رواية اللغز الفصل التاسع 9 - بقلم سالي محمد
الجزء التاسع
أمجد اخدني نتمشي بس كنت قلقانه ع الاولاد معرفش ليه هو بلغ الريسبشن اننا خارجين نتمشي وانه قفل الباب من بره وان الولاد نايمين وعايز حد يبقي معاهم وفعلا جه واحد واداله فلوس عشان يحرص الولاد وخرجنا روحنا ع البحر الجو كان جميل جدا والهوا تحفه فعلا احلي وقت نتمشي فيه ع البحر قولتله اي حكايتك انا متأكده اني اللي شوفته مكنش حلم انا كنت ف ارض الجن وانت اصلا مش بشر وان السلسله دي بتحميني منهم صح قالي ايوة صح بس اللي متعرفهوش اني مش الشرير اللي ف القصه انا اه كنت زمان كدا بس بسبب حبي ليكي وحبك ليا انا أسلمت واتزوجنا وعشنا مع بعض وخلفنا أولادنا بس دا كان ليه عواقب قولتله عواقب اي قالي ممنوع الجن يحب انسيه خصوصا عشيرتنا انا ابن ملك من اقوي ملوك الجن السبعه كنت متخصص ف حاجات كتير عقلك مش هيقدر يصدقها وماينفعش احكيها قولتله طب مين ماهينار دي وليه بتكرههنني كدا قالي دي بنت عمي والمفروض اننا نتزوج وهي بتحبني جدا لكن انا حبيتك انتي واتغيرت عشانك قولتله طب اي حصل ليله المطر وليه مش فاكره العشر سنين اللي فاتوا مع اني ف الصور باينه اني بحبك وانت بتحبني قالي ايوة احنا كدا بس ماهينار قدرت تمسحلك كل دا معرفش ازاي هي خلتك تقلعي السلسله وتعملي حادث تفقدي فيه ذاكرتك وترجعي ليوم المطر اللي لقيتك فيه قولتله طب عرفني اي حصل يوم المطر قالي القصه طويله ودا مش وقت احكيها اظن قولتلك هقولك كل حاجه بعد الوقت اللي اتفقنا عليه قولتله انت ليه اخترت وقت قبل ماتحكيلي قالي عندي أسبابي وعارف انك هتفتكريني ف الوقت دا وبعدين انا خارجين نتفسح وجري ع الميه ومسك شويه رشهم عليا وفضل يضحك ضحكته كأنها عدت ع قلبي ع طول انا كمان جريت وراه ومسكت الميه رشيته بيها وفضلنا نلعب ونضحك معرفش عدي وقت قد اي لكن تعبنا ونمنا جمب بعض ع الرمله وعنينا ف عيون بعض وساكتين وفجأه قالي بحبك حسيت قلبي نبضاته بتزيد كنت مبسوطه وانا بسمعها منه لكني حاولت إداري فرحتي دي وبصيت الناحيه التاني قالي اكتر حاجه خلتني احبك خجلك دا وقرب مني وحط ايده عليا قولتله مش يلا نرجع ليكون الاولاد صحيوا قالي لو صحيوا كنت عرفت وبعدين الاولاد ف بيني وبينهم تواصل بنسمع بعض ونتكلم حتي لو مش جمب بعض ارتاحي انتي قولتله يعني مش هيحاولوا يأذوهم قالي ممكن بس ولادنا مش عاديين عندهم قوه يقدروا يحموا نفسهم ماتقلقيش انا موجود لحمايتكم انتم كل حياتي اهم
- يتبع الفصل التالي اضغط على ( رواية اللغز) اسم الرواية