رواية لم انساكي يوما الفصل الرابع عشر 14 - بقلم اية الفرجاني
حسام كان راجع مبسوط دخل البيت وهوا وبيدندن وبيلعب بالمفاتيح وقفو صوت ايمى التفت ليها
- ايمى حسام
كنت فين مش قايلى انك هترجع بدرى
-حسام
كان عندى شغل كنت عايزه حاجه
- ايمى
لا ابدا بطمن بس
بس يظهر الشغل كان حلو انهارده وراجع مبسوط
- حسام بابتسامه واسعه
ايوا فعلا الشغل كان كويس جدا انهارده
- ايمى
احكيلى عالشان افرح معاك
- حسام
يعنى اتعرفت على ناس جديده فى الشغل وكده
-ايمى بغموض
مين بقى الناس دى
-حسام
عملاء مش هتعرفيهم يعنى
- ايمى
امم عندك حق
عالشان كده انا عايزه اشتغل معاك
- حسام باستغراب
تشتغلى بس انت عمرك ما اشتغلتى قبل كده ومعندكيش فكره عن الشغل
- ايمى
عايزه اتعلم انتى ناسى انى عندى شركه لازم اتعلم عالشان هبقى المديره بتاعتها ومينفعش مبقاش عارفه حاجه
- حسام
ايوا فعلا عندك حق خلاص من بكره هتنزلى الشغل معايا تمام
- ايمى بابتسامه
تمام موافقه
-حسام بتوتر
ايمى ا نا عايز اتكلم معاكى فى موضوع
- ايمى بتسرع
اكيد هتتكلم عن الفرح صح تمام حددالمعاد وانامواقفه انا كمان.كنت عايزه اكلمك لاكن مليقتش الوقت المناسب كانت بتتكلم وهيا فرحانه جدا
- حسام لما لاقها مبسوطه
معرفش يقول ايه
وسكت
-ايمى باستغراب
ساكت ليه ي حسام كنت هتتكلم فى نفس الموضوع
صح
-حسام
ها ايوا انشاءالله نحدد المعاد قريب باذن عن اذنك بقى
- ايمى باستغراب
تمام اتفضل
(الناس الى بتسال حسام مش بيقول لايمى انو بيحب ريم احب اقول
انت كشخص لو حد قريب منك وبيحبك ومسؤل منك وتقريبا انت محور حياته غير كده وصيه انتى واصى عاليها هتعمل ايه اكيد هتخاف تجرحو او تزعلو وعارف انو مجرد كلمه منك اكيد هدمرو
هوا دا بقى الى بيحصل مع حسام خايف انو يجرحها
ومش قادر يقولها عن حبو لريم)
-__~~
عند ريم وهيا قاعده بتذاكر تليفونها رن
- ريم الو مين
- حسام بمعاكسه
-احلى الو ده ولاايه
- ريم بصت فى التليفون وقالت مين بيتكلم
- حسام بيضحك
- حسام
احلى ريم فى الكون دا كله بتعملى ايه بقى
- ريم باستغراب
مين انت
- حسام
انا المشتاق لعيونك انا سهران الليل عالشان عيونك
-ريم بعصبيه
والله لو متقول مين وجبت الرقم من نين لكون عامله بلوك دلوقتى
- حسام مقدرش يمسك نفسو من الضحك لما سمعها بتزعق
- ريم عرفت انو حسام لما ضحك
- ريم
حسام دا انت صح
- حسام بضحك
اكيد انا
هوا حد يستجرى يقولك الكلام دا غيري
- ريم بابتسامه
امم وحضرتك بقى بترن ليه دلوقتى
- حسام بابتسامه
بطمن عليكي اصلك وحشتنى٠
- ريم
لاوالله
- حسام
اه والله صدقينى
- ريم
تمام مصدقك
- حسام
هتجي الشركه بكره عايز اشوفك
- ريم
لا
واكملت بتوتر
ويريت منتقبلش الفتره دى
- حسام باستغراب ليه
-ريم
انا مقدرش ارتبط بيك وانت مرتبط وخصوصا انها بنت عمك واكيد مش هتهون عليك
وانا عرفت من حسن انها ملهاش غيرك فانا مقدرش
اكون سبب حزنها لما تخلص الموضوع وقتها
اقدر ارتبيط بيك وانا مطمنه اما غير كده لا حتى لو
دى حاجه صعبه عاليا لاكن
احسن من انى اشوف نظرتها ونظرة الناس ليا
بانى انا الى فرقت بنكم ي ريت تفهمنى كويس انا بتمنى اليوم الى نبقى فى مع بعض لاكن منغير مشاكل
- حسام بعصبيه
انت بتقولى ايه ي ريم انا فهمتك الموضوع ليه كده
ايه الى حصل عالشان ترجعى تقولى كده قولتك انى مستنى الوقت المناسب عالشان خايف واكمل
مش هقدر اكذب عليكى واقولك انى مش بحب ايمى
ايوا انا بحبها وبخاف عاليها لاكن حب اخوه مش اكتر كلكم فاهمنى غلط يمكن فعلا مش قادر اتكلم معاها وقولها عليكى لاكن اكيد مش هسكت وهستنى الوقت المناسب واقولها على كل حاجه
- ريم
لا ي حسام انا فاهمه وفاهمه صح قوى ومش معنى انى بحبك يبقى هتخلى عن كرامتى انا لو وافقت انى ارتبط بيك وانت مرتبط يبقى بهين نفسى وكل الناس وقتها هتتكلم عاليا وابقى انا الظالمه مع انى الظلمومه وانا هستنى الله اعلم قد ايه انت بتحبها وخايف عاليها ولا كنت قولتلها من اول مره
-حسام
لا ي ريم محدش يقدر يقول عليكى حاجه انا عمرى ماهسمح لحد انو يتكلم عنك
ولو مش عايزنا نرتبط بلاش دلوقتى لاكن اشوفك لو عشر دقايق كل يوم بالله عليكي انا كنت بعد الايام لحد ما رجعت ارجوكي وافقى
-ريم
اسف ي حسام بس دا طلب حسن لحد ما تنفصل انت وبنت عمك رسمى مش هتشوفنى ولا تكلمنى
وكمان حسن قالى انو خلال الشهر ده لو ملقتش حل هيوافق على احمد
- حسام بجنون
انتى بتقولى ايه شهر ايه الى بتتكلمى عنه واكمل بجنون اكتر وعصبيه
انا هشوفك فى الوقت الى انا عايزه تمام وغير كده
احمد ده تنسيه خالص
ولو الى بتقولى عليه ده حصل
متعرفيش وقتها انا هعمل ايه
- ريم باستغراب وفرحه
حسام بلاش جنان واهدى بصراحه حسن عندو حق
- حسام باستغراب وعصبيه
قصدك ايه انتى موافقه على كلامه
- ريم ساكته
- حسام بزعيق قصدك ايه
ردى
- ريم بخوف من لهجه صوته وبعدت الفون عنها
وبعدين قالت بعصبيه
لا ي حسام مش موافقه
بس هوا اخويا وانا مقدرش اقولو لا وشايفه انو معاه حق فى كل كلامه انا
- حسام بزعيق
تمام ي ريم هنشوف وقفل
- ريم بصت على الفون لاقتو قفل
- ريم
الله يخربت الجنان انا مقولتش حاجه غلط هوا الى مش عارف يحل الموضوع اعمل ايه انا بس لا وكمان قفل فى وشى وانا مكملتش كلامى
وخبتط باديها جامد على السرير وقامت نايمه
#لم_انساكى_يوما
#ايه_محمد_الفرجاني
التفاعل فين ولا اوقفها
- يتبع الفصل التالي اضغط على (رواية لم انساكي يوما) اسم الرواية