رواية حوريتي الجميلة الفصل الخامس 5 - بقلم نور محمد

  

 رواية حوريتي الجميلة الفصل الخامس 5 - بقلم نور محمد   

:ها  طمني يادكتور مراتي بقت كويسه 

:انا عملتها غسيل معده وبقت كويسه الحمد لله،بس لازم نبلغ الشرطه حضرتك لان دي حالة تسمم حاد، ولو اتأخرت شويه  كمان كانت المريضه ماتت للاسف

حسن سمعه بصدمه وغضب وقال: اييه، حاله تسمم حاد!! انت متأكد يادكتور 

:ايوه ياستاذ فيه ماده مسممه كانت في اكل المريضه،بس الحمد لله لحقتها في اخر لحظه

:تمام شكرا يادكتور،ومفيش داعي لشرطه لو سمحت 

:تمام زي ماتحب يافندم عن ازنك

رحل الدكتور وحسن دخل غرفه حور بحزن عليها،وقعد جنبها قبل ايدها بحنيه وقال

:انا اسف ياحوري،كل ده بسببي

فاقت حور على لمسته وفتحت عنيها بتعب وقالت:حسن انا فين؟

:انتي في المشفي دلوقتي ياحبيبتي وبقيتي كويسه الحمد لله،بس انا عاوز اسئلك عن حاجه ممكن 

:اكيد ياحسن اتفضل 

بشك:انتي اكلتي حاجه من الصبح ياحور؟

بتذكر:ايوه انا بس فطرت مع شهد وماما،وهي كانت محضره ليا اكل مخصوص علشاني،تعرف ياحسن ماما سلمي كانت بتعاملني حلو اوي من الصبح،وانا فرحانه اوي 

ابتسم حسن على برائتها وقال:تمام ياحوري نامي علشان انتي لسه تعبانه اوك

:اوك ياحسن تصبح على خير

قرب منها وقبل جبينها بحب،وسابها وخرج من الغرفه،وفجأه لقى امه اجت وهي متوتره وخايفه اوي

: طمني ياحسن حور بقت كويسه 

بخبث:ايوه ياأمي بقت كويسه الحمد لله،لحقتها في اخر لحظه،وعرفت كل حاجه  كمان

:تمام الحمد لله،ايه قصدك عرفت كل حاجه،هو حصل حاجه يابني؟!

:ايوه حصل،تعالي معايا عاوز اتكلم معاكي ياأمي.

سلمي توتره اوي من طلبه،بس مشت معاه ونزلوا لكافيه تحت،وحسن قعد قدامها بغضب وقال

:ممكن اعرف انتي ليه حاولتي تسممي مراتي ياأمي؟

بخوف:اسمم مراتك انا ياحسن،انت بتشك في امك تعمل كده وتقتل عادي  كمان 

:بصراحه انا لو شوفت بعيني ياأمي كونت قولت عنيا بتكذب عليا،بس لما شوفت حالة مراتي وهي بين الموت بقيت اصدق أي حاجه عادي

:حسن لدرجه دي امك بقت رخيصه عندك،  انا اقتل بسهوله دي  وكمان مراتك يابني 

:انا بحكم دلوقتي بعقلي ياأمي مش بقلبي،طول عمري بفكر بقلبي بس دي محاوله قتل مراتي،وحور قالت انها مأكلتش حاجه غير الفطار ومن ايدك انتي  كمان 

:انت بتشك اني حطيت حاجه في الأكل ياحسن،طيب مانا واختك اكلنا من نفس الاكل ونفس الطبق كمان،وعندك هند في البيت اسئلها 

:تمام ياأمي مش مهم اعرف مين عمل كده ،بس انا خلاص قررت اخد مراتي لشقتي الخاصه فوق وهعيش انا وهي لوحدنا

بصدمه:انت اكيد بتهزر،عاوز تبعد عني ياحسن،دنا مش عندي غيرك انت واختك بس يابني في الدنيا

:معليش ياأمي بس انا لازم اعمل كده،لسلامه حور  وكمان كمان احنا عرسان جداد وانا حابب افضل معاها براحتنا 

بحزن وغيظ:تمام يابني اللي تشوفه 

حسن سابها وهي قالت انها تعبانه ووقت تاني تطمن على حور ومشت وحسن طلع لحور تاني وتصل على امها وقالها كل حاجه 

:حور بقيتي احسن دلوقتي 

:ايوه الحمد لله بقيت كويسه اوي

:تمام احنا لازم ترجع بس هاخدك لشقتي الخاصه،في نفس العماره بس الدور السادس تحت شقه ماما بدورين تمام 

:تمام ياحسن انا اروح معاك مكان مانت تحب ياحبيبي 

قرب وحضنتها وهو بيطمن نفسه عليها وقال:ربنا يخليكي ليا وما يحرمني منك ابدا ياحوري 

وفي منزل سلمي رجعت البيت وهي بتولع حرفيا من الغيظ

:ها ياماما ماتت اخيرا مش كده

بغيظ:لا حسن انقذها في اخر لحظه،طلعت محظوظه اوي،والمشكله ان حسن شك فيا،وقرر يسكن معاها في شقته بعيد عني 

:اييه،انتي بتقولي ايه،يعني خلاص اخدت حسن  مننا  كمان 

:لا وحيات الغالي ما هسيبها تتهني بيه،صحيح انا فشلت المره دي،بس المره الجايه هتشوفي هعمل فيها ايه؟!

:تمام ياماما لما نشوف بقى 

وعند حسن وحور اخد حسن حور ودخلوا شقته الخاصه وهي كانت زعلانه علشان حسن هيسيب بيته تحت وامه واخته لوحدهم

:يعني كان لازم ناجي هنا،ونسيب ماما وهند لوحدهم

بحنيه:معلش ياحوري بس انا حابب اقعد معاكي لوحدنا،وبعدين احنا عرسان جداد يعني لازم نقعد ونسهر سوى بدون ازعاج مش كده

حور بصت عليه بكسوف وحسن قرب حملها بحنيه ودخل غرفه النوم وحطلها على السرير بهدووء وقال

:انتي تعبانه لسه ياحوري وانا كلمت طنط هبه تاجي تقع معاكي، وانا هخرج اجيب طلبات البيت  وكمان كمان هدور على وحده تساعدك في البيت لغايه ماتخفي خالص تمام ياقلبي 

:تمام ياحسن 

:قلب حسن وخدي بالك من نفسك كويس

:حاضر 

:ياله انا همشي دلوقتي ماشي

:ماشي ياحبيبي

خرج حسن وبعد دقايق وصلت هبه ام حور وجرت حضنتها بخوف وقلق

:حبيبتي انتي كويسه،حسن قال انك تعبني اوي،بقيتي احسن دلوقتي 

:ايوه ياماما متقلقيش عليا،حسن بياخد باله مني اوي 

:ربنا يخليكم لبعض ياحبيبتي

:امين يارب ياماما

تحت عند سلمي وهند:وبعدين ياماما هنسيبها فوق براحتها كده مع حسن 

:اهدي انا بفكر في حظه اخلص منها خالص وهدمرها  كمان 

:خطه ايه ياماما دي؟

:تمام اسمعي انا هعمل فيها ايه......

وبعد مرور شهر كانت الاوضاع مستقره عند حور وحسن، وكمان كمان حسن احضر لها وحده تساعدها في البيت وتاخد بالها منها في غيابه 

في المساء دخل حسن بتعب لقى البيت هادي على غير العاده فنادي بسرعه على الخدامه

:سعاد تعالي عاوزك 

:نعم يابيه أمر 

:فين حور هانم دلوقتي؟! 

:في اوضتها يابيه من الصبح مخرجتش منها 

:ايه ليه مخرجتش،وانتي ازاي تسبيها كده،انا مش منبه عليكي تفضلي معاها دايما

:ايوه يابيه بس هي من الصبح نايمه،ومش عاوزه تقوم 

:تمام روحي حضري العشاء لاني هموت من الجوع،وهاتيه في غرفتي انا وحور تمام 

:حاضر يابيه عن ازنك

رحلت من قدامه ودخل حسن لغرفته لقى النور مطفي ففتحه بهدووء وقرب منها قعد جنبها،ومسد على جبينها بحنيه

حوري اصحي كفايه كده ياقلبي

فتحت حور عنيها على صوته وقامت بتعب وقالت 

:حمدله على سلامتك ياحبيبي 

قرب وقبل جبينها بحب وقال بقلق:انتي كويسه ياحبيبتي؟

:ايوه كويسه بس...

وقفت حور عن الكلام وفجأه حست بألم في بطنها وسائل نزل منها فكشفت البطانيه برعب وقالت 

:ياحسن الحقني بسرعه 

حسن بص عليها بصدمه ورعب حقيقي لما لقى السرير بقى قدامه كله د*م 

بصدمه:حور ايه ده؟انتي كويسه؟! 

:حسن بطني بتوجعني اوي 

:تمام هنروح لدكتور حالا،حاولي تتماسكي بس ياحبيبتي 

بتعب:حـ حاضر 

قرب حسن برعب وحملها بالبطانيه وخرج بسرعه البرق من الشقه ونزلت حطها في العربيه وانطلق للمشفي بأقصى سرعه

فوق في شقه حسن الخدامه سعاد شافته وهو بيجري بحور فمسكت فونها برعب ورنت على سلمي 

:سلمى هانم الحقيني،كل حاجه انكشفت 

:انتي بتقولي ايه،حصل ايه عندك انطقي؟

:البيه حسن اجه البيت،ومن شويه كده لقيته بيجري بالهانم حور وشكله مرعوب اوي عليها 

:تمام طيب اهدي،ده كله ماشي مع الخطه،ويارب تنجح المره دي واخلص منها بجد بقى 

:لا ياهانم احنا متفقناش على القتل،انا كده هروح في داهيه 

:قولتلك اهدي بصي خليكي عندك اوعي تتحركي،لانك لو هربتي حسن هيشك فيكي،وهيجيبك لو في بطن امك تاني فاهمه 

:حاضر ياهانم طيب لو اجه سئلني اقوله ايه؟

:قولي معرفش حاجه يابيه تمام 

:تمام ياهانم سلام 

:سلام 

:ها ياماما حصل ايه طمنيني بقى

:بصي الخطه ماشيه تمام اوي،بس انا لسه خايفه حسن يصدقها تاني والخطه تفشل زي المره الي فاتت

:لا اكيد هتنجح المره دي مفيش فرصه اصلا تفشل انا متأكده

:يسمع منك ربنا،ويسترها علينا لو فشلت بقى 

وعند حسن كان وقف قدام غرفه العمليات برعب على حور حتي خرج الدكتور 

: طمني يادكتور مراتي مالها،وليه كانت بتنز*ف كده؟!

:الحمد لله احنا وقفنا النز*يف بمعجزه حضرتك،وربنا ستر قبل مايحصل مضاعفات اكتر وكان ممكن المريضه تخسر حياتها او الرحم بتاعها 

بصدمه:اييه؟!! طيب المهم بقت كويسه،وايه سبب كل ده؟؟

:ايوه بقت كويسه ونقلنا لها د'م،والسبب ان المدام بتاخد حبوب غلط على حالتها،وهي ضعيفه وممنوع عليها تاخد الحبوب دي ابدا،كان لازم تشوف طريقه افضل من الحبوب 

بعدم فهم:قصدك ايه يادكتور،انا مش فاهم حاجه،انت بتتكلم عن حبوب ايه باظبط؟!! 

:حبوب منع الحمل حضرتك، وكمان كمان من النوع القوي،كانت بتاخد منه بانتظام،وده سبب النز*يف اللي حصل معاها 

بصدمه  وعدم تصديق:حبوب منك الحمل،وانا مراتي هتاخد الحبوب دي ليه اصلا؟!

:معرفش التحاليل كانت ظاهره فيها نسبه الحبوب دي بكميه كبيره اوي،وده غلط على اي وحده تاخد منها بالطريقه دي،وممكن تمو*ت بسببها  كمان

بغضب:تمام يادكتور،وشكرا على المساعده تعبتك معايا

: العفو ده شغلي يافندم،عن ازنك 

رحل الدكتور وحسن دخل غرفه حور وهو غضبان اوي 

بغضب:حوور

فتحت حور عنيها بخضه منه وهي تعبانه وقالت 

:حسن انت كونت فين؟

:كونت بتكلم مع الدكتور بره،وعرفت كل حاجه منه 

بعدم فهم:عرفت منه ايه ياحسن؟

بعضب:عرفت انك كونتي بتاخدي حبوب منع الحمل،وبسببها كونتي هتمو*تي مني،ليه عملتي كده ياحور؟!

بصدمه:حبوب منع الحمل!!،انت بتقول ايه والله انا مستحيل اخد منها ياحسن صدقني 

:حور انا قلبي مصدقك،علشان كده بصي في عنيا وقولي الحقيقه وانا هصدقك 

بصت حور في عنيه بدموع وصدق وقالت:والله انا   مستحيل اخدت منها ياحسن،دنا هموت على طفل منك ويكون شبهك كده  كمان ياحبيبي 

حسن ركز نظره معها وشاف الصدق بجد في عنيها فتهند بتعب وقال

:تمام ياقلبي انا مصدقك،وأوعدك هاخد حقك من اللي عمل كده معاكي لو كان مين؟

:حسن اوعدني عمرك ماتبعد عني ابدا 

دمعت عين حسن بتأثر:اوعدك عمري ماهبعد عنك ابدا ياحوري

بمرح:طيب ليه الدموع دي دلوقتي؟

قرب منها واخدها في حضنه بقوه وخوف عليها لانه كان هيخسرها للابدا،لولا لطف ربنا بيه كان خسرها فعلا وقال 

بدموع:كونت خايف اوي اخسرك ياحور 

طبطبت حور على ظهره بحنيه وقالت 

:هشش اهدي انا معاك مش هسيبك،وقاعده على قلبك للابدا بأذن الله 

ابتسم:انتي قاعده جوه قلبي ياحوري،ربنا مايحرمني منك ابدا 

:امين يارب والا يحرمني منك ابدا ياقلبي 

وفي المساء حسن ساب حور في المشفي علشان لسه محتاجه عنايه كبيره وعلاج ورجع هو للبيت تاني علشان يعرف الحقيقه 

:سعاااد تعالي هنا عاوزك 

بخوف:نعم يابيه 

قرب ومسك ايدها بعنف:مين امرك تحطي حبوب منع الحمل لمراتي يابت ها انطقي

برعب:انا معرفش حاجه يابيه عن الكلام ده صدقني 

بغضب:نعم ياروح امك،انتي هتعمليهم عليا يابت ال***،انا متأكد انك السبب،اعترفي بازوق احسن اجرك زي الكلاب للقسم،وتعترفي هناك بالعافيه 

برعب منه:والله مش انا السبب صدقني يابيه،انا نفذت بس المطلوب مني 

:تمام مين طلب منك تعملي كده انطقي بسرعه؟

:سلمي هانم يابيه اجت وجابت الحبوب ليا وقالت احط منهم كل يوم للهانم حور،والله انا مش ليا زنب،ابوس ايدك انا عندي عيال عاوزه اربيهم 

بغضب:ماشي غوري من وشي ومش عاوز اشوفك هنا تاني ياله اخلصي 

:حاضر حاضر يابيه

خرجت سعاد برعب منه وحسن قعد على الكنبه جنبه وحط ايده على رأسه بتعب وقال

:ليه ياأمي؟؟ ليه تعملي معايا كده بس ليه؟

وتحت نزلت سعاد بسرعه لسلمي وخبطت عليها برعب ففتحت لها سلمي بخوف 

:في ايه يابت انتي ايه نزلك هنا،انا مش قولت متطلعيش من البيت ياغبيه 

برعب:البيه حسن عرف كل حاجه ياهانم 

:اييه،وعرف ازاي يابت الكلب انتي 

:انا قولتله الحقيقه،هو كشفني وهددني فخوفت  وقولت كل حاجه من خوفي منه 

:الله يخرب بيتي،خربتي كل حاجه،غوري من وشي وانا هتصرف معاكي بعدين 

:حاضر ياهانم سلام

:في ايه ياماما،صوتك عالي كده ليه؟

:حسن عرف كل حاجه من الغبيه سعاد

:يالهووي عرف كل حاجه،لا احنا لازم نهرب ياماما بسرعه قبل ماياجي حسن هنا 

:اهرب ليه واسيب بيتي،حسن مهما حصل ده ابني واكيد مراته دي مش اهم من امه 

:بس انا خايفه منه ياماما،دي تأثيرها سحر على حسن اخويا

:متخافيش انا متأكده مستحيل حسن ابني يعمل حاجه لأمه او...

قاطعها صوت الباب وهو بيخبط بقوه فبلعت ريقها بخوف وقربت فتحته وانصدمت 

برعب:حضرت الظابط،افندم حضرتك في حاجه 

:انتي سلمي سليمان خليل 

بلعت ريقها بخوف:ايوه حضرتك خير

:تمام معايا امر بالقبض عليكي بتهمه محاوله قتل مرات ابنك وووو

• يتبع الفصل التالي اضغط على (رواية حوريتي الجميلة) اسم الرواية