رواية اسيرة الوحش الفصل الثاني والعشرون 22 - بقلم ساجدة
انا هكتب البارت ده وكل يوم هنتظم في التنزيل بس بجد مفيش تفاعل يشجعني اني اكتب يريت للمرة الالف التفاعل يزيد
اسيرة الوحش /بقلم Sagda Maray
الفصل الثاني والعشرين
فهد بيكسر الباب وبيجري يزق الخشبة بعيد عنها وايده بتتحرق بس بيتجاهلها وبيجري علي سجدة يشيلها ولسه هيطلع بيها بيلاقي النار محوطاهم من كل مكان سجدة بتفوق وبتفضل تكح جامد ومش قادرة تاخد نفسها
فهد: انتي كويسه
سجدة بتعب: الحمد لله
فهد: اهدي متخافيش انا معاكي استحملي عشر دقايق وهنروح المستشفي
فهد بيرن علي الحرس
فهد بعصبيه: انتو فين يابقر
الحارس بخوف: احنا علي بوابة القصر ياباشا
فهد: بسرعه تكونوا عندي وتجيبوا الطفايات
الحارس بخوف: حاضر ياباشا حالا
فهد بيقفل التليفون وسجدة بتكون ماسكه فيه جامده وبعدين جسمها بيتراخي فهد بيعرف انو اغمي عليها
فهد بخوف عليها: سجدة فوقي دقايق وهنطلع
الحرس بيجوا بيطفوا النار وفهد بياخد سجدة وبيجري علي العربية وبيسوقها وبيروح المستشفي العيلة كلهم بيبقوا قلقانين عليهم سليم بيركب العربية وحور معاه والجد وبيروح وراه
فهد بيوصل المستشفي الدكاترة بيجروا عليه
فهد: هاتوا الترولي انتو وقفين تتفرجوا
بيجروا يجيبوه وبينقلوها علي الاوضه
الدكتورة: ايدك مجروحه جامد يافهد بيه تعالي نعقم الجرح الاول
فهد بعصبية: انتي مالك بايدي اجري شوفي الحالة الاول
الدكتورة بخوف: حاضر ياباشا
سليم بيوصل المستشفي وبيجري علي فهد
سليم: سجدة حصلها حاجه يافهد
فهد: معرفش يابوي الدكتور بيكشف عليها
حور بدموع: يعني هتبقي كويسه
فهد بحنيه: ان شاء الله يا حبيبتي
________________________________________________
بعد فترة الدكتورة بتطلع فهد بيجري عليها
فهد: سجدة كويسه
الدكتورة: متخافش يافهد بيه هيا بس اغمي عليها من الدخان وكان عندها ضيق تنفس شكلها بتخاف من النار والاماكن الضيقة
فخافت من الحريق وعندها بعض الجروح في جسمها عقمناها بس لازم تتغذي علشان جسمها ضعيف جدا
فهد بفرحه: شكرا يادكتورة
الدكتورة: لا شكر علي واجب انا هكتبلها علي العلاج ده وحد ينزل يجيبه
سليم: هاتي يادكتورة انا هجيبه وانت ادخل شوف مرتك
فهد: ماشي يابوي
الدكتورة: بس هيا نايمه دلوقت
فهد: مش مهم هدخلها
الدكتورة: تمام
فهد بيدخلها بيلقيها نايمه وبتقول فهد الحقني يافهد فهد تعالي انقذني ذي مابتنقذني علشان انت منقذي وبعدين بتفوق وبتصرخ فهد
فهد بيحضنها وبيطمنها وبيقولها متخافيش انا معاكي اهدي وبيطبطب عليها
سجدة: النار ولعت وانا جوه وناديت عليك كتير
فهد: انا جيتلك اهو متخافيش مش قولتلك طول ما انتي معايا متخافيش
سجدة بتلاحظ ايد فهد وبتقوله: فهد ايدك محروقه
فهد؛: متخافيش شوية وهعقمها
سجدة: لا قوم هتتلوث
فهد: حاضر وبينادي علي حور والجد يدخلولها
حور بتجري علي سجدة: انتي كويسه ياحبيبتي
سجدة: ايوه الحمد لله ياحبيبتي
الجد: خوفتينا عليكي ينفع كده
سجدة: متهافش ياجدو انا قويه ومفيش حاجه تاثر فيا
الجد: طالعه لامك الله يرحمها
سجدة وحور: الله يرحمها
سليم بيدخل عليهم: الف سلامه عليكي يا سوسو
سجدة: الله يسلمك يابابا
سليم: احلي بابا من احلي سجدة
فهد بيدخل: لا انا محدش ياخد مكاني
سليم: متخافش انتو التلاته غلاوتكو واحده عندي
فهد: يلا يا سجدة خدي العلاج
سجدة: هاتو وبترفع ايدها وبتاخد العلاج منو
سجدة: اه
فهد: مالك
سجدة: ايدي وجعاني
فهد: هاتيه زبياخدوا منها وبعدين وبيديلها البرشام وبيشربها المايه
فهد: تباتي هنا انهارده لغاية متتحسني
سجدة: لا هروح
فهد: ماشي
وبينزل يدفع الحساب وبيخلص الاجراءات وبعدين بيمشوا
_____________________________________________
عند حبيبة:-
حمدية: انتي الي ولعتي في الاسطبل يابت
حبيبة: ايوه ياما
حمدية: يا خيبتك ولو طلعت عايشه هتعملي ايه
حبيبة بخوف: مش عارفه ياما دي شافتني ونادت عليا وانا طلعت جريت
حمدية: ياخيبتك في بتك ياحمدية
حبيبة: مخلاص يما سيبيني افكر هعمل ايه وبعدين بيلاقي فهد داخل وشايل سجدة
حبيبة بهمس: دي طلعت عايشه ياما
حمدية: وقعتك طين
حبيبة بخوف: الف سلامه عليكي ياسجدة
سجدة بخبث: الله يسلمك ياحبيبة
حبيبة: حمد الله علي سلامتك يابتي
سجدة: الله يسلمك ياطنط
سجدة لفهد: نزلني يافهد
فهد تعالي يلا نتغدي السفرة جاهزة
سجدة: مش جعانه
فهد: لا يلا علشان العلاج
سجدة: حاضر
بيروحوا علي السفرة
ام ميرا: الف سلامه عليكي ياسوسو
سجدة بطيبة: الله يسلمك ياطنط
ميرا ومراد: الف سلامه عليكي ياسو
سجدة: الله يسلمكوا ياقمرات
فهد بياكل سجدة وحبيبة بتكون قاعده هتولع
سجدة: خلاص يافهد بقي كل
فهد: لامتشغليش بالك بيا كلي انتي
سجدة: خلاص والله انا شبعت كل انت
فهد: ماشي وبيبدا ياكل
________________________________________
بعد فترة بيكونوا قاعدين في الصالون
الجد: قوم يافهد طلع سجدة فوق علشان ترتاح
فهد: حاضر ياجدي وبيشيل سجدة يطلعها سجدة بتغمز لحبيبة وحبيبة بتخاف منها
عند سجدة وفهد
فهد: ارتاحي بقا في السرير
سجدة: حاضر
فهد: هنزل وجاي
سجدة: ماشي
سجدة لنفسها: اما خليتك تترعبي ياحبيبة علي الي عملتيه ودموعها بتنزل ليه تعملي فيا كده بتحبي فهد انا مسرقتهوش منك والله ولا كنت عيزاه ليه تعملي فيا كده توصل بيكي للقتل ياريتني كنت موت وارتاحت وبتنام
__________________________________________
فهد بيطلع الاوضه بيلاقي سجدة نايمه وبيلاحظ انو في دموع علي خدها بيمسحها وبيحضنها وبيقولها: والله لحاسب الي خلي الدموع دي تنزل انا مسالتكيش ابخريق عمل ازاي علشان متفتكريش وتخافي بس اول متفوقي وصحتك تتحسن لاخد حقك لانو غريبه انو الاسطبل يولع ولا مره حصلت انتي المقصوده وباخدها في حضنه جامد وبينام
__________________________________________________
بيعدي اسبوعين وفهد بيكون مهتم بسجدة وحالتها بتتحسن جدا
وطبعا سجدة طول الاسبوعين كانت بترازي في حبيبة وبترعبها وبتعمل نفسها مش عارفه انو حبيبة هيا الي ولعت وحبيبة بتكون مستغربه وفيوم فهد بيكون واقف في جنينة القصر حبيبة بتروح عليه
حبيبة: فهد
فهد: ايه ياحبيبة
حبيبة بخبث: معرفتش مين الي ولع في الاسطبل
فهد: لا والله كنت مستني سجدة تتحسن وهسالها
سجدة من وراهم: وانا اهو يافهد وهقولك مين
فهد: مين ياسجدة
سجدة: حبيبة
فهد بصدمه: ايه
•تابع الفصل التالي "رواية اسيرة الوحش" اضغط على اسم الرواية