رواية داليدا الفصل العاشر و الاخير 10 - بقلم حبيبة ابراهيم
(بعد سنة)
داليدا على صفحتها: صباح الخير
انا عارفة اني بقالي كتير مطلعتش لايڤ وبنزل بوستات بس
انا حصلي حاجات كتير تعبتني انا جاية اقولكوا اوعوا تفتكروا ان الدنيا بتقف على حاجة لا مهما حسيتوا انكوا مش هتعرفوا تعيشوا من غير الحاجة دي انا جاية بقولكوا ان ربنا هيعرفكوا الحكمة ان الحاجة دي متتحققتش وهيعوضكوا ويخليكوا تعيشوا من غيرها وتعرفوا ان الحاجة دي مش خير ليكوا
افتكروا كويس ان كان ممكن الحاجة دي تهلككوا وان انتوا ربنا هيجعلكوا تنسوا الحاجة دي وتعيشوا من غيرها وتكونوا مبسوطين
خليكوا حاطين مسافة بينكوا وبين الناس اللي حواليكوا عشان متتصدموش واتعلموا انكوا تتوقعوا ان ممكن اي حاجة تحصل تخليكوا تبعدوا عن بعض عشان متبقوش اتصدمتوا
و على فكرة في ناس اهلها اللي هما اغلى ناس بالنسبالهم بيموتوا وبيزعلوا لفترة زمنية بسيطة وبيرجعوا يكملوا حياتهم حتى لو زعلانين على فراقهم
اتعلموا تعيشوا حتى لو زعلانين عشان حياتكوا متوقفش اوعوا تخلوا الحزن ياكلكوا اوعوا تستسلموا ل الحزن و يا جماعة اوعوا ان انتوا تستقلوا بحزن اي شخص مهما كنتوا شايفين مشكلته مبتزعلش كل شخص فينا بيحس بطريقة معينة اوعوا لما تشوفوا اي شخص بيضحك تفتكروا ان حياته فل الفل محدش بيحس قد اي كل شخص بيعاني من غير ما يتكلم حاولوا تساعدوا اللي حواليكوا يا جماعة
انا بحبكوا اوي اوي واتمنى كلكم تكونوا بخير وان شاء اللّٰه هرجع اعمل لايڤات تاني سلام…
______
تليفون داليدا بيرن
داليدا: الو
محمد: لسه شايف البوست اللي انتي منزلاه
داليدا: كلامك كان صح يا محمد
محمد: اشطر داليدا ايوه كده خليكي واثقة في نفسك
داليدا: اممم ماشي ما تجيب طنط وعمو وتعالو انهاردة نقعد مع بعض شوية
محمد: هقولهم كده واشوف
_______
“الساعة التاسعة مساءًا”
(الجرس بيرن)
داليدا: لأ بتهزري تاليا وحشتيني اوي بجد
تاليا: وانتي كمان اوي
داليدا: كويس انك جيتي محمد واهله جايين ونقعد كلنا مع بعض
تاليا: اومال ريم عاملة ايه؟
داليدا: ريم.. طب بصي خليني احكيلك بعدين
(بيحكوا مع بعض عن سفر تاليا ومحمد بييجي هو واهله)
الاب: اهلًا اهلًا اتفضلوا
الام: عاملين ايه مبتجوش ليه على طول لازم يعني نقولكوا
والدة محمد: احنا الحمد للَّه بخير.
معلش انتي عارفة ان بابا محمد بييجي من الشغل يدوب ينام على طول
الام: اه يا حبيبتي ربنا يعيينه يارب
والدة محمد: يارب
الاب خد والد محمد وراحوا يتكلموا في البلكونة
والام بتحكي مع والدة محمد
داليدا: بقولكوا ايه يلا بينا نلعب كلنا
ام داليدا: نلعب ايه؟يا بنتي احنا اطفال؟
داليدا: لا مش اطفال بس هنلعب
اسيل: ايوه يلا نلعب
تاليا: ايه رأيكوا نلعب كلنا افلام؟
داليدا: يلا بينا
(وبدأوا كلهم يلعبوا)
جرس الباب بيرن
داليدا: هروح افتح
داليدا: ايوه مين
=افتحي يا داليدا
داليدا بتفتح: ريم!
ريم بتحضن داليدا وبتعيط: وحشتيني اوي يا داليدا
داليدا: ليه جيتي يا ريم!
ريم(بدموع وحزن): اسمعيني انا جايه اتأسفلك انا عارفة اني اذيتك اوي عارفة يا داليدا انا مكنتش اعرف انك احسن مني كده يا داليدا انا عارفة اني كنت وحشة مكنتش اعرف انك بتساعديني وبتحاولي تفرحيني في نفس الوقت اللي انا بأذيكي فيه بعد ما مشيتي يوم لما جيتي عندي واديتيلي الهدية فتحتها لقيت فيها ظرف في عنوان الشغل ولما روحت لقيت صاحب الشغل بيقولي ان انتي قعدتي كتير اوي تحاولي انك تشغليني وان كان في بنت تانية بدالي وانتي حاولتي ان انا اشتغل وخليتي باباكي يكلم صاحب الشغل عشان يشغلني واشتغلت وقعد يقولي قد ايه انتي كنتي بتحاولي تفرحيني انا نجحت في شغلي وبقيت مشهورة وسافرت برة كمان في شغل وعرفت شخص هناك وقالي هيتقدملي إن شاء اللّٰه ورجعت تاني داليدا انا مش جاية اتأسفلك عشان الشغل انا عارفة اني غلطانة داليدا انا مكنش عندي صحاب اغلى منك انا معنديش اخوات بنات ولا عندي اخوات اساسا وانتي كنتي اختي ولما بعدنا عن بعض السنة دي حسيت اني فقدت شيء مهم في حياتي انتي اختي بجد يا داليدا انا اسفة يا داليدا اسفة بجد انا عارفة اني غلطت بس واللَّه انا اتغيرت وعمري ما هضايقك تاني
داليدا بتحضن ريم وبتعيط: وانتي كمان وحشتيني يا ريم وانا كمان بحبك اوي
داليدا: يلا خشي العبي معانا افلام
ريم: ايه القعدة الحلوة دي عمرها اساسا ما كانت هتكمل من غيري
______
“بعد شهر”
داليدا علي صفحتها: ازيكوا وحشتوني انا انهاردة جاية اقولكوا اني اخيرًا والحمد للَّه حققت كل احلامي و انا ومحمد كتبنا الكتاب كمان كل ده بفضل ربنا عليَّ
اوعوا تيأسوا ابدًا مهما اتأخر فرحكوا ومهما اتأخرت امنياتكو ربنا بيحققلنا امنياتنا في الوقت المناسب
ومهما عملتوا حاجة غلط توبوا ومتخلوش الشيطان يضحك عليكوا
ومتكسلوش واسعوا لغاية ما توصلوا لأحلامكوا ومتنسوش ان الدنيا فانية وان انتوا جايين هنا عشان تسعوا للآخرة
اسعوا لغاية ما توصلوا لكل حاجة بتحبوها وبتحلموا بيها عشان حتى لو موصلتوش يكفيكم شرف المحاولة
الحمد للَّه علي كل شيء
انا بحبكوا وبحب كل شخص وقف جمبي بحب عيلتي وصحابي وبحبكوا
______
“تمت الحمد للَّه”
- يتبع الفصل التالي اضغط على (رواية داليدا) اسم الرواية