رواية ضحية انتقامه الفصل الثاني عشر 12 - بقلم نور محمد
البارت_الثاني_عشر
دخلت بس البيت كان في حاله هدووء رهيب جدا وهذا هو الهدووء الذي يسبق العاصفه وخلود قلقت اوي منه فتوجهت لغرفه محمد وقالت اكيد محمد موجود في غرفته دلوقتي مدت ايدها وفتحت الباب بهدووء ونظرت داخل الغرفه
وانصدمت لما لقت نسرين مرميه على الارض قدامها وهي مضروبه ومغمى عليا ولسه هتقرب منها
اتفتح باب الحمام قدامها وطلع محمد وهو بيمسح وجهه بافوطه اول ماشافها قدامه مكنش مصدق عنيه وجرى حضنها بفرحه كبيره
محمد بفرحه: انا مش مصدق انك رجعتي تاني ياخلود انا كنت لسه هنزل ادور عليكي
خلود انصدمت منه وزقته بقوه وقالت: ابعد عني يامحمد احنا اطلقنا خلاص ومينفعش تقرب مني كده تاني
محمد ابتسم بحب وقرب منها تاني وقال: بس انا رديتك لعصمتي من اول ماقفلت الباب في وشك ياخلود انا طلقتك بدون وعي والله سامحني
خلود بفرحه: يعني انت عرفت الحقيقه مش كده يامحمد
محمد ببسمه: ايوه ياقلب محمد انا عرفت الحقيقه كلها عرفت انك مظلومه بس انا كنت مجروح منك ياخلود لاني حبيتك اوي صدقيني
خلود سمعته وكان طايره من الفرحه وقالت: انت قولت ايه بتحبني بجد يامحمد
محمد قرب وحضنها بسرعه وحب وقال: بجد ياخلود انا بحبك اوي
خلود كان حاسه نفسها في الجنه من كلامه بس بصت على نسرين قدامها بصدمه وقالت: مين اللي عمل فيها كده يامحمد
محمد فاق على صوتها وبص على نسرين بضيق وقال:انا اللي عملت فيها كده
خلود بصدمه:ايه انت اللي بهدلتها كده
محمد ببرود:تعالي الاول غيري لها هدومها وبعدها انا هحكي ليكي حصل ايه
خلود هزت رأسها بس ومحمد حمل نسرين وحطها على السرير وقال:غيري لها وتعالي ورايا ياخلود بره علشان احكيلك حصل ايه
خلود بطاعه:حاضر يامحمد
وفعلا محمد خرج وخلود غيرت لها هدومها وغطتها كويس وخرجت لقت محمد قاعد على الكنبه بتعب فقرب منه بهدووء وقالت:محمد انت كويس
محمد بص عليها بتعب وشده بسرعه وبقت على رجله وحضنها بقوه وقال:دلوقتي بقيت كويس وانتي في حضني ياخلود
خلود اتكسفت اوي منه وقالت:طيب ياله احكيلي حصل ايه معاك
محمد تهند بتعب وقال تمام اسمعي حصل ايه بقى
:بعد اللي حصل معانا هنا انا كنت محطم وقلبي بينزف بوجع ودموعي مقدرتش اسيطر عليها ووقتها نسرين استغلت حالتي دي علشان تنفذ اللي عاوزاه مني بس بعد مادخلت معاها غرفه النوم
نسرين بدلع:محمد انا بحبك والله وهخليك اسعد واحد في الدنيا بس سيب نفسك ليا
محمد كان قدامها شبه المخدر ومش حاسس بأي شئ حوله ونسرين قربت منه بخبث وبقت تفك ازرار القميس بتاعه بسرعه
وقبل ماتخلص محمد مسك ايدها بقوه وقال:انتي بتعملي ايه؟
نسرين بدلع وخبث:هنسيك وجعك كله منها ياحبيبي بس انت اهدي خالص
محمد ضعف قدامه وقلبه كان موجوع ونسرين قلعته القميص كله وقرب منه وخلاص هتبو*سه بس فاق محمد على صوت الفون جنبه وتراجع للخلف بسرعه وقال:استغفر الله العظيم انا مستحيل اعمل كده
خلص كلامه ومسك قمصه بسرعه ولسه هيخرج من الغرفه رن الفون تاني فمسكه محمد وهو فاكر انه بتاعه ففتح علطول وهنا سمع صوت شخص تاني بيقول
:ايه الاخبار عندك يانسرين طمنيني طلقها زي ماخططنا سوى او لسه
محمد انصدم من اللي سمعه وبص على نسرين بغضب اللي بلعت ريقها برعب قدامه
محمد رمى الفون على الارض بغضب رهيب كسره ميه حته وقرب من نسرين مسكها من شعرها بقوه وقال:دي كانت لعبه زباله منك انتي يابت الـ*** مش كده بس وديني لافرجك ازاي تلعبي تاني معايا يانسرين
نسرين بألم:محمد انا هفهمك والله انا عملت كده علشان بحبك بس و
قاطعها كف قوي من محمد اللي قال بحده وغضب:بتحبيني ايه يارخيـ'صه اللي زيك عمره ماهيعرف يعني ايه حب اصلا ياو*سخه
نسرين دموعها نزلت بخوف منه ومحمد مقدرش بتمالك اعصابه فنزل فيها ضرب بدون رحمه لغايه مااغمى عليها
وبص عليها محمد بقرف وسابها ودخل الحمام علشان يغسل وجهه وايده من و*سخها وو
محمد بحب:وده كل اللي حصل ياقلبي انا عارف اني ظلمتك بدون دنب بس انا كمان كنت مخدوع ومجروح اوي ياخلود ارجوكي سامحيني
خلود بحب:مسمحاك يامحمد وبحمد ربنا انك عرفت الحقيقه علشان انا كمان حبيتك اوي
محمد بفرحه:بجد ياخلود انتي بتحبيني
خلود ببسمه وكسوف:ايوه بحبك اوي ومن اول مره قابلتك فيها قلبي دق ليك يامحمد
محمد كان في دنيا تاني من السعاده بكلامها قدامه وقرب منها بحب علشان يقبلها بس خلود بعدت عنه بسرعه
خلود بقلق:يانهار ابيض احنا ازاي نسينا الجثه اللي جوه دي لازم تتصل على الدكتوره فورا نطمن عليها يامحمد
محمد بضيق:لا سبيها هتفوق لوحدها
خلود بخوف:تفوق لوحدها ازاي دنا غيرت لها هدومها وهي كانت زي الجثه قدامي قوم يامحمد والنبي اتصل على الدكتوره بسرعه احنا مش ناقصين مصايب تاني
محمد ببرود:حاضر ياخلود هجيب لها دكتوره فورا
محمد خرج عليها يجيب دكتوره لنسرين ويطمنوا عليها وخلود كانت بتبص في اثره بحب كبير
***************
وعلى الناحيه الاخرى بعد حلول الليل
في قسم الشرطه كان مراد قاعد على نار في انتظار النتيجه التحليل وعز قاعد جنب امه وفيروز وهو مش فاهم حاجه ومدايق اوي
عز بضيق:وبعدين يعني ليه محدش عاوز يقولي ايه اللي بيحصل هنا
مراد ببسمه:اهدي ياحبيبي وهتفهم كل حاجه بعد شويه
عز بحده:انت من الصبح بتقول كده وانا مش فاهم حاجه ابدا هو فيه ايه باظبط ياماما ردي عليا
نعمه بحزن:هتوصل النتيجه ياعز وهفهمك كل حاجه يابني بس اهدى ارجوك
عز سكت وفيروز قعدت جنبه بحب وقال:اهدي ياعز وهنفهم كل حاجه انا معاك ياحبيبي
عز ابتسم لها بسعاده كبيره وهدي خالص وبعد دقايق بس دخل الدكتور بسرعه وقال:انا خلصت النتيجه يامراد بيه اتفضل حضرتك
مراد جرى وخطف الورق منه ومجرد مافتحه قلبه ارتاح اوي وقال بفرحه:ابني طلعت ابني ياعز
عز قرب منه واخد التحليل وبص فيه بصدمه وقال:ازاي الكلام ده انا ابنك انت ازاي؟!
مراد حضنه بحب وقال:زي الناس ياحبيبي انت ابني انا ونوال امك
عز بصدمه كبيره:نوال مين انا امي اسمها نعمه
ووجه نظره لنعمه بحده وقال:ماتقولي حاجه ياماما انتي ليه ساكته كده؟٠
نعمه نزلت دموعها بحزن وقالت:وهقول ايه ياعز مراد بيه عنده حق انت ابنه هو وامك الحقيقه اسمها نوال
عز الصدمه اثرت عليه وكان هيقع لولا ايد مراد اللي لحقه بخوف وقال:اسمله عليك ياحبيبي انت كويس ياعز
عز بتوهان:انا مصدوم وتايه اوي عقلي وقف مش قادر استوعب الكلام ده كله
مراد اخده بشفقه وقعده جنبه وقال:طيب اهدي وانا هحكيلك كل حاجه ياحبيبي من الاول
عز هز رأسه بهدووء بس وسكت ومراد حضنه تاني وهو لسه مش مصدق نفسه ان بعد العمر ده كله يطلع ابنه لسه عايش
******************
وفي نفس الوقت في منزل محمد
وصلت الدكتوره اللي احضرها محمد وبدأت تكشف على نسرين وفي نفس الوقت ده دخل حسن ابو محمد للبيت
وانصدم لما لقى الدكتوره بتكشف على نسرين وقال:ايه اللي بيحصل هنا يامحمد نسرين مالها؟!
محمد بصدمه وقلق:حمدله على سلامتك يابابا متقلقش نسرين تعبت شويه بس وانا جبت لها الدكتوره هنا علشان نطمن عليها
حسن كان قلقان اوي على نسرين فقرب من الدكتوره وقال:طمنيني يادكتوره نسرين مراتي كويسه؟
الدكتوره ببسمه:ايوه كويسه ياستاذ حسن وفي خبر حلو اوي كمان الف مبروك مراتك حامل في شهر باطبط كده
خلود ومحمد انصدموا اوي من كلام الدكتوره
وحسن بص عليها بزهول كبير وقال:انتي بتقولي ايه حامل في شهر ازاي وانا من شهرين ملمسـ"تهاش لاني كنت تعبان اوي وحيلي مهدوود
محمد انصدم من كلام ابوه وخلود لطمت على وجهها بقوه والدكتوره اتحرجت اوي منه وقالت:عن ازنكم ياجماعه دي امور عائليه وانا عملت اللي عليا السلام عليكم
الدكتوره خرجت بسرعه من البيت والكل كان في حاله صدمه كبير وفجأه فاقت نسرين وبصت عليهم بعدم فهم وقالت:في ايه انتو متجمعين هنا كده ليه؟!
حسن سمع صوتها بغضب اعمى وقرب مسك شعرها بقوه وقال: انطقي يافا*جره خنتيني مع مين يابت الكلب ابن مين ده اللي في بطنك
نسرين صرخت بوجع:حسن سيب شعري هيطلع في ايدك
حسن بغضب:دنا هطلع رو'حك في ايدي لو مقولتيش خنتيني مع مين يابت الـ****
نسرين كانت بتبص على محمد اللي واقف ببرود قدامها وضامم ايديه لصدره وشمان فيها
وابتسمت بخبث واشارت على محمد بتمثيل وشر وقالت:مع ابنك محمد ياحسن كل ده بسببه هو من قبل شهر اتهـ"جم عليا وانت مش موجود وانا سكت علشان كنت خايفه تقتـ'له وتروح في داهيه بسببه
وبصت على حسن بدموع التماسيح وكملت التمثيل:وحتي النهاردا حاول معايا تاني لما مراته خرجت من البيت ولما انا حاولته امنعه نزل ضر*ب فيا حتي شوف جسـ'مي بقى ازاي بسببه
حسن نزلت عليه الصدمه زي الصاعقه وبعد ايده عنها ونسرين ابتسمت بخبث وقالت في نفسها:ماشي يامحمد انا هعرف اندمك على رفضك ليا وهتشوف ابوك هيعمل فيك ايه دلوقتي
نسرين استغلت صدمه حسن منها وقرب منه وكشفت مكان رقبتها وقالت:شوف ياحسن الكدمات والضرب ده كله من ابنك محمد فضل يضربني علشان اسلم نفسي ليه لغايه مااغمي عليا من كتر الضر*ب
حسن بص على العلامات الي في جسم نسرين بصدمه وزهول وتوجهه لمحمد ابنه بغضب رهيب وهوب ضربه كف قوي رن صداه في للغرفه كلها
وتكلم بغضب وصدمه:انت ازاي تعمل كده في مرات ابوك ياو*سخ ياحقـ'ير
محمد بص على ابوه بصدمه وزهول ودموعه نزلت غصب عنه ونسرين كانت بتبص عليه بشماته
وخلود شهقت بقوه وجرت على محمد بخوف وقالت:محمد انت كويس؟
محمد كان في دنيا تاني وعنيه مصوبه بس على ابوه وفجأه حسن حس بألم رهيب وحط ايده على قلبه بوجع ووقع على الارض ومحمد فاق وجرى عليه بصدمه ورعب وقال: لااا.. بابا لا بوس ايدك رد عليا يابااااابا وووووو
يتبع..بقلم نور محمد
ضحيه_انتقامه
لا تعليق على البارت النهاردا ياجماعه بس نسرين هطلع عينها البارت القادم ياله شدو حيلكم معايا نهايه العقربه نسرين قربت اوي باذن الله وعز كمان هيدخل على دنيا تاني وياترى القدر هيكتب ليه السعاده في الدنيا دي او الحزن كل ده هنعرفه في الحلقات القادمه دمتم سالمين ياحلوين ❤🌹🌹
@إشارة
الكاتبه نور محمد
- يتبع الفصل التالي اضغط على (رواية ضحية انتقامه) اسم الرواية