رواية همس الاسر الفصل الثاني عشر 12 - بقلم الكاتبة الصغيرة
في بيت لينا كانت قاعدة وبتلاعب حور لحد ما سمعت صوت خبط علي الباب شالت حور بين ايديها وفتحت الباب وانصدمت لما لقته سيف
لينا : سيف انت اي اللي جابك هنا
سيف : مش تقولي حتي اتفضل زوقك عالي اوي ي حبيبتي
لينا : حبك برص ي بعيد انت اي اللي جابك
دخل سيف البيت ومردش علي كلامها وفضل يبص علي البيت باعجاب من تنظيمه والوانه
لينا : انت رايح فين انا مقولتش ليك تدخل اتفضل اطلع برة يلا
سيف : بغض النظر عن قلة زوقك انا جيت اشوف انتي مجتيش ليه الشغل النهاردة دي مش عادتك
لينا : ظروف خاصة
سيف : واي هي الظروف دي ان شاء الله
لينا : ملكش دعوة واطلع برة مينفعش انك تكون هنا معايا لوحدنا دا غلط
سيف : انا قولتلك اني جاي اشوفك واظن دا مش غلط.....مين البنت دي
لينا : بنتي واتفضل امشي
سيف : مين بنتك....ازاي يعني بنتك ازاي وانتي مش متجوزة
لينا : وانت مالك
سيف : لينا
اترعبت لينا من صوته العالي وحور صحيت بسبب الصوت وفضلت تعيط وهي حاولت تهديها
لينا : صوتك البنت خافت متعليش صوتك
سيف : مين البنت دي
لينا : دي بنت صاحبتي هي عايشة معايا بس هي مشغولة فانا قعدت معاها
سيف : اممم طب وليه مقولتيش كدة من الاول
لينا : وانت جاي تعمل اي هنا متقولش عشان تشوف انا مجيتش ليه الشغل
سيف : ايوة انا جيت عشان اقولك لسة مفكرتيش في الموضوع بردوا
لينا : سيف وربي لو اتكلمت في الموضوع دا تاني ما هتقابلني تاني ومش هتعرف ليا مكان وهستقيل من الشغل
سيف : انتي بتعملي دا كله ليه
لينا : انت بتسال اي البجاحة دي افهم انت واحد متجوز ازاي عاوز تتجوزني
سيف : الشرع محلل اربعة
لينا : وانا مش هبقي زوجة تانية وحتي لو طلقت مراتك زي ما بتقول مش هيحصل لو انت اخر واحد في الدنيا مش هوافق واتفضل اطلع برة
سيف : هتندمي علي دا كله بعدين ي لين
لينا : لا مش هندم متقلقش
سيف : انا همشي بس دا مش معناه اني هسيبك
راحت لينا وفتحت الباب له عشان يطلع مشي سيف وهو متعصب وكان لسة هيخرج قابل واحد واقف علي الباب وبيبصله باستغراب من وجوده
*********************************
كان شريف قاعد في شقته لوحده بعد ما طرد دودو منها وهو حزين وبيفكر في طريقة يرجع بيها ممس ليه بس قاطع تفكيره صوت اتصال رد
شريف : الو
المتصل : ايوة ي باشا عرفنا مكانه
شريف : هو فين
المتصل : موجود في مصنع****
شريف : طب خلوا بالكم منه لحد ما اجي واوعي يهرب لاني وقتها مش هحاسب غيركم
المتصل : متقلقش ي باشا
شريف : تمام نص ساعة واكون عندك
قفل شريف المكالمة وهو بيبتسم علي الخبر اللي سمعه
شريف : اهو انا دلوقتي هقدر اخد حقي وهندم كل اللي اشترك في اللعبة دي بس استنوا عليا كل اللي جاي دمار ليكم
*********************************
في الشركة كانت همس بتشتغل ومني قاعدة جمبها وبتتكلم معاها بس سمعت صوت وحدة من اللي شغالين معاهم
ابتسام : مني ما تبطلي كلام بقي صدعتينا
مني : ليه هو انا قاعدة فوق دماغك وبتكلم في ودنك
ابتسام : وهو انا مستنية رد منك يبقي عامل ازاي ما انتي وحدة لوكال
مني : لوكال الله يرحمك ي ام ابتسام عاوزاني اقول مامي كان بتشتغل اي
ابتسام : انتي ازاي تتجرئي انك تتكلمي عن امي
مني : حبيبتي ينفع تتهدي وتبعدي عني لاني موجهتش ليكي كلام ومكنتش هعملها ابدا
ابتسام : انا غلطانة اصلا اني بتكلم مع وحدة زيك
مني : ومالها اللي زيي انتي شايفاني عارجة واللا حولة او ممكن مكسحة بقولك اي ي بت انتي تخليكي في شغلك بدال ما انا اوريكي شغلك
بصت لها ابتسام بقرف ورجعت تكمل شغلها اما مني فمعبرتهاش اصلا لانها متعودة عليها كدة جات سهير وقعدت جمب مني وهمس
سهير : والله انتي جدعة ايوة كدة ادلها شوية في جمبها دا انا كنت مفجورة منها انا مش عارفة هي اي القلاطة دي
مني : والنبي ما انا وعارفة بنت بارم ديله دي بتتكلم كدة ليه وبعدين انا لوكال بنت ال*** بتقول عليا انا لوكال
همس : هو انتي كدة دايما بس بجد مع ان لسة اول يوم ليا انا حساها مغرورة شويتين
مني وسهير : شويتين بس
همس : اي دا انتوا للدرجة دي مش بتطيقوها
مني : انتي لو اشتغلتي كمان شوية معاها هتعرفي السبب وهتبقي زينا
سهير : اه والله عندها حق بقولكم اي انا هرجع شغلي عشان متطردتش
مشيت سهير ورجعت علي مكتبها اما مني فقالت لهمس : الا قوليلي ي همس هو انتي متجوزة صح
همس : عرفتي ازاي
مني : ببساطة لان الدبلة معلمة علي ايدك ودا معناه انك كنتي لبساها لوقت طويل
همس : كنت متجوزة
مني : مات ي حرام
همس : لا اتطلقت
مني : احسن والله هو يعني الواحد بيستفاد اي من الجواز الا تعب القلب
همس : عندك حق بس يلا اشتغلي لان سليم لو جه وشافك كدة مش هيسكت
مني : طب وبتجيبي سيرته ليه دا عامل زي العفريت هتلاقيه جاي دلوقتي
سليم من وراهم : بقي انا عفريت ماشي ي مني
مني : مش قولت انا عارفة والله ان دا اللي هيحصل
همس : في حاجة ي سليم
سليم : ايوة اسر بيه عاوزك
همس : ماشي انا هروحله
مشيت همس وسابتهم هما الاتنين هو كان بيبص لمني بغضب وهي بتبصله بخوف
سليم : بقي انا عفريت
مني : عيب قطع لسان اللي يقول كدة دا انت قمر
سليم : مش انتي كنتي بتقولي كدة
مني : لا اكيد سمعت غلط انا هروح اكمل شغلي
سليم : هتروحي مني فين كلها شوية وهتشوفي هعلمك تكلميني ازاي
مني : تقصد اي
سليم : يلا باي
**********************************
في مكتب اسر كان قاعد ومستني همس اللي خبطت علي الباب ودخلتله بهد ما اذن لها
همس : انت طلبتني ي فندم
اسر : ايوة اتفضلي اقعدي
همس : في اي ي فندم
اسر : .........
"12"
#همس_الاسر
#بقلمي_الكاتبة_الصغيرة
- يتبع الفصل التالي اضغط على ( رواية همس الاسر) اسم الرواية