رواية جعلتني اقوى الفصل الرابع 4 - بقلم شيماء صبحي
وفي مؤمريه خارج المدينه ..اتجه يونس وفريقه داخل مخزن مهجور بيتم فيه عمليات تهر”يب لنوع من اخطر انواع المخد””رات الي بتترحل من روسيا لمصر عن طريق مراكب مجهوله … كانوا في المخزن اربع رجاله في انتظار الشحنه اللي بقيت العصابه بيستلموها..
يونس وقف وهوا بيعطي التعليمات لفريقه وقرر انهم هيفضلوا واقفين مكانهم لحدما العصابه ترجع باللشحنه ويقبضوا عليهم متلبسين…!
كانو الرجاله اللي موجودين قاعدين بيتعا””طوا من المخدر””ات الموجوده وهما بيضحكوا بطريقه مخيفه دليل علي ان النوع قوي جدا وبيأثر علي المخ لدرجة انه بيخليهم يفقدوا الاحساس تماما..
يونس كان بيبص عليهم وهوا متضايق لانهم لسا شباب وبيضيعوا نفسهم باللي بيعملوه .. عدي وقت والعصابه اللي بتستلم الشحنه وصلت..
الرجاله وقفت تستقبلهم وهما مش في وعيهم لحدما الزعيم بتاعهم رش في وشهم سائل احمر خلاهم يناموا من كتر الوجع وهوا بدا يتكلم مع بقيت رجالته ويعرفهم الخطه اللي حطها علشان يوزع البضاعه للتجار بتاعهم..
واول ما فتحوا الصندوق هجم عليهم يونس وفريقه وقفوا رجالة العصابه بصدمه ولاكن واحد جه من وراهم وبدأ يضر”ب النا”ر علي يونس وفريقه وبداوا يضربوا علي بعض لحدما يونس وفريقه قدروا يسيطروا عليهم واخدوهم للبوكس واخذوا البضاعه اللي كانت معاهم ولاكن قبل ما يونس يخرج جه شخص من وراه وضر”ب عليه نا”ر و قدر يونس يتفاداها ولاكنه وقع علي ازاز مكسور جرح دراعه وكان الجرح عميق..
قرب عسكري من يونس بعدما مسك الشاب اللي ض”رب نا”ر وهو بيقول بقلق” انت كويس يا فندم ..
يونس وقف بصعوبه وهوا بيهز راسه وبعدها قال” انا كويس خلينا نمشي من هنا يلا ..
العسكري مسك الشاب وركبوا البوكس ورجع تاني ساعد يونس يركب العربيه وبعدها اتحركوا للقسم ….
_____________
وفي بيت جدة يونس …
كان الوقت اتاخر وروح كانت صاحيه لانها خايفه تنام لوحدها وكانت محروجه تصحي الست ماجده وتعرفها فقررت انها تقعد في الصالون وهيا صاحيه لحدما الصبح يطلع وعدي وقت وهيا علي نفس الحال لحدما الباب فجاه اتفتح ودخل منه شخص طويل وعريض وقتها روح فكرت انها بتتخيل وفضلت ضمه نفسها برعب وهيا بتبص عليه لحدما الشخص دا شغل النور وباص عليها باستغراب…
روح فتحت عينيها بالراحه لما لقت ان الشخص دا مقربش منها واتصدمت لما لاقته يونس.. بقلمي شيماء صبحي
عدلت نفسها وهيا بتبصله وهوا قرب منها وهوا بيقول ” انتي كويسه..
روح هزت راسها وهيا محروجه لانه شافها وهيا بالوضع دا
ويونس كان بيغمض عينيه من الآلم لان الجر”ح الي في ايديه لسا بيوجعه..
روح كانت بتبص علي ملامحه وملاحظة انه مش بخير قربت منه وهيا بتخبط علي دراعه بصوباعها وهوا انتبه ليها وهز راسه وقال” نعم يا روح.
روح خجلت من نظراته ليها ولاكنها استجمعت قوتها وشاورتلها وهيا بقتول ” انت كويس..
فضل مركز مع طريقة شرحها لحدما ما فهمها وقال” انا كويس متقلقيش بس هوا جرح صغير..
روح بصتله بصدمه وقلق وقالت” جرح ايه..
يونس وراها دراعه اللي كان ملفوف بالشاش وقال” جرح بسيط بس بيوجعني شويه متقلقيش ..
روح بصت لدراعه وهيا ضامه حواجبها بحزن وبصتله وقالت” انت متاكد انه صغير مش كبير…
يونس حرك راسه بعدما فهم كلامها وقال” ايوا صغيرمتقلقيش ..
روح حركت راسها وابتسمت وبعدها سكتت وهي باصه علي الارض..
كان يونس بيبص عليها وهوا شايفها بتقاوم النوم وقال.. روح انتي منمتيش ليه..
روح بصتله وحركت راسها بمعني انها هتنام وهوا ابتسم وقال” انتي خايفه تنامي لوحدك تاني..
حركت راسها بخجل وهوا قال ” طيب متخافيش تعالي معايا .. قال كلامه ومسك ايديها وهوا بيقول بهمس” هنروح اوضتي اللي فوق هيا فيها سرير كبير وكنبه ومتخافيش انتي هتنامي علي السرير وانا هنام علي الكنبه..
روح هزت راسها وهوا كان باصص عليها ومستغرب ازاي بيتعامل معاها بالطريقه دي رغم انه طول الوقت ييكون جد جدا وحتي خطيبته كان قاسي معاها في المعامله..
وصلوا لاوضته وهو قرب من السرير وهوا بيحاول يعدله ولاكن دراعه بدأ يوجعه تاني .. روح انتبهت ليه وحست انه مش قادر من دراعه فقربت هيا وشاورتله انها هتعدله وانه يروح ينام ..
هز راسه وهيا بدات تعدل السرير بنفسها وبعد وقت مش كبير كانت نامت روح وهيا مطمنه لانه موجود معاها….
يونس كان شايفها وهيا نايمه لان الكنبه قدام السرير بالظبط كان مركز مع ملامحها البريئه وحركت شفايفها اللي شبه حركة الاطفال كانت حا”ضنه المخده وضغطة عليها جامد وكانها بتتحامي فيها فضل يبص عليها لحدما غلبه هوا كمان النوم واستسلم
_______________
وفي صباح تاني يوم صحيت روح من النوم علي صوت ماجده وهيا بتصحيها .. قامت روح وهيا بتبص حواليها بصدمه وبعدها استعوبت انها في امان بصت لماجده وابتسمت وماجده قالت باستغراب ” انتي ايه الي نيمك في أوضة يونس يا حبيبيتي …
روح بصت حواليها وهيا بتدور علي يونس ولاكنها لاقت الاوضه فاضيه قالت بخجل ” انا …؟
ماجده لاحظت خجلها وتوترها فابتسمت وهيا بتقول” خلاص تعالي متقلقيش هوا اصلا يونس خرج من بدري وهوا اللي طلب مني أصحيكي علشان هيجي ياخدك في نص اليوم علشان موضوع خاص بيكوا..!
روح بلعت ريقها وهيا بتبصلها وبتهز راسها وبعدها ماجده قالت” انا هنزل احضر السفره وانتي اجهزي وانزلي ورايا علشان نفطر مع بعض ..
روح هزت راسها وماجده ابتسمت وخرجت من الاوضه وسابتها لوحدها…
كانت روح بتبص حواليها وبتتفرج علي شكل الاوضه والروسمات اللي فيها ابتسمت لما لقت صوره صغيره لطفل خمنت انه يبق يونس كان من غير هدو”م
كانت مكسوفه جدا لان الصوره شكلها يضحك ..
قامت وهيا بتدخل الحمام علشان تجهز وتنزل تقعد مع جدة يونس…
___________
وفي دار الأمل لرعاية الآيتام …
صحيت عبير من النوم علي صوت دوشه حواليها فتحت عينيها بتعب لانها منمتش غير ساعتين بس ولقت ان البنات كلها فرحانين وكل واحده فيهم ماسكه دريس وبتقيسه … عبير قامت قعدت علي السرير وهيا بتقول بإستغراب..
في ايه يابنات ايه اللي بيحصل.. ؟
بنت بصت عليها وضحكت وقالت وهيا معاها فستان” خدي يا عبير البسي دا في كام عريس جايين هيختاروا بنات مننا وزي منتي شايفه كدا كل واحده بتحاول تطلع احلي واحده علشان اي واحد منهم يختارها..
عبير ضمت حاجبها برفض وقالت” وهما يعرفوا مين اللي جايين دول علشان يبقوا فرحانين بالشكل دا .. ؟
بقلمي شيماء صبحي
البنت بصت لعبير باستغراب وقالت” اكيد لا محدش يعرفهم بس اكيد هيكونوا احسن من منصور..
البنات كلها ضحكت وعبير هزت راسها وشدت من إيديها الفستان وهيا بتقول” طيب وسعي بق خليني ألبس انا كمان يمكن يختارني واحد منهم واخلص من التعب دا أنا كمان ..
البنت ضحكت علي كلام عبير ولاكن عبير مضحكتش وبدأت تلبس الدريس وكان شكله قديم ولاكنه كان حلو اوي علي عبير ….
عدي ربع ساعه وكل البنات كانوا لبسوا وواقفين ورا بعض علشان اول لما الباب هيتفتح هينزلوا ويقفوا قدام الشباب اللي تحت وبعدما يختاروا البنات اللي عجبتهم الباقي هيرجع تاني للعنبر….
وصل منصور وجانبه الممرضه صافيا وهما بيبصوا علي البنات بطريقه مش حلوه وبعدها منصور قال بصوت عالي…
اسموعني يا بت منك ليها الرجاله اللي تحت دي كل واحد هيختار واحده وهيتجوزها وياخدها معاه وطبعا الباقي هيطلع هنا زي كل مره ولاكن اهم حاجه الي هتعمل اي حركه كدا ولا كدا هاخدها علي الاوضة اللي كلكم طبعا بتحبوها..
البنات بصوا عليه بخوف الا عبير كانت نظراتها ليه كانت كلها تحدي وقوه ..
خرج منصور والممرضه هيا اللي فضلت واقفه معاهم وبعدها بدات تنزل البنات واحده ورا الثانيه لحدما نزلوا كلهم وكانت الرجاله دي موجودين في الحوش اللي برا المبني…
البنات بدأوا يقفوا واحده جمب التانيه وكانت نظرات الرجاله دي عليهم مش مريحه وكانوا كلهم في سن الاربعين والخمسين ولاكن في وسطهم كان شاب ثلاثيني كل البنات كانوا مركزين معاه وكل واحده بتدعي انه يختارها لانه كان باين عليه انه شخص كويس مكنتش نظراته شبه الباقي…
عبير كانت بتبص علي الرجاله دي بكره واضح في عينيها ولاكن لما عينيها جت في عين الشاب دا وقفت مصدومه مش عارفه ليه قلبها دق بالسرعه دي رغم انها بتكره حاجه اسمها رجاله ولاكن هوا فعلا نظراته كانت لطيفه مفيهاش اي نوع من انواع الشه”وه او الشر زي الباقي…
الشاب دا كان باصص في عينيها وهوا مستغرب ان ازاي واحده في جمالها تفضل عانس كدا …
وصل منصور ومعاه الممرضه صافيا وهما بيبصوا للرجاله ومبتسمين وبدا منصور يكلمهم عن البنات ويوصف كل واحده بطريقه حلوه علشان اي واحد يختارها لانهم بيدفعوله فلوس ضخمه مقابل انه هياخد البنت ويفهمها انه متجوزها ولاكنه بيكون كاتب ورقه عرفي واول ما بيزهق منها بيرميها زيها زي غيرها لانه بيكون للاسف متجوز وبيعمل كدا من ورا مراته ….
جه منصور عند عبير وفضل يبص عليها وهوا بيبتسم بخبث وقال” ودي بق عبير ٣٣ سنه بس ايه آدب واحمرام ومطيعه جدا..
قال الكلمه الاخيره بإستهزاء وعبير بصتله بكره ولفت وشها بضيق وفضلت عبير باصه في الأرض وبدأ كل واحد من الرجاله يختار اللي عجبته وفضل واحد جمب الشاب دا وكانت عينيه عليها ولاكن الشاب دا قال بصوت عالي” انا اختارت عبير…
عبير رفعت عينيها بصدمه وهوا ابتسملها وهز راسه وبعدها الراجل التاني هز راسه بيأس وقرب من واحده تانيه واختارها وبعدما كل واحد اختار واحده بدأوا يروحوا لمكتب منصور واللي كان معاه محامي وبدا يجهز الورق العرفي لكل واحده وجه عند عبير وكتب ورقتها وهيا مضت عليها والشاب دا مضي وكان إسمه مراد الشافعي وبعدما كتبوا الورقه وكانت الممرضه صافيه ومساعدينها مجهزين شويه هدوم من القديمه ومديين لكل واحده شنطه فيها بطاقتها وكل ممتلكاتها وطبعا قبل ما البنات يمشوا منصور طلب انه هياخدهم علشان يسلم عليهم وطلب من الرجاله كلها تخرج و بعدما كلوا خرج الباب اتقفل منصور بص علي البنات وقال بتحذير …انا مش عايز اهددكم بس بعرفكوا لو اي واحده قالت اي حاجه من اللي كانت بتحصل هنا مش هيكفيني فيكوا طل”قه انتوا فاهمين…
البنات هزوا راسهم بخوف منه وهوا قال.. اديني عملت اللي عليا وجوزتكوا بدل منتوا كنتوا مرمين في العنبر وملكوش اي قيمه ..
البنات بصوا في الارض بحزن علي كلامه ليهم وكانت عبير بصاله وساكته وهوا قرب منها وهوا بيل”مس جسم”ها وبيقول” كان نفسي اقضي معاكي الليله دي بس للاسف غيرك سبقني…
عبير لفت وشها بضيق وبعدها منصور فتحلهم الباب وقال” يلا مع السلامه متنسوش تبقوا تزوروني دانا زي أبوكوا برضوا…
البنات حركوا راسهم وكل واحده راحت مع الراجل اللي اتجوزته وعبير فضلت تبص للشاب دا بحزن وبعدها هوا مسك ايديها وقال” يلا يا عروسه….
عبير شدت ايديها بضيق وخرجت وهيا ماشيه جمبه وفي مسافه بينهم ..
فتحلها العربيه وهوا مبتسم وبيقول” اتفضلي …
بصتله باستغراب ولاكنها دخلت وهوا قفل الباب وركب جمبها وبعدها اتحرك بالعربيه وبعد ما بعدوا عن الدار بمسافه وقف العربيه وقال وهوا بيبص عليها”
بصي بق يا عبير انا عايزه افهمك اني متجوز وبصراحه انا اتجوزتك علشان غرض واحد وصدقيني عمري مهظلمك معايا انتي اول مهتجيبيلي الولد انا هكتبلك شقه وهشغلك في واحده من شركاتي وهضمنلك مستقبل كويس بس كل دا بمقابل واحد..
عبير رفعت حابها بصدمه وهيا بتقول بغضب” ايه اللي انت بتقوله دا انا مش فاهمه حاجه ..!
مراد حط ايديه علي راسها وقال” اهدي يا عبير وافهميني انا ومراتي بقالنا سبع سنين متجوزين ومفيش اي سبب واضح بيدل ان في عيب في اي حد فينا بس الدكتور قالي اني لو اتجوزت اي وادحه تانيه ممكن اخلف بنسبة ٨٠ %ارجوكي دي فرصتي الوحيده….
عبير بصدمه يعني اي انت عايزني اخلف وبعدها تاخد ابني مني وتسجلوا باسمك انت ومراتك صح :.
مراد حرك راسه وقال” بالظبط بس زي مقلتلك هوفرلك شقه في مكان كويس وعربيه ووظيفه كمان…
عبير غمضت عينيها وهيا بتحاول تستوعب كلامه وبعد تفكير هزت راسها وقالت موافقه ..
يتبع…
- يتبع الفصل التالي اضغط على ( رواية جعلتني اقوى) اسم الرواية