رواية كنت وحيدا لكنك اتيتي الفصل السادس 6 - بقلم مريم محمود
عند سليم في المكتب قاعد بيفكر هينتقم منها ازاي ف قطع تفكيرو صوت رن موبيلو
سليم : الو
دعاء : اي ي حبيبي عامل اي
سليم : الحمد لله بخير في حاجه ولا اي
دعاء : في كل خير ي حبيبي بس انا كنت عاوزه امشي بدري النهارده
سليم : لي خير
دعاء : في واحده قريبتي رايحه اقابلها ولازم اقابلها بدري حتي لو ينفع دلوقت هروح
سليم : وانتي عرفه ان ممنوع انتي بالذات تمشي الا لما اجي
دعاء بحزن متصنع : عرفه بس لازم والله اقابلها معلش اقبل الطلب ده علشان خاطري يا سليم ضروري والله
سليم : علشان يا دعاء انتي عزيزه علي قلبي ف موافق ماشي بس كلمي حد من السواقين يوديكي و يبقي معاكي حراس
دعاء : ي حبيبي مينفعش يبقي معايا حراس ادخل عليها وحواليا حراس مينفعش
سليم بخنقه : طب خلي معاكي سواق علي الاقل ي دعاء
دعاء : السواق مع الخدم في السوق وهيتاخرو
سليم : م في كذا سواق شوفي اي حد
دعاء : مانت عارف ي سليم كلهم اجازه النهارده و مفيش الا واحد وقوتلك في السوق ف انا هركب تاكس مش مهم يعني
سليم : طب استني انا هوديكي متكربيش مع اي حد ي دعاء
دعاء : بس انت هتتاخر وانا لازم اقابلها ي سليم ف اقرب وقت
سليم : مين دي اللي انتي مصره عليها كدا هخلص اللي في ايدي وهجيلك وهبقي ارجع تاني
دعاء : هبقي احكيلك عنها بعدين لما تيجي بس انت قدامك قد اي كدا
سليم : ساعه ونص
دعاء : تمام يا حبيبي في حفظ الله مع السلامه هستناك
سليم : مع السلامه
. . . . . . . . . . . . . . . . . . . . . .
عند عمام يارين
قاسم : اي عملت اي
إبراهيم : هتصل اعتذرلها واخلي اتنين يرقبو البيت لحد متتطلع ويقتولها وخلاص
قاسم بخوف : انت متاكد من اللي انت هتعملو
إبراهيم بغضب : ف اي يا قاسم انت هتعمل زي عيد ولا اي
قاسم : لا مفيش بس خايف لمش يقتولها وتعرف واحنا نروح في ستين داهيه
إبراهيم : انا مختار اتنين من اشطر الناس و يعم لو عرفت حتي يعني هتعمل اي مهي ملهاش حد مش هتقدر تعمل حاجه
قاسم : طب ع خير هتخلص امتي
إبراهيم : الشباب كانو في رحله وقالو هيرجعو الاسبوع الجاي
قاسم : خلاص ماشي اكد عليهم بردو
إبراهيم : حاضر
. . . . . . . . . . . . . . . . . . . . . .
عند يارين جدتها اتصلت عليها
يارين : الو ي تيتي
جدتها : الو ي حبيبتي انا كلمت قريبتي وقالت ساعه كدا او ساعتين وهتجيلك وخدت رقمك
يارين : تمام ي تيتي تسلميلي
جدتها : ماشي ي حبيبتي لو محتاجه اي حاجه كلميني
يارين : حاضر ي تيتي
جدتها : يحضرلك الخير يا حبيبة قلب تيتي
يارين : بوجودك يا تيتي
جدتها : كلتي حاجه ي قلب تيتي
يارين : لا بس انا عاوزه انام
جدتها : طب لو حواليكي اي سوبر ماركت قومي جيبي اي حاجه تاكليها
يارين : لا مليش نفس
جدتها : معاكي فلوس ؟
يارين مكنش معاها فلوس اصلا ف اتكسفت تقول
يارين : اه طبعا معايا
جدتها : احلفي كدا
يارين : معيش بس معاش بابا او ماما يمكن ينزل بكره ف هبقي اسحب بكره
جدتها : طب احولك فلوس ؟
يارين : لا لا يا تيتي بس فكك المهم مين قريبتك دي اللي انتي كلمتهالي
جدتها بابتسامه : عرفه ي ستي صاحبة مامتك اللي كانت تقعد طول اليوم تكلمها ؟
يارين بصدمه : طنط دعاء؟
جدتها : اه يستي هي
يارين : يالهوي ازاي ده اخر مره شوفتها من بتاع 7 سنين
جدتها : اهو بقي يستي
يارين : دي اكتر واحده ماما بتحبها
جدتها : وعلشان كدا انا كلمتها يعتبر انا اللي مربيها كانت تيجي تبات مع مامتك طول الاجازه وانا واثقه فيها وتسد عين الشمس كمان
وفضلو يتكلمو سوا هما الاتنين بيسلو وقت بعض لحد ما دعاء تيجي
. . . . . . . . . . . . . . . . . . . . . .
عند دعاء
الحارس : اتفضلي ي هانم سليم بيه وصل
دعاء : تمام جايه
راحت دعاء وركبت جمب سليم
سليم باستغراب : انتي معيطه ولا اي لي عينك ورمه كدا
دعاء : فاكر صحبتي اللي كانت بحكيلك عنها زمان وفاكر الحادثه اللي انا وانت شوفنها علي تلفزيون
سليم : صحبتك بُشري حاجه زي كدا؟
دعاء ببكاء : اه هي اللي ماتت علي طريق هي وعيالها ومفضلهاش الا بنت واحده ورايحه اجبها تعيش معايا علشان عمامها هيقتولها
سليم : طب اهدي طب يا دعاء ربنا يرحمهم
دعاء : يارب بس اتحرك علشان متاخرش ع البنت دي مستنيه في شارع من امبارح
سليم : هتقابليها فين
دعاء : عند المركز
هنا استغرب سليم لتكون البنت اللي اتخانق معاها بس قعد يقول لنفسه لا مستحيل بس هما فعلا العيله كانت من الشرقيه وهي من الشرقيه وشبه البنت اللي ظهرت ع تلفزيون بس فضل يقنع نفسو انو مستحيل اصلا ولو طلعت بنت صاحبه دعاء استحاله يعرف ياخد حقو منها علشان ميقدرش ياذي دعاء ولا اي حاجه تخصها
دعاء باستغراب : سليم بقولك اطلع يلا مالك سرحت ف اي
سليم : لا ولا حاجه يلا
بعد موصلو عند المركز
دعاء بخضه : ايوا هي دي اقف
سليم : استني حاضر روحي خديها عمال ما الف العربيه مش هعرف اوصل هناك
دعاء : خلاص ماشي
هنا سليم معرفش يبص عليها علسان العربيه
عند يارين كانت قاعده بتكلم جدتها لحد مقاطعتها دعاء
دعاء بصوت عالي : ياريننن
هنا بصت يارين وحضنتها وقعدو يحضنو في بعض ويعيطو
دعاء بفرحه : عامله اي ي بنت بُشري
يارين : الحمد لله بس ثواني اقفل مع تيتي
دعاء : اتفضلي طبعا
يارين لجدتها : الو يا تيتي طنط دعاء اهي انا هقفل عاوزه حاجه
جدتها : لا يا روحي مع السلامه
دعاء : كبرتي ده اخر مره شوفتك من 10 سنين
يارين : اهو بقي الايام بس انتي اللي مكنتيش بتجيلنا
دعاء : كان علي عيني اجي بس مكنتش بعرف علشان الشغل
يارين : شكلو راجل رخم اللي انتي شغاله عندو ده
دعاء بضحكه : بس ليسمعك يعملنا شاورما
يارين بغرور متنصع : مبخافش يا دودي
دعاء بضحكه : طب تعالي ي قلب دودي علشان الراجل الرخم مستنيني في العربيه ومينفعش اتاخر عليه
يارين بضحكه : يلا
ركبت دعاء ويارين العربيه واول مبصت لسليم ف المرايه وهو بصلها اتصدمو
يارين و سليم في صوت واحد من الصدمه
سليم : هو انتي
يارين : هو انت
دعاء بضحكه توتر : اي يا ولاد انتي تعرفو بعض ولا اي
سليم : اي يا دعاء بتركبي الاشكال دي عربيتي لي
دعاء بابتسامه توتر : اي ي سليم ف اي ي حبيبي
يارين : اشكال زي دي تقصد اي يعني
سليم : زي متفهميها
يارين : يعني اي زي متفهيمها ي كائن يا غريب انت
سليم بعصبيه : انا كائن غريب يا شبر ونص
يارين عقدت حاجبها بعصبيه : انا مش شبر ونص انت اللي طويل ده انت شبه عمود النور شويه وشويه هتبقي نخله بطولك ده
سليم : انا شبه عمود النور ي انبوبه
يارين شهقت : انا انبوبه ي اهبل ي طويل
سليم بعصبيه : انا اهبل ي بت انتي انتي مش شايفه نفسك ولا اي
يارين : بت اما تبك ي طويل انت
دعاء بصويت : بسسسس انتو الاتنين اي ف اي مش عاملين اي احترام ليا خالص
سليم : مهي اللي نرفزتني
يارين : مهو اللي بدا يا دودي
سليم بتريقه : دودي قال
يارين : متسكت بقي
دعاء : قولت بس فهموني تعرفو بعض منين
سليم ليارين : اتفضلي قولها
يارين : متتفضلش انت لي بقي
دعاء : قول ي سليم انت تعرفو بعض ازاي
سليم : الهانم ضربتني علي وشي امبارح
دعاء بصدمه : لي كدا ي يارين
يارين : اساليه قال اي علشان اضربو
سليم : مهو انتي اللي زعقتي الاول
يارين بدموع : علشان انا كنت تعبانه ساعتها وعمامي عاوزين يقتلوني عاوزني اعمل اي يعني وبعدين جيت اعتذرلك حضرتك اللي موافقتش
هنا سليم قلبو حن شويه
دعاء : طب ي سليم مهي اعتذرت
سليم : حتي لو بردو
دعاء : طب خلاص نروح ننخانق ف مكان تاني اطلع يلا ي سليم ع فيلا
سليم : ماشي انا هعرف اخد حقي
هنا سليم اتحرك وفضلت دموع يارين تنزل بهدوء وبعد ما وصلو للفيلا
دعاء : انزلي ي يارين هخلص شغلي ونبقي نروح ع بيتنا
يارين بتعب : ماشي
نزلت من العربيه ثم اتصدمت من المنظر فيلا كبيره جدا اوي كانها قصر
دعاء بضحك : اتصدمتي لي امال لو شوفتي اللي جوا
يارين لاحظت ان سليم جمبها
يارين : لا علي فكره عاديه جدا
سليم : اه واضح علي وشك انها عاديه
دعاء : انت اي نزلك يلا علي شغلك
سليم : رايح اجيب ورق من المكتب وامشي اتمني ي ست ياللي اسمك غريب انتي تكوني مبسوطه
يارين : اسمي يارين ي كائن انت وبعدين اتبسط لي يعني كفايه اني شايفه وشك ده حاجه لوحدها تسد النفس والله
سليم : مالو وشي بقي ي انبوبه
دعاء : مخلاص بقي وانت ي سليم اي شغل العيال اللي انت بتعملو ده
سليم : انا فعلا عيل بعمل علقي بعيل عيله صغيره
يارين : لا إله الا الله عدي الليله دي
سليم : طب لو معدتهاش يعني هتعملي اي مفروض اخاف
يارين : بس بس بقي اسكت
دعاء : يلا يا يارين خشي تعالي
دخلت يارين واتصدمت اكتر بس مبينتش ده
دعاء : اقعدي ارتاحي ع كنبه ولما اخلص هنمشي
يارين : حاضر
قعدت يارين بس النوم غلبها ونامت علي كنبه ودعاء سابتها نايمه وسليم خد ورقو ومشي
. . . . . . . . . . . . . . . . . . . . . .
عند سليم وصل المكتب ولقي ياسين مستنيه
ياسين : اي فينك بقالي ساعتين مستنيك
سليم : فاكر البت اللي ضربتني
ياسين : يارين ولا تارين حاجه زي كدا
سليم : اه يارين
ياسين : اه مالها
سليم : طلعت قريبه دعاء
ياسين : اي ازاي احكيلي
بدا سليم يحكيله كل حاجه
ياسين بيحاول يكتم الضحكه بس معرفش
سليم بنرفزه : بطل بقي ضحك انا مدايق بجد
ياسين : معلش معلش ي سليم لي العصبيه دي كلها يعني
سليم : انا هتجنن ازاي ده يحصل
ياسين : ف اي يا سليم مكبر موضوع كدا لي
سليم بانفعال : مهي شتمتني وبتقول عليا عمود نور وكاىن غريب ده انا اتغاظت اكتر من الاول
ياسين : معلش معلش اعذرها بردو
سليم : وانا مالي تشتمني لي والمشكله المستفزه مش خايفه خالص
ياسين بضحك : مهو بمنظرك ده شكلك يضحك
سليم : مالو منظري يعني؟
دخلت نورا في الوقت ده
سليم : نورا بصيلي كدا
نورا باستغراب : اي نعم
سليم : شكلي مالو وشي في حاجه ؟
نورا بضحكه مختفيه : لا قمر مفيش حاجه والله
ياسين فطس ضحك ونورا ضحكت غصب عنها
سليم : في اي مالكم انتو الاتنين انتو عُبط ولا اي بتتضحكو ع اي
نورا : اصل وش حضرتك وانت متعصب يتضحك الصراحه
سليم بعصبيه : يعني اي وشي بيضحك اطلعي برا
نورا بضحك : اتفضل الورق اهو وبعد إذنك
طلعت نورا وياسين ميت ضحك
سليم : في اي متبطل بقي
ياسين بضحك : بنت تعمل فيك كل ده
سليم : تعمل فيا اي يعني هي بس عصبتني
ياسين : عصبتك اه
سليم : قوم يلا اطلع برا انت اي جايبك اصلا هنا
ياسين بضحك : جاي اسلم عليك يلا عاوز حاجه ولو حصل حاجه قولي
سليم : لا اتفضل انا اصلا مش هحكيلك ع حاجه تاني
ياسين : ماشي يعم محسوبه هبقي استناك تحت علشان نتعشي سوا عندك
سليم : ماشي
. . . . . . . . . . . . . . . . . . . . . .
عند سليم خلص الشغل ومروح ومعاه ياسين ولسه داخل لقي يارين نايمه ف صب كوبايه ميه وكب الميه عليها
يارين بصراخ : اييي دهههههههه انت كبيت ميهههه علياااااا
سليم بصدمه مصتنعه : اي ده سوري مخدتش بالي انا كنت بشرب بس مش اكتر سوري سوري
يارين : وهو حضرتك بقي جاي تشرب فوق راسي
سليم بزعل : سوري بقي ي زفته مخدتش بالي
يارين بصراخ : زفته اما تزفتك
سليم : تزفتك انت ي انبوبه
يارين : اخرس بقي
ياسين : اهدووو
دعاء : في اي بس بقي قرفتوني صوتكم عالي
يارين بعياط متصنع : بصي ي دودي كب عليا الميه ازاي
دعاء : انت كبيت عليها الميه لي انت كمان
سليم : انا اعتذرتلها وهي مقبلتش اسفي زي مهي ضربتني واعتذرت بعمل زيها
دعاء : عندو حق ي يارين بردو
يارين بعصبيه : ماشي يعني انت بتردها
سليم : واحد ليا و واحد ليكي
يارين : يلا نروح ي دودي مبقتش طايقه اشوفه
سليم : لا علشان خاطري اقعدي انتي لو مقعدتيش هموت
يارين : إن شاء الله قطر يقعد فوقك ي حبيبي وتموت
سليم بابتسامه : و إن شاء الله تكوني جمبي علشان يقعد علينا انا وانتي ي حبيبة قلبي
هنا ياسين و دعاء كانو ميتين من الضحك وكاتمين الضحكه
سليم لياسين ودعاء : وشكم احمر لي انتو الاتنين كدا
ياسين : مفيش ي سوسو يلا نتعشي
يارين عينها دمعت من الضحك : سوسو !! همووت مش قادره
سليم بعصبيه : الله يسامحك ي اخي مش ناقصاك
يارين بضحك : يلا ي سوسو الاكل هيبرد يلا روحي كلي ي سوسو
سليم بعصبيه : متقوليش ي سوسو دي
دعاء بضحك : يلا يلا علشان ناكل كلنا
يارين : لا انا مش هاكل مع سوسو ولا هقعد معاها ع تربيزه واحده
سليم بعصبيه : متبقيش مستفزه بقي
ياسين بضحك : خلاص يلا يلا بس اسكتو بقي
سليم : انت بالذات متتكلمش
ياسين بضحك : حاضر حاضر يلا
دعاء : يلا يا يارين ناكل
يارين : لا مش عاوزه
ياسين : يلا يا انسه يارين يلا معلش
يارين : علشان خاطرك بس علشان انت بس عسول
ياسين : الله يخليكي ي كتكوته انتي
سليم بقرف : الله يحرقكم
قعدو كلهم كلو وكان سليم قاعد متغاظ منها وهي عامله ولا فارق معاها و ياسين ودعاء كانو كاتمين الضحكه
ياسين بضحكه مخفيه : مالكم كدا ساكتين كدا لي
دعاء : مش عرفه ف اي
ياسين ليارين : قوليلي بقي انتي ف سنه كام ي قمر انتي
هنا سليم بص لياسين بنظره حاده
يارين لاحظت ف قررت تكيدو اكتر
يارين : انا بقي ي قلب القمر داخله تالته ثانوي
ياسين : اوه سنه صعبه اوي نفسك تخشي اي بقي
يارين بفرحه : نفسي اخش كليه هندسه
ياسين : قسم اي
يارين : قسم ديكور بحب اوي الديكور واحب اصمم جدا
ياسين : شكلك بقي عندك ذوق فني ع كدا
يارين : اه طبعا
سليم بهمس : عندها ذوق فني بس معندهاش ذوق
يارين : هو حضرتك قولت حاجه ولا اي؟
سليم : لا مقولتش
يارين : اه بحسب
ياسين : المهم انتي بقي ع كدا هتكملي دراستك هنا
يارين : اه وهشوف شغل هنا جمب دراستي
دعاء : لي هتشتغلي ي بنتي مانتي معاكي معاش ابوكي وامك
يارين : محتاجه الفلوس دي جدا ي دودي
دعاء : لي طب ف اي
يارين : هبقي احكيلك بعدين
دعاء بلهفه : بدال عاوزه شغل خلاص انا لقيتلك شغل وبمرتب كويس كمان
يارين بلهفه : اي فين
دعاء لسليم : اكيد عندك صح
سليم : عندي اي
دعاء : شغل ليارين
سليم : مبشغلش عيال صغيره انا
يارين : اريح بردو انا مش هقبل اشتغل معاك بعدين يعني هلاقي بدل شغلك مليون
دعاء : لي ي سليم بس شوفلها اي حاجه ع الاقل هكون مطمنه عليها
يارين : سيبك انا هلاقي شغل احسن منو اصلا
سليم بخبث : لما تلاقي ابقي تعالي تفي ف وشي
يارين : حاضر بقي لما الاقي هاجي اتف ف وش حضرتك
سليم : احنا هنستعبط ولا اي
دعاء : مخلاص بقي انتو الاتنين كلتي ي يارين علشان نمشي ؟
يارين : اه الحمد لله يلا
سليم : السواق موجود ؟
دعاء : اه برا قولتو يستني
سليم : ماشي خلي بالك من نفسك
دعاء : ماشي حاضر
ياسين : ماشي ي لولو اشوفك تاني
يارين : من عنيا بس كدا ان شاء الله ف اقرب وقت
يارين لسليم : باي ي سوسو ان شاء الله مش هشوفك تاني
سليم : بس بقي متقوليش سوسو دي وبعدين اريح
دعاء : يلا ي يارين
. . . . . . . . . . . . . . . . . . . . . .
عند يارين ودعاء بعد ما ركبو
يارين باستفسار : هو اسمو اي
دعاء : هو مين
يارين : الراجل الرخم ده
دعاء بضحك : اسمو سليم الحربي
يارين : اهه
دعاء : لي ف اي
يارين : بسال بس
دعاء : متقلقيش هشوفلك شغل عندو هو مش هيرفضلي طلب
يارين : لا مش هشتغل معاه انا بكره هنزل وادور بنفسي
دعاء : طب انتي محتاجه الفلوس ف اي ي يارين قوليلي
يارين بحزن : ولا حاجه
دعاء : اعتربيني زي ماما ي يارين احنا هنعيش سوا وهنبقي سوا مينفعش تخبي عني حاجه قولي يلا بقي سامعاكي
يارين : طب محدش يعرف بده اوعديني مش هتقولي لحد
دعاء بضحكه خفيفه : انا مليش حد علشان اقولو كان ليا مامتك بس بس ربنا يرحمها ي حبيبتي بس بردو اوعدك مقولش لحد علشان ترتاحي
يارين : بابا كان مستلف من واحد 200الف جنيه ومتفق مع بابا انو يسدهم بس بالقسط وبعد كدا بابا بعدها بشهر مات وابنو كان مرتبط باختي من زمان اوي قبل محتي بابا يستلف وللاسف اختي بعتتلو صور من زمان ليها بشعرها ودلوقت هو وابوه بيهددني ان لو مرجعتش الفلوس ويكونو 500 الف جنيه هينشر صورها ويفضحها
دعاء : يالهوي لدرجادي اي الشحص الجعان ده بعدين هي ماتت اي القذاره دي وبعدين مفيش اي ورق يثبت ان كانو 200
يارين : للاسف لا وانا لازم ادفعهم واترجتهم كتير وقالي انو لازم ادفهم مره واحده ومن غير كمان حتي بالقسط
دعاء : طب مفيش اي ارض تقدري تبعيها وتسديهم
يارين : للاسف لا لو هبيع لازم اروح لعمامي واكيد هما مستنيني ارجع علشان يقتلوني
دعاء : طب انا ممكن اساعدك
يارين : اي ازاي
دعاء : هتشتغلي مع سليم
يارين : لا استحاله
دعاء : اسمعيني بس الاول ..تقدري قبل متشتغلي تاخدي قرض منو وانتي تسديه مقابل الشغل
يارين عينها لمعت
دعاء : اي قولتي اي
يارين بحزن : لا لا بردو هو مش هيسبني ف حالي
دعاء : ي بنتي مفيش حل الا ده
يارين : سيبي الحل ده ف الاخر
دعاء : ماشي ي قمر اللي تشوفيه
. . . . . . . . . . . . . . . . . . . . . .
البارت طويل اهو اي خدمه🤭
. . . . . . . . . . . . . . . . . . . . . .
صل علي النبي ♥️
- يتبع الفصل التالي اضغط على ( رواية كنت وحيدا لكنك اتيتي) اسم الرواية