رواية قسوة احفاد ال هتان الفصل الثالث عشر 13 - بقلم هاجر النعيمي
part 13
بقلمي ( هاجر النعيمي)
............
ناريمان : هاجر ويارا ليش تتكاونون
هاجر : حبيبي هيا مضغوطه مني معرف ليش
يارا : هسه اني مضغوطه منج على اشنو بله اشو حتى اني احلى منج ومخطوبه وانتي محد مكلبج
هاجر : ليش هيا بل خطوبه اشو ابن عمج خطبني وانتي تعرفين ليش انرفض وغير هشكل انخطبت كثير يعني الجمال مو بل خطوبه لو اريد جان هسه عندي طفل بطولج
اسيل : بنات كافي عيب هسه اش يحجون علينه
هاجر : هاي انتي لو غيرج اسيا عيني شوفي حرارة اختج خاف تهلوس
اسيا : هاجر اشبيج اشو لا من نتكاون معاج مخلصين ولا من نعوفج مخلصين اش تريدين
هاجر : ولا شي شنو اريد مثلاً
دخلت عمه مريم وشافتنه شلون كاعدين ابتسمت وكالت
مريم : هجورة تيم جو يصيحكي
هاجر : هسه اجي من رخصتكم بنات
طلعت اشوف وين تيم دورت جوه ماكو عمه كالت بل كراج طلعت اشوفه جان واكف ويا عمر واحد ماعرفو وكفت يم باب المطبخ وأشرت العمر اجه وكتله صيح تيم معرف شيريد مني راح وشويه واجو ثنينهم كال تيم
تيم : هذا خبصني يريد شي منج ومايقبل يكول اني اريد هاجر يكول تيم يريد هاجر حتى خطيبته ماتزعل
هاجر : ههههه حلو هاي اي عمر غرد
عمر : شوفي انا اغيد اقعد مع ناريمان شويه ونحكي بوحدنا ياريت تسوين شغله من يمكي حتى اطيق اغشعه بدون مااحد يعف
هاجر : سهله يمي انت اطلع على غرفتك معايه بحجت تشوفني شي مادري شنو المهم واني اكول ل ناريمان انو احد يناديها واجيبها لغرفتك فهمت
عمر : انعل ابونو الي مايحبكي
هاجر : اي اي بعد بعد هههه
رحنا للبيت اني وعمر ومحد سئل لان شافوني ويا طلعنا فوك وهو راح لغرفتو واني رحت اصيح ناريمان فتت للغرفه مال إيلا الي كاعدين بيها البنات وكلت
هاجر : ناريمان عندي موضوع وياج علة انفراد وماريد احد يعرف بي تعالي معايه
بدون كلام كامت وراي وإيلا ورسل يأشرن وراي وأيلا تسويلي مال بسيطه متت ضحك عليها
ناريمان : خوفتيني شنو الموضوع
هاجر : لا تخافين عمر بل غرفه مالتو وينتظرج تروحين علي يحجي معاج شويه
ناريمان : بس امي ماتقبل
هاجر : هسه امج وين شايفتكم وبعدين عمر عاقد عليج ف يلا
دفعتها للغرفه واني نزلت جوه حتى البنات مايشكن بل موضوع ماعرف امها شلون عقل عدها نزلت جوه وام ناريمان كالت
ام ناريمان : هاجر عمر طلع فوك معاج وانتي نزلتي وهو مانزل بس لا عيحجي مع ناريمان
هاجر : لا خاله بس عمر استحه شويه واني طلعت معا علمود يسبح ويغير ملابسو ويطلع مع الولد
هزت راسها ب اي وعافتني وراحت شفت انو صدك تخاف بس على شنو هما غير لازمين عقد بعد شكو طلعت اشوف تيم ماصار فرصه احجي ويا اليوم واني لازم احجي ويا كل يوم ماكدر ومن مايكون موجود اتصل علي
وكفت يم باب المطبخ واجت إيلا ركض وكالت
إيلا : ياخاينه عندج سالفه مع ناريمان بعدها ماصارت جنتنه راح تاخذ مكاني بكلبج
هاجر : انجبي وبلا هاي التفاهه انتي ورسل مكانكم محفوظ هنا
أشرت على كلبي وكالت
إيلا : عجل شنو السالفه كليلي حبابه
هاجر : بس دقيقه اريد اشوف تيم وبعدين
إيلا : عجل اجي معاج اليوم ماشفتو ولا حجيت معا ياربي اريد يخطبني
هاجر : اصبري علي شويه لان بعد ماكمل دراسه وانتي تعرفين اذا تزوجتو يهملج ف يكمل وبعدين
إيلا : غير عيجون خطابه وامي تكلي وافقي
هاجر : جذب
إيلا : والله وغير ام ناريمان كل ماتشوفني تمحد جمالي وتكلي نيال الي ياخذج واكثر من مره اسمعها تهمس الله يجعلج من نصيبه يارب بس منو معرف اعتقد ابنها
هاجر : هاي السالفه ماينسكت عنها تيم لازم يعرف بيها
إيلا : ماريد اخاف يكول تجذب بل خطابه حتى اجي اخطبها
هاجر : انجبي تيم ماعنده هاي السوالف وانتي تعرفي كثير زين اشكد يحبج ومايقبل بغيرج ولا يقبل تاخذين غيره واكيد راح يسوي المستحيل
سمعت صوت عمه مريم تكول
مريم : منو يعمل المستحيل
هاجر بمتمته : شسمه انو هو يعني هو
مريم : منو هو
هاجر : اقصد شسمه يعني الي يحب يعمل المستحيل
مريم : اي هسه فهمتو ليش ويقفين يم الباب
هاجر : جنت ادور على تيم اريد احجي معا
مريم : انتي احكي معانو بس إيلا ليش هوني
هاجر : جبتوها معايه لان هيجي
مريم : اشون هاكي( هيجي) فوتي جوه لا يجي ابوكي يغشعكي وبلا حجاب ويقفي واكو ولاد بل استقبال فوتي بسرعه
فاتت إيلا احس عمه مريم عدها احساس انو اكو شي بين إيلا وتيم لان اكثر من مره تمنع إيلا تحجي ويا تيم حتى لو نكون اني ورسل معاهم واني ورسل وإيلا وتيم كلنا ملاحضين هذا الشي واريد اجر لسانها حتى اعرف منو كللها او هيا شلون عرفت
طلعت للكراج اشوف تيم وشفته ويا هل مره ثلاث ولد والمشكله هو منطيني ضهرو يعني مايشوفني وماكدر اروح لان استحي وهم ماعدنا صغار كثير وماكو لا يوسف ولا حسن ولا حسين اشون
قررت اني اروح مشيت صرت قريباً عليهم بس مو كلش وصحت
هاجر : تيم
شفت تيم انادر عليه ابتسم وأشر براسو بمعنى فوتي جوه
فتت للمطبخ واني انتظر يجي شويه واجه كال
تيم : اشون تجين هشكل ماتشوفين الولد
هاجر : اي شبيك غير ماكو احد يصيحك
تيم : اعتقد اكو اختراع اسمو تلفون
هاجر : نسيت والله واصلا تلفوني فوك بغرفة إيلا
تيم : شلونها إيلا
هاجر : ادبسزز بمكان ماتسألني اني اشوني فوراً جطيت على إيلا
تيم : هسه مو قبل شويه شفتج
هاجر : تيم انت لازم تتقدم ل إيلا
تيم : بعد وكت خلي بس اخلص
هاجر : ماكو شي اسمو تخلص البنت عيجوها خطابه وهيا ترفض واهلها يشكون عدها احد
تيم : منو كلج
هاجر : ترا الكل يعرف حتى امك
تيم : بس امي ماكلتلي وهيا تعرف اني احبها
هاجر : امك تريد تخلص جامعه وبعدين تزوجك
تيم : هيا اربع سنوات تنتظر
هاجر بعصبيه : يعني ماتريدها خوش اروح اكللها تزوج ولاتضل تنتظرك ياعديم الاحساس
درت وجهي اريد اروح ولزم ايدي وكال
تيم : اني عديم احساس اشبيج ليش هشكل تحجين معايه
هاجر : لان جاي تتعلم من اخوك
تيم : شنو قصدج
هاجر : مبين قصدي ترا مالازم اشرحلك
تيم : انتي تعرفين ماكدر ارتبط بشي هسه اريد اكمل
هاجر : اي كمل محد ماسكك بس هيا انساها لان لكو موضوع خطبه جاي ينطبخ الها
تيم : شلون ومنو
هاجر : ماله داعي تعرف دام هيا ماتهمك انت كل الي يهمك الدرس
تيم : هاجر لا تزيديها عليه قبل كم يوم فتحت موضوع الخطبه ويا امي وابويه وجان الكل كاعد
........
قبل كم يوم
« تيم »
شفت الكل كاعد وشفتو وقت مناسب افتح موضوع الخطبه كلت
تيم : اريد تخطبولي إيلا بنت خاله مريم
شفت الكل انصدم محد جان متوقع انو اني اطلب هيجي طلب بس لارا كلتلي انو عيجوها خطابه وايليف كلتلها
كال ابويه
محمد : اي حبيبي خوش اختيار ونعم من إيلا واهلها بنت مؤادبه واخلاقها عاليه
فرحت على كلام ابويه بس الي صدمني رد امي من كالت
اميرة : انت صغير واذا تريد تزوج من تكمل جامعه ما هسه
تيم : بس ماما عيجوها خطابه ماريد تروح لغيري
اميرة : اذا تحبك ف تصبر
تيم : بس ما....
قاطعتني وكالت
اميرة : ماكو زواج اله تخلص جامعه
عفتهم وطلعت على غرفتي ضايج ومالي خلك نفسي وبيوها تكاونت مع إيلا لان كالت اجوها خطابه وكتلها
تيم : اذا انتي تحبيني ف تنتظرين اكمل واجي اخطبج
إيلا : تيم ما بيدي شي امي تلح عليه وتكلي كبرتي وبعدين محد يريدج
تيم : اشون محد يريدج
إيلا : هيا ماتعرف اني احبك
تيم : المهم انتي انتظري
إيلا : مااكدر انتظر ليش ماتفهم
سدته بوجهي عرفتها راح تبجي اتصل ماتريد وامي حالتها ماعاجبتني ابد طول الوقت صافنه واجه يزم العزيمه مال بيت احمه عمر وجانت ناشفه ويا إيلا والي كلي لارا وكالت
لارا : بوست البنات وتحضن بيهم بس من جت تسلم على إيلا اكتفت ببوسه وحده وتخرت وإيلا بقت مصدومه والكل تعجب من الوضع
.......
« هاجر»
تيم : هسه عرفتي ليش امي ماعرف اشبيها
هاجر : اني احجي معاها لا تخاف
عافني وراح مبين حتى هو ضايج بس مايريد احد يعرف طلعت فوك يم البنات وصار عمر بوجهي يضحك ابتسمت وكال
عمر : قبانو القلبكي والله اشنو تريدين اعمللكي
هاجر : اريد شي واحد بس انو تكف يم إيلا واذا هيا جانت رافضه الزواج انت تكف يمها وتسندها
عمر : اصلا قبل ماتقليلي اعف
هاجر : اشون شفت تيم اليوم
عمر : اشنو قصدكي
هاجر : اقصد يعني ضايج لان اني هيجي حسيت
عمر : حتى انا هشكل حسيتو بس يتكاون مع الكل وحتى اخو ناريمان قلي ليش هذا ضيج
هاجر : خوش يلا ننزل سوه لعد
نزلنا وهو طلع واني رحت كعدت يم عمه اريد اعرف شكو وليش هيجي تسوي مع إيلا كلت
هاجر : عمه احس إيلا هاي الايام ماخوش
اميرة : اي ابد ماخوش
هاجر : ليش شفتي شي عليها
اميرة : اخ اخ اش احجي
هاجر : خوفتيني اكو شي
اميرة : تعالي معاي ماريد احد يسمع
نحنا على غرفة عمه مريم وكالت عمه اميرة
اميرة : إلياس شايف إيلا وتيم بوضع استغفر الله
انصدمت صدمة عمري كلت
هاجر : شنو هذا الحجي عمه إلياس اكبر جذاب بس يريد يشوه سمعتهم حتى لا يزوجون ويحرم تيم من الي يحبها
اميرة : شنو مصلحتو حتى حلف مية يمين
هاجر : مصلحتو لان تيم واكف معايه ويدعمني وهو مايريد انجح هاي مصلحتو وعمه نسيتي من إلياس هدظ تيم يوم الي كتلج بخطوبة إلياس انو إلياس مهدد تيم وكاله اكول لامي انت وإيلا بينكم علاقه محرمه
شفتها صفنت بعدها كالت
اميرة : اي والله بس إلياس حلفلي مامعقوله يحلف جذب
هاجر : ابنج اكبر سرسري واكبر ادبسزز وفاشل يعني كلشي يطلع منو
بقينه نتناقش حول هذا الموضوع واقنعت انو إلياس جذاب وكالت كم يوم وتروح تخطب إيلا فرحت وكلت اروح افرح تيم وإيلا
حجيت لتيم وجانت فرحته ماتنوصف وحجيت ل إيلا وفرحتها مو اقل من تيم فرحت الهم ورجعنا للبيت مشت الايام عاديه تميم اراسله بشكل يومي وغير انو ندخل نلعب بوبجي بليل زهراء هم اراسلها بشكل يومي واسئل على امير بس امير اراسله بين فتره وفتره واذا اكو مصلحه عندي
رجعت المدرسه وهاي اخر فرصه حتى الطلاب يعدلون درجاتهم لدخولهم للوزاري رحنا مشي للمدرسه لان اول يوم مايجي الخط بس بل رجعه نرجع ويا اجو عليه ساره وريماس وكله احضان وكذا وبعدها رحنا ل رزان
رزان فرحانه لان سوت خطوبتها قبل كم يوم واني ماكدرت اروح وهيا زعلت مني كتلها عندي ضروف بس مجان اكو شي بس جدي ماقبل اروح حاولت ويا وابد ماقبل وحتى امي حجت ويا ورزلها
من بعدها عفته واني كرهي يزيد لجدي يوم بعد يوم معرف ليش يدخل بينه لازم كلشي يريده يصير وكلشي مايريده مايصير هو مشينه بكيفه عبالك احجار شطرنج وهو يلعب بينه وإلياس مابطل يضايقني كل ماتصحله فرصه يضايقني
وصلنا المدرسه وجان الروتين عادي درس كومه طلعنا من المدرسه وريماس كالت اشتري اني رحت وياها وانطيت جنطتي ل رزان تحطها بل باص ورحنا نشتري من محل ابن خالتها ونفس اسطوانه كل يوم سلام ويأهل ويسهل بيها وهيا فرحانه
واني فرحانه على فرحها اشترت وكملت وطلعنا اشوف ابو الخط ماكو لعد رزان وساره وين راحن وكفنه على صفحه اجه ولد شاب وكال
.. انتو ليش واكفين اذا عدكم اشتراك روحو واذا مشي ارجعو ماحلوه وكفتكم هينه
هاجر : اذا اشتراكنا ماكو وين نروح
.. بس كل الاشتراكات هينه ماكو احد ماموجوده
هاجر : الملا ماكو
.. اي مريض واني اوصلكم عما يصير زين
ريماس : اي يعني الباص الكبير انت توصلنه بي
.. اي اوصلكم بي
طلعنا للباص ورحنا للاخير مكاني المعتاد اني يم الشباك وساره يمي ورزان واكفه فوك راسنه وريماس المقعد الاخير واحنا قبل الاخير
سولفنه شويه وبعدها وصلت بيتي ونزلت وتغديت ونمت والعصر راسلت تيم حتى يدرسني واجه يدرسني وابد مانزعج درسني وكمل وتعشه عدنا وراح
بليل دخلت بوبجي واليوم ماراسلت تميم لان درس عندي ماصار بيدي مجال دخلت ويا تميم وكال
تميم : ياهلا بروحي وياهلا بقيطان كلبي
هاجر : اهو هم كال قيطان كلبي ترا كلبك مو حذاء
تميم : هسه شعليج اني بكيفي
هاجر : شو امير ماكو
تميم : شعليج بنعل خلي يولي
هاجر : اشو وحدك ماكو احد وينهم
تميم : ليش زهراء ماكالتلج عجيببببب
هاجر : اي شبيك يمعود مكالتلي وهيا ماتراسلني حتى لا تشغلني على الدرس
تميم : انعل ابو الدرس الي متعب عيونج ومسهرج
هاجر : بس اني هسه سهرانه وياك مو ويا الدرس
تميم : اخ كلبي *** بيك امير
هاجر : تميم بلا فشار حباب
تميم : تأمرين يا قيطان كلبي
هاجر : هم رجع استغفر الله اشون تخليني اغلط حتى على كلبك هسه صدك شبيهم امير وزهراء
تميم : بيبي وزهراء تعاركن وامير سمع زهراء تحجي على بيبي وبيبي شويه خلت بهارات ومن شافت امير طب صارت تبجي وتكلها اني مثل بيبيتج شلون تحجين عليه وامير عصب وتعاركو وراحت لهلها واخذت علي وامير وحده هسه بل غرفه وماله خلك لشي
هاجر : يا خطيه وبعدين امير ليش مافهم السالفه من زهراء
تميم : زهراء هم ماقصرت صارت تفشر على امير وانت مو رجال وانت مدري شنو يمعوده دعوفينه منهم شلونج يابعد قيطان كلبي
هاجر : هم رجع لسالفه نعل تميم ترا اروح والله
تميم بصوت انوثي : تميم ترا اروح والله هههه بيها مجال اضحك على راكان
هاجر : تخبل الولد صار يحجي ويا نفسه
تميم بعياط : لجججج
هاجر : لا تكول لج
تميم : لج انعل ابو المايحبج
هاجر : راح تضل تتغرل لو ندخل كيم لو نطلع لو شنو
تميم : راح ادخل شخص احجي ويا انتي سدي المايك ولا تحجين شي ابد مفهوممم
هاجر : مفهوم
دخل شخص وصار يحجون بعدها كال تميم
... حوراء اجوها خطابه من بغداد وامي كالت نسئل عليهم ومادري اذا يوافقون لو لا بس الي اشوفه حوراء عاجبها الوضع
تميم : هسه واذا يمعود
... مو هنا المشكله المشكله بس حجز يعني مو خطوبه وعقد يردون يحجزوها بين مايكمل ابنهم جاي يدرس خارج البلد
تميم : هذا وين لكاكم
... اخو صديقت زينب
تميم : وليش ماخطبت زينب بعتبارها صديقتها
... زينب تكول هم خطبتني بس اني ماردت كلت خلي حوراء اني ماريد وبل فعل اجو واخذو صورت حوارء وشفنه الولد مابي شي
تميم : راكان احس السالفه بيها انه يعني مو معقوله هيج بساطه
راكان : حتى اني
تميم : خليها يمي اني اشوف حوراء وافهم منها
راكان : هههه والله هسه انتبهت اي عيني شيخه ليش ساكته متحجين
انصدمت وتت شبي هذا كال تميم
تميم : ابن القندره كتلي احجي سالفه واولي شكو تحجي ويا حبيبي
راكان : حبيبي ولك كول حبيبتي مو حبيبي
تميم : هسه انت شعليك ابن القندره شكد تدخل
راكان : ولك بيبي مخابره امي وراح تموت من الفرح لان امير متعارك ويا زهراء
تميم : جذب
راكان : وداعت امي وحتى بيبب كالت هسه كم يوم ويرجعوها اهلها مايتحملون مسؤليتها مدري على شنو خلفوها
تميم : ترا هم صدك يعني زهراء لو اهلها بضهرها جان من زمات تطلكت حتى علاوي ميجي
راكان : اي والله بس امير هنا حظه واكف عود يكتلها ويزوركها وتروح لهلها يومين ويرجعوها مادري شلون اهل
تميم : يمعود مايتحملون ولدهم چا ليش تجيبوهم
راكان : اي والله ولك تميم جيبلي وحده من صاحباتك
انصدمت مره ثانيه معقول تميم يحاجي غيري مو محبه بي بس هم انخان عصبت وفتحت المايك وحجيت مقاطعه تميم
هاجر : شنو صاحباتك حضرتك تحاجي غيري
تميم : راكان احط رجلي **** ابن القندره وين عندي صاحبات
راكان : والله خويه الي اعرفه عندك صاحبات
هاجر : اذا تراسلني بعد اشك حلكك
طلعت من يمهم وطفيت العبه وتمددت معقول يرجع الزمن للوراء بس ويا تميم مو إلياس اصلا شلون اصدك بي انو يحبني شلون اثق بي فزيت على صوت مسجات طفيت النت حتى مايوصلني شي خلال ماافكر نمت
كعدت على صوت ماما تكعدني كمت غسلت وصليت وبدلت وطلعت اتريك اكلت شويه وكمت ماشتهي اخذت الجنطة ورحت وكفت ورا باب الكراج انتظر الخط شويه واجه طلعت شفت الشاب الي حجينه ويا اني وريماس الضاهر الملا تعبان كلش دعيت الله يشافي
دخلت يم البنات بوس وحضن مو عبالك البارحه شفنه بعض بس هاي لازم بعد كعدت بمكاني المعتاد بس هل مره ساكته وسكوتي جان غريب بل نسبه للبنات وحتى رزان سئلتني اذا مريضه هزيت راسي ب لا
وصلنا ونزلنا رحنا نشتري من محل ابن خالت ريماس ونفس كل يوم يأهل ويسهل بيها واشوف نضراتهم حب والثنين ساكتين وخايفين من رد فعل الطرف الثاني اشتريت كم شغله وطلعت قبل البنات فتت للمدرسه وحدي ونسيت انو البنات بعدهن بل محل
دخلت للصف وكعدت بمكاني واصفن بل رحله وافكر معقول يخوني معقول كلام راكان شقه او بلكي راكان عباله اني صديقت تميم ماعباله حبيبته وجفص ياربي راح اموت من التفكير هم لو سمعت تميم جان افتهم وحتى من كعدت مافتحت نت
ياربي شهل دوخه راسي يوجعني واحس دايخه ونفس تلعب فزيت على صوت رزان وهيا تدخل الصف وتكول
رزان : والله ماتستحين ليش تعوفينه وت....
سكتت من شافت حالتي كالت
ساره : هاجر ليش وجهج اصفر هسه مجان بيج شي
رزان : ريماس صيحي للمدرسه بسرعه
اغمض وارجع افتح عيوني اريد اكوم ماكدر احس ماعندي قدره وبعدني افكر ب تميم وكلام راكان كمت وساره مسكتني فوراً وكعت وساره وكعت وياي صرت بحضن ساره واغمض وارجع افتح واسمع صوت بنات يمي وكل وحده تحجي شكل
وسمعت وحده كالت
... معقوله هاجر بعده الجني بيها وماطلع
... لا يمعوده كالو طابت ومابيه شي
رزان : سكتن مابيها شي بس مريضه شويه وخرو من يمنه كطعتو النفس علينه
راسي بشكل يوجعني حطيت ايدي على راسي وصحت بهمس
هاجر : راسي راح اموت راسي راسي
سمعت صوت المدرسه والمديره ويسئلن واني مابيه حيل احجي بعدها ساعدتني ساره ورزان ورحنا لسيارة الحارس وللمستشفى
........
« ساره »
هاجر وضعها اليوم ابد مجان عاجبنه وخاصه من عافتنه وطلعت من المحل وهيا ماتسوي هيج ابد نقلناها بسيارة الحارس للمستشفى والمديره كالت
المديره : تغفين رقم اهله
ساره بدموع : لا ست حبابه ليش هيجي وجها اصفر
المديره : معرف والله
شفت المديره تطلع موبايلها دكت على المدرسه علمود تطلع اسم هاجر من الفايل مالها وتاخذ رقم ولي امرها وتتصل بيهم
هاجر تهلوس ولازمه راسها وضعها كلش يكسر الكلب عبالك مخبيه بكلبها وماتحجي
وصلنا للمستشفى واخذوها للطوارء شويه واجو اهلها
سئلو عليها وامها تبجي رحت يمها تحضني وتبجي وعمو علي يبجي مثل الي مات ابو واني ابجي نخبصة المستشفى بينه الكل يبجي وحتى المديره تبجي عال حال عمه مروة وعمو علي
طلع دكتور وكلنا رحنا يمه علمود نفهم كال
الدكتور : اشتصيغلكم المريضه
مروة : بنتي بس كلي اشبيها
الدكتور : مابيها شي بس لان مااكلت شي وعنده فقر دم حاد المفروض تنتبهون على اكلها مايصيغ هشمل تهمل نفسه
انصدمت هاجر عدها فقر دم بس هيا ماكالت وصدمنا الدكتور مره ثانيه من كال
الدكتور : وعدها حساسيه قويه من العطور وغيرها
بي شفت انو اهلها عادي كلت
ساره : عمه انتو تعرفون بيها هاي الامراض
مروة : اي اعرف الله ياخذني الله لا يوفقك إلياس
تدعي على إلياس بحركت كلب فهمت انو هو وراء السالفه وهو جاب هاي الامراض الها وشلون امراض تلعب النفس شويه وكالو صحت المريضه فتنه عليها جانت شاده كانونه ومغذي بيهدها من شافتنه ابتسمت
واستلمتها عمه مروة وعمو علي شلون ماتاكلين وليش طالعه بدون اكل وانتي راح تموتينه ومن هل حجي الي كله عتب شفت انو حيل خايفين عليها عرفت انو امها وابوها سند الها وماراح يتركوها طول عمرهم واكيد اخوانها نفس الشي لان تربو على ايد هاي المره الحنونه
طلعوها من المستشفى واني طلعت وياهم وصلوني للبيت وكثير تشكرو مني حتى عمو علي تشكر مني حيل خجلت ورجعت للبيت واسئله من محمد وامي وابويه ميت الله يرحمو ونورس تحجي بخوف
نورس : وين رحتي جا الاشتراك وانتي ماكو
حجيت الاهلي على الصار وكالت امي العصر نروح نشوفها وراح تجي ويانه نورس وبل فعل اجه العصر ورحنا يمها رحت لغرفتها جانت كاعده وبيدها المغدي وحالتها تصعب على الكافر كتلها
ساره : بيج هاي الامراض وماتكولين
هاجر : ماحسيت الهن داعي احجي بيهن
صوتها جان مبحوح وكوه تحجي كعدت يمها وصرت اتلمس وجها الي جان ابيض كطن صاير اصفر على ازرك كتلها
ساره : ولج بهاي المرضه وصايره زركه
هاجر : اي مو انتي يمي ف اخذت منج شويه
بقينه نحجي وكالتلي عن تميم وشنو صار البارحه وكلت
ساره : المفروض تسمعين من تميم ويمكن راكان يشاقه وبعدين كل هذا علمود تميم
هاجر : لا يمعوده بش الدكتور كال سوء تغديه هم واكو صدمات عندي عشتو
ساره : بس الصدمات من زمان يعني من شي 9 اشهر
هاجر : يكول هسه بينت عليها مخبيه بكلبها وين مخبيه شو مفضوحه هههه
دخلت امي ونورس يطمنن عليها وبعدها طلعنا من يمها ورجعنا للبيت راسلت البنات وطمنتهم عن حالها
..........
انتهى البارت
تتوقعون راكان يشاقه لو كلامه صحيح ويطلع تميم يلعب على هاجر
- يتبع الفصل التالي اضغط على (رواية قسوة احفاد ال هتان) اسم الرواية