رواية حبي الوحيد الفصل التاسع 9 - بقلم جنى
البارت التاسع❤️
____________
بسم الله الرحمن الرحيم🦋❤️
"في فيلا الجرحي"
وصل مراد الفيلا ودخل ولقي سميحة بتلم اطباق العشا
مراد: ماما سميحة(مراد بيعتبر سميحة زي مامته) اومال فين ماما وبابا والباقي
سميحة: لسة طالعين دلوقتي
مراد: امممم ممكن يكون لسة صاحيين؟
سميحة: معرفش يابني بس ملحقوش يناموا
مراد: طيب انا هطلع اشوفهم ...وطلع اللي أوضة ليل وخبط وليل إذن له بالدخول
ليل: الحبيب العاشق جه
مراد بإستغراب: حبيب عاشق دة ليه اكيد فريدة هي اللي قايلة كدا
ليل: رحت تتعشي معاها وطول الليل والنهار بتتكلم عليها وقد ايه علاجها فرق معاگ...وراح يشرب ماية
مراد: وهروح اطلب أيدها كمان
ليل وهو بيكح: مين انت تتجوز اح اح
مراد بضحك: من الفرحة بتموت اشرب ماية طيب
ليل: الحمدلله راحت قلتلي هتروح تطلب ايه
مراد: ايدها هروح اطلب أيدها
ليل: يابني انت مش بتطلب اوردر دة جواز عارف يعني ايه
مراد: عارف وعاملك مفاجأة كمان
ليل: مفاجأة ايه ياخوفي من مفاجأتك
مراد بإبتسامة واسعة: انا بدأت اخف
ليل: بجدددددد
مراد: اه والله مش ملاحظ ايدي...وليل بص علي أيده لاقاه مش بتتهز
ليل بدموع: دة فعلا بجد بدأت تتحسن والنوبات بتقل مااااماااا بااابااا
مراد: شششش بس اسكت انا عملهم مفاجأة
ليل بدموع راح حضنه: وعقبال الباقي
مراد: تصدق انك نكد يعني جاي بقولك مفاجأتين وبتعيط
ليل: هتروح أمتي
مراد: مش عارف تفتكر هيوافق
ليل: وميوافقش ليه دة انت الف واحدة تتمناك و.....
مراد: ليل مش هنضحك علي بعض انا عارف أنه مش هيرضي انا لو مكانه مش هرضي اكيد مش هجوز بنتي مريض نفسي
ليل: متفكرش كدا يا مراد وبعدين انت بتتعالج وبدأت تتحسن وهتخف تماما ميوافقش ليه طالما هي بتحبك وانت بتحبها خلاص
مراد: ماشي كل الكلام دة حلو بس مش هيرضي فكر كدا يا ليل مش ظابطة
ليل: باباك صاحب اكبر شركات العالم و انت من عيلة كبيرة وبتحب بنته وبنته بتحبك مش هيوافق لييييييه؟؟
مراد: ايه يا ليل بتزعقلي ليه
ليل: اصل انت دماغك ناشفة وبتفكر بسلبية
مراد: مش سلبية بس خلينا عايشين علي أرض الواقع
ليل: انا املي في ربنا كبير وان شاء الله هيوافق كل جوازكم انت بس انتظم في علاجك وفي جلساتك وان شاء الله تتحسن اكتر واكتر
مراد: أن شاء الله هروح انام انا عشان جلسة الصبح
ليل بإستغراب: مش كان عندك جلسة انهاردة؟
مراد: ما احنا كثفنا الجلسات
ليل بخبث: ودة عشان تتعالج ولا عشان حاجة تانية
مراد وهو بيحدف عليه المخدة: نام يا ليل
ليل: حاضر براحة علينا ياعم
مراد: تصبح على خير
ليل: وانت من اهل الخير...ومراد راح علي أوضته وخد شاور واخد علاجه وفضل يفكر هل ابو ندي هيوافق علي جوازهم؟
_________________
"في فيلا الاسيوطي"
ندي: مااااااامااااااا
نادية بخوف: في ايه يا ندي براحة بتزعقي ليه
علي: اه صح يا ندي بتزعقي ليه
ندي: عاملة ليكوا مفاجأة
نادية: قولي ايه هي المفاجأة
ندي بتوتر: اصل الصراحة احم احم يعني كان عايز احم
علي: ايه يا ندي دي شفرة هنفكوها يعني ايه هي المفاجأة
ندي بتوتر: بصراحة يعني احم احم الموضوع كبير ومهم هو.....
نادية: أخلصي يا ندي عايزين ننام
علي: ندي انا مش فاضي يا ندي عندنا شغل بكرا تبقي تقوليلي اللي انتي عايزاه بكرا
نادية: باباكي عنده حق يا ندي انتوا عندكوا شغل وانا هموت وانام
علي وهو يقبل رأسها: تصبحي علي خير
نادية: تصبحي علي خير يا ندي
ندي بحزن: وانتوا من اهل الخير...ونادية وعلي طلعوا علي اوضتهم
ندي بغضب: اووووووف بردوا مقولتش علي موضوعي انا ومراد ما تنطقي يا ندي.....وطلعت علي اوضتها وهي متعصبة
__________
في الصباح تشرق الشمس في سماء صافيه لتعلن يومًا جديدًا
__________
"في فيلا الجرحي"
مراد: بابا انا عندي جلسة انهاردة
سليم بإستغراب: انهاردة ليه
مراد: دكتورة ندي قالت الأحسن ليا اني اكثف الجلسات وعامل ليكوا مفاجأة انهاردة يلهوييي الساعة 9 اتأخرت لازم أمشي دلوقتي
فريدة: استني قلنا المفاجأة
مراد: مش وقتوا يا فريدة لما اجي ابقي اقولكوا
سليم: تاخد معاك........
مراد بمقاطعة: اخد معايا حراسة واخد دوايا ومتاخرش برا
سليم: دي قواعد لازم تمشي عليها
مراد بضحك: حاضر يا حضرة المدير.....وراح علي العربية واتجه إلى المستشفى
ثريا بفرحة: سليم مش شايف أن مراد بدأ يتحسن وكمان علي طول بيضحك ونفسيته كويسة
سليم: فعلا انا كمان لاحظت كدا يارب دايما
ثريا: دي اول دكتورة تخلي مراد بالشكل دة
ليل: بس يارب ميعملش حاجة تخليها توقف الجلسات معاه
كلهم في صوت واحد: يارب
___________
"في المستشفي"
ندي كانت بتفكر ازاي هتخلي باباها يوافق وازاي هتقوله اصلا وكانت غرقانة في شرودها...الباب خبط
ندي: اتفضل
ندي في سرها: يوووه انت تاني علي طول معطلني كدا
ندي: أزيك يا دكتور رامي
رامي ببرود: ازيك يا ندي
ندي بصدمة: ندي حاف كدا اسمي دكتورة ندي
رامي ببرود: في واحد يقول لمراته دكتورة ندي
ندي بغضب بتحاول تخفيه: دكتور رامي احنا اتكلمنا في الموضوع دة قبل كدا وقلنا اللي ما بينا شغل بس بس انا فاضلي تكة والغي الشغل اللي ما بينا خلينا كدا احسن عشان معملش حاجة تزعلنا كلنا ممكن بكلمة واحدة لبابا تخليك......
رامي: بسسسسس ايه كل دة انتي نسيتي كمان أن انا اقرايبي كتير برا مصر يعني ممكن بمكالمة واحدة أخفيكوا
ندي بزعيق: انت انسان مش محترم مش ندي الاسيوطي اللي تتهدد
رامي بضحك: طب بس اللي يطقلك عرق انا جيت بالادب والذوق اكتر من مرة وانتي موافقتيش خلاص يبقي اتجوزك وانتي مش راضية
ندي بعصبية: يعني ايه وانا مش راضية دة جواز يعني حياه ومسئولية وانا مش موافقة بيك ولغيت الشغل اللي ما بينا عن اذنك ..ورامي مسك أيدها ووقفها
ندي ضربته بالقلم علي وشه: انت شكلك نسيت انا مين إياك تتحرأ و تمسك ايدي تاني
رامي بغضب: صدقيني يا ندي هدفعك تمن القلم دة
ندي ببرود: متقدرش تعمل حاجة
رامي بخبث: لا اقدر كل المستشفي دي تبقي ملكي واوقع أسهم شركات سليم الجرحي وادمر كل حياتك وحياته
ندي بتوتر: قصدك ايه يعني
رامي: قصدي أنك لو معملتيش اللي هقولك عليه دة هتندمي
ندي: مش نظيف الاسيوطي اللي يتلوي دراعها اتفضل اطلع من مكتبي حالا متخلنيش اطلب الأمن هما اللي يطلعوك
رامي: الأمن دة اللي هيطلعك اسمعي الكلمتين دول لو عايزة محدش في عيلتك ولا عيلة مراد يتأذي يبقي تلغي علاقتك بمراد تماما وكمان تتجوزيني ولو معملتيش كدا هدمر كل فروع شركات سليم الجرحي وهشتري المستشفي دي انتي نسيتي اقرايبي اللي برا مصر
ندي ببرود: إذا كان عندك قرايب برا مصر فأنا عندي معارف بابا يسدوا عين الشمس وممكن بمكالمة واحدة تخلص عليك انت ومعارفك
رامي: لو عرفتي تهربي من معارفي مش هتعرفي تهربي من شري اسمعي الكلمتين دول كويس يا تتجوزيني يا أوقع كل فروع شركات سليم الجرحي واشتري المستشفي دي كلها و اصورلك فيديو مدته تلت دقائق بس ايه تلت دقائق ولا اروع هتشوفي فيه استاذ مراد بتاعك وهو بيتقـ"ـتل قدام عينك وهو غرقـ"ـان في دمـ"ـه أو هنروح بعيد ليه ممكن يكون باباكي مامتك اي حد عزيز عليكي وهعمل كل دة وهتتجوزيني بردوا انهاردة ودلوقتي حالا تلغي علاقتك بمراد انا حاطت فلاشة صغيرة في اوضتك مش هتشوفيها هسمع كل كلامك لمراد ولو غيرتي حرف من الكلام اللي قلتهولك هتكوني حكمتي علي نفسك فكري في كلامي يا قطة اه نسيت اقولك الكلام ولو خرج برا هتزعلي وهجيب ناس تزعل
ندي كل كلمة كانت بتنزل عليها كالسيف وحسن بوجع جامد في قلبها وكأن الدنيا وقفت بيها ودموعها نازلة زي الشلال
رامي بخبث: يا عيني مش قولتك من الاول تعالي اتجوزيني بالادب والذوق اه صحيح يا ندوش كل كلمة هتقوليها في الجلسة أو برا الجلسة بيوصلني والفون معايا بضغطة واحدة منه تنهي حياه الكل
ندي بعياط وزعيق: انت انسان حقـ"ـير وحيـ"ـوان ووا"طي ولو اخر راجل في الدنيا مش هتجوزك بردوا
رامي ببرود: براحتك انتي اللي عايزة وطلع فونه وهيرن علي رقم
ندي: موااااافقة خلاااااص
رامي وهو بيقرص خدودها براحة: أيوة كدا يا قمر بس مش عايز كلامي يوصل لـ حمايا علي عشان ميزعلش اصل انا حاطط في كل حتة كاميرا يعني كل حرف هتقولي هعرفه صوت وصورة كانك قاعدة جمبي عايزين نحدد يوم عشان ننزل نشتري فستان الفرح يا حبيبتي
ندي بعياط: زباااااا"لة
رامي ببرود: تؤ تؤ مش عايز غلط يا حبيبتي في واحدة تعلي صوتها علي جوزها
ندي: اطلع برااااااا
رامي: سلام يا قلبي هكلمك بليل
ندي وهي بتحدف عليه الاوراق اللي علي المكتب: برااااااا
كل دة والسكرتارية روان سامعة صويت ندي بس خايفة تدخل ولسة هترن على علي
رامي: شششش بتعملي ايه
روان بتوتر: كـ كنت هـ هكلم استاذ علي عشان سمعت صوت دكتور ندي بتزعق
رامي ببرود: دي أمور عائلية محدش يدخل فيها سامعة
روان بخوف: سامعة
(رامي عنده اقرايب برا مصر وأبوه متوفي وكل اقرايبه قالوله أنه يفتح مستشفي ليه هو بس بس هو مرضاش عشان يبقي جنب ندي )
________________
"عند ندي"
ندي كانت قاعدة بتعيط ومنهارة ومش عارفة تعمل ايه وازاي هتقول لـ مراد كل الكلام اللي رامي قالها عليه ولو فكرت مجرد تفكير أنها تعصي كلامه ساعتها هيدمر كل حياتها وهيقـ"ـتل مراد وهيتجوزها بردوا
ندي بعياط: اعمل ايه ياربي اعمل ايه.......التليفون رن
ندي بصوت مبحوح: الوو
روان بزعل وخوف: دكتور ندي استاذ مراد جه
ندي: متدخليهوش دلوقتي لنا اقولك دخليه تبقي دخليه
روان: ماشي يا دكتور ندي
وندي قامت غسلت وشها وحاولت أنها تهدي بس لما تفتكر أنها هتقول الكلام دة لمراد تعيط اكتر
ندي: اعمل ايه بس سامحني يا مراد بس لازم اعمل كدا لـ مصلحتك ومصلحة الكل سامحني انا اسفة وبدأت تغسل وشها وخدت نفس عميق وقررت انها تقوله كل كلمة قال عليها رامي
ندي بصوت مبحوح: روان دخلي استاذ مراد
روان: حاضر يا دكتور استاذ مراد اتفضل ادخل...ومراد دخل
مراد: ايه يا ندي بقالك ساعة عشان تدخليني
ندي بألم داخلي بتخفيه: اسمي الدكتورة ندي
مراد بضحك: اووووه هتبتدي تتكبري علينا
ندي بحدة مصطنعة: لوسمحت يا استاذ مراد اتكلم معايا برسمية ويلا نبدأ جلستنا
مراد بجدية: بطلي بقا الشغل دة يا ندي
ندي بمقاطعة: اسمي دكتور ندي متتعداش حدودك
مراد: في ايه يا ندي مالك انتي جرالك حاجة دة احنا كنا مع بعض امبارح
ندي: غلطة وندمانة عليها
مراد بإستغراب: غلطة غلطة ايه
ندي: غلطتي الوحيدة اني فكرت مجرد تفكير اني اتجوزك
مراد: لا دة انتي اتهبلتي بجد
ندي: لوسمحت يا استاذ مراد التزم حدودك
مراد: ندي بطلي مقالب وهبل ابدأي الجلسة يلا
ندي: واعمل فيك مقلب ليه وانت مين اصلا انت مجرد مريض نفسي عندي وانا مش عارفة ازاي فعلا كنت هتجوزك
ندي في سرها: اسفة يا مراد انت متعرفش مدي حبي ليك بس لازم اعمل كدا حكم القوي علي الضعيف
مراد بصدمة: انتي مكنتيش عايزة تتجوزيني
ندي في سرها: اطلاقا انا نفسي اتجوزك واعيش معاك بس للاسف رامي الزبـ"ـالة هو اللي جبرني علي كدا سامحني
نظي: فوق كدا انت عايش في مية البطيخ ازاي دكتورة ندي الاسيوطي تتجوز مريض نفسي عندها
مراد: يا خسارة مطلعتيش زي ما كنت مفكرك كنت مفكرك ملاك وبتحبيني بس مطلعتيش كدا انا اتصدمت فيكي مكنتش اعرف انك كدا طلعتي إنسانة حقـ"ـودة ووحشة
ندي: اعتبرني زي ما تعتبرني اللي عندي قلته
ندي في سرها: ااااااه يا مراد انا بحبك بس عشان بحبك لازم اعمل كدا
مراد بسخرية: انا ماشي يا دكتورة ندي
ندي: بس انا جلستي مخلصتش
مراد: بس بالنسبالي خلصت وخلصت فترة علاجي معاكي كمان سلام وقفل الباب واتجه إلى عربيته وهو مصدوم
ندي فضلت تعيط وشهقاتها بدأت تتعالي
ندي: منك لله يا رامي حسبي الله ونعم الوكيل فيك انا ازاي هسيب مراد وهتجوز رامي وفضلت تعيط وراحت ركبت عربيتها واتجهت علي بيتها
___________
"عند مراد"
مراد: معقولة ندي طلعت كدا في الاخر وافتكر لما اعترفلها بحبه ونظرات حبها له
قلبه: اكيد في حاجة غلط ندي بتحبك ومستحيل تعمل كدا ندي مش من النوعية دي
مراد: بس بقا انت اللي ودتني في داهية اسكككت انا غلطان لاني مسمعتش كلام عقلي بس
السواق: استاذ مراد احنا وصلنا الفيلا
مراد: ماشي ونزل دخل الفيلا واول ما دخل طلع اوضته من غير ولا كلمة
فريدة: ايه اللي جابه دلوقتي دة حتي وقت الجلسة مخلصش
ثريا: ربنا يستر ايه اللي حصل
فريدة: تعالي نطلعله ونسأله ايه اللي حصل
ثريا: تعالي.....وطلعوا له
ثريا: مراد افتح الباب
فريدة: افتح الباب يا مراد في ايه الجلسة بتاعتك لسة مخلصتش
مراد: سيبوني لوحدي محدش يخبط علي الباب وبمناسبة الجلسات مش هروح تاني طلعت زيهم سيبوني لحد ما اموت في الاوضة لوحدي
ثريا بإستغراب: هي مين دي اللي طلعت زيهم ومش هتروح جلساتك تاني ليه
مراد: سيبوني لوحدي محدش يخبط تاني علي الباب
فريدة: مراد في ايه افتح الباب يلا ما انت كنت مبسوط الصبح
مراد: محدش يخبط الباب صوته بيزعجني
فريدة: تعالي يا ماما تعالي ننزل
ثريا بدموع: هنسيبه لوحده
فريدة: هو لما يهدى يبقى يقولنا ايه اللي حصل وانا هحاول اتكلم معاه
ثريا: ماشي يا بنتي
________________
"في فيلا الاسيوطي"
ندي دخلت الفيلا وهي بتمسح دموعها
نادية بقلق: ندي في ايه مالك جيتي بدري وعلي فين ومالك وشك بهتان كدا ليه
ندي: تعبانة شوية ومقدرتش اكمل الشغل خدت إجازة وقلت اريح
ناظية: طيب حاسة بأيه اكلم الدكتور طيب
ندي: لا لا انا هريح شوية في اوضتي وبس
نادية: طيب يا حبيبتي
يتبع..............
يا تري ندي ومراد هيرجعوا لـبعض؟
هل حياتهم هترجع زي الاول وهل رامي هيتجوز ندي؟
•تابع الفصل التالي "رواية حبي الوحيد" اضغط على اسم الرواية