رواية حوريتي الجميلة الفصل السادس 6 - بقلم نور محمد

  

 رواية حوريتي الجميلة الفصل السادس 6 - بقلم نور محمد   

 برعب:حضرت الظابط،افندم حضرتك في حاجه 

:انتي سلمي سليمان خليل 

بلعت ريقها بخوف:ايوه حضرتك خير

:تمام معايا امر بالقبض عليكي بتهمه محاوله قتل مرات ابنك

: اييه، محاوله قتل بس انا يافندم مستحيل اعمل كده

: تمام في القسم هنعرف كل حاجه ممكن تتفضلي معايا 

: حاضر يافندم، بس ممكن اعرف مين قدم البلاغ ده فيا

: ابن حضرتك البشمهندس حسن سعيد خليل

بصدمه: حسن ابني!! 

وعند حسن رجع عند حور تاني علشان يطمن عليها

: حوري بقيتي احسن دلوقتي

بتعب: الحمد لله ياحسن بقيت احسن شويه، وشكرا على وقفتك جنبي 

:شكرا على ايه ياحور انتي مراتي وحته من قلبي،ومستحيل اسيبك ابدا 

:ربنا يخليك ليا العمر كله ياحبيبي 

:امين ياحبيبتي ويديمك لقلبي العمر كله و

فجأه قاطعه دخول هند وهي بتعيط ومنهاره اوي

:حسن اللحقني ماما اخدها الظابط للقسم

ببرود:عارف ياهند انا اللي بلغت عنها 

حور بصدمه:اييه!!،ماما سلمي في السجن وانت اللي بلغت عنها ليه ياحسن؟!! 

:ايوه انا ياحور لانها سبب حالتك دي دلوقتي،وانا وعدتك هاخد حقك من اللي عمل كده معاكي لو كان مين 

:ياحسن ارجوك انا عارفه ان ماما غلطانه بس دي امك في الاخر حرام تعمل معاها كده

بحده:حرام اعمل معاها كده،ومش حرام اللي عملته في مراتي ياهند،انا كونت هخسر حور مرتين بسببها،انتي مستحيل تحسي بوجعي وانا شايف مراتي بتمو"ت مرتين قدامي وكل ده بسبب امي 

حور نزلت دموعها بصدمه بعد ماسمعت كلامه وهي بتقول لدرجه دي حماتها سلمي بتكرها حتي توصل لقتلها كمان بكل بساطه 

: حسن طلع ماما وانا اوعدك مش هنقرب من حور تاني بس طلعها ارجوك 

: انتي المفروض تطلبي ده من حور مراتي مش مني انا ياهند لانها اتعذبك كتير بسببكم 

هند بترجي: حور ابوس على ايدك قولي لحسن يطلع ماما من السجن دي كبيره في السن ومش هتستحمل المكان هناك ارجوكي اعتبريها زي مامتك 

: حسن لو سمحت طلع طنط سلمي من السجن 

بصدمه: اييه، انتي بتقولي كده ياحور؟!

:ايوه بقول كده علشان لو حصل ايه معايا بسببها بس هي في الاخر امك وانا مستحيل اسمحلك تسجن امك حتي لو علشاني 

بحده:سامعه ياهند كويس دي نفسها اللي حاولتي انتي وامك تخلصي منها، سامعه بدافع عن امك ازاي قدامي، اهو ده الفرق بينكم وبين حور قلبها انضف منكم ميه مره 

:عندك حق ياحسن طيب ممكن تطلع ماما دلوقتي 

:حاضر هطلعها علشان خاطر حور بس 

:تمام شكرا اوي ياحسن 

وفعلا حسن طلع سلمي من القسم ورجعت بيتها تاني وحسن اخد حور لشقته علشان ترتاح

:ممكن تهدي بقى ياماما وكفايه اللي حصل معاكي 

:لا مش ههدي انا سلمى سليمان خليل ادخل القسم بسبب الزباله دي طيب وحيات الغالي لاندمها 

:لا ياماما كفايه ارجوكي انا بالعافيه قنعت حسن يخرجك وكمان اترجيت مراتي علشان تقنعه كفايه كده بقى 

:اييه،اترجيتي مراته انا بنتي اللي ظفرها برقبة اللي اسمها حور دي تترجاها علشاني،طيب وحيات غلاوتك ياهند عندي المره دي لازم اخلي حسن يضربها ويرميها زي الكلاب بره الشقه وتتفضح كمان قدام الكل زي ماحصل معايا وبكره تشوفي بعينك هعمل ايه؟

بيأس:تمام ياماما،ربنا يستر بقى

وبعد مرور اسبوع كمان كان الوضع مستقر عند حسن وحور لغايه مااجه لحسن شغل مهم اوي ولازم يبات بره البيت علشانه

:يعني لازم تروح وتسيبني لوحدي هنا

قرب وقبل جبينها بحب:معلش ياقلبي بس ده شغل مهم اوي مقدرش اسيبه، وبكره الصبح اول ماالشمس تطلع هكون قدامك علطول تمام 

:تمام ياحبيبي وخد بالك من نفسك كويس 

:حاضر ياقلبي وانتي كمان خدي بالك من نفسك  واقفلي على نفسك الباب كويس اوك ياحوري 

:اوك ياحسن 

خرج حسن بعد ماودعها بحب وحور قعدت على التلفزيون بملل لغايه ماسمعت صوت الباب فتوتره بس طلعت تفتح 

بصدمه: طنط سلمى؟! 

: اهلا ياحور عامله ايه ياحبيبتي؟

بتوتر: كويسه الحمد لله ياطنط

بتمثيل:حور انتي لسه زعلانه مني مش كده 

:احم انا بس

:طيب هتسيبي حماتك كده على الباب كتير 

:لا طبعا اتفضلي ياحماتي 

:شكرا ياحبيبتي وقوليلي ياماما بتطلع احلا منك 

بتوتر:تمام ياماما

:بصي بقى انا عارفه انك لسه زعلانه مني، بس انا اجيت هنا مخصوص علشان اعتزر منك ياحور 

حور بصت عليها بهتمام وسلمي كملت:انا اسفه كونت بغير منك علشان حسن ده مش ابني بس لا ده كل حاجه عندي، وغيرتي عليه عمتني يابنتي اسفه سامحيني 

حور فرحه اوي ان سلمى اجت واعتزرت منها وقالت مش مهم حصل ايه زمان المهم سلمى تتقبلها علشان تعيش مع حسن وباقي العيله بسعاده فقالت بفرحه

:تمام انا مسمحاكي ياماما لان بصراحه حسن أي حد يعرفه لازم يحبه ويغير عليه اوي كمان 

بغيظ:طبعا ياحبيبتي عندك حق،ومدام اتفقنا بقى هقوم احضرلك عصير من ايدي المره دي بكل حب ماشي 

بخوف:لا خليكي ياماما انا احضره

:ليه ياحور هي انا غريبه ده بيتي كمان مش كده 

باحراج:ايوه عندك حق تمام اتفضلي 

دخلت سلمي المطبخ وحضرت العصير وقبل ماتخرج حطت فيه بدره غربيه وقلبته كويس علشان ميبنش وقدمتها لحور 

:تسلم ايدك ياماما تعبتك معايا 

:الغفو ياحور بالهنا والشفا على قلبك ياحبيبتي

وبعد وقت حور حست بدوخه فمسمت رأسها بتعب

:مالك ياحور انتي كويسه 

:ايوه كويسه بس حاسه بدوخه شويه كده 

:تمام تعال جوه ارتاحي ياحبيبتي ده اكيد اجهاد  من الشغل هنا لوحدك

:حاضر ياماما

سلمي اخدت حور لغرفه نومها وحطتها على السرير دقايق وحور نامت في سبات عميق

بخبث:كده تمام نص الخطه نجحت باقي النص التاني بس 

خرجت من الغرفه ورنت على شخص تاني وبعد دقايق رن جرس الباب فطلعت وفتحت بسرعه

:اتأخرت عليكي 

:لا في وقتك ادخل وزي ماتفقنا تعمل بالظبط فاهم

:حاضر ياهانم هنفذ بالحرف الواحد

:تمام وخد بالك انا حطيت كاميره في الاوضه علشان اراقبك، لو شيطانك وزك وقربت منها انا هطلع اقتلك، دي مهما كان مرات ابني وانا بعمل كده بس علشان حسن يطلقها وخلص منها مفهوم

:مفهوم ياهانم ومتقلقيش كل حاجه هتمشي تمام 

:طيب ادخل هي في الاوضه الي قدامك دي 

:تم ياهانم كله تحت السيطره

سلمي بصت عليه بنظره تحزير اخيره وخرجت من البيت وسابته وهو دخل الغرفه وقفلها خلقه بهدووء

وفي صباح اليوم التالي صحيت حور بألم وحطت ايدها على دماغها بتعب واول مافتحت عنيها لقت شخص نايم جنبها وهو بيبتسم بخبث

:صباح الخير ياعسل 

بخضه وصدمه:انت مين؟؟ وبتعمل ايه هنا؟!

بخبث:انا اللي هدمرك ياحور 

بخوف:وانا هصوت وألم عليك الناس 

قرب منها بشر:صوتي ياحلوه ده المطلوب منك

برعب منه:ياناااس الحقووو....

فجأه سكتت حور على صوت فتح باب الغرفه ولقت حسن وقف قدامها بصدمه كبيره 

بتمثيل الصدمه:ايه ده انتي مش قولتي زوجك هيتأخر لبعد العصر النهاردا ياحبيبتي 

حور بصدمه:انت بتقول ايه،حسن انا معرفش ده مين او دخل هنا ازاي والله انا....

قاطعها صوت حسن بغضب عارم:حووور

• يتبع الفصل التالي اضغط على (رواية حوريتي الجميلة) اسم الرواية