رواية قصيرة القامة طويلة اللسان الفصل السادس و العشرون 26 - بقلم شيماء صبحي

    رواية قصيرة القامة طويلة اللسان الفصل السادس و العشرون 26 - بقلم شيماء صبحي

الفصل السادس والعشرين..

رواية🌸قصيرة القامة طويلة اللسان 🌸

بقلم_شيماء_صبحي

كان محمد واقف وبيبصلها ومصدوم وهيا واقفه بتضرب فيه وكل هدومها متقطعه ومبتبهدلة!!

ساندي بصت لشاهي وقالت بعياط" الحقيني يا مامي الحقيني شوفتي عمل فيا ايه!! 

شاهي بصت لها بصدمه وهيا مش مصدقة ان محمد يعمل فيها كدا! 

صافي قالت بصدمه وهيا بتقرب من محمد وبتمسكه من دراعه " انت عملت في البنت ايه يا محمد عملت فيها ايه!

محمد بصدمه" انا معملتش حاجه هيا هتكدب الكدبه وتصدقها' انا ملمستهاش دي هيا الي دخلت اوضتي وعملت كدا في نفسها!! 

احمد بصدمه" وهيا برضوا اللي هتخليك بالمنظر دا يا محمد بص لنفسك في المرايه يمكن تفهم" 

محمد بص علي نفسه ولقي انه لسا عار"ي الصدر وحزام بنطلونه متفك!! 

قمر كانت وصلت علي صوت صراخ ساندي وبصت بصدمه علي شكل محمد وساندي وهيا بتقول هو اايه اللي بيحصل هنا " 

محمد بص لقمر وقال بصدمة .. والله العظيم ما لمستها هيا الي عملت كل دا في نفسها دخلت اوضتي وقعدت تصرخ وتقطع هدومها  "" 

قمر هزت راسها  بفهم وقربت منه وبصت لساندي وقالت" هو انتي بتقولي انه اتهجم عليكي صح. ؟

ساندي هزت راسها بعياط وقالت بصوت مليان ضعف. وفقدت عذريتي.. 

قمر بصتلها  وعرفت ان الي بيحصل دا كله كدب لانها امبارح سمعتها وهيا بتقول للشخص اللي كان معاها انها حامل يعني دا معناه انها فقده عذريتها من زمان .. قمرقالت بضيق وعيا بصه علي ساندي . يعني انتي كنتي بنت أصلا يا ساندي ..'!

ساندي بصتلها بقلق وقالت.. ايوا بنت امال هكون مش بنت وانا مش متجوزه..؟ 

قمر هزت راسها وقالت" ممكن عادي وممكن كمان تحملي من غير جواز عادي..!!! 

 قمر قالت كلمتها الاخيره وهيا بصاله بثقه وساندي اتوترت من نظرات قمر ليها.. 

قمر بصت لصافي واحمد وشاهي وقالت بجدية .. البت دي كدابه ومحمد مقربش منها فعلا  وعلشان أقولكم علي الكبيره هيا حامل اصلا يعني عذريتها اصلا مش موجوده!! 

احمد وصافي بصوا لقمر بصدمه وقمر هزت راسها بكل ثقه وقالت لمحمد" البس هدومك يا محمد ومتقلقش انا عارفه ان دي حكايه معموله عليك وانا مش هسكت للحربايه دي تدمرلك حياتك !!

ساندي بصتلها بغضب وشاهي قالت بصوت عالي" انتي كدابه انا بنتي لسا بنت بنوت ومحدش لمسها.. 

قمر بعدت عن محمد وقربت من شاهي وقالت" خلاص انا كدابه بس الدكتور مش هيكدب.. 

ساندي وشاهي بلعوا ريقهم بتوتر وقالت ساندي" دكتور ايه انتي كمان انتي مش  شايفه حالتي عامله ازي وبعدين انتي ايه هتدافعي عنه في دي كمان لا انا مش هسكت وهعرف هادي كل حاجه لان دا شرفي انا ومش همسح لحد يدمرلي حياتي ؟؟ .. 

قمر بصت لمحمد اللي كان لسا واقف مكانه ومصدوم من الموقف اللي هوا محطوط فيه وقمر قربت من التيشرت اللي علي السرير ومسكته وادتهوله وقالت بصوت اوضح" البس هدومك يا محمد متقلقش انا واثقه فيك وعارفه انها مش بنت اصلا . 

محمد هز راسه وقمر رجعت بصت لصافي واحمد وقالت" انا مش هسمحلها تلبس محمد مصيبه علشان هوا خاطب وبيحب خطيبته دا حتي النهارده كتب كتابه ف مستحيل يعمل اي حاجه من دي وبعدين بالعقل كدا دي واحده رايحه اوضته يعني لو هوا فعلا عاوز يتهجم عليها كان راح اوضتها ولاكن هيا للاسف غبيه فمتحكموش عليه قبل ما تفهموا الاول ليه هيا عملت كدا.. 

احمد بص لساندي بغضب وقال" قمر عندها حق انتي كدابه وانا ازاي منتبههش ان في اوضته فعلا . 

ساندي قالت بعياط.. انا مش كدابه انا بقول الحقيقه هو الي... 

قمر قالت بغضب" هو ولا الشخص اللي كنتي بتقوليلو امبارح انك حامل.. 

ساندي وقفت مصدومه  من كلامها واولهم صافي واحمد و اللي لاحظو ان ساندي ملامحها اتحولت للصدمه لما سمعت كلام قمر ودا معناه ان قمر عندها حق في كلامها  وان محمد بريئ وساندي هيا اللي عامله القصه دي كلها عليه.. 

شاهي بصت لساندي بغضب علي غبائها لانها كشفتهم  وهما لسا في البدايه،، 

 محمد كان لبس هدومه وقرب من ساندي  وقال" انا مستحيل كنت اقرب منك اولا لانك بنت خالة صحبي واللي انا عايش في بيته وثانيا لاني بحب خطيبتي والنهارده كتب كتابنا ومستحيل اني اعمل حاجه تغضب ربنا زائد انك  غبيه يا ساندي كشفتي عملتك السودا بنفسك !!! 

ساندي بصتلهم بعياط وقالت"" فعلا انا كدابه بس عزيز هو اللي عمل فيا كدا ولما قولته اني حامل هددني اني لو منزلتش اللي في بطني هيموتني وانا خفت وقررت اعمل كدا في محمد علشان يستر عليا.. 

احمد كان بيسمع كلامها وحاسس بضيق علي صدره لان كلامها مش مريح وغير نظرات امها اللي يعتبر مش فارق معاها كلام بنتها ولا حتي مصدومه  ان بنتها طلعت حامل من غير جواز وانها حاليا مفض"وحه قدامهم !! 

صافي قربت من ساندي وقالت" روحي البسي هدومك وانتي يا شاهي ساعديها علشان نشرف حل للمصيبه دي.. 

شاهي هزت راسها واخدت ساندي ودخلو اوضتهم وفضل احمد وصافي وقمر باصين لمحمد وصافي قالت بحزن" حقك عليا انا يا محمد بس انا والله مفهامه ايه اللي بيحصل معاهم من وقت ما رجعوا وهما مش مريحين حتي تصرفاتهم عريبه!! 

محمد هز راسه وقال" المهم دلوقت انها انكشفت قبل ماكانت هتلبسني مصيبه وانا كنت هكتب الكتاب النهارده..يعني لو خطيبتي عرفت حاجه زي دي الله اعلم كانت هتعمل ايه؟؟ 

احمد باستغراب" وانت خطيت امتي وهتتحوز امتي .. 

محمد بصله وقال" كل حاجه جت بسرعه والله يا عمي بس كنت هكلم حضرتك طبعا علشان تحضر معايا لانك عارف ان والدي ووالدتي متوفيين ومليش غيركم انتو وهادي والشباب.. 

احمد قال بفرحه" طبعا هاجي معاك وصافي كمان ولا ايه يا حبيبتي " 

صافي هزت راسها وقربت منه وقالت انا زي مامتك يا حبيبي متقلقش طبعا هنكون معاك ! 

محمد ابتسم وبص لقمر بحب وقال" انا مش عارف اشكرك ازاي علي اللي عملتيه معايا انتي انقذتيني.. 

قمر  قربت منه وقالت بابتسامه " وانت بق مش عارف انك زي اخويا واكتر ومن حقي اني اقف جامبك واساعدك. 

محمد ابتسم وقال" كل يوم معذذتك بتزيد في قلبي ياقمر ربنا يخليكي لينا.. 

قمر بابتسامه " المهم قولي هتروح بيت سهر امتي علشان هنيجي معاك" 

محمد ابتسم بفرحه لانه مكنش متوقع ان كلهم هيحضروا معاه وهيحس ان ليه عيله بجد.. 

محمد قال بحماس.. علي الساعه ٨ كدا.. 

قمر قالت بابتسامه" حلو اوي المعاد دا هو هادي عارف  ولا زي الباقي" 

محمد هز راسه وقال طبعا عارف دا اخويا الكبير. وبعدين دا هوا الي مجهزلي الشقه اللي هنقعد فيها ! 

قمر ابتسمت وقالت بهمس" الف مبروك يا محمد سهر بنت حلال  وتستاهلك..

محمد ابتسم بحب وقال" وانا والله هشيلها في عيني انتي مش عارفه انا بحبها قد ايه!

قمر ابتسمت وقالتك عارفه منا كنت بشوف بعيني بس انت بق تعرف اني انا الي خليتها تحبك وتاخد بالها منك" 

محمد بصلها وضحك وقال" بجد والله يعني انا كنت فاكر اني مبهر وهيا وقعت في حبي  لاني جامد وكدا ولاكن طلعت ولا مبهر والا حاجه وحضرتك اللي مخليتها تحبني !!! .. 

قمر واحمد وصافي ضحكوا وهوا قال" علي العموم في الحالتين بتحبني وانا بحبها.. 

احمد قرب من محمد وقال" عمالين تتجوزو واحد ورا التاني بتحسسوني اني عجزت" 

محمد بابتسامه" مين دا الي عجز بس والله دا انا الي حاسس اني بكبر وحضرتك بتصغر.. 

احمد ضحك علي كلامه وقال لصافي" شايفه الولد بكاش طول عمره.. 

صافي ضحكت عليهم وقال" طيب انا هنزل ابلغ الخدامه تيجي توضبلك اوضتك وانتي يا قمر تعالي علشان عوزاكي.. 

قمر  هزت راسها وراحت مع صافي وفضل احمد ومحمد واقفين وبيتكلموا

_____________

وفي الشركة وبالتحديد في مكتب هادي كان قاعد هو وسعيد وعبدالله .. 

وسعيد بيقول بجديه "  المشروع دلوقت ماشي تمام والعمال بدأو حفر ولاكن واقفين علي بقيت التصميم .. 

هادي شاور علي لوحه كبيره موجوده في مكتبه وقال" التصميم جاهز .. 

 

سعيد وعبدالله قامو علشان يجيبو اللوحه الي بيشاور عليه بإستغراب  واول مفتحوها قدامه قالو بانبهار" انت عملت كل دا امتي يا هادي!!؟

هادي هز راسه وقال انا كنت مصمم نصها وقت الدراسه ولاكن كملتها اول لما رجعت من السفر.. 

سعيد باستغراب" بس انت ازاي ظبط شكلها علي شكل الارض بالظبط كدا .. 

هادي هز راسه بهدوء وقال" شوية تعديلات بسيطه عملتها وكل حاجه طلعت مضبوطه .. 

عبدالله بصله وقال بتشجيع" انا اول مره اشوف تصميم حلو كدا ! 

هادي ابتسم ووقف جنبهم وقال" ناقص بس سميح يشوفها وبعدها تحولوها للمهندسين علي الموقع.. 

سعيد هز راسه وقال" بس انا من رأيي نحولها علي الموقع الاول وبعدين  سميح يروح هناك ويشوفها..! 

هادي بصله بانتباه وقال" انت شاكك في حاجه ولا ايه يا سعيد .. 

سعيد هز راسه وقال" اكيد طبعا شاكك ..  ادهم النجار عارف ان سميح استسمر في الشركه واكيد عارف ان هو السبب في اننا نستلم المشروع دا فاكيد فيه ناس حوالين سميح بيراقبوه وبيبلغو ادهم  بكل حاجه  بتحصل فاحنا هنخلي سميح هوا اللي يروح  يشوفها هناك مش هنبعتله حاجه" 

هادي هز راسه باقتناع وقال" عندك حق يبق هتبعتو اللوحه   الموقع وتتاكد بنفسك ان البشمهندس صلاح هو اللي اخدها منك بنفسه   وبعدها يومين تبعتو لسميح يروح يشوفها هناك ولاكن حاليا لو سميح سأل عليها هتقولو اني لسا شغال عليها علشان برضوا هوا مهيصدق وهيعرف الناس اللي حواليه علي طول وممكن يبوظ اللي بنعمله ..! 

سعيد وعبدالله هزو راسهم وبعدها هادي طلب منهم كل واحد يروح علي شغله وبعدها قعد وهوا بيفكر ازاي هيرد حقه وحق والده بس بطريقه تليق بمقامهم... 

هادي مسك اللاب بتاعه ونقل الملفات علي أكتر من  نسخه وبعدها قفله وهو بيقول" مش هفضحكً دلوقت يا ادهم يا نجار لازم الفضيحه تجون كبيره وتكون في حجم سذاجتك .. 

هادي وقف وخرج من مكتبه وكانت ساره شغاله بتجهز ملفات كان طالبها منها ..  قرب منها وقال بهدوء " ساره انا عايزك تجيبي بدله فخمه جدا وتبعتيها علي القصر.. 

ساره هزت راسها وقالت" البدله لحضرتك يا فندم.. 

هادي هز راسه بلأ وقال" لأ لمحمد.. 

ساره ابتسمت وقالت" ايه المناسبه يا فندم علشان اختارها بنفسي.؟ 

هادي  هز راسه وقال بابتسامه" كتب كتاب! 

ساره هزت راسها وابتسمت وقامت وهيا بتقول" بعد اذنك يا فندم علشان الحق اجيبها عاوزها علي امتي.. 

هادي هز راسه وهوا بيبص في ساعته وقال" كمان ساعتين وعايزك تبعتيلي مصفف شعر رجال علي هناك.! 

ساره هزت راسها ومشيت وبعدها هادي مسك تيلفونه ورن علي قمر وقال" النهارده كتب كتاب محمد وسهر صحبتك حابه تروحي معانا ولا  تسبقينا علي هناك .. 

قمر قالت بابتسامه" حابه اسبقكم وابق مع سهر  علشان هتبقي لوحدها.. 

هادي ابتسم وقال" دقايق وفي عربيه هتوصل قدام القصر فيها فستانين واحد ليكي وواحد ل سهر وفي ناس هتجهزكم تقدري تركبي معاهم وهما عارفين العنوان.. 

قمر قالت بفرحه" ربنا يخليك ليا يا هادي ومتحرمش منك وبجد سهر هتفرح اوي.. 

هادي ابتسم علي فرحتها وقالت" طيب يلا اجهزي علشان العربيه علي وصول.. 

قمر قالت بفرحه" حاضر يلا مع السلامه.. 

قفلت قمر معاه وطلعت بسرعه علي اوضتها تجهز بكل حمااس.. '

 __

وعند هادي بعدما قفل مكالمته قعد علي مكتب ساره ومسك اللاب بتاعها ولقي انها شغاله علي الملف زي مطلب  منها بالظبط ولاكن لفت نظره رسايل كنيره جايه علي الايميل بتاعها فتحها وضحك لانها كانت من سميح.. كان بيغازلها وبيبعتلها رسايل كتير وهيا مكنتش بترد  عليه بس لقي اخر رساله سميح بيقول" ردي عليا بق  تعبتيني .. 

هادي رد عليه وقال" انا مش برد علي رجاله لاني بنت محترمه واللي عاوزني يروح بيت اهلي.. 

سميح وصلتلو الرساله وفرح جدا علي ردها وقال" وماله يا ست ساره نروح بيت اهلك بس اديني انتي ميعاد" 

هادي ابتسم وقال" ممكن بكره بالليل بس عرفني قبلها انك جاي..

سميح بفرحه" طبعا وهي دي حاجه تفوتني برضوا.. 

هادي ابتسم وقفل اللاب بعدما مسح الرسايل كلها وقال" دنتا طلعت مشكله يا سميح '"" 

نزل هادي عند الموظفين وهوا بيبصلهم بابتسامه لانهم كانو شغالين بحديه ومركزين اوي.. 

هادي كان بيتمشي وبيبص لكل قسم شويه ولحدما وقف عند شاب كان باين عليه التوتر  والقلق اول ما شافه بيقرب منه .. هادي بصله بتركيز وقال بجديه" اسمك ايه! 

الشاب دا بتوتر" اسمي خالد!! 

هادي بابتسامه" خالد .. الشاب هز راسه وهادي قال" مالك يا خالد فيك خاجه شايفك تعبان.. 

خالد بصله بصدمه وقال" حضرتك بتطمن عليا فعلا.! 

هادي استغرب سؤاله وقال" ايوا يا خالد وهو غلط اني اطمن عليك ولا ايه .. 

خالد بصله وقال بتوتر" لا مش قصدي يا فندم بس انا اسمع انك مغرور ومتكبر ومش بتتكلم مع اي حد عادي.. !! 

هادي استغرب جدا كلامه وقال" ومين اللي فهمك كدا بق.. 

الشاب  قال بخوف" مفيش حد يا فندم' انا عرفت لوحدي'

هادي بصله بشك وقال" عرفت اوحدك ازاي وانت عمرك  ما اتعاملت معايا.. 

خالد بتوتر" اصلي بصراحه واحد صحبي اللي قالي كدا وقالي انه مره خبط في حضرتك ووقتها  خليته يمسحلك الجزمه بتاعتك بقميصه  كعقاب.. 

 هادي اتصدم وقال" انا ' خليته يمسحلي الجزمه وكمان   بقميصه  دا مين اللي فهمك كدا .. 

الشاب هز راسه وقال" حضرتك يا عزيز بيه عملت فيه اكتر من كدا كمان هو حكالي كل حاجة .. 

هادي قال بإستغراب " عزيز .. عزيز مين  يا بني ! 

خالد  بص لهادي باسغراب وقال" حضرتك عزيز النجار!!!

هادي بصله وقال باستغراب" انت شغال في شركتي ومش عارف انا  ابق مين. 

  خالد هز راسه وقال" لا معرفش بس صحبي هو اللي جابني هنا وقالي اني اراقبك""هادي قال بصوت  واطي " لا انت كدا تجي مكتبي علشان نتكلم"

الشاب   بصله  بخوف وقال" انا مليش ذنب في اي حاجه يا باشا والله انا بس باكل عيش..

هادي قرب منه وقال بهدوء " متخافش يا خالد انا مش هعمل فيك حاجه انا بس هتكلم معاك  شويه مش اكتر. 

الشاب هز راسه بخوف  ووقف ومشي مع هادي لحدما ما دخلوا المكتب.. 

هادي قعد علي مكتبه وقال" اتفضل يا خالد اقعد! 

خالد قعد وهو بيبص لهادي بتوتر لحدما هادي قال" صاحبك دا اسمو ايه.. 

خالد بص في الارض وسكت وقال بهدوء " اسمه مالك'

هادي باستغراب" اسمه مالك ايه  يعني!! 

خالد بتوتر " مالك منصور الشافعي.. 

هادي اول ما سمع  الاسم  قال بتفكير.. مالك منصور  الشافعي دا يبق المحاسب اللي كان شغال هنا.! 

خالد هز راسه وقال ايوا فعلا هو  كان شغال هنا بس هو ساب  الشركه من فتره .. 

هادي بصله و هز راسه وقال كمل يا خالد قولي ليه بتقول عليا اني عزيز النجار  رغم اني هادي الجارحي.. 

خالد قال هوا قالي انك اسمك عزيز وموريني صورتك وقالي اني اراقببك  واقوله علي كل تحركاتك.. 

هادي قال بهدوء وانت بق بتقوله ايه علي تحركاتي.. 

خالد هز راسه بتوتر وقال "  اخر حاجه قولتهالو انك مشيت علشان كتب كتابك... 

هادي اتصدم وقال " وانت عرفت منين كل الحجات دي.. 

خالد. " كنت واقف جمب مكتب ساره وسمعت حضرتك وانت بتكلمها وبتقولها انك هتكتب الكتاب يومها وانا وقتها بلغته بكل الي حضرتك قولته .. 

هادي قال بضيق  وايه تاني  .. خالد هز راسه بخوف وقال" مقولتلوش حاجه تانيه والله هو دا كل اللي حصل.. 

هادي هز راسه وقال"وهو فين مالك دا دلوقت.. 

خالد بخوف" شغال في شركة والدك ادهم النجار... 

هادي بغضب" قولتلك اسمي هادي الجارحي مش عزيز  الز"فت.. 

خالد بخوف" والله يا هادي بيه مليش ذنب في اي حاجه.. سيبني امشي انا امي تعبانه ومليش حد غيرها؟؟ 

هادي بصله وقال" مينفعشي تمشي من هنا بس متقلقش مش هعملك حاجه انا بس عايزك تنقلي كل المعلومات عن مالك دا وعايزك لما تيجي تبلغه عن اخباري تتواصل معايا الاول وانا اقولك تقوله ايه!! 

خالد هز راسه بتوتر وهادي قال" انا هديلك مبلغ كويس علشان تبق معايا انا بس لو عرفت انك غدرت بيا قسما بالله مهتعرف تحل من تحت ايدي!! 

خالد هز راسه بخوف وهادي طلع من جيبه مبلغ وقال" دا علشان خاطر علاج امك ولاكن لو وصلي بص انك حكيت لمالك حاجه او اتواصلت ما اي حد وقولتله علي اللي بيحصل في الشركه  من غير ما اقولك تقولهم ايه مش هحلك يا خالد انت فاهم.. 

خالد هز راسه بخوف منه وهادي قال بغضب" يلا اطلع برا وروح مكتبك كمل شغلك.. 

خالد هز راسه وخرج من مكتبه '"" وبعدها هادي قال بضيق" مش ناوين تهدو يا ولاد النجار بس اصبرو بس!؟ 

قال كلامه بضيق وبعدها وقف وخرج من الشركه وهو مقرر يروح شركة ادهم النجار بنفسه ويشوف ايه اللي بيحصل فيها  !!بقلمي شيماء صبحي 

يتبع!!! 

رواية🌸قصيرة القامة طويلة اللسان 🌸

بقلم الكاتبة شيماء صبحي 

توقعاتكم ايه في الي هادي ناوي يعمله ويا تري شاهي وبنتها بيفكرو في ايه وهل فعلا ناويني يأذوه ولا هيستسلموا ويرجعوا في قرارهم.. 

يتبع بقلمي شيماء صبحي 🌸🌸

•يتبع الفصل التالي اضغط على (رواية قصيرة القامة طويلة اللسان) اسم الرواية