رواية حب في ورطة الفصل الثاني 2 - بقلم ريهام
لبارت التاني حب ف ورطة
_اي اللي عمل فيكي كدا
ارتمت ف حضني وهي بتعيط وماسكه ف هدومي
اتوترت وبعدتها بالراحه _قوليلي بس اي اللي حصل انتي كنتي فين
مكنتش بترد وبتعيط اخدتها ف التاكسي وروحنا البيت قعدنا ف مدخل البيت وجبتلها ميه عشان تهدى
_اتكلمي ي نهله اي اللي حصل معاكي واي خرجك ف وقت زى دا ،مرات عمي عارفه انك برا
اتكلمت بين شهقاتها "لالا متقولش لماما والنبي ي زين ماما هتموتني
شديت شعري بغيظ _ نهله انا مش فاهم حاجه فهميني لان دماغي فيها مليون سنياريو كلهم اسوء من بعض ف بسرعه قوليلي اللي حصل
عيطت زياده "ماما عند خالتي ف اسكندريه من امبارح وانا كنت زعلانه وقاعده لوحدي كلمت واحده زميلتي ف الجامعه ونزلت سهرنا ف كافيه وو
فضلت تخبط بايدها ع وشها
_واي ي نهله ؟
بصتلي بخوف "واحد جابلي مشروب وانا شربته ومحستش بنفسي بعدها غير اما لقيتني ف شقه معرفهاش و
قاطعتها بقلم ع وشها
_معقول ي نهله أنتي تعملي كدا مفكرتيش ف امك اللي بقت ارمله من عشر سنين ورفضت تجبلك جوز امي يضايقك تكافئيها كدا هو دا كتر خيرك اللي بتقوليهالها
انهارت وقعدت ف الأرض "انا كنت مخنوقه وحاسه اني تايهه قررت اخرج واشوف ناس يمكن انسي
_تنسي!تنسي اي ؟ضيعتي نفسك عشان وهم ف دماغك
"انساك ي زين انا محبتش غيرك وانت كنت بالنسبه لي العالم معرفتش ولا راجل غيرك حتي ابويا وهو عايش كان بعيد عني ومش مهتم بيا وف الاخر هو مات وانت هتتجوز غيري ليه ي زين
بصتلها بقرف_متحمليش حد غلطك انا طول عمري اخوكي انتي ورنا مبفرقش بينكم أنتي ترجمتي معاملة الإخوات حاجه تانيه دا مش ذنبي
قلبي وجعني عشانها وانا شايف عياطها مكنش بيقف نهائي
_كفايه عياط ي نهله الفجر قرب يأذن تعالي نطلع ونامي جمب رنا وربنا يحلها
"هتقف جمبي ي زين
عطيتها ضهري _معنديش حل تأني
طلعنا وفتحت الشقه وماما ورنا نايمين دخلت اوضتي وانا مخنوق ومش عارف اعمل اي بعدها بدقيقه سمعت خبط ع باب اوضتي قومت لقيت نهله واقفه ادام الباب
"رنا قافله اوضتها بالمفتاح عليها و انا..
اخدت فوني من ع السرير وخرجت من الاوضه من غير كلام قعدت ع الكنبه وهي دخلت اوضتي وقفلت الباب
الفجر أذن دخلت اتوضيت ونزلت المسجد اللي ف اول شارعنا مع كل سجده كنت بدعي ربنا يحلها من عنده لاني مش عارف اتصرف اذاى افتكرت عمي الله يرحمه ودعتله هو وابويا فضلت قاعد ف المسجد اقرأ قرءان لحد شروق الشمس وبعدها روحت البيت كانت ماما صحيت
•كنت فين زين بدري كدا
_كنت بصلي الفجر ،ع فكره نهله عندنا
استغربت•جت أمتي ي بني؟
_ها اول مانتي نمتي ي ماما اصل مرات عمي ف اسكندريه ومينفعش تقعد لوحدها
•طب ي حبيبي هروح احضرلكم الفطار ع ما رنا تجهز عشان كليتها
دخلت اوضه رنا
'صباحو ي عسل اي مصحيك بدري كدا
_بقولك اي مش وقت هزار لو امك سالتك تقوليها أن نهله كانت بايته معاكي امبارح
'نهله مين
_رنااااا
'عيوني ي ابو رنا بس قولي هي البت نهله مزوغه فين وانت بتداري عليها
_نهله ف اوضتي
شهقت بتمثيل 'ي لهوي ي لهوي التار ولا العار هات البندقيه ي هريدي لأجل مانغسل العار
كتمت بوقها _اخرسي الله يهديك، خشي صحيها وانا هشغِـل امك ف المطبخ ع ماتخرج
'مطلعتش سهل انت ي زيزو وانا اللي فكراك مؤدب
ضربتها ع دماغها _نفذى اللي بقولك عليه وانتي ساكته
باك
فوقت من سرحاني ع رنة الفون وكان أمين صاحبي
مردتش عليه بس رن كذا مره
رديت_خير ي امين ؟
=حبيبي وحشتني بطمن عليك
_اقغل ي رخم
=ياض انا اللي هشيل خشبتك بتبعني
قفلت السكه وقفلت الفون خالص ماللي ميعرفش يقول عدس فعلا
غمضت عيني وحاولت انام ولاني مش بنام بقالي كذا يوم نمت بسرعه
صحيت ع صوت ندى بتتكلم ف الفون
* ي نور متتاخريش لو سمحتي انا محتجاكي
؛....
*لا تجيلي قبل ماما انا ..
شديت منها الفون بسرعه وقفلته
*انت مجنون اللي بتعمله دا
_ايه اللي انا بعمله ولا انت اي اللي بتعمليه عاوزه اختك ليه
*انت مالك
_ندى اتكلمي عدل
بصت ف الأرض *عوزاها تساعدني ف فك الفستان قبل ما ماما واهلي يجوا
رفعت وشها ليا _حبيبي مانا معاكي اهو انا اساعدك والله انا بساعد حلو وغمزتلها بعيوني
زقت ايدي *انسي ي زين
قامت من ع السرير واتكعبلت ف الفستان وقعت روحت قومتها
_ي بنتي يهديكي ربنا تعالي افكلك الفستان اللي هيتقطع من مرمطتك فيه دا
*هوانت مأجره ولا اي خايف عليه
_ مأجره ؟! لا طبعا خايف عليكي انتي والفستان دا كان عاجبك اوى حرام يبوظ وانتي عاوزه تحتفظي بيه
*مبقتش بحبه ولا عيزاه ي زين
خبطت بايدي ع الحيطه وانا بحاول اهدي
طلعت الصاله لقيتها قاعده بتعيط
_بتعيطي ليه بس
*عاوزه اخد شاور
_طب دا انا تخصص شاور اصلا
كشرت وبصت الناحيه التانيه
_اعمل اي بس عشان تبطلي عياط
*هاتلي اختي
_ي حببتي انا اللي منظري هيبقي اختك لو اختك جت وشافتك كدا
*طب وبعدين
_ينفع اتصل ب رنا تجيلك تساعدك واهي هعرف اسكتها بدل الفضيحه يعني
ضحكت وسط دموعها
قربت منها ومسحت دموعها بايدي
بصتلها وانا ماسك وشها بايدي _بحبك
بصتلي بالم وعتاب *طب ليه عملت كدا
شدتها لحضني _صدقيني الموضوع لو يخصني هحكيلك لكن دي سمعة بنت عمي اعذريني ي ندى
عياطها زاد وانا بطبطب عليها وهي ماسكه فيا
_طب اي اكلم رنا ولا اساعدك انا
بعدت ع حضني وخبطتني بايدها ع كتفي
*كلمها
_ماكنتي خليكي ي فوزيه ف حضني وانا هاخد منك حته يعني
*بس اسكت انت مابتصدق
كلمت رنا وقومت جبت عصير من التلاجه وعملت سندوتشين عشان ندى
_يلا ي دودو القطر رايح فين
بصتلي بقرف *علي اساس اني بنت اختك
اتنهدت بنفاذ صبر _بلاش ي ستي كلي واشربي العصير انتي ماكلتيش من امبارح غير العياط اللي عيطيه
اخدت العصير وشربته من غير كلام
وبعدها الجرس رن بصيت من العين السحريه الاول لقيت رنا بس لقيت معاها نهله
وقفت ببص للباب ول ندى
انا لو خنقت كتاكيت وانا صغير مكنش هيحصلي كدا وانا كبير
يتبع ...
حب ف ورطه 💜
بقلمر ريهام 💜😌
- يتبع الفصل التالي اضغط على ( رواية حب في ورطة) اسم الرواية