رواية وجع القلب الفصل الرابع 4 - بقلم شروق مصطفى
صباح اليوم التالي عند صقر أستعد وعرف من اسامه ان مايا خرجت و كالعاده في مكانها، هو راح البيت عند والدتها.
باب البيت خبط
مديحه بصوت عالي:
ما انتي معاكي مفتاح بتخبطي ليه ها نسيتي ايه؟ ايه ده مين؟
صقر: احم اسف ع الازعاج واني جيت من غير ميعاد كنت حابب اتكلم مع حضرتك بخصوص مايا.
مديحه : مايا خير في ايه بنتي دي لسه نازله حصل حاجه
صقر حاول يطمنها:
متقلقيش انا جاي في خير ان شاء الله انا جاي اطلب ايديها من حضرتك
مديحه:
طيب تعالي يابني اتفضل انا اتخضيت فكرت فيها حاجه اتفضل اهلا بيك يابني.
ودخل وقعد وقدمتله مشروب
وبدا يتكلم:
الحقيقه انا شوفت بنت حضرتك ومعجب بيها وحاولت اكلمها بس هي رفضت وده اللي خلاني اجي على طول طبعا بعد ما سالت عليكو
سكت وكمل:
ف انا حابب اكلمك عن نفسي شويه انا مهندس وشغال مع والدي بساعده في شركاته وانا بأسس شركه خاصه بيا والحمدلله عندي شقتي وجاهزه من كله الا تشطيبات الاخيره سايبها اختارها مع عروستي
وانا وحيد معنديش اخوات وكنت خاطب بس محصلش نصيب واكيد هيبقا فيه فتره تعارف بينا
وانا هسيبلك كل حاجه عشان تسالوا عننا برده واكلمك عشان اجي انا والعيله نتعارف كلنا.
مديحه اعجبت به وارتاحت داخليا من الكلام معه وتريد اسعادها:
والله يابني الراي الاول والاخير ل مايا وهكلم اخوها وانا مش هلاقي احسن منك بس سيبلنا وقت وهرد عليك.
طيب اتفضلي وده الكارت مكتوب ارقامي وده عنوان لو حبين تسالوا عنا
واخدو ارقام بعض واخد رقم اخوها عشان يكلمه:
وهكلم حضرتك قريب بعد اذنك.
مديحه: مع السلامه يابني
ربنا يقدم اللي فيه الخير.
ومشي وراح بص عليها من بعيد لاقاها قعده وبتعيط ولسه مخلصه مكالمه
هو نشف الدم بعروقه وبصلها بصه الصقر:
لسه برده بتجري وراه وبتعيطله عشان يرجعلها هانت هانت اوي فاضلك خطوه واحده.
وشافها وهي بتقوم وماشيه راح ناحيتها وشدها من ايديها و بيزعق:
انتي ايه القرف ال بتعمليه ده كل يوم مرخصه نفسك كده ليه فوقي بقا مش هيرجعلك تاني انتي مش بتفهمي وبيشاورلها في دماغها
هي اتصدمت من موقف كله مين ده اللي اتهجم عليها وصرخت بألم ، ونزلت بكفها الاخر بقوتها على وجهه بالقلم:
اي سيب ايدي انت مجنون ولا ايه سيب ايدي يا حيوان بقولك!.
تحدثت بغضب:
هو انت عشان رفض اكلمك جاي تقولي اي كلام وخلاص ابعد عني سيب ايدي بقا.
صقر *مسك خده ال اضرب واستحلفها واتكلم من تحت ضرسه:
وحياه القلم ده لاردهولك اضعاف
انتي ماشوفتيش حاجه لسه وهاندمك هانت التقيل جاي وسابها ومشي.
*هي مش مصدقه نفسها بيعمل ليه كده ومرخصه نفسي في ايه مش فاهمه حاجه ده مجنون شكله*
ومشت هي كمان رجعت البيت
بتكلم نفسها: ده مش طبيعي ابدا
هو فيه كده ده رايحه منه خالص.
مديحه سامعاها بتبرطم:
مالك يابت بتكلمي نفسك ليه اتجنيتي ولا ايه.
مايا: ها لا ماتحطيش ف بالك انتي انا داخله انام.
مديحه: طيب في موضوع عاوزه اكلمك فيه.
مايا: لما اصحا لما اصحا ودخلت
غيرت ونامت.
حلمت بوالدها وبيقولها تعالي ورايا ويشاورلها تعالي وبيبتسم لها
ولسه هتروح وراه ومبسوطه انها هتروح لباباها لاقت اللي بيشدها وبيبعدها عنه، وهي تعيط سبني اروحله سبني اروحله مش عايزاك سبني بقا اروحله يا باباه.
لقت باباها مشي بعيد واختفى وهي من كتر عياط قامت بتعيط
*خير اللهم اجعله خير*وقامت اتوضت وصلت ركعتين
وخرجت قعدت مع مامتها.
مديحه: صحي نوم كل ده عملت الاكل وجيت اصحيكي لاقيتك رايحه في النوم خالص مرضتش اصحيكي.
مايا وهي بتتواب: النوم احلي
انا جعانه جدا فيه اكل.
مديحه: قومي سخني لك بقا
وكلي وعاوزاكي في موضوع مهم.
مايا: طيب يا ست الكل.
واكلت وعملت شاي ليهم وقعدت في فرانده: ها ياست الكل موضوع ايه بقا ؟
في عريس جا انهارده بعد ما نزلتي علي طول وشكله كويس وابن ناس شافك واعجب بيكي وجا اتقدملك
قولتله هقولها وهكلم اخوها ها ايه رايك انا بقول يجي ويتكلم معاكي ويمكن يبقا فيه قبول.
مايا بتسمع بس منطقتش: اممممم رايي منا قولتلك قبل كده انا مش بفكر في الارتباط يا ماما دلوقتي و مش مهيئه نفسي ليه، ولسه عاوزه ارجع الشغل واقف ع رجلي واعيد ثقتي بنفسي من تاني وبعد كده افكر ارتبط وانا من جوايا حزين لسه و مفوقتش سيبيني علي حريتي قوليله مفيش نصيب وخلاص.
مديحه: يا بنتي وفيها انا نفسي افرح بيكي انهارده قبل بكره ويكون ليكي ظهر واطمن عليكي وبعدين الحي ابقا من الميت والحزن في القلب وهو اكيد هيفرحلك وهيكون مرتاح اكتر في تربته انتي شايفة اخوكي متجوز وعايش برده مع عيلته ومكمل حياته موقفتش، انتي كمان عيشي حياتك، واطلعي من الحزن ده وخلي الفرحه تدخل بيتنا واطمن عليكي.
مايا اتنهدت: مش عارفه يا ماما بجد انا حاسه اني مش مستعده خالص للارتباط في الوقت الحالي
وفي حجات كتير عاوزه اعملها ومش مستعده بجد للارتباط.
مديحه: طيب جربي مش يمكن يطلع كويس وابن حلال ليه نرفض من الاول كلميه واعرفيه الاول واحكمي وعلي الاقل ممكن يساعدك ويوقف جانبك وتعملوا ال انتي عاوزينو مع بعض بدل ماتكوني لوحدك زي ماعملت انا وابوكي كنا مع بعض في كل حاجه.
مايا مش مقتنعه لسه بوجهه نظر مامتها:
سيبيني علي حريتي يا ماما حاسه اني مش مرتاحه بجد للموضوع ده
انا عاوزه اشتغل الاول ويبقا ليا كياني الاول مستقل وافكر بعد كده بلاش منه الموضوع ده انا مش عاوزه بجد انا في دماغي حجات عاوزه انفذها الاول قبل الارتباط.
مديحه مصممه علي رايها وشايفه انها صح كأي ام نفسها تفرح لابناءها قفلت موضوع معاها مؤقتا كتر كلام معاها مش هيفيد حاليا ف سكتت مؤقتا واللي في دماغها هتنفذه برده لسه هي مش عارفه مصلحتها فين:
سيبيها ع ربنا يا مايا يلا بينا ننام
عند صقر
مشي متعصب اوي علي اخره والله لاندمك علي القلم ده بس امسكك الاول في ايدي وانا هعرف اربيكي
خلاص هانت.
مديحه تاني يوم كلمت ابنها الكبير تعمل ايه في العريس اللي جاي ومايا مش موافقه من قبل ماتشوفه حتى، ابنها قالها هاتي بياناته اسمه وعنوانه هيسال عليه من اصحابه كويس
اصحابه ال ف اسكندرية لان هو مسافر بره مصر وقالها هعرف واكلمك انا
…
وعدا يومين من غير احداث
مايا افتكرت الموضوع انتهى خلاص وارتاحت نوعا ما،
وبدات ترتب هتعمل ايه وكلمت صديقتها تكلم والدها يشوف ليها شغل مناسب ومنتظره مكالمه منها بفارغ الصبر، وعاوزه تمشي من مكان ال هما فيه وكانت رايحه تبلغ مامتها انهم يمشوا من عجمي وينزلوا بيتهم وسط البلد عشان تبدا مرحله جديده وتستعد هتعمل ايه.
ومامتها مش عاوزاها تفضل لوحدها قافله بابها لازم حد جانبها سند ظهر خايفه عليها من الوحده محدش جانبها لو جرالها حاجه، مستنيه مكالمه ابنها يشوف اخبار العريس وهتجمعهم مع بعض لازم يتقابلوا ويتكلموا لو فيه قبول.
وصقر اللي يومين دول راح كلم باباه ومامته انه عاوز يتزوج وانه وشاف بنت كويسه وعاوزهم معاه لما يروح يتقدم لها، وهما بجد فرحوا اوي لان نفسهم يفرحوا به جدا.
صقر شخصيته قويه جدا جاد جدا، والده معتمد عليه كليا في الشغل العمال بيترعبوا منه ومهندسين بيعملوله الف حساب.
وافقو وفرحول جدا بالخبر ومنتظرين الميعاد للمقابله
عند مديحه سايبه مايا براحتها خالص ولا بتسالها بتعمل ايه شايفاها رايحه جايه ودماغها شغاله
سابتها وهي منتظره مكالمه من ابنها عشان يطمنها وتشوف هتعمل ايه بعد كده.
موبايل مديحه رن طلع ابنها:
ايوه ياست الكل عامله ايه والبت مايا عامله ايه واحشتوني اوي اوي حمزه بيسالني عليكوا وبيسال على يويو بتاعته دي اللي
هتبقا احلى عروسه ان شاء الله قريب.
مديحه: حموزي حبيب تيته ياناس واحشني اوي بجد ياحبيبي طمني سالت اصحابك قالولك ايه طلع كويس؟
عماد: ماشاء الله عليه شاب كويس جدا ومرتاحين ماديا كمان
وعيلته معروفه جدا في مجال المقاولات والبناء الهواري جروب
وابنهم مهندس يعتمد عليه الصراحه والكل بيشكر في اخلاقه وادبه توكلو علي الله يا امي
وخليه يكلمني لما يكلمك عشان اتفق معاه علي شويه حجات كده لو فيه قبول عقبال ما انزلكو ان شاء الله.
مديحه: والله كان قلبي حاسس انه شاب كويس واختك الفقريه دي قال ايه مش عاوزه مش مهيئه نفسها وبتاع.
عماد: دلع بنات بقا يا امي
يلا هقفل عشان الشغل.
مديحه: يارب يجعلك في كل خطوه سلامه ياحبيبي مع السلامه.
ارتاحت مديحه واطمنت وعاوزه تبدا في الخطوه الجديده تلين دماغ بنتها وتوافق تقابل العريس.
عند صقر
رجع تاني وقال لازم يقعد معاها قبل ما اهله يروحو معاه المقابله عشان مايحصلش تصادم بينهم ويضع النقاط على الحروف معها، و
يحصل المواجهه الاول لوحدهم
واتكلم مع مامتها في التليفون: مساء الخير معاكي صقر الهواري فكراني انا ال جيت طلبت ايد بنتك.
مديحه: اهلا يا حبيبي فكراك طبعا عامل ايه.
صقر: بخير الحمدلله
بعد اذنك طبعا كنت حابب اقعد اتكلم مع بنت حضرتك قبل ما بابا وماما يزوروكم.
مديحه: تنور يابني في اي وقت تعالى.
طيب بعد اذنك ينفع اجي انهارده
مديحه تنور يا بني مستنياك
صقر: هكلمك قبل ما اجي
مديحه: حاضر يابني.
عند مايا
قررت تقول لمامتها انها عاوزه تمشي من هنا ويلموا حجاتهم ويرجعو بيتهم لانهم طولوا اوي لكن حبت تنزل تتمشى ع البحر الاول كانها هتودعه خلاص، وتجيب شويه حجات نقصاها من الماركت.
مايا: مامتي حبيبتي انا نازله اجيب حجات من ماركت تحت واجي.
مديحه: طيب انزلي وتعالي بسرعه متتاخريش.
مرضتش تقولها انه جاي عشان خايفه من رده فعلها وانها ترفض تقابله من الاساس حابه يتكلموا يمكن يكون فيه قبول.
مايا: حاضر يا ست الكل انتي.
ونزلت وبعد ما مايا نزلت علي طول
صقر كلم والدتها وقالها انه جاي فالسكه وقفل معاها.
مديحه بعد ما قفل معاها
عامله بتكلم نفسها:
يعني لازم يعني تنزلي دلوقتي تجيبي حجات ده وقتو.
مايا نزلت وراحت تتمشى على البحر وشغلت الهاند فري ومشغله اغاني حزينه جدا، ومنسجمه ومندمجه مع الاغنيه وبتحرك شفايفها بتغني
“بس بصوت واطي هي في الشارع برده”
لدرجه ال بعيد يقول انها بتتكلم مع حد.
ومشت بعيد جدا سرحت لحد ما
انتبهت موبايلها بيتهز لاقت مامتها بتتصل:
كل ده انتي فين اتاخرتي كده ليه.
مايا:
ايه يا ماما مالك انا اول مره انزل انا بتمشي شويه وهجيب حجات وانا مروحه.
مديحه بغضب:
طيب يلا تعالي بسرعه في ناس هنا مستنينك وقفلت قبل ماتسال حتى مين.
مايا استغربت من المكالمه ناس مين دول وضربت على رأسها فجأة:
ياه كل ده انا مشيتو انا بعدت هي ساعه كم دلوقتي اوبا كل ده.
صقر وصل البيت رحبت به مامتها وقالتله نزلت بس تجيب حجات من تحت وراجعه على طول وقدمتله واجب الضيافه وقعدين مستنينها
وقعدوا يتكلموا وارتحتله مديحه لقته شخص كويس، فات نص ساعه كمان ولسه مجتش، ومديحه هتجنن منها مسكت التليفون وقامت كلمتها بعيد عنه:
كل ده وبتقولي جايه.
مايا: في فتح الله بجيب حجات اهه خلاص.
مديحة: طب يلا تعالي بقا وانجزي.
قفلت معها ودخلت مره تانيه بأحراج له.
وهو كمان قاعد على اخره ماسك نفسه بالعافيه ومسك الهاتف وكلم اسامه لانه بيراقبها من بعيد عشان يعرف تحركتها: ايوه ياباشا.
صقر: قولي بتعمل ايه دلوقتي.
اسامة: كانت ماشيه ع بحر وبتكلم في تليفون ومنفعله اوي.
صقر: ازاي يعني منفعله.
اسامة: بتعيط ياباشا وبتكلم في تليفون بس هي وصلت الماركت وبتجيب حجات من جوه.
صقر: خلاص يلا سلام.
مسك نفسه بالعافية وكتم في نفسه
واستعد لها اول ماتدخل.
مديحه رجعت قعدت معاه:
خلاص يابني جايه.
صقر بنص ابتسامه: براحتها.
علي دخول مايا البيت ونزلت الكياس في الارض.
مديحه وصقر بيتكلموا علي دخول مايا البيت سمعت مامتها بتقولها:
تعالي ياحبيبتي احنا قعدين هنا.
قامت مديحه عشان تدخلها.
مايا: ناس مين دول اللي عندنا
كاننت بتتكلم هي ومامتها عند الباب الغرفة:
ده صقر اللي كلمتك عنه قبل كده وقولتلك انه جاي يتقدملك وهو جاي يتكلم معاكي دلوقتي
مايا بتوشوش مامتها: هو انا مش قايلالك لا، وقفلنا علي موضوع ده ايه اللي جابه ده دلوقتي خليه يمشي وقوليله كل شئ قسمه ونصيب ولا انتي بتحطيني قدام الامر الواقع.
مديحه بانفعال:
بقولك ايه هتروحي تقعدي معاه وتتكلمو اتفضلي ولينا كلامنا بعدين.
كل ده وهو قاعد بس واخد باله من كل حاجه ودخلتها جوه تعالي: ياحبيبتي لو عاوزين تقعدو في الفرانده قعدتها حلوه اوي وانا قعده
جانبكم هنا لو عايزين حاجه.
*كانت قعده وسايبه باب الغرفة مفتوح*
وقفت مايا تتنهد ولسه هاتقوله انها اسفه بجد و انها مش مستعده للخطوه دي في الوقت الحالي اتصطدمت وتنحت له لانه طلع نفس الشخص المجنون ال قابلته وضربته بالقلم عشان غلط فيها من كم يوم.
ايه ده هو انت !
انت ايه جابك هنا وبتعمل ايه؟
ابتسم ابتسامه صفره ونظر لها نظره انتصار مع حركه ايده علي خده وابتسامه خبيثه وبيقولها اهلا بعروستي اتفضلي.
مايا: عروستك واتفضل !
انت بتحلم شكلك انت مجنون صح انت عرفت البيت هنا ازاي اصلا وعاوز مني ايه.
صقر وبيتكلم وهو قاعد بثقه وحاطط رجل ع رجل وبيشاور بصوبعه:
انا لو عاوز اعرف دبه النمله هعرفها انتي ماتعرفنيش لسه.
مايا: وانا مش عاوزه اعرفك اصلا انا داخله اقولك كل شئ قسمه ونصيب وهقول لماما ان مفيش قبول بينا وخلصنا واتفضل يلا امشي من هنا لوسمحت
صقر ماسك نفسه بالعافيه: انتي بتحلمي اني امشي مين انا مش همشي من هنا الا وانتي مراتي.
توقف امامها بنظرات خبيثة يقترب منها و…
- يتبع الفصل التالي اضغط على ( رواية وجع القلب ) اسم الرواية