رواية اسيرة الوحش الفصل الثالث والثلاثون 33 - بقلم ساجدة
بعتذر اني منزلتش بس اليومين الي فاتو كنت تعبانه جدا
وكل عام وانتم بخير وعيد اضحي سعيد عليكم ♥♥
اسيرة الوحش /بقلم sagda maray
الفصل الثالث والتلاثون
وبيسحبها علي بره وبيركبها العربية وبيشد اللزقه من علي بوقها
سجدة بصراخ: انت مين وعايز مني ايه وبتنادي علي فهد باعلي صوتها وبتقول بصوت عالي اقسم بالله جوزي مهيسيبك انت متعرفهوش وانا متاكده انو هينقذني وهيفعصك انت متعرفهوش دا دراكولا سبني احسنلك باحترامك علشان والله جوزي لو مسكك هيموتك وهيوديك السجن دا ان طلعت عايش من تحت ايده وبتفضل تصرخ وتتكلم لغاية ما العربية بتقف والشخص ده بيدخلها مكان وبعدين بيشيل الربطه من علي عنيها وبينفجر علي نفسه من الضحك
سجدة بصدمه: انت
فهد: ايه السناريو العظيم ده
سجدة بتضربه في كتفه بايديها الصغيرة وبتقوله: انت ازاي تعمل كده يافهد خوفتني
فهد بضحك: كل ده وخوفتي
سجدة: اه خوفت
فهد: انا دراكولا
سجدة: كنت بقول كده علشان اخوف الشخص الي خطفني
فهد: لا بس عندك ثقه فيا اهو
سجدة: طبعا وكنت متاكده اني لو اتخطفت بجد عمرك ما كنت هتسبني ابدا وبعدين ايه الي جابنا هنا تاني
فهد: ثانيه وحده وهتعرفي كل حاجه وبيشدها من ايدها وبيدخلها اوضه وبتلاقي علي السرير علبه كبيرة بتفتحها بتلاقي فيها فستان باللون الاحمر ومعاه اكسسوارات بسيطه
سجدة: واو
فهد: كنت عارف انو هيعجبك البسيه علي ماارجع
سجدة: تمام
________________________________________
سجدة بتلبس الفستان بس السوسته بتعلق معاها ومش بتكون عارفه تقفلها وفهد بيدخل الاوضه وبينصدم من الي واقفه قدامه بفستانها الاحمر الطويل وشعرها الذي يعشقه وملامحها البريئة وكانها ملاك
سجدة: اقفلي بقي
فهد بيقرب منها وهيا بتتوتر جامد
سجدة بتوتر: انا هقفلها
فهد: بس وبيبدا يقفلها السوسته وبعدين بيقلها خلاص
سجدة: اخيرا
فهد بحب: الفستان يجنن عليكي
سجدة: شكرا
فهد: ده اخرك في الكلام الحلو
سجدة: في مشكله
فهد: ايه هيا
سجدة: انا كنت لابسه طرحه لون الطقم ودي مش هتلوق علي الفستان اعمل ايه دلوقت
فهد: انتي مش هتحتاجي حجاب
سجدة: ازاي
فهد: قولتلك ميت مره محدش يقدر يقرب من هنا دا مكاني الخاص محدش حتي من الخدم او الحرس او ابويا حتي مبيجيش هنا
سجدة: تمام
فهد بيقرب منها وبشيل ابوس الي في شعرها فبينسدل علي ضهرها وبتزداد جمال
سجدة: ليه كده
فهد: كده احسن
سجدة: علي فكره
فهد: ايه
سجدة: البدل تحفه
فهد: اتعلمتي تقولي كلام حلو
سجدة: انا بقول الحقيقه
فهد: طب يلا وبياخدها من ايدها وبيطلعوا بره وسجدة بتكون وقفه مستغربه وفجتة بتلاقي ضوء في السما وبعدين بتلاقي قلب ومكتوب فيه seni seviyorum Sajda (انا احبك سجدة)
سجدة بفرحه: تحفه
فهد بيقرب منها وبيمسك ايديها وبتلاقي الورد نازل عليهم والانوار يتشتغل فالمكان كله وبيكون مزين بطريقة احترافيه
سجدة: كل ده علشاني
فهد بحب: طبعا
سجدة بتكون وقفه وهيا سعيدة جدا وههد جنبها وبتلاقي قلب في الارض وبينور
فهد بحب: بحبك
سجدة: وانا بحبك
فهد بيحضنها جامد والموسيقي بتشتغل والاتنين بيرقصوا ومل واحد فيهم سعيد جدا وكانه ملك الدنيا كلها وبعد مبيخلصوا الرقصه فهد بينزل علي رجله وبيطلع خاتم من الالماس وبيقولها بحب: تقبلي تتجوزيني يا سجدة تقبلي تكوني( نجمتي القطبيه⭐)
سجدة بفرحه وحب: اقبل يا سيد فهد
فهد بيلبسها الخاتم وبيطلع خاتم رجالي من الفضه وبيديهولها وهيا بتلبسهوله بحب وبيشيلها وبيلف بيها وبياخدها وبيقعدوا علي التربيزه وبياكلوا
سجدة: اكلتي المفضله
فهد: امال الايام الي قضناها تعارف دي كنا بنعمل فيها ايه
سجدة: شكرا يافهد انا بجد محظوظه بيك واتمني انك متفارقنيش ابدا
فهد: انا الي محظوظ بيكي وعمري مهسيبك ابدا ياحبيبتي
سجدة بمرح : قولي بقي انت اتعلمت تركي امتي
فهد: تعرفي انا قعدت كام يوم علي ما اتعلمت الكلمتين دول
سجدة: انت الي عامل كل ده بنفسك
فهد: طبعا
سجدة: وانا اقول طالعه حلو ليه
فهد: علشان معموله ليكي يا نجمتي
سجدة: هو انا بقي بنوتك ولا اميرتك ولا نجمتك
فهد: كل دول بس نجمتي المحببه ليا لانك بصي النجمه الي بتلمع ديه
سجدة: اه
فهد: انتي زيها كده منوره حياتي انا بنسبالك ايه بقي
سجدة: انت اميري
فهد: ايه سبب اللقب
سجدة: شوفت قصص الاميرات بيجلها امير وينقذهم ويقف جنبهم دايما وانت كده علشان كده قولتك يا اميري
فهد: هفضل اميرك الي بيحميكي طول العمر
سجدة: وانا هفضل نجمتك الي منوره حياتك
________________________________________
في الصباح فهد بيفوق من النوم وبيحس بحمل فوقيه وبيلاقيها سجدة فهد بيبوس جبينها بحب وبيقولها هحميكي من اي حاجه تاذيكي ياسجدة وبينيمها علي السرير برفق وبيقوم يجهز نفسه سجدة بتفوق من النوم وبتشوف فهد وهو طالع من الحمام ولابس وجهز
سجدة: الساعه كام
فهد: الساعه عشره
سجدة بتنط من علي السرير وبتقول: هنتاخر علي الشركه
فهد: اجازه انهارده
سجدة: ليا
فهد: ليا وليكي
سجدة: اممم هدخل اجهز انا كمان وبتجهز نفسها وبتكون وقفه قدام المرايا بتظبط حجابها فهد بيقرب منها
سجدة: في ايه
فهد: شعرايه بره الطرحه
سجدة: مشوفتهاش
فهد: تمام وبيدخل الشعرايه وبعدين بياخدها وبيطلعوا يركبوا العربية وبيرجعوا القصر
__________________________________________
بيوصلوا البيت وبيدخلوا القصر وسجدة بتلاقي الجد قاعد علي الكرسي بتجري عليه وبتقوله: صباح الخير يا جدو
الجد: صباح النور يقلب جدو
سجدة: اخدت العلاج
الجد: ايوه وانا اقدر مخدهوش
سجدة: براڤو
الجد: كنتو في الكوخ صح
سجدة: اه
الجد: تعرفي انو محدش دخل الكوخ ده غيرك وده يدل انو حفيدي بيحبك قوي
فهد بضحك: قوي قوي يا جدي
سجدة: بس علفكره كان خاطفني
فهد: انا
سجدة: اه
فهد: بقي كده
سجدة: بس احلي خطفه ياجدو
فهد: لحقتي نفسك
الجد: عندي ليك خبر حلو
فهد: ايه هوا
الجد: مالك ابن عمك رجع من السفر وطلع علي اوضته يغير هدومه
فهد: بجد مش مصدق نفسي بقي كل السنين دي ولسه راجع لما اشوفه بس
مالك من خلفه: وانا اهو يا ابن عمي
فهد بيروح عليه وبيحضنه
مالك: واحشني قوي
فهد: انت اكتر ايه الغيبه دي
مالك: يلا بقي
فهد: حمد لله علي سلامتك
مالك: الله يسلمك انا سمعت انك اتجوزت وانها بنت عمتي
فهد: اه
مالك بيمد ايده يسلم علي سجدة فهد بيمد ايده يسلم عليه وبيقوله سلامك وصل
مالك بضحك: يبني ده سلام عادي
فهد بعصبيه بسيطه: مشي حالك ولا الضرب بتاع زمان وحشك
مالك: لا وعلي ايه
________________________________________
العيله بتكون متجمعه علي الغدا ومره وحده فهد بيقول: عندي ليكم خبر حلو
سليم: ايه هوا ياولدي
فهد: طبعا كلكم عارفين اني اتجوزت سجدة بسرعه فعلشان كده قررت اننا نعيد جوازنا تاني
سليم بفرحه: احلي خبر سمعته ياولدي
الجد: مبروك ياولدي
حور: ايوه بقي هحضر فرح اخويا
ميرنا ومراد: قرار موفق يا ابيه
حمدية بحقد: مبروك يا فهد
فهد: الله يبارك فيكي يامرات عمي
الجد: علي بركة الله كمان يومين نعمل حفله خطوبه بسيطه كده
فهد: تمام ياجدي
______________________________________
عند حمدية في الوضه
حمدية: انت هتسكت علي الي بيحصل ده
مالك بشر: متقلقيش ياما حق اختي مش هيروح وقبل الخطوبه ياهو يا مراتو هيكونو في القبر
حمدية: حق اختك مش هيروح
_______________________________________
فهد بيدخل المكتب ويلاقي ورقه وبيفتحها يشوف ايه الي فيها وبينصدم من الي بيقراه وبيهبد الكرسي يوقعوا في الارض ووووووووووووو
•تابع الفصل التالي "رواية اسيرة الوحش" اضغط على اسم الرواية