رواية مريض نفسي الفصل الثالث عشر 13 - بقلم مريم احمد
اركبي اخلص
داليدا بصدمه…لا طبعا
نزلها يحيى من العربيه و لفلها
تقى…يلاهوي يحيى!!
بصتلها داليدا…انتي تعرفبه؟
تقى…ياريتك ركبتي و خلصنا
جيه يحيى وقف قدام داليدا
تقى…طب انا همشي انا بقى عشان كريم يلا مع السلامه
يحيى …سلام
فضلت داليدا تنادي عليها و هي بتتمنى الارض تنشق و تبلعها دلوقتي
فضل واقف ساكت مستنيها ترفع عينها ليه
بصتله داليدا بتوتر…نعم
يحيى…تاني؟.. اركبي
داليدا …نعم!
يحيى بزهق…يا بنتي اخلصي
داليدا برفض…لا طبعا يا يحيى اركب معاك العربيه بصفتي ايه
يحيى…بصفتك خطيبتي و هتبقي مراتي قريب
حست داليدا قلبها خيقف من جملته بس خفت دا و اتكلمت بطبيعيتها
داليدا…لما ابقى مراتك بقى
يحيى…خلصي يا داليدا الجامعه كلها بتتفرج علينا
بصت داليدا حواليها لاقت البنات بيتهامسوا على يحيى و هما مش مصدقين انه موجود قدامهم
داليدا بغيره…فرحان دلوقتي صح
يحيى…دا انا بقالي سنه عمال اقولك اركبي
داليدا بزهق…يا يحيى م انا معرفش هنروح فين و بعدين عز مش عارف
يحيى بتصحيح…لأ عز عارف انا مكلمه و متفق معاه من ساعة م قفلت معاكي
بصتله داليدا بشك
طلع يحيى تيليفونه و وراها انه فعلا كان مكلم عز
داليدا…خلاص مصدقاك
فتحلها باب العربيه وسط نظرات البنات الي كانت شويه منهم غيره و حقد على داليدا و شويه تانيين بيتمنولهم السعاده
…………
كان رايح جاي في الصاله و اكرم و كريم عياله بيبصوا عليه
خرجتله روح…يابني اقعد بقى العيال رقبتهم وجعتهم من كتر م انت رايح جاي
عز …انا معرفش ازاي وافقت
روح بجنون…في ايه يا عز م احنا ياما خرجنا لا اله الا الله و بعدين دي مش خروجه دا هياخدها يجييلها هديه عشان ينسيها الاحراج الي اتحرجته انهارده
قعد عز…مكنش لازم ياخدها معاه
روح بتعب…يا حبيبي ممكن تهدى شويه مش انت قولته معاد يرجعها فيه
اتنهد عز و مسك دماغه…ايوا
روح…خلاص لو رجعت ف المعاد بالظبط يبقى كدا تمام لو اخرها يا عز يبقى حقك تضايق و متخليهومش يخرجوا تاني
هز عز راسه بهدوء
……………
كانت قاعده في جنينة القصر و بتكلمهم بفخر
سهير…شايفين يحيى اتحسن ازاي
شهاب…بصراحه نوبات الغضب مبقتش بتجيله كتير
هز يوسف راسه…الحمدلله
سهير…عشان بعد كدا لما اقول حاجه يبقى تتسمع
يوسف…بس انا خايف يا ماما احسن يإذيها بعد الجواز
سهير…شئ طبيعي و متوقع بس مش مشكله هتتعود و كدا كدا انا كلمت الدكتور و قالي انها طول م هي جنبه هو بيتحسن
بص يوسف لأبوه بيأس و قلة حيله و قام دخل القصر
……………
عند يحيى
كان خد داليدا و راحوا محل مجوهرات
كان الراجل مطلعلهم كذا سلسله بحرف اسمها
يحيى…ها يا ستي انهي واحده الي عجبتك اكتر
داليدا بحب…بصراحه يا يحيى كلهم حلوين انا مش عارفه اختار
يحيى للراجل…هات الاربعه
داليدا بصدمه…لا لا اربعه ايه كدا كتير اوي
يحيى بصوت واطي …اهدي اهدي
كمل بحب…مفيش حاجه تغلى عليكي
بصت داليدا للبياع و شاورت على سلسله في الفاترينه
داليدا…انا هاخد دي
كانت سلسله جميله اوي فيها حرف(Y)
هز الراجل راسه و طلعهالها حطهالها في علبه قطيفه و اداهالها
دفع. يحيى الحساب و خدها و خرجوا
ركبها يحيى العربيه و قالها
يحيى…ثواني و راجعلك
داليدا…رايح فين
يحيى…نسيت حاجه مهمه جوا هروح اجيبها على طول و هاجي
هزت داليدا راسها و هو دخل تاني المحل
…………
كانت قاعده في العربيه و هي بتبص على السلسله بفرحه كبيره
لحد م لاقت الباب بيتفتح و يحيى بيركب العربيه
يحيى …اتأخرت عليكي
داليدا…لا خالص
بص يحيى على العلبه الي ف ايدها و خد السلسه لبسهالها
يحيى بخبث…اشمعنا دي
داليدا بحب و كسوف…انت. عارف
يحيى باستهبال…لا مش عارف
داليدا…عشان عليها حرفك
بصلها بحب كبير و بعدين مدلها ايده بشنطه بنفس شكل شنط محل المجوهرات
داليدا…ايه دا
يحيى بحب…شوفي بنفسك
فتحت داليدا الشنطه و لما لاقتهم بصتله تاني بحب
داليدا بكسوف…يلاهوي يا يحيى برضو!!
يحيى…و ايه مشكلتك يعني
داليدا بعفويه…يا يحيى دي مجوهرات و تمنها غالي اوي
تقوم جايبلي خمس سلاسل مره واحده كدا
ضحك يحيى عليها جامد و بعدين بصلها…يا حبيبتي انتي ناسيه انتي مخطوبه لمين ولا ايه
كمل بفخر…انا يحيى الشافعي يا دودي
داليدا بقلة حيله…مغرور
يحيى بضحك…بس بحبك
داليدا بحب و كسوف…و انا كمان
يحيى بخبث…و انتي كمان ايه؟
ضحكت داليدا. …مش هقولها انسى
دور يحيى العربيه…و ماله مسيرك هتقوليها لوحدك
داليدا حاولت تغير الموضوع …هنروح فين دا مش طريق البيت
يحيى…معايا اذن لحد الساعه 9
داليدا بضحك…ايوا هتاخدني على فين برضو
يحيى…هخطفك
داليدا بضحك…ماشي
……………
قامت وقفت بصدمه و غضب…يعني ايه خطب؟؟
ميرفت…اهدي يا مايان يا حبيبتي هو كدة كدة باباكي مكنش موافق عليه
مايان بصدمه…ايوا يا مامي بس دا بيحبني
دا وعدني اننا هنتجوز لما ارجع من السفر
ميرفت…هو خطب دلوقتي يا حبيبتي اهدي مش يمكن ميحصلش نصيب بينهم
مايان بغل…و انا مش لسه هستنى
ميرفت بخوف…يعني ايه
مايان…يعني يبقى يوريني جوازهم دا هيتم ازاي وووو
يتبعع
مريض نفسي
بقلمي مريم احمد
- يتبع الفصل التالي اضغط على (رواية مريض نفسي) اسم الرواية