رواية على الهادي يا زبادي كاملة بقلم اوليفيا عبر مدونة دليل الروايات
رواية على الهادي يا زبادي الفصل الاول 1
_بقولك اي يا زبادي
_ رديت عليه وانا بجز على سناني بغيظ منه”زينب اسمي زينب
_تؤتؤ زباااااادي
_يا مصبر الوحش ع الجحش يا ربي
_مش هرد عليكي عشان انا متربي
_بالله ولا شميت ريحة التربيه يابن سوسن
_طب تيجي اجيبلك بيتزا
_ايدا ايدا بجد
_بجد هو انا عندي كام زبادي يعني
_روح منك لله
_طب استني خدي يا بت
“سابتني ودخلت شقتهم وكالعاده قفلت الباب في وشي😁
_روح منك لله يابن سوسون وتتكاد زي ما انت كايدني كده
_بت يا زينب مالك داخله تكلمي نفسك كده ليه
_قولي للمحروس ابن عمي ان اسمي زينبببببب مش زبادي
_يوه جاتك نيله الواد بيحبك وبيدلعك يا موكوسه
_بيحبني اي يا ماما ده مجنون
______________________________________
_خدي تعالي هنا هااار ابوكي اسود
_اي في ايه
_اي للي انتي مهبباه في نفسك ده واي القرف للي انتي لابساه ده
_بصيت لنفسي بتعجب” اي ماله للي انا لابساه
_روحي امسحي القرف للي على وشك ده وغيري الدريس ده عشان ضيق
_افندم وانت مين بقا عشان تتحكم فيا انا ابويا عايش ياحبيبي لسه ماماتش فوق
_قسما بالله قدامك 10دقايق لو ما طلعتي عملتي للي انا قولته ما في خروج انتي سامعه
_يااااابن ال
_ابن ايه
_يابن سوسن
_وطبعا كان لازم انفذ كلامه عشان اخرج ما هو مينفعش مش اروح فرح البيست بتاعتي وكالعاده عامل فيها فرقع لوز ولازقلي بحجة ان الفرح بالليل ومينفعش ارجع لوحدي متأخر ولابلابلاب
______________________________________
_مين الواد للي كان ب يبوص عليكي في الفرح
_معرفش
_ازاي متعرفيش
_معرفش يا هادي في ايه انا رايحه فرح صاحبتي واللا رايحه اشوف مين هيبوصلي
_طب غوري وانتي زي القمر كده
_هااااااااااادي
_قلب هادي وعيون هادي
_ما تتلم يابني بقا
_خلاص هتجوزك ولميني براحتك
_بعينك انت وامك سوسن
_يخربيتك دبش بس زبادي بالفراوله وايه
_وايه يا قلب امك
_لا ولا أي حاجة اتفضلي يا هانم
______________________________________
_زبادي زبادي قومي يابت بسرعه
_اوف يخربيتك يا هادي الزفت لبيت ام ده اسم خير يختي بتصحي خروف
_الحق هادي
_ماله سي بتاع
______________________________________
_بما انك عمي وانا ابن اخوك وجحا اولى بلحم طوره ف انا يا عمي متطر ومتنازل اني اطلب ايد للي ما تتسما بنتك زبادي ربة الصون والعفاف مع اني معرفش ربتهم امته بس ما علينا
_والله يا هادي انا ما هلاقي اسوء منك تكون زوج لبنتي ف انا معنديش اعتراض انت للاسف برضو ابن اخويا
_بس انا مش موافقه
_زينب انتي بتقولي ايه
_بقول اني مش موافقه يا بابا
_طب عن اذنكوا
_استنى يا هادي
_متضغطش عليها يا عمي
“هادي خرج وبابا بصلي نظرة لوم وعتاب بس انا معرفش عملت كده ليه بس انا مش قادره اتخيل ان هادي ابن عمي للي عايشه حياتي كلها معاه ومعتبراه اخويا فجأه كده يكون جوزي لالا لا مش متخيله الوضع
” بعد اسبوع سمعت زغاريط في شقة عمي
_في ايه يا نانسي اي الزغاريط للي تحت دي
_هادي ابن عمك خطب والشبكه بعد بكره
_نعم ايدا ازاي يخطب يعني
_هو ايه للي ازاي يخطب اومال عايزاه يفضل منتظر جنابك طول العمر
_لا مقصدش بس مش عارفه ليه قلبي وجعني مره واحده كده هو بجد هبخطب يعني هيكون في واحده غيري يهتم بيها يعني معدش هيرخم عليا ولا نسهر انا وهو طول الليل في البلكونه ولا هيجيبلي البيتزا للي بحبها يعني خلاص كده مش هيكون موجود في حياتي تاني ايدا مجرد التخيل في كل ده حسيت فعلا اني بحب هادي ومش متخيله حياتي من غيره طب ليه محاولش تاني
_محاولش تاني انتي بتستعبطي يا زينب الواد مقضي حياته كلها وهو بيقولك انه بيحبك دي العيله كلها عارفه حتى عمي عبده البواب عارف انه بيحبك
“دخلت اوضتي وانا تايهه وبفتكر كل الذكريات للي كانت بينه وبيني وفجأه كل ده مش هيبقا موجود حسيت فعلا قد ايه ان انا غبيه وضيعته من ايدي جه يوم الشبكه لبست وجهزنا كلنا ونزلنا عشان نروح بيت العروسه لمحته وهو لابس البدله مقدرتش اسيطر على دموعي وانا بقوله
_لا يا هادي بلاش تعمل كده
_قرب مني” بلاش اعمل ايه يا زينب
_بلاش تخطب
_نعم هو انا لعبه ف ايدك اتقدم ترفضيني وكمان عايزاني اوقف حياتي عليكي
_بس انا بحبك
_يااااااه اخيرا يا شيخه تعبتبنا
“فجأه لاقيت بابا وعمو وماما ونانسي وطنط سوسن كلهم واقفين وانا واقفه مش فاهمه حاجه
_اي مستغربه ليه دي كلها كانت خطه عشان انا عارف ومتأكد انك بتحبيني ومش هتسيبيني لغيرك ابدا
_يعني انتوا ضحكتوا عليا
_ مش تفهميها كده بس مكنش في طريقه تانيه انا فعلا كنت فقدت الامل منك بس لما نانسي جت قالتلي انك عيطتي يوم ما رفضتيني وقتها اتأكدت فعلا انك بتحبيني وكان لازم اخليكي تعترفي وتجيلي راكعه يا زبادي
_وحيات امك يابن سوسن ما هسيبك النهارده هتموت شهيد الحب يا روح امك
_طب يعني يرضيكي تموتيني يوم كتب كتابي
_كتب كتاب مين يا عنيا
_اتفضل يا سيدنا اكتب الكتاب بسرعه اصلها مجنونه وممكن تغير رأيها
” بارك الله لكما وبارك عليكما وجمع بينكما في خير
_هااااا اي للي بيحصل معلش انا مش فاهمه حاجه
_انا هفهم يا زبادي انتي دلوقتي بقيتي حرم الظابط هادي عبدالستار الجوهري
_بالله انتوا عيله مجنونه
_بحبك يا زبادي
_وانا كمان يا هادي
_يا دين النبي اعترفت يا جدعان اعترفت يا عم على اعترفت يا بابا اعترف يا عم عبده اعترفت يا ناس
_خلاص بقا يابني فضحتنا
______________________________________
_ااااااااااااااه الحقني
_ع الهادي يا زبادي
_ع الهادي ايه يابن المجنونه انا بولد روح منك لله يا هادي يابن سوسن انت السبب
_طب معلش حقك عليا انا متربتش
_طلقناااااااي
_حاضر لما تولدي هطلقك
_اه ما انت ما صدقت بقا وعايز تخلص مني
_لا يا حبيبتي انا مقدرش استغنى عنك
_وانا مش عايزاك يا للي معندكش كرامه طلقني
_حاضر يا حبيبتي هطلقك
_روح منك لله يابن سوسن
_يا شيخه اتهدي بقا انتي ولا كده عاجبك ولا كده عاجبك خدها يا دكتور ياللله
- يتبع الفصل التالي اضغط على ( رواية على الهادي يا زبادي) اسم الرواية