رواية قسوة احفاد ال هتان الفصل الثاني عشر 12 - بقلم هاجر النعيمي
part 12
بقلمي ( هاجر النعيمي)
.............
إيلا : تشاقين هذا وين لكيتي
هاجر : اشنو وين لكيتو هو هذا تميم الي حجيت عنه
إيلا : والله حلو كلش شوفي عيونه اول مره اشوف هيج عيون
هاجر : حتى اني بس اني ماريد ارتبط بي هو هسه يريد علاقه واني ماحب هذا الشي واصلا ماعندي ثقه بي
إيلا : الثقه تجي بعدين لا تروحي من ايدج
رسل : إيلا اسكتي كلامج غلط هسه صح الثقه تجي بعدين بس انتي لحد هسه ماتخطيتي إلياس اشون ترتبطين وبعدين مابيها شي اذا ارتبطيتي هاي إيلا وتيم هسه مرتبطين
هاجر : اي اعرف وهو من غير محافظة اكيد جدو مايقبل واذا قبل إلياس يحجي براسو
رسل : اذا يحبج يسوي المستحيل حتى ياخذج
هاجر : بس لسانه وصخ ويفشر كثير
رسل : هذا مو عذر لان اغلب الولد هشكل
هاجر : ودراستي
إيلا : كافي حجج انتي كليله موافقه وكافي
هاجر : افكر
رسل : فكري وذا ماقتنعتي ارفضي هو بكيفج مو بكيف احد
هاجر : بس كلامه مثل التهديد يعني بمعنى توافقين مو بكيفج وبعدين اصلا هما عدها المره الي ماتحترم زوجها يضربها ومحد يدخل هاي زهراء هيج كلتلي وهم هيا حالتها هيج
رسل : اشنو هذا الحجي
هاجر : والله
إيلا : ما على اساس زهراء مزوجه على حب شصار
هاجر : اي على حب بس هما هشكل
إيلا : عجل الخلل ب تميم وامير
هاجر : مو بس هما حسب مافهمت كل ولد عشيرتهم نفس الشي
رسل : عجل ارفضي انتي وينج وين الضرب يم اهلج محد يضربج تروحين للرجال هو يضربج اهلج مايسكتون وتصير مشاكل ف ارفضي احسن
إيلا : والله حلو حرامات ترفضو
رسل : اشنو فائدتو حلو بس مايحترم زوجته ويهينها ويضربها ولسانه وصخ عليها
إيلا : اني معرف بس يمكن الولد ما نفس اهلو
هاجر : نفسو طبعاً يعني كلهم هيج هو راح يطلع غير
رسل : سوي الي تشوفي مناسب ماعليج ب إيلا إيلا الجمال مو كلشي يعني هسه كدامج إلياس غير يخبل بس شوفي اخلاقه وشخصيته المتسلطه يلعب النفس
إيلا : على سيره إلياس تدرون قدم خارجي علمود يصير عسكري طيط احسن
هاجر : اش نعملو خلي يولي
إيلا : هو بلا شي نافش ريشو علينه هل مره يصير شرطي واذا ترقه هنا ينفش ريشو اكثر
هاجر : معرف ليش تيم يسكتلو
إيلا : يحترمو لان اخو الكبير وعلمود عمو محمد لا يزعل
انفتح للباب وفات تيم وكال
تيم : اذني جانت تون احد حجه عليه
هاجر : اكص ايدي اذا ماجنت تسمع
تيم : لا والله هسه جيت سئلت عليكم امي كالت بغرفة هاجر مادري شعدهم
هاجر : اي خوش عبالي جنت تسمع
تيم : ليش اش جنتو تحجون
هاجر : مو يمك السالفه سالفة بنات
تيم : ها حلو طرده بحترام
هاجر : لا ياغبي ماهشكل قصدي
تيم : احاول اصدك
هاجر : تعال اكعد
كعد على السرير ولزم ايد إيلا حجينه شويه وهو على هذا الوضع ايده بيد إيلا انفتح الباب وفاتت اسيل واسيا ويارا كالت يارا
يارا : مشاءالله سوالف الحب بغرفة هاجر صايره اشو انتي ماتستحين تمسكين ايد اخويه
تيم : اني مسكت ايدها مو هيا
اسيا : يدافع عنها عيني عوفي
يارا : معرف اش شايف منها
إيلا : يمه غير اخبل بس بياضي يكفي
اسيل : اي الف خلطه حطيتي حتى صرتي هشكل
إيلا : لا عيوني طبيعي الحمدلله مو مثل بعض جماعه
تيم : كافي بلا مشاكل اريد فد يوم ننجمع بيت جدو وماتصير مشاكل انتو المشاكل تمشي بدمكم
إيلا بدلع : حبيبي هما حجو عليه تقبلها
تيم : لا مااقبل ممنوع احد يحجي على إيلا
اسيل : هاي بعدك مازوجتها وهيج كاتل نفسك عليها لو تزوجون اشون
تيم : وانتي اش عليج خليج يم إلياس
اسيل : لان إلياس ما هينه تحجي عليه لو هينه جان حط نعال ( تكرمون) بحلكك
اجه يجاوبها قاطعته وكلت
هاجر : اي لا النعال بحلج انتي حيوانه احترمي ترا اكبر منج وهذا الجحش الي عندج لو بي شويه رجوله جان شك حلكج من حجيتي على اخو مابيكم خير وانتي الثوله هذا مو اخوج ليش مدافعين على وتسدين حلكها
يارا : انتي ماعليج بس لا تدخلين
هاجر : ادخل تيم اخويه والي يحجي علي احط قندرة بحلكه فهمتو
اسيل : خوفتينه
هاجر : شو انتي عاجبج المشاكل شنو رأيج اطلع الفيديوهات وبعدها نشوف موتج شنو كلتي
تبلكمت لان الفيديوهات هيا وإلياس يتباوسون من زمان هيا دزته الي علمود تغثني واني حفظته ويبين اليوم والسنه
اسيل : بلا حجي سخيف
هاجر : اي اسيا شو ماكو صوتج من فتي للغرفه ماسمعت صوتج شعجب
اسيا : اني ما عليه اجيت متفرجه لا اكثر
هاجر : اها اني عبالي خايفه لا اطلع فضايحج
الكل صار يباوعلي وعلامة استفهام على وجهم اله اسيل واسيا صارن حمر كالت اسيا
اسيا : هاجر اني كتلج ماعليه من يوم الي تحدينه بعض واني خسرت وانتي ذليتيني بعد ماعليه بيج ولا اجي يمج
هاجر : خوش خصلت منج بقيتو انتو يارا شنو رأيج اخرب علاقتج ويا خطيبج تعرفيني خبيثه واسويها
يارا : اني ماعندي شي حتى اخاف منه اذا انتي مهدده اسيل واسيا اني ماعندي هاي السوالف وزواجي تقليد والكل يعرف بهذا الشي
هاجر : اي اعرف بس عادي اطلع حجي من يمي مو شغله صعبه
تيم : هاجر كافي
هاجر : شفتي اخوج يريد يسد الموضوع حتى انتي لا يصيرلج شي وانتي العار واكفه ويا هذني
أشرت بصبعي على اسيا واسيل كالت اسيل
اسيل : خلي نطلع احسن هاي محد يكدر عليها غير إلياس
هاجر ببتسامه : حتى النص رجال مايكدرلي
اسيل : منو قصدج
هاجر : إلياس طبعاً ليش اكو احد غيرو نص رجال
اندفر الباب متت خوف جان يطب إلياس كال
إلياس : هذا النص رجال الي ماعاجبج راح يخرب حياتج
هاجر : تيم بدون زيج لك بابا دروح هو انت تمشي بكيف مره والله يالله
إلياس ببتسامه خبيثه : نشوف كلشي بوكته حلو
اخذ البنات وطلعو بقينه اني وتيم وإيلا ورسل صافنين بعض رجعنا نكمل سوالف وضحك تيم يداهر إيلا واني ورسل ميتات ضحك اجت عمه مريم كالت
مريم : قومو يلا يكفي قيعدين ماشبعتم حكي
كمنا وطلعنا بره ويا الكل بدها راحو عمامي وعماتي وهكذا مر اسبوع بلمح البصر جا اليوم الي لازم ارد جواب ل تميم كعدت الصبح تريكت وساعدت ماما بل غده جدي كال
جدو : العصر تغوحون لبيت مريم
الكل صافن ليش بابا كال
علي : اشنو السبب وهل نحنا هم لو لا
جدو : الكل يغوح اليوم النسوان يغوحون يتعرفون على اهل البنت والشباب يقعدون مع الشباب
سكتنه واذكرت عمر قبل كم يوم خطب واول بارحه دزو خبر موافقين وعمه مريم عزمتهم على العشه والمل لازم يروح يلا بلكي اتونس
كملنا اكل ولمينه السفره اني وماما بابا وجدو راحو ينامون ويرتاحون حسن وحسين مو بل بيت بيت عمو تامر مع يوسف هما اصغر شي
كملنا تعزيل رحت للغرفه انام لان بليل سهرانه على البوبجي توني حطيت راسي انام اجه مسج شفته جان من تميم مارديت عفته ونمت كعدتني العصر ماما نروح على بيت عمه مريم تحمست
غسلت وفرشت اسناني وصليت العصر وفتحت الكنتور ادور لبس بقيت صافنه تقريباً 10 دقائق بعدها عرفت شلبس طلعت تيشرت بس ورق شجر لونه اسود والورق مال شجر لونه ابيض لان بي فصوص ابيض طلعت بنطرون اسود وقميص اصفر
لبست التيشرت وفوتتها جوه البنطرون ولبست القميص وخليت الزرار مفتوحه وطلعت شوز اصفر وسويت شعري كعكه ونزلت شويه من براجمي ( كذلتي) منا ومنا باوعت بل مرايه وكلت
هاجر : خرب يومج شكد حلو يروحولي فدوة شكو واحد يكرهني انطيت لنفسي بوسه
وطلعت شفت الكل جاهز وجدي معاجبه الوضع بس ماحجه لان بابا يقبل البس هيج وصلنا بيت عمه مريم مو بعيد علينه نزلنا وسلمت جانو الخطار موجودين سلمت على الكل من وصلت يم اسيل اسيا ويارا عفتهن وكملت اسلم
لارا وايليف مايدخلن ابد وحدهن يمكن صغار لهذا السبب طبعاً لارا جانت مخطوبه وخطيبها فصخ بسبب صغر سنها وهو جان اكبر منها هيا جان همها العب والونسه وهو هما الزواج والاطفال ف فصخ وكال بنتكم صغيره ماتفيدني
وهيا كلش فرحت لان جدي هو جابه ومو لسواد عيون الولد او عيونها لا بس جانت عنده مصلحه يم ابو الولد وصارت ومن فصخ جدي كال احسن لان خلصت المصحله حتى بهاي يخلينه علمود المصلحه
كعدت يم إيلا ورسل اني وإيلا نسولف رسل مو يمنه مدري وينها عيونها بل تلفون وتبتسم فهمنه انها تحجي مع شهم شهم انسان جداً لطيف وسمعته حلو والمل يحمد باخلاقه وهيا فرحانه بي وهو فرحان بيها مافد يوم اجت اشتكت منو الله يسعدهم
بس إيلا وتيم يوم مشاكل وعشره صحبه حسب هيا مرات تضوجه بلبسها وترد علي وهو مايقبل يكلها اني رجال مايصير تردين بوجهي ومن اعصب هديني مو تعيطين بوجهي
واني اتفق ويا لان إيلا صايره ترد على كلشي وتحب نفسها من يوم الي تيم اعترف الها والي عرفته من طفولتها تحبو وهو لما كبرت حبها هيا حلوى بشكل يمكن احلى مني حتى
عيونها خضر نفس شلون الحشيش وبيضه حتى ابيض مني رغم اني شكد بيضه هيا ابيض شعرها اصفر وكلش حلو اما تيم شعره اسود عيونه عسلي اسمر والكل يكول إلياس احلى من تيم هو صح احلى بس تيم اخلاقه تغطي إلياس
لان إلياس ماعنده اخلاق والسانه وصخ لدرجه واذا احد يضوجه يفشر علي بكلمات تلعب النفس يحب التملك واني اكره هذا الشي اناني يحب كلشي النفسه هسه يريد اسيل وبنفس الوقت يريد هاجر ماريد احد ياخذ منه هذني البنتين
إيلا : شبيج بشنو تفكرين
هاجر : ولا شي
اجه عمر جان كلش مرتب وحلو هو هم اشكر وعيونه خضر على اهل ابو وهما اصلهم مو من العراق جد ابوهم شرد من تركيا لان كاتل واحد وجه للعراق واتزوج مره عراقيه وهيج صار واجو هما ومحد يعرف اهلهم منو بس الي يعرفو انهم من تركيا غيرها لا واسماء بناتهم ولدهم كله تركي حتى اسماء إيلا وايليف وعمر عدهم بتركيا هيح اسماء
هاجر بهمس : عمر طالع يخبل والله عود ياهي عروسته اشوفها ترهم ويا لو لا
اشرتلي على وحده كاعده يم مره جبيره جان شكلها عادي يعني مابيها شي مميز والي فهمته انو هاي البنيه عمر شافها بل شارع ولحكهم لبيتها وسئل عنها وعن اهلها والكل كال خوش بنيه وحبابه وهيج خطبها وحبها
إيلا : ماحبيتها
هاجر : حتى اني
رسل : عوفو البنت بحالها خلوكم ويا اسيل واسيا ويارا
إيلا : ليش منو كلج اني يمها ختولي
رسل : اني اذا يونس يزوج غير احب مرتو وادللها
إيلا : مرت الاخ ماينعطيها وجه
هاجر : دكافي روحي جيبيها ونطلع لغرفتج نتعرف عليها وساعتها نعرف زينه لو لا
بل فعل سوت الي كتلها عليه نادتها وطلعنا لغرفه إيلا وايليف كعدت البنيه خجلانه والبسمه مافارقت وجها مدنكه راسها كالت رسل
رسل : ارفعي راسج عمري
رفعت راسها انتبهت عيونها صفر بس من بعيد عبالج قهوائي فاتح كلش حبيت عيونها ابتسمت ردتلي البتسامه كالت
- عرفوني عليكم
إيلا : اني تعرفيني هاي رسل بنت خالي مخطوبه وهاي هاجر بنت خالي الثاني
- تشرفت بيكم اني اسمي ناريمان وعمري 18
هاجر : نفس عمري
ناريمان : خوش صدفه بيما شهر انتي
هاجر : 7
ناريمان : اني شهر 9
هاجر : خوش اني اكبر منج
رسل : اني اكبر منكم كلتكم
هاجر : اي انتي العجوز مال الشله عمرج 20
إيلا : اي العجوز وانتي هم عجوز
هاجر : ترا انتي اصغر مني سنه ف اسكتي احسلج
إيلا : اسفه عيني
سولفنه شويه وتعرفنا عليها وهيا يوم الي شافت عمر تربع بكلبها وحبتو حبيت قصتهم نضيفه فززني مسج على تلفوني فتحت التلفون وشفته من تميم وكاتب
💬 تميم : اعتقد خلصت المهله وانتي مغلسه وراسلتج انتي ماكو
قررت اجاوب علي وانطي الجواب الي فكرت بي كثير الحد مااخذت هذا الجواب
💬 هاجر : اني وانت مناسب بعض انت تفكيرك يختلف عن تفكيري وبعدين اني فارس احلامي مو نفس شخصيتك صح بيها كم شغله بس مو كلها موجوده بيك وجوابي هو لا ماريد ارتبط بيك
دزيتها وطفيت التلفون خليته يمي واشوف البنات مندمجات يسولفن حبيت البنيه كلش اخلاقها عاليه كلش لطيفه ولسانها ينقط عسل اجه مسج فتحت التلفون من تميم كاتب
💬 تميم : اني ماانرفض سمعتي مو تميم الي ينرفض وداعت امي اني حطيتج براسي اسود عيشتج فوك ماهيا سوده جاي اكلج احبج ارضي بنفسج احسن ماتصير غصب عنج راح اسوي نفسي ماشفت جواب منج بليل اريد الموافقه وذا مو موافقه ياويلج ساعتها اخربها عليج واني طكه ونص وماكو شي اخسره
خفت من تهديده بس فكرت انو هو لا يعرف بيتي ولا يعرف وين اني بس يعرف بل موصل يعني ماكو خطر عليه اذا ارفض سويت نفسي عادي وكلت
💬 هاجر : حضرتك تهددني اني ماينفع معايه التهديد وشنو تسوي مثلا اني ماريدك السالفه ماتصير بل غصب
💬 تميم : واني اريدج واذا عبالج بس اهدد فه انتي غبيه لان اني انفذ مااهدد واذا اريد شي يجيني ليمي حتى لو جان غصب فهمتي حبيبي يلا روحي فكري وتعالي بليل ردي الخبر بل موافقههه خوششش
رحت على امير ماكو غيره يشوف هذا المخبل شيسوي اخذت سكرينات للمحادثه ودزيتها وكتله
💬 هاجر : امير تميم شنو ممكن يسوي اذا رفضت
💬 امير : وافقي على ترا يحبج كلش هواي واني
اشهد بهذا الشي شكد يعرف بنات بس ماكو وحده مثلج كاتل نفسه عليها كل يوم يجيب سيرتج
💬 هاجر : بس اني مو مستعده ادخا علاقه واكيد زهراء كالتلك عن ماضي
💬 امير : انتي كلتيها ماضي وراح خلص وشنو صار مايهم تميم الي يهمه انتي يريدج يحبج انتي مايهمه شنو يكون ماضيج لان حتى هو عنده ماضي وحب قبل وماضيج خلص راح انتهى مجرد ذكره تضل براسنه ليس منشيلها ونكمل حياتنه
💬 هاجر : حتى لو اوافق اهلي اكيد مايوافقون
💬 امير : السبب
💬 هاجر : كثير اسباب
💬 امير : وحده منهن
💬 هاجر : من غير محافظه وجدي مايعجبه يزوج بناته او ولده لغير طائفه
💬 امير : اذا قصدج انو نحنا شيعه ومايقبل جدج لا تخافين تميم يحلها مايخليج ياخذج حتى لو غصب عنج نصيحه وافقي لان هذا طكه ونص وممكن يسوي شي يخليج تندمين انو عرفتي
مارديت عفت التلفون وخايفه شنو ممكن يسوي اجت افكار براسي كلها ازفت من بعض البنات انتبهو على حالتي كالت إيلا
إيلا : هاجر بيج شي خوفتيني
رسل : هاجر احجي ليش ساكته
هاجر : ماكو شي
إيلا : اشون ماكو شي شوفي وجهج صاير اصفر
ناريمان انتبهت انو اني ماريد احجي كدامها ترخصت وطلعت بسرعه فتحت موبايلي وارجف شوفت البنات المحادثه كالت إيلا
إيلا : ترا مجرد تهديد لا تخافين مايسوي شي
هاجر : زهراء تكول اذا يحط شي براسو يسوي وامير هم يكول هيجي
شوفتهن المحادثه مال امير
رسل : انتي شنو راح توافقين لان هددج وخايفه منو.
هاجر : ماعرف الي اعرفو خايفه يريد يخرب حياتي اذا مااقبل ليش ربي مو كافي الي سوا بيه إلياس
صرت ابجي واشهك
هاجر : ليش ليش اني ليش المفروض اني اعيش ازبل عيشه ليش ربي ماتعاقب إلياس واسيل على فعلتهم تجيب تميم لطريقي مالحكت اتخطه إلياس يجي تميم يخرب حياتي اكثر ماهيه خربانه
ابجي واضرب وجهي رسل لزمت ايدي وكالت
رسل : ماله داعي الي تسوي وافقي وانتي سوي كلشي يكره حتى يكرهج ويعوفج
هاجر : ماريد ادخل ولد بحياتي اكيد يخوني ويا وحده ماريد ماريد
رسل : والله يسوي هيج لان يحبج شوفي كاتل نفسه عليج حتى امير هيجي يكول
هاجر : افهمي ماريد ماريد خلي روح يحب ويرتبط بس ليش اني ماضل بنات غيري
إيلا : انتي تنحبين والله كل الي يشوفج يحبج روحج حلوى ومرحه ولطيفه وشكلج حلو بعد شكو
قدمت تلفوني ال إيلا وكلت
هاجر : إيلا احجي ويا كليله ماتريد خلي يحترم قراري قنعي انتي تقنعين اكبر واحد حبابه
اخذت تلفوني واني اراقب كتبت
💬 اني بنت عمت هاجر اخويه هاجر ماتريد احد بحياتها تريد تكمل دراستها تريد تتخرج وتتوظف تشتري بيت سياره تعيش وحدها احلامها مو يم الحب والزواج اتمنى تفهم قرارها وانت اذا تحبها من صدك تعوفها هيا تختار
مجرد مادزت الرساله اتصل وكال بصوت عالي
تميم : وداعت امي اذا رفضت انهيها والله شنو اكو بالكم خره اسوي اسوي اي شي في سبيل اخذها مستعد حتى اكتل شخص واذا ماتوافق ماعندي مشكله اكتلها وماخليها لغيري
إيلا : خويه افهم حباب هاجر مرت بضروف صعبه ماتكدر تفوت بعلاقه جديده
تميم : مايهمني بشنو مرت الي يهمني انو تحبني مثل مااحبها والله ماخونها عيوني ماتشوف غيرها اعشق الكاع الي تمشي عليها انت مو بنت عمتها وتتمنين الخير الها خلي توافق عليه احسن الها
مدري شلون طلعت مني كلمة
هاجر : موافقه
تميم : شنو عيديها جاي اكلجججج عيديهااا
كوه احجي والدمعه بعيني
هاجر : م موافقه
تميم : تمام راح اكلج شروطي وانتي نطيني شروطج حتى من هسه الي ماريده مايصير
اخذت التلفون من إيلا وكلت
هاجر : شنو شروطك
تميم : اهم شي ماتعانديني كلامي يتنفذ من اول مره ماحب اعيد لما اكلج هذا البس ماينلبس يعني ماينلبس تتحجبين ماعندي مره تضل سفري
قاطعته وكلت
هاجر : الحجاب معليك بي
تميم : اعتقد كتلج كلامي يتنفذ من اول مره
هاجر : من اقتنع البس
تميم : بعدين نحجي بل موضوع المهم ماتحاجين ولد من كرايبج واي شخص يراسلج دزيلي مسج واكلج حاجي او لا حجيج ويا امير يكون قليل هذا العندي انتي شنو عندج
هاجر : تحترمني وتحترم ارتباطي بيك ممنوع تحاجي بنيه بدون اذني اذا حجيت واني معرف ساعتها انهي هاي العلاقه واذا اشوف ماكو هتمام ماكو حب ماكو احترام هم انهيها اهم شي ماتخوني ماتحاجي غيري واذا عندج بنات هسه اتمنى تحذفهن
تميم : ماعندي اصلا ماحاجي احد غير زهراء وحوراء وخواتي ومرات لمار ميار
هاجر : تمام لبسي طلعتي انت ماتدخل بيها اطلع اروح اجي بكيفي
تميم : لا بله رجل كرسي اني على الاقل انطيني خبر
هاجر : هاي شروطي عجبتك اهلاً وسهلاً ما عجبتك الله معاك
تميم : اتفقنه اني اروح لان عندي شغل وهسه انتي صرتي حبيبتي
سده وراح كالت
رسل : زين سويتي ممكن بعد فتره تحبي وممكن من اسلوبج يضوح ويعوفج
هاجر : ليش شبي اسلوبي
رسل : اقصد اذا تعاندي وتغثي وتطيزين كلام ساعتها يضوج ويعوفج
بلحظه ذكرت كلش صار شلون اذا حبيته وثقت بي وخاني منو يكول يحبني ومايتسلى بيه منو يكول يريديني زوجه مو ونسى ماعرف اشون راح اثق بي حسيت دموعي بدأت تنزل كالت رسل
رسل : ليش هل دموع فهميني
هاجر : اخاف احبه واتعلق بي ويطلع جذاب ويضحك عليه
رسل : ادري بيج ماتخطيتي عملت إلياس واسيل ترا مبين يحبج لو مايحبج ما هشكل يصر عليج يمكن هذا الله بعثه تعويض الج على الي صار
هاجر : شلون اثق بي
رسل : مو ضروري يكون هسه ممكن بل مستقبل ممكن هذا الي جنتي تدورين على ب إلياس يمكن يعوضج عن كلشي
هاجر : واذا طلع جذاب
إيلا : تفائلي بل خير تجديه
هاجر : خوش
طول الوقت جنت صافنه الكل لاحظ هذا التغير الي اجاني الصبح ماجان اكو شي بس الضهر صار تغير بيه اجت يمي عمه اميرة وكالت
اميرة : الي يشوفج هسه يكول حبيبج خطب غيرج اشبيج يا روحي ليش شكلج تعبان بيج شي ياروحي إلياس ضوجج بكلمه كليلي اشك حلكو
ابتسمت وكلت
هاجر : لا عمه بس مالي خلك مدري شبيه على غفله
اميرة : اكيد إلياس مابل سالفه
هاجر : والله مو من إلياس اصلا ماشفته اليوم
اميرة : بعده يضوجج
هاجر : اي كل مايشوفني يضوجني
اميرة : اريد اعرف اشبي ليش هشكل صار والله ماجان هشكل
هاجر : معرف والله
اميرة : يلا ضحكي وغير جو لا تهتمين لشي
كمت يم البنات جان كل البنات كاعدين كرايب البنيه وكرايبنه ومن ضمنهم اسيل واسيا ويارا كالت يارا
يارا : ليش مبومه
سويت نفسي ماسمعت وغلست عليها كالت
يارا : انتي طرشه عدحجي معاج
هاجر : إيلا جيبي مبيد حشرات اكو حشره مضوجتني
الكل صار يضحك وهيا وجها احمر من الفشله حبيت خواتها ناريمان كلش فرفوشات نفسها وفطيرات كلش كالت ناريمان
ناريمان :
.................
انتهى البارت
- يتبع الفصل التالي اضغط على (رواية قسوة احفاد ال هتان) اسم الرواية