رواية في حبه رأيت المستحيل الفصل الحادي عشر 11 - بقلم سارة شريف
(( الفصل الحادي عشر ))
"في حبه رأيت المستحيل💙🦋"
*حاولت قد الامكان ان اتجاهل ذالك الشعور بداخلي ، لم استطع لم اقدر علي محو شعوري تجاهك ، احببت كل شئ معگي وفي وجودك ، احببتك دون ارادت مني ، اعلنتي ملكيتگ لقلبي وهو مستسلم لذالك ، صدقيني حاولت ان لا احبك والابتعاد ولاكن ابي قلبي تركگ*
_____________________
في "قصر الشريف"
فتحت الابواب ودلف منها سيارتان احداهما بها سيف وبجانبه ملك والسياره الاخري للحرس لمح سيف اسر الذي يقف بالخارج ترجل من السياره هو وملك وهم يشاهدون ما يحدث
كان الحرس يقفون بخوف امامه
اسر --: ازاي يعني تخرج و مفيش حرس معاها
احد الحرس بخوف --: يا باشا حضرتك الي امرت ان محدش من الحرس يمشي وراك انهارده
اسر بغضب --: ورايا انا مش وراها هي يا بهايم اي مبتفهموش
حارس اخر بخوف --: احنا اسفين يا باشا م.....
قاطعه اسر مردفا بغضب --: انا متلزمنيش اسف دي ونادي بعلو صوته ..معتزززز
معتز --: نعم يا فندم
اسر --: طقم الحرس كلو يتغير انا مش هسمح لغلط زي دا يتكرر تاني انت فاهم والا الي هعمله الكل هيزعل منه
معتز --: امرك يا عقرب
ليتركهم ويدلف الي القصر ويلحقه الاثنان
بداخل القصر دلف اسر و من بعده سيف وملك لتذهب اليه ملك وتتحدث
ملك --: مكنش ليه داعي ان هم يمشوا يا ابيه هم معملوش حاجه
ليحتضنها اسر بخوف --: انا مش هسمح يجري ليكي حاجه عشان غلطه زي دي
اتحتضنه هي الاخرب وتبكي
ابعدها اسر عنه بحنان لا يخرج سوي معها فهي ابنته وليست اخته فقط --: طب حبيبتي الصغنونه بتعيط لي بقااا دلوقت
ملك ببكاء --: خايفه ع ريناد قوي واكملت بتقطع ... انا ..انا شفتهم وهما بيشدوها للعربيه كنت خايفه قوي
ربت علي شعرها بحنان وابتسم --: هشششش بس بس متعيطيش هي كويسه ف البيت والله
ملك --: يعني هي كويسه بجد
اسر بابتسامه --: عمري قلتلك حاجه وطلعت غلط
هزت ملك راسها بلا
اسر بابتسامه --: يبقا خلاص اطلعي فوق غيري هدومك عشان عندي ليكي خبر حلو
ملك بحماسه طفوليه متناسيه ماحدث منذ قليل --: بجد ... اي اي
اسر بضحك --: هههههه لا لما تطلعي تغيري وتاكلي هقلك يلااا
ملك بركض --: فوريره
اسر --: ههههههههه
وتظر الي سيف الذي ينظر اليه بوجه خالي من التعبير
سيف --: هتفضل كدا لحد امتي
اسر --: لحد ما اوصل للي انا عاوزه
سيف --: انت رجعت ريناد ازاي واي الخبر الحلو دا اانا مش مرتحلك
اسر --: هههه وانت من امتي بترتاحلي تعالي ورايا هحكيلك الي حصل
سيف بضحك --: ههههه علي رايك جاي اهو اما نشوف اخرتها
جلس علي المكتب وسيف علي الكرسي المقابل له
سيف --: ها يا سيدي اي الي حصل
اسر --: لما خرجت الرجاله بتوع مني وحاتم كنت عارف انهم هيبلغوهم عملت مراقبه علي تلفوناتهم والمفروض كلموا حد منهم بس كلموا حد تاني خالص وتخيل بقاا طلع مين
سيف باستغراب --: مين
اسر بسخريه --: معاذ الدمنهوري بن اخو فهمي الدمنهوري
سيف بصدمه --: ودا وصل ليهم ازاي
اسر --: مهو الاستاذ عارف بحكايه مني هانم ووصل ل حاتم عن طريقها كلموه وقلهم يروحوا المكان الي بيتقابلوا فيه والمراقبه الي كانت وراهم راحت وراهم وشافوهم داخلين مخزن مهجور و سمعوه وهو بيقول انوا عارف هيعمل اي انا راقبت التلفون وعرفت انه هيخطفها وعرفت هيروح ع فين
ليقاطعه سيف متسألا --: طب هو يخطفها لي وهو ابن عمها
اسر --: عشان بيحبها ..المهم خدتها وودتها علي البيت وفتحتلي مامتها دخلتها وقلتلها علي اسمي وهي اتصدمت وعرفتها ان بنتها اتخطفت من ابن عمها ومن مني طبعا وهي كانت عرفت بخيانه جوزها ليها متفجاتش قوي وقلتلها اني هتجوز بنتها عشان احميها منهم لحد ما اشوف هعمل فيهم اي ف الاول كانت متردده بس ف الاخر وفقت
سيف بعدم استيعاب --: جواز جواز اي ومين هيتجوز
اسر --: انا
سيف --: اسر انت واعي انت بتقول اي هتتجوزها ازاي وليه اوعي تكون ناوي تخليها تدفع تمن حاجه هي ملهاش دعوه بيها
اسر --: خلاص يا سيف فات اوان الكلام دا
سيف --: يا اس........
قاطعه اسر بانفعال --: خلاص بقاااا يا سيف
سيف --: افتكر اني حزرتك و مفيش غيرك هيندم ف الاخر
خرج سيف من المكتب
بينما وضع اسر وجهه بين يديه
اسر ل نفسه --: فات الوقت فات الوقت من زمتن يا سيف وجه وقت العقاب والكل هيدفع التمن
بعد فتره من الوقت خرج اسر من المكتب و اتجه اي المطبخ حيث توجد حسنيه وحين رأوه الخدم خرجرا جميعا دون احداث اي ضجه ليتحدث اسر بمزاح علي غير عادته
اسر --: اي يا ست الكل كل دا وحشتيني والله
لتشهق حسنيه ب فزع وتردف بعتاب
حسنيه --: اخس عليك والله حرام عليكوا هو انا عارفه اسكت التانيه عشان تيجي انت كمان وتخضني
اسر --: هههههههه دي شكلها مجنناكي اختي وعارفها
حسنيه --: اه والله انت بتقول فيها دي مجنناني ومطلعه عيني
اسر --: ههه طب المهم بقا في دا كلو انا هموت من الجوع وعاوز اكل من ايدك الحلوه دي ولا انتي بقا مش عاوزه تاكليني
حسنيه --: لا طبعا ازاي دا انا مصدقت انك تاكل ف البيت بدل ما انت تاعب قلبي معاك كدا
اسر --: انا لا انت ظلماني ع فكرا دا انا مريح خالص
حسنيه --: ههههه اه خالص
اسر --: هههه انا هبعت حد ينادي ل ملك وبسرعه بقاا
حسنيه --: حاضر مش هتاخر
خرج اسر من المطبخ وذهب الي الحديقه المخصصه له فهو دائما ما يذهب اليها
وبعد وقت تجمع كل من اسر وملك وسيف علي المائده وبدائوا في تناول الطعام
اسر --: انا قررت تجوز
ملك التي كانت تشرب الماء --: ككح كح كح. واكملت بتقطع مين هيتجوز
ونظروا جميعا الي صوت تكسير شئ ما وكان الطبق التي اوقعته حسنيه من يدها حين سمعت ما قاله
ملك --: انت بتتكلم جد تتجوز ازاي ومين دي
سيف بسخريه --: ما تقلها مين
لتتحول ملامح اسر من الضحك الي الا شئ ويردف
اسر --: ريناد
ملك بصدمه --: ميييين طب ازاي
اسر ببرود --: زي ما قلتلكوا وكتب الكتاب بعد 3 ايام
وتركهم وغادر
ملك --: انا مش فهمه حاجه اسر وريناد طب ازاي
ليجيبها سيف بغموض --: بكرا الايام تعرفك كل حاجه انا ماشي
وتركها وخرج دون اي كلمه اخري
ملك لنفسها --: انا لازم اعرف اي الحكايه
___________________________________
عند ريناد
وصل الفتيات عند منزلها اخبرتهم ايمان انها بخير وجلست تتحدث معهم بعدما رحل احمد بعد اطمانانه علي ريناد وبدات بسرد لهم ما حدث مع اسر
حبيبه --: ينهار اسود كل دا حصل
نوره --: ريناد عمرها ما هتوافق هي شايفه نفسها قويه وتقدر تحمي نفسها وكلنا عارفين رايها من قبل ما نتكلم
حبيبه --: واسر دا يعمل كدا لي اصلا انا حاسه بحاجه مش مظبوطه
نوره --: معاكي حق وهو عرف مكنها والي خطفها منين من الاساس
حبيبه --: دماغي هتتفجر مش عارفه افكر كل حاجه متلغبطه وتايهه اكيد في حاجه مستخبيه
نوره --: ص.......
لتقاطعهها ايمان --: بس بس بس اي كل دا كل الي انتو بتقلوه دا صح وبس اوعوا وحده فيكوا تعرف ريناد حاجه فاهمين
حبيبه --: بس هي لازم تعرف
ايمان --: يوووه متتعبونيش بقااا واسمعوا الكلام مره انتوا هتحاولوا تقنعوها معايا عشان كتب كتبها الخميس الجاي
نوره بصدمه --: دا الي هو بعد 3 ايام
ايمان --: ايوه هو
حبيبه --: لالالا كدا كتير بعد 3 ايام ازاي والبت متعرفش
ايمان --: معرفش لازم نتصرف والزفت معاذ يعمل حاجه
نوره --: صح لازم نشوف هنقلها اي لان انتوا طبعا عارفين ريناد
حبيبه --: صح اكيد مفيش واحد طبيعي هيتقدم ويكتب كتابه بعدها ب 3 ايام ف هتبقي مش متصدقه
نوره --: انتي بتتكلمي صح انتي جبتي الحل
حبيبه بعدم فهم --: حل اي
نوره --: انه شافها وهم بيشدوها ف العربيه ومشي وراهم وعشان كدا قرر يتجوزها بسرعه وهو من الاول كان هيتجوزها بس الموضوع دا. خلاه يستعجل
حبيبه --: يا بنت اللعيبه
نوره بابتسامه غرور --: طبعا امال اي
بعد مرور بعض الوقت استيقظت، ريناد ودلفوا جميعا اليها و بعد مرور بعض الوقت علي حديثهم مع بعضهم لتهب ريناد واقفه اعلي السرير
ريناد --: جواز اي مين دي الي تتجوز انتوا مجانين
نوره --: اهدي بس وتعالي افهمگ
ريناد --: عاااااااا دي بتقول اي دي انتوا بتتكلموا جد بقا مش بتهزروا
حبيبه --: يا ريناد بس افهمي
ريناد --: افهم اي يا بنتي انتي عبيطه هو انا اعرف مين دا اصلا
نوره --: ايوه تعرفيه هو اخو ملك
ريناد --: ملك ملك مين
حبيبه --: انتي فقدتي الذاكره ولا اي
ريناد --: انتوا ليه محسسني انه عشره عمر انتوا اكيد مجانين والله ما انا قاعده معاكوا
وهنا دلفت ايمان الي الغرفه
ايمان --: اي في اي صوتكوا انا سمعاه من جوه
ريناد --: تعالي الحقيني يا ست الكل العيال دي هتجنني بيقلولي هتتجوزي. قال اتجوز قال
ايمان --: هم قلولك هتتجوزي بس
ريناد --: ليه هو فيه حاجه تاني
ايمان --: اه في ان كتب كتابك يوم الخميس هههههه
ريناد بعدم استيعاب --: دي بتضحك يبقي اكيد بتهزر ولو مبتهزرش يبقا انا الي اتجننت او انتوا مش عارفه
ايمان --: يا حبيبتي دا الحل الوحيد
ريناد --: انا مستحيل اتجوز كدا يا ماما انا معرفهوش وبعدبن حل ل ايه انا مش فاهمه
ايمان --: يا حبيبتي انتوا هتتجوزوا جواز صوري ودا لازم عشان لو قعدتوا ف بيت واحد من غير جواز حرام وانتي عارفه دا وكمان معاذ لما يعرف انك اتجوزتي هيقلب الدنيا بس دا لو اتجوزتي واحد عادي وعشان كدا هتتجوزي دا بذات انتي تعرفي مين دا
دا العقرب اسر الشريف صاحب شركات الشريف
ريناد بصدمه --: انا ازاي مخدتش بالي عيله الشريف صاحبه شركات الشريف الي انا بعمل دا كلو عشان اشتغل فيها
ايمان --: ايوه هو بقا صاحب كل دا ولو معاذ عرف انك اتجوزتي العقرب هيخاف يتعرضلك تاني وب دا تبقي المشكله اتحلت
ريناد بتفكير --: وهو يعمل كل دا لي
لتتظر الفتاتان الي بعضهم فهم كانوا يعلمن ان ريناد لن تغفل عن هذا السؤال
ايمان --: انتي دلوقت لازم تعرفي الي حصل و ان هروبنا بعد ما ابوكي مات مش عشان تحكماته وان معاذ كان هيبقي زيه بس لا من 5 سنتين .......
*Flash Back*
كانت ريناد في ذالك الوقت في عمر 18 وكانت في الامتحان و ايمان في انتظارها ذهبت ايمان باتجاه غرفتها لكنها استمعت الي صوت فهمي الخفيض وهو يتحدث في الهاتف
فهمي --: اعقلي كدا متودناش في داهيه
الطرف الاخر--: اعقل اي يعني اي اكلمك وانت ماردش عليا انت اتجننت ولا نسيت انا مين
فهمي --: يا مني افهمي انا مراتي ممكن تدخل ف اي وقت دلوقت
مني بسخريه --: انت خايف منها ولا اي
فهمي --: لا اخاف اي انا بس مش عاوز وجع دماغ
مني --: لو رنيت عليك تاني ومردتش هعمل تصرف مش هيعجبك
فهمي --: انا اقدر مردش برضو دا انتي حبيبتي
مني --: اه ماشي اما نشوف
فهمي --: المهم البضاعه هتتسلم امتي
مني --: بعد اسبوعين
فهمي --: اوعوا تكونوا هتنقلوها عن طريق المينا برضوا الظابط الجديد بتاع المكافحه دا حاطت عينه علينا لانه اخر مره كان شاكك فينا
*back*
ايمان --: انا لغيت هنا مقدرتش اكمل وانا برجع لورا اسند علي اي حاجه وخبط ف حاجه عملت صوت خفت يعرف اني سمعت ومجبتلهوش سيره اني سمعت لحد ما اعرف هعمل اي فكرت اقول ل معاذ سعتها ينجدني بس من حظي اني شكيت انه ممكن يبقا معاه وفعلا كان معاه ف كل دا وغير انه كان يعرف وحده عليا كان بيشتغل ف المخدرات هو ومعاذ انا متكلمتش ولا زعلت لاني مكنتش بحبه وكنت بستحمل كل حاجه عشانك انتي يا ريناد بس صدمتي كانت ان كل الوقت دا عايشه مع واحد بالقذاره دي وقبل ما الاسبوعين دول يكملوا او ابلغ ابوكي مات هم قالوا انها موته طبيعيه بس انا شاكه انه مات مقتول خفت سعتها من معاذ خدتك وبعدت عن كل العالم دي
كانت ريناد في حاله من الصدمه ولا تقدر علي التفوه بكلمه واحده ولم يختلف عن حالها اي من الفتاتين
بينما اكملت ايمان
ايمان --: دا السر الي مخبياه عليكي طول الوقت دا وانتي كنتي صغيره مش هتستحملي كل الصدمات دي بس انتي دلوقتي كبرتي وبقيتي قد المسؤليه ومش هسمح لحاجه تاذيكي معاذ خلاص معدش حد يقدر عليه وعشان كدا كتب كتابك يوم الخميس انا مش هغصب عليكي بس هقلك عشان خاطري ولاول مره اقلها ليكي انا مش هستحمل يحصل ليكي حاجه يا بنتي فكري عشاني وقليلي
وتركتهم وغادرت الغرفه
طريناد بصدمه وتقطع --: يعني ..يعني انا عشت عمري كله مع تجار مخدرات ... وكملت بصراخ وو يتجوز علي ماما طب ليه ليه دا كلو فوق طاقتي هفضل استحمل ل امتي حرااااام حرااااااام كفايه بقاااا انا تعبت
ركض الفتيات اليها وقاموا باحتضانها وهم يقرءون بعض الايات القرانيه محاوله لتهداتها لي ان نامت من كثرت البكاء
_______________________________
نذهب الي ذالك المكان المظلم الذي يبث عدم الراحه بداخلك يجلس حاتم ومني
حاتم بابتسامه خبيثه --: مش قلتلك هيتهور واهو اتهور بس مكنش انا حاتم لو ملعبتهاش صح
مني --: بس انا مش مرتاحه
حاتم انتي تعملي الي قلتلك عليه بس
مني --: هعمله اما وشوف اي الي هيحصل
حاتم بخبث --: هيحصل الي هيبسطنا كلنا
( يبتع .. )
بقلم / ساره شريف
•تابع الفصل التالي "رواية في حبه رأيت المستحيل" اضغط على اسم الرواية