رواية اخترقت قلب العشق الفصل السابع 7 - بقلم جاسمين محمد
❥ بسم الله الرحمن الرحيم
بليل
عشق وصلت هي وليلي وجو بيتها واول ما نزلت من العربيه
زين جري عليها..... ماماااااا وحشتيني وحضنها 🌿🌿🌿
عشق حضنته ووشالته ودخلت بيه جو... حبيب ماما عامل اي
زين بطفوله.. حبيب ماما بيحبها اووي
عشق... ياروح ماما وماما كمان بتحبك اووي اووي كدا البحر وسمكته
زين ببتسامه .. وانا بحبك قد السماء ونجومها
ليلي بحب... وه وه بقا كدا تنسياني ياسي زين
زين بحب... مقدرش ياليلي انتي حبيبتي بس ماما وحشاني اووي
جو... واد انت متقولهاش حبيبتي
زين... لا حبيبتي اسكت انت ياجو
جو.. هههه حاضر ياخوي المهم قولي البطل بتاعي عامل اي
زين... البطل ميت فل وعشره كمان
جو.... ههههههه يخربيتك جبت الكلام ده منين
عشق بعصبيه... زين احنا مش قولنا نبطل الكلام الوحش ده واللي يقولك عامل اي تقولوا الحمدلله بخير
زين بحزن... اسف ماما حقك عليا مش هتكلم كدا تاني
عشق... ماشي لم نشوف المهم اتعشيت
زين... لا مستنيكي
عشق... طيب يلا يابطلي ناكل عشان ننام ورانا حضانه بكرا
زين... ماشي بس تفسحيني بكرا
عشق حطت صباعها علي دماغها بتفكير وضحكه... اشطااا موافقه
زين بفرحه.... هاااااااا بحبك اووي اووي
عشق حضنته وبحب... وانا بحبك اكتر ياقلبي يلا ناكل
زين... يلا
ــــــــــــــــــــــــــــــــــــــــ
صخر بعصبيه... داليا عملتي اي
داليا... مش بترد لحد دلوقتي ياصخر
صخر... هوف طيب انا ماشي
داليا... صخر اهد مالك قلقان ليه كدا
صخر... لا عادي المهم يلا سلام
داليا... سلام
تاني يوم الصبح
صخر... خلود انتي معاكي رقم جيسيكا
خلود... اه يافندم معايا
صخر... امم تمام كلميها وقوليلها تجيلي حالنا بالملف بتاع المشروع بسرعه
خلود بستغراب... بس يافندم الملف.... وقطع كلامها دخول داليا
داليا بتوتر.... صخر عايزاك ضروري
صخر بستغراب... في اي ياداليا
داليا... خلود روحي اعملي لينا فنجانين قهوه
خلود... حاضر ياداليا هانم
صخر... في اي
داليا بتوتر... في ان
صخر... داليا في اي مش ناقص قولي بسرعه
داليا... حاضر اهدي بص وقطع كلامها رنين التلفون
صخر... استني الو ايو ياعمتي
رحاب بعياط... مجتش ليه ياصخر بقولك جدك تعبان وعايز يشوفك اووي بسرعه ياصخر تعال
صخر بفزع.... حاضر ياعمتي جي حالنا اهو سلام
رحاب بعياط... سلام يابني
داليا بستغراب... في اي
صخر.... عمتي رحاب بتقول ان جدي تعبان اووي وعايز يشوفني انا مسافر قنا دلوقتي
داليا بخوف... تمام وانا جي معاك يلا
صخر... يلا طيب بسرعه
ـــــــــــــــــــــــــــــــــــــــــــــــــــــ
زين وهو بيبوس عشق علي خدها وهي نايمه
... ماما حبيبتي اصحي بقا كفايه نوم
عشق وهي بتفتح عينها بكسل... ياحبيبي سيبني انام
زين... طيب قومي اقفلي التلفون اللي عمال يرن من بدري ده
عشق.... حاضر ومسكت التلفون لقت مامتها رحاب اللي رانه
عشق بستغراب... ماما رانه الصبح بدري ليه كدا لم اقوم اخد دش و فوق وابقا ارن عليها
عشق... حبيبي روح قول لداده تجهز الفطار عقبال ما اخد دش
زين... حاضر ياماما
عشق قامت دخلت خدت دش وطلعت قعدت فطرت وقاعده سرحانه وساكته وحاسه ان قلبها وجعها
جو لاحظ سكوتها بستغراب... عشق مالك ساكته وسرحانه ليه كدا
عشق... ها لا عادي بس حاسه قلبي وجعني مش عارفه ليه وماما من امبارح بترن عليه مش عارفه في حاجه ولا اي
ليلي... طيب مترني تطمني
عشق... حاضر اروح ارن عليها
ــــــــــــــــــــــــــــــــــــــــــ
صخر وصل هو وداليا القصر
صخر اول مدخل لقي رحاب قاعده عماله تعيط جري عليها
صخر... عمتي في اي جدي ماله
رحاب بعياط اترمت في حضنه وبعياط... جدك تعبان اووي ياصخر
صخر بحزن وبحاول يؤاسيها... اهدي وان شاء الله خير
رحاب... يارب يابني هو عايز يشوفك انت وعشق بس عشق مش عارفه اوصلها خالص
صخر بستغراب... ليه هي فين
رحاب... سافرت في اليوم اللي انت مشيت فيه اتخانقت هي وجدك ومشت
صخر بعصبيه... ودي كيف تمشي من غير م تاخد اذني
رحاب... يابني اهد هو انتو اصلا مشفتوش بعض عشان تتكلموا المهم روح شوف جدك وانا هحاول ارن عليها تاني يمكن ترد
صخر... حاضر ياعمتي انا رايح اشوف جدي
ــــــــــــــــــــــــــــــــــــــ
عند عشق رنت علي مامتها
عشق... الو ايو ياماما عامله اي
رحاب بعياط... جدك بيموت ياعشق الحقيني
عشق بعدم استعاب... ياماما مش وقت هزار تاني انتي وجدي عشان باجي وبتكونوا بتمثلوا عليا
رحاب بعياط... وحياتك يابنتي مش بمثل عليكي جدك تعبان اووي وبيموت وعايز يشوفك قبل ما يموت
عشق بعياط... ممكن اوع تكوني بتهزري عليا بالله عليكي
رحاب... لا والله يابنتي
عشق... طيب انا جي مسافه السكه سلام
رحاب... ماشي يابنتي بس بسرعه
عشق بعياط... حاضر ياماما سلام جو وليلي قربه منها
جو بستغراب... عشق بتعيطي ليه مالك
عشق بعياط... جدو بيموت احنا لازم ننزل قنا حالا
ليلي خدتها في حضنها... حاضر ياحبيبتي اهدي طيب جو احجز طياره بسرعه
جو... حاضر اهدي ياعشق وخير ان شاءلله
زين بعياط قرب منها ومسح دموعها... ماما انتي بتعيطي ليه في حاجه
عشق بحب... لا ياحبيبي اطمن بس لازم اسافر
زين حضنها وبحب... ماشي بس انا هاجي معاكي انتي دايما بتسافري وبتسبيني لوحدي ماليش دعوه مش هسيبك
عشق بحب... حبيبي الشاطر يسمع الكلام هم يومين وهاجي اطمن
زين بعند طفولي... لا ماليش دعوه انا هاجي معاكي
عشق... حبيبي اسمع الك...
جو... خليه يجي معانا
عشق... بس
جو... اطمني محدش هيعرف حاجه وهزلها راسه يطمنها
عشق... حاضر روح جهز نفسك ويلا احنا كمان نجهز نفسنا عشان نلحق نوصل بسرعه
ـــــــــــــــــــــــــــــــــــــــــــــ
صخر دخل عند جدو في الاوضه وقرب منه
صخر بحزن... جدي مالك
مجدي بتعب شال جهاز التنفس من علي بوقه... ص ص خر
الممرضه... مجدي بيه متتعبش نفسك ارجوك
مجدي شاولها بصباعه انها تسكت وتطلع بر
الممرضه بصت لصخر
صخر... اطلعي بر وانا معا
الممرضه... ماشي يافندم
صخر... سلامتك ياجدي
مجدي... الله يسلمك يابني صخر بقولك
صخر... ارتاح ياجدي دلوقتي ولم ترتاح نبقا نتكلم انا قاعد معاك اطمن
مجدي بتعب... لا اسمعني ياصخر عشق مش وحشه الظروف يابني قرب منها انا وانت هتشوف طيبه قلبها وجمالها متحكمش عليها بسبب ابوها يابني وخليك واثق انا مستحيل اجوزك اي حد رجع عشق واتجوزه يابني وكفايه بقا فراق انتو الاتنين من نصيب بعض وانسي اللي حصل معاك مش كلهم شبه بعض
صخر... ياجدي ارتاح بس
مجدي بتعب... قرب من عشق وانت هتحبها ومش هتقدر تبعد عنها وهتقول جدي قال وهتشكرني عارف انا كان نفسي اشوفها قبل ما اموت وفهمها ان جدها مستحيل يختارلها الغلط واني بحبها والله صخ...
صخر بفزع وزعيق... جدب جدي مالك مش بترد ليه جدي
رحاب دخلت جري من بر علي الصوت لقت صخر بغطي وش مجدي ودموعه نازله
رحاب بصويت.... يالهوووي يالهوووي يابوي قوم عشان خاطري متسبنيش انا مقدرش اعيش من غيرك
صخر قرب منها وحضنها... ادعيله ياعمتي
رحاب بعياط... لاياصخر ابوي هيقوم انا ماليش غيرو هو اللي وقف معايا وجنبي دايما
صخر.... وانا رحت فين انا معاكي اهدي وحياتي عندك انا بحاول اهدي نفسي بالعافيه داليا ياداليا
داليا جت جري من بر... في اي ياصخر
صخر... قولي لسيف يجهز لدفن جدي
داليا بصويت وعياط... يالهووي يالهووي جدي مات
صخر بزعيق... مش وقت صويت روحي اعملي اللي قولت عليه
داليا بعياط... حاضر وطلعت بر
ـــــــــــــــــــــــــــــــــــــــــــــــــ
عشق وليلي وجو وزين وصلوا قنا
عشق... جو وصلني وخد ليلي وزين وصلهم الشقه وانا اطمن علي جدي واجي وراكم
جو... حاضر ياعشق وصلوا القصر وعشق نزلت وبتبص لقت الناس كتير متجمعه وصوت صويت طلعت تجري علي جو وجو وليلي وزين طلعوا يجري ورها
عشق اول مدخلت لقت امها لابسه اسود وحلوليه حريم لابسه اسود قربت منها بعياط... ماما في اي
رحاب بعياط وترمت في حضنها... جدك مات ياعشق جدك مات
عشق وقعت في الارض اغمي عليها اول مسمعت كدا جو جري شالها وحطها علي الكرسي وبيفوقها هو وليلي
جو... هاتو برفان بسرعه
ليلي طلعت علبه برفان من شنطتها وادتهالوا وجو بدا يشمم عشق
رحاب... يالهوووي يابنتي قومي ارجوكي انا مش هقدر علي وجع القلب اكتر من كدا
عشق بدات تفوق ومش بتتكلم وعينها عماله تشر دموع
صخر جه جري هو وداليا من بر علي صوت الصويت واول مشاف جيسيكا وقف مكانه مصدوم هو وداليا
#جاسمين_محمد
#اخترقت_قلب_العشق
تسلموووو علي التفاعل القمر ده ياناس
- يتبع الفصل التالي اضغط على (رواية اخترقت قلب العشق) اسم الرواية