رواية قسوة احفاد ال هتان الفصل الرابع عشر 14 - بقلم هاجر النعيمي
part 14
بقلمي ( هاجر النعيمي)
............
بقيت اسبوع كاعده بل بيت حتى تتحسن صحتي واجو خالاتي وعماتي وشافوني المرض جان بل نسبه الي كلش عادي ما جنت مهتمه بي ذاك الاهتمام يعني هيا حساسيه وفقر دم حاد ممكن لازم ادير بالي على نفسي وهذا السويته
عطلت حساباتي بهذا الاسبوع جنت مالي خلك اراسل احد او احجي ويا احد طول الوقت بغرفتي واصفن وافكر ماعرف ليش هيج رجعت لوره اتذكر الي صار بيه يوم عرفت خطوبة إلياس جنت مدمره بشكل بس هسه احس دماري اكبر لان صدكت بواحد بحبني اذا ابن عمتي وهيج سوه بيه الغريب شلون
قاطع افكاري دخول ريماس ورزان وساره استغربت جيتهم بل عاده مايجون وحدهم لازم اهلهم وياهم سلمن وكعدن مانطقن بحرف نهائي خفت انو صاير شي كلت
هاجر : صاير شي اكو شي مامرتاحه لجيتكم
ساره : اذا نحجي مااعتقد احد يسمع من اهلج مو
هاجر : لا لما تجون انتو محد يجي بس ماما تجيب الضيافه وتروح
ساره : حلو هاجر تميم راسلني
هاجر : شنوو ليش
ساره : مادري جان يراسلج وماتردين ومافاتحه صارلج زمان خافو عليج وجان يراسلني من كم يوم بس مااكدر اجاوب علي اخاف احجي شي واجفص
هاجر : اي كملي لا توكفين
ساره : طلبت من رزان تراسله وراسلها
قاطعتها رزان وكالت
رزان : اجه دوري اكمل
هاجر : احجي بلشت اخاف
.......
« رزان »
راسلتني ساره علمود تميم ورحت راسلتو وكتبتولو
رزان : اني رزان صديقت هاجر وانت جاي تراسل صديقتي اذا تريد شي احجي وياي ولاتراسل ساره
ماكو خمس دقايق ورد كتب
تميم : هاجر الها فتره ماكو واني خايف عليها معقول بيها شي
رزان : اي بيها شي
حجيتله شنو صار بل مدرسه وفرواً اتصل رديت كال
تميم : مااكدر اكتب ايديه يرجفن كملي هنا
رزان : وهذا الصار الدكتور يكول من الاكل بس هو مو من الاكل من نفسيتها زمان وهسه طلع عليها وفوك هذا اجه كرايبك وزاد الطين بله
تميم : راكان جان يشاقه ومايدري هاي حبيبتي عباله صاحبي ونريد نضحك علي
رزان : ماكو هيج شقه يكلك جيبلي وحده من صاحباتك قابل انت هلكد كوستر
تميم : انجبي وسدي حلكج واحجي وياي باحترام
رزان : ايي اسمع مو اني الي ينحجي وياي هيج باوعلي زين هاجر صارت ماتطيقك وهيا من البدايه ارتبطت حتى تجرب حضها وماحبتك وصدك من كالت لسانه زفت ماجذبت
سديته بوجه مادري شحجيت من العصبه واهس جفصت كثير
.........
« هاجر »
هاجر : رزان شلون تكليلو هيجي
رزان : والله معرف عصبت
ساره : المهم البارحه بليل راسلني وجان يهدد ويكول خلي هاجر ترد عليه لا تشوف شي مايعجبها وهدد كثير من خوفي مسحت المحادثه
ريماس : هاجر ردي علي وفهمي الموضوع وكليلو رزان كالت هيجي حتى تضوجك لا اكثر
ساره : اي لان يكول جانت تضحك عليه ومو اني الي ينضحك علي واني تميم ابن محمد ال......... ابن ال.......
وصدك ابو....... لو جذب
هاجر : والله معرف هسه اراسلو
فتحت حسابي الانستا اول شي جانت رسائل مثل زخ المطر من كد الرسائل جهازي علك شفت انو زهراء وامير مراسليني مو بس تميم ورسائل كثيره رديت بل بدايه على زهراء وبعدها امير بعدها اجيت على تميم
بل بدايه جان مبين الخوف علي بس قبل يومين مامخلي فشوره ماكايلها عليه كلمات كثير ماحلوى كلمات كلها عيب البنات شافن وياي وكلنا اثر صدمه بعدها دخلت امي واستغربت حالتنا كالت
مروة : خوما بيكم شي وكعتو كلبي هاجر بيج شي احجي حبيبي
اجت ركض عليه فوراً ريماس كالت
ريماس : لا خاله جنه نشوف محادثات رزان وعلي متعاركين وبعدها تصالحو وجان منضرهم حلو
هزت راسها ب اي وطلعت جابت الضيافه واجت وبعدها طلعت مره ثانيه عرفت انو هيا ماسمعت شي لان مبين من ملامحها رجعنا لتلفوني الي مليان تهديد من تميم
جان يكول
تميم : لج كلبه اني تلعبين علي بربوك اني البنات الي كلها تلحك وراي تجي وحده مثلج تهيني وتهين شخصيتي ومسويتني مضحكه هيا وصديقاتها الك*** لو اني مو ك***** ماتسوين هيج بس بسيطه اني الج اخلي عيشتج سوده مثل لون عيونج اخليج عبره لكل بنيه تحاول تضحك على شاب اطلع ك*** اذا ماخليتج تندمين اطلع ناقص من الزلم اذا مااخليج تبوسين رجلي حتى اسامحج اني الج
تخبلت شبي هذا وتهديداته كلش خوفتني والي خوفني اكثر انو كاتب جاي للموصل ومن اوصل الموصل اجي لبيتكم وانعل والديكم هنا صدك تخبلت صرت الطم على وجهي اذا اجه شنو اكول منو هذا وليش هيج جاي
لو اكلهم حبيبي واجه يفضحني لان رزان غلطت بكم كلمه لو شنو اكول شنو يكون موقف بابا صدك تهسترت ابجي شلال مو دموع فوراً رزان داست اتصال وكالت
رزان : احجي ويا قنعي اي شي المهم مايجي على اهلج هاجر تنفضحين يمكن حتى كلام عنج يحجي
تخبلت بل زايد وساره تهدي بيه وهذا مايرد كالت ساره
ساره : مالنه حل غير الرقم جيبو رقمه
هاجر : امير امير ماكو غيره يساعدني
لزمت تلفوني ارجف ماعرف اكتب اخذت الجهاز مني ريماس وكتبت
ريماس : امير اريد رقم تميم ضروري تميم فاهم موضوع غلط واذا ما صححت الموضوع راح يجي عليه
كتبت فوراً كال هاي اني ويا جاينين للموصل لهلج
هنا ردت اموت ريماس اتصلت علي وانطيتني الجهاز وفتحت سبيكر
امير : اي هاجر احجي
اجه صوت تميم وهو يكول
تميم : لا تحجي ويا هاي الك**** حسابها يمي بس اوصل الموصل
هاجر : تميم حباب افهم والله رزان فهمت الموضوع غلط هيا ماعرفت تشرح والله اني اريدك لو مااريدك جان عفتك على شنو العب عليك افهمني الله يخليك لا تجي لهلي والله نحل السالفه حباب لاتجي
احجي وابجي واشهك والخنكه واضحه بصوتي
تميم : عبالج اني زوج وتضحكين عليه نفس كواويدج اني الج بس اوصل
هاجر : تميم والله رزان جذابه بس هيا عصبت منك وكالت هيج لا اكثر وحتى مجانت تقصد وهيا يمي هنا احجي وياها رزان احجي شي حبابه
رزان : تميم اني اسفه بس والله جنت معصبه ومعرف شلون طلع من حلكي الكلام هاجر مو من النوع الي تحجي ويا ولد بس الكم ارتاحت وبقت وياكم وهيا تحبك كلش هواي حتى بل مدرسه ثابرته كل شويه تميم كال وتميم سوه وتميم حجه
انصدمت اصلا اني ماجيب سيرته اله هن يكولن الي كملت ساره
ساره : امير فدوه انت فاهم واوعي اكثر فهمه السالفه ترا هاجر ماكو احسن منها ونياله عليها كلش حبابه وهيا تحبك كثير كثير حتى بدفاترها تكتب حرفه
ريماس : اذا اجيت للموصل اعتبر هاجر ماعاد موجوده اكيد اهلها يذبحوها
تميم : محد يكدر يجي يمها واني موجود بس لازم تعرف ويامن تلعب
هاجر : تميم فدوه والله جذابه رزان اني اني اني مااضحك عليك ولا عندي هيج نيه والله يشهد على كلامي والله هيا جانت معصبه وحجت هيج لا اكثر حباب فدوه صدكني الله يخليك
امير : تميم البنيه جانت معصبه ومو قاصده وبعدين اني اعرف هاجر ماعدها هيح سوالف
تميم : خلص لعد اني فاهم الموضوع غلط اسف حبيبي خليتج تبجين
هدأت شويه وسمحت دموعي وكلت بفرح
هاجر : يعني ماتجي لبيتنه مو صح
من كال لا مي بارد ونزل على كلبي سديته منهم بعد ما حلفلي رايحين لعمتهم ماراح يجون الي لان ماتسوه يرجعون وصلو تقريباً
حجيت شويه ويا البنات وصارن يضحكني حتى انسى وبل فعل نسيت بعدها راحو واني كمت درست لان باجر اداوم وراح تجي عمه اميرة معرف شعدها جايه
راسلت تميم شويه ورجع اعتذر وطلب نصعد اتصال رحت تفقدت انو الكل نام رجعت للغرفه واتصلت واحجي بصوت ناصي حتى اذا احد كعد مايسمع
تميم : هجورتي الحلو زعلانه مني
هاجر : اي اكثر ما تتصور
تميم : انعل ابوي خوش رجلي ب *** امير
هاجر : هسه امير اشعلي صدك سؤال رجعو لو لا
تميم : لا لهسه زهراء معنده وباجر نرجع وراح ياخذ ابنها منها حتى تنجبر ترجع
هاجر : تحجي صدك ليش هيج صاير حقير
تميم : بعد يحبها مايكدر بدونها
هاجر : اذا يحبها ليش يضربها
تميم : هيا تجبره يضربها يعني تحجي على بيبي عداها بمزاجه بس مال تعيط علي وترزله لا هنا مايسكت امير
هاجر : حالة عصبيه وكلشي يطلع منها
تميم : تسكت شويه مراح تموت وبعدين من يهدء تحجي ويا بتفاهم مو بعياط
هاجر : مادري بس انت اقنع امير يعوف علي لان حرام علي يحرم طفل من امه واكيد زهراء تنجبر ترجع علمود ابنها الي مايكدر بدونها دقيقه
تميم : والله مادري طبهم مرض شلونج مشتاقلج بكد عمر بيبي
هاجر : الله يحفظها الكم
تميم : ويحفظج الي يا قيطان كلبي
هاجر : هم كال قيطان كلبي ادري كلبك حذاء وبي قيطان وتشده
تميم : لا حبي هيا مال غزل بس انتي مو مال غزل حالج حال زهراء بعين الحمره تجين
هاجر : لا بله دمشي ماتخوفني اصلا
تميم : منو جان يتوسل بيه ويبجي العصر
هاجر : لان راح تجي لهلي لهسه هيج سويت واذا ماتنسى السالفه انهي كلشي
تميم : ليش هيا بكيفج تنهين كلشي بعد صرتي الي وفنه التقربلج
هاجر : اهو بده يحمه الاخ
تميم : احبج يا قيطان كلبي
ابتمست لاول مره جان من يكلي احبج اغير السالفه كلت
هاجر : باجر لا تراسلني اله اني اراسلك
تميم : ليش
هاجر : يجون عدنا بيت عمتي وابن عمتي يدرسني
تميم : ماكو شنو يدرسج شعندي عرضي يشوفه غيري لا مااقبل
هاجر : ترا تيم من زمان وياي من الطفوله
تميم : شكد عمره
هاجر : اكبر مني سنه
تميم : امم حلو
هاجر : اي حلو
تميم : ياهو حلو
هاجر : تيم انت مو كلت اي حلو كتلك اي يعني تيم حلو
تميم : هيو شنو حلو واني كدامج نعال تتغزلين بي كدامي اروح اشدلي كرون
هاجر : ترا انت سئلت
تميم : اقصد اي حلو انو اكبر منج بسنه مو معناها اذا حلو او لا
هاجر : اها ممم مادري
بقينه نسولف بعدها نعست وكتله اروح انام ونمت كعدتني الصبح ماما جنت نشيطه رغم مانايمه كثير
غسلت وصليت وبدليت وطلعت اكل اكلت زين كلش حتى لا اتخربط واتخزه
رحت فرشت سناني واخذت الجنطه وطلعت البس حذائي ( تكرمون ) شويه واجه الخط اول ماصعدت كال
احمد : كالو مريضه سلامتج
هاجر : تسلم
دخلت للاخير وكلت البنات
هاجر : هذا شعرفه اني مريضه
ساره : غير يوم الي دختي كل المدرسه عرفت بل موضوع وصرتي مشهوره اكثر من المديره
هاجر : هههه خرب يومج
رزان : والله شبيج كلها تحجي بيج لا ويكولون هاي الحلو تخربطت
هاجر : واييي يشوفوني حلوى
رزان : اي والكل يسئلنه عنج عبالج سكرتيرات يمج
هاجر : عود نضميلي ادوار البنات الي راح يسلمن عليه
رزان : ايع شكد مغروره
هاجر : تدرون حتى تميم مغرور
رزان : لا ربحنا اذا هو مغرور وانتي مغروره الاطفال شلون يطلعون
هاجر : بعد وكت ومنو يكول ازوجه
ريماس : هو بكيفج حتى بدلات اشترينه
انتبهنه انو ساره مو يمنه نهائي كلت
هاجر : سوسه بيج شي
ساره : لا هجوره حبيبي ماكو شي
واليوم كله ساره مو طبيعيه نهائي والكل ملاحظ عليها بل مدرسه الكل يتحمدلي بل سلامه حتى المدرسات حسيت بفخر انو الكل يعرفني واني بلا شي احب نفسي وانوب معارفي صارو اكثر شعور حلو
واحلى شي من يصير تحضير البنيه الي تفتش على الواجب وتكتب اسماء البنات الي ماكاتبات تحطلهن خطأ وتنطي للمدرسه اني جانت ماتفتشني فوراً تحطلي صح وتكلي كلش حلوه انتي واحبج واني اكلها حبيتج رجعت للبيت
بس الي قالقني ساره مو من طبعها تبقه ضايجه دائما تكون فرفوشه وضحك ونسى تغير جو النه اله اليوم جانت ماتحجي كلمه واذا نحجي تكتفي ب اي او لا ماحبيت اضغط عليها تركتها هيا تحجي وحدها
وصلت البيت ونزلت دكيت الباب طلعلي حسن فتح الباب ودخلت رحت سلمت على عمه اميرة وتيم ولارا وجان عمو محمد موجود استغربت لان بل عاده مايجي لان هو وجدي مو طيبات
رحت للغرفه بدلت وطلعت جانو يحطون الاكل على السفره ساعدتهم وبلشنا اكل كملت وكمت اغسل رجعت وتيم كال يدرسني رحنا ندرس وفهمني زين وغير هيج بلشت امتحانات الشهر الاخير كملنا وكلت
هاجر : خلي نطلع نكعد معاهم
تيم : اريد اكلج شي
هاجر : كول
تيم : بس اخلص اول سنه جامعه امي تروح تخطبلي إيلا
هاجر بأبتسامه : جذب الله عليك مو شقه
تيم : والله حتى اني مصدوم لان قبلت
هاجر : من رفضت لان إلياس كال شافكم انت وإيلا بوضع ايعع
تيم : شنو شنو
هاجر : اي يوم العزيمه كالتلي وصدمتني
تيم : اني اعلمو يطلع حجي عليه وعلى إيلا ماصاير والله ماتخليني امسك ايدها
هاجر : ميخالف حبيبي المهم امك عرفت كافي
تيم : والله بزعت من هاي الحاله إلياس بكلشي حاشر روحو واذا امي تضوج منه يكلها ترا اكول لجدو وابويه تعرفين علاقتو مع جدو ابد ماخوش وإلياس مستغل هذا الشي وامي مطره تسمع كلام إلياس حتى لا يروح يخرب ويحجي حجي مصاير لجدو عن بابا
هاجر : انسى خلي يولي هسه بس يزوج يعوفكم
تيم : اريد اكلج شي ثاني
هاجر : اي كول
تيم : تعرفين اشكد إلياس ويونس مقربين بعتبار نفس العمر تقريباً
هاجر : اي ما بس اني اعرف الكل يعرف
تيم : سمعت إلياس يحجي ويا يونس ويونس يكله عوف هاجر بحالها انت خاطب وتحب اسيل كاله إلياس
بس اني احب هاجر هم مو بس اسيل كال يونس اشون تحب ثنين بنفس الوقت
........
«تيم»
يونس : إلياس مايصير هشكل انت كسرت كلبها وهسه تريدها ماترهم اصلا ماراح تقبل بيك
إلياس : اريدها تسوي غلط واحد حتى اخلي جدي يزوجها الي غصب عنها بس ماكو شي ماتسوي شي غلط يارا تكول عدها واحد بس شلون اثبت هذا الشي معرف
يونس : مااعتقد وانت تعرف يارا اشكد تكره هاجر ف طبيعي تكول هيجي
إلياس : شنو مصلحتها
يونس : مااعرفك غبي لهل درجه مصلحتها تخرب سمعت هاجر وتثبت انو هيا مو احسن وحده بَل هيا اسوء وحده
إلياس : راح تجنيني ليش هيجي صايره تكرهني والله جانت تموت على الكاع الي امشي عليها
يونس : انت تحب اسيل
إلياس : لوما احبها ليش اخطبها
يونس : عجل اشون تحب هاجر
إلياس : كلبي ساكنين بي هاجر واسيل الاثنين احبهم
يونس : بس هذا مو حب هذا طمع
إلياس : ماعرف ممكن طمع
.........
« هاجر »
هاجر : شلون يحبنه ثنينه
تيم : هذا الي سمعته بعدها اجه اتصال على إلياس وسكتو
هاجر : اخوك بي شي مو صاحي
تيم : اي مو صاحي
فات إلياس وكال
إلياس : منو هذا المو صاحي الي تحجون عنه
هاجر : انت
إلياس بعصبيه : انجبي اشنو انت
هاجر : انت سئلت واني جاوبتك بيها شي غلط
تيم : إلياس كافي بلا سخافه ترا كثير تماديت
إلياس بخبث : اشون تماديت
تيم : انت تعرف شنو كايل لماما عني وعن إيلا تريد مااخذها كله لان اوكف ويا هاجر ما
إلياس : كلامك كله صح
هاجر : حتى لو تيم يجي يقنعني بيك مااقبل بيك جان ماعندي ذوق هسه صار عندي
ابتسم وطلع كلت
هاجر : اشو هذا صاير مؤادب منو من الشيطان
تيم : دعوفي صارلو يومين خوش ولد
طلعنا نكعد مع الكل وجانت سوالف وضحك انتبهت عمو محمد ماكو عرفت راح لان مايطيق جدي وجدي مايطيقه السبب محد يعرفه
راحو بيت عمه اميرة وخابرت عمه مريم تعزمنه مو هذا السبوع اسبوع الجاي على حنة عمر تفاجئنه وامي كالت
مروة : ليش هيجي مستعجلين
مريم : اشعملو هو يغيد
مروة : الله يوفقو ان شاءالله
مريم : امين يارب والجميع هم بعد اخباركم
مروة : والله ماكو شي
مريم : هاجر اخبار المدرسه مالكي
هاجر : الحمدلله زينه مابقه شي ونمتحن
مريم : الله يسهلج
عفتهم وكمت شويه ارجع باجر امتحان كملت جانت الساعه 12 صفنت هاي شكد درست كلت خلي احجي ويا زهراء هاي كم يوم ماحاجه وياها
راسلتها وردت كتلها نصعد تصال وصعدنه ونحجي جان علاوي ابنها يمها وكل شويه يكلي احبج وبعد سلام وتطنت على حالتها كتلها
هاجر : تميم يكول تعاركتو البارحه عرفت
زهراء : اي والله بس الي كاسر ظهري اهلي
هاجر : ليش
زهراء : اهلي واكفين ويا امير وابوي يكلي شلون تغلطين على الحجيه ومايدرون بيها كلش خبيثه
هاجر : اي وبعد
زهراء : ابويه كال ارتاحي هاي الكم يوم وبعدها ترجعين مثل الحبابه وامير مرتاح ومطمن انو ارجع
هاجر : شلون عرفتي مرتاح ومطمن
زهراء : ملاك كل يوم هناك هيا واهلها
هاجر : منو ملاك
زهراء : اخت تميم
هاجر : ممم
زهراء : هيا دزلي اخباره
هاجر : ليش تابعين اخباره
زهراء : اريد اشوف ضايج علمودي لو لا
هاجر : اي وشصار
زهراء : قبل يومين اجتمعو وامير طلع حركته بعباس وعباس هادي ويستفز امير وعلكت شلون علكه وعلي بين نارين نار اخو ونار صاحبه المن يدافع وكرار يريد يبعدهم وتميم لكاها فرصه وصار يضرب كرار وكرار خطيه كلشي ماسوه سكت وبلعها رغم جان يكدر يأذي تميم بس ماسوه شي
هاجر : شنو المشكله الي بينهم
زهراء : مااعرف
هاجر : يعني حتى عدكم مشاكل
زهراء : وين اكو بيت عراقي خالي من المشاكل
هاجر : بهاي اني اتفق وياج
علاوي : هادل اريد اشوف الدب
فريت الكامره على الدبدوب كال
علاوي : هذا اكبر مني
هاجر : هذا اكبر مني هم
علاوي : انتي شلون عندج كل هذا انتي جبيره
هاجر : من جنت صغيره بابا يجيبلي واخبيهم واحتفظ بيهم
علاوي : عوفي اهلج وتعالي عيشي عدنا
هاجر : عزه شلون اجي يمكم واهلي
علاوي : عادي زهراء تعوف اهلها علمود امير
هاجر : اشو انت رافع الكلفه
علاوي : شلون يعني
هاجر : اقصد يعني تكول امير مو بابا وتكول زهراء مو ماما
علاوي : هذول مو مال احترام
متنه ضحك علي سوالفه تجنن صاير يعرف يحجي بدون مايلفظ غلط وجان حجاي كلت
هاجر : هذا مين جايب هذا السان
علاوي : من امير
هاجر : يعني امير يعلمك
علاوي : اي يعلمني بس من اغلط يكول عيب بس تميم هو يخليني اغلط
زهراء : ولج يفشر فشار وصخ
هاجر : شلون يعني
علاوي : **** ب عباس
فتحت عيوني من الصدمه هذا منو معلمه هيج فشار وصخ كلش يعني الكبير كوه يحجيها
علاوي : هذا تميم كلي من احد يكلك نجب كله *** بيك
هاجر : لا حبيبي عيب هذا الحجي هذا مال ولد الشوارع
علاوي : يعني امير ابن شارع
هاجر : امير شعلي
علاوي : هو يكول ل زهراء هيج
انصدمت وزهراء ترزله وتكلله اله اكول لابوج يربيك وهو مستمر بعدها صار يسب امير انصدمت هذا طفل عمره 3 سنوات شلون يحجي هيج حجي اصلا شلون يعرف يلفض
بقينه نحجي شويه وراحت واني شفت تميم كاتب شلونج رديت علي ورد فوراً هم حجيت ويا شويه ورحت نمت هاذ الفتره مجاي اهتم باحد رحت على مدرسه وهيج مر اسبوعين وبعدها صار يوم خميس ورجعت من المدرسه والجمعه الحنه مال عمر
وعلى اساس من اخلص متحانات يزوج لان ناريمان هم سادس اجه يوم الجمعه الي الكل انتظره الي صار بي الف تخطيط والف فيكه والف لبس الكل جان متحمس واخيراً عرس راح يفرح الكل مو ناس فرحانه وناس لا
كعدت من الصبح ورحنا لبيت عمه مريم جانت الفرحه مبينه على وجها جنت اشوف بعيون عمر الفرحه والسعاده رغم انو اليوم حنه مو زواج لكن جان فرحان بشكل
سلمت عليهم وكعدت انتظرت البنات يجن لان راحن على الصالون ويا نوره بعدها صار معود الغذه وماشفت البنات حيل تأخرن جاي تخلي الاكل على السفره وجان تفوت إيلا بمكياجها وشعرها الي يجنن وهيا شعرها طويل كلش
بعدها دخلت ايليف جمالها مايقل عن جمال اختها ماخذين جمالهم من ابوهم حتى عمر جميل نفسهن العيون خضر ومسوي شعرو ومحدد اللحيه وطالع فد شي
بعدها دخن اسيا واسيل هم جانن حلوات اصلا هما من كاعهم حلوات بس لوما سوالفهم
عفتهم وجنت فرحانه لفرحت عمر وناريمان صدك يستاهلون كل خير بهاي الفتره علاقتي وياها كلش زينه
وعمر هو طالب منها تتقرب مني وبعدها حبتني وإيلا وتيم متعاركين ماعرفت السبب لان جنت ملتهيه بل دراسه
إيلا : اوف شكد مشتاقتلج
هاجر : حتى اني وربي كلش مشتاقتلج
شفتها دمعت عيونها وصارت تنزل دموعها اخذتها بسرعه على غرفتها ماريد احد يشفوها نوب يحجون عليها
هاجر : اسكتي مكياجج راح يخرب والله
إيلا : اخ راح اموت والله ليش بس وياي ماعرف
هاجر : بس فهميني شكو
إيلا : إلياس
هاجر : شبي
إيلا : ...............
..........
انتهى البارت
شنو تتوقعون إلياس يريد من إيلا
- يتبع الفصل التالي اضغط على (رواية قسوة احفاد ال هتان) اسم الرواية