رواية قسوة احفاد ال هتان الفصل الحادي عشر 11 - بقلم هاجر النعيمي
part 11
( هاجر النعيمي)
.....................
تيم : اي شكد صغيره بعدج مدرسه يبو صغار
هاجر : هههه تحسسني انت متخرج هو انت هسه اول سنه صدك شلون الجامعه حلوى
تيم : تخبل غير والله فد بنات وحده احلى من الثانيه
هاجر : يبو ولج لحكي إيلا
سد حلكي وكال
تيم : والله جذب كلهم يلعبون النفس وحتى مادحك على وحده بربج اسكتي لا تفضحيني هسه تطلكني
بعدت ايده وحجيت
هاجر : تستاهل خاين عايف حبيبتك بل بيت وهيا واثقه بيك وانت بل جامعه تلعب بكيفك
تيم : هههه تحسسيني جاي اخون زوجتي يمعوده والله جماعتي يدحكون ويزحفون واني كاعد صاحبي يكلي هيج تخاف من حبيبتك
هاجر : حلو طلعت تخاف من إيلا بسيطه اله افضحك واكلهم يخاف من حبيبته
تيم : دفوتي جاي نحجي بل شارع فوتي
دخلنا نزعت حذائي ولزمته بيدي لان اخليهم بغرفتي عندي مكان بل كنتور خاص بيهن
حطيتهن وبدلت وطلعت كعدت مع الكل وجان إلياس يكول
إلياس : جدي اشون تخلي هاجر تطلع بدون حجاب كبرت وصارت العين عليها ولحد هسه تطلع سفري من ايمتا انت تقبل
جدو : اي والله كلامك صحيح هاجر تحجبي
هاجى بعصبيه : من اقتنع البس حجاب مو هسه وبعدين بابا ماكل البسي واني اسمع كلام ابويه وبس
جدو : صوتكي ادبسزز
عفتهم وطلعت ايع ولا طايقه احد رحت للغرفه شويه وانفتح الباب وفاتو تيم وإيلا ورسل كلت بسرعه
هاجر : هاي مو حاله والله مليت منهم ومن نقهم كل يوم مطلعيلي سالفة جديده وهذا إلياس الخيخه كل يوم يسوي سالفه تعبت منهم
اجه تيم يمي وحط ايدو على كتفي وكال
تيم : والله اعرف الي تمرين بي صعب واعرف إلياس اشكد نذل بس الي ماعدفهمو ليش كل هاي الشغلات اش يريد منج ماعرف
هاجر : مبينا يريد يخرب حياتي الكلب ليش عنده غير شي
رسل : اي لان هو واسيل كل كم يوم مشكله ويجي يطلع حرتو بيج
هاجر : شعرفج
رسل : سمعتهم اكثر من مره
تيم : اي صح كل يوم مشكله ويجي ابو راس يطلعها بينه تعرفين كل يوم يسوي مشكله ويا لارا خطيه الباحه كللها جيبي مي وهيا ملتهيه وهو عصب وكام ضربها وامي ماحجت لابويه حتى لا تصير سالفه وغير يارا الي واكفه ويا
هاجر : هيج حاميه السالفه عجل
تيم : الله لا يشوفج الي جاي نشوفه لعبت رواحنه
هاجر : وليش ساكتيلو
انفتح الباب واجه إلياس واسيل ويا عبالك راح نخطفه منها اذا تعوفه دقيقه كال إلياس
إلياس : اشنو هاي الجمعه الحلوى
هاجر : جانت حلوى بس لوما جيتو
إلياس : لا ماحبيتها منج
هاجر : طبك مرض لا تحبها
اسيل : هاجر احجي بأدب
هاجر : ليش عيني قابل كدامي مؤدبين حتى احجي بأدب
إلياس : هيو بلا سخافتج هسه
هاجر : هيو بعينك وبعد لا تدخل بأموري خوش تدخل بهاي
اشرت على اسيل وكالت اسيل
اسيل : مااسمي هاي اسمي اسيل
هاجر : خره عليج وعلى اسمج وعلى الي يمج هم
عاط بيه إلياس وكال
إلياس : كافي وخليني محترمج ولا تحجين شي فهمتي
هاجر : اوي خفت تيم خبيني بجيب بنطرونك حباب
شفت إلياس عصب حيل واسيل لزمت ايده وكالت
اسيل : عوفها حبيبي هيا مضغوطه من عرسنا
هاجر : ههههههه والله حلوى هاي النكته ليش اني وين عبرتكم وبعدين ماحاجه اعيد لان لو اريد إلياس اخذه منج وبسهوله
اسيل : ههههه ليش عيني خوما هيج اني رخيصه علي
هاجر : لوما رخيصه ماتلعبون لعبه نفس وجهكم انتي وهو
إلياس : كافي عاد وهاجر البسي حجاب حجي مفهوم
هاجر : Bardon ليش منو انت
إلياس : انتي معليج بمنو اني المهم حجي يتنفذ
هاجر : اسيل الثوله هيا تنفذ حجيك مو هاجر
إلياس : لا تحجين على خطيبتي
تيم : إلياس كافي لخاطر الله ترا كلتنه بزعنه منك ومن عمايلك عوفنه بحالنا مثل ماجاي تشوف محد يريدوك وغير مرحب بيك بينه ياريت تاخذ مرتك وتطلعون
إلياس : انجب حيوان من ايمتا العجايه يحجون
هنا ماتحملت طفح الكيل كلت بصوت عالي
هاجر : والله محد غيرك العجي تيم محد يحجي ويا هيجي مفهوم واذا تحجي كلام زايد ناقص ساعتها اشوفكم جناني شون يصير
إلياس : يعني هذا تهديد
هاجر : مثل ماتريد اعتبرو والله ثم والله احجي كلشي موجود بكلبي وماعندي مانع اطلع حجي انتو بغنه عنه
إلياس : يعني تتهمينه
هاجر : اي بشي صار وماصار
اسيل : انت ماتخافين الله
هاجر : اني لو انتو وين ماروح اشوفكم كدامي لعبت نفسي منكم ومن فعايلكم كل متشوفوني واذابين كلام عليه عبالك لهسه احب إلياس من يوم الي خطبج بي طلع من راسي وماعاد اله وجود بحياتي وهو مصدك روحو يجي يكلي تحبيني وراح اخليج تحبيني عتقوني لوجه الله
الكل ضل صافن وعلامت تعجب على راسهم وإلياس هادئ بشكل حتى رد فعل ماكو فوراً اسيل بجت وكالت
اسيل : من اكلك بعدك تحبها تكلي لا حرام عليك الي تسوي بيه حرام يكفي عاد تحملتك كثير
عافت الغرفه وطلعت إلياس راح وراها يراضيها تيم كال
تيم : اخيراً ولو
رسل : كل هذا إلياس مسوي
هاجر : اي
تيم : واني اشهد
بقينه نسولف شويه وبعدها طلعنا صار العصر كلت لتيم تعال درسني وماكال شي اجه وبدأ بل شرح جان شرحه حلو بشكل يعني يفهم الغبي كمل وكال
تيم : اسمعي عندي دفاتر بيها كل الحلول موجوده اجبلج هما
هاجر : ياريت والله
تيم : خليها يمي
صار يصفح بل كتب بعدها كال
تيم : شيلي وخلي نطلع بره يمهم
هاجر : يلا امشي
طلعنا وجان الكل بل صاله ويحجون بعرس إلياس واسيل
عمي ثامر كال
ثامر : العرس ماريد يصير هسه خلي بعدين بعد ماكمل جهاز البنت
بقو شويه يحجون بل موضوع تيم جان كاعد يمي كال بهمس
تيم : انتي ضايجه من حجيهم
هاجر : لا ابد
تيم : اكيد
هاجر : اكيد
وفعلاً ماجنت ضايجه عادي حاله حال كل يوم يمكن هسه اقتنعت بأنو الي يصير لصالحي وربي بعدني عن واحد حقير ومتسلط
صار اليل وراحو الكل والكل نام دخلت بوبجي العب شويه واتونس اول مفتحت العبه تميم دزلي نصدمت بل عاده امير او زهراء يدزون تميم صاير احسن ومايتعارك وياي دائما هاي بس اذا مات وعصب يفشر ويحجي على الكل
دخلت وياهم والكل رحب بيه حتى تميم ترحيبه جان حلو استغربت هو من ايمتا هشكل كلت
هاجر : اوي خجلتوني والله
امير : فدوه للخجلانه
سولفنه شويه ودخلنا كيم جان الكيم حماسي وكله جلد تميم كتل ثلاثه وامير كتل واحد وكال تميم
تميم : شو محد سمعني الكفو شسالفه ترا كتلت ثلاثه
امير كال بستهزاء
امير : كفو كفو من شاربك
تميم : جان المفروض اخليهم وليه مال مخانيث عليك وبعدها تبوس رجلي ماعالجك ابن الكح*** لا ضل تستهزء
امير : ابو ال**** لا تفشر على امي
حجيهم جان وصخ بشده كال تميم
تميم : اروح اشرب ماء شويه واجي
امير : لا تجي غير مرحب بيك
ضحكنا واختفى صوت تميم كالت زهراء
زهراء : امير مو عيب تفشرون كدام لبنيه هسه شتحجي علينه تكول معدان
هاجر : لا حبيبي على شنو احجي عليك بعد كل واحد براحته شعليه المهم انتي يمي طز بكلشي
زهراء : اروحلج فدوه يكلبي على هل كلام صدك هاجر شصار علمود الدوام شلون جان
هاجر : زين والله يوم حلو لو مااجو بعض ناس وخربو الونسه
زهراء : قصدج إلياس
جنت اريد اجاوب تميم كال
تميم : منو إلياس
هاجر : ابن عمتي
تميم : ها هذا عود صاحبج كلش
هاجر : لا ايع شجاب تيم على إلياس ياريت يشبه تيم
تميم : اها بس بشنو مضوجج
هاجر بمتمته : ها لا مو شسمه مو مضوجني
تميم : احاول اصدك
هاجر : تصدك او لا عمرينك
تميم : استغفرالله بابا شبيج مو صار كم يوم ممتعاركين لو بيج دوده اله تعاركيني
هاجر : احترم نفسك وعدل الفاضك
امير : تميم بلا اكلان نعل كافي
زهراء : طب كيم تميم
طبينه كيم وهم كيم حماسي كله جلد وبش واحد يكتل الثاني بقينه بس احنا واربعه وندور عليهم ماكو جنت امشي وماشوف غير اكع نوك ( اموت) كلت
هاجر : انتبو مكمبر بل حشيش خرب راسه فنش
تميم : حطي علامه مو مبين
هاجر : اي لان لابس بدله حشيشيه ( لابس لبس نفس الحشيش وداخل بل حشيش)
تميم : هسه اكتله شنو يكتل من تيمنه
صارت مواجهات وتميم ضربه بل اوم براسه ومات كال امير
امير : هيد شوت
زهراء : كفو امير يلا باقي ثلاثه
بعدها اجه واحد وكتل امير وكال تميم
تميم : امير مشاهده ممتعه عود شاهد تاج راسك
امير : تاج راس ***
زهراء : اي كافي شبيكم عيب ويانه بنيه تميم لمعيدي اكعد
تميم : لج حتى انتي لفيتي علي روحي شوفي زوجج ابو صماخ
هاجر : شلون ماخذين راحتكم وعلاوي نايم
امير : مو نايم يباوع بل تلفون
تميم : كافي اريد اركز
امير : اخ اذا تموت اله اشهرك
تميم : اكلك احمد شبي هل كم يوم
امير : متعارك ويا مريم وكايلتله ننفصل
تميم : علمود نفس السبب مو
امير : بذاته صدك ليش ضارب عباس
تميم : كل عاده يجاوز وينسحل انت وين جنت بس شنو كرار ضربه بكتفه غير متت فرح
امير : ايمتا تحل الخلاف بينك وبين كرار ترا والله سالفه وصارت وهو مو قاصد
تميم : دمشي خلي يولي لو يموت ابن الزربه
امير : هيو عمو ادريس شغلي
تميم : شعرفني كل ولده حيوانات
امير : وليش تحجي على حمزه
تميم : مهليك البارحه ضارب مرته كدام الكل بس شنو بيبي ميته فرح
زهراء : بيبي هيا تموت على المشاكل عاد كل ميتعارك واحد من والولد ويا زوجته هيا تسوي عرس عدا سجاد اذا تعارك ويا رشا لا هنا يختلف لان الثنين حفادها اما نحنا خره علينه
امير : سكتي لا تحجين على بيبي
زهراء : اوف ايمتا نخلص ماعرف حتى مم تضربني هيا تكيف ضل كم يوم تعيرني
انصدمت شنو امير يضرب زهراء وشلون تسكت عصبت وكلت
هاجر : امير شلون تضربها مو حبيبتك
امير : هيا السبب ليش تعلي صوتها
هاجر : واذا تكون معصبه
تميم : مو عدنا معصبه تلزم اعصابها وتاكل نعل وماينرفع صوتها على زوجها وماتعاند
هاجر : انت تشاقه مو
تميم : لا طبعاً
هاجر : يعني عادي عدكم رجال يضرب زوجته
تميم : اذا غلطانه ليش لا يربيها
هاجر : فاهمين التربيه غلط وبعدين الزلمه مايضرب المره هاي مو رجوله
صار نقاش بيني وبين تميم وصار اخذ وعطي بل موضوع كالت زهراء
زهراء : تميم طب كيم وعوفو هاي السالفه
هاجر : شلون اعوفها وانتي تنضربين وكلش عادي بعدين ليش ماتحجين تعترضين
زهراء : هاجر حبابه كافي بعدين نحجي
سكتت لان شفتها زعلانه ومبين عليها شكد مكسوره بس ابد ماتوقعت امير يضربها لعد والحب الي بينهم تأكدت ماكو حب وكل الزلم نفس الشي انانيين ومايستاهلون الوفاء
كرهت الزلم فوك ماجنت اكرهم يعني اذا الي متزوجين على حب هيج يصير بيهم شخلو لزواج التقليد عجيبببب
كلت
هاجر : اروح انام تصبحون على خير
طلعت وطفيت التلفون ونمت كعدتني ماما الصبح علمود المدرسه ماشبعت نوم واذا ماشبع نوم اصير مثل الثوله
سويت نسكافي علمود اصحيح وماصحصحت سويت ثنين وشربتهم طبعاً قبل ماشرب صورت ونزلت ستوري انستا
عندي كلشي اسوي انزله ستوري حتى العالم تشوف واني حسابي عام وعندي متابعين ويحبون الي انشره وامي تكلي على الضرطه والفسوه تنشرين هههه شكد يضحك حجيها
سمعت هورن ابو الخط طلعت بسرعه بدون ماشد حذائي ( تكرمون) شفت البنات سلمت وكعدت حجينه شويه لحد مااجت رزان فاتت وصوت اصوت بل خط وابو الخط يباوعلها ويضحك كالت
رزان : اول شي سلام عليكم شونجن
الكل : زينين
رزان : تدرون خطوبتي راح تصير اسبوع الجاي راح اسوي حفله وراح ادز كرتات دعوه عود اريد الكل يمي واريد نسوي فعاليات
ساره : وين راح تكون
رزان : راح نسويها بل بيت
ريماس : ليش مو قاعه
رزان : تعرفين وضع بابا مايسمح
هاجر : اي صح التخطيط خلي عليه خوش بس ايما يوم بل ضبط
رزان : الجمعه مو هاي الي تجي البعدها لان هما يجون قبل كم يوم علمود نخطط
هاجر : اي خوش
وصلنا المدرسه وكل عاده نزل براس الفرع كالت ريماس
ريماس : خلي نروح نشتري من ابن خالتي
ساره : شنو اسمو
ريماس : عمر
هاجر : انتي تحبي
ريماس : اي بصراحه
هاجر : من ايمتا
ريماس : جان مسافر علمود الدراسه فما جنت اعرف بي من رجع قبل كم شهر حبيته
ساره : يعني جان مسافر
رزان : هو شنو
ريماس : شنو
رزان : اقصد تحسي معجب بيج او لا
ريماس : معرف والله
وصلنا المحل ودخلنا نشتري جان محل كبير نفس السوبر ماركت وبي كم شخص كلت
هاجر : هسه الي معا كرايب لو غربه
ريماس : اصدقائو
فترينه شويه حتى نشوف شنو نشتري اني اشتريت كولا ونستله وجبس والبنات هم رحنا نحاسب صار يحجي مع ريماس كال
عمر : اشونج ريماس اشونها خالتي
ريماس : زينه الحمدلله تسلم عليك
عمر : تجون الخميس على بيت جدي
ريماس : اي وانتو تجون
دار نقاش بينهم ونحنا حاسبنه يم ولد صديق عمر سمعت بنيه تكول
.. اشقد ماتستحي اشون تحكي معانو هشكل
... عادي عندم هذولي مايستحون
.. قح***
من سمعتها تحجي هيجي فقدت انداريت عليها وكتلها
هاجر : الفاضج مو مال بنيه محترمه وتستحي وبعدين انتي اش تعرفين حتى تحجين الولد ابن خالتها وجاي يحجون يعني مابيها شي وحده تحجي مع ابن خالتها وغير هيج اعرفي السالفه وبعدين احجي ناس ماتستحي تحجي من يمها وماتعرف السالفه
.. اسفه ماكنتو اعغف
هاجر : خلاص خلاص روحي
راحت واشوف الولد الي واكف على الكاشير مبتسم واني معصبه دحكت علي من فوك لجو اكثر من مره هاي عادتي من اضوج اسويها واذا مجان عاجبني الوضع هم اسويها ضربتي رزان وكالت
رزان بهمس : عوفي الولد هسه يحسب غير شي
هاجر : شنو يحسب خلي يحسب
طلعنا من المحل ورحنا للمدرسه ومر الوقت طبيعي ورزان خبصتنه بل خطوبه ونحنا نضحك ونحشش عليها جان يوم حلو لابئس بي رجعت للبيت وتغدينه وغسلت مواعين وطلعت نمت كعدت بل 5 على صوت ماما كالت
مروة : الجمعه نروح على بيت جدج
هاجر : اي خوش تعرفين ماهاي الجمعه الجمعه الي بعدها خطوبت رزان
مروة : رزان بنت..........
هاجر : اي
مروة : منو خطبها
هاجر : ابن عمتى
مروة : الله يقدملها الي بي الخير ويسعدها
طلعت ورحت سويت قهوى اصحصح شربتها زبلشت ادرس صار المغرب اخذت ريست ورحت ساعدت ماما كملنا تحضير واذن العشه الكل راح يصلي ورجعنا كعدنا على السفره كال جدي
جدو : حسن وحسين عتصلون ما
حسن : اي نصلي جدو
جدو : اي عفيه والي اشوفو مايصلي ياويلو
كملنا اكل وجدي يحجي مع بابا بخصوص الشغل وبعدها كال
جدو : علي لازم تغشع المحلات ما كلو عليه
علي : يابه اني ماعندي مجال العياده مقلوبه وغيغ هشكل الدوام بل مستشفى خلي ثامر يغوح هل كم يوم ماعندو شغل
جدو : قلتو انت تغوح انتهى النقاش
سكتت بابا احترام لجدي كل يوم اكرهو اكثر من الي قبلو يجبر بابا يسوي كلشي ومايخلي ثامر وتامر يتعبون رغم الاثنين ماعدهم شغل وكاعدين هاي الايام بس لا مايكدر لازم بابا
كملنا اكل وغسلت المواعين وماما سوت جاي وصبت للكل اني خلصت ورحت غرفتي كعدت ادرس ماحسيت اله لما اجه مسج لتلفوني شلت التلفون وفتحته جان مسج من زهراء مكتوب
💬 زهراء : وينج حبي اليوم متاخره غير عن العاده
شفت الساعه جانت بل 12:50كتبت الها
💬 هاجر : مراح العب وياكم اليوم عندي درس كثير خلصت وهسه نعسانه كلش اروح انام
بعثتها وطفيت الجهاز رحت نمت حسيت الصبح ماما تكعدني كمت وياها اكلت وسويت نسكافي شربتها وطلعت ابدل كملت ونزلت لبست الحذاء( تكرمون) وانتظر شويه واجه الخط طلعت ومشت الايام هيج يوم ادخل بوبجي والعب وعشره لا بعدها اجت لمتحانات مال نص السنه وخلصت واجت العطله واليوم اول يوم عطله
وكل هاي الايام جان تيم يجي عدنا ويساعدني بكلشي وبفضله درجاتي توب واليوم الكل يجي عدنا مانسى قلق الامتحانات لو مو تيم جان هيه وكعت بكم درس جانت صعبه كلش بس من جان يشجعني وينطيني تحفيز
اتشجع وخاصه من يكول
تيم : خلي إلياس يتندم على الساعه الي عافج بيها صيري احسن من اسيل انجحي وروحي كلية احركي كلبه وكلب اسيل وهيا تكره تشوفج ناجحه انتي على عنادها سوي العكس
رحت سلمت جان الكل موجود بس تيم وعمر ماكو كلت
هاجر : عجل تيم وعمر ماكو ليش
مريم : شويه ويجي عمر
إلياس : ليش ماتتحملين فراك حبيب الكلب
هاجر برود : اي ماتحمل
دار وجه عني يحجي ويا اسيل صايره تلعب نفسي منهم اكدر اكول صرت اكره واكره الكاع الي يمشي عليها بس بعد اكو حقد بكلبي رحت اشوف تلفوني بل غرفه بين ميجي تيم
شفت رسائل من تميم اكثر من 20 رساله خفت وتوقعت زهراء بيها شي بس من شفت الرسائل انصدمت بقيت فاكه حلكي واقره اعيد وارجع اقره بل كلام احس مااستوعب عدت قراءة الكلام اكثر من عشر مرات وكل مااعيد ارجف والصدمه تزيد قريتها مره ثانيه وجان مكتوب
💬 تميم : اني ماعرفج من زمان بس اني كلش حابج وخاصه من تعاركتي وياي بمجمع السدير انهوست بيج ولما عرفت انتي نفسج الي وكعت بحبها تهت مجاي اعرف ليلي من نهاري
💬 تميم : شكد مااكلج احبج مااكدر اوصف ربع حبي الج تجي الايام واثبتلج شكد احبج واريدج نيتي وياج ابد مو على غايه او لان حلوى اريد اتونس بيج وهاي زهراء تدري شكد احبج اني مااحجي بي اوفي واني مستعد اخطبج بس اسمع موافقتج اني اعرف بشنو مريتي لا عبالج زهراء تحجي اسرار الناس لا بس اني جبرتها تحجي
💬 تميم : من يوم الي شفتج ماطلعتي من راسي ويوم الي سئلتي زهراء عني واذا رحتي للموصل او لا هنا عرفت انتي نفسج مااعرف شنو من صدفه بس الي اعرفه احبج واريدج
مادري كلش مصدومه واني ماعندي مشاعر تجاهو اكيد ارفض كلت
💬 هاجر : اني طالبة سادس مثل ماتعرف وماعندي ستعداد ادخل علاقه وزواج اني مو كد المسؤوليه اني اهلي مايزوجوني غريب من غير محافظة وانت مابيك عيب بس اني وانت ابد مانرهم
رد عليه بسرعه جان مبين منتظرني كال
💬 تميم : ليش مانرهم وعادي انتظرج لحد متخلصين سادس
💬 هاجر : مانرهم تفكيرك غير تفكيري
شاف الرساله ومارد طلعت من الانستا وطفيت الجهاز وكمت حتى اطلع من الغرفه اجاني اتصال على الانستغرام منه فتحته واجه صوته بس جان هادء
تميم : اسمعيني كلش زين ماكو شي اسمه تفكيري غير تفكيرك اني اريدج افهمي يمعوده اريدج واني انتظرج لحد ماكملين سادس اصلاً اني هم كليه عندي
قاطعته وكلت
هاجر : اني ماريد احب احد ولا اريد احد يحبني يكفي انو نضل هيج اصدقاء واذا راح تضل تجيب سيره الحب ف حتى هاي الصداقه ماريدها
عصب وصار يعيط بل جهاز خفت كلش لان اخاف من الصوت العالي والعياط
تميم : انتي ثوله لو شنو جاي اكلج احبج يعنيي اريدجج لا ضلينن تاكلينن خرهه اريدجججج فاهمه
سكت واني اباوع على الباب اخاف احد يجي كلت
هاجر : ماكدر افهمني رجاءً
اجيت اكمل قاطعني وكال
تميم : الج منا لسبوع تفكرين بيها واريد جواب اسبوع الجاي بنفس هذا اليوم
اجيت احجي سده بوجهي كلش تنرفزت كتبت
💬هاجر : عيب عليك تسده بوجهي اشو انت ماعندك احترام عبالك تهددني ترا جوابي مايتغير ابد ف ماانصحك تنتظر
دزيتها وبقيت بل غرفه انتظر يرد طول تقريباً ربع ساعه بعدها رد وكال
💬 تميم : مجاي اهددج ومن سديته حتى لا احجي شي يضوجج وجوابج يتغير ماريد اسمع هذا الجواب
غلست على الرساله ومارديت كمت اطلع فتحت الباب صار بوجهي إلياس كلت
هاجر : خلصت من هذاك اجيت انت تكملها
إلياس : منو قصدج
هاجر : ماعليك لا تدخل شي ميخصك
إلياس : احجي عدل
هاجر : واذا ماحجيت عدل
إلياس : اعلمج اشون تحجين عدل
هاجر : خاب ماطير احسن
دفعته من الباب وطلعت رحت ويا البنات سوالف وضحك اريد احجي الي بكلبي واريد اكول ل إيلا عن تميم وشنو يريد بس اتراجع اخاف تكول ل تيم والله بعصب ويزعل مني وانزل من عينو كالت إيلا بهمس
إيلا : شبيج احد مضوجج
هاجر : اذا اكلج شنو مضوجني ماتكولين ل تيم
إيلا : طبعاً لا هاي اسرار بيني وبينج
اخذتها واخذت رسل ورحنا لغرفتي سديت الباب وقفلته خوفناً احد يجي حجيت الهن على تميم وعلى كلشب وشلون عرفته وعلى يوم السفره وحتى من اعترفلي الصبح كالت رسل
رسل : اشون تحجين مع اولاد
هاجر : والله جنت اريد ادخل ويا بنيه وطلعو هما وهم موجوده زهراء وصارلي زمان اغرفهم
إيلا : اذا يحبج ويريدج وصادق ليش لا
هاجر : شهل حجي طبعاً ماريده شبيج اني وهو مانرهم حسب ماعرفت هو عصبي واني عصبيه مستحيل تضبط وغير هيج لسانه وصخ
إيلا : كل الولد هيج صايرين محد هسه يحترم وكلها ولسانها وصخ
رسل : اي صح حتى شهم هشكل
إيلا : مو بس شهم حتى تيم وعمر ويونس اكلج عندج صورو
طلعت صوره من الانستا وشفتها الهن كالت
إيلا .....
...............
انتهى البارت
شنو توقعاتكم لبارت الجاي
- يتبع الفصل التالي اضغط على (رواية قسوة احفاد ال هتان) اسم الرواية