رواية قسوة احفاد ال هتان الفصل السادس عشر 16 - بقلم هاجر النعيمي
part 16
بقلمي ( هاجر النعيمي )
...............
« إيلا »
الجو متوتر اجه خالي علي ومن عرف رفض الي
سوا جدي وصار يلوم ب جدو لان يجبر هاجر على
إلياس توقعنه انو خالي علي مايسوي شي لان جدو
يبقه ابو بس صدمنه من كال
علي : بنتي ماتزوج إلياس واذا احد يجبرها اني اطلع
من البيت وماتشوفون وجهي لا اني ولا عائلتي
جدو : انت اشون تعوف ابوك بوحدو وتلحك مرتك
وبنتك خلي رضاهم يدخلك الجنه
علي : اي رضاهم يدخلني لان مرتي نص ديني
واذا اربي بنتي تربيه صالحه ادخل الجنه واذا انت
غلطان غطبك ماينقبل
ثامر : صوتك لا يعلى على ابويه جان استحيت
على نفسك من تصيح
علي : المفروض موقفك نفس موقفي لو نسيت
نسيبك يريد يزوج وحده وبعده مازوج بنتك
تامر : بس شويه صوتكم العالم اش تحجي علينه
هلي نتفاهم احسن ماكو حل اذا تتكاونون
علي : بس اريد افتهم اشون يزوج بنتي لواحد مزوج
انتي ماتحجين شي
جان يأشر على عمه اميرة الي ساكته ودموعها تجري
لان خوانها يتكاونون والسبب ابنها العار
اميرة : اش اعمل بس فهمني ابوك ليش يتفاهم
وابني العار اش اعملو
علي : خابري زوجج يجي يربي لان بعدين اني اربي
جدو : اكصها لليد الي تنمد على حفيدي
علي : محد غيرك الي طلع عينو الي عندي كلتو
وبعد انتو بكيفكم بنتي اذبحها ومانطيها لهذا الناقص
انفجرت اسيل بيهم
اسيل : جدو ترضاها يزوج عليه قبل مايزوجني
جدو : الشرع محلل اربعه
اسيل : اييي بسسسس لماااا اكونننن منقصههه عليه
مو لما مامخليته يحتاج شي بيه شي فهموني
صارت تبجي وتلطم نقهرت عليها اجت عمه جنات
تهدي بيها واسيا لازمتها تمنعها تضرب نفسها جدي
كمل كلامه وتجاهل اسيل وحالتها كال
جدو : إلياس اذا يريد هاجر ياخذها وماعندي غير
هذا الكلام
علي : على موتي ماازوج بنتي لشخص ماتريدو
الله ياخذك إلياس خليت الكل يبجي وينقهر اطلع
من البيت لا اشكككككك اطلععععععع
جدو : بيتي هذا وإلياس مايطلع الي ماعاجبه هو
يطلع
علي : تطردني من بيتك علمود حفيدك واني الي
خدمتك بكلشي هذول الاثنين ولا واحد منهم جان
يجي يكمل شغلك اعوف العيادة واجي اساعدك
وانت تذمر وتحجي عليه وعليهم محد سلم منك
خليتنه نفس الحيوانات نسمع كلامك ونسكت لان
ابونه واكبر منه والله وصى بل والدين نسكت ونحنا
نشوفك دلل إلياس مع انو يونس بعمر إلياس بس انت
تفضل إلياس عمر وحتى تيم بشنو ينقصون بس اش
لكول واش احجي ماراح يفيد وبنتي ماتزوج هذا الحيوان
جدو تجاهل كلام خالو علي و وجه السؤال للياس
جدو : جدو حبيبي انت تريد هاجر
إلياس : اي
جدو : هاي هيا الي تريدو يصير
اسيل : خلي يطلكني
إلياس : مااطلك
جدو : ياخذكم ثنينكم وانتهى الموضوع
خالو علي ما سكت اول مره اشوفو بهل عصبيه
حقو بنتو اشون يزوجها الواحد مثل إلياس بقه يحجي
ويتوعد بس جدو ماهتم عمه اميرة وامي وعمه جنات
يحجون ويا ماقتنع وكال
جدو : الموضوع انتهى إلياس يزوج هاجر واسيل
اسيل : لو اني لو هاجر مااقبل ثنينه
جدو : سدي حلقكي بنت الكلب اخر وقت تجي
وحده بطول النعال ترفض كلامي
جدو اخذ إلياس وطلعو بطلعتهم فاتو عمر وناريمان
استغربو حالة جدو فاتو وامي شرحت الموضوع
عمر صار بارود تيم بس احد يحجي ويا ينفجر
يونس مانطق بحرف ويوسف كاعد يم امو وساكت
رسل تدحك عليه والدموع بعيونها
جدي ماسمح لاحد يحجي وطلع خالو علي راح
لبيت اهل عمه مروة وخالو ثامر كاعد على اعصابو
وعمو تامر راح يحاول مع جدو رجعو وكل محاولاتو
باءت بالفشل الوضع متوتر
بعدها رجعو وراحو لبيت جد هاجر يرجعوهم
ويحلون الموضوع
...................
« هاجر »
اجه حارث من بره وجان يلهث كوه يجر النفس
بعدها سمعنا صوت زلم وراحو للاستقبال شويه وفات
همام وكال
همام : بيت جدج اجو كلهم
هاجر : ليش
همام : بعد معرف
راح يصيح امو تسوي ضيافه بس ماستاهلون
رحت يم الباب اريد اسمع سمعت
ابو همام : البنت بنتكم بس المفروض ماتجبروها
على شخص ماتريدو
جدو : انت قلت بنتنه يعني نحنا نعف مصلحته
ابو همام : تعرفون مصلحتها وتريدون تزوجوها
لواحد خاطب وعلمود هو عينو جوعانه
إلياس : عيني ما جوعانه فهمت
همام : احجي ويا ابويه بحترام لا اشكك
علي : إلياس انت اخر واحد يحجي المفروض
تسد حلكك بنعال
ابو همام : علي يعني انت ماتريد هذا الزواج
علي : اي ماريد
ابو همام : هاي هيا لعد نحلت الزواج مايصير
ابوها وهيا رافضين وحتى امها شلون تزوجوها بل
غصب
جدو : اي بل غصب
ابو همام : تعرف انو هيا تكدر ترفع عليك قضيه
جدو : ماتكدر لان اني واصل
ابو همام : مثل ماانت واصل احنا هم واصلين
واني اساعد بنت اختي الي انتو ماراح تساعدوها
وعلي المفروض انت ويا بنتك مو ويا ابن اختك
علي : انا مع بنتي بس محد يقتنع وابويه رافض
اشون انطيني حل
همام : الحل هاجر ماتزوج هذا الحيوان
إلياس : انجب لااشك حلكك
همام بستهزاء : لا رجال الله يسلمك
ابو همام : اصيح للبنيه اذا رفضت محد يجبرها
حجي واذا تبقه على قرارك اوديها البغداد على اخويه
جدو : بنتنه هيا ما بنتكم
انفتح الباب وصار بوجهي همام كال فوتي
فتت وساكته ماحجيت شي رحت بست بابا وكعدت يم خالي وكال
ابو همام : انتي تريدين تزوجين
هاجر : لا
ابو همام : انتي ماتريدين إلياس لو ماتريدين تزوجين
هاجر : ثنينهم
ابو همام : حلو اعتقد سمعت حفيدتك شنو كالت
وانت لو عندك ذرة كرامه ترفض تاخذها
إلياس : هاي هيا ماريدها
انتهى النقاش بعد كلام إلياس ماتوقعت يقتنع بسرعه
رجعنا للبيت ومن شافوني البنات بوس وحضن رسل كالت
رسل : شصار
هاجر : خالي الله يديمو حل السالفه
رسل : الحمدلله
جدي ابد ماجان عاجبه الموضوع طلع وماشفت وجه لثاني يوم إلياس كل مااحد يحجي ويا يكب بوجهو
تيم مرتاح وعمر نفس الشي يونس عادي يعني
ماشفت بي شي انو ماهمته السالفه لان هو إلياس
سوه بكلشي وإلياس اكبر من يونس بكم شهر
عمر اكبر من تيم سنه وهو بطل من زمان بس
ناريمان تدرس وصلني مسج فتحته وابتسمت
لاول مره لدرجه رسل وإيلا يأشرون بيدهم واجو يمي وشافو شكو بل تلفون جانت رسائل غزل من تميم
كلش حبيت كلامه ومن ختمها بقيطان كلبي ابد
ماضجت عكس كل مره معرف شرد اخذت جهازي
إيلا وكتبت
حبيبي فدوه لهل كلام الحلو ربي يديمك
جريت التلفون منها بس دزتها قبل مااخذو رد تميم وكال
تميم : كلامج بنص كلبي اريد بس اسمع كلمة
حبيبي من حلكج العسل بس انتي حارمتني منها
وهيا حقي
رسل غمتني وإيلا تعلم بيه عبالك جاهله وكف فوك
راسنه إلياس وكال
إلياس : هيج مفرحتكم المراسله بله ويا منو
هاجر : وانت شكو شعليك
إلياس : اشون شعليه احترمي
هاجر : انت ماخليت احترام النفسك
إلياس : المهم ويا منو تحجين
هاجر : ويا حبيبي شعليك انت
هو عبالو اشاقه لكن جنت احجي الصدك بس هو
ضحك مستهزء وعافني وراح كلت
هاجر : ترا اني كتله الحقيقه بس هو غبي اني شكو
إيلا : انتي كتيها غبي
بقينه نسولف وقررت اليوم احل موضوع تيم وإيلا
لان ماعاد ينسكت عنو بعدثت خبر لتيم وإيلا يمي
اجه تيم من فات وشاف إيلا فهم الموضوع وكال
تيم : اروح اني
هاجر : فوت
تيم : استغفرالله
هاجر : ماتحسون نفسكم عجايه
تيم : اشبيج
هاجر : من تراسلك وانت تغلس عليها شنو هاي مو
سوالف عجايه
تيم : اشبيج ترا هيا السبب مو اني
هاجر : اشون بله
تيم : ترزلني عبالك ابنها مو حبيبها ماتحترمني وتغلط عليه وكل كله تكلي انجب لو كل خره شنو طفل اني
هاجر : تحجي صدك
تيم : هاي يمج اسئليها
رسل : لا إيلا مايصير شهل تصرف
إيلا : ينرفزني
رسل : بس ماتحجين معا هيج
هاجر : اعتذري
رسل : مو بس اعتذار بوسي من خده يلا
وكفت كباله واعتذرت وباسته وهو هم باسها وعتذر
كلت
هاجر : اوي يربي شكد حلوين تخلوني اشتهي احب
إيلا : مممم مبين
بقينه سوالف وضحك وكل شويه تميم يدز مسج
واني ابقه ابتسم وتيم يسئل واني اكله صديقتي
والبنات يفهمن خلص اليوم بهدوء بعدها مرت ايام
عاديه اذا يجتمعون إلياس مايكون موجود
علاقته هو واسيل شبه خربانه واحتمال يصير طلاق
هو مايريد يطلك وهيا تريد يطلكها وعلى هذا الحال
عمر وناريمان احلى من العسل عصافير الحب
تيم وإيلا كلش زينين وحلوين
جنت اتواصل ويا زهراء وكلتلي شلون رجعت بقت شهرين هيا زعلانه لحد مااجه يوم....
............
« زهراء »
كل يوم اهلي يحجون وياي واني ارفض ارجع كافي
عاد سهل كرامتي واني كتلهم ارجع بس اريد وقت
وهيج سكتو عني اليوم كاعدين وجانت عدنا مريم
بنت خالتي وهيا حبيبة احمد اخو امير
كاعدين متونسين اجه امير يشوف علي وراح علي
يسلم على ابو شويه وفاتت امي وكالت
ام زهراء : وين علي
زهراء : يم امير
ام زهراء : امير من نص ساعه طلع
زهراء : تشاقين لعد علي وين
ام زهراء : يعني وين يكون الولد
زهراء : ابني وين يمه وين راححححح
مريم : خابري امير بلكي اخذه يشوف امه
زهراء : هسه اشوف جهازي ويننننن
مريم انطتني الجهاز اتصلت على امير رفض اتصلت
اربع مرات يرفض بل مره الخامس رد واني على
اعصابي رد برود
امير : ها شنو شتاقيتيلي
زهراء : علي وين
امير : وياي ليش
زهراء : ليش تاخذه
امير : ابني قابل بس ابنج
زهراء : امير جيب ابنييي
امير : تحلمين تشوفي اذا ماترجعيلي
زهراء : هذا استغلال
امير : اني كلت الي عندي ترجعين عود تصلي بيه
اجي اخذج ماترجعين لا ضلين تلغين براسي ودوخيني
مافاضي خوش وابنج ماتشوفي اله ترجعيلي
سده بوجهي قبل مااجاوب متت ابجي واحجي
زهراء : يريد يرجعني يريد يكسر ظهري ببني
راح ياخذ علي مني حتى ارجعله شسوي فهمينييي
مريم : حبيبتي احجي ويا فهمي ماتريدي انتي
زهراء : يكلي اذا ترجعين عود تصلي بيه واذا
ماترجعين لا تتصلين ودوخيني مافاضي وابنج
ماتشوفي
مريم : هو ماعنده حل ويريد يرجعج بهل طريقه
راح احجي ويا احمد
زهراء : تميم هو يقنعه ماكو غيره
اتصلت على تميم جاوب
زهراء : تميم اريدك بشغله
تميم : اذا اكدر عليها ليش لا
زهراء : اصلا محد غيرك الي يكدر اريد تحجي ويا
امير يرجع ابني مااكدر بدونه يريد ارجعله غصب
شني كوه تميم فدوه حاجي بداعت هاجر بداعت
امك
تميم : يعني سواها ماتوقعت يسويها عبالي يأجلها
شهر بعد
زهراء : يعني انت تعرف
تميم : اي من طلعتي من البيت وراها سبوع وكال
اسوي هيج حتى ترجع
زهراء : اني ماريده مو كوه فدوه حاجي
تميم : مااكدر هسه ينفتح بيه انتي رجعليه احسن
لان مال يطلكج هاي طلعيها من اذانج مستحيل
زهراء : تميم فدوه ساعدني ماريد ارجع حباب
بداعت هاجر انت مو تحبها ترضه تنذل
تميم : احاول واشوف
سديته منه يومين هو ماكو مريم حاجت احمد
يحاجي اخو واحمد يكلها قافل ماكو بس تميم
مريم بقت يمي لان جنت تعبانه مالي خلك الشي
اريد ابني يرجع لحضني شويه واتصل تميم
زهراء : بشر
تميم : والله قافل هاي يومين اقنع بي وهو ماكو
زهراء : والحل ماكدر على فراك علي راح اموت
اريده
تميم : ارجعيله اصلا علي جاي مفرفح عليج
خابصهم بجي ويدك ويلطم
زهراء : افكر واشوف
سديته منه واني فاقدة الامل خلاص امير مايرجع
علي يخلي يمه ماعندي حل غير ارجع اتصلت
رد بسرعه كال
امير : مال ارجع علي تحلمين ترجعين كولي اي
ماترجعين كولي لا
زهراء : تعال خذني ارجع
امير : مسافة الطريق واني يمج
كرهت روحي وكرهت اهلي الي دائما ويا امير ولا
يوم جانو وياي طول الوقت امير صح واني غلط
اتحمل ضربه واهانته علمود احجي كلمه واذا ارد علي
يجن يقلب انسان ثاني
غير غيرته الزايده وغير حب التملك الي عنده احس
العائله كلها هيج اول واحد عمو محمد ابو تميم وشيل ايدك الحب عدهم عبالك هواس اني ساعات انقهر
لان هاجر راح تعيش نفسي عيشتي
بس افرح لان تكون وياي ودائماً اشوفها على مريم
مااخاف لان اعرف احمد يختلف عن الكل كملت غراضي
وبديت ابدل ودك تلفوني شفت امير رديت كال
امير : ماراح اطب طلعيلي
زهراء : بس اكمل تبديل
امير : بسرعه
سديته وكملت تبديل بس على كيفي خلصت وطلعت
كال
امير : بعد وكت جان تأخرتي اكثر ليش مستعجله
غلست ماحجيت شي رجعت للبيت بوجهي للغرفه اشوف
ابني دورت عليه ماكو انداريت على امير وكلت
زهراء : علي وين
امير : مو موجود ماشفتي من فتي محد اكو
زهراء : اي صح وينهم
امير : بيت عمي محمد
زهراء : وعلي هم
امير : طبعاً
عفته ورحت ابدل كملت وهو كاعد هادئ على التلفون
ويراسل عرفت تميم لان لازم ينطي الاخبار معرف شنو اسوي كتله
زهراء : شنو اسوي عشه
امير : ماله داعي تميم يجب من بره
سكتت ضايجه محد اكو وكاعده وحدي امير ملتهي
بشغله واني اصفن كلت خلي اراسل هاجر واتونس
وياها راسلتها شويه وردت
💬هاجر : هلا كلبي اشلونج
💬زهراء : الحمدلله وانتي شلونج
💬هاجر : بعدج يم اهلج
💬 زهراء : اليوم رجعت خلي احجيلج لان راح
اطك اذا ابقه ساكته
حجيتلها على كلشي وهيا تسمعني ماحجت شي
اكتفت بل سمع وكالت
💬 هاجر : ماعرف انصح بصراحه بس سمعي
كلامه لان مبين انتي ملتخلصين منو والله صرت
اخاف من تميم
💬 زهراء : اثنينهم نفس الخره
💬 هاجر : يعني اعوفو احسن
💬 زهراء : بكيفج بس احسن من ماتعانين نفسي
بقينه نسولف شويه وراحت هيا اصلا متردده من
ناحية تميم ف كلت اخليها تخلص منه ترتاح مو تصير
نفس حالتي لان هيا ماتستاهل كافي الي صار بيها
اجه تميم جاب اكل وراح كعدنا اكلنا كملت ولميت
السفره وبعدها امير صار يتحارش بيه وبدت سوالفه
السرسريه
..............
« هاجر »
كلام زهراء ما طلع من بالي يومين اني افكر بي
قررت اصارح تميم واكلو ماحبيتك راسلتو وكتلو
موضوع ضروري ومصيري وره شويه رد كتله نصعد اتصال يكون احسن وبل فعل صعدنا تصال كلت
هاجر : بدون مقدمات اريد نترك
تميم : هههه شنو
هاجر : مااعتقد حجيت شي يضحك
تميم : من كل عقلج
هاجر : ماحبيتك حاولت احبك بس فشلت
اني وياك مانرهم انت تختلف من ناحية التفكير
وغيرها
تميم : هسه فكرتي تحجين انو متحبيني وين جنتي
هاجر : من البدايه كتلك وانت تغلس
تميم : راح اسوي نفسي ماسمعت ولا شي
هاجر : لا سمعت واني ماريد هاي العلاقه
تميم : لان هو بكيفج
هاجر : لعد بكيف منو
تميم : كافي مسلته يلا عندي شغل
هاجر : جاي احجي بــ جديه ليش ماخذ الامر عادي
تميم : لا تجننيني
هاجر : مااجننك اريد اترك وبس
تميم : ماكو انتي صرتي الي شي يخصني مستحيل
ترحين بسهوله
هاجر : انب مو شي تافه علمود اصير الك واخصك
اني انسانه
تميم : انسانه او غيرها كلامج مايهمني وراح انسى
السالفه بمزاجي ولا عاد تعيديها
بعدها حجيت كلام حتى اخلص منه وياريت ماحجيته
هاجر : افهم مااكدر احبك كلبي مو يمك كلبي يم
واحد غيرك
تميم بعصبيه : بنت الجلب شنو يم غيرك اشكج
وعلي
هاجر : هيو شبيك شهل تصرفات شهل غلط
تميم : سمعي زين هالكو**** تنسي اني الي
بكلبج واذا اسمع كلام منج عن القندره انهيج
انتي الي مو لغيري كلج ملكي قسماً بالله اذا فتحتي
الموضوع اخطفج واسود عيشتج وارجعج الاهلج
وياج طفل ديربالج
انصدمت ماعرف شحجي شنو وياي طفل كلت بغباء
هاجر : يعني تجيب وياي طفل من ماعرفو يخليني
ارجع لهلي يعني ينقذني منك شهل لعبان نفس
لعد طفل ينقذني منك عجيبببب
تميم : انتي ثوله لو تسوين نفسج ثوله طفل يعني
تحبلين انتي ابنج
هاجر : شلون احبل واني مو مزوجه
تميم : من اخطفج العب وياج وتصيرين حامل
انصدمت شهل لعبان نفس شلون يحجي وياي هيج
هاجر : احترم نفسك اني متربيه مو مثلك احجي
وياي بأدب احسلك
تميم : اذا ماحجيت بأدب دزيلي كوا*** يربيني
هاجر : هسه إلياس شكو تحجي علي
تميم : ضجتيييي علىىىىى حبيبببب كلبججج
هاجر : كافي تصيح شسالفه اني ماريدك مو غصب
تميم : غصب محد كلج وافقي من البدايه
هاجر : انت هددتني
تميم : وهسه هم جاي اهددج ترا اني مو بس اهدد
انفذ هم وانت بنت ابوج وسباعيه ومن ظهر زلمه
عوفيني وشوفي
سديتو بوجهو ياربي وين وديت نفسي وين رحت
ليش دخلت نفسي بهل شي مالي غيرك ربي تساعدني
وتنقذني من الناس المو زينه
بقيت يومين مااحجي ويا بعدها اجه وكال
تميم : ماحظرتيني وماتحجين وياي شنو سالفتج
شفتها وغلست مارديت امي كالت نروح لبيت اهلها
وبل فعل رحنا وشفت البنات ورتاحيت حجيت
الهن كلشي كلشي حرفياً بدون اي نقص جنت كاتمه
بكلبي لحد ماشفتهن
نور : يمكن يحبج ويكلج هيجي حتى تخافين وماتعوفي
هندرين : اي اتفق معاج ما معقوله يسوي هيجي
بعدين نحنا وين عايشين شهل فلم الهندي
ريم : ليش تاخذون الموضوع بمزح يمكن يكون
صادق بتنفيذ وعده ولاتنسين لما صديقتج كلتلو
ماتريدك اش سوا
هاجر : هو يعرف بيتي بس اني ماعلمتو المنطقه حتى
هندرين : نسئل بارق هسه اصيحو
راحت شويه واجت وياها بارق كتولو
هاجر : شوف اذا مثلاً انت تريد تجي عليه بس
ماتعرف بيتي وين اشون تجي
بارق : سهله من الموقع
هاجر : بس مثلا ماحاطه موقعي بل تواصل شلون
بارق : باعي اكو برنامج يحدد موقعج وهذا بفلوس
نزلي ويبحث عن إي عنوان تردي
هاجر : شكراً تعبتك
بارق : ولا يهمج
راح واني اصفن هو جاب موقعي من هذا البرنامج
الي كال علي بارق اكيد تناقشنه بل موضوع ماحبيت
اخذ قرار بسرعه واتندم علي كلت اشوف زهراء تنصحني
كنكت على بيت جدي جانو مغيرين الرمز بس حطيت
الرمز اجت كميه رسائل من كدها تلفوني صار يصفن
فتحتها وكلها من تميم كمية سب وغلط قذر عليه
وعلى إلياس كمية لعبان نفس ساعه يتعزل بيه
وساعه يغلط ويسب حسيت بي عندو انفصام
بالشخصيه كتبت
💬هاجر : خليني افكر شبيك
رد بسرعه عبالك جان منتظرني
💬 تميم : بس اخلص الزبون اتصل عليج ماريد
اي اعتراض
نص ساعه واتصل بيه ترددت افتح استغفرت وفتحت
تميم : اي اسمعج
هاجر : اذا نهيت الي بينه شنو تسوي
تميم : اعتقد كتلج
هاجر : شنو سايبه الدنيا حتى تخطفني ومحد
يعرف شكلك تابع هندي كثير
تميم : ارفضي وشوفي
هاجر : عناد بيك راح ارفض
تميم : اي يلا يا بنت ابوج يا سباعيه ارفضي
كلامه جان تحدني واني احب الي يتحده كلت
هاجر : خوش اني ماريد وراح انهي كلشي
بعد هاي المحادثه مشت يومين وماكو شي تميم
مايراسل ومختفي راسلت زهراء وكالت
زهراء : انتو مو عفتو ليش تميم طبيعي وعبالك
مابي شي يضحك ويحشش نفسه
هاجر : جذاب والله عرفتو
زهراء : هما صح مجانين بس ماتوصل بيهم للخطف
لان عمو محمد من سابع المستحيلات يقبل أو يخلي
ابنه يروح لهيج طريق لان يعرف عواقبها
هاجر : اي صح حسب مكانتو هو يعرف عقوبة الي
يخطف وبعدين اشون يخطفني شنو ماحد راح يعرف
شهل خرط يربي هذا يتابع هندي زايد
سديته منها ومشى اسبوعين هيج نسيت السالفه اصلا
لان ماتتصدك انو يخطفني شنو مسلسل هندي كاعدين
على الغده واتصلت عمه مريم كالت
مريم : اليوم نروح للسوق نجهز ل عمر وراح تجي
معانه ناريمان
مروة : منو يجي بعد
مريم : انا وانتي وهاجر وإيلا وإيليف وعمر وناريمان
مروة : اكول ل علي واردلج خبر
طبعاً بابا جان بل عياده وكال تغدو مااجي كملنا اكل
وامي تصلت بــ بابا وكال روحو بدلنا العصر جنت
متحمسه يريدون يكملون جهاز حتى يزوجون قبل المدراس
اجه عمر اخذنه ورحنا جانت حشكه المكان بس رغمها
متونسين نزلنا على كوزمتك يشترون عطورات ومكياج
ولبس نوم وهيج اشياء ناريمان وجها احمر عمر قرر
يبقه بره لان هو هم خجول كالت إيلا
إيلا : خذو الاحمر حلو
مريم : انتي انجبي ادبسزز
إيلا : اهو شبيكم والله كبرت
عمه رزلتها بنص المحل وبقينه نضحك عليها وهيا
كلبت خلقتها ماعاجبها اشتريت شوية شغلات وياهم
على الواهس لان ماعرف اطلع لمكان وماشتري
إيلا : هيا دوده لازم تشترين
هاجر : اي طبعاً
طلعنا من المحل ودخلنا اكثر من محل كل مااطلع الك
شخص واكف ويدحك عليه ويضحك ونفسه الشخص
وين ماروح موجود ماهتميت للوضع لان دائما
اشوف زاحفين
وخاصه هل فتره لو لابسه كونيه مال حب شمس هم
يدحكون مانطيت اهميه للموضوع بقينه نفتر ونشتري
خلصنا وكال عمر
عمر : خلي نروح مطعم نتعشى
محد اعترض لان الكل جان ميت جوع رحنا للمطعم
وشفت نفس الشخص كاعد ويمه عصير خفت من
الموضوع لان ماينسكت عنه المشكله ولا مره شايفته
منو هذا معرف وليش يلحكنه ومن ادحك عليه
يضحك عبالك يعرفني مو سالفة زحف او شي بسبب
هذا الشي ماعرفت اكل عدل كل مااشيل راسي
اشوفو يدحك عليه ويبتسم تنرفزت حيل كملنا
وطلعنا وعمر يحاسب رحنا للسياره بعتبار قريبه
عمه كالت
مريم : هاجر ودي هاي الفلوس ل عمر لان صرف
كثير اخاف ماعندو
رحت بعدني ماواصله المطعم وشفت اجه الولد عليه
وكال
... هاجر شلونج
بلعت ريكي وخفت كلش وين يعرف اسمي ومنو هذا
رجع كال
.. ليش مبين عليج خايفه
هاجر : مو خايفه منو انت
.. ماتعرفيني بس اني اعرفج
هاجر : اروح احسلي
ردت امشي ولزم ايدي وحط ايدو على حلكي متت
خوف وبعدها ماحسيت على شي المشكله المكان الي
جنت بي جان فارغ وقريب من الساحه مال انتظار ومحد
بي والمطعم جديد مفتح وماكو يمه محلات كثيره
كعدة شفت نفسي بغرفه بس ايدي مشدوده وحلكي
هم اريد اصيح اسوي شي ماكدر حتى رجلي مشدوده
بقيت انتظر فتره احد يجي بعدها فات واحد ملثم
بقيت فاتحه عيوني وخايفه فتح حلكي بس ماحجه
شي كلت
هاجر : اني ليش هينه اريد افهم منو انت وشعليك
بيه
ضحك وعافني وطلع تنرفزت بقيت اصيح اريد احد
يجي او هو يرجع ماكو مرة فتره ورجع وجايب اكل
لعبة نفسي كال
.. اكلي
هاجر : ماريد احجي منو انت وين اني وليش هنا اصلا
.. مستعجله تعرفين
هاجر : يعني هسه اني مخطوفه شهل دراما هاي
... ههههههه دارما ليش دراما ممكن غير شي
هاجر : شلون يعني
.. مو هسه تعرفين
هاجر : اهلي وين وشعجب سكتو بعدين شنو مخطوفه
من كل عقلك ماتعرف بنت منو اني
.. بنت منو يعني الوزير وكافي عاد انت مخطوفه
لاتضلين تعيدين السالفه
هاجر : ليش احس جاي نصور مسلسل
عاط بيه متت خوف
.. كافي انتي مخطوفه شنو مسلسل شنو خره سدي
حلكج ترا طلقه براسج واخلص منج تحملتج هواي
هاجر بمتمته : ت ت تمام بس م منو انت
.. معقوله حتى صوتي ماحافظته
هاجر : يعني اني اعرفك
هز راسه اجه بالي إلياس بس ليش حتى يخطفني كلت
هاجر : انت إلياس مو احجي
.. هم كالت قندره اني مو النعال مالتج
هاجر : منو انت عدو جدي لو شنو
.. اني.....
................
انتهى البارت
منو تتوقعون خطفها وليش كالت عدو
جدي هيج جدها عنده اعداء
- يتبع الفصل التالي اضغط على (رواية قسوة احفاد ال هتان) اسم الرواية