لوحدك هاا
ليلة بدموع: بس انا مش سلعة ولا بضاعة عشان اتجوز بالطريقة دى انا . انا خايفه يا ليلى خايفه ل يتغدر بيا تانى و تالت انا مش زى ما انتوا شايفني انا ضعيفة معنديش القوة اني استحمل غدر الايام و البشر مش ها ستحمل
ليلي حضنتها و قعدت ليلة تبكي بحضن ليلي
سها طبطبت على ايديها: اهدى يا حبيبتي مش كده اهدى عشان خاطري
ليلة بدموع و قهرة: انا تعبت اوى عمل اقول كله ها يعدى لحد ما عمري هو اللى بيعدى انا تعبت يا ليلة
ليلة فضلت تعيط و بعد شوية مسحت دموعها و ظبطت مكياچها و بعدين خرجت و عد اليوم على خير و على الساعة 2تقريبا كان الكل نايم حنان متاجها لى غرف ليلة و هى بتمشي ببطء لحد ما دخلت الغرفة
حنان نظرت لى ليلة اللى نايمة: وريني بقا ها تلبسي ايه خدت الفستان و طالعت على السطح رمت الفستان بتاع ليلة ولع.ت الكبريت و رم.ته على الفستان
ليلة فضلت تعيط و بعد شوية مسحت دموعها و ظبطت مكياچها و بعدين خرجت و عد اليوم على خير و على الساعة 2تقريبا كان الكل نايم حنان متاجها لى غرف ليلة و هى بتمشي ببطء لحد ما دخلت الغرفة
حنان نظرت لى ليلة اللى نايمة: وريني بقا ها تلبسي ايه خدت الفستان و طالعت على السطح رمت الفستان بتاع ليلة ولع.ت الكبريت و رم.ته على الفستان و فضلت تنظر على الفستان و هو بيت..حرق و على وشها الابتسامة
حنان بشر: كده انام و انا مطمنة بس في حاجة لازمه اعملها ها تصل بى صهري العزيز و اقول الحق يا سيف ليلة ولع.ت في فستانها طبعا سيف ها يصدق لان ليلة مش عايزة الجوازة دي تو تو البت بشكلها بتحبو و هو كمان بيموت في التراب اللى بتمشي عليه صحيح كل واحد منهم بيداري بس العيون بتقول كللل حاجة هى مش عايزاه علشان.. ها لم واحد يعرف ان حبيبتو فرطط في حاجة هو جايبها ليه تبقا اي و كده تبقا باينة اوى ان ليلة مش عايزاه مممم يا سلام عليكى يا حنونو لم تفكري بروقان
و نزلت حنان و هى في قمت سعادتها في في الصبح في غرفة ليلة
ليلة صحيت تعبانة و متعصبة كالعادة لكن عينيها جت على مكان الفستان: ايه ده فين راح فين
ليلى: مالك يا حبيبتي في ايه في عروسة قمر تبقا متعصبة يوم فرحها مالك يا بنتى
ليلة بعصبية: كان هنا انا متاكده انو فستاني كان هنا انا حطه بى ايدي هنا راح فين
ليلى : ممكن يكون في الحمام
سها: صح او في الدولاب
ليلة بعصبية: انتوا ها تجننوني انا متاكده انى حطه هنا
و قعدت ليلة تدور على الفستان و بعدين دخلت غرفة حنان
ليلة بعصبية: فين فستاني يا حنان فيين الزفت
حنان ببرود: يوه هو ها دى كان فستانك كنت بحسبو كيس زبالة حاا انا نسيت و حرقت فستانك بحسبو زبالة يلا حصل خير
ليلة بعصبية: انتي بتقولي ايه والله ما ها سيبك يا حنان
حنان بعدت ايد ليلة عنها: معلشي يا حبيبتي مكنتش اقصد أحرقوا ده بدل ما تقوليلي فداكي يا اختي عموما انا عذراكي هو في السطوح ها تعملي ايه ده انتي المفروض تكوني في الفندق دلوقتي
ليلة جريت على السطح بعصبية نظرت لى الفستان بحزن و قهرة
زين : ارضي بى نصيبك يا ليلة مش قدامك حل غير كده صدقني مفيش احسن من الرضا
ليلة بحزن و ابتسامة: مين قال اني مش راضيه انا راضية بكل حاجة بس انا تعبت تعبت يا زين. ا انا نسيت والله العظيم نسيت بس هو ليه كل حاجه بتحصلي مش عادي حتي دلوقتي ها تجوز واحد مش عايزاه حطيت جزم في بوقي و سكت ( تنظر لى فستانها بحسرة) لدرجة ان فستان اتح.رق بس الحمد لله راضية شكراً يا زين على استماعك ليا
زين : انتي اختي يا ليلة و واجبي اني اسمعك و لم تحتاجي تطلعي اللى جواكي انا موجود و ليلي كمان احنا في ضهرك و مش ها نسيبك انتي اختي زيك زي ليلي
أما في منزل اهل حنان حنان طبعا اتصلت بى سيف و قالت ان ليلة حرقت فست..انها ده غير انها طالعت سجلت نص كلام ليلة و زين ( طبعا من غير ما حد يحس بيها و بعتت التسجيل لى سيف)
ليلة بتحاول تبان طبيعية: الو يا سيف
سيف: ايه يا حبيبتي كل ده تأخير انا مش قولت تيجي على الوقت
ليلة: اصل مش ها ينفع اجي
سيف: نص ساعة و تكوني في اوضك اللى فى الفندق تمام يا حبيبتي
ليلة : طيب يا سيف نص ساعة و ها كون هناك سلام
قفلت معاه و راحت هى و اهلها و اصحابها على الفندق ليلة مش عارفه تقول ايه لي سيف ولا ها تحضر الفرح ازاي متلخبطة راحت غرفتها
سها بى انبهر: واوو الفستان تحفه جدا يا لولو
ليلى: تصدقي الفستان ده شكلو يجنن عن اللى اتح..رق
ليلة: عارفه انى زهقتكم معايا بس متسبونيش انا خايفه
سها مسكت ايدها: ايه اللي بتقوليها ده طب ايه رايك انى مش عارفه انا هل عمل ايه لم تتجوزى و تسبينا انا اللي حاسه نفسي انى وحيدة من غيرك ها زهق مين بى مشاكلي مع معز
ليلة بمرح : ايه الغم ده يا جزم يلا عشان نجهز ولا ايه
ليلى بمرح : يلا بينا
و بدات ليلة تجهز نفسها و اصحابها كمان و بعد مرور ساعات ليلة جهزت و كانت في غاية الجمال و تم زواج سيف و ليلة على خير طبعا مش الكل فرحان ليهم و في غرفة سيف
ليلة بتنظر لي حالها في مرايا التواليت و بتبكي : انا مش قادرة استحمل مش عايزاه مش عايزة حاجة غير انى ارتح انا مش حمل وجع ولا عذاب مش ها قدر اكمل في الجوازة دي انا مش بحبو ولا هو كمان احنا مننفعش لى بعض انا ها روح اقوله كده و اللى يحصل يحصل
ليلة غسلت وجهها و خرجت سيف كان بيحاول يهدى حاله من كلام حنان و هنا خرجت ليلة
ليلة و اكنها شخص تاني: طلاقني يا سيف
سيف: قولتي ايه
ليلة بحدة و عصبية: زى ما سمعت طلاقني انا مش عايزك انا لا بحبك ولا عمري ها حبك انت عايز مني ايه ها ايه انا اتجوزتني ليه و متقوليش بتحبني لانىى مش ها صدقك لانكك ببساطة كده انت كداب كلكم كدابين انا بكرهك بكرهككك بكرهكم كلكم انتوااا متعرفووش حاجة عن الحب انتوااا مش بتعرفو بسس غير الغ..در و الخي..انة و انا مستحيل اكمل مع واحد زيك ف خليك راجل و لم كرامتك و طلاقني خلي عندك د..م و طلاقني
سيف اقترب منها ووو
يا تري رد فعل سيف ها تكون ايه
- يتبع الفصل التالي اضغط على (رواية عشق السيف ) اسم الرواية