رواية قصيرة القامة طويلة اللسان الفصل الثلاثون 30 - بقلم شيماء صبحي

   

    رواية قصيرة القامة طويلة اللسان الفصل الثلاثون 30 - بقلم شيماء صبحي

الفصل الثلاثون ….

رواية🌸قصيرة القامة طويلة الللسان🌸

#بقلم_شيماء_صبحي 

 صحي هادي الصبح علي صوت دوشه حواليه بيفتح عينيه لقي والده ووالدته بيبصوله ومستغربين ايه اللي منيمه في الصالون.. 

احمد باستغراب" انت ايه اللي نيمك هنا يا ابني مش ليك اوضتكوا.. 

هادي بص لوالده بصدمه وبعدها بص لنفسه لقي انه بنفس اللبس بتاع امبارح فقال بهدوء " اصل كنت شغال هنا طول الليل ونمت.. 

صافي بصت عليه بشك وقالت" معقول يعني كنت سهران علي الشغل وبس.. 

هادي وقف وهوا بيفرك عينيه وبيقول" اصل المشروع اللي شغال عليه متعب جدا ولازم ابذل فيه  مجهود  كتير.. 

احمد هز راسه وبص لصافي وهيا هزت راسها وهادي طلع بسرعه علي السلم وهوا بيتوعد لقمر علي اللي عملته فيه امبارح وخلته ينام في الصالون.. 

هادي خبط علي الباب وقال " افتحي يا قمر خليني اغير هدومي واروح الشركة.. 

قمر كانت صاحيه وبتضحك علي كلامه فقامت علشان تفتحله الباب وهيا بتضحك وهوا بصلها وقال بضيق" بتضحكي .! عاجبك كدا تسيبيهم يضحكوا عليا .. 

قمر هزت راسها وقالت بغيظ" انا عماله اشرحلك وانت اللي مش فاهم..! 

هادي بصلها شويه وبعدها اتفكر الموضوع اللي كانت تقصده امبارح وهوا فهمه متاخر وقال" هو انتي بجد حامل يا قمر.. 

قمر هزت راسها ومشيت وهوا قرب منها وحض"نها من ضهرها وقال" انا فرحان اوي  ياقمر اني هبق اب .. 

ابتسمت وهوا لفها ليه وقال" واللي مفرحتي اكتر انك انتي اللي هتبقي ام طفلي .. 

قمر بصت في الارض بخجل وهوا قال" يا لاهوي بق ام اولادي بتتكسف  يا ولاد  ..! 

قمر ضربته علي صدره بخفه وهوا شالها ولفها  وهو بيقول بفرحه " انا مش عارف عملت ايه حلو  في حياتي يخليني اصحي الصبح علي الجمال دا كلو..

ابتسمت بفرحه علي كلامه  وهوا نزلها وقال  " انا عايزك تحافظي علي اللي في بطنك دا علشان هوا يهمني اوي علشان هيبق حته منك.. 

قمر ابتسمت وهوا قال" اتمني ميطلعش قصير انا عايزه يكون طويل زي ابوه كدا.! 

قمر ضمت حاجبها وقالت ومالهم القصيرين بق يا استاذ انت.. 

هادي ابتسم وقال" احسن ناس بس يرضيكي يبق ابوه هادي الجرحي ويطلع اوزعه. 

قمر ضربته وقالت" ومالهم الأوزعين  برضوا..! 

هادي ضحك وقال " احسن ناس برضوا بس علي فكره الأوزعه دي تبق بنت عم القصيره.. 

قمر رفعت حاجبها وقالت" تصدق ان دي معلومه غيرت حياتي.. 

هادي ضحك علي كلامها وقال" تعرفي اني من زمان وانا مديكي لقب حلو اوي.. 

قمر بابتسامه" لقب اي دا ويا رب يطلع حلو!! 

هادي شدها ليه وقال" اول مره اتقابلنا وانتي ضربتيني… قمر هزت راسها وهيا بتضحك وهوا قال" وقتها انا قولتلك يا اوزعه صح"" 

قمر هزت راسها وقالت" ايوا مهي دي الكلمه اللي عصبتني اصلا.. هادي ابتسم وقال" وقتها بق قولت عليكي  قصيرة القامة طويلة اللسان يعني  قصيره بس لسانك طويل.. 

قمر بصتله وسكتت وهوا ضحك وقال" بس طبعا اللقب دا انا نسيته من وقت العلقه اللي اخدتها .. 

 قمر هزت راسها وضحكت علي كلامه وهوا قال.. بس  بقولك ايه يا ام عوض مش ناويه تعوضيني  عن ليلة امبارح ولا هتسيبني كدا زعلان !! 

قمر ابتسمت وهزت راسها وهوا قال" حاجه سريعه بس قبل الشغل.. 

قمر ضحكت وهوا قفل الباب عليهم وهوا بيقول" احلي ام عوض دي ولا ايه … 

قمر قالت بغضب" متقوليش يا ام عوض انا ابني هيبق اسمه  جمال.. 

هادي باستغراب"  جمال  مين.. قمر بضحكه  علي اسم جمال  وصالت معقول نسيت جمال اخويا .. 

هادي هز راسه وضحك وقال اه صاحب الشقه اللي فيها عفاريت.. 

 قمر  هزت راسها بضحك وقالت" كنتو غلابه اوي ياعيني! هادي ابتسم وقال"  مش يلا  بق يا ام جمال وريني الشغل اللي علي اصوله.. 

قمر ضربته بخفه وقالت" متنساش ان جمال في بطني يعني ممكن اصلا يكون رافض.. 

هادي بصلها بصدمه وقال" يبق ميجيش احسن.. 

قمر ضحكت علي كلامه وهوا شدها عليه بلطف وهيا ابتسمت وبصتله في عينيه وهو قال وهوا بيبصلها بكل حب " يخربيت كدا يا شيخه انتي حقيقه ولا خيال...قمر ابتسمت وهزت راسها وقالت" لا جمال 

___________

في شركة الجارحي وصل عبدالله وسعيد وهما بيتكلموا عن احوالهم العاطفيه وازاي حاسين بفراغ  قاتل.. بس فجاه عبدالله خبط في بنت وقع الملفات اللي كانت مسكاها.. 

البنت بصدمه" يا لهوي السي في اتلخبط.. 

صحبتها بصدمه من الي عمله عبدالله وقالت " مش تحاسب يا استاذ انت بوظت السي في بتاعنا هنعدلهم ازاي بس دلوقت احنا متاخرين.. 

سعيد بص للبنت العصبيه دي وقال" وهوا خبط فييها ولا هيا اللي مكنتش مركزه" 

البنت العصبيه ردت عليه وقالت" ايوا هوا اللي مش مركز وبعدين في بني ادم طبيعي يمشي وهواباصص فوق و سرحان كدا .. 

عبدالله كان بيبص للبنت التانيه وهيا بتلم الملفات اللي وقعت ومش مركز مع سعيد والبنت اللي بيتخانقوا.. 

البنت الهاديه كانت مستغربه نظرات الشاب الي قدامها ليها وقالت باستغراب" في حاجه حضرتك" 

عبدالله بدا يساعدها وقال" انا اسف مكنش قصدي اوقعلك الملفات ولو معندكيش مانع انا ممكن اساعدك نرجع كل حاجه مكانها.. 

البنت   قالت برفض.. لا ملوش لازمه انا هعملهن..  قالت كلمتها وهيا بتشد من ايده الورق وبصت لصحبتها وقالت" خلاص يا رحمه حصل خير الاستاذ اعتذر .. 

صاحبتها وهيا بتبص لسعيد بغيظ..  كويس انه اعتذر انما في ناس تانيه مشمتش ريحة التربيه.. 

البنت شدت صاحبتها بسرعه وقالت " ملوش لازمة الكلام دا يا رحمه انتي ناسيه اننا عندنا انترفيو!! 

رحمه هزت راسها بضيق ومشيت مع صحبتها.. 

عبدالله بص لسعيد وقال" في ايه يا بني متهدي هيا كلمتك.. 

سعيد بصلها وهيا ماشيه بغيظ وقال" لسانها طويل بس موزه.. 

عبدالله ضحك وقال" مش هتتغير خالص يا سعيد تعالا تعالا نروح نشوف شغلنا.. 

سعيد هز راسه ومشي مع محمد لحد ما وصل كل واحد مكتبه… 

وفي مكتب ساره وقفوا البنتين وهما بيقولوا " السلام عليكم احنا جايين علشان وظيفة السكرتيره" 

ساره ابتسمت وقالت" ايوا الانترفيو هيكون  مع  مستر سعيد ومستر عبدالله تعالو معايا.. 

البنتين هزو راسهم وراحو ورا ساره واللي وقفت قدام مكتب سعيد وقالت ل رحمه" اتفضلي يا انسه الانترفيوا مع مستر سعيد. 

رحمة هزت راسها واخدت السي في بتاعها من صاحبتها ندي وابتسمتلها ودبعدها دخلت.. 

ساره بصت لندي وقالت" اتفضلي يا انسه معايا اوريكي مكتب مستر عبدالله.. 

ندي هزت راسها ومشيت مع ساره لحدما وصلوا عند مكتب عبدالله وساره قالت" اتفضلي يا انسه. 

ندي هزت راسها وابتسمت وبعدها دخلت وهيا بتقول بابتسامه" صبح الخير يا مستر عبدالله انا ندي اللي مقدمه علي وظيفة سكرتيره .. 

عبدالله كان بيقلع  جاكت البدله بتاعته  وبصلها وقال" اهلا اتفضلي.. 

عبدالله لف ليها ولاقاها قاعده علي الكرسي وبعدها هوا قرب من المكتب وقعد عليه وقال" اتفضلي يا انسه.. 

ندي رفعت وشها ومدت ايديها بالسي في وقالت" اتفضل يا … 

عبدالله بصدمه" اي دا هو انتي.. 

ندي بصدمهه هو حضرتك تبق مستر عبدالله! 

عبدالله هز راسه وقال " ايوا وانتي بق مين.. 

ندي بخجل اسمي ندي ودا السي في بتاعي .. 

عبدالله ابتسم واخد السي في بتاعها قلب فيه بسرعه وبعدها هز راسه وقال" حضرتك اتقبلتي وتقدري تبدأي شغل من دلوقتي لو حابه.. 

ندي هزت راسها بخجل وقالت" شكرا لحضرتك.. 

عبدالله كان بيبص لملامحها الهاديه وقال" قولتي ايه هتبدأي شغل دلوقتي ولا لأ.. 

ندي حركت راسها بمعني ايوا وهوا ابتسم ليها وادالها العقد اللي هتمضي عليه وهيا انبهرت بالمرتب وطبعا مضت عليه .. 

عبدالله بابتسامه" الف مبروك يا انسه نورتي المكتب!! 

ندي ابتسمت وهزت راسها وقالت" الله يبارك فيك يا فندم.. 

عبدالله وقف وقال" مكتبك جاهز تعالي معايا اوريهولك. 

ندي حركت راسها ووقفت ومشيت وراه وهوا شاورلها علي مكتبها وقال" طبعا انتي هتكوني المساعده بتاعتي وكل الملفات الي هخلصها هحولهالك علشان تأكدي عليها وتحوليها لمكتب هادي بيه! 

ندي حركت راسها وهوا مد ايديه بملف وقال" هتتاكدي ان الملف دا مظبوط من عن طريق اللاب توب من هنا وبعدها تحوليه لايميل ساره مديرة مكتب هادي بيه.. 

ندي هزت راسها بفهم وبعدها قعدت علي المكتب وهوا ابتسملها ورجع دخل مكتبه تاني.. 

وعند سعيد دخلت رحمه مكتبه وهيا مبتسمه ولاكنها لما شافت سعيد كشرت وقالت" انت بتعمل ايه هنا انت مستقصدني بق!! 

سعيد رفع حاجبه بصدمه وقال" نعم انتي مجنونه يا بت انتيوبا ايه.. انا ابق استاذ سعيد شوفي انتي بتقولي ايه! 

رحمه بصدمه " هو انت بق استاذ سعيد يبق لا منتحرمش.. 

قالت كلامها وهيا خارجه ولاكنها وقفت علي صوته العالي اللي بيقول" استني عندك انتي فكراهه ايه.. 

رحمه اتخضت من صوته ولفتله وقالت" في ايه بتعلي صوتك ليه علي فكره انا مش شغاله معاك انا كنت هقدم بس خلاص مش عايزه.. 

سعيد وقف وقرب منها وقال" مالك كدا شايفه نفسك ليه متهدي كدا .

رحمه بلعت ريقها من قربه وقالت" طيب انت بتقرب كدا ليه ابعد.. 

سعيد بص للسي في وشده من ايديها وبص فيه وقال" حلو اوي انتي اتقبلتي.. 

رحمه برفض" انا مقدمتش اصلا علشان اتقبل .. 

سعيد قرب من مكتبه وطلع العقد وقال" امضي احسنلك . 

رحمه هزت راسها بغيظ وبصت في العقد ولفت نظرها الراتب فهزت راسها ومضت. 

سعيد اخد العقد وقال" دلوقت انتي شغاله معايا يعني اقدر اعلي صوتي عادي.. 

رحمه بصدمه" ايييه.. 

سعيد لف وشه وابتسم ورجع تاني بصلها بجديه وقال مكتبك برا تقدري تروحي تجهزيه للشغل وانا بعدين هفهمك طبيعة شغلك.. 

رحمه هزت راسها وخرجت وهوا بص علي الباب وضحك وقال" ربنا يقدرني علي الهبل دا.. 

___________

وفي شركة  ادهم  النجار كان واقف مالك قدام ادهم واللي بيقول الراجل بتاعنا الي في شركة الحارخي اتمسك يباشا.. 

ادهم بغضب" اكيد بسببك انت غبي.. 

مالك بصدمه" غبي في ايه يا فندم الشاب خاف وقال كل حاجه لهادي بيه.. 

ادهم بغضب" واكيد عرف اننا بنعرف معلومات الشركه من طريقه مش كدا.. 

مالك بص في الارض وهز راسه وادهم زعق فيه وقال" اطلع برا يا غبي مش عايز اشوف وشك.. 

مالك خرج من مكتب ادهم بحرج وهوا بيقول" انا فعلا غبي اني خونت احمد الجارحي علشان واحد زيك.. 

ادهم اتصل بابنه وقال" تعالالي المكتب حالا.. 

عزيز حرك راسه وبعد دقايق كان وصل مكتب والده وهو بيقول" خير يابابا في ايه.. 

ادهم بغضب المتخلف اللي اسمه مالك كان باعت شاب في شركة ابن الجارحي ولاكنه اتكشف واكيد قاله كل حاجه.. 

عزيز هز راسه وقال" اكيد طبعا قاله وهوا اكيد حاليا اخد حذره من كل حاجه .. 

ادهم هز راسه ولاكنه قال بضيق.. انا مش ههدي غير لما اعرف المشروع دا تصميمه ايه .. 

عزيز بصله وهز راسه وقال" متقلقش يا بابا انا هجبلك كل حاجه صدقني بس انا بدرو علي حد اثق فيه ويقدر يخلص المهمه من غير اي خساير.. 

ادهم حرك راسه وقال" طيب ارجع انت شغلك وسيني انا اهدي شويه .. 

عزيز حرك راسه وخرج من مكتب والده وادهم حط ايديه علي دماغه وقال" مش هسمحلك يا ابن الجارحي انك تنجح ابداا.. 

___________

وفي قصر الجراحي خرجت ساندي  من اوضتها وهيا ماشيه بتعب لانها  بدات تتالم من بطنها.. 

كان وشها شاحب ونازله بالراحه واللي شافتها وهيا نازله كانت صافي قربت منها وقالت بقلق" في ايه مالك.. 

ساندي بتعب مش قادره يا خالتو مش قادره بطني بتوجعني اوي.. 

صافي بقلق " طيب بالراحه بس ايه الي نزلك من اوضتك.. 

ساندي بصتلها بتعب  وقالت " قولت احرك جسمي بس مش قادره خالص حاسه ان في حاجه هتنزل مني.. 

صافي بصدمه" بتقولي ايه بس اقعدي اقعدي مكانك انا هتصل بالدكتور متتحركيش ..  انا هروح اخلي حد يجي يشيلك استني مكانك.. 

ساندي حركت راسها بتعب وصافي مسكت تلفونها واتصلت بدكتور نساء يجيلها علي القصر بسرعه وبعدها طلعت خبطت علي هادي وقالت بصوت عالي" اطلع يا هادي بسرعه.. 

قمر وهادي كانوا لسا خارجين من الحمام و بيغيرو هدومهم ولاكنهم اتصدمو من صوت صافي " 

هادي كان لسا ملبسش التيشرت ف جري علي الباب يفتحه وقال " خير يا ماما في ايه! 

صافي بعياط " الحق يا هادي ساندي تعبانه جدا تعالي بسرعه شيلها  من علي السلم..! 

هادي بصلها بصدمه وجري بسرعه وهوا قلقان ليكون حصلها حاجه.. 

قمر سمعت كلام صافي ولبست بسرعه وطلعت ورا هادي.. 

هادي شاف حالة ساندي اللي كانت تعبانه جدا قرب منها وهوا بيقول" ايه اللي حصلك.. 

ساندي بصتله بدموع وهوا قرب منها شالها وهيا حض"نته من رقبته وقمر كانت خرجت وشافته وهوا شايلها.. 

صافي كانت بتعيط  وهيا بتبص لهادي وهوا طالع علي السلم وداخل  اوضتها   قمر كانت واقفه مصدومه باللي بيحصل وصدمتها الكبيره هيا حالة ساندي راحت  وراهم ودخلت اوضة ساندي وهيا قلقانه ليكون فعلا حصلها حاجه مش كويسه .. 

هادي حط ساندي  علي السرير وصافي قربت منها وعدلتها وغطتها وبعد وقت وصل الدكتور ونزل هادي يستقبله بعدما كان لبس التيشرت وقال" اتفضل يا دكتور.. 

الدكتور دخل اوضة ساندي وطلب منهم يخرجوا ولاكن ساندي طلبت من صافي هيا اللي تفضل  معاها. 

صافي بصت للدكتور وهو هز راسه بالموافقه فقربت صافي من ساندي ومسكت إيديها وقالت" ربنا يقومك بالسلامه يا حبيبتي.. 

الدكتور بدأ يكشف علي ساندي وبعدما خلص بص لصافي بحزن وخرج.. 

صافي خرجت وراه وساندي كنت بتبصلهم وهيا حزينه لانها للاسف عارفه اي وضعها.. 

صافي قربت من الدكتور وقالت " خير يا دكتور البنت مالها.. 

هادي وقمر قربوا من الدكتورهما كمان  واللي قال وهوا باصصلهم بحزن" للاسف هيا سقطت اللي في بطنها والتعب دا بسبب ان الجنين لسا موجود ولازم يتشال فمتضر اخدها للمستشفي واعملها عمليه اجهاض  في اسرع وقت لان حالتها حرجه ولو اتاخرنا ممكن يحصلها تسمم للاسف💔.. بقلمي شيماء صبحي 

يتبع.!! 

•يتبع الفصل التالي اضغط على (رواية قصيرة القامة طويلة اللسان) اسم الرواية