رواية وهج الدمار الفصل الرابع عشر 14 - بقلم ريو الطائي
البارت الرابع عشر
-وهج الدمار-
-الكاتبه ريو الطائي-
لاتنسون تعليق بين الفراغات علقو الف تعليق حتى تصعد القصه احبكم فرولاتي 🥺✨🖤
____________
.
.
.
.
.
.
شوي وسمعت عياط
صوت عمامي وبارز من بينهم صوت عمي ابو جاسم
باوع عليه دمار وحجه
صاير شنو هاذه الصوت
باوعت عليه وكمت من الجربايه وهوه كام لبس بلوزه بسرعه ونزل جوه واني نزلت وره بسرعه جان الصوت جاي من المضيف دخل دمار واني بقيت واكفه بلباب
وجسمي يرجف من الخوف ليش جاين شنو يريدو من عدنه فتحت الباب ودخلت جان موجود عمامي كلهم ابو حسين وابو جاسم وزين وجاسم
شصايرر ليش جاين هسه
ابو جاسم: جينا ناخذ بنتنه ونروح
الحجي: أستهدي برحمانك شنو تاخذها وهيه صارت مرت دمار
ابو حسين : هاذه الحجي مايمشي ويانه وهج ماراح تبقى هنا
انتووو شنوو تره هيه مرتي مستحيل خليها تروح
زين: هيه ماتريدك لو تعرف انته شمسوي
راح دمار يريد يضرب زين بس لزمه عمر وهوه اعصبي
وعيط يريد بس يوصل يمه
وهججج ماتطلع منه لو شما تحجووون
باوع عليه شافني موجوده عاط بيه بصوت عالي
صعديييي للغرفه يلا
جيت روح بس زين لزم ايدي باوع عليه وحجه بحده
زين: ماراح تبقين هنا وهججج
وخرررر ايدك منهاااا لا كسرهاا ومحمد
ماوخر ايده ودمار تخبل يريد بس يعوفونه حتى يجي يكتله باوعت على زين
وهج: عوف ايدي شبيك
فرك وجها وحجه بنتر
زين: امشيي وهج لاتبقين هنا وياه هاذه المريض
عوفهااااا زيييين لاتخليييي راسك براسي وربك أندمك
ابو جاسم: مو اخذتنا بصوتك العالي هسه تطلكها
وهاي هيه
شنووو انتوو شتحجون لو تصير نخله بروسكم وهج ماتطلع من البيتتت
ماحجيت ولا كلمه ماعرف ليش هيج يسون عمو ابو حسين مجان عنده مشكله حتى زين هوه الشردني وياه ليش هسه هيج تغيرو
باوعت على عمو ابو حسين وحجيت
وهج: ليش تريدون روح وياكم كدر اعرف صاير
اسكتو كلهم ولا كنو جانو يعيطون دمار راح كعد على الكرويته وشرب جكاير وعيونه ناطه من العصبيه
وهج: احجو شبيكم
غير الموضوع عمي ابو جاسم:
يلا وهج جيبي غراضج وتعالي نروح
لاتخليني جاوز عليك كلت وهج ماتطلع يعني ماتطلع
ابو حسين: تروح ويانه وهج وذا ماخليتها تروح راح نحجي لها شسويت
لوو شما تسويي ماخليها تروححح
تقربت من عمي ابو حسين وحجيت
وهج: احجي عمو شضامين عليه
ماكو شي وهج يلا طلعيي منه
زين: لا ماتروح وهسه راح تعرف شصاير
باوع عليه دمار ودنك راسه وحجه
وهج لاتصدكين كلامهم مو بقصدي صار هيج
ابو جاسم: شنوو هوه المو بقصدك موتت اهلها ومو بقصدك
الكل باوع على دمار والوضع صار هدوء تقربت منه
واني جسمي يرجف لا ياربي لاتخليني بهيج موقف معقوله اني عايشه وياه الموت اهلي ومن ورا خسرت أغلا شي عندي وبحياتي
لزمت يده وحجيت الدموع بعيوني
وهج: شنو هاذه الحجي دمار
مارد بقى مدنك راسه وعمر وسجاد ينتظرون جوابة
عكس عمامي الجانو بس يباوعن عليه ابكره
لزمت كتافه وحجيت بصوت بي اغصه
وهج: احجييي دمار كوللل جذب كلامهمم فدوه احجي لاتسوي بيه هيج كوم رفع راسك وجاوب انته ماتسوي هيج اعرفك احجيييييي دماررررر
رفع راسه وعيونه حمر وبيهن دموع
صدكيني الصار مو بيدي السيارتكم طلعت كدامي
من الصدمه بقيت هادء وباوع عليه احس جسمي بعد مايعيني كعدت بلكاع واني احس بشعور غريب كل هاذه الوقت واني ماعرف الحقيقه باوعت عليه وحجيت بصوت عالي وهج: ليييششش هيج سويتتت بشنو مذينك اهلييي ماتخاف الله انت
رفعت راسي اله وحجيت
وهج: ليش هيج دمار عتبرتك كل اهلي
رفعت أديناتي وضرب على وجهي حيل وعيط عليه
وهج: ليشششششش ضحكت عليه دماررر مامذيتك ليش اجذب روح ربي يطلع حوبتي بعزيز كلبك
اجى عليه بسرعه واحضني واني اضرب بصدره ريد بس يوخر مني وهج: وخررررر منيييي لاتلزمنيييي
حيواننن
لزمني زين من ايدي وكفني ودفع دمار مني
زين: وخرر من عدها ماجنت اعرف حقيقتك
ماتوقعت تطلع هيج قذر
لزمه دمار من ركبته وخنكه وكز على سنونه
انته لاتدخلل لا طلع روحككك
كامو بسرعه ويحاولون يفكون دمار منه
كمت وكفت واني ممتلكتني الرجفه لزمت ايده
باوع عليه وخر من زين لزم ايدي وحجه بصوت هادء
وهج والله ماردت يصير هيج بس الصار قدر ومستحيل اني ئذي شخص من لاتحبيهم انتي
وخرت ايده مني واني اضحك بستهزاه
وهج: كلشي توقع منك دمار مو انته نفسك لاكلت عمامج مايريدونج
وهج صدك اني ماخليتج تروحين لعمامج بس والله
اني ماعليه بموت اهلج الله الكاتب هيج يصير
اجى عمي ابو حسين وسحبني من دمار:
ماله داعي تبرر وهسه تطلكها ومانريد نشوف وجهك
باوع عليه دمار وحجه
وهج
خليت ايدي كدامه وحجيت واني دموعي تنزل
وهج: طلكني دمار الله لايوفقني شلون
رجعت اثق بيك
ماطلك شسوين لو تطلع نخله براسج وهج خلي نتفاهم
ابو جاسم: خلي نروح هسه ويصير خير
باوع عليه وحجه روحي جيبي ملابسج
هزيت راسي بــ اي وكمت وشهك من البجي
كل ماحول اثق بي انكسر ليش هيج حظي
ياربي امسح دموعي وصعدت فوك لميت ملابسي
ولبست جبه فوك التراك وكمت ريد طلع دخل دمار
باوعت عليه واني عيوني تجدح نار عفته ريد اطلع لزم
ايدي وعيوني بعيونه وهج اسمعيني لاهيج تسوين
وخرت ايده واني ابتسم بستهزاه
وهج: لا عبالك تضحك عليه مره ثانيه
امسح على وجها وحجه
ليش ماتسمعين مني لاتسرعين وهج
وهج: دمار طلكني لان ماريد شوف وجهك من شفتك
خسرت كل شخص احبه
لزم ايدي قوي وحجه بحده
ادري اني غلطان بس مال طلكج تحلمين
وخرت ايده مني وعفته وفتح الباب ماحس اله احضني من وره راسه صار أبركبتي مانطيت رد فعل شوي واحس شي حار صار على أركبتي درت وجهي عليه وخر راسه باوعت عليه عيونه كلهن دموع وشعره نازل على وجها قابلته ابنظرات بارده وبتسامه جانبيه عفته ونزلت
وصلت لنص الدرج خليت أديناتي على احلكي وابجي بكتمه جسمي مايعيني تحرك خليت ايدي على بايات الدرج وسندت نفسي ونزلت من الدرج
امسحت ودخلت للمضيف باوع عليه عمو ابو حسين وكام وحجه: يلا بابا امشي
هزيت راسي بــ اي اجى زين اخذ الجنطه مال ملابس وطلع واني لزمت ايد عمو ابو حسين ومشيت وياه
ودموعي تنزل باوع عليه وحجه
ابو حسين: كافي بنيتي لاتبجين
مارديت صعدنه بسياره واني ساكته خليت راسي على جام وابجي بهدوء شوي وحجه
ابو جاسم:
اشش لاتبجين محد كالج تقبلين بي هسه انتي مزوجه جتال اهلج
ابو حسين: وهج ماتدري هوه الكتل اهلها لو تدري ماتزوجه
باوع عليه زين وبتسم
زين: هسه وهوجه راح تبقى يمنى مو امهم هاذه الكلام بعد
اسكتت مارديت وصلنا للبيت وكف السياره نزلت
لزم ايدي عمو ابو حسين ودخلنه جانت بيبي موجوده بصاله عفت أيد عمو ورحت عليها ركض واحنتضها
وابجي
وهج: بيبي والله مامصدكه عايشه وياه الشخص الكتل اهلي ليش اجذب عليه شسويت اني وياه وهيج يجازيني فدوه بيبي احجي
لاتبجين يمه شمدريج انتي الله لايوفقه الحرمني من وليدي
كمت باوعت عليه بيبي واني احس الدنيأ تفتر بيه
اغمضت عيوني وبعد ماحسيت على شي
كعدت وره فتره باوعت حوالي هاي غرفت البنات ردت حرك ايدي ماكدر باوعت عليها نور لزمتها وغافيه عليها
ابتسمت على شكلها سحبت ايدي منها بهدوء بس فزت باوعت عليه وحضنتني بسرعه
نور: ولج اخفت عليج يروحي
وهج: مايصير عليه شي عار وداعتج
وخرت من احضني وضربتي على راسي بخفه:
نور: انجبي غير موت وراج ولج والله مشتاقتلج هواي
باوعت عليها وبتسمت
وهج: واني هم يروحي
نور: وهج صدك دمار هوه الكتل اهلج
نزلت راسي وحجيت
وهج: لاتجيبين اسمه على لسانج خلي يولي
نور: ماشي تجين نزل جوه
وهج: لا ريد ابقى هنا اذا تحبين تروحين عادي
نور: لا راح ابقى يمج ضوجه كلش على اقل احجي وياج
هزيت راسي بــ اي واسكتت هيه ابقت كاعده يمي شويه وصاحولها وراحت خليت راسي بلمخده وعطت بصوت مخنوك ذكرت كل لحظأ لنا سوه شلون جان يتعامل وياي كلامه شقه غيرته حنينه معقوله كلها اجذب كافي وهج لاتهتمين الله ياخذ حقج منه
كمت من الجرباية واني جسمي تعبان مابيه تحرك
احس بخمول مو طبيعي دخلت للحمام نزعت ملابسي
وبقيت جوه المي دموعي تنزل امسح على وجهي وتنهدت لفيت المنشفه على جسمي وطلعت لبست ملابس لميت شعري وخليته مالي طاقه امشطه رحت
تمددت على جربايه باوعت على جهازي يرن مديت ايدي وخذته باوعت على اسم دمار رفضت المكالمه وغلقت الجهاز
تغطيت وغمضت عيوني ماريد ابجي كافي وهج محد يستاهل دموعج شوي ونمت
كعدت وره فتره باوعت على ساعه 9بليل هاي شكد نايمه كمت غسلت وجهي وخذت جهازي ونزلت
جان الكل كاعد يتعشون باوعو عليه وهما خايفين من اسكوتي
وهج: مساء الخير
الكل: مساء النور
بيبي: تعالي يمه كعدي يمي اكلي سوده عليه وجهج اصفر
ابتمست ورحت كعدت يمها وهيه تجيب وتخلي كدامي ذكرت دمار ماياكل اله يشبع اني مسحت على وجهي وحاول مابجي كدامهم
زين: اكلي وهج ليش ماتاكلين
باوعت عليه وحجيت
وهج: ماجوعانه
بيبي: سوده عليه ماتشوفون صاير بحالها الله لايوفقك البالي
زفرت نفس ابغضب ماريد احد يحجي علي لو يغلط غيري بس اني يحقلي هيج سوي
كملو اكل كمت ريد انضف وياهن لزمت ايدي بيبي باوعت عليها
كعدي يمه هنه ينقلن الاكل للمطبخ بنيتي
وهج: لا بيبي روح ساعدهن خطيه
من تكملين تعالي لغرفتي ريد احجي وياج بموضوع
هزيت راسي بــ اي وكمت وياهن نقلت الاكل كعدنه نغسل مواعين اني ونور ونسوالف
نور: بيبي شتريد منج وهج
ماعرف حتى شوفي ايدي شلون ترجف عبالك راح تموتني اضحكنه ورجعنا نكمل الموعين انضفنه المطبخ جيت روح على بيبي بس نور لزمت ايدي باوعت عليها وهج: شبيج ولج ليش لزمه ايدي
نور: حبابه خلي روح وياج شوف شنو تريد تحجي وياج
وهج: وخريي انتي شعليجج بابا
لزمت ايدي قوي مانعتني تحرك من مكاني
نور: فدوه شبيج اني هسه بس دخل تضربني بلعصه
بس انتي ماتكول عليج كولي اني كتلها تعاي
باوعت عليها صفح
وهج: يلا امشي بعد احسن ماريد نكتل وحدي
دخلنا اني وياها لغرفت بيبي جانت كاعده تسبح
سدينه الباب وكعدنه على جربايه كدامها
باوعت على نور وخزرتها:
طلعي بره نويره لا كسر راسج
وهج: لا بيبي خليها عادي احجي شنو تريدين تكولين
باوعت عليه ورجعت تسبح شوي وحجت:
راح احجي وياج بس لاتستحين بنيتي بس ريد تئكد
باوعت عليها بستغراب وحجيت
وهج: شنو بيبي احجي
يمه انتي ودمار مزوجين زواج كامل
وهج: شلون يعني بيبي
يعني انتي ودمار تنامون سوه
دنكت بسرعه احس راح موت من الخجل هسه شيخلصني من كلام نور بعد
وهج: اي بيبي نام سوه هوه ماقبل نام وحدي بس ليش هيج تحجي
نور:ض بيبي عيب عليج شنو هاذه الكلام
لزمت العصه وتريد تضرب نور بس شردت وكفت يم الباب وتباوع عليه بيبي بتك عين بتسمت على شكلها
باوعت على بيبي شفتها تخزر بيه دنكت راسي
يمه وهج قصد ماخذج دمار لو بعدج بنت
باوعت عليها وسكتت استحي احجي بهيج موضوع
دنكت راسي باوع على أديناتي مدت بيبي ايدها على فكي ورفعت راسي وحجت
لاتستحين يبعد بيبيتج احجي يمه
وهج: لا بيبي بعدني بنت بيبي بس ليش تسئلين
باوعت عليه وحجت
اخفت ان صاير شي بينكم وانتي بعدج طفله بسرعه تحملين بس الحمدلله ماطول بعدج هسه تكدرين تطلكين منه وتخلصين
هزيت راسي بــ اي وحجيت
وهج: بيبي اني طالعه ترخص منج
روحي يمه ارتاحي وماريد تفكرين بشي
تقربت منها وبوست راسها
وهج ماشي بيبي تدللين
عفتها وطلعت ونور صافنه تقربت منها وحجيت
وهج: شبيج ليش ساكته
باوعت عليه وحجيت بهمس
نور: يعني صدك هسه انتي مزوجه
مارديت مشيت كدامها على حديقه
احس ضايقه بيه الدنيا رحت تمشى بالحديقه والجو حلو يجنن بي نسمت برد كعدت على مرجوحه واغمضت عيوني وتذكر اهلي دمار شلون راح كمل حياتي واني متزوجه الشخص الموت اهلي وحرمني منهم بقيت وقت طويل واني كاعده فتحت جهازي باوعت على تصالات هواي متصال عليه دمار وسجاد زينب دخلت على محادثت زينب وتصالت عليها رن شويه ونفتح التصال بس مو صوت زينب
الوو وهج
وهج: هلو ممكن تنطي الجهاز زينب
شهم: زينب دخلت لصالت الولاده دعيله وهج خايف يصير عليها شي
وهج: شكاعد تحجي انته هيه مو بشهر السابع
اي بس صار عدها مضاعفات ماريد خسر طفلي مره ثانيه تنهد ورجع حجه يلا ترخص وهج
سد التصال واني صافنه ياربي لاتحرمها من طفلها مره ثانيه اذكر شكد جانت فرحانه بطفلها الاول بس وكعدت من الدرج وصار عدها جهاض انهارت من اعرفت هيج صار بطفلها بس الله عوضها بطفل
ثاني ربي لاتفجعها تنهدت بحسره وكمت ريد دخل للبيت دك جهازي باوعت على اسم كلبي صار ايدك
توترت جاوب وشوف شنو يريد لو ارفض رجعت كعدت لزمت الجهاز حتاريت شسوي امسح على وجهي وحس بحساس غريب فتحت الاتصال وبقيت ساكته وهوه هم ساكت مر وقت وحنى بس صوت نفاسنه ينسمع تنهد تنهيده تشك الكلب وحجه
وهجي ماكدر بدونج ليش كل ماتجي فرصه تاتعوفيني بسرعه تستغلينها لهدرجه ماطايقتني
وهج: اي كرهك ولو ابيدي موتك بيدي دمار كافي ماريد تتصال بيه وتمنى تطلكني عاجبج شخص مايريدك وانته لازك بي انته مثل العلج كل ماحاول اخلص منه ترجع تلزك بيه
راح تتندمين على هاذه كلامج وهج صدكيني مو دمار الينحجي وياه هيج
وهج: هاذه العندي وشنو بتكد تسوي سوي مايهمني بعد بس خساره اخلص مرحله من عمري واني عايشه وياك الله يعلم بالكره البكلبي تجاهك دمار وانته لو عندك شوي كرامه تطلكني وتخليني عيش حياتي
اضحك وحجه بصوت بي حده
اخخ وهج والله انتي تحلمين هواي اصلأ اني ماريدج واي جنت اضحك عليج بس حتى اخذ الريده منج وصدكيني طلاك ماطلك اله اخذ البالي
عطت بي بصوت
وهج: انته شنو من بشر ماكفاك السوته بيه خسرتني اكثر شي احبه بحياتي بس مال تاخذ البالك فأكلك تحلم كلت هيج وسديت التصال بوجها امسح على وجهي وجسمي يرجف من كلامه كل كلامه وحنيته ولمساته كل شي صار بينا اجذب شلون هيج سويت شلون اثقيت بي لو مسلمته نفسي وتالي عايفني بس ماتوقعته بهاذي الحقاره
دموعي تنزل بهدوء ريد زور اهلي وشكيلهم اهمي وعاتبهم وفرغ احزني يمهم رفعت رجليه من الكاع ورفعتهم وخليت راسي عليهن واغمضت عيوني والاتصالات والمحدثات ماوكفت من دمار مديت ايدي واخذت الجهاز وقفلته كمت رحت للمغاسل غسلت وجهي
وصعدت فوك للغرفه جانن البنات كاعدات يباوعن على فلم باوعن عليه عفتهن وكعدت على جربايه
نور: مجنه نريد نزعجج حبينه نعوفج وحدج ترتاحين شويه وماصحنالج
وهج: عادي يروحي جنت محتاجه وقت بقى وحدي
تبارك: تعالي كعدي يمنى لاتضلين زعلانه اخلص ونسي الصار وياج وان شاءلله يطلكج وتكملين راستج وماتحتاجين احد بعدج اصغيره والحيات كدامج
نار: اي والله صحيح كلامها ولو هيه ماتعجبني سوالفها بس هسه اعجبتني
حركت شعرها بغرور تبارك
الله يحفظني لجن وبقى دوم نصحجن
اضحكن على كلامها وبصراحه قتنعت كمت كعدت يمهن بالكاع وتغطينه سويه بغطه واحد وناكل حلويات ونباوع ونعلق على كلامهم
اخلص الفلم الساعه 3 كمت فرشت اسناني ورحت تمدت يم نور باوعت عليه وبتسمت
نور: وهج شكد احبه وجودج بيناتنه تدرين صار بيه من رحتي معا ان ماعرفج زين
ابتسمت وفتحت ايدها ونمت عليها وحضنته
وهج: من اول ماشفتج حبيتج حنينه مثل صديقتي مريم
نور: لا مو خوش هيج ريدج بس الي ختولي مريم
اضحكت على كلامه لان تغار
وهج: نور من اجى دمار وخذني هوه شدره راح يعقد عليه جاسم
نور: زين اخابره بس ماكله راح تعقد على جاسم حتى لا دمار يسوي مشكله كله شخص ابن خالي تقدملها وهيه وافقت
وهج: ليش هيج سوه زين
نور: حتى يجي دمار بسرعه وينقذج من اجى كالي زين فأخليتج تطلعين للحديقه وطفيت الكمرات حتى محد يشوفكم
مارديت بقيت ساكته هوه مو لان يحبني سوه هيج بس هوه يريد كلشي اله واليريده ياخذه تنهدت بحسره واغمضت عيوني وجيت نام بس اذكرت زينب كمت بسرعه فزت نور باوعت نور: شكو شبيج وهج
وهج: ماكو شي حياتي نامي
كمت بسرعه اخذت الجهاز وفتحته تصالت على زينب
مر وقت ومحد رد بقيت كاعده كل شويه اتصال بالاخير نفتح الاتصال بسرعه حجيت
وهج: الو زينب
هلا بابا
وهج: شيسوي جهاز زينب يمك دمار شسالفه صاير شي على زينب
لاتخافين مابيها شي والحمدالله جابت بسلامه يوم لنا اني وياج وهجي
وهج: مداك يالثور عوف هاذه الكلام وكلي زينب وين وليش الجهاز مالته يمك
مابيها شي وصعدت لغرفتها ترتاح بسمخليه الجهاز بصاله اخخ من بعد ماجنت نام واني حاضنج هسه نام على صوتج شوفي شلون تغير حالنأ وهجي
مارديت سديت الاتصال ابوجها وخليت الجهاز على شحن ورحت نمت يم نور بس خليت راسي على المخده رحت بالنوم كبل
كعدت الصبح على صوت تبارك وهيه تكعد بيه
رجعت اغمضت عيوني ماريد كوم وهيه تعيط تريد بس كوم كمت تربعت وخوزر بيها
وهج: شكو شبيج من الصبح
تبارك: كومي باعي للساعه بيش الساعه صارت
باوعت على الساعه 11ورجعت باوعله
وهج: وذا بعد وقت
تبارك: دكومي ولج عبالج تبقين نايمه مثل هناك تعالي
انضفي البيت ويانه
وهج: لا والله عابت شعليه اني
اغمتني وطلعت كمت غسلت وجهي ونزلت يم بيبي
وهج: صباح الخير بيبي
ياصباح هاذه الدنيا الضهر خاتون
وهج: شسوي بيبي تئخرت بالنومه امس
امم فاكده احضنه يمه
ابتسمت ورحت كعدت يمها ابوستها
وهج: بعد نام من وقت حتى كعد الصبح اساعدهن بشغل
ليش يمه انتي ماتصلين
وهج لا بيبي وريد لتزم ابصلاتي بعد
اني كعدج يوميه الصبح اتصلين ويايه انتي جبيره
اصغر منج وايصلن حرام عليج بنيتي
وهج: ان شاءلله بعد راح لتزم ابصلاتي
عفيه بنيتي هسه روحي اتريكي وجهزي الغده وياه البنات
هزيت راسي وكمت دخلت للمطبخ خليت الجاي على نار وطكيت ابيض وكعدت تريك ولعب بجهاز شويه
ودخلت نور باوعتله
وهج: وين جنتي ماشفتج
نور: بره جنت انضف الحديقه اخاف حد ماحود يجي على كولت بيبي
اضحكت ورجعت اكل كملت طفيت الجهاز وكمت غسلت المواعين وانضفنه المطبخ باوعتله
وهج: لعد مرت زين وين
نور: قصدج انهار راحت تنوم بنته ماتسكت
وهج: شراح نسوي غده تئخر الوقت
نور: تعالي نسوي تمن احمر ومقبلات وهسه اخابر زين يجب وياه سمج
وهج: اي والله كلش مشتهيته
كمت وياه غسلت التمن وسويته وهيه سوي مقبلات
مر وقت وحنى نطبخ ونسوالف كملنه كلشي وهيه راحت على امها واني صعدت فوك اسبح دخلت للغرفه جهزت ملابسي باوعت على جهازي يرن زينب اتبسمت ورديت
وهج: الوو زينب الحمدلله على السلامة
هلا يعمري الله يسلمج
وهج: شلونج ابنتج شلونها
تمام وبنتي زينه مابيها شي الحمدلله
وهج: شنو اسمها
ملاك دمار اسمها
وهج: الله يحفظه لج ان شاءلله حياتي
يبعد روحي انتي وهج
بقينى نسوالف شويه وبعديت سد الاتصال ابتسمت
على فرحته اخذ ملابسي ودخلت للحمام اسبحت وطلعت امشطت شعري وبقيت كاعده على جهاز
شوي ودخلن البنات
نور: عفيه وهج نيالج اسبحتي اني مابيه حيل اكوم
تبارك: هوه انتي وصخه شوكت تسبحين
نور: اي من هاذه شاربج الصاير اثخن من شارب زين
تبارك خلت ايده على اشواربها تتحسسهن:
عزه والله ماصار هواي من سويتهن صدك مثل اشوارب زين صايرات
اضحكت على شكله راح تجيب خيط جابته وكعدت تحف لنفسه رحت كعدت يمها وشوفه شلون تحف
شوي وطلعت نور من الحمام باوعتله
وهج: كلج نور لعد البنات وين شرار ونار
نور: راحن على اخوالهن باجر يجن يمكن
يلا كومن ننزل جوه نشوفهم اجو
وهج: روحي انتي هسه نجي وراج
راحت هيه وتبارك حفت وكملت ونزلت ورا نور
بقيت كاعده بالغرفه ماريد نزل اكيد راح يفتحون نفس الموضوع مال دمار اني شعليه اذا هوه مايطلكني
تمددت على جربايه وفكر شنو راح يسوي دمار بس اطلك منه ماريد ابقى هنا بالبصره ريد روح عيش بغداد وماخلي احد يعرف مكاني بس خلي كمل مدرستي بس اول شي لزم ازو اهلي
اخذت جهاز وغسلت وجهي ونزلت جوه يمهم الكل جاي من دوامه رحت على عمي ابو حسين باوع عليه وبتسم
وهج: هلو عمو الله يساعدك
هلا يبعد روييحتي شلونج بنيتي
وهج: الحمدلله عمو
رحت كعدت يمه وبوسني ويحضن بيه ويمسح على شعري شكد احب سوالفه وحنيته عليه مايحسسني ان يحب بناته اكثر مني بالعكس يحبني مثلهن
بابا مرتاحه هناي
وهج: اي عمو الحمدلله كلش فرحانه بوجودي هنا بينكم
باس راسي وحجه
فدوه روحلج بنت الغالي روحي بنيتي ساعدي اخواتج
بالغده
ابتسمت هزيت راسي وكمت رحت للمطبخ جهز وياهن الاكل كملنا ونقلنا الاكل وجاسم يباوع عليه من جوه ليجوه حتى لحد ينتبه اله ماهتميت كملنا كعدنه ناكل سويه شوي وحجه عمو ابو جاسم
وهج اخابري هاذه زوجج خلي يجي يطلكج ماتضلين هيج هسه هم تجي قسمتج وتزوجين
ابو حسين: اخاف يسويه عناد ومايطلكه
بقيت ساكته هاذه احسن حل طلك وشوف حياتي بس ليش هيج احزينه وهج لاتفكرين بي ولاتنسين هوه الموت اهلج وحرمج منهم باوعت عليه بيبي
احس افهمت شنو يدور بعقلي بس اسكتت
كمت من الاكل نسدت نفسي رحت اغسلت ورحت
على مطبخ خليت الجاي على نار وكعدت ؏ طاوله
شوي ودخلت نور كعدت يمي
نور: وهج شبيج ليش زعلانه
وهج: مابيه شي حبيبتي
نور: تحبينه دمار انتي
ماوعتله ومارديت لا شنو وهج معقوله تحبينه
لا ابد لاتفكرين هيج امسح على وجهي بتعب
وكمت جهز كلاصات الجاي نور تنهدت وطلعت تجيب الاكل اصبيت جاي وقدمته لهم ورجعت اساعد نور بالمواعين دخلت انهار ماكلت جانت نايمه يم بنته
انهار: ساعدجن بشي بنات
نور: لا عمري كملنه ماعدنه شي
باوعت عليه انهار وبتسمت اجت ابوستني
انهار: شلونج وهج
وهج: الحمدلله وانتي شلونج بنتج وينه
انهار: نايمه بزعتني يلا نامت لان امصخنه
وهج: سلامته ان شاءلله
ابتسمت وكعدت على طاوله تاكل وحنى كملنه غسل الموعين جيت صعد على درج فوك فززني صوت زين باوعت عليه جان معصب وهوه يباوع عليه استغربت
وهج: اها زين محتاج شي
زين: جهازج تعالي اخذي
هزيت راسي وتقدمت منه مديت ايدي وباوعت عليه
وهج: شبيك زين نطيني الجهاز
زين: بعدج تحجين وياه دمار وهج
باوعتله بعدم افهم
وهج: شبيك زين ليش اتسئل
مد ايده ونطاني جهازي
زين: اذا صدك تريدين تطلكين منه لاتحجين وياه بعدج اصغيره بسرعه يكدر ايضحك عليج بكلامه
كال هيج وعافني وراح وهوه معصب
باوعت على جهاز شفت هواي مكالمات من دمار
اخذت الجهاز وصعدت فوك سديت الباب وكعدت انتظره يرجع يتصال مر وقت وتصال جاوبت بسرعه وعطت بي وهج: وتاليي وياككك ليششششش تتصال شنو تريدد منيييي
منو معصب مرتي الحلوه
وهج: لاتكوللل مرتييي انته ماتفهمممم كلك ماريدككك
لا ليش هيج تحجين جرحتي مشاعر دمارج
امسح على وجهي حاول هدء نفسي
وهج: خر*عليك وعلى مشاعرك يالثور
اخخ شتاقيت الكلامج
وتصالت عليج وهيج تجاوبيني مايصير منو جان يكول ماعوفك ونطاني وعد هيج طلعتي مو كد وعدج وهجي
وهج: اني حمار شلون وعد شخص مثل عار
بسرعه عاط بيه بعصبيه
وهججج مابقى جثيرر وشوفي شنو محضرلج من مفاجئة
بلعت ريڰ وذكرت كلامه كلشي يسوي بس حتى ياخذ الباله احس حرار بجسمي صارت حاولت احجي وياه بهدوء وهج: دمار شبيك شنو تريد انته مني
كلشي بيج ريده وهج انتي ملكي اني
عيونج الي
قلبج الي
شعرج الي
اشفتج الي
أركبتج الي
كلشي بجسمج وبنحاء وجهج الي اني
توترت كلش من كلامه بقيت ساكته ماعرف شنو جاوب اخاف منه من ايعصب مايشوف كدامه ماغلطت من اسميته ثور حتى هوه مايعرف شنو يريد بالضبط ساعه يريدني يمه ساعه يكرهني بي هسه تكدت ان صدك هو مريض فززني صوته من اصفنتي
لاتسكتين وهجي اريد اسمع صوتج
وهج: دمار ماريدك اني
عادي حتى اني ماريدج بس تبقين مرتي
وهج: اغصبن عليك طلكنييي ماريدك
ليششش حتى تزوجيننن غيري مووو
وهج: اي ازوج غيرك ماريدك اني
لاتخلينييي هسه اجي وحرك البيت على راسجج بنت الكل*
سديت الاتصال ابوجها وهوه بقى يرسئل رسائل تهديد
كعدت على جربايه ودموعي تنزل مراح يعوفني ادري بس مستحيل خلي يسوي الباله وخلي عادي لايطلكني بس هم شي مايسويلي شي ويخلصني من وجها
فززني فتحت الباب ودخلت نور امسحت دموعي
وكمت ريد دخل للحمام لزمت ايدي نور باوعتله وعيوني مليانه دموع بس اكابر سحبتني على جربايه وكعدت يمي تمسح بدموعي
نور: مايطلج مو
وهج: ماريده نور والله ماريده ليش مايعوفني
نور: اشش لاتبجين مايستاهل دموعج يروحي
وهج: لا خليني احجي نور والله مخنوكه وضايكه بيه الدنيا تدري يكول ماعوفج اله اخذ الريده تخيلي كل كلامه. وحنيته الي بس حتى تقرب مني مجنت متوقعته هيج حتى بديت تقبله بحياتي
نور: الله لايوفقه مايروح على بنات الملاها يشبع بيهن
شنو هاذه من بشر مايخاف الله عسه لاشاف يوم حلو بحياته
مارديت بقيت احضنته وابجي من اتعب شوي وندك الباب كمت بسرعه من احضن نور وامسحت دموعي دخلت انهار وبنته وتبارك ابتسمت بوجهن بس يباوعن عليه بستغراب ئجن وكعدن يمنى
انهار: شبيج وهج ليش تبجين
نور: مابيها شي بس مشتاقه لاهلها
انهار: لاتزعلين يعمري حنى هم مثل اهلج يعمري
ابتمست وباوعت على ابنته شكد حلوه وناعمه هستوه تحبي اخذتها ابوست خدودها
وهج: شنو اسمها
انهار: براء بس الاسم مو لائق لأ
وهج: ليش تره حلوه وكيوت لاتحجين عليها
بقينى كاعدين ونسوالف وانهار تسوالف شلون تزوجت زين عن احب وتشرح علاقتهم والحترام البينهم
اذكرت علاقتي بدمار الحترام بمكان وحنى بمكان اثاني اضحكت على تفكيري
كامت انهار وراحت حتى تنوم بنته رحت تمددت على جربايه واغمضت عيوني ونمت من وجع راسي
كعدت وره فتره على صوت نور وتبارك يجهزن نفسهن
باوعت عليهن بستغراب وحجيت
وهج: وين رايحات عيني
باوعت عليه نور
نور: راح نروح للسوك وياه امي تجين ويانه
تبارك: اي حبابه وهج تعالي ويانه ونلبس كلنه نفس الشي
ابتسمت وتربعت على جربايه
وهج: بدوم ماتكولين روح وياجن شعندي باقيه
نور: يلا كومي لعد بدلي بس شنو نلبس
تبارك: لان وهج تلبس اسود على مود اهلها راح نلبس ابنطلونات سود وبلوزات هم سود
نور: وحجابات
تبارك: وهج مو محجبه بس حنى راح نلبس حجابات ابيض
وهج: حلو اعجبني راح روح غير ملابسي
دخلت للحمام غيرت ملابسي وطلعت سشورت اشعري وسوته ظفيره وطلعت كذله وكعدت انتظرهن
باوعتلي تبارك: مراح تخلين مكياج وهج
وهج: لا حبيبتي ماخلي
نور: بدون مكياج وهيج حلوه لو تخلين شلون تطلعين
وهج: وانتن هم حلوات تجنن
تبارك: اويي فديتج اخجل تره
ابتسمت وكمت خلصنا نزلنه سويه دخلنه للصاله جانت الساعه 4 العصر باوعتلنه بيبي
سوده ابوجهي ليش لابسات اسود
تبارك: شبيج بيبي حتى نطلع شخصيه
اي شخصيه من هاذه شاربج
تبارك: صخام الصخم نور البارحه سويته
اضحكت عليها اجت عمتي ام حسين وطلعنا
وهيه كل شويه تعض بشفته النه لان نضحك بصوت
لو تبارك تبقى تباوع على ولد الحلوين وعمتي تسحب بيها وكل شويه تحجي صوجي جبج فضحتني انتن مال طلعه وحنى نبقى انضحك
دخلنه للمحل وشترينه هواي شيء ملابس طلعه وتراكات مكياج شترن البنات صارت الساعه 8بليل
دخلنه الطعم طلبنا اكلنا وكعدنه ناكل ونحجي
كملنه اكل وطلعنه اخابرت عمتي على علي حتى يجي ياخذنه شوي وجى صعدنه وياه وخلص الطريق وحنى مشغلين اغاني ونغني كلش تونست علي سوالفه ماتملين منهن
وصلنا للبيت كبل صعدنه فوك غيرنه ملابسه كملنا
ونور نزلت جوه وتبارك تباوع على جهاز رحت تمددت
على جربايه ونمت من التعب ماعرف شنو سالفتي وياه النوم
ورا فتره كعدت على صوت فركت عيوني
سرعان ماحس على شخص خله ايده على خصري...
يتبع: توقعاتكم للبارت القادم
لاتنسون تابعوني على انستغرام حبايب وبس
احبكم فرولاتي🥺✨♥
- يتبع الفصل التالي اضغط على ( رواية وهج الدمار) اسم الرواية