رواية عمياء وسط الذئاب الجزء الثاني الفصل السابع 7 - بقلم محمد طه

       

 رواية عمياء وسط الذئاب الجزء الثاني الفصل السابع 7 - بقلم محمد طه 

_والمفاجئه كانت إنهم رجعوا بيها..

على جمهوريه مصر العربيه واتأكدو..

إن نور فعلاً رجعت ف نفس اليوم على مصر

_شاكر_

ها يا دكتوره هنرجع على مصر

_الدكتوره_

هنرجع..بس على المكان اللي العربيتين افترقو فيه..

لازم نشوف العربيه اللي كان فيها سمير راحت فين

_شاكر_

إحنا مالنا ومال سمير..مش يمكن سمير دا معاهم

_الدكتوره بغضب لكن بصوت واطي_

سمير دا قت،ل أخته عشان كانت معاهم..

سمير دا قت،ل الراجل اللي خط،ف أمك..

وجردها من هدومها وعذ،بها..

سمير دا نور وثقت فيه..وأنا كمان وثقت فيه..

هترجع معايا ولا أرجع لوحدي

_شاكر باستعجال_

أكيد هرجع مع حضرتك..أنا مستحيل هسيبك لوحدك..

بس هستأذنك هفتح التلفون أطمن أمي علينا

_(وأول ما فتح التلفون وصلت رساله من أمه محتواها)_

_(سمر وصلت المستشفى ومتصابه كلموني ضروري)_

_شاكر_

شوفي الرساله دي كده يا دكتوره

_(الدكتوره بعد ما شافت الرساله أتصلت بسرعه ب أم محمد)

_الدكتوره بلهفه_

أيوه يا أم محمد إيه اللي حصل وسمر مالها

_أم محمد_

سمر جات المستشفى وكان فيه مط،وه ف ضهرها..

وقالتلي إن فيه بنتين حاولوا يقت،لوها..

بس هيا هربت منهم

_الدكتوره_

خليها تكلمني بسرعه

_أم محمد_

هيا مش هنا مشيت

_الدكتوره بعصبيه_

وبتخليها تمشي ليه..إنتي ما فيش ف دماغك عقل خالص

_أم محمد تهدئها_

والله يا دكتوره ما قدرت عليها..

وبعدين هيا قالتلي إنها هتروح لنهله وعلي..

عشان تبقي معاهم وتحميهم..

وقالتلي إن إحنا كلنا بقينا ف خطر

_الدكتوره_

طيب الحمدلله إنها راحت لنهله وعلي..

إنتي كمان يا أم محمد سيبي المستشفى..

وروحيلهم وخليكي معاهم..

وأنا هكلم الدكتور شامل يستلم الإدارة لحد ما أرجع

_شاكر بقلق_

فيه إيه يا دكتوره

_الدكتوره بجديه_

فيه إن إحنا لازم نلاقي سمير وبسرعه

_______________________________

__(المقر الرئيسي للباشا الكبير))_

_الباشا_

إيه الأخبار يا فهد

_فهد_

نور ف العمليات..وأول ما هتبقي جاهزه هجيبها لحضرتك

_الباشا_

أنا عايزك تفتح عنيك كويس..

عشان نور دي عامله زي القن،بله..

لو أخدنا بالنا منها هنستفاد منها كتير..

ولو ما أخدناش بالنا منها هتن،فجر ف وشنا كلنا

_فهد بثقه_

إطمن يا باشا..وأوعدك إنها لو إنف،جرت..

مش هتأذي غير نفسها..

بس اللي أنا عايز أفهمه إحنا هنستفاد إيه من بنت عميا

_الباشا_

العميا دي هنستفاد منها ف مهمات كتير..

وهتخلصلنا مهمات أكتر بذكائها..

ووقت ما هنحس إنها مش هتفيدنا..

هنرميها لزباينا يستمتعو بجسمها وجمالها

_فهد_

طيب بالنسبه للدكتور بعد ما يخلص العمليه..

نخلص عليه ولا هنسيبه زي ما وعدناه

_الباشا بابتسامه مكر_

وإحنا من إمتي بنوفي بوعدنا يا فهد..

إسمع يا فهد..دي هتكون أول مهمه لنور..

أو بمعني أدق هيكون أول إختبار لنور..فاهمني يا فهد

_فهد_

فهمت يا باشا..بس لو نور ما أمرتنيش إني أق،تله

_الباشا_

وقتها لا يلزمني نور ولا الدكتور..وتخلص عليهم الاتنين

_بقلم…محمد طه عبد المجيد

_____________________________

__(عند ميري وسهيله)__

_ميري بغضب_

سهيله إنتي إتصرفتي أي تصرف من غير علمي

_سهيله بهدوء_

فيه إيه يا ميري..هوا أنا فارقتك لحظه واحده..

ما أنا معاكي طول الوقت..إيه اللي حصل

_ميري بغضب_

اللي حصل إن فيه أوامر من الباشا..

إننا نروحلو المقر إحنا الاتنين وبسرعه

_سهيله_

طيب إيه الغريب ف كده..أكيد فيه أوامر جديده

_ميري_

مش عارفه إيه الغريب ف كده..

دي أول مره يطلبنا إحنا الاتنين ف المقر الرئيسي

_سهيله_

ما تكبريش الموضوع..أكيد عايزنا ف مهمه جديده

_ميري بتحذير_

لو عملتي حاجه وأنا معرفهاش..

يا ريت تعرفيني بيها..عشان أشوف هتصرف إزاي

_سهيله بخوف_

لازم تعرفي يعني

_ميري بصدمه_

نهارك إسود عملتي إيه يا سهيله..إنطقي

_سهيله بخوف_

إزازه البيره اللي كانت ف التلاجه

_(وتضحك)_ أنا اللي شربتها كلها

_ميري بغضب_

هتهزري..هوا دا وقت هزار

_سهيله_

فيه إيه يا ميري..إنتي مالك بقيتي بتخافي..

ذياده عن اللزوم ليه كده..

الباشا طلبنا هنروح ونشوف عايز إيه

_ميري بقلق_

يا سهيله الطبيعي إن لما بيكون فيه مهمه..

أنا اللي بروح المقر لوحدي..

أو الباشا بيبعتلي رساله مشفره بالمهمه..

لكن دلوقتي الباشا طالبنا إحنا الاتنين ف المقر وبسرعه

_(وتبص ف عنين سهيله)_ الواد اللي كان مع البت العميا

_سهيله_

بعد ما شرب السيجاره اللي فيها المخدر..

وغاب عن الوعي..أخد الحقنه..

وبعدين رميته ف طريق الغابه..

يعني اللي حضرتك أمرتي بيه إتنفذ..

إهدي بقي لحد ما نروح نشوف الباشا عايزنا ف إيه

________________________________

__(ألمانيا)__

_الدكتوره وشاكر رجعوا لمكان ما العربيتين إفترقو

ومشيو ورا العربيه اللي كان فيها سمير..

وفضلو ماشيين وراها لحد ما العربيه دخلت طريق الغابه..

والطريق دا فيه طريق فرعي بيطلع على..

طريق شبه صحرا..والطريق دا ما فيهوش كاميرات..

ونادراً لما عربيه بتدخل الطريق ده

_فضلوا واقفين على أول الطريق لا فيه عربيه..

دخلت ولا خرجت..عدي حوالي ساعه إلا ربع

وبعدين خرجت العربيه اللي دخلت بسمير

_مشيو وراها لحد ما عرفوا إنها كانت عربيه متأجره

واتأكدو إن العربيه دخلت بسمير طريق الغابه

ولما خرجت سمير ما كنش فيها

_رجعوا تاني لطريق الغابه ودخلوا فيه من أوله لآخره

ملقيوش أي حاجه لا بيت ولا فيلا ولا حتي كهف

فضلوا مراقبين الطريق دا لحد ما فيه عربيه دخلت

_وفضلت حوالي ساعه إلا ربع وبعدين خرجت

الدكتوره وشاكر ما بقاش فيه قدامهم حل

غير إنهم يمشوا ورا العربيه دي

_فضلوا ماشيين وراها لحد ما وصلت فيلا

وحواليها حرس كتير جداً ومسل،حين

_شاكر بخوف_

إيه يا دكتوره أوعي تقوليلي إن إحنا..

هندخل الفيلا دي أو حتي هنقرب منها

_الدكتوره بذكاء_

إحنا فعلاً ما نقدرش نقرب منها لأن دا مستحيل..

بس الأكيد إن إحنا هندخلها وهنفتشها مكان مكان

_شاكر بخوف واستغرب_

معلش فهميني واحده واحده..إزاي

_الدكتوره بعصبيه_

إزاي إيه يا شاكر..ساهله جداً

إحنا وصلنا هنا عن طريق الكاميرات..

والفيلا قدامك مليانه كاميرات..

إدخل على الكاميرات وشوفلنا مين اللي جوه

_شاكر يخبط على قورته_

إيه الغباء اللي أنا فيه ده..بس أعذريني يا دكتوره..

المنظر والحرس والسلا،ح دا كله..

يخلي الواحد ينسي إسمه

_وبدأ شاكر يحاول إنه يخترق كاميرات الفيلا..

وفجأه يلاقوا الحرس فوق دماغهم بالسلا،ح..

_وينزلوهم من العربيه ويفتشوهم..

وياخدو من شاكر اللابتوب..ويدخلوهم الفيلا

_وأول ما يدخلوا يلاقوا سمير واقف قدامهم..

وجنبه كلب ملامحه شرسه جداً……

يتبع…

  •تابع الفصل التالي "رواية عمياء وسط الذئاب" اضغط على اسم الرواية