رواية قسوة احفاد ال هتان الفصل السابع عشر 17 - بقلم هاجر النعيمي
part 17
بقلمي ( هاجر النعيمي )
..............
.. اني شخص تعرفي من زمان بس معقوله نسيتيني
بسرعه ليش هيج ولج تنسين ناس عزيزه
هاجر : انت عزيز تمام شيل النظارة وشيل هاي الي
حاطها على وجهك حتى اعرف منو وبعدين ليش
لابس نظارة وبل غرفه شنو ماشايف نظارة
.. بس لو شويه تسكتين راكان تعال
حسيت سامعه هل اسم بس وين فات شخص والمشكله
مو لابس شي على وجها يعني كله مبين جان حلو وهو
نفس الشخص الي جان يلحكني وخطفني حبيت انكت
بل وقت الغلط كلت
هاجر : واييي الي خاطفني حلو هذا مو انت الي جنت
تلحكني بل سوق
.. اكلي خره شني حلو شو اني ماتستحين
هاجر : اوي خليت المستحه الكم هسه منو انت
وليش خاطفنيني هيا وحده من الاثنين لو انت عدو
جدي لو انت من طرف إلياس ياهو انت
... واذا اكلج اني اصلا مو من الموصل
صفنت اذا مو من الموصل وين يعرفني اجه بالي تميم
بس اكيد ميسويها بعدين هذا صوته غير طب واحد
للغرفة واجه يم هذا الي ملثم حجه شي بس
مادري شنو والملثم صار يضحك يمه شبي خبل هو
هذا الناقص
.. بعدج ماعرفتيني
هزيت براسي بعمنى لا هو فهم نزع النظارة وعيونه
بالكاع بحيث ماشفتهن ونزع الثام عن وجه انصدمت
ابد ماتوقعت يسويها ابد ولا اجه بالي فد يوم تميم
ينفذ تهديده صراحه خفت ورجعت تذكرت كلامه
يوم الي هددني واني ماهتميت كلت دنيا وامه
شلون يخطفني
صار يضحك وكال
تميم : ماتوقعتي مو
هاجر : انت م مو مو اختفيت مدري شكد شهر
اكثر شرجعك
تميم : جنت اخطط شلون اخطفج تذكرين تهديدي مو
هاجر : لا نسيته
تميم : اذكرج بي بعدين يولد خلونه شوي وحدنا
راكان : تميم الي بالك مايصير واذا صار اني اول واحد
اعوفك وراح لابوك خوش
تميم : تهددني
راكان : ابد بس اني وانت نعرف انو الي تسوي غلط
تنحل كلشي بس مو بهاي الطريقه
.. كلش اتفق تميم لتسوي شي تندم علي وانت حتى
ل امير ماكتله شنو راح تكون رد فعله وهو يعرف
لبنيه
تميم : حيدر انت وياي علي
حيدر : وياك بس اكول تكول ل امير كلشي
تميم : اطلع انت وخابره واحجيله
حيدر : اطلع خوش هسه يلا راكان
راكان : تميم مثل ماكتلك الي بالك لا خوفها هددها
اي بس الي بالك لا يدمرك ويدمرها
تميم : خوش
بعد هذا الكلام خفت وافكار براسي صارت كلش
تلعب النفس خفت حيل للحظه حسيت الي كدامي
مو تميم الي يحبني واحد ثاني وثنينهم يحجون ويا
حتى لا يسوي الي باله زين السؤال هنا شنو باله
كال
تميم : اي سولفي وين جنتي اليوم
هاجر : شعليك
تميم بعصبيه : احجي بأدب لا اكوم اشكج
هاجر : نجهز
تميم بعصبيه : المن اذا جان الج اموتج هنا فهمتي
هاجر : اييي شبيك مو الي لابن عمتي
تميم بستهزاء : وين اكو هيج كلاوات شني طفل
المفروض هو ويا جماعته يجيبون ملابس اله
هاجر : اقصد لخطيبته ليش غبي انت
تميم : هيي شنيييي غبيييي
هاجر : كافي تصيح شبيك
تميم : شكلج متونسه بغيابي تضحكيني وعادي
هاجر : صراحه اي
تميم : صريحه هم بس ادفعج ثمنهن
هاجر : اختصر شتريد
تميم : بعد وكت خليج يمنه كم يوم نضيفج
هاجر : تميم هسه اهلي يدورون عليه خليني اروح
تميم : من كل عقلج ترحين
هاجر : خليني اروح حباب هسه اهلي بالهم يمي
تميم : معليج بيهم
هاجر : ريحني وكلي شتريد
تميم : مو اذا اكلج تتخبلين هسه
اجت ارد ودخل الي اسمه حيدر والجهاز بيده انطه
ل تميم وتميم رد بس جان مفتوح السبيكر
امير : انت حيوان فهمني شلون تسوي هيج تميم هسه
ترجعها واذا مارجعتها اروح احجي لعمي محمد هسه
ترجع
تميم : اوكف ثواني
طلع بره يحجي ويا واني بقيت وهذا حيدر كبالي كال
حيدر : لا تخافين هو معصب منكي بس ما يأذيكي
هاجر : مصلاوي انت
حيدر : اي وانا ابن عمة تميم مثل ماقتولكي مايصيغ
شي
هاجر : حباب طلعني من هينه حباب
حيدر : مااطيق ( ماكدر ) بس انصكي نصيحه صيري
حبابه وتطلعين
دخل راكان اخذ حيدر وطلعو بقيت وحدي والخوف مستحلني هسه اهلي يدورون عليه لو غلسو فرحو من
اختفيت لو لا بالي يم امي وابويه شنو حالهم
............
« إيلا »
رجع عمر بس الغريب هاجر مو ويا مارتحت للموضوع
امها كالت
مروة : عمر هاجر وين
عمر : هبا ماجانت معاكم
مروة : امك بعثتها علمود تنطيك الفلوس
عمر : ماشفتوها
مروة : عجل بنتي وين
نخبصنه صرنا ندور عليها بعدها عمر كال
عمر : خلي ارجعكم للبيت واندور عليها
مروة : ماتحرك من هينه اذا بنتي ما معايه
عمه مروة تبجي كوه قنعناها ترجع رجعنا والولد يدورون
عليها محد يعرف وين اختفت اجه إلياس ومعصب
كلش
إلياس : انت اخذتهم المفروض تدير بالك عليها
ماتعوفها بوحدها
مريم : بعثتوها تودي فلوس العمر وهيه مارجعت
واصلا ماراحت على عمر
إلياس : وين اختفت اريد افهم وينها تخيلو خالو علي
يعرف
نخبصنه ورجع خالو علي نهار صار يبجي حرفياً لان
بنته ماكو عمه مروة مرتين يغمه عليها البيت عباره
عن بجي عبالك فاتحه اني ورسل مصدومات
رسل تبجي اني مانزلت دمعه مني رافضه اصدك
مر يومين محد يعرف خبر عنها كالت اسيل
اسيل : اكيد هربت مع واحد
اميرة : انجبي اشنو هذا الحجي
تيم : كلي خره هاجر ماتهرب مع احد ماعدها سوالف
نفسكم الي يحجي عليها اش حلكو
هاي اليومين الكل بيت جدي عمه مروة حالتها ابد مو مستقره خالو علي يذبح روحو يدرو عليها جدي كال
جدو : هاجر مخطوفه
الكل نصدم كمل جدي
جدو : اكيد مخطوفه لان مالها اثر وتلفونها وياكم
واني عندي عداوة مع الناس اكيد احد منهم خطفها
اني رافضه اصدك بس ابجي الكل يبجي اسيل واسيا
وجنات عادي لو بيدهن يكومن يركصن لان هاجر ماكو
محد يدري عنها ولا يعرف وينها
...........
« زهراء »
رحت انادي امير خالتي تريده وكفت يم الباب واسمع
يحجي ويا تميم ويم امير احمد ويحجون ردت ادخل
بس وكفني كلام احمد
احمد : انت تحبها خوش بس مو تخطفها لان رفضتك
تميم اصحه على نفسك راح تودينا بداهيا
تميم : لا تخاف مااخلي احد بداهيا الي اريده محد
يدخل خلوني براحتي
امير : حيدر كالي شي بس ان شاءلله يطلع غلط
تميم : شنو
امير : تريد ترحعها لهلها حامل وتندمها لان رفضتك
انصدمت ابد ماتوقعت تميم توصل بي لهنا معقول
جاي يحجون على هاجر رد تميم صدمني اكثر
تميم : اي وهيج ماتكدر تروح لغيري
امير بهمس مايل للعياط : ابن القندره اهلها يذبحوها
تميم : محد يعرف وهيج اضمنها الي
احمد : لا ضل تاكل نعل اذا رفضتك تقنعها مو
تغتصبها
تميم : حبيبتي لو حبيبتك من تصير حبيبتك تدخل
امير : تميم هاجر ماتستاهل حرام عليك لا تضل حيوان
وتهدم كلشي وتصير بعينها الصغير
تميم : اني ليش ماكتلك علمود لا ضل تتفلسف
امير : لا تعصبني ماكدر اعيط صير حيوان ورجعها
تميم : چؤ ماترجع
امير : راح اجيك ديربالك تسوي شي اني وياك نتفاهم
تميم : ليش تعرف وين اني
امير : اي صدك وين انت
تميم : مراح اكول واذا عبالك تزحلك راكان او حيدر
ف مستحيل
احمد : اني اجيك والله ماسوي شي بس اتاكد لبنيه
ماتتاذه زين اسمع عندي الك حل
تميم : خلي الك ماحتاجه
امير : ابن القندره اسمع منه
احمد : روح احجي وياها وكللها اطلعج منا وماأذيج
بس بشرط تبقين وياي ومن تعوفيني ارجع اخطفج
بس هل مره أذيج
تميم : شعل دراما ماحبتها
امير : لعد تضمنها بعد ماتغتصبها تعوفك بحالها ابني
هاي هاجر مو وحده سهله
تميم : هيا هاجر واني تميم ونشوف
امير : تمام افترض انت سويت كلشي بعقلك وطلعتها
من يمك بلكي حجت لهلها اغتصبني هنا راح تصير
حرب عشائر
تميم : مايكدرون نسيت ابوي منو
امير : وانت نسيت جدها منوو
تميم : هسه شتريد
امير : خليها يمك سبوع بس لا تأذيها خلي بعينك
انت تحبها ماكو واحد يحب وحده يأذيها
تميم : اذكرك انت شسويت لو تذكر منو حرمها من
ابنها حتى ترجع مو كتلك لا تسوي هيج وضربت حجيي
بعرض الحايط واني هم هسه اضرب حجيك بعرض الحايط
امير : ابن القندره ليش تسده هسه شسوي
احمد : طلع موقعه من جهازه
امير : قفله ابن النعال يعرف اريد اسوي هيج
احمد : من حيدر او راكان بسرعه قبل لا يغلقون
الاجهزه
بقو شويه ساكتين بعدها امير كال
امير : عرفت مكانهم غير ملابسك هسه نروح
بقيت مصدومه واكفه هنا وميته خوف عليها انفتح الباب
وطلع احمد بوجهي
احمد : من ايمتا انتي هنا
نزلت دموعي وكلت
زهراء : من جنتو تحجون ويا تميم لان خاطف هاجر
اجه امير وحط ايده على حلكي واحمد راح يبدل
وخر ايده وكلت
زهراء : هو مو يحبها ليش يدمرها
امير : مااسمحله هاجر اختي مستحيل اخلي يأذيها
زهراء : امير اخذني وياك ابوس ايدك اموت تفكير
والله
امير : ماكدر الولد كلها هناك
زهراء : ابوس ايدك على الاقل ابقه وياها
امير : حبيبتي والله ماكدر خليج هنا واني احاجيج
ضليت اقنع بي لحد ماقبل راحت بسرعه البس اي شي
علمود اروح اريد انقذها منه
توجهنا للموصل وللمكان الي بي تميم الي فهمته انو المكان باطراف الموصل يعني بيت اهل حيدر عدهم مزرعه هناك وحيدر كايل لاهله اروح اني وجماعتي كم
يوم نتونس حتى ينفذون الي بالهم من دون ماحد يخرب
عليهم
حيل خفت على هاجر هذا مخبل طكه ونص بعد
اضرب من امير شلون راح تتحمله زين هو ليش هيج
يسوي مو يحبها الي يحب يأذي الي يحبها بقت افكار
تاخذني وافكار تجيبني
..........
« هاجر »
بقيت وحدي وخايفه شنو بباله وليش مخليني هنا
افكار تاخذني وافكار تجيبني بدون مااحس نمت
حسيت على صوت و واحد يلعب بشعري ضليت
مغمضه سمعت تميم يكول
تميم : هسه لو تحبيني وتعوفين عنادج جان عشنه
احسن عيشه ماجان جبرتيني على شي مااريده شلون
راح اسويها مادري كلبي ماينطيني بس لازم تصير
حتى اضمن تصيرين الي
كلامه خوفني وهو مستمر يحجي واني اسمع واسوي نفسي نايمه خفت يعرف كاعده ويسويلي شي بقيت
مسويه نفسي نايمه لمدة طويله وهو فوك راسي يحجي
شويه وشويه يسكت ويبقه يتلمس وجهي بعدها كلت
اكعد خاف يعرف كاعده وجاي اضحك علي فتحت عيوني
بنزعاج كلت بعياط وعصبيه كاتمتها
هاجر : منووووو سمحلككك تلمسسنييييي
تميم : اششش حبيبي نامي خليج نايمه حلوة وانتي
نايمه
هاجر : بعد عني قذر
تميم : انيييي قذرررر تعالييي اشوفججججج القذررر
شيسوي
خفت صار يفتح بل حبل الي شاد ايديه ورجليه بي
فتح الحبال واني وكفت وردت اطلع من الغرفه
سحبني من زندي وصرت قريبه علي كال بخباثه
تميم : اشوفج القذر شيسوي
بقيت ابجي واتوسل بي
هاجر : حباب عوفني والله اذا تعوفني احبك ونرجع
احسن من قبل والله بس عوفني
تميم : اعوفج مو اني اعلمج
قرب يريد يبوسني منعته وكلي ارجف ميته خوف
والف فكره براسي كمت اصرخ حتى احد يجي ينقذني
منو
تميم : مايفيدج العياط انتي يمي محد يمنعني
هاجر : ابوس ايدك عوفني فدوه والله نرجع احسن
من قبل بس عوفني انت مو تحبني بداعت امك
تميم : اذا اعوفج مراح ارجع اخذج بعد هاي الفرصه
الي عندي
هاجر : حباب ليش تريدني اكرهك من كل عقلك
اذا تسويلي شي ارضه بيك فدوه عوفني بداعت امك
حباب فدوه
عافني وصار يضرب براسو خفت وصار يحجي كلامات
مو مفهومه فهمت منهن
تميم : انعل الشيطان ياغبي تخرب كلشي بهاي الاشياء
اطلع من راسييييييي
يعيط ويضرب راسه خفت ورحت كعدت بل زاويه
بعدين انتبهت الباب مفتوح كمت وركضت للباب
وقبل لا اطلع انجريت وضربت بصدره حاولت ابعد
عنو بس ماكو لازم ايدي والثاني لازمها من زندي
بحيث حتى اصبيع ايدو نطبعت بزندي
بقيت اتوسل يعوفني مافاد صار يبوس بركبتي ابجي
وادفع بي واتوسل بس ماسمع بعدها انفتح الباب وشفت راكان جاي ركض سحب تميم مني وضرب تميم
راشدي تميم مثل الي صحصح وشافني وانصدم وعاف المكان وطلع
اجاني راكان وكال
راكان : اعذري فدوه مو بوعيه
هاجر ببجي : مو ذنبي حباب خلي يعوفني طلعوني
من هنا ابوس ايدك طلعني
راكان : اهدئي فدوه كلشي ينحل انه يمج ماخلي يجيج
ابجي بقوه بعدها كال
راكان : ابقي اروح اجيبلج عشه
هاجر : فدوه حبابلا تعوفني والله يرجع
راكان : حيدر يمه لا تخافين
طلع بعد مرور فتره طويله رجع وبيده اكل وجان
مشاوي ومعاها مقبلات وببسي انطاني وكعد يمي وكال
راكان : هاي اليوم لازك بيج بلكي باجر الصبح يوصل
امير لا تخافين
اخذت لكمة من الفه
هاجر : صدك امير يجي
راكان : اي هو واحمد
اطمنت لان اعرف امير يكدر يحميني من تميم ومو
بعيده يطلعني منا اكلت وكملت كال
راكان : نامي بعد اخوج واني يم الباب لا تخافين
حتى راح انام يم الباب
هزيت راسي وطلع واني تمددت ونهاريت بجي ليش
اني اتعذب فوك كلشي صار وياي ابقه اتعذب ياربي
لا اعتراض على حكمك بس تعبت ماعندي طاقه اتحمل
ل متى ابقه اتحمل اذيت الناس الي ل متى ابقه اعاني
مالحكت افرح
لان تخطيت إلياس يجيني تميم ليش ياربي تعاقبني
لان مو ملتزمه صح اصلي يوم وعشره لا القرآن مو دائما اقرأ بس برمضان ورمضان كله بس اقره سورة البقر
وكم سورة وراها
ياربي تعاقبني لان مو ملتزمه بعبادتي بنص تفكيري نمت
واني انتظر امير يجي هو الامل الوحيد كعدت ومادري
اذا صار صبح او لا لان الغرفه مابيها شباك قررت اطلع
اتوضى واجي اصلي بلكي تنطفي النار الي بصدري
فتحت الباب وراكان نايم قريب على الباب انصدمت
هذا صدك سواها ونام يم الباب جان بي كعده مال
عرب هاي الي بل كاع مجان اكو احد بعدها جان اكو
ضوء جاي من وحده من الغرف صرت امشي على
كيف لحد ماوصلت الها جان مطبخ وتميم وحيدر يسولفون
قررت اروح بس وكفني كلامهم تميم يكول
تميم : عقلي يكلي سويها وكلبي يمنعني
حيدر : ياحبيبي انت تحبها ليش تأذيها
تميم : اريدها الي
حيدر : اعف والله بس هيا ماتغيدك
تميم : الف مره كتلك من تكون وياي احجي بغدادي
ماافهم عليك
حيدر : خوش الي اكولها عوفها بحالها خطيه الي
سويته بيها تريد تعتدي عليها حرام عليك تضيع
مستقبلها حبيبي قيسها بعقلك اخذها برضاتها مو غصب
الغصب مو حلو وهيا تحبك بس غير انت تكون وياها
زين
تميم : انصحني تهت والله الشيطان يلعب بعقلي
شنو اسوي معاد اتحمل اكو صوت بداخلي يكلي
اذيها سويها وكلبي يكلي لا ديربالك بعدين تكرهك
حيدر : مثل ماانت كلت اكيد تكرهك انت اخوي
ماكدر اشوف اخوي يتأذه ياعيوني ديربالك عليها
هيا بل مسايره تجي اهتم بيها البنات يحبن الاهتمام
والحب مو الهمجيه والعنف
تميم : اني همجي اصلا اكره الهمجي والي يعنف
حيدر : بس انت جاي تسويها
تميم : جاي اكلك مو اني والله ماجنت بوعيي
حيدر : شلون يعني قابل بيك جني شبيك
تميم : مابيه شي غلس اروح انام باجر يوصل امير
ومالي خلك لرزالته
حيدر : روح الله يريح كلبك
كام وفوراً طلعت فكرت بكلامهم بس بعدين كلت
انسى رحت للحمام اتوضيت ورجعت اصلي صرت
اصلي بدون وعي اصلي وادعي الله يطلعني منا
بقيت هيج لفتره ماعرف شكد مجان عندي شال خليت
على راسي بطانيه المهم اصلي ومايكون مبين شي
بعدها تعبت ورحت نمت فزت على صوت عركه رحت
يم الباب جان صوت امير واحد اول مره اسمع صوته
عرفت هذا احمد اخو امير وجانت كلها رزايل
اريد افتح الباب ماكو مقفول صواتهم صارت قريبه
انفتح الباب وطب امير والكل وجان اكو صوت بنيه
توخر بيهم شفت زهراء كدامي ماصدكت اريد اروح
الها ماكدر رجليه ماتساعدني اجت يمي تحضني
وتهديني واني ابجي ومن تهدي بيه ازيد بجي
هدئت شويه وامير يحجي وياي كال
امير :هاجر جاوبي بصراحه تميم اذأج سوالج شي
هزيت براسي ورجعت ابجي ونزلت راسي امير تخبل
صار يفشر ويغلط بس تميم ماله اثر رفع راسي بيدو
كال
امير : احجي شسوه راح اموت
راكان : حاول يغتصبها
امير : شدتحجي مو كتلكم ابقو يمه هذا حيوان وينه
هو وين ولى
راكان : من انطاك المفاتيح طلع
امير : كومي اخذج لهلج
فرحت كلش كمت ويا وطب تميم كال
تميم : شنو مسمعت
امير : تاكل نعل مو كتلك لا تسوي شي جايك ليش
تريد تودينه بداهيه
تميم : بس ماسويت شي هيا بوسه
امير : ابن القندره بوسه شنو شوف ركبتها زركه
تميم : امير لا تدخل شي ميخصك وماكو متروح من
يمي تبقه هنا
امير : شراح تسوي
تميم : معليك هل كم يوم عود تعرف
امير : تحجي لو اكوملك
تميم : راح ارجعها بس قبلها نسوي اتفاق
الكل على ملامحهم تسائل كال
تميم : حبيبي هجورة الي اريده ترجعين تحجين وياي
هاي اول شي ثاني شي من تطلعين تكولين ماشفت
وجه الي خطفوني وماتحجين شي عني ولا عن واحد
من الولد واذا حجيتي ابقه وراج لحد ما موتج على ايدي
واني راح اطلب فلوس من اهلج حتى عبالهم انو انتي
انخطفتي علمود فلوس
امير : ابن القندره انت بحاجه للفلوس
تميم : مو بحاجتهم بس لازم اسوي هيح حتى يعرفون
انو نخطفت لغرض فلوس واهم من هذا تكولين محد
قرب الي بس جانو ينطوني اكل ويروحون
وماشفت وجه احد ونرجع نحجي اني وياج وترجعين
حبيبتي شكلتي
جاوبت بدون تفكير
هاجر : اي موافقه كل الي تكوله يصير
تميم : خوش تبقين هنا كم يوم وتروحين ومحد
يدري هاجر اتمنى احد يدري حتى اخذج لمكان محد
يدري بي غيري اموتج فهمتي
هزيت براسي اكثر من مره علمود يعرف موافقه اقبل
بس المهم ارجع المهم مايبقه يمي وبعدين اكدر اتخلص
منه بشي حجه
طلعو الولد وبقينه اني وزهراء نحجي كالت
زهراء : ماجنت اتمنى اول لقاء النه بهيج ضروف
هاجر : حتى اني
زهراء : حبيبتي احجيلي شسوالج
عيوني دمعت ونزلت دمعتي
هاجر : حاول حاول
زهراء : خلص انسى مو مهم بس ليش هيج ركبتج
زركه
هاجر : باسني اريد اوخرها شلون
زهراء : يبقه اثرها كم يوم
هاجر : جسمي حساس هسه تبقه سنه متروح
زهراء : عادي حبيبي كومي اكلي
كمت وياها ورحنا للمطبخ الولد بل صاله واني وياها
ناكل بل مطبخ صوتهم عالي ومبين كلها ترزل تميم
لكن هو ماسكت من يحجون كلمه يرد بعشره
عبالك مو غلطان هما غلطانين شكد كرهتو وحقدت
علي كلت
هاجر : ليش يسوي روحه بريء وهو غلطان
زهراء : تميم مو اول مره يسويها دائما هو الصح
والكل غلط حتى لو هو غلط بس عو يشوف نفسه
صح
هاجر : بس مايصير هيج هذا الشي غلط
زهراء : وشلون يفهم بعد
هاجر : هاي يوم واحد بقيت يمه وهيج اريد اموت
لو اتزوجه شلون
زهراء : يتغير طبعاً لان تصيرين اله هسه انتي مو اله
هو هيج مفكر هما كلهم يحبون التملك شي وراثي
هاجر : مااتحمل حياتي ويا شلون فهميني هو لازكلي
زهراء : يتغير يصير احسن من تصيرين اله
هاجر : امير هم هيجي
زهراء : يعني ولد عم شتتوقعين
هاجر : وصلني الجواب بس مو مبين على امير
زهراء : اي بس وياي عيني
هاجر : لعد شكد متعذبه بحياتج
زهراء : خليها لالله
طب النه امير معصب وتربع بل كاع لان ماكو كراسي
وكال
امير : شلونج كلبي زينه ان شاءالله
هاجر : تتوقع اكون زينه واني يم واحد مخبل
امير : ترا مو مخبل بس هو هيج
هاجر : لا مخبل ونص
طب تميم وكال
تميم : منو مخبل
هاجر : انت
تميم عصب حيل واجه يريد يضربني وامير كام اله
مدري شحجه بذنه وتميم مات ضحك حرفيا صار
يضحك عبالك مخبل لا هاي العائله بيها شي كال امير
امير : حرواء خابرت وكتلها على سالفتك وكالت شلون يسوي هيج وتريد ترزلك عود تحمل
تميم : وين غير اضحك عليها واخليها وياي
امير : اذا مااكللها اطلع كو****
تميم : متصدك
اجه صوت راكان وجان بل باب مال مطبخ وبيده تلفون
وكال
راكان : عود انتي سمعتي ماله داعي نكلج وتكولين
جذب شفتي الي تفضلي علي شكد جذاب
اجه صوت بنيه شابه من التلفون كالت
... تميم طعنتني بظهري اخخخ يمه تعالي شوفي
ابن اخوج شكد جلب وجذاب
تميم : اكلي خره اني جلب حوراء سدي حلكج ترا
اشكه اني مو راكان يسكتلج
حوراء : مو مال شقه تعال صدك خاطف حبيبتك
تميم : لا جذب شهل جذب هذا ويني وين الخطف
حوراء : بصراحه اتوقعها منك
زهراء : خاطفها وهاي نحنا يمها
حوراء : عزه بعينك ولك رجعها
تميم : شلون تريد اسبها بابا لتدخلين خليج وحدج
حوراء : خلي احجي وياها امانه ضل بالي عليها
تميم : قابل كاتلها حتى يضل بالج عليها
حوراء : تسويها تميم فدوه خلي احجي وياها
راكان قدم الجهاز الي وكلت
هاجر : سلام
حوراء : وعليكم السلام شلونج
هاجر : الحمدلله وانتي
حوارء : الحمدلله حبيبتي خوما تميم مأذيج
هاجر : انت ادره بي
حوراء : مو لان ادري بي اسئلج
هاجر : اذاني
حوارء : خلي يولي فد قندره تميم بس اشوفك
اله اشك حلكك ياادبسزز شمسوي بل بنيه كوه تحجي
الله لا يوفقك
تميم جر التلفون مني وسده بوجها وطلع معصب
مدري شبي اجته الحالة كعدو الولد يكالون ورجعت
اكل وياهم طبخ زهراء طيب بشكل
واني مثل الثوله معرف اطبخ شي وهيا اكلها يشهي
يفتح النفس اجه بالي طبخ امي اخخخ ياريت بس ارجع
حتى لو اكل نعل اهم شي ارجع لحضنها لدفوها
اريدها بشكل هسه شنو حال بابا شنو حال حسن
وحسين
البنات شلونهن إيلا ورسل وهندرين ونور ويم وناريمان
شلون صارو هسه احس من اذكرهم اختنك كمت بهدوء
اريد اروح لمكان ابجي بي واتذكر براحتي بدون شفقتهم
عليه ماحب احد ينضرلي بشفقه كال امير
امير : وين رايحه
هاجر : افوت جوه مالي خلك
امير : بيج شي احجي
هاجر : اشتاقيت لهلي
وانفجرت بجي كام امير وكعد يمي ويمسح على شعري
ويهدي بيه زهراء واكفه كبالي يهدي بيه حيدر صار
عاجز مايعرف شيسوي راكان بره ويا تميم شويه
وفات تميم واجه مثل المخبل دفع ايد امير وكومني
واخذني للغرفه الجنت بيها وكال
تميم : شنو بيج حبيبي احجي
هاجر : اريد اهلي رجعني فدوه
تميم : ارجعج والله بي اريد وقت
هاجر : ليش الوقت فدوه رجعني ماريد ابقه هنا
تميم : والله بس هل يومين وارجعج كومي وياي غسلي
كمت غسلت ورجعت للغرفة طلبت منه يعوفني وحدي
وعافني شويه واسمع صوت عياط بره طلعت واشوف
امير وتميم يتعاركون بل حجي كال امير
امير : انت غبي اكو بعقلك شي
تميم : ماحب احد يلمس مرتي
امير : مو مرتك هيا اختي وهيا مجرد حبيبته ومو
برضاها فه اسكت احسن كوه طايقك على فعايلك
تميم : محد كلك تعال اني ماطلبت منك تجي روح اذا
تريد وبعدين مو اختك هيا هاي حبيبتي وعن قريب
زوجتي لا تدخل انت وما اسمحلك مره ثانيه تلمسها
هيا الي وبسسسسس
امير : انتي غبي لو تتغابه اني عرفتك عليها بفضل
مرتي صارت حبيبتك بفضل زهراء انت كدرت تتعرف
عليها وتصير حبيبها لو نسيت زهراء شكد حاولت تقنعها
كاعده وتجذب على البنيه هو حباب وخوش ولد
وانت ولا وحده بيك اشو لا حباب ولا خوش
تميم : اني كو** انت شعليك على شنو حارك دمك
راكان : ترا مو حلوه هاي انتو الي كلش سوه هيج
وتميم حركتك ماحلوه ابد اني لو بمكان امير هم اسويها
مابيها شي هو يعتبرها اخته وهيا تعتبره اخوها
تميم : انت انجب لتحجي شي مو مجربه
راكان : تغار يحقلك بس مو من امير هو مزوج
غار مني من حيدر
امير : الظاهر نسيت منو اني مو نسيت شنو سويتلك
تبقى ناكر معروف وجميل تبقى حيوان على هيئة بشر
طول عمرك تضل جوه متصعد لفوك
تميم : دمشي لك هو انت ياهو وتحجي هيج روح
شوف نفسك
بقو واحد ينطي والثاني ياخذ وهيج بحيث فضحو
المستور نصدمت من مشكله سخيفه طشرو بعض
وفضحو كلشي هذول نفسهم الي جنت العب وياهم
اكيد مو هما مبدليهم
امير......
.........
انتهى البارت
شتكولون تصرف امير صح وليش هيج تميم ضايج
- يتبع الفصل التالي اضغط على (رواية قسوة احفاد ال هتان) اسم الرواية