رواية وهج الدمار الفصل العاشر 10 - بقلم ريو الطائي
البارت العاشر
- وهج الدمار-
-الكاتبه ريو الطائي-
لاتنسون المتابعة والتعليق بين الفراغات علقو شكد متكدرون وبس احبكم فرولاتي 👀✨🖤
__________
.
.
.
.
.
. كام من الكرسي وردف بحده
دمار: وهج بس تروحين ؏صديقتح بعد
مالج كعده بهاذه البيت
نصدمت من كلامه ماتوقعت توصل
وياه لهنا بقيت هادءه مانطيت رد فعل
بس باوع علي
الحجي: شنووو بكيفك انته شوكت ماتريد تجيبها
وشوكت ماتريد طلعها
عمر: شبيك دمار معقوله وصلت وياك
طلعها من البيت
سجاد: كافي عاد هيه مو لعبه عندك هاي
كله بس لان تريد تشوف صديقتها
لحدددددد يدخللللل انتمممم مالكم علاقهه
سجاد: راح اخذها وطلع من البيت هيه مثل
اختي مستحيل خليك تهين كرامتها
اجى دمار يريد يضرب سجاد بس لزمه عمر
وهوه يحاول يهدي بي
نسام: هيه صدك شعدها باقيه هنا لو اني مكانها
مابقى ناس ماعدهم كرامه
الحجيه: لعد جا وليتي انتي لاهلج يوميه نهين بيج
وهج: كلامهم صحيح اني شعندي ضاله هنا
انتو بالخير ماتقربولي
عمر: شبيج انتي الثانيه ستهدي برحمانج
يمعوده
ماهتميت لكلامه صعدت على درج والكل
يباوع عليه عبالهم زعلانه لان دمار مايريدني
ابقى بالبيت والله تحلمون نزل نفسي لكم
دخلت للغرفه لميت ملابسي وأكتبي
والشياء الحتاجها غيرت ملابسي
شديت اشعري ذيل فرس شلت الجنطه وطلعت
من الغرفه نزلت على درج والكل يباوع
عليه دمار جان كاعد على الكرويته
ويدخن وعيونه تجدح نار
خليت الجنطه بالكاع وباوعت على جود
وهج: جود عادي توصلني لبيت اهلي
وييييين تروحين لو يجي ال** ماتطلعييين من البيت
ماهتميت اصلا ولاباوعت علي
وهج: يلا جود توصلني لو روح وحدي
جود: وين تريدين وهج شلون تروحين والبيت
مابي احد
وهج: يعني مراح توصلني عادي
لزمت الجنطه وطلعت من الصاله
ماحسيت على ايد تسحبني قوي
باوعت على ايد لزمتني
وهج: وخر يدك ليش تخليني غلط وياك بكلامه
انتي كل عقلج لوو تموتيييين ماخليج تطلعين منه
وهج: وخررررر كولل انته شنووو مالك علاقه بيههه
عتني علي خلي ولزم فكي قويي
وهجج انتي محد يدخل بيج غيري اني
افهمتييي وطلعه من هنا انتي مالججج
اجى عمر سحبه مني وهوه يغلط ويسب بيه
ويكفر كل هاذه واني مانزلت دمعه من عيوني
جت بيبي احضنتني وردفت
يمه لاتروحين شلون تعيشين وحدج
وهج: اني ماحداج احد بس خلي دمار
بعيد عني راح عيش مرتاحه
انتي ماعندج حياه بدوني صدكيني وهج
بس تطلعين منه راح شوفج وجهيي الثاني
وهج: والله يا دمار اذا ماخيتني روح هسه
حرك نفسي
الحجي: شكاعد تحجين بابا مو هيج تنحل المشكله
وهج: اني ماريد بقى هنا هيه مو غصب
على جثتييي تطلعيين وهججج
لاتخليني سوي شي تتندمين علي كل عمرج
وهج: والله ماتندمت على شي غير بس من وافقت
وجيت وياك شكد جنت غبيه
سجاد: وين تروحين بيت اهلج فارغ
نسام: عادي واذا تعيش وحدها شعليك بيها
هيه هسه تطلع كحب*مثل امها
دنكت ونزلت دموعي موت ولا احد يحجي على
اهلي معقوله بقى مكان اهلي ينسبون بي
امسحت دموعي وكمت اخذت الجنطه وطلعت
وصلت للبيت اسمع صوت فززني
وهجج لاتروحيين اني موت بدونج
لاسوين هيج ادري غلطت بحقج
بس لاتعوفيني
عمر: وهج رجعي نتفاهم وين تروح وانتي بنت
ماتخافين على نفسج
وهج: اعرف شلون دير بالي على نفسي
اني مابقى بمكان نهانيت بي صحيح
اهلي ميتين بس بيتهم موجود كل ماضاقت
بيه الدنيا هوه يلمني
اجى عليه دمار يريد يلزمني بس بعدت منه بسرعه
وهج: دير بالك تقرب خليك بعيد مني
وهج خلي نحجي لاتسوين هيج
مارديت عفته ومشيت فتحت
. الباب وطلعت من البيت
جود: انتظري اني وصلج وهج
وهج: ماريد شكرا
جود: لا ترديني هسه دنيا اضهر ماكدر خليج تروحين
وحدج
هزيت راسي وسكتت هوه يجيب السياره
ودمار يريد بس يعوفونه احتى يجي عليه
تخبل عمر وسجاد يلا لزمي
اجى جود صعدت وياه خليت الجنطه
ومشت السياره الوضع هدوء
جود: ليش هيج سويتي وهج
وهج: احسن ليمتى بقى عايشه عدكم مايصير
لزم عتمد على نفسي الحمدلله مابيه شي
احتى حتاج احد يصرف عليه لو يدر باله
جود : كلامج صحيح بس بعدج اصغيره
وهج: لا. مو اصغيره هسه صرت اجبيره وعرف تصرف
هز راسه وسكت واني هم اسكتت
وصلني للبيت نزلت من السياره
باوعت على بيتنا دموعي تنزل بهدوء
واني اذكر حياتي قبل
جود: لاتبجين وهج محد يستاهل ذني دموعج
دنكت راسي وخذت الجنطه من ايده
طلعت المفتاح من الجنطه وفتحت
الباب باوع عليه جود
جود: اني رايح اذا تحتاجين شي تصلي عليه
ماشي
هزيت راسي وهوه صعد بسياره مالته وراح
دخلت الجنطه وسديت الباب ودخلت
البيت فارغ ماكو صوت امي وهيه تصيحلي
حتى كعد وياها ماكو صوت بابا وهوه يقرأ قران
رحت للغرفتهم فتحت الباب ودخلت
كلشي نفس مكانه ليش هيج ماما انتي مو كلتي
مستحيل يجي يوم وعوفج هيج حرمتيني من احضنج ومن ريحتج اني مو بنتكم الوحيده
هيج ينطيكم كلبكم تعوفوني مو تدرون بيه ضعيفه
اني ولا شي بدونكم وينك بابا شلون تعوفني بلا سند
اني شنو مسويه بحياتي وهيج وحرمتوني منكم اثنينكم ليش الله ماخذني وياكم جنتو تخافون عليه ماتخلوني بقى بالبيت وحدي هسه محد يمي
رجعو والله مشتاقتلكم ليش هيج سويتو بيه
بقيت وقت طويل ابجي لحد ماتعبت شوي وسمعت
صوت الباب ينفتح كمت طلعت من الغرفه
باوعت على باب فتحت ايدينها
رحت بسرعه عليها وحضنتها ابجي بصوت عالي
مريم: ليش تبجين يعمري شبيج وهجي
وهج: مريم مشتاقتلهم فدوه كوليلهم خلي يرجعون
شوفي صار بيه اني ليش هيج ماعندي حض
وخرتني من احضنها باوعت لوجهي وصارت تبوس
بكل نحاء وجهي
مريم: لاتبجين هيج تذينهم
ياعيوني انتي مشتاقتلج وهج
وهج: واني هم يروحي اخلص بعد ماكو فراك
رجعت لبيت اهلي وراح رجع لمدرستي
مريم: صدك تحجين ليش صاير
وهج: تعالي كعدي هسه وبعدين حجيلج كل شي
مريم: تعالي خلي نضف البيت وهج باعي شلون واصخ
هزيت راسي وكمت غيرت ملابسي لبست تراك وهيه
نزعت الحجاب وصرنا انضف ونسوالف
ماخلينا مكان مانضفنه
صعدت الجنطه مالتي لغرفتي فتحت الباب ودخلت
اني ومريم اذكرت اخر مره من جينا اني ودمار دمعت عيوني
مريم: وهج تئخر الوقت راح يصير ليل
شلون راح تبقين وحدج
وهج: تعلم ماكو شي اصعب
مريم: تجين وياي نروح لبيتنا
وهج: لا عمري ماروح بعدين ماعليه شي راح
شغل الكامرات ماعليه شي لاتخافين
مريم: يلا لعد راح اروح اني ديري بالج على نفسج
باعي راح فتح تصال وياح طول اليل حتى
تحسين احد يمج ومتخافين
رحت عليها وبوستها
وهج: ولج انتي شنو. من بشرر يابه شكد احبج
اضحكت وبادلتني الحضن
مريم: يلا وهجي تعالي سدي الباب وراي
هزيت راسي وطلعت وراها راحت مريم
واني رجعت للبيت صعدت فوك لغرفتي رتبت الملابس
ورشيت عطر ونزلت جوه باوعت على ساعه 5ونص
المغرب دخلت للصاله شغلت التلفزيون خليته ؏القران
اخذت فلوس ولبست جبه فوك ملابسي وطلعت للمحل شتريت مسواك وحلويات وطلعت
دخلت للبيت واني فرحانه احس رجعت عيش حياتي
مثل قبل من جانو اهلي موجودين
سويت اندومي وكعدت على طاوله الي بالمطبخ
شغلت الجهاز على فلام كرتون وكعدت باوع
بين مايستوي الاندومي
كمل الاندومي طلعتا وكعدت اكل وباوع على
جهاز شوي وحسيت على شخص وراي باوعت
نصدمت كمت بسرعه وردفت بغضب
وهج: انته شسويي هنا كافي عاد شتريد مني
وهج ماكدر بدونج بس نطيني فرصه خلي نحجي
وهج: ماكو كلام بينا وترجاك تطلع منه وماتشوفني وجهك مره ثانيه
امسح على وجها وعيونه حمر
مستحيل ماكدر عوفج والله ماكدر
ليش هيج تسوين بيه ادري غلطت بس ماستاهل
هاي المعامله منج
وهج: لعد شتريد سويلك ركصلك مثلا شوف
دمار تطلع منه لو سوي شي مايعجبج
عوفي التهديد هسه وتعالي نحجي بس
اسمعيني
وهج: ماريد اسمع شي طلع من البيت بسرعه
شلون عوفج وحدج بالبيت ماكدر وهج اني روحي
بيج والله ماكدر بدونج
وهج: دمار طلع الجيران كل بيوتهم بيها كاميرات شيكولون عليه ماريد مشاكل
تحلمين خليج هنا وحدج
كال هاذه الكلام وراح كعد بصاله وخله رجل على رجل
طلع جكاره يشرب ويباوع عليه
شنو هاي النضافه وهجي الريحه ترد الروح
بس يمكن جايه هاي الريحه منج لان بس انتي تردين روحي
وهج: وتالي وياكك انته
ليش معصبه تعالي كعدي وهجي العصبيه
تسويلج تجاعيد ماريد وجهج هاذه الحلو يخرب
بقيت ساكته احس بي شي ماعرف يحجي
كلام ممفهوم حتى تصرفاته غريبه كل شوي يمسح
على كصته ويفرك على صدره
وهج: شبيك دمار؟
مابيه شي وهج لاتخافين
وهج: لو تموت هنا ماهتم ليش اخاف وهسه يلا طلع
مارد بقى مدنك راسه اخفت من شكله تقربت منه
جيت خلي يدي على جبينه بس لزمها بسرعه
وهج: شبيك عوف ايدييي
مارد بقى بس يباوع بعيوني
تقربت منه شميت ريحت مشروب بعدته بسرعه
سحبت ايدي منه وطلعت ركض للحمام استفرغ
اجى وري يريد يساعدني بعدت بسرعه منه
وهج: وخررر ابو العرك
شبيج وهج
مشايفتك قبل تشرب
من وراج شربت وهج ماكدر عوفج
انتي ليش هيج تسوين سبحانه المايغلط
وهج: اني فرحانه لان رجعت للبيت هنا ماريد روح
وياك بعد الله يخليك افهمني
رجع راح للصاله واني امشي وره
مثل ذيله
تدللين وهج بقي هنا
ابتسمت بسرعه
وهج: يعني هاي هيه بعد مراح تزعجني
وراح ابقى بيتي
ابتسم ومسح على وجها
بس راح ابقى وياج اني هم
وهج: وانته شكووو شعندك باقي هناااا
عتبريني ازوجج منه وهيج
باوعت علي بصدمه خنزرته
وهج: انته شكاعدددد تحجييي
اي شبيج مرتي حبيبتي
امسحت على وجهي وحاول هدء نفسي
وهج: انته شارب ماتعرف شكاعد تحجي
عفته وجيت روح سحبني من ايدي ورجعني
علي وكعدني بحضنه
وهج: ولككك شدا تسوييي يمغضوب وخررر
وجعع اشش بعدني بعقلي شبيج نكرصتي
وهج: ولكك وخرر يدك ميصير هيج
اضحك سحبني حيل علي راسي صار بصدره
صرت حرك جسمي ريده يفكني ماكو
صرت ابجي بخوف
وهج: دمار فدوه وخرر شكاعد تسوي حرام عليك
خلي جيب السيد ويصير احلال
ولك ياسيدد تخبلت انته مستحيل ماريدك اني
لزم فكي قوي وردف بحده
لعد تريدين جود هوه حلو واحسن مني مو
وهج: الله يلعنك جود مثل اخوي بس انته تفكيرك واصخ
وهج تحلمين تصيرين لغيري
وهج: انته شبيك مريض شكاعد تحجي
مارد بقى يباوع لتفاصيل وجهي واني
حاول حرر نفسي منه بس ماكو فايده لزمني قوي
وهج: دمار
عيونه صارت بعيوني بلع رئک
عيون دمار انتي
وهج: فدوه وخرر كاعد تخوفني شبيك
قرب وجها مني وخله راسه بركبتي
اني هنا تخبلت صرت دفع بي بقوه
وحاول يوخر بس ماكو ولا يتحرك بجيت بصوت عالي
وهج:حباب وخرر لاتسوي هيج فدوه
ماوخر بقى راسه بركبتي ويبوس بيه بهدوء
وهج:كافييي تخبلتت شدا تسوييي دمار صحه على نفسك
اعضني من ركبتي قوي دفع بي ومايوخر
رفع راسه وعيوني صارت بعيوني رخه قبضه
ايده بسرعه دفعته وكمت بقى يباوع عليه
وهوه ساكت
تقربت منه ورفعت ايدي وضربته راشدي
وهج:ماتوقعت توصل وياك لهنا دمار هيج نفسك
تدنه على بنت تعتبرك مثل ابوها
عفته وصعدت على غرفتي دخلت وسديت الباب
كعدت وره الباب وصرت اشهك من البجي
كمت اخذت ملابس ودخلت للحمام
نزعت كل ملابسي باوعت على نفسي احس نفسي
وصخه الله ينتقم منك صرت اضرب بنفسي بقوه ملخت شعري بيدي وخرمش بوجهي لدرجه وجهي
صار ينزل منه دم
لبست ملابسي وطلعت كعدت بزاويه مال الغرفه
وبجي ربي رحمني والله تعبت ليش هيج يصير
وياي
ماعرف شلون نمت من الفكير وجع كلبي
كعدت باوعت على غرفه كمت واني حيل
مهدود باوعت ؏ساعه 8الصبح دخلت للحمام
غسلت وجهي وذكرت صار امس
تنهدت وفتحت الباب ونزلت دخلت للصاله
نصدمت واني شوف دمار بعده موجود
جان نايم الكرويته اخفت يصير شي
مثل امس رجعت صعدت فوك لميت شعري
وخليت حجاب على راسي باوعت ؏ركبتي
شفت بيها اثر ازرك استغفرت ربي ونزلت
جان بعده نايم تقربت منه وندسته بيده
وهج: دمار كعددد شعندك نايم هنا
فزز بسرعه باوع عليه وعلى مكان
اني شجابني هنا
تكتفت وباوعت علي بخنزره
وهج: اسئل نفسك شعندك هنا يلا طلع دمار
باوع عليه وركز انضره ؏الحجاب
من شوكت صرتي تلبسين حجاب كدامي
وهج: من هسه يلا كوم طلع شكو باقي هنا
وهجج عدلي اسلوبج
وهج: شسوي مثلآ ماخاف تره
عفته وطلعت من الصاله دخلت للمطبخ
طكيت ابيض وخليت الجاي على نار
جى دمار وهو يشنف بشعره هستوه سابح
وهج: انته وتالي وياك ماكعد تحمل وجودك هنا
اخخ احلى صباح عندي من اصبح بوجهج الحلو
باوعت علي صفح ودنكت على جهاز
ماحسيت اله على سحبت الحجاب من راسي
شهكت وباوعت علي
وهج: هاييي شبيك ليش هيج سويتتتت
مارد بقى صافن عليه تذكرت الثئر بسرعه سحبت
الحجاب وجيت طلع من بس لزم ايدي قوي
هاي شبيهااا ركبتج منو مسوييي بيجج هيجج
وهج: وخرر دمار ايدي كاعد تذيني
احجيييي شنو هايي الثئر البركبتج وهجج لاتخليني
مد يدي عليجج
نزلت دموعي باوعت علي
وهج: انته هيج سويت امس
فتح عيونه بصدمه رخئه قبضه ايده من ايدي واني
بعدت منه اني سويت هيج!
هزيت راسي واني ابجي كل ماذكر
كره نفسي احس نفسي رخيصه هاي مو تربيت
اهلي الي
بس هيجج سويتت احجييي شنو صار
وهج: مو امهم شنو حجيت دمار طلع منه
ماريد شوفك والله كارهتك ليش هيج تسوي
بيه لهدرجه تحسني رخيصه أبنظرك
شنوو رخيصه شدا تاكلين خر* انتي
وهج: انته ماكو اعقل براسك كاعد كلك
ماريد شوفك طلععععع كافي عاد بموتتني
شتريد مني انته
امسح على وجها وطلع من المطبخ
رجعت ابجي ليش هيج تغير مجان هيج
الله لايوفقك
كمت اغسلت وجهي وأخابرت على مريم
احتى تجي شويه وجت طلعت فتحت الباب
دخلت وسدت الباب وراها وباوعت عليه بخوف
مريم: شبيج وهج صاير
وهج: دخلي واني راح حجيلج
دخلت وراحت كعدت بصاله لزمت ايدي
وكعدتني يمها
مريم: احجي عاد كلبي راح يوكف من الخوف
مارديت نزلت راسي ونزعت الحجاب باوعت
على مكان الثئر وشهكت بصدمه
مريم: ولججج هايي شنو منو سوه بيج هيج
احجيي اليل كله اتصل عليج ماجاوبين عبالي
تعبانه ونمتي
اشهكت من البجي
وهج: مريم هاذه دمار هيج سوه بيه
باوعت عليه بصدمه
مريم: دمار هيج سوه!.
هزيت راسي وحضنتها قوي
وهج: مريم فدوه كولي شسوي والله كرها نفسي
مريم: بس شدخله للبيت وهج شلون دخل
وهج: والله ماعرف الله يلعنه ماجنت توقع يسوي
هيج حيصير سنه عايشين اني وياه سوه
بس ولا مره هيج سوه
مريم: كافي تبجين ماتوقعتيج هيج ضعيفه وين وهج
القويه الابوها شايف نفسه بيها
وهج: راحو اهلي وراحت قوتي وياهم
مابقى عندي سند
مريم: لا بل عكس لاتحجين هيج الله سبحانه تعال موجود كل ماضاقت بيج الدنيا تلجئين اله
لاتضعفين اهلج ماعوفوج اله يعرفونج انتي
قويه راح تكدرين تعيشين وترفعين روسهم
حضنتها حيل
وهج: روحلج فدوه شكد احبج كلامج ريح كلبي
اضحكت وباوعت عليه وتمسح بدموعي
مريم: يلا كافي ابجي كومي سويلي ريوك جيت
جوعانه من وراج
اضحكت وردفت واني امسح بدموعي
وهج: تدللين من عيوني
كامت وياي دخلت للمطبخ جهزنه الريوك وكعدنه نتريك ونسوالف هواي تحسنت نفسيتي
تمنيت نعيش اني وياها بيت وحدنه ومحد
ونحقق كل احلامنه
(بس ماجنت اعرف انو هاذه الحلم راح يتحقق )
خلصنا ريوك غسلت المواعين وطلعنا. كعدنه بصاله
مريم: جيبي كتبج تعالي أقريج
وهج: اوف ماريد درس خليني كاعده
مريم: كومي دراستج هم من كل شي يروحي
وهج: انتي اخر سنه لج نيالج
مريم: اي وان شاءلله انجح دعيلي وهجي
وهج: ان شاءلله يبعد كلبي
كمت رحت جبت الكتب وكعدت اقرأ
ومريم تساعدني مر وقت طويل وحنى نقرأ
تصالت امها عليها وكالت لزم تجي لان تئخرت
مريم: يلا عمري لزم روح والله بدي بقى وياج
وهج: لا يروحي عادي بس تعالي كل ماتفرغين فدوه
هزت راسها وبوستني وراحت واني هم
دخلت للبيت سويت غده وشغلت اغاني
وصرت اغني وأطبخ
خليت الاكل على نار هادء وصعدت طلعت ملابس
باوعت على ملابسي اللوان اذكرت كلام مريم
انو مايصير بقى لبسه اسود دنكت ودموعي نزلت
راح يصير سنه على موتهم واني لهسه ممقتنعه
انو ميتين اخلص وهج بح ماعندج اهل هسه انتي
وحيده امسحت دموعي وخذت تراك اسود كل عاده
ودخلت سبحت سويت تنضيف للبشرة وللجسم
وطلعت من الحمام كعدت سشورت شعري
وخليته مفتوح
نزلت ورحت للمطبخ طفيت النار عن الكل وكعدت اكل
باوعت على جهازي سجاد يتصال ابتسمت
وهج: الووو سجودتي شلونك
سجاد: سجودتي شنو مداج يالغمه
وهج: اويي شبيك معصب حياتي صاير وياك
سجاد: ماكو شي بس البيت فارغ بدونج وهجي
وهج: يلا بس كم يوم وتتعود
سجاد: ماراح ترجعين تدرين من طلعتي لحد هسه
دمار مادخل البيت
بلعت ريڰ وذكرته امس
وهج: مايهمني لاتحجي بي كدامي
سجاد: ماجنت ادري كلبج هيج قاسي وهج حرام
عليج ادري غلط بحقج بس مو هيج تسوين
وهج: فدوه اسكت ماريد احجي بهاذه الموضوع
يعني لشوكت بقى عايشه يمكم مايصير هيج لزم عتمد
على نفسي
سجاد: ماشي بكيفج وجع شكد تحجين سليمه صكج يالغمه
وهج: ولي بعد ماحجي وياك ليش تغلط وجع بكلب
دمار ان شاءلله
سجاد: يمه فديت خيتي الماترضه الوجع يصير بيه
اضحكت على كلامه بقينى نسوالف شويه
وسديت منه كمت اغسلت الموعين وصعدت
لغرفتي طفيت الضويه ونمت
وره فتره كعدت باوعت على ساعه 4العصر
باوعت على الكرويته الموجوده بالغرفه
فتحت عيوني على وسعها
باوع عليه وبتسم
شلونج وهج روحي
تنهدت بتعب وباوعت علي
وهج وتالي وياك دمار
شبيج عمري وجودي مضايقج شنو
وهج اي والله وتمنى تطلع من حياتي وماشوفك مره ثانيه
هز راسه بسف وبتسم
وين طلع هوه اني عايش علمودج
كل عقلج تحجين وهج
وهج: انته ماتستحي شلون تدخل لغرفتي حرام
عليك مايصير دمار نايم مثل الميت شدراني
اذا مجانت بلوزتي مرفوعه ماتستحي انته
اخخخ الله يراحم ايام زمان مجنتي تنامين
اله على صدري اوف وهج
وهج: شلون دخلت للبيت دمار
من وين يعني طفرت الحايط بس حتى ماتبقين وحدج
وهج: ليش هيج تسوي شتريد مني
كام وكف وراح يم الباب وردف
انتي كل عقلجج خليجج تبقين وحدج بهاذه
البيت بنيتي اصلآ طول الوقت اني موجود بسياره
يم باب بيتكم
وهج: وشعندك باقي يم الباب شتريد مني احجي بسرعه العندك وبعد لاتشوفني وجهك
لو شمأ تحجي ماراح اسمع كلامج وراح بقى
يوميه اجي هنا يمج حبيبتي وهسه كافي لغوه
ريد جاي راسي يوجعني طاح حظج شكد تلغين
عفني وطلع هاذه عود صدك يحجي؟
عبالك البيت بيتا ويفتر براحته؟
مداك ياثور سليمه صكك على كولت سجاد
اضحكت وكمت نزلت وره
دخلت على مطبخ باوعت جان واكف يم الطبخ
عفته وطلعت للصاله شغلت التلفزيون ؏قرأن
وكعدت ؏ الكرويته
شوي ودخل دمار ايد بيها ستكان الجاي والايد الثانيه
بيها جكاره راح كعد ؏الكرويته الكدامي باوع عليه وبتسم
وهج: شوكت اخلص منك ماتكلي
لا تحجين هيج وهج جرحتي مشاعري اخخ الله
اغميت اكصتي وباوعت علي
وهج: ابد انته مو عاقل لزم بيك شي
ابتسم وردف
مخبل اني وهج
احس كلبي وجعني من كال هيج
ادري هاي الكلمه تذي وخصوصي اذا
اسمعها مني ماريد جرحه سوه هواي شيأ
زينه الي
شبيج يروحي لاتدنكين راسج تره
مازعلان انتي حجيتي الحقيقه
وهج: لا انته مو مخبل دمار اسفه لان بلحظت
عصبيه حجيت هيج
انسي بنيتي الموضوع لاتتسفين يبعد بيتي
باوعت علي وبتسمت بادلني البتسامه ورجع راسه على الكرويته بقى ساكت شوي وردف
وهج
وهج: اها
اسف على صار البارحه جنت شارب مو قصدي
أذيج ومستحيل نفسي تدنه عليج ابد لاتفكرين
هيج بس لان شربت مادري وهيج سويت و ان شاءلله مستحيل بعد تنعاد ماريدج تخافين مني
ادري أذيتج بس اني ماكدر بدونج وهجي
وهج: انسى صار دمار مراح يتغير شي
اني مزعلانه منك شي صار وخلص
وهج يعني راح ترجعين وياي للبيت
وهج:لا مراح رجع دمار مستحيل
هز راسه وسكت شويه وطلع كال شوي وجي
من البيت تنهدت وتعب كمت صعدت فوك
وكعدت اقرأ
باوعت على ساعه صارت 8 ونزلت
جوه شتهيت اندومي ماعندي كمت لبست جبه فوك
تراك وخذت فلوس وطلعت رحت للمحل
دخلت اشتريت اندومي وحلويات وطلعت
من المحل درت وجهي شفت دمار وراي يخوزر
بيه بلكت ريک
وهج: شسوي هنا
كز على سنونه وردف بحده
بنت الوادممم شلون تطلعييين وحدج
وتالي وياج وهجج
وهج: اسكت لاتفضحنه شكو جاي وراي هنا هم
امشي كداميي وهججج
نزيت من صوته وطلعت من المحل وهو يمشي وراي
ويسب بيه ويغلط طاح حظك يالثور شبيك وين ماروح وراي
اجى صار يمشي قريب مني لزم يدي قوي ويعت بيه
ماحسيت اله على سياره وكفت يمنى
ونزل منها 4زلم بسرعه اخلو وصله على اخشمي
بعد ماحسيت بشي..
_____________________
يتبع:
-شنو رأيكم بالبارت-
-توقعاتكم للبارت القادم-
لاتنسون التعليق بين الفراغات اعلقو الف تعليق
احتى تصعد القصه احبكم فرولاتي 🖤✨😫
باجر ماكو بارت حبايب راح سوي تعديل للبارتات القديمه ومراح كدر نشر
لاتنسون التعليق بين الفراغات اعلقو الف تعليقاحتى تصعد القصه احبكم فرولاتي 🖤✨😫باجر ماكو بارت حبايب راح سوي تعديل للبارتات القديمه ومراح كدر نشر
- يتبع الفصل التالي اضغط على ( رواية وهج الدمار) اسم الرواية