رواية عهد الضبع الفصل العاشر 10 - بقلم نور محمد
عهد_الضبع_الفصل_العاشر
:قريب هتبقى ملكي ومراتي انا ياعهد اوعدك
وفي الصباح اليوم التالي استيقظ ضبع على صوت عالي في القصر تحت فقام بانزعاج ونزل تحت بغضب وهو بيتوعد بالهلاك للي صحاه دلوقتي من حلمه الجميل مع عهد حبيبته
وفجأه وقف مكانه بزهول وعنيه وسعت بعدم تصديق وصدمه لما لقي في عمال كتير في القصر بتجهز لمناسبه كبيره وفي زينه معلقه في كل مكان بشكل جميل اوي وانيق جدا
نزل ضبع وهو بيبص حوليه بزهول وصدمه ومسك عامل من العمال وسئله بحده:أيه اللي بيحصل هنا انتو بتعملوا ايه هنا في القصر بتاعي؟!
بلع العامل ريقه بخوف من نظره ضبع المرعبه وقال:مفيش يافندم احنا بنحضر لمناسبه خطوبه البشمهندس حازم اخ حضرتك
ضبع سمعه بصدمه كبيره بعد مافهم قصده ايه ونادي بغضب رهيب:حااااااااازم تعال هنا حالا
حازم كان فوق بيبص عليه برعب واول ماسمعه نزل جري وهو يدعي ربنا ينجيه منه وقال:نعم ياضبع انت ناديت عليا
ضبع بص عليه بغضب كبير وقرب منه وقال:ايه اللي بيحصل هنا ياحازم ازاي تعمل ده كله هنا بدون علمي
حازم بخوف وتوتر:احم ياضبع هو انا بس قولت اعمل خطوبتي النهاردا قبل بكره وخير البره عاجله مش كده
ضبع بحده:وخطوبتك دي بقى من مين ياحازم؟
حازم بلع يريقه بخوف كبير وقال:من من عهد مش انت عارف اني عاوز اجوزها و
قبل ماينطق حرف تاني ضبع مسكه من رقبته بغضب اعمى وقال بصوت مرعب:عهد انت قولت عهد مش كده سمعني تاني بصوت اعلى
حازم حاول يتكلم بس مقدرش من قبضه ضبع القويه وكان خلاص هيتخنق بس عهد جرت عليه بخوف وقال:ضبع سيبه انت مجنون ده اخوك هتقتله كده سيبه ابوس ايدك.
ضبع بص دموعها وقلقها الكبير على حازم وتهند بضيق وغيره كبيره ودفع حازم بقوه وقال:بتحبيه ياعهد جاوبيني بتحبيه اوي كده
عهد بغضب وهي بتسند حازم علشان يقف:ايوه بحبه وانت مالك دي مشاعري وانا حره احب اللي عاوزاه واجوز اللي عاوزاه كمان
ضبع حس ان كلامها نزل زي السكينه على قلبه فغمض عنيه بألم ووجع وقال:تمام انتي عندك حق ربنا يتمم لكم على خير
ضبع خلص كلامه وطلع غرفته تاني بسرعه وعهد بصت في اثره بصدمه
وحازم وقف بقلق وقال:وبعدين ياعهد كده خطتنا هتفشل
عهد بتفكير:لا متقلقش انا متأكد انها هتنجح بس الصبر حلو
حازم بتوتر:ربنا يستر انا هروح اشوف باقي التحضيرات وانتي اطلعي اجهزي علشان الخطوبه فوق تمام
عهد ببسمه:تمام عن ازنك
عهد سابته وطلعت علشان تحضر نفسها وقبل ماتدخل غرفتها لقت شخص شدها بقوه لغرفته وقفلها خلفه
عهد بخوف:ضبع بيه انت يتعمل ايه؟
ضبع بغضب:مش بعمل حاجه بس الظاهر اني هعمل ياعهد
عهد بعدم فهم:انت قصدك ايه؟
ضبع قرب منها ولمس وجهها بحب كبير وقال:عهد انا بحبك صدقيني انا بجد بحبك وعاوزك تبقى مراتي انا
عهد بصدمه:انت بتقول ايه بتحبني انا؟!
ضبع بحب:ايوه بحبك ياعهد من اول يوم شوفتك فيه قلبي دق ليكي انتي وبس.. انتي اول وحده تحرك مشاعري تجاهها
عهد توترت ولقلبها بقى بيدق بجنون:ضبع بيه لو سمحت انا عاوز اخرج من هنا ميصحش كده
ضبع بجنون وغيره:ضبع بيه.. ضبع بيه.. انتي ليه بتتكلمي معايا برسميه ومع حازم بعفويه هو فيه ايه زياده عني جاوبيني بتحبيه هو ليه وانا لا
عهد بخوف:انا عاوزه اخرج لو سمحت
ضبع بص عليها بشفقه لما حس انها خافت منه ومسك ايدها بحنيه وقال:انا اسف اتعصبت عليكي بدون وعي بس انا بجد بحبك ياعهد اعطيني فرصه وانا هعمل كل اللي انتي عاوزاه مني
عهد ابتسمت بخبث بعد ماسمعت كلامه وقالت:وانا موافقه بس بشرط
ضبع بفرحه: موافق على كل شروطك
عهد بخبث:مش تعرف انا عاوزه ايه منك الاول
ضبع بسعاده:مش مهم انا موافق المهم تبقى ملكي وفي حضني انا بس
عهد بخبث وتخطيط:تمام انا شرطي انك تطلع ليلى من الغرفه وبعدها تطلقها قولت ايه؟
ضبع برق فيها بصدمه وزهول وقال:اييه وانتي عرفتي اسمها منين؟ انا منبه على الكل هنا في القصر محدش يتكلم عنها وحتي انا مزكرتش قدامك اسمها قبل كده ومتأكد انها مقلتش اسمها قدامك لاني سمعت حديثك معاها كله يبقى منين عرفتي اسمها ياعهد؟!!
عهد توترت اوي منه وبلعت ريقها بخوف وو
وعلى الجهه الاخرى في غرفه سوزى كانت بتتكلم في الفون بتاعها
سوزى ببرود:ها طمني الطلبيه وصلت المخازن او لسه
_لسه ياهانم ضبع بيه ناشر رجالته في كل مكان واحنا خايفين نتمسك بيها
سوزى بضيق:طيب اتصرف ومتقلقش ضبع اليومين دول مشغول هنا في لعبه حازم والخدامه عهد ومش هينزل شغل الفتره دي ودي فرصتنا لازم البضاعه توصل المخازن في اسرع وقت فاهمني
_تمام ياهانم تحت امرك هيبدأ التنفيذ فورا
سوزى بخبث:برافو عليك ياله سلام دلوقتي ربنا معاك
_سلام ياهانم
قفلت سوزى معاه وابتسمت بخبث وقالت:المقدم ضبع الهواري ظابط اول مخابرات سريه ههههه ابن رقيه المسكين فاكر اني معرفش هويته الحقيقيه ايه.. لا وكمان العصابه اللي بيدور عليها من سنين ميعرفش ان زعيمها من عيلته وجوه قصره كمان حقيقي مسكين اوي ههههههه.....
وعند حازم خلص تجهيز التحضيرات كلها والمعازيم اجو كمان والحفله بدأ بس عهد لسه منزلتش فقلق حازم عليها وطلع يشوفها فوق
وهو في الطريق مر جنب غرفه ليلى فبتسم بحزن وقرب من باب الغرفه وقال:قريب كل حاجه هتتحل ياليلى اوعدك وهترجعي لحضني تاني زي زمان و
سكت حازم فجأه على صوت مكتوم جوه الغرفه فتوتر وقلق اوي على ليلى وطلع المفتاح من جيبه اللي سرقه باليل من ضبع وفتح الباب بسرعه من هنا وتسمر مكانه بصدمه ورعب كبير
حازم بزهول ورعب:ليلى حبيبتي مين عمل فيكي كده؟!!!
خلص جملته وجرى عليها بخوف كبير لما لقاها قدامه.....
يتبع....بقلمي نور محمد 🌺
- يتبع الفصل التالي اضغط على (رواية عهد الضبع ) اسم الرواية