رواية نبضات قلب الفصل الرابع 4
البارت الرابع
نبـــضات قلـــــب
♡♡♡♡♡♡♡♡♡♡
ملاك: مع نفسك كده
-انتي مش بتحبيني يا ملاك ونفسك تكوني معايا
ملاك: ماشي موافقه انا كده كده سبت الشغل بس مش عارفه هروح فين
-ما بيت اختك موجود
ملاك: طردوني منه
-امممم اكيد نيلتي الدنيا معاهم علشان كده طردوكي
ملاك قفلت السكه في وشه
ده ياسر جاري وصاحب جلال بيحبني وعايز يجي يتقدملي بس انا مش موافقه لاني مش بحبه بس فضل ورايا وكل شويه يرن عليا ده غير زن جلال وهبه عليا وافقت عليه علشان اخلص من جلال ومعاملته وارتاح من قرافهم وقرينا فاتحه بس لما جيت هنا كنت مقرره انه اول ما يرن عليا هقوله اني مش عايزه بس للاسف انا همشي من هنا واكيد لو روحت لجلال هيغصبني عليه غصب عني
قطع سرحاني صوت خبط علي الباب قومت وفتحت
حياه: ملاك خلص.. اده
ملاك: شكلي وحش
حياه: انتي احلي واحده شافتها عيني انتي بجد حلوه اوووي
ملاك: انتي احلي يا روحي
حياه: يلا بابي مستنينا تحت
نزلت شوفته كان واقف وباصص لموبايله واول ما نزلنا بص عليا عيني جت في عينه وبصينا لبعض للحظات قد ايه هو حلو ثانيه واحده قلبي بيدق جامد حاسه اني هتكشف حاسه انه خلاص هيعرف اني بحبه لو مختفتش من قدامه♡
---------
كانت جميله اوي وفعلا هي ملاك مقدرتش اشيل عيني من عليها بس كان لازم اشيل عيني لان مينفعش بس انا مش عايزها تخرج مش عايز حد يشوفها غيري انا بس حبتها امتي وازاي معرفش حبيت فيها خوفها لما بتعمل حاجه غلط ضحكتها الي بتضحكني خوفها علي بنتي وحبها لبنتي الي زي ما تكون حب ام لبنتها بس لالالا مجرد اعجاب بس اكيد وهيمشي لما تمشي♡
حياه: بابي ملاك خلصت
محمد: يلا
حياه راحت مسكت اديهم وراحو ڤيلا ادهم
محمد: ملاك اقعدي هنا متتحركيش
ملاك: افندم
محمد: يعني علشان تبقي مركزه علي حياه
ملاك: طيب ماشي
محمد: ولا اقولك انا هفضل علشان اركز معاكو انتو الاتنين
ملاك: ايه
محمد: ه انا يعني قصدي احسن تتوهي وكده
ملاك: انا
بقلمي/menna moharam
محمد: ايوه انتي عارفه حد هنا
ملاك: لا
محمد: يبقا خلاص
ادهم: ايه يا محمد عامل اي
محمد: الحمدلله كل سنه وانت طيب
ادهم بص لملاك بقرف وبعدين بص لمحمد
ملاك: اده معلش انت بتبص كده ليه
ادهم: هو انا كلمتك يابنتي
محمد: معلش ادهم بيغير
ملاك: طب وانا ذنبي ايه انا مالي
ادهم: بغير اي انت كمان اتنيل
محمد: انت مش بتغير عليا ياابااا
ادهم: نينينينني
ملاك: انا ماشيه
محمد: عجبك كده هطفشها
ادهم: والله براحتها لو عايزه تمشي معنديش مشكله الحفله مش هتبوظ يعني لو مشيت لا ونبي متمشيش احسن لو مشيتي كده هلغي الحفله
ملاك: تصدق انك انسان مستفز
ادهم: انتي الي مستفزه علشان انتي بتفهمي الي علي مزاجك
ملاك: بجد والله يابني انت مبصتش لنفسك انت بصتلي بصه حسيت اني سارقه منك حاجه
ادهم: بصي الصراحه انا من ساعه ما شوفتك وانا مبحبكيش سبحان الله
ملاك: والله وانا هموت من غير حبك يعني ده انت رخم صحيح
محمد بعصبيه: بسسسسس انتو الاتنين في ايه انتو عيال عجبكو الناس الي بتبص عليكو دي ده كويس ان طنط كوثر مش هنا كانت ضربتكو انتو الاتنين بشبشب
ادهم: يعني انت مش شايف بتعمل ايه
محمد: ادهم اسكت خالص لو مسكتش هاخدهم وامشي بجد
ادهم: خلاص ياعم اقعد
محمد بهدوء: اعتزر منها
ادهم: لا طبعا
محمد: ادهم علشان خاطري
ادهم بهدوء: انا اسف يا انسه ملاك
ملاك: حصل خير
ادهم: شوف هتشرب اي يا محمد وانا هروح لصحابي اسلم عليهم ولسه هيمشي
محمد حضنه: متزعلش ياصاحبي
ادهم: مش زعلان
محمد: بجد
ادهم: انت عارف اني مبزعلش منك مهما حصل مافيش حاجه تقدر تفرقنا عن بعض غير الموت ها ياانسه ملاك غير الموت هاا
ملاك: بص يا انت لو مسكتش انت حر انا محترمه دكتور محمد
بقلمي/menna moharam
ادهم: اسمي ادهم علي فكره مش انت
ملاك: اللهم طولك ياروح علي هاذا اللوح
ادهم: سامع بتقول ايه انا لوح
محمد: يادي النيله، الحق صحابك بينادو روح روح
ادهم: ماشي
بنت من الي موجودين في الحفله راحت ناحيه محمد بمياصه
=هاي انت دكتور محمد مش كده
محمد: ايوه
-انت بجد دكتور موهوب الناس كلها ملهاش سيره غير عنك انت وادهم بجد انتو الاتنين شابوه ليكو هي دي مراتك
ملاك: لا انا المربيه
-اها طب كويس انك مش مراته ممكن يا دكتور محمد نرقص سوا
ملاك بغيره: دكتور محمد مش بيرقص مع حد والله يا عسل صح يا دكتور
ملاك ولحظت الي قالته ونبرتها الي كلها غيره وقالت لمحمد بهدوء
ميصحش ترقص معاها وبصت علي حياه
محمد: انا اسف مش برقص
-طب عن اذنكو
ملاك: ملزقه
محمد: اسكتي هتسمعك
ملاك: ما تسمع وفضلت تتريق عليها بغيظ
حياه: بابي قوم بسرعه
محمد: ايه
حياه مسكت ايد محمد وملاك: قومو قومو ارقصو
ملاك بصت لمحمد بتوتر: حياه حبيبتي لا م
محمد: حياه مينفعش يا حبيبتي تعالي ارقص معاكي انتي ايه رايك
حياه بزعل وربعت اديها: لا يعني لا
محمد بص لملاك: حياه حبيبتي مينفعش ارقص معاها لانه حرام
حياه: ليه يابابي بس
محمد: حبيبتي الدين مسمحش لينا نلمس النساء الي محرمين علينا مينفعش ارقص معاها وهي كمان كذالك لانه حرام هي مش مراتي علشان المسها ومينفعش المس اديها كمان عارف اني مش ملاك واكيد بعمل اغلاط كتيره اوي بس ربنا يهدينا بس صدقيني احنا مينفعش نرقص سوا ياحياتي
ملاك: صح الي بابا قاله يا حياه
محمد: يلا يا ملاك علشان اوصلك بيتك
ملاك: لا انا همشي انا لوحدي عن اذنك
محمد: استني يا ملاك هو ايه الي همشي انا انتي مش شايفه الساعه كام
ملاك: وانا قولت اني همشي لوحدي شكرا ليك لحد كده
محمد بعصبيه خفيفه: اركبييي يا ملاك
ملاك باستسلام: حاضر
ادهم: محمد انت مروح
محمد: اه يا ادهم همشي بقه ونبقا نتقابل بكره ان شاء الله
ادهم: ليه بس هتمشي
محمد: هوصل ملاك وارجعلك
ادهم: تمام
ملاك: لا حضرتك ممكن تنزلني هنا وانا همشي انا عادي
محمد مشي وطنشها
طول الطريق محدش فيهم كلم التاني
بعد شويه كان محمد وصلها بيت اختها ملاك باست حياه ودموعها كانت بتنزل وطلعت
ملاك بدموع: هتوحشيني اوي يا حياه كويس انك نايمه
محمد: وانتي كمان هتوحشيها
ملاك: خلي بالك منها عن اذنك
محمد: ملاك
ملاك بصتله باامل انه يقولها ارجعي: ايوه
محمد: لما تعوزي تيجي تشوفي حياه تعالي في اي وقت
ملاك: تمام يا دكتور عن اذنك
كانت واقفه ملاك مش عارفه تخبط ولا لا بس لو مخبطتش هتروح فين في الوقت ده قررت انها تخبط
هبه بنوم: مينننن
ملاك بصوت مهزوز: ا انا
هبه فتحت الباب: انتي تاني عايزه ايه
جلال: مين يا حبيبتي
هبه: ملاك
ملاك: ممكن ادخل انا ماليش مكان غير هنا علشان خاطري خلوني ادخل لحد ما اظبط اموري
هبه لسه هتقفل الباب في وشها بس ملاك منعتها
ملاك: معايا 1000ج كل الفلوس الي معايا خديها وسبيني اخش مينفعش افضل في الشارع
جلال وعيونه لمعت: الف ج خشي خشي بس تنامي في المطبخ علشان الاوضه هتتأجر
ملاك بصتله بقرف هو وهبه ودخلت المطبخ وفرشت فيه ونامت
الصبح
••••••••••••••••••
ملاك فاقت علي ازازه مايه نازله علي وشها
هبه: الفطار فين يابت
ملاك: هاتي ال1000ج
هبه: ههههههه ده انتي بتحلمي يا قطه انتي علشان طلع النهار بقه هتاخديهم وتمشي
بقلمي/menna moharam
ملاك: هسبهملك بس بشرط
هبه: ايه هو
ملاك: يبقا ليا اوضه لوحدي من الاوض الي عندك واعتبري الاف دي ايجار الاوضه انا اولي من الغريب ولا اي وانتي وجوزك ملكوش دعوه بيا نهائي اعتبروني مش موجوده
هبه: وهتجبيلي زيهم كل شهر منين يعنيا
ملاك: هنزل ادور علي شغل انهارده المهم اجي الاقي اوضه من الاوض جاهزه ليا علشان نوم في المطبخ تاني مش هنام
هبه: لا شكلك الشهرين الي اختفيتي فيهم اتعلمتي الجراءه
ملاك: انا نازله
جلال: علي فين
ملاك بصتله بقرف: وانت مالك اكيد سمعت الشرط الي قولته لمراتك ياريت ملكش دعوه بيا تاني
جلال: ياسر جاي انهارده علشان يحدد الخطوبه والفرح
ملاك: وانا مش موافقه
جلال مسكها من دراعها : نعم يعنياااا مش ايه ياختي
ملاك بوجع: اوعا كده قولتلك مش موافقه ايه مبتفهمش واياك تلمسني تاني
جلال ضربها بلقلم:بقه انا مبفهمش مبقاش جلال لو مربتكيش وفضل يضرب فيها لحد مااغمي عليها
بليل فاقت ملاك لقت نفسها في اوضه قامت ولعت النور وبصت لنفسها في المرايه وبصت علي ملامحها الي اتبدلت في يوم وليله ورجعت بهتانه من جديد واثر الضرب الي علي وشها دموعها نزلت
ملاك بدموع: رجعت تاني للوجع للضرب والاهانه رجعت تاني
فلاش باااك
••••••••••••••••••
هبه: خلصتي الاكل صحابي جاين
ملاك: ح حاضر ثواني وهيكون جاهز
هبه: وريني ادوق المكرونه دي
ملاك مسحت اديها في هدومها وراحت جابت معلقه: اتفضلي
هبه بقرف: ياريت تبقي تغيري هدومك الي مليانه طبيخ دي بجد بشوفك ببقا عايزه ارجع
ملاك: حاضر
هبه: المكرونه محتاجه ملح
ملاك: حاضر
جلال: روحي يابت اعمليلي قهوه
ملاك: حاضر بس اخلص الاكل ده علشان صحاب
جلال بمقاطعه: بس انتي قولتيلي بسسس؟
ملاك: انا اسفه
جلال لوي دراعها ورا ضهرها: جلال ميتقلهوش بسسس انتي فاهمه يابت مش واحده زيك تيجي علي اخر الزمن تقول لجلال بيه بس
ملاك بوجع: ححاضر حاضر سبني
جلال وضربها بلقلم ومشي
ملاك حطت اديها علي خدها: حسبنا الله ونعم الوكيل
باااااك
ملاك بوجع وقهر: للاسف الي مخليني عايشه معاكو هو البيت لو مشيت هروح فين وهعمل ايه لازم ل لازم استحمل
دخلت عليها هبه
••••••••••••••••••
هبه: قومي اتنيلي اجهزي علشان ياسر جاي وخبي الي في وشك ده احم هو انتي مكلتيش ليه
ملاك بضحكه وجع: يهمك
ملاك في بالها: اكيد ياسر هيكون كويس انا تعبت من الاهانه دي بقه هوافق عليه وامري لله
هبه: يهمني طبعا انتي عايزه تقابلي الراجل بمنظرك ده يقول اي مجوعينك قومي اخلصي
ملاك بوجع: ح حاضر
ياسر جه وحدت معاد الخطوبه بعد يومين وهتكون بسيطه في البيت
ياسر: خدي
ملاك: ايه ده
ياسر: دبلتك ايه رايك
ملاك: حلوه
ياسر: مش عجباكي ولا ايه
ملاك: لا جميله
ياسر: انا هلبسهالك كده قدام الناس وبعدين هاخدها ابعها علشان انتي عارفه ظروفي
ملاك: ياسر انا كل الي يهمني اني اعيش مرتاحه وفي جو هادي وتتقي ربنا فيا
ياسر مسك اديها: انا محتاج فلوس الراجل الي كنتي شغاله عنده مدكيش حاجه خالص كده ولا كده ده انا هبقا جوزك حته
ملاك شالت اديها : لو لمستني تاني مش هيحصلك كويس انت فاهم وبعدين مش معايا حاجه
ياسر بغضب مسكها من حجابها: لا يا روح امك ماانتي متضحكيش عليا انا اخلصي انا محتاج فلوس
ملاك قامت وقفت: وانا مش موافقه عليك امشي اطلع برا كنت غلطانه لما قولت اديك فرصه بس شكلك مريض وعايز تتعالج زيهم بظبط
جلال بعصبيه: انتي اتجننتي يابت
ملاك: مش موافقه عليه ايه الجواز بلعافيه انا اصلا مش موافقه من زمان بس قولت اديه فرصه علشان اغور من وشكو لاكن شكله زيكو وانا مش هخرج من مرار لمرار
جلال مسكها من اديها: هتوافقي يعني هتوافقي وحدفها علي الارض
بعد مرور يومين
••••••••••••••••••
عند محمد
محمد: وحشتني اوي معرفش ليه نفسي اشوفها اوي نفسي اسمع صوتها حاسس انها مش كويسه حاسس انها محتجاني ملامحها اتحفرت في قلبي مش عارف انساها مش عارف اشتغل ولا اركز في اي حاجه حبتها اوي اعترفلها بحبي ولا افضل مخبي مش عارف مش عارف اعمل ايه
ادهم: محمد هي فعلا يمكن تكون محتجاك
محمد: مالك
ادهم: فاكر لما حكتلك عنها
محمد: اه
ادهم: البنت دي انا خبطتها بعربيتي ولما نزلتلها كان باين عليها البهدله ولما قولتلها اوصلك قالتلي ان اختها طرداها البنت دي غلبانه يا محمد واكيد اهلها وحشين معاها متسبهاش يا محمد وخليك معاها انا اسف اني مقولتش ليك من البدايه بس هي قالتلي محكيش حاجه
فلاش بااااك
ملاك مسحت دموعها وبصت علي ادهم: احم ممكن توقف العربيه
ادهم:اتفضلي
ملاك:ممكن متحكيش لحد علي الي حصل انهارده وان اختي طردتني في نص الليل وبذات للشخص الي هروحله
ادهم:تمام حاضر بس هقوله ايه وانا داخل عليه في وقت متاخر بيكي
ملاك:و وهو لازم اروحله دلوقتي
ادهم:اومال هسيبك فين
ملاك:بص سبني هنا في العربيه وصدقني متخافش مش هاخدها وامشي وخد معاك المفاتيح كمان علشان تضمن انا مش حابه حد يعرف ان اختي عملت فيا كده لان انا مبحبش اسمع كلمه عنها وحشه وكمان مش عايزه حد يشمت فيا ويقول اني من غير اهل
ادهم:وانا هحترم خصوصياتك ومش هقول لحد وهسيبك هنا لحد لما النهار يطلع وهعرفك علي محمد
ملاك ببتسامه وجع: شكرا
باااااك
ادهم حط ايده علي كتفه: روح واعترف بحبك حته لو هي مش هتقبله بس روح يا محمد انا متاكد انها بتبادلك نفس المشاعر روح متضيعهاش من ايدك انت بتحبها وبتحبها اوي كمان انت لازم تحب وتتحب وتتجوز دعاء في مكان احسن من هنا يا محمد مبقتش موجوده متوجعش قلبك اكتر من كده روح متضيعش وقت
محمد حضنه جامد: انا رايح
ادهم: روح يا حبيبي
بعد شويه كان محمد قام وطلع بدله سودا ولبس
محمد : اي رايك
ادهم: ربنا يحفظك يارب
محمد: يلا انا نازل
ادهم: محمد
محمد بصله: ايوه يا ادهم ناقص حاجه
ادهم حضنه: خلي بالك من نفسك
محمد: يبني والله هعزمك علي فرحي متقلقش
حياه: اده انت مروحتش المستشفي
محمد: تؤ
حياه: ليه
محمد: مش عايزه تروحي تشوفي ملاك
حياه بدموع: نفسي اوي يا بابي نفسي ترجع انا زعلانه اني موقفتهاش كان لازم اوقفها واقولها لا متمشيش
محمد: طب يلا نروح نرجعها ايه رايك
حياه: بجد
محمد: ايووه
حياه حضنته وباسته: انت احلي حمودي في الدنيااا
محمد: ههههه وانتي احلي بنوته ياقلب حمودي
عند ملاك
••••••••••••••••••
كانت قاعده وعماله تعيط وبصت للجروح الي في وشها وحاولت تداريها بلميكب
هبه: خلصتي
ملاك بصتلها بحزن: كان نفسي تكوني امي كان نفسي في اخت تكون سندي وحمايتي كان نفسي تكوني صحبتي اختي بنتي بس للاسف انتي ولا حاجه من دول بعد ما امي ماتت من خمس سنين وجيت عيشت معاكي علشان معنديش حته اروحها وانا عايشه في كابوس كل يوم ضرب واهانه وشتايم كل يوم انام معيطه كل يوم انام علي الارض في المطبخ تعرفي هههه واليوم الوحيد الي نمت فيه في الاوضه اتهمتيني بحاجه مكنتش اتوقع ان يحصل كده كان نفسي في حضن منك حضن واحد بس عمري ما عرفت اكرهك لو عملتي ايه فيا عمري ما هفكر اكرهك لان احنا هنفضل اخوات ودمنا واحد
هبه: انتي مفكره الكلام الي قولتيه ده اثر فيا انتي بنت الست الي خطفت ابويا مني انا مستحيل احب ولا افكر احبك انتي فاهمه
ملاك بصريخ: ذنبي اااااايه ذنبي انا ايه ده نصيب انا ماليش دعوه بيهم ليه تحمليني ذنب مش ذنبي انا مروحتش قولت لبابا يطلق مامتك ويتجوز مامتي انا جيت علي الدنيا دي عارفه ان مامتي الزوجه التانيه وليا اخت بس يعلم ربنا انا كنت بحبك وكنت دايما بسال عنك بابا وكنت بطلب اني اشوفك بس ساعتها انتي كنتي بترفضي اخر حاجه ماما قالتها قبل ما تموت روحي لاختك متسبهاش خليكي معاها هي هتحافظ عليكي علشان انتي لحمها ووصتني عليكي اخلي بالي منك وتخلي بالك مني بس للاسف هي كانت فاكره انك طيبه وحنينه متعرفش عذبتيني قد ايه
هبه خرجت وهي عماله تفكر في كل كلمه ملاك قالتها لحد ما قطع سرحانها جوزها جلال
جلال: الزفته فين
هبه: جوا
عند محمد
••••••••••••••••••
كان ماسك بوكيه ورد وماسك ايد بنته وواقف قصاد شقه ملاك بتوتر وقرر انه يخبط
جلال بصله من فوق لتحت: انت مين
محمد: انسه ملاك موجوده
ملاك كانت جوا سمعت صوته جريت علي الباب علطول وراحت وقفت قصاده بدموع وفضلت بصلهم لثواني
محستش بنفسي غير وانا واقفه قصاده بصاله معرفش جريت عنده ازاي ولا فتحت باب الاوضه امتي كل الي كان في بالي ان محمد واقف برا الشخص الي لما بكون معاه بحس معاه بالامان ومش ببقا خايفه
اتكلمت بصوت مهزوز
ملاك: م محمد حياه انتو هنا
محمد بشك: مالك يا ملاك وايه الدموع دي انتي كويسه
ملاك مسحت دموعها: اه بس انتو وحشتوني اوي
محمد بخبث: احنا؟
ملاك: احم قصدي حياه يعني
محمد بص للبيت: هو في حافله انهارده ولا ايه
جلال: مش هتعرفينا يا ملاك بس فيكي الخير عزمتي حد لخطوبتك
محمد بص لملاك: خطوبتك
معقول معقول الي حبتها طلعت بتحب غيري ازاي وليه ليه مش انا الي تحبيه يااااا علي قلبي الي اتكسر فوقت علي صوتها المهزوز وهي بتقول
ملاك: اتفضل
محمد بحزن: لا ملهوش لزوم انا جيت بس علشان وحشتي حياه وهنمشي علطول
حياه: بابي انت قولت هنرجعها معانا
حياه بصتله باامل يقول تعالي وساعتها هسيب كل حاجه وهروح معاه بس هو ينطقها
محمد: ماانتي شوفتي يا حياه خطوبه ملاك انهارده ميصحش تسيبها وتيجي معانا
حياه ربعت اديها: يووه
جلال بصوت عالي: وحضرتك مين بقه يااستاذ
محمد: دكتور محمد فاروق
جلال بانبهار: محمد فاروق ققصدي دكتور محمد انت القنوات كانت دايما تتكلم عنك وعلي شطارتك
محمد: شكرا بس انا محدش اتكلم عني قبل كده في القنوات
جلال: اده بجد
محمد: بجد
جلال بقرف: ما علينا انا مكنتش اعرف ان ملاك تعرف ناس بلحلاوه دي
محمد بصله من فوق لتحت بقرف: ما الحلو بيعرف الحلو الي زيه انا هستاذن انا بقه
جلال: لا يا دكتور اتفضل انت لازم تحضر والله ماانت ماشي اتفضل قوليلو حاجه يا ملاك
ملاك حاولت تداري دموعها : اتفضل
بعد شويه كانت ملاك قاعده هي وحياه ومحمد لوحديهم وهبه وجلال راحو يستقبلو اهل العريس
محمد: مبسوطه
ملاك في بالها: ياريت اعرف اقولك مالي
محمد: ملاك
ملاك: اه مبسوطه
محمد: ليه حاسس عكس كده
ملاك كانت لسه هتصرخ وتقوله كل حاجه بس قاطعها دخول ياسر
ياسر بعصبيه وراح عندها ومسكها من حجابها : مين ده يابت انطقي مين الواد ده
ام ياسر: دي بقه الي بتحبها ده شكلها طلعت لمؤاخذه
ملاك بوجع: سبني بقه اااه
محمد قام ووقف بكل برود وحط ايده في جيبه وبصله بصه خرسته وقدم عليه بكل برود ومسك اديه الي مكلبشه في حجاب ملاك ووقف قصادها
ياسر وحاسس ان اديه هتتكسر: ايدي يباشا
محمد ساب اديه وقرب عليه وكل ما محمد بيقرب ياسر بيرجع لورا
ياسر بص لمحمد وعضلاته البارزه وطوله وبلع ريقه بخوف: هتبلعني ولا ايه
محمد بصوت مخيف: مش من الرجوله انك تمد ايدك علي واحده ست وضربه بوكس في وشه
ياسر: ابوس ايدك يباشا مش هعمل كده تاني بس متموتنيش لو عايزها خدها انا مش عايزها اصلا بس سبني امشي
محمد بص لملاك: ده الي عايزه تكملي معاه بقيت حياتك
ملاك راحتله: سيبه يا محمد ابعد عنه
محمد لسه هيضربه تاني بس ياسر طلع يجري
ام ياسر: منكو لله الواد كان هيموت
محمد: بجد عايزه تتجوزي ده مستناش منها رد وشدها من اديها ودخل بيها الاوضه وكانت حياه ماسكه اديها
ملاك بدموع: عايز مني ايه
محمد: ملاك انتي بجد بتحبي الشخص الي برا ده، ده كان هيضربك لولا اني مسكته يعني عايز يضربك دلوقتي اومال لما تتجوزو هيعمل فيكي ايه
ملاك: ثواني وراحت جابت منديل
محمد بصلها باستغراب: بتعملي ايه
ملاك وبدات تمسح وشها
محمد: ملاك بتعملي ايه
ملاك: ها شايف ايه
محمد: اده ايه كل الجروح دي مين الحيوان الي عمل فيكي كده انطقي
ملاك: غصب عني غصبببب عني عرفت هتجوزه ليه لو متجوزتهوش هفضل عايشه في جحيم هنا انا تعبت تعبت يا محمد اوي ومحدش حاسس بيا لما جيت اشتغلت عندكو قولت اني خلاص هرتاح وحسيت معاكو بالامان والدفا والحنيه حسيت انكو عيلتي بقيت بحب اصحا علشان اشوفكو انا قبل مااجي عندكو مكنتش بحب اصحا كنت دايما قبل ماانام افضل ادعي اني مصحاش انا اتبهدلت اوي انا مبقتش قادره خلاص انا تعبت، لما اتقدم ياسر قولت اوافق وخلاص عارفه انه شخص اناني ووحش وبيحب الفلوس واكيد هيضربني بس قولت هيكون اهون من اختي وجوزها شويه، انا كانت امنيه حياتي انام وانا مش موجوعه و اتحقق لما جيت عندكو بس للاسف الفرحه مكملتش وقولتلي اسيب الشغل وارجع لاهلي انا معنديش حل تاني غير اني اقبل ب ياسر ولسه هتفتح الباب علشان تخرج بس وقفت لما سمعت
محمد بدموع: انا بحبك، اسف يا ملاك بس صدقيني مكنتش اعرف لو كنت اعرف مكنتش خليتك تمشي
ملاك ومسحت دموعها وبصتله: ا انت قولت ايه
حياه: بيقول بيحبكككك
ملاك ونزلت دموعها تاني: اكيد مش من قلبك اكيد بتقول كده علشان صعبت عليك
محمد: والله العظيم بحبك يابنتي انا كنت جاي انهارده علشان اعترف بحبي ليكي بس لما لقيت تجهيزات خطوبتك قولت انك مش بتحبيني وخدي بقه بوكيه الورد الي دبل ده
ملاك ضربته بايدها ضربه خفيفه: بحبك طبعا
محمد: ياريت مشوفش دموعك نازله تاني طول ماانا عايش يا ملاكي
ملاك ضحكت: ملاكي
محمد: وايامي الجايه مش عايزك تزعلي ولا تشيلي هم طول ماانا معاكي ويلا نمشي من البيت ده بس قبل ماامشي لازم نوجب مع اهلك ولا ايه
ملاك بعدم فهم: هتعمل ايه
محمد مسك اديها وخرج بيها برا ووقفها قصاد جلال
ده الي ضربك يا ملاكي مش كده
ملاك هزت راسها بخوف: ا ايوه
بقلمي/menna moharam
محمد: اضربيه
ملاك بصتله ومحمد بصلها وقالها متخافيش
جلال بضحكه استهزاء: انتي هبله عايزه تض
وفجاه صوت القلم هز المكان كله
محمد شمر كمام قميصه: دوري انا بقه وبص لبنته، حياتي انزلي تحت في العربيه دلوقتي علشان المصارعه الي هتحصل دي مش من سنك
حياه:حاضر
محمد بص لجلال:انت بقه الي مديت ايدك علي مراتي مش كده وفضل يضرب فيه لحد ما هبه وقفته بصعوبه وهي بتترجاه يسيبه
ملاك: خلاص يا محمد سيبه ومسكت ايده وخرجت برا البيت كله
جلال بوجع: هندمكو صدقوني هندمكو
هبه: قوم قوم
جلال : مش هسيبهم
عند محمد وملاك
••••••••••••••••••
محمد: الو ياادومي
ادهم: ها طمني
محمد: بقولك تعلالي دلوقتي علي المأذون الي هو ساكن ف****
ادهم: بس كده عيني
ملاك: هو احنا رايحين فين
محمد بصلها بطرف عينه: هنتچوز
ملاك: متهزرش
محمد: انا مبهزرش انا بتكلم جد
ملاك: مممممم ومين قالك اني موافقه مثلا
محمد: علشان بتحبيني مثلا
حياه: هحضر فرح مامي وبابي هييييي
محمد ببتسامه: مبسوطه يا حياه
حياه: اوي اوييي
محمد بص لحياه: مالك
ملاك مسحت دموعها: مافيش بس فرحت بكلمه مامي دي
حياه: انتي مش عايزاني اقولك مامي
ملاك لمست خدها بحنيه: لا ياقلبي قولي الي عايزه تقوليه ياروحي بس اهم حاجه متنسيش والدتك ودايما تفتكريها وتدعلها اتفقنا
حياه: عمري ما نسيتها وكل جمعه انا وبابي بنروحلها
ملاك: خلاص انتي وبابي مش هتروحو
محمد: ايه
ملاك: مش هتروحو من غيري هنروح احنا التلاته سواااا
محمد: احم ممكن اطلب منك طلب
ملاك: طبعا
محمد: احنا طبعا ان شاء الله هنغير كل حاجه في الڤيلا بس ممكن منجيش جمب اي حاجه تخص دعاء زي اوضه العزف بتاعتها كانت بتحبها اوي ممكن نغير العفش
ملاك: واحنا نغير ليه اصلا العفش هيفضل زي ماهو وحته الصور بتاعتها هتفضل زي ماهي انا حابه علي فكره ذوقها في العفش ومش حابه اغير حاجه
محمد: حبيبتي كده كده هنغير لان خلاص موضتهم راحت هنجيب جديد عادي وبعدين العفش ده مش هيروح في حته ده هنقله شقتي التانيه
ملاك: طيب الي يريحك
محمد بصلها بحب: ربنا يخليكي ليا ياحبيبتي
حياه: بابي بابي حااااااااااسب
يتبع
بقلمي/menna moharam
رايكو ياحلوينن🤎🤎
•تابع الفصل التالي "رواية نبضات قلب" اضغط على اسم الرواية