رواية عهد الضبع الفصل الخامس 5 - بقلم نور محمد
عهد_الضبع_الفصل_الخامس
: ايوه انا عاوزك انتي
تراجعت عهد برعب منه وقالت: قصـ قصدك ايه؟!
وبصت على الباب خلفه لقته مقفول فبلعت ريقها وكملت: والباب قفلته ليه ؟!
قرب منها ضبع اكتر بخبث كبير وقال: علشان انا جعان انتي اكلتي وشبعتي بس انا لسه جعان اوي
لمعت الدموع في عيون عهد بخوف وقالت:قصدك ايه انا مش فاهمه حاجه
قرب ضبع ولمس وجهها بأيده برقه وقال:عهد انا معجب بيكي وبصراحه نفسي فيكي اوي
عهد بخوف:لو لو سمحت ياضبع بيه انا عاوزه اخرج من هنا
بعد ضبع من قدامها ببرود وقال:اتفضلي اخرجي براحتك
بصت عليه عهد بتوتر وتقدمت علشان تخرج بس ماخدتش بالها من السجاده تحتها وكانت هتقع لولا ايد ضبع اللي لحقتها بسرعه
ضبع بلهفه وقلق:انتي كويسه ياعهد؟
عهد بصت في عنيه عن قرب وسرحت فيهم باعجاب واضح وقالت:انت عنيك بجد حلوين اوي ويسحروا كمان
ابتسم ضبع على كلامها وقال بخبث:عنيا بس اللي حلوه ياعهد
عهد بتأمل:ايوه عنيك بيلمعوا بطريقه تجنن انت ازاي كده؟!
ضحك ضبع بصوت رجولي جذاب وقال بخبث:تمام ايه رأيك تفضلي في حضني كده الليل كله
عهد سمعته وفاقت لنفسها فبعدت عنه بسرعه وقالت: لا انا عاوزه اخرج من هنا
ضبع قال:تمام براحتك ياعهد انا مش هغصبك على حاجه لاني عاوزك برضاكي
عهد جرت من قدامه بسرعه وضبع قال بصوت عالي:هستناكي ياعهد وهتاجي عندي برضاكي اوعدك
بعدت عهد عن غرفته وهي بتتنفس بصوت عالي وقالت:انا ايه اللي قولته ده بس ياربي ده انا غبيه اوي
مشت وهي بتكلم نفسها بشرود وفجأه خبطت في شخص قدامها فقالت بسرعه:اسفه متأخدش بالي منك و
قاطعها لما لقي وجهها لسه لونه احمر من الكسوف وقال بخبث:ايه ده انتي كونتي مع ضبع مش كده ها خلص معاكي او لسه
عهد بصت عليه بحده وقالت:قولتلك قبل كده احفظ لسانك معايا انا محترمه مش بتاعه الكلام ده
ضحك بسخريه منها وقال:ههههه يعني لسه تمام متقلقيش قريب هيخلص معاكي وانا هستناكي بعده لانك بصراحه مزه اوي ودخلتي دماغي انا كمان
نفخت عهد بغضب في وشه وقالت:ده عشم امثالكم انت وهو في الجنه عن ازنك
عهد سابته وهي متعصبه اوي منه وهو ضحك عليها باعجاب وقال:لا مزه وشرسه كمان الواضح هنتسلى اوي المره دي
وعند عهد كان في طريقها لغرفه امها بس فجأه وقفت عند نفس الغرفه والصوت لسه كان موجود بس خافت فستغربه اوي وقررت انها تفتحها المره دي وفعلا قربت وحاولت تفتحها بس كانت مغلقه ففكرت وطلعت من شعرها بنسه كبيره وقالت بخبث: الظاهر هنرجع لشغل السرقه تاني زي زمان
حطت البنسه بمهاره في الباب وبعد دقيقه الباب اتفتح قدامها فقالت بمدح:الله عليكي يامعلمه عهد مفيش باب مقدرش افتحه في الدنيا معلمه بصحيح
شكرت نفسها بهبل ودخلت الغرفه بهدووء لقتها ضلمه اوي فقربت فتحت النور وتصنمت في مكانها بصدمه كبيره وشهقت برعب وقالت:يالهووي مين عمل فيها كده؟!!!
جرت عهد عليها برعب لما لقتها مرميه جنب السرير و وجهها وجسمها كله علامات وكدمات صعبه وقالت:انتي كويسه مين عمل فيكي كده؟!
رفعت البنت عنيها لعهد بدموع وقالت:ابوس ايدك طلعيني من هنا انا خلاص هموت ارجوكي
عهد رفعتها وقعدتها على السرير بحنيه وقالت بخوف عليها:حاضر هطلعك من هنا بس قوليلي مين عمل فيكي كده؟
ردت البنت بضعف:زوجي ضبع هو السبب ابوس ايدك طلعيني قبل مايشوفك عندي
شهقت عهد بصدمه كبيره وقالت:ضبع بيه زوجك؟وهو اللي عمل فيكي كده طيب ليه اكيد الشخص ده مجنون
البنت بصت عليها بألم ودموع وقبل ماترد عليها سمعه صوته من قدام الباب بيقول بسخريه
_ايوه انا فعلا مجنون ياعهد
عهد بصت عليه برعب وضبع قرب شدها بعيد عن البنت وقال بغضب رهيب:انتي ازاي دخلتي هنا ياعهد انطقي
عهد برعب منه:انا انا بس سمعت صوتها بتصرخ من جوه
وبصت على شكل البنت قدامها وقالت بغضب:وبعدين انت ازاي تضربها بالطريقه دي انت فعلا حيوان
ضبع جز على سنانه بغضب منها ودفعها خارج الغرفه وقال:اخر مره اشوفك في الغرفه دي تاني ياعهد او انا هوريكي الحيوان هيعمل فيكي ايه ياله امشي من هنا بسرعه قبل مااعصابي تفلت منك
عهد اترعبت من شكله وصوته العالي وجرت من قدام الغرفه بسرعه
وضبع بص على البنت بقرف وقال:ها ياليلى مش عاوزه تقولي الحقيقه برضو وتريحي نفسك من العذاب ده
ردت ليلى بضعف:لا على جثتي مش هقول حاجه برضو ياضبع
قرب منها ضبع بغصب وضربها كف قوي وقال:هعرفه ياليلى اوعدك هعرف الحيوان اللي خنتيني معاه ووقتها هقتله قدامك وقبل ماتطلع روحه هقتلك كمان قدامه سامعه
ليلى ارتعش برعب منه وضبع سابها وخرج من الغرفه وقفلها كويس خلفه
نزل ضبع تحت بضيق ولقي اخوه حازم قدامه فقال بصدمه:حازم انت رجعت امتي؟
رد حازم ببسمه:رجعت امبارح ياضبع علشان انت وحشتني اوي
قرب ضبع اخد اخوه في حضنه بحب وشتياق وقال:وانت اكتر ياحبيب اخوك ها طمني جامعتك بره مصر حلوه
بعد عنه حازم بمشاكسه وقال:يووه دي حلوه اوي اوي ياضبع انت لو شوفت المزز اللي هناك تبات فيها والله
ضحك ضبع على هزار اخوه وقال بتنبيه:تمام ياحازم بس المهم دراسك يعني لو سمعت انك مهمل دراستك علشان الكلام ده انا هحبسك عندي واعملك الادب تاني مفهوم
حازم بمرح:مفهوم ياحضرت المقدم
ضبع بضيق:كام مره قولتلك متقولش كده في القصر تاني انا مش عاوز حد هنا يعرف الموضوع ده غيرك انت بس
قرب منه حازم وهمس بصوت واطي:حاضر ياحضرت المقدم
ضحك ضبع عليه واخده معاه وقال:تمام تعال انا عاوز اصل انت وحشتني اوي اوي
حازم بعد عن ضبع بضيق وقال:لا ياحبيبي انا مش منهم
ضحك ضبع بصوت عالي عليه وشده لحضنه بقوه وقال:الله يخرب بيت دماغك الشمال ياحازم انت ايه مش هتتغير ابدا
ضحك حازم معاه وقال:لا ياعمري وبعدين دي متعة الحياه ياحبيبي
بعد ضبع عنه وشده معاه وقال بهزار:تمام تعال ادلعك انا بقي ياقلب ضبع
حازم بلع ريقه منه وقال:خلاص سماح المره دي والله كونت بهزر معاك بس ياضبع
ضبع بسخريه:بس انا كان قصدي تعال ادلعك اصل انت وحشتني اوي ياحوزمي
حازم همس بخوف من ضبع وقال: مدام قال حزومي يبقى ربنا يسترها عليا بقى ياشرفك اللي هيبقى في الارض ياحازم
وفي الليل عند عهد طلعت من غرفتها علشان تشرب ميه وهي في الطريق شافه شخص وافق قدام غرفه ليلى وبيحاول يفتحها فقربت منه بهدووء وقالت
_انت مين وبتعمل هنا ايه؟!
شهق بصدمه وبص عليها فقالت بصدمه:انت؟!انت بتعمل ايه هنا؟!
قرب منها بسرعه وحط ايده على فمها بخوف وقال:هشش مش عاوز اسمع صوتك تعالى معايا افهمك
عضته بقوه في ايده وبعدت عنه وقالت:ابعد عني واخر مره تحط ايدك عليا احسن اقطعها ليك فاهم
قرب منها حازم بهدووء وقال:حاضر فاهم بس وطي صوتك مش عاوز حد يشوفني واقف هنا؟!
ردت بستفهام:وده ليه ان شاء الله؟
حازم بخوف:تعالي معايا وانا هقولك كل حاجه
عهد بصت عليه بشك بس لقت الخوف محفور في عنيه فقالت: تمام هاجي معاك
حازم اخد عهد لغرفته بس هي خلت الباب مفتوح للامان وقالت:ها بقينا لوحدنا ممكن اعرف انت كونت بتعمل ايه هناك؟
رد حازم بحزن:مفيش كونت عاوز اطمن عليها بس
عهد برقت فيه بصدمه وقالت:نعم عاوز تطمن عليها وده ليه بقى؟!!
حازم بلع ريقه بتوتر منها وقال:احم ده لاني بصراحه بحبها اوي ومن زمان كمان
عهد برقت فيه بقوه وصدمه كبيره وقالت بصوت عالي:انت بتقول اييه؟!! ووووو
يتبع..... بقلمي نور محمد
رأيكم تتوقعوا ضبع هيعمل ايه لو عرف الحقيقه🙂 التفاعل وحش بجدا ياجماعه🥺
- يتبع الفصل التالي اضغط على (رواية عهد الضبع ) اسم الرواية