رواية حبي الوحيد الفصل الرابع 4 - بقلم جنى
البارت الرابع❤️
علي؛
ندي: حاااااااااسب العربية
والعربيتين ضغطوا علي الفرامل لكن خبطوا في بعض صاحب العربية هرب وعربية علي وندي كان متدمرة من قدام وعلي اتخبط في رأسه خبطة شبه قوية لأن حزام الامان حماه وكذلك ندي
ندي بفزع: بابا بابا انت كويس
علي بفزع وخوف: اه اه كويس انتي كويسة حصلك حاجة
ندي بخوف: لا الحمدلله كويسة بس راسي بتوجعني وحاسة أن في حاجة نازلة علي رقبتي.............علي بص علي راسها لقاها بتنزل د"م بغزا"رة
علي بفزع: ندي انتي بتنـ"زفي من راسك...........وندي كانت حاسة أنه هيغمي عليها لكن بتحاول تتماسك
علي بتعب: احنا لازم نروح المستشفي.....وبيدور العربية عشان يتجه للمستشفي مكانتش عايزة تشتغل
علي بعصبية: ااااااه اشتغلي بقا مش وقت عطلة .......وكلم ناس يجيبوله عربية علي اللوكيشن اللي هما فيه وعلي نزل جاب عربية الاسعافات الأولية ولف الجر"ح بشاش بحيث أنه يوقف النز"يف
علي: ندي ندي جبت عربية الاسعافات اهي..........وندي كانت بتساعده أنه يغير علي الجرح وبعد ربع ساعة العربية وصلت واتجهوا علي اقرب مستشفي
"في المستشفي"
علي: نقااالة بسرعة....جه دكتور يشوف ندي
الدكتور:الجر"ح عميق لازم يتخيط بسرعة......وانت كمان عندك جر"وح لازم تضمد
علي: مش مهم انا اهم حاجة بنتي
الدكتور: انتوا الاتنين مهمين وناده علي الدكاترة التانية عشان يغيروا الجر"ح بتاع علي وخيطوا جرح ندي وجرح علي وضمدوا الجروح السطحية
بعد شوية ندي فاقت
ندي وهي ماسكة رأسها: اه اه راسي
علي: ندي ندي انتي كويسة
ندي: اه الحمدلله كويسة... الساعة كام؟!
علي: الساعة4
ندي: احيييييه ماما زمانها قلقانة علينا
علي: متخافيش يا حبيبتي هي كلمتني وانا طمنتها
ندي: اوووف ايه دة انا كنت عاملة حسابي اني هروح انام واصحي بدري اجهز لعيد الميلاد كدا ماما زمانها زعلت
علي: مش مهم عيد الميلاد اهم حاجة اننا بخير مش كان احسن من أننا نعمل حدثة لقدر الله
ندي: طيب انا عايزة اروح مش بحب جو المستشفيات دي
علي بضحگ: دة احنا حياتنا كلها في المستشفي
ندي: لا مستشفي نفسية
علي بضحك اكتر: ما هي كلها مستشفيات
ندي: طيب يلا نروح .....وعلي خلص كل حسابات واجراءات المستشفي وراحوا ركبوا العربية بس كان في سواق بيسوق عشان علي كان تعبان وروحوا البيت ووصلوا
نادية بخوف: ندي حبيبتي عاملة ايه في حاجة بتوجعك
علي: وانا كمان عملت معاها نفس الحا"دثة
نادية:الف سلامة عليكوا انتوا الاتنين اخلي هنادي تعملك اكل تعوضي بيه الد"م اللي نز"فتيه
ندي: لا لا مش عايزة اكل انا عايزة اناااام
نادية: ازاي يعني هتنامي من غير اكل
ندي وهي طالعة علي اوضتها: عاملة دايت
نادية لـ علي:ايه كل الاكياس دي
علي: الاكياس دي اه اه دة الأدوية
نادية: كل دي أدوية
علي: ما احنا جبنا شوية حاجات كدا لندي
نادية: طب بذمتك في ناس عاملة حادثة يروحوا يشتروا شوية حاجات
علي: احنا جبنا الحاجات دي بعد ما طلعنا من المستشفي علي طول
نادية وهي طالعة علي اوضتهم: مع اني مش مصدقاك بس ماشي
علي: استني انا كمان جاي
__________________
"في صباح فيلا الجرحي"
سليم: صباح الخير
الجميع: صباح النور
ليل: ايه يا مراد شايفك متشيك كدا ايه رايح تتجوز ولا ايه
مراد: لا ولا جواز ولا حاجة هروح النادي انهاردة
سليم بصدمة: هتروح لوحدك
مراد بعصبية بيحاول يخفيها: هو انا صغير فيها ايه لما اروح لوحدي
فريدة: والنبي والنبي خدني معاك يا مراد
ثريا: تروحي مع مين انتي عندك محاضرات
فريدة: مش لازم اروح هبقي اكلم صاحبتي تبعتلي المحاضرات وبعدين يا ماما كل شوية مذاكرة ومحاضرات عايزة اغير جو بقا.. ثريا كانت لسة هتعترض لكن سليم رد
سليم: موافق بس بشرط
مراد بفرحة: اوكي ايه هو الشرط
سليم: اولا تاخد حراسة معاك
مراد بعصبية: اخد حراسة ليه هو انا صغير
سليم: مش صغير بس انت عارف اعدائنا ممكن في أي لحظة يعملولك أو يعملوا لأختك حاجة
مراد: ماشي حاجة تانية
سليم: اه تاخد علاجك
مراد بملل: ماشي حاجة تاني
سليم بضحك: كفاية كدا
مراد: يلا يا استاذة فريدة
فريدة: ايه دة انا لسة باكل
مراد: والله هسيبك وامشي
فريدة: لا لا خلاص جاية اهوا هطلع اجيب شنطتي
مراد بيجز علي سنانه: ماااشي بسرررعة
وفريدة جابت شنطتها ونزلت وركبوا العربية ومع حراسة طبعا وليل وسليم راحوا الشركة
____________
"في الشركة"
ليل دخل مكتبه لقا مازن قاعد مستنيه
ليل: ايه قاعد في مكتبي ليه ومطلعتش علي مكتبك ليه؟!
مازن بتكبر مصطنع وبيقلد ليل: متاخر 55 ثانية ليه يا استاذ
ليل بضحك: انقلب السحر على الساحر علي الاقل اتاخرت 55 ثانية مش 55 ساعة وبعدين انا عمري ما اتاخرت
مازن: انا عمري ما اتاخرت يا بابا
ليل: بإمارة لما رنيت عليك بقولك فينك مجتش الشركة ليه قلتليه ايه دة هو في شركة انهاردة
مازن بيعمل نفسه بيفكر: امتي دة؟!
ليل: لو قعدت اتكلم اتاخرت كام مرة مش هنخلص
مازن: المهم في حتت صفقة لو خدناها هتودينا عالم تاني
ليل: عارف لو اخدت الصفقة دي ليك عندي هدية
مازن: اعزمني علي الغدا
ليل: هموت واعرف انت مش بتشبع اكل وبعدين ياريته باين عليك
مازن: جيم بقا ورياضة انا اصلا من تركيا
ليل: طيب يا استاذ تركي تعالي نشتغل بقالنا نص ساعة بنتكلم
مازن فضل يحكيله الصفقة وبعت ورق الصفقة لسليم وشوية ورق يشوفه
_______________________
"في فيلا الاسيوطي"
ندي صحيت وخدت شاور وغيرت علي الجرح ولبست دريس بينك واسع وطويل وفردت شعرها وحطت بيرفيوم ونزلت
ندي: صباح الخير يا ماما صباح الخير يا بابا
نادية: صباح النور يا ندي عاملة ايه دلوقتي
ندي: الحمدلله خدت شاور بالعافية وكنت بحاول مجبش مية علي الجرح.......علي غمز لندي وندي فهمت قصده وطبعا خد إجازة من المستشفي وعرف وبدأ علي في الكلام
علي: نادية حبيبتي ايه رأيك لو خرجنا انا وانتي انهاردة
نادية: خروحة ايه بس انت لسة تعبان
علي: ما انا عشان تعبان مش عايز احسس نفسي بتعب وعايز أخرج
ندي بسرعة: أيوة يا ماما اخرجي انهاردة هتقعدي تعملي ايه
نادية: بس.....
ندي: مبسش هتروحي يعني هتروحي
نادية بتردد: ماشي....وخلصوا فطار وعلي خد نادية وراحوا ركبوا العربية وعلي غمز لندي وندي غمزتله بضحك واول ما نادية وعلي مشوا ندي بدأت في شغلها
ندي: هنادي يا هنادي
هنادي: نعم يا ست هانم
ندي: يا هنادي انا في مقام بنتك بلاش ست هانم دي
هنادي: ماشي كنتي عايزاني في ايه
ندي: انهاردة عيد ميلاد ماما وعايزين نعلق الزينة ونعملها مفاجأه
هنادي: ماشي هساعدك....وبدأوا في الشغل
ندي بتعب: هنادي اطلعي هاتي الدوا بتاعي من اوضتي فوق
هنادي: حاضر.... وجابت الدوا وندي اخدته وريحت شوية ورجعوا يبدأوا شغل من تاني
____________
"في الشركة"
ليل: مازن انا عازمك علي الغدا بكرا
مازن: بمناسبة ايه
ليل: هو لازم يكون فيه مناسبة
مازن: اوعي تلغي عزومة الصفقة
ليل: لا لا متخافش
مازن: طب يلا نروح
ليل: والورق دة
مازن: مش مهم بقا بكرا
ليل: طيب يلا نروح
طبعا مراد وفريدة راحوا النادي وقعدوا شوية وروحوا البيت والحراسة كانت محرسة عليهم جامد
_________________
"في فيلا الاسيوطي"
ندي: الحمدلله خلصنا
هنادي بتعب: اخيرا انا تعبت
ندي: معلش اهم حاجة أننا خلصنا.....وسمعوا صوت الباب وهو بيتقفل
ندي بسرعة: طفي النور..طفي النور
هنادي بقلق: ايه دة الفيلا سكوت كدا ليه
علي بخبث: ادخلي بس
ندي بصوت عالي: Surprise مفاااجأة
نادية بفرحة: ايه دة
ندي: كل سنة وانتي طيبة يا احلي واجمل دودو في الدنيا
نادية: دودو دة انا مش بقولك دودو....وندي حضنت نادية جامد وقالت: انا بحبك يا احلي دودو في الدنيا
علي: كل سنة وانتي طيبة يا نادية وعقبال مليون سنة
نادية: فكرت انكوا نسيته العيد ميلاد عشان الحادثة وكدا
علي: انا لا يمكن انسي مناسبة زي كدا
ندي: ننسي ايه دة احلي مناسبة
نادية بدموع: ربنا يخليكوا ليا...ايه دة هنادي كمان مشتركة معاكوا
هنادي: كل سنة وانتي طيبة يا ست هانم
نادية: ما بلاش ست هانم دي
هنادي: حااضر....وعملوا العيد ميلاد وكان يوم حلو
يتبع.........
بجد اسفة جدا علي التأخير بس كتبت البارت واتمسح وكتبته تاني❤️❤️
تفاعللللل حلو بقا قدروا تعبي ورايكوا في الرواية🫶❤️
•تابع الفصل التالي "رواية حبي الوحيد" اضغط على اسم الرواية