رواية التل الفصل الثالث والعشرون 23 - بقلم رانيا الخولي

 رواية التل الفصل الثالث والعشرون 23 - بقلم رانيا الخولي 

رواية الـتـل 

رانيا الخولي 

الفصل الثالث والعشرين 

………………

في غرفة ياسمين وإلين

ظلت تبحث عن هاتفها فلم تجده بالغرفة فقالت إلين

_ ممكن يكون وقع منك تحت.

هزت راسها بنفي 

_ لأ أني متأكدة إني طلعت بيه.

فكرت قليلًا ثم قالت بحيرة

_ مش عارفة؛ خليني انزل ادور وخلاص.

_ تمام وانا هواصل الرن لحد ما تلاقية

ترجلت ياسمين الدرج وهي تنادي نعمة التي أسرعت إليها وسألتها 

_ شوفتي الفون بتاعي؟

هزت رأسها بنفي ثم قالت وهي تخرج حافظة من صدرها

_ لا والله بس لجيت دي وجلت هبجى اديها لجواد بيه.

اخذ ياسمين الحافظة ونظرت إليها بحيرة ثم قالت برجاء

_ طيب معاش يا نعمة دوري عليه لحد ما اعرف المحفظة دي بتاعت مين؟

اومأت نعمة وذهبت للبحث عنها أما ياسمين فقامت بفتحها كي تعرف هوية صاحبها فتتفاجئ بصورة آدم على البطاقة باسم ماجد حسن الصوان

انقبض قلبها بشدة وظلت تتأكد من الإسم والصورة مراراً وتكراراً 

إذًا فهو لا يدعى آدم كما يدعي وقد كان يخدعهم طيلة تلك السنين.

هزت راسها كأنها تحاول استيعاب ما يحدث 

من هذا الشخص وكيف تمكن من خداع حسان الخليلي بتلك البراعة 

والأدهى من كل ذلك خداعه لها.

إذًا لم يعشقها كما كان يدعي وربما اوهمها بذلك لغرض في نفسه، أو أنه يود الوصول لشئ 

انتهى آدم من أخذ الملفات التي طلبها منه جواد وخرج من المكتب كي يلحق القطار المتجه إلى القاهرة 

هم بالخروج من المنزل لكنه صادف ياسمين أمامه 

اخفض عينيه والتزم بوعده لها وهم بالمرور لكنها منعته وهي ترفع الحافظة بوجهه

_ اتفضل المحفظة وقعت منك.

رفع عينيه إليها وقد فهم من تعبيراتها أنها رأت بطاقة الهوية 

همت بالولوج لكنه أمسك ذراعها يمنعها

_ ياسمين اسمعـ…

قاطعته ياسمين بانفعال وهي تسحب ذراعها من يده

_ تفهمني ايه وانت طلعت واحد كداب ضحك علينا وغشنا كلنا.

شعر آدم بالخطر عندما علت صوتها فقال برجاء

_ وطي صوتك وتعالي اني هفهمك كل حاچة.

صاحت به ياسمين

_ مش عايزة افهم هي كل حاچة وضحت جدامي، بأنك غشيت الكل وانا أولهم.

نفي آدم اتهامها وتحدث بصدق 

_ صدجيني يا ياسمين انتي الوحيدة اللي كنت صادج معها اني خبيت عليكي بس مخدعتكيش وانتي واثقة من مشاعري ليكي زين.

هزت راسها بنفي وقالت بمرارة

_ بعد اللي شوفته ده مبجتش واثقة في أي حد في حياتي.

لاحظ آدم اقتراب حامد فقام بجذبها عنوة لداخل المكتب رغم تمنعها وأغلق الباب خلفه

نزعت ياسمين ذراعها من يده وقالت باندفاع

_ انت ازاي تمسك دراعي وتسحبني بالشكل ده انت نسيت انت نفسك؟

لم يغضب منها لعلمه بأنها تفعل ذلك من حرقتها وقال بنفي

_ لا يا ياسمين منسيتش نفسي ولا حاچة ولأني منسيتش نفسي فأني وسطيكم دلوجت وطول ما اني عارف أنا مين هفضل وسطيكم لحد ما انتجم من اللي ظلمني.

قطبت جبينها بحيرة وسألته بعدم فهم 

_ تجصد ايه بحديتك ده؟

لم يعد يستطيع إخفاء الأمر عليها بعد الآن وقال بثبوت

_ أجصد حسان الخليلي اللي جتل أبويا جدام عينيا وموت امي بحصرتها عليه.

اتسعت عينيها بذهول مما يحكيه وتمتمت بعدم اقتناع

_ انت كداب.

_ لأ مش كداب، انا ماجد حسن الصوان ابن عمتك ياسمين حسان الخليلي.

رمشت بعينيها مرات متتالية تحاول استيعاب ما تسمعه او الاستيقاظ إذا كانت بحلم عجيب

_ اني أكيد بحلم يا إما انت واحد مچنون ومش خابر هو بيجول ايه.

أكد لها وهو يخرج شهادة ميلاده من الحافظة وقدمها لها قائلاً 

_ أقرأي زين وشوفي اسم الأم واتأكدي بنفسك.

بيد مرتعشة اخذت ياسمين الورقة واطلعت عليها بشك حتى تأكدت من كل شيء 

وهنا تابع آدم

_ ابوي كان شغال عنديكم زيي سواج 

حب عمتك وهي حبته ولما جدك عرف ربطه في الشجرة وجلده وبعدين طرده من البلد كلها

بس عمتك كانت غيرك واتمسكت بيه بعد اللي حصل من أبوها وهربت واتچوزته

وبعد ست سنين من التنجلة في البلاد جدر حسان يوصلهم ولما أبوي أخدنا وحاول يهرب بينا لحجه في الطريج وجتله جدام عنينا كلنا 

غشت المرارة حلقه وهو يتذكرت ذلك اليوم

_ مرأف ببنته اللي بتترجاه يسيبه ولا رأف بطفل عمره خمس سنين 

أمي متحملش الصدمة ومعرفش وجتها ايه اللي حصلها لأنه أمر عمك وجدي يخدها للعربية

ورفع سلاحه جصادي بس عمتي ميلت على رجله تبوسها وتترجاه أنه يسبني وانها هتاخدني لمكان بعيد ومش هيشوفني واصل 

وبعدها بيومين جالنا خبر موتها.

كبرت وأني جوايا نار مفيش حاچة هتخرچها غير إني أشوف حسان مذلول جدامي وأني اللي مرأفش بيه واجتله باديا

وجتها قررت اعيد الحكاية واجرب من واحدة من أحفاده وأخليها تسلمني نفسها عشان أكسره وأذله 

تبدلت ملامحه للين وتابع بصدق

_ بس أول ما شوفتك كل حاچة اتبدلت وحبيتك انتي، وجتها قررت العب على شمس بس مجدرتش اخونك وخصوصاً إني جربت من جواد وعرفت انها مخطوبة ليه.

كل مدى حبك جوايا بيزيد وكنت على استعداد انسى كل حاچة مقابل إنك تكوني من نصيبي بس وجتها صدمتيني لما عرفت إنك وافجتي تتزوچي خالد 

كانت صدمة كبيرة اخدت وجت طويل لحد ما جدرت افوج منها وبعدها حصلت حادثة جواد قررت إني أرچع لانتقامي لما عرفت إن خالد هو اللي لعب في فرامل العربية عشان يخلص من جواد 

وعشان إكدة جربت من جواد أكتر وهو الوحيد اللي آمنته على سري، وقرر أنه يجف معايا.

لم تستوعب ياسمين كل تلك الأحداث دفعة واحدة وقد أختفى الدم عن وجهها، هل كان أخيها يعلم بكل ذلك؟ والأدهى هل كان يعلم بأن خالد هو السبب في ذلك الحادث ورغم ذلك تركه دون عقاب؟ هزت راسها بنفي هي تعلم أخيها جيدًا لا يغفر ولا يسامح فسألته بشك

_ يعني جواد كان خابر بأن خالد اللي كان سبب في موت أخته وبتر رجله ومع ذلك سابه إكدة

ابتسم بمرارة وقال بنفي

_ لاه مسبوش ولا حاچة بس مستني الوجت المناسب عشان يخرچ كل اللي يعرفه.

همت بالتحدث لكنه تركها وغادر من المنزل 

وهي تنظر إليه بحيرة حتى اختفى من أمامها.

أخرجها من شرودها صوت نعمة التي دلفت غرفة المكتب وهي تقول بفرحة

_ لجيت تليفونك يا ست ياسمين 

لم تبالي ياسمين به وتركتها واسرعت إلى غرفتها.

          ____________

انقبض قلبه بخوف ونظر إلى توليب التي شحب وجهها وهي تنظر إليه بخوف وقال يطمئن نفسه قبل أن يطمئنها

_ متجلجيش مفيش حاجة إن شاء الله 

جذب مئزارها وناولها إياه قائلاً 

_ البسي ده وادخلي الحمام بسرعة.

وافقت وقلبها ينقبض بخوف 

وقامت بارتداءه وأخذت ملابس لها من الخزانة وذهبت للمرحاض

اما هو فانتظر دخولها ثم نهض بدوره وأخرج ملابس له ودلف مرحاض الغرفة الملحقة.

دقيقة واحدة وسمع طرق حاد على الباب وصوت نعمة تقول بهلع

_ الحج يا جواد بيه.

خرج جواد من المرحاض وارتدي قميصه بثبات رغم ما يعتمل بداخله 

ثم نظر ناحية المرحاض يتأكد من عدم خروجها وفتح الباب ليجد نعمة تقول بهلع

_ الحكومة تحت وبيسألوا على ست توليب.

اومأ لها بروية 

_ طيب ادخلي وخليكي معها لحد تجهز 

لم تفهم نعمة شيء وأخذت تنظر إليه وهو ينزل الدرج بكل هدوء حتى تقدم من  الضابط وليقول بثبوت 

_ خير يا حضرت الظابط؟

تفاهم الضابط مع حساسية الوضع وتحدث بقلة حيلة

_ بصراحة مش عارف اقولك ايه بس المدام متهمة بجريمة قتل وجالنا بلاغ بالقبض عليها.

زم جواد فمه دلاله على مدى صعوبة سيطرته على اعصابة فمن المؤكد أن خالد من قام بفعلها فتحدث بقوة

_ بس ده مش حقيقي.

_ والله ده مش بايدي دي جناية لو جنحه كان ممكن اساعد 

ترجلت توليب وهي ترتدي نقابها ونظر اليها جواد بقلب منفطر 

وقفت أمامه بعيونها التي ترجوه أن ينقذها لكنه وقف أمامها مقيد اليدين وغمغم بألم

_ متخافيش انا معاكي ومش هسيبك.

انقلب المنزل رأسًا على عقب وهم يروا توليب تصعد سيارة جواد بعد أن أصر على عدم صعودها سيارة الشرطة 

لم يتركها توفيق وتميم وذهبوا خلفهم لقسم الشرطة.

           ___________

في القصر 

صدحت ضحكت خالد تدوي في غرفته عند وصوله خبر القبض عليها 

وقال لمهاتفه

_ بس يبقا كدة وقع تحت مخااب الأسد

_………

جلس على المقعد يضع قدم على الأخرى وقال بسخط

_ لااا سيبه لما يستوي أوي عشان لما نقدم عرضنا يوافق 

_ ……..

دلفت كريمة مما جعله يستأذن الرجل وأغلق الهاتف

نظرت كريمة إليه بترقب

_ اوعى تقول…؟

أومأ لها بسرور

_ حصل ويومين بالظبط وهتلاجية بيبوس الايدين عشان نساعده

تقدمت منه لتقول بتروي

_ لا براحة على الآخر بلاش نستعجل سيبها تتحبس وناري تبرد شوي وبعدين جدم عرضك.

وافقها خالد بشر

_ وحياتك لخليه يچيني زاحف عشان اساعده ووجتها هفكر إن كنت اساعده ولا لأ

_ بس اهم خاچة إنك تجبره يطلجها جبل ما تخرچ لجل ما اشمت فيه زين.

تذكر خالد عندما دلفت عليهم الغرفة ومدى جمالها فتمتم بشر

_ وحياتك لاخليه يطلجها واتزوچها اني بعديه.

        ______________

في قسم الشرطة

وقف جواد أمام مكتب الشرطة وقلبه بالكاد ينبض

نظر إلى آدم الذي ظل معه ولم يتركه وقال بثبوت 

_ آدم وجودك هنا ملوش لزوم لازمن ترچع القاهرة

خرج المحامي وخلفه توليب فاسرعت سلوى تحتضن ابنتها ببكاء

_ بنتي.

ربتت توليب على كتفها وقالت بثبات رغم كسرتها

_ اطمني يا ماما انا كويسة

تقدم منها توفيق وتميم 

_ متقلقيش يا حبيبتي إن شاء الله خير

نظرت إلى جواد الذي وقف ينظر إليها بعينين واثقتين من إظهار براءتها 

فتقدمت منه تمسك يديه وتقول بصبر

_ إن شاء الله هخرج منها بأسرع وقت  

تساقطت دموعها رغماً عنها ولم يبالي هو بأحد وأخذها داخل أحضانه يشم عبيرها كي يحتفظ به داخله ويكون أنيسه في بعدها 

أحاطت عنقه وهي تدفن رأسها في تجويفه

ويضغط عليها كأنه يريد زرعها داخل صدره ويهرب بها بعيدًا 

خرجت من حضنه بعد فترة وهي تحاول الابتسام

_ انا عشمي في ربنا كبير وأكيد هينصرني

قاطعهم خروج الضابط وابتعد جواد عنها قليلًا ليسأل الضابط

_ هي كدة هتنزل الحبس؟

هز الضابط كتفيه بعتذرًا

_ للأسف مفيش في ايدي حاجة اعملها، وبعدين هما اربعة وعشرين ساعة بالكتير وهتترحل على نيابة القاهرة، بس كل اللي ادر اعمله أنها متبيتش في الحبس وتبات في غرفة خارجية مع إن الموضوع صعب وممكن يضرني

_ طيب ممكن تفضل معانا شوي؟

أومأ مؤكدًا 

_ تحت أمرك 

أشار لأحد العساكر 

_ خليهم يتفضلوا في المبيت بتاعي 

        _______________

دلفت كندا المنزل وأغلقت الباب خلفها بحدة ثم ألقت حقيبتها على الأريكة وقد انتهى صبرها عند تلك اللحظة 

ارتمت على الأريكة وأجهشت في البكاء وصورة أولادها لا تترك مخيلتها 

خطوات بسيطة فصلتها عنهم ولم تستطيع حتى الأقتراب منهم 

إلى متى ستظل على ذلك الحال

ظهر عامر أمامها وهو منفعل بشدة 

_ ممكن اعرف ايه اللي عملتيه ده؟

رفعت وجهها إليه وتحدثت بحدة 

_ شو تقصد؟

نهضت لتقف قبالته وتابعت بقوة

_ تقصد مشان قلت اشوف ولادي؟ ولا مشان حضرت فرح ابني متل الغريبة؟

صرخت به بأعلى صوتها 

_ قولي عامر مشان شو؟ مشان ابني اللي بترت رجله وتركتوه في المزرعة لحاله؟ ولا بنتي اللي ضيعتوها ودمرتوا حياتها؟ وحابسني هون مشان ابوك ما يعرف إني رچعت لحياتك من تاني.

تابعت بقهر

_ خمس سنين وانا هون محبوسة بين أربع حيطان بتجيني مرة كل اسبوعين ولا شهر وانت خايف ومرعوب لحدا يشوفك ويخبر بيك.

خبيت علي حادث ابني وطلاق بنتي وچاي هلا تقول ليش اچيتي؟

هزت راسها بألم

_ ما عاد فيني اتحمل عامر حقيقي ما عاد فيني، اسبوع بالكتير وراح أرچع لولادي وعرفهم كل شي.

يعلم جيدًا بأنها محقة في كل كلمة لكن ماذا يفعل في والده الذي إن علم بعودتها فلن يرحم كلاهما، تقدم منها ليربت على كتفها مهدئًا إياها لكنها نفضت يده عنها بعيدًا وتمتمت بحدة

_ بعد ايدك عني لا تلمسني.

أشار لها بيديه

_ طيب اهدي وخلينا نتكلموا بالعجل، تفتكري ده وجت ينفع إنك تواچهي عيالك فيه؟ جولتلك جبل سابج لازمن نختار الوجت المناسب عشان تظهري فيه.

_ بقالك عشر سنين بتسمعني هدول الكلمتين، مع إن اچت فرص اكتير وانت ضيعتها.

قطبت جبينها بعدم استيعاب وغمغمت 

_ كيف چالك قلب تبعد عن ابنك في هيك لحظة، ليش منعتني إن أكون چنبه في اكتر وقت محتاچني فيه، كيف طاوعك هل القلب القاسي إنك تتخلى عن ابنك في هيك محنة وتتركه لحاله

صرخت به

_ شو ها القلوب اللي ما بتعرف الله وبتكسر في خلق الله هيك.

بكت بحرقة 

_ انا ما بدي منكم شي غير ولادي، ولادي اللي دمرتم حياتهم وقضيتوا عليهم وانت عايش حياتك كيف ما بدك، زوچة هناك وزوچة هون منتظره چيتك، بس خلاص ما عاد فيني اتحمل اكتر من هيك، يومين بالكتير وارچع البلد واضل مع ولادي وما حدا بيقدر يفرقنا، راح احكيلهم كل شي واولهم حقيقة چدهم، وانت من بعد ها اليوم ما إلك وچود في حياتي.

ضيق عامر عينيه متسائلًا 

_ كيف يعني؟

_ يعني تطلقني.

انفعل من كلمتها وصاح بهدر

_ شكلك اتچنيتي.

_ ما نچنيت بس عقلت، ما راح أدي دور العشيقة مرة تانية، مرمية هون وخايف حدا يشوفني ولا يعرفني وبتچيني من سلم العاملين كأنك چاي لواحدة من الشارع مو مرتك وأم ولادك، بتبقى چنبي وفي حضني وترن عليك وما تقدر تتركها 

إنما أنا ما ترد طول ما هي چنبك 

بتبات كل ليلة معها وانا هون لحالي

كذبت علي وقولتلي إن چوازك منها حبر على ورق وهو حقيقة وخلفت منها كمان، بيكفي كذب عامر وأخرچ من حياتي ما عاد فيني اتحمل غدرك وكذب لحد هون وبيكفي.

سقطت على الأريكة وأخفت وجهها بين يديها وأجهشت في البكاء 

رق قلبه لها ودنى منها يجلس بجوارها وتمتم بتعاطف

_ صدجيني اني كنت بعمل كل ده خوف عليكي ابوي لو عرف إنك رچعتي لحياتي مش هيسيبنا في حالنا وهيفرجنا تاني.

رفعت وجهها إليه بانفعال وقالت بغضب

_ ولما انت مو قدران تحميني دخلتني حياتك ليه؟ ولما بعدت عن اذاكم رچعتني تاني ليه؟

انا كنت چاية لشوف ولادي بس انت اخدتني غصب ورچعتني إلك وخفيتني هون شو بدك مني عامر شو بدك تعمل اكتر من هيك، مشان الله اتركني لحالي 

هز رأسه برفض وتمتم وهو يدنوا منها

_ مجدرش يا كندا مجدرش اكمل في حياة انتي مش فيها.

_ خلص يبقى رچعلي ولادي، جواد بيقدر يحميني منهم إذا بخبره الحقيقة.

زفر عامر بانفعال

_ محدش يجدر يجف جصاده صدجيني.

هزت راسها بخيبة أمل وهي تراه على نفس نهجه لن يتغير

_ ما راح تتغير عامر هتضل خايف هيك طول عمرك.

صاح بها وهو ينهض من جوارها 

_ مش خوف على نفسي ده خوف عليكي افهمي الله يرضى عليكي 

_ ما بدي افهم شيء يومين وراح اروح لچواد احكيله بدك تعيش معانا في المزرعة تعى ما بدك وتعمل لخاطرها زي ما بدك.

نهضت بغضب ودلفت غرفتها مغلقة الباب خلفها بحدة.

         _____________

جلست ياسمين على الفراش بكمد لا تصدق ما حدث منذ قليل 

نظرت لإلين التي تحاول التواصل مع أخيها لكن هاتفه قيد الأغلاق

ألقت الهاتف على الفراش وهي تقول بضيق

_ للأسف قافل فونه.

طمئنتها ياسمين لكن كمن تطمئن نفسها

_ متجلجيش المحامي ده كبير جوي وإن شاء الله هتطلع منها

رن هاتف ياسمين واندهشت عندما وجدته من خالد 

نظرت إليه بحيرة وقالت 

_ عايز ايه ده؟

سألتها إلين

_ مين ده؟

_ خالد.

_ طيب ردي يمكن في حاجة مهمة.

شعرت بالقلق عندما عاود الإتصال فقالت إلين 

_ يا بنتي ردي يمكن حاجة تخص موضوع توليب.

أجابت عندما رن للمرة الثالثة فسمعته يقول

_ انزلي انا تحت

عقدت حاجبيها مندهشة وسألته

_ تحت فين؟

رد بفتور

_ في المزرعة هيكون فين يعني، انزلي مستنيكي.

انتابها الخوف من حضوره في ذلك الوقت خاصة وقالت بارتباك 

_ بس جواد مش اهنه ومينفعش اجابلك هو مش موچود.

لاحظت في صوته لهجة تهديد 

_ انزلي لأن الموضوع يخص مراته.

انهى جملته وأغلق الهاتف ليزداد خوفها منه 

نظرت لإلين التي ربتت على يدها وتحدثت بمصابرة 

_ متخافيش مش هيقدر يعملك حاجة ولو عايزاني انزل معاكي تمام.

هزت راسها برفض 

_ لأ خليكي انتي بعيد، انا هنزل اشوفه عايزني ليه وهرجعلك بس خلي بالك من يزن.

نزلت للأسفل وهي تتحلى بشجاعة زائفة وجدته واقفًا أمام الدرج ينتظرها.

ازدردت جفاف حلقها بصعوبة وهي تتقدم منه لتقول بتروي 

_ خير؟

ما كانت لتخطئ في تلك النظرة التي رمقها بها لكن لن يجدي نفعاً مهما حاول.

ابعدت عينيها عن مرمى عينيه مما جعله يقول بعتاب

_ للدرچة دي مش طايجة تشوفيني؟

رمشت بعينيها تحاول الثبات وردت بفتور

_ مفيش داعي لحديت ملوش عازة جول چاي ليه وجواد مش أهنه؟

زفر بقوة وتقدم منها خطوة ارتدتها هي للخلف وقال بهدوء 

_ تمام ندخل في الموضوع على طول 

أني ممكن أخرچ مرات جواد من السجن واطلعها براءة ومش بس إكدة أني جادر اخرچها من النيابة نفسها مش من المحكمة.

قطبت جبينها بدهشة وسألته بشك

_ والمقابل؟

ابتسم لفطنتها ونظر بعينيها الزيتونية باشتهاء وتمتم بتهديد مبطن

_ ترچعيلي مقابل خروچ مرات أخوكي من السجن ولم الفضيحة.

اتسعت عينيها بصدمة ولم يرحمها بل تابع

_ وأني جادر البسها بدل التهمة اتنين وابينها أنها متفجة معاه ولما اختلفوا وهددها خلصت عليه، الموضوع كله في يدك عايزاها تخرج بكرة من النيابة كان بها 

مش عايزاها برضه كان بها، فكري زين وردي عليا.

       ______________

استيقظت نور من غفوتها على وخز في ذراعها

فتحت عينيها لتجده مراد يحقنها ببعض الأدوية، ابتسم لها قائلاً 

_ صباح الخير 

أومأت له بصمت وحاولت النهوض لكنه منعها

_ خليكي زي ما انتي ان قومتي هتقعي، انتي ماكلتيش حاجة من امبارح والادوية اللي أخدتيها كتيرة أوي هتسببلك دوخة 

اومأت له وتطلعت إليه لتلاحظ مدى ارهاقه

فتمتمت باحراج

_ انا بقيت كويسة ممكن تروح ترتاح في البيت انا متعودة اخدم نفسي وانا تعبانة

انتهى مراد من وضع المحلول وجلس على المقعد متحدثًا برتابة

_ واني كمان متعود على إكدة أحياناً بطبق باليومين، المهم إننا اطمنا والحمد لله بجيتي افضل بكتير .

حمحمت باحراج عندما لاحظت نظراته وقالت 

_ يعني ممكن اروح.

هز رأسه بنفي وتحدث بجدية 

_ لاا جدامك يومين على الأجل، احنا سيطرنا بس على الحمى لكن هي موچودة ومش هجدر أخرچك إلا لما اطمن لول.

طرق الباب ودلفت سلمى ومعها أمال وسهر 

شعرت بالسعادة لمجيئهم 

واهتمامهم الزائد جعلها تقاوم ذلك التعب الذي يلازمها 

حتى مراد الذي تبدل كثيرًا وأصبح يهتم بها

كان يسألهم عن نوعية الطعام بدقة ورغم ذلك لم ينسى سلمى من اهتمامه بل زاد منه حتى جعلها تنحي ذلك الشك جانبًا

وعندما جاء مؤيد اجتمعوا في جو عائلي كانت تحلم به واستطاعت بعد عناء الوصول إليه.

تحدث مراد بارهاق

_ طيب بما إن مؤيد رچع هروح أنا نام شوية لإني شيفت بالليل .

ذهب مراد إلى غرفته وما ان اغلق الباب حتى صدح رنين هاتفه

وهو وهدان

_ السلام عليكم 

_ وعليكم السلام فينك يا دكتور مراد

شعر مراد بالقلق من لهجته وسأله بأهتمام

_ في المستشفى بتسأل ليه.

_ مرات جواد بيه اتجبض عليها 

قطب جبينه بعدم استيعاب 

_ انت بتجول ايه؟

_ ده اللي سمعته دلوجت من العمال في المزرعة 

_ طيب اجفل واني هروح اشوف في ايه.

أغلق الهاتف وقام بتبديل ملابس المشفى وخرج مسرعًا كي يقف بجوار صديقه.

         ____________

في القسم

نظر المحامي إلى جواد وقال بجدية

_ زي ما قلتلك القضية سهلة ومعانا الاثبات إنه كان شروع في قتل ولو مدام حضرتك مهربتش كانت القضية انتهت في خلال أيام

لأن أثار التعدي عليها كانت لسة موجودة، لكن هنقول قدر الله وماشاء فعل.

رد توفيق باقتضاب 

_ بس انا خفت عليها من الحبس وقلت اشيل انا الليلة بدالها.

_ على العموم بكرة هنشوف رأي النيابة 

نهض قائلاً 

_ هستئذن انا دلوقت ونتقابل بكرة 

خرج المحامي ونظر توفيق لزوجته وابنه

_ تعالوا نقعد برة شوية 

خرجوا جميعاً وظل جواد معها فألقت نفسها داخل أحضانه 

تشكوا إليه مصابها

رفع عنها نقابها وابعد وجهها عنه لينظر إليه قائلاً بقوة

_ متخافيش هخرچك منها وده وعدي ليكي

مسح دموعها بابهامه وتابع بثقة

_ أنا واثق إن ربنا هيجف معانا ومش هيخذلنا.

لاحت ابتسامة لم تصل لعينيها وأومأت له فتابع بمزاح

_ وبعد ما تخرجي مستني منك تعويض على اليومين اللي هتبعديهم دول، واليوم عندي بيتحسب بشهر اتفقنا؟

جارته في مزاحه وتمتمت بخفوت 

_ بس شهر كتير، دي مزايدة مقدرش عليها.

امسك يدها يقربها من فمه يطبع عليها قبلة محبة وغمغم برتابة

_ هتجدري، طول ما انا چانبك هتجدري على كل حاچة.

طرق الباب يخرجهم من أحلامهم فقد حان موعد الفراق حتى لو لدقائق فأنه يعد فراق بالنسبة له

ابتعد عنها بصعوبة ونهض ونهضت معه 

خرج كلاهما وأخذ ينظر إليها وهي تبتعد أمامه ولا يستطيع فعل شيء لها.

آلم يفوق الوصف وقلب هاجر موضعه وهو واقفًا مكبل الأيدي 

نظر لتلك اليد التي ربتت على كتفه ولم تكن سوى يد مراد

تطلع إليه بعيون غائمة أرهقت قلب مراد حزنًا عليه.

في الخارج

انتهى جواد من سرد كل شيء ومراد يستمع إليه باهتمام 

_ دي كل الحكاية.

فكر مراد قليلًا ثم تحدث بجدية 

_ اني اعرف دكتور كبير متخصص في الحالات دي هروح اتصل عليه النهاردة ونروح بكرة نشوف الحالة بالظبط لأن أربع شهور دي متطمنش

تنهد جواد بتعب شديد وتمتم بثبات وهو ينظر إلى القسم

_ بس أني متابع حالته وبيوصلني اخباره باستمرار.

_ اني برضك هشوف الدكتور ده ونتأكد أكتر.

مر ذلك اليوم على الجميع بصعوبة بالغة ما عدا حسان الذي وقف أمام شرفة مكتبه ويرسم ابتسامة رضا على وجهه وقد اقترب إلى ما سعى إليه.

وقد كان له ما أرد عندما وجد سيارة جواد تصتف أمام القصر وترجل منها وعلى وجهه سخط لم يراه به من قبل 

ظل على وضعه حتى عندما اندفع جواد وأغلق الباب خلفه بعنف فتزداد ابتسامة حسان وخاصة عندما تحدث جواد بغضب

_ انت اللي بلغت عنيها؟

التفت حسان إليه وتحدث بهدوء مدعيًا عدم معرفته بالأمر

_ بلغت عن مين؟

تقدم منه مراد ليقف أمامه وغمغم بحنق

_ مرتي.

سار حسان لمقعده وجلس عليه قائلاً بثبوت

_ مكنش ينفع ابلغ عنيها وهي بجيت من عيلة الخليلي مع إني كنت اتمنى انه يحصل جبل سابج.

رفع جواد سبابته في وجهه وغمغم بحدة

_ لو كنت فاكر إنك بالطريجة دي هتخليني ابعد عنها واطلجها يبجى بتحلم.

عاد حسان بظهره للوراء ورد بصدق

_ بس أني مش رايدك تطلقها بالعكس اني موافج انها تفضل على ذمتك وكمان هخرجها من الجضية كيف الشعرة من العجين.

توقف عن التحدث كي يرى وقع كلماته عليه ثم تابع

_ بس على شرط.

عقد حاجبيه متسائلًا فتابع حسان 

_ ترچع للجصر.

            ___________

خرج مراد من غرفة العمليات وهو يشعر بألم شديد يجتاح كامل جسده 

لا يعرف لما شعر بحنين يأخذه لذلك الطفل الذي أخذ قلبه منذ أن وضعته الممرضة بين يديه واختلطت دقات قلبه بقلب الصغير. 

ساقته قدماه لغرفة الحضانات ونظر إليه من خلف الزجاج بابتسامة عريضة 

تقدمت منه الممرضة تسأله إذا كان يود حمله

فوافق بكل ترحيب.

وضعته الممرضة بين يديه فينبض قلبه بقوة وهو ينظر إلى وجهه البريء 

ابتسم الطفل بغير تعمد وفتح عينيه فيخفق قلب مراد بقوة له.

قربه منه ليطبع قبلة على جبينه الرخو وتمتم بحبور 

_ آسر مراد العمري.

جاءت الممرضة لتأخذه قائلة

_ كفاية كدة.

وافق مراد على مضد واعطاه لها ثم ذهب لغرفة نور

كان الجميع معها يحسوها على تناول الطعام لكنها أبت تناوله متعللة بألم معدتها

_ السلام عليكم 

رد الجميع السلام وتقدم منها يجس نبضها

_ عاملة ايه دلوجت.

ردت بروية

_ الحمد لله أحسن.

نظر للطعام الذي لم يمس وقال بمغزى

_ احسن كيف وانتي رافضة تاكلي وبعدين إكدة مش هتعرفي تجفي على رچليكي وتشوفي آسر.

انتبه الجميع للأسم واولنم أمال

_ آسر؟

تقدم من والدته يطبع قبلة على جبينها وقال مؤكداً 

_ ايوة يا أمي سميته آسر.

امتعض وجه نور وقالت بحدة

_ بس انا مش موافقة.

نظرت آمال إليها بعتاب

_ ليه يا بنتي مش كفاية اتحرم من نسب ابوه هيتحرم كمان من اسمه.

أجابت نور بتعصب

_ قلت لأ، وده قراري ومش هتراجع فيه.

همت آمال بالاعتراض لكن مراد منعها

_ سيبيها يا أمي من حجها، هي أمه واحج بأنها تسميه كيف ماهي رايدة 

نظر إلى نور وتابع بمحايدة

_ وده برضك حفيدها من ابنها اللي عاشت عمرها كله محرومة منيه، وما صدجت ولجيت عوضه، حتة منه بلاش انتي كمان تحملي عليها.

ردت نور باستنكار 

_ انا بحمل عليها؟! عشان رفضت إني اسمي أبني على اسم ابوه اللي خدعني ودمرني وعيشني معاه في الحرام؟!

تجمعت الدموع داخل عينيها وتابعت بألم

_ اللي كنت بالنسبة له اداة تجارب مش أكتر، مستني مني افرح وانسى اللي حصل.

ربت سلمى على يدها وتحدثت بتأثر 

_ بس يا نور اللي فات مات واحنا ولاد النهاردة.

ردت نور بانفعال

_ لأ مـ ماتش ولا هيموت اللي عمله معايا عمره ما هيتنسي.

تحدثت آمال بعتاب

_ يعني مش فاكرة أي حاچة زينة عملها معاكي؟

_ ايه اللي عمله معايا يخليني اوافق ان اسمه يتعاد تاني في حياتي؟!

لأ مستحيل أوافق وده قرار نهائي

اوقف مراد ذلك الجدال برزانة

_ طيب خلينا نفض الموضوع ده عشان منضغطش عليها وهي تعبانة إكدة، يلا هبعت لمؤيد ياچي ياخدكم عشان تروحوا.

سألته سلمى بلهجة تخفي عتاب

_ برضه هتبات هنا؟

نظر إليها قائلاً 

_ الليلة عندي شيفت زي ما جلتلك والصبح إن شاء الله هسافر القاهرة وهرچع آخر النهار.

سألته آمال بدهشة

_ ليه يا ولدي، خير؟

_ خير إن شاء بس في حالة هروح اشرف عليها وهرچع على طول، بعد اذنكم

          _____________

في القصر 

تطلع جواد إليه بشك وتحدث بقوة 

_ ولو جلتلك مش موافج؟ 

رفع حسان حاجبيه رادًا بفتور

_ يبجى اني عملت اللي عليا لحد إكدة.

_ يعني هتسيب مرات حفيدك تتسجن؟!

_ اني جدمت شروطي وانت اللي رفضتها

اسند جواد يديه على المكتب وقال بهدوء قاتل

_ وانت شروطك دي متلزمنيش، قولتهالك قبل سابج القصر ده معدش ليا حاچة فيه.

انهى حديثه وخرج صافقاً الباب خلفه بعنف 

ظهرت ابتسامته رضا على وجه حسان وأخرج هاتفه ليجرى اتصالاً 

_ واضب عـ اللي بتعمله وأول ما ياچي الوجت المناسب خلص عليه.

  •تابع الفصل التالي "رواية التل" اضغط على اسم الرواية