رواية اسيرة الوحش الفصل الرابع 4 - بقلم ساجدة
اسيرة الوحش /بقلم Sagda Maray
الفصل الرابع
بتصحي سجدة وبتروح الكلية وبتكون قاعدة في كافيتريا الجامعه بتدخل عليها اسراء وبتقولها: مالك ياسجدة طول اليوم سرحانه
سجدة بتعيط وبتحكيلها كل الي حصل من ساعه مقبلت فهد وبتقولها: ابن الكلب اروح اجيبهولك من شعره وامرمته في الشركة
سجدة: لا بالله عليكي ياسراء ده وحش وممكن يعملك اي حاجه متدخليش نفسك انتي وان شاء الله ربنا يقف معايا
اسراء بدموع: يعني ايه يعني اشوفك بتتدمري واسكت
سجدة: بالله عليكي بقي مفيش حاجه هتتغير خلاص ده نصيبي
وبتحضنها وبتقولها: ده ممكن يكون اخر حضن بيني وبينك سجدة بتمشي وبتروح البيت والليل بيحل بتلبس سجدة الفستان وبتلبس حجابها وبتكون زي القمر بتطلع وفهد بيكون قاعد هو والماذون والشهود وبينبهر بجمالها وبتبتدي اجراءات الجواز سجدو مش بتفوق غير علي جملة الماذون الشهيرة بارك الله لكم وبارك عليكم وجمع وبينكم في خير
فهد بياخد سجدة وبيمشي وهما طلعين ملك بتجري هليها وبتحضنها وبتقولها بهمس: مش ههنيكي عليه
سجدة في سرها: من حلوته وحبه ليا مش هتهنيني عليه وبتنزل هيا وفهد فهد بيركب العربية وسجدة لسه هتركب وره فعد قلها بصوت عالي: هو انا السواق الي ابوكي جبهولك سجدة بتركب قدام بخوف واسطول عربيات ورا فهد طبعا سجدة بتكون قاعده سانده دماغها علي الشباك وبتعيط فهد بيشوفها وبيقولها: وفري العياط لبعدين سجدة بتمسح دموعها وبتنام بيوصلو القصر وبتنزل وفهد بيمسكها من ايدها وبيطلعوا القصر فهد بيكون مفكر انها مبهورة بالقصر بس هيا بتكون مغيبه تماما بيدخولو الجناح وبيقولها: اهلا بيكي في جحيم الفهد
وبيسبها وبينزل بيلاقي الداده الي مربياه بتقوله: مين دي يا فهد باشا
فهد: دي مراتي يادادة
الدادة بصدمه: انت اتجوزت
فهد: ايوه
الداده بفرحه: مبروك
فهد: الله يبارك فيكي ياداده وبعدين مش قولنا بلاش باشا دي
الدادة: ماشي اطلع انت وهتلاقي الاكل وراك في الاوضه
فهد: بصي ياداده في شنطه فيها هدوم طلعيهالي علي الاوضه
الداده: من عنيا
فهد بيطلع بيلاقي سجدة بتعيط وبيقولها: مش قولنا وفري العياط لبعدين اسكتي بقا وبيدخل الحمام ياخد شاور وبعدين الداده بتخبط علي الباب سجدة بتفتحلها الداده بتنبهر بجماله وبتقولها: ما شاء الله تبارك الرحمن فهد باشا عرف يختار
سجدة بابتسامه: شكرا لحضرتك
دادة فاطمة: اتفضلي يا هانم دي شنطة الهدوم الي استاذ فهد جيبهالك
سجدة: شكرا يا طنط بس ارجوكي بلاش هانم دي اسمي سجدة سجدة وبس
فاطمه ببسمه: ماشي يحبيتي وبتنزل سجدة بتفتح الشنطة وبتلقيها مليانه قمصان وهدوم قصيره سجدة بصدمة: متكبر ومغرور وسافل كمان
بتقعد تدور لغاية مبتلاقي بيجامه ستان لونها بينك بتاخدها تلبسها وبتفرد شعرها وبتسرحه فهد بيطلع من الحمام وهو لابس بنطلون ابيض قطني وعليه تيشرت اسود بيبص جهة اليمين وياريته مبص بيلاقي حورية من حوريات تلبح واقفه قدامه وشعرها البني منسدل فوق ظهرها وفجاة بيلاقي الباب بيخبط بيفتح بيلاقي الدادة بياخد منها الاكل وبيقولها: شكرا وبيقفل الباب
فهد بيقول لسجدة: يلا علشان تاكلي
سجدة: شكرا مش عايزه
فهد: انا مش بطلب منك انا بامرك
سجدة: انا مش جعانه
فهد: طب تعالي كلي بدل منقوم ناكلك بطريقتي
سجدة بتقعد تاكل وبتخلص اكل تليفون فهد بيرن بيطلع البلكونه يرد بيلاقي سجدة بتلم شعرها وبترفعه لفوق بيقرب منها وبيحضنها من ضهرها وبيدفن راسه في رقبتها وبيبوسها
سجدة بعياط: ابعد عني
فهد بيكمل الي هوا بيعمله بيلاقي سجدة بتقوله: بالله عليكي ابعد عني متقربليش
فهد باستفزاز: هبعد عنك بس بشرط
سجدة: ايه هوا
فهد:««««««««««
يا تري ايه هو الشرط
التفاعل يزيد هنزل فصل كمان
•تابع الفصل التالي "رواية اسيرة الوحش" اضغط على اسم الرواية