رواية همس الاسر الفصل الرابع 4 - بقلم الكاتبة الصغيرة
هيباتوا مع بعض ولان شريف مش بيبات في العاده في البيت بالليل
همس : لينا يا لينا اصحي اصحي يا حبيبتي
صحيت لينا على صوتها وبصت حواليها واستغربت من المكان بس فجاه افتكر كل حاجه وبصت لهمس
لينا : صباح الخير
همس : صباح النور يا حبيبتي
همس : قومي يلا عشان نتوضي ونصلي ونروح المستشفى
لينا : بس الوقت لسه بدري
همس : ما احنا لسه هنتوضي ونصلي ونفطر كمان وعلى وقتها يكون الميعاد جه قومي انتي بس
قامت همس من على السرير وفتح دولاب الهدوم وطلعت دريس باللون الوردي وحجاب اللون الابيض وحطيتهم على السرير جنب لينا
همس : انا هروح احضر الفطار وانتي اتوضي وصلي والبسي الدريس ده واطلعي ليا الصاله عشان ادخل انا كمان اغير والمصليه هتلاقيها عندك اهي
لينا : حاضر
خرجت همس من الاوضه وسابتها براحتها عشان تصلي وبعد فتره خرجت لينا من الاوضه ودخلت المطبخ لهمس اللي كانت بتجهز الفطار
لينا وهي بتدور بالدرس : ايه رايك شكله حلو
همس : قمر يا حبيبتي بسم الله ما شاء الله
لينا : طب يلا انتي كمان روحي صلي والبسي عشان نروح
همس : بس هطلب منك طلب
لينا : اتفضلي همس خلي حور معاكي لحد ما اخلص لبس واول ما اخلص هاجي بسرعه
لينا : بس كده ولا تقلقي خليها معايا انا كده كده بحب الاطفال وهي عسوله بسم الله ما شاء الله ميهمكيش انتي روحي يلا عشان متتاخريش
ابتسمت همس لها ودخلت الاوضه وبعد مده خرجت هي كمان وحطت الفطار علي السفرة وفطروا وبعدها علي طول راحوا علي المستشفى
******************************************
في المستشفى كان شريف قاعد لانه وصل من بدري ومكنش لسه روح لان همس اتصلت عليه وعرفته ان لينا بايته معاها وانه مينفعش ييجي وهو علي ما صدق
دخدخلت همس ولينا المستشفى وراحوا للاوضه اللي كان يحيى فيها ولقوا شريف قاعد وماسك التليفون ومش داري باللي حواليه قربت همس منه
همس : صباح الخير
شريف : صباح النور
همس : ها الدكتور قال نقدر نشوفه ولا لا
شريف : هما نقلوه لاوضه عاديه وقال لهم نقدر نشوفه انا فضلت هنا لاني عارف انكم هتيجوا على الاوضه دي
همس : طب يلا بسرعة
اخذهم شريف على الاوضه اللي يحيى اتنقل فيها ودخلت همس ولينا وهو فضل واقف بره محدش اهتم ويحيى فاق اول ما حس بحركه جنبه
همس : الف سلامه عليك يا يحيى
بص يحيى ناحيتهم واول ما شاف لينا انصدم
يحيى : هو انا مت ودخلت الجنه ولا ايه
همس ضحكت على كلامه وقالت : يبقى انا اتاكدت دلوقتي انك كويس
لينا : الف سلامه عليك يا استاذ يحيى
يحيى : يعني انا لسه عايش اومال مين القمر دي
همس : القمر اللي خبطتك
يحيى : يعني انتي اللي خبطتيني
لينا : والله مكنتش اقصد انا مشوفتكش والله
يحيى : من غير ما تحلفي انا مصدقك اتكسفت لينا من كلامه وهمس ضحكت عليهم لان هو في موقف مينفعش انه يعاكس فيه
همس : هو ده وقته يعني ده وقت بالذمه انت شايف انك تعاكس فيه
يحيى : يعني بالذمه اشوف القمر ده واسكت
اتحرجت لينا من كلامه وقالت : استاذن انا بقى انا اطمنت عليك دلوقتي وهبقى ارجع في وقت تاني
همس : ما تستني شويه كمان
يحيى : ايوه والنبي اقعدي بس شويه كمان شويه صغيرين
لينا : معلش والله انا مقدرش انا مروحتش من امبارح ولازم اروح
همس : تمام مع السلامه ولو احتاجت حاجه ابقي اتصلي عليا
لينا : مع السلامه
خرجت لينا من الاوضه ودخل شريف بعدها وقرب من يحيى
شريف : ها يا وحش بقيت عامل ايه دلوقتي
يحيى : الحمد لله كويس
شريف : عاملك مفاجاه انت عارف مين اللي جايلك دلوقتي عشان يشوفك
يحيى : مين
شريف : اسر بذات نفسه
يحيى : اسر نفسه ده انا مشوفتهوش من زمان اوي
شريف : ايوه احنا ما بينا شغل دلوقتي ولما عرف باللي حصلك اصر ان ييجي يشوفك هو زمانه وصل دلوقتي وجاي
همس : طب انا دلوقتي هخرج اجيب مايه وهرجع تاني
خرجت همس من الاوضه وسابتهم هما الاثنين بعدها بدقايق استاذن اسر ودخل الاوضه اول ما شافهم راحلهم بسرعه
اسر : الف سلامه عليك يا يحيى
يحيى : بقى كده يا جزمه ما تسالش عليا واول ما تسال اكون عامل حادثه
اسر : مشاغل والله بقى معلش تتعوض
يحيى : على العموم انت عامل ايه دلوقتي
ياسر : الحمد لله انت اللي عامل ايه دلوقتي
يحيى : انا كويس اهو قدامك مفيش بس غير كسر في الرجل الشمال وانا بقيت كويس دلوقتي
اسر : الحمد لله
في الوقت ده دخلت همس عليهم الاوضه بعد ما خبطت على الباب
همس : انا جيبت مايه مين اللي عاوز يشرب
بص الكل لها واسر بص لها اوي واول ما لمح عيونها انصدم وقرب منها بسرعه
اسر بصدمه : انتي
- يتبع الفصل التالي اضغط على ( رواية همس الاسر) اسم الرواية