رواية عشق احفاد الجوهري الفصل الحادي عشر 11 - بقلم اية المهدي
البارت الحادي عشر
وقفنا المرة اللي فاتت علي صدمة حور
حور: ايههههه جوزى
الجد : اه يا حبيبتي مكتوب كتابكوا
سيف: هو في ايه مالك يا مليكة يا حبيبتي انتي مصدومة ليه هو في ايه يا جدي انا مش فاهم حاجة هي مليكة مالها
الجد : يا بني مليكة عملت حادثة صغيرة كده في المعرض وهي فاقدة الذاكرة
سيف بصدمةوغضب : مين اللي عملت حادثة ازاي منعرفش بحاجة زي دي أسيل ازاي تخبي عليناحاجة زي دي
أسيل بتوتر : هو بصراحة محبتش تقلقوا وخصوصا جدي
سيف بعصبية : ده اللي هو ازاي المفروض كنا نعرف
الجد بحزم : سيف انت ازاي تعلي صوتك واحنا موجودين
سيف : أنا أسف يا جدي سامحني انا قلقان علي مليكة ومصدوم
الجد : اتفضلوا كلكوا علي الغدا ومليكة هنعرفها عليكوا واحد واحد
ذهب الجميع علي سفرة الغداء
الجد: مليكة تعالي هنا يا حبيبتي جمبي علشان اعرفك علي اهلك ذهبت حور بتوتر
الجد : بصي يا حبيبتي ده باباكي ودي مامتك اسمها امال وده اخوكي الكبير سراج ودي سها مراته ودي بنتهم ملك وده اخوكي مراد وده ادهم وعز اخوكي الصغير وعرف الجد مليكة علي الجميع
الجد : كده عرفتي عيلتك كلها ده بقا سيف جوزك وابن عمك وانتوا بتحبوا بعض
حور في نفسها: ايه العيلة الغريبة دي لاء وكمان جوزوني كان مالي انا ومال ده كله كان زماني بتخانق انا واخواتي وكمان اللي اسمه سليم ده مخيف ايه العيلة دي
أمال والدة مليكة : مبتاكليش ليه يا بنتي
حور بهمس: طب دي اناديلها ماما ولا اي بقا بس الكلمة مش راضية تخرج والله
امال : بتقولي حاجة يا حبيبتي
حور : لاء ابدا انا شبعت بس مش اكتر
سيف : شبعتي اي انتي اكلتي حاجة
حور بهمس : يا دي النيلة هاتعامل ازاي مع البني آدم ده قال جوزي قال
حور : لاء الحمد لله اكلت
عز بمرح : لاء كملي اكلك علشان نعرف نتعامل مع بعضينا اصل ناوي اخدك نشوف الخيل انتي بتحبي الخيل علي فكرة
حور : خيل هو أنا كنت بركب خيل
حسام بمرح : طبعا وكنتي بتسابقي سيف كمان
حور بهمس: وكمان خيل ده أنا اخري العجلة ودول بيقولوا خيل ربنا يسامحك يا أسيل بس
حور: اه طبعا بس هو مش فاكرة اني كنت بركب خيل
عز : لاء يا باشا سبيلي نفسك خالص وانا اقولك اللي كنتي بتحبيه
سيف بهمس لسراج: انا خايف من اخوك هيجنن مليكة معاه انا عارف فخليه يبعد عنها احسن اقتله
سراج بضحك : متخافش ده هيعلمها كله مليكة هتتحول لوحدة تانية خالص مع عز وحسام
سيف بضيق: بتضحك علي اي يا بني هي مش اختك انت عايزها تتهبل زي اخوك
سراج بضحك : ما هي مراتك برضو اتصرف انت
سيف: لاء يا عز أن هابقي أخرج انا ومليكة واوديها مزرعه الخيل
حور مرة واحدة : لاء
الجد : لاء ايه يا بنتي
أسيل لإنقاذ الموقف: لاء هي قصدها يا جدو نروح كلنا مش كده يا مليكة
حور ؛ اه اه نروح كلنا
الجد ؛ طيب حلو نروح كلنا
الجميع : أن شاء الله
الجد : مالك يا سليم متكلمتش من ساعة ما دخلت
سليم : ابدا يا جدي هاقول ايه
الجد : مسلمتش علي مليكة يعني
سليم : اه كنت هاسلم عليها حمد الله على السلامة يا مليكة
حور بخوف منه: الله يسلمك
سليم بغموض: أن شاء الله ترجعلك الذاكرة
حور بتوتر: اه إن شاء الله
حور في سرها : اي الراجل ده حاسة هياكلني بقا ده سليم المفروض يسموه وحش خفاش ديناصور اي حاجة كده
قصي : طيب يا سليم اخبار الشركة اي
سليم : الوضع تمام يا عمي والشركة كويسة
سراج : يا بابا طول ما سليم موجود كله تمام
علي الناحية الأخري 💗
في لندن
المجهول: انا لازم ارجع مصر
الشخص: ترجع لمين بس انت جيت هنا من 23سنة يعني حياتك كلها هنا هترجع لمين انت ناسي انت خسرت اي هناك
المجهول : صح خسرت اغلي حاجة ليا بس عيلة الجوهري اكتشفت أنهم مالهمش ذنب ده كله كان نصيب ومحدش بياخد اكتر من نصيبه وكمان لاني ارتكبت غلطة ولازم اصلحها معرفش هيسامحوني عليها ولا لاء بس لازم اصلح غلطتي واكفر عن ذنبي
الشخص: وانا معاك يا صاحبي في أي حاجة تحب نحجز التذاكر امته
المجهول: كمان اسبوعين لما نخلص كل الصقفات اللي معانا
الشخص : تمام انا رايح الشركة بقا
نكمل البارت الجاي......
بقلمي /آية المهدي......
يا ترى مين الشخص المجهول؟؟؟
•تابع الفصل التالي "رواية عشق احفاد الجوهري" اضغط على اسم الرواية