رواية القدر الفصل الحادي عشر 11 - بقلم ملك ياسر
صلوا على الحبيب المصطفى محمد صلى الله عليه وسلم تسليما كثيرا 🌺
البنات رجعوا التدريب من تاني و بعد اسبوع كان الكل حضر مشروعه و كان جه الوقت إنهم يعرضوه علي رئساء الشركه و اللي هما يكونوا محمود والد آسر و شريكه حسن والد علي و كل واحد فيهم ماسك فرع غير اللي بره مصر و مخلين عيالهم هما اللي ماسكين الفروع موجوده في مصر.
البنات كانوا رايحين الشركه علشان يعرضوا مشروعهم و وصلوا و دخلوا كل واحد حط مشروعه في المكان المناسب.
علي وقف علي المنصه و بدأ يتكلم.
علي و قد انهى حديثوا و قال: طبعاً احنا هنختار المشروعه كويس يبقا معانا في الشركه و هيكون في منصب كويس و مرتب كويس بس انا هاخد طلاب منكم للفرع بتاعي التاني هو قريب من هنا و بشمهندس آسر هياخد برضوا طلاب للفرع بتاعوا و شكرا لحضراتكم.
علي و آسر و حسن و محمود كانوا مبهورين جداا بشغل الطلاب و افكارهم و قرروا إنهم هياخدوا ناس كتير منهم هيستفيدوا من خبراتهم جداا.
محمود: انا عندي فكره كويس طالما عجبنا شغلهم اوي كده احنا لازم نستغل ده و هنعمل حفله كبيره بليل للموظفين و الطلاب و للدكاتره كمان موجودين في الجامعه و هنبدأ نعلن عن كل مشروع اللي احنا هنكون مختارينوا طبعا لأنوا الاكفأ فيهم و هناخدهم بعد ما يتخرجوا و يشتغلوا عندنا و بكده تكون ثفقه رابحه جدا و ليها مكسب لينا و مكسب للطلاب كمان.
حسن: حلوه الفكره انا معاك في رأيك.
آسر: تمام وانا هحضر لكل حاجه لازمه الحفله.
علي: وانا هبعت حد بكروت الحفله الجامعه عندهم أخر يوم و هقولهم علي الحفله و إن فيها هنعلن عن الفائزين.
محمود: كده كويس اوي بالتوفيق إن شاء الله ي شباب.
طلع على المنصه محمود و بدأ يقولهم: احنا ي جماعه مبسوطين جدا بشغلكم و قررنا نعمل حفله نعلن فيها الفايزين و اللي نقدر نشغلهم عندنا بعد ما يتخرجوا و الحفله دي هتكون اخر يوم امتحانات ليكم و شكرا لحضراتكم.
الطلاب بقوا مبسوطين جداا و مباقوش مصدقين الكلام و الكل سرح بخيالوا انوا هيقدر يشتغل في شركه زي دي و انوا يقدر يتجوز و يفتح بيت.
عند البنات. سلمى بفرحه: الله انا مش مصدقه نفسي إني ممكن اكون هنا في يوم من الايام و قالت بحزن بس ياريت اكون في الفرع التاني مش هنا.
ملاك: عادي ي بت و لو انتي هنا افرسيهم و خلي البت الما*يصه دي تحرف جدودها و ماتسيبيهاش تاخدوا منك ي هبله.
شمس: ملاك عندها حق لازم تعملي اللي هنقولك عليه بالحرف الواحد و قالت بحزن بس ي خساره مش هكون موجوده معاكم في الشركه لأني لو وظفوني انا هرفض ولازم اسمع كلام بابا علشان ابقا دكتور زييوا.
سلمى: ماتزعليش ي بت اكيد بباكي عايز مصلحتك وانتي لازم تسمعي كلاموا و بعدين يعني حد يلاقي انه يكون دكتور و مايبقاش ي هبله انتي.
ملاك: وانا عندي فكره اخليكي تشوفي كل اللي انتي عايزاه في الوقت اللي انتي عايزاه برضوا.
شمس بحماس: ايه هي؟؟
ملاك: هبقا اقولك بعدين بس يلا دلوقتي عايزه اروح اكل انا جعانه اوووي و جرت و سابتهم.
سلمى بضحك: هتفضلي طفسه طول عمرك.
شمس: عندها حق بصراحه وانا كمان جعانه بذمتك انتي كمان مش جعانه.
سلمى: الصراحه جعانه يلا ي بت نحلقها هتخلص الاكل بتاعنا دي مفجوعه😂
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
مايا عند آسر في المكتب.
مايا دخلت على آسر المكتب من غير ما تخبط ولا تستأذن.
آسر بزعيق لأنه بيضايق من الحركه دي: انتي ازاى تدخلي كده من غير ماتستأذني ولا تخبطي و فين الزفت السكرتيره اللي المفروض ماتسمحش لحد يدخل بالطريقه دي.
دخلت موده السكرتيره بتاعه آسر لكن بتاعه المره اللي فاتت كانت ريم السكرتيره بتاعه علي.
موده و هي باصه في الارض: انا اسفه ي فندم بس حاولت اوقفها و هي مارضتش.
آسر: اتفضلي انتي و بعد كده ماتتكررش.
مايا بمياصه و هي بتقرب منوا: ايه ي حبيبي النرفزه دي كلها احنا مخطوبين دلوقتي يعني المفروض ادخل براحتي و في الوقت اللي انا عايزاه.
آسر بزفير: لأ احنا هنا في شغل يعني ماينفعش الحبتين اللي انتي بتعليهم دول ي بشمهندسه علشان تبيني انك مسيطره.
مايا بمكر و بعد كده قالت لأ انا لازم اخليه يحبني هو مش هيجي بالطريقه دي.
مايا و هي تتصنع الزعل: انا أسفه ي حبيبي انا لو كنت اعرف إنك هتضايق ماكنتش عملت كده سامحني.
آسر فاهم الشويتين دول كويس اوي لانه قابل بنات من النوعيه دي كتيرر.
آسر: خلاص حصل خير كنتي جايه عايزه حاجه؟
مايا: كنت عايزه نطلع نتغدا بره انهارده.
آسر: بس انا مش فاضي انهارده خليها وقت تاني.
مايا و هي تتصنع الزعل مره اخرى: علشان خاطري ي حبيبي علشان خاطري ده انا حتى رفضت اتغدا مع صحابي انهارده علشانك.
آسر بزفير و قال بمكر: تمام انا موافق يلا.
و لبس نضارته و مسك ايديها و نزلوا.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
تحت عند سلمى و صديقاتها كانوا خلصوا اكل في الكافيتريا و داخلين الشركه تاني سلمى لقت نفسها خبطت في مايا غصب عنها و سلمى و آسر فضلوا باصين لبعض و آسر بعد نظروا من عليها بسرعه.
مايا بزعيق: انتي عاميه مش تفتحي وجعتيني.
سلمى: أفندم؟!!
ردت ملاك: معلش أصلنا مش نايتي زي حضرتك ف الخبطه ماوجعتهاش هي كمان.
مايا بغضب: انتوا ازاى تشغلوا ناس بيئه في شركه محترمه زي دي.
سلمى واقفه مصدومه من اللي بتقولوا و اتلبكت و مش عارفه تقول ايه مع إنها تعرف ترد عليها اووي و ممكن كمان تجيبها من شعرها و تمسح بيها بلاط الشركه بس هي فعلاً مش مستوعبه إنها عماله تتهان كده قدام آسر و هو مش بيدافع عنها .
شمس: ما خلاص ي قطه و بعدين هي مش غلطانه انتي اللي ماسكه في حبيبك عامله زي اللازقه و مش واخده بالك من اللي معدي جنبك.
آسر و اخيرا اتكلم.
آسر: خلاص ي بنات حصل خير و شد مايا و اخدها و مشوا.
ملاك: والله لو كترت كلام اكتر من كده لكنت دفنتها مكانها.
سلمى بغيظ: انا لو كنت فايقالها بس والله ماكنت سيبتها انا بس مستغربه إن ده آسر اللي كان بيخاف عليا واحنا صغيرين و ماكنش بيخلي حد يقرب مني مهما كان مين و ماكنش بيهموا حد و مازال مش هاموا إحساس ولا زعل حد.
شمس: ماتزعليش ي بت بكره اجوزك سيد سيدوا.
ملاك بغيظ: رجاله عايزه الحرق.
لقت اللي بيتكلم وراها و بيقول: مش كلهم على فكره.
ملاك بصت لقت علي و قالت و هي مش واخده بالها من العصبيه: لا كلهم وانت اولهم و بعد كده استوعبت الكلام قالتوا و قالت احممم يلا ي بنات نروح كفايه بهدله كده انهارده.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
كلهم روحوا و بليل في الشركه.
علي: ايه ي بني انت بتعملوا ده حرام عليك البنت.
آسر: علشان ماتتعشمش كتير إن احنا ممكن نرجع زي الاول.
علي: بس انت لسه بتحبها.
آسر: فكك من الموضوع ده انا مروح عايز حاجه.
علي: لا باي.
و الكل روح علي بيتوا و عدا شهر على امتحانات البنات و في أخر يوم.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
علي: يلا انا ماشي.
حسن: راح فين؟!!
علي: هروح الجامعه اوديلهم الحاجه و اجي.
حسن بإستغراب: ليه مش انت قولت هتبعت حد.
علي بتوتر: أه بس قولت من الزوق و الاحترام إني اروح انا و اتكلم مع العميد و اعزم الدكاتره احسن ما ابعت حد.
حسن بإبتسامة: تمام ي حبيبي ماتتأخرش.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
البنات كانوا طالعين من الامتحان مبسوطين.
سلمى: هتلبسوا ايه ي بنات بليل.
ملاك: اه من الحق هي هتكون حفله ايه نظامها هنلبس لبس عادي ولا فساتين و كده.
شمس: عندك حق فعلاً احنا ازاى مفكرناش في كده.
سلمى: عندي فكره تعالوا معايا.
عند العميد.
علي: انا قولت اجي بنفسي و اقول لحضرتك الكلام ده و عايز حضرتك توزع الكروت على الطلاب لأن من غيرها مش هيقدروا يدخلوا الحفله غير بيها.
العميد بإبتسامة: تمام ي بشمهندس.
علي بإبتسامةهادئة: أستأذن انا….
و الباب خبط
العميد: اتفضل.
البنات دخلوا و ملاك شافت علي و اتصدمت.
سلمى: بت ي ملاك كويس انه هنا علشان نسألوا.
و كلهم فضلوا واقفين مصدومين شويه.
شمس: روحنا في داهيه جاي ليه ده اكيد مش جاي يشتكي علينا ي بت ي ملاك من اللي حصل اخر مره.
ملاك بتوتر: م.. مش عارفه.
العميد بإستغراب: في ايه ي بنات كنتوا عايزين حاجه؟!
سلمى بتوتر: شكل حضرتك مش فاضي هنيجي وقت تاني.
و لسه هيطلعوا ي جروا.
لقوا….
علي: لا اتفضلوا انا ماشي.
ملاك بسرعه: لا ثانيه هو الحفله هتكون لبس عادي ولا فساتين و كده؟!
علي: لأ هتكون فساتين.
سلمى: شكرا لحضرتك و بصت للعميد احنا طالعين ي فندم .
العميد: اتفضلوا.
طلعوا و علي طلع وراهم.
علي كان طالع و باين عليه مبسووط اووي انه شافها لأن ده كان غرضوا انه يجي بس مش بين كده.
البنات الحمدلله انه مشتكاش علينا.
سلمى: طيب يلا بينا بقا نروح علشان نلحق نجهز و هما ماشين لقوا كروت الحفله بتتوزع عليهم اخدوها و روحوا.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
بليل الكل كان جهز خلاص.
عند سلمى في البيت كانت لابسه فستان شيك جداا لونه ازرق لأنه لونها المفضل بيلمع و في كشكشه من الجنب ادتوا منظر تحفههه و كان صق و شوذ لونها ابيض بكعب و طرحه زرقه و روج بني غامق و حطت بعض اللمسات البسيطه التي لا تخفي ملامحها و بكده تكون بطلتنا جهزت.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
عند ملاك هي كمان كانت لابسه فستان صق بس اطول شويه من بتاع سلمى و لونه أحمر و من فوق بيلمع و من النص كشكشه و حطت روج أحمر هادي الذي يثير اهتمام الجميع بالرغم من صغر شفايفها و حطت لمسات بسيطه من بعض الميك اب و لبست طرحه بيضه و شوذ ابيض بكعب.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
عند شمس هي كمان كانت لابسه فستان أصفر و كان شفاف من فوق و من الصدر قماشه صفرا و عليها قماشه شفافه كان فستان صق برضوا و كانت لابسه طرحه صفرا و شوذ أبيض برضو و حطت روج بني غامق و بعض اللمسات البسيطه من الميك أب.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
نروح بقا عند الشباب آسر كان لابس بدله شيك جداا لونها أسمر و قميص لونه كوحلي و بنطلون كوحلي و سرح شعروا الطويل نسبيا بشكل لطيف و رجولي في نفس الوقت و حط من البرفيوم الخاص بتاعه الذي يثير اهتمام الجميع له و لبس ساعه من اعلى الماركات و شوذ سوداء.
و بكده يكون بطلنا جاهز.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
عند علي هو كمان كان لابس بدله سوداء و قميص اسود و شوذ اسود و سرح شعروا بطريقه مثيره للاهتمام ايضا و وضع من البرفيوم الخاص بتاعوا و لبس الساعه الفخمه بتاعتوا.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
و بكده يكونوا ابطالنا جاهزين للحفله.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
شمس رنت علي سلمى و معاها ملاك.
شمس: يلا ي لومه انزلي احنا تحت و بعد كده شافت ملاك بتبصلها بغيظ .
ملاك: بت انتي انا مستحملاكي من الصبح كده كتير عليا ايلاااا دي انتي فاهمه.
سلمى بضحك: انتي حره معاها هتاكلك العبوا مع بعض ي عيال كده عيب 😂
نزلت سلمى و وصلوا للمكان اول ما وصلوا سلمى بصويت: لااااا كده كتير عليا انهارده بصراحه.
ملاك: مالك ي مجنونه في ايه خضتيني.
شمس: لا ده العادي بتاع سلمى
سلمى: نسيت كرت الحفله.
ملاك و شمس عادي تعالي يلا ندخل مكانوش يعرفوا إن ماينفعش دخول منغيرها.
جايين يدخلوا الحارس دخل ملاك و شمس و وقف سلمى.
الحارس: ماينفعش ي أنسه تدخلي من غير الكارت.
سلمى بحزن: طب انا نسيتوا اعمل ايه دلوقتي.
الحارس: تقدري تروحي تجيبيه و تيجي.
ملاك و شمس رجعولها .
ملاك بتفكير: انا عندي الحل….
- يتبع الفصل التالي اضغط على ( رواية القدر ) اسم الرواية