رواية قسوة احفاد ال هتان الفصل الثامن عشر 18 - بقلم هاجر النعيمي
part 18
بقلمي ( هاجر النعيمي )
تميم يكول
" عينَاكِ رواية ، أيا ليتني كُل القارئين "
.................
امير : كافي لعبة روحي منك اني هنا لان ماضلت
الي ثقه بيك
تميم : ليش بله شسويت
امير : المفروض انت ماتسئل على فعلتك وتكون
رافضها وكاره روحك بسبب غلطك
تميم : كتلك مو بوعيي ماحسيت على روحي لحد
ما اجو الولد
امير : عذر اقبح من ذنب
حيدر : كافي عاد اشو ماعاد تستحون هيج فضحتو
نفسكم هسه بربكم انتو هم ولد عم روحو طمو بنفسكم
بل طين ماخليتو ستر على بعض فضحتو المستور
تميم عاف المكان وطلع صار بوجهي باوعلي من فوك
لجوه وكال
تميم بعياط : لغرفتجججججج
خفت روحت ركض للغرفه من الخوف اصبع رجلي
الصغير انضرب بطرف الباب بقيت اتلوى مم الوجع
كلش يوجع شويه ودخل امير كال
امير : شلونج ان شاءلله احسن
هاجر : زينه بوجودك
امير : كلش زين ابقي قويه هسه كم يوم وترحين
عادي بس الي اريده منج ماتكولين انو تميم الي خطفج
تكولين معرف لان تصيرله سالفه
هاجر : هيج خايف علي وهو قبل شويه يصيح عليك
امير : ادري بي معصب واني هم ماسكتت بس حتى
لو تعاركنه يبقى عزيز على كلبي
هاجر : عجل علاوي وين خليتو
امير : يم امي واجيناج بسرعه
هاجر : عطلتكم اعرف
امير : لا تكولين هيج الله مارزقني خوات بس عوضني
بيج انتي اختي الي ماجابتها امي
رد تميم
تميم : ها ابن الجلب زعلان مني
امير :
تميم : اهو عود يغلس عليه حبيبي هاي تصرفاتي
امير : اي حبيبتي بعد وين رحتي وين اجيتي
هاجر : وين اروح واني هنا
امير : شلون جابج الي مايتسمه هنا
هاجر : ههههههه جنت ويا اهلي ورحت لوحدي شويه
وخطفني
امير : شني هل فلم الهندي معقول محد اكو
هاجر : المطعم الي رحناله جان جديد بمنطقه
جديده هسه جاي يبنون بيها وجان ليل فه محد
عرف ومحد جان اكو
تميم : اكو حيوان جاي يحجي وياك
امير : صدك بس الحيوان شلون يفهم كلام البشر
تميم : ليش انت حاسب روحك على البشر
امير غلس واجه تميم كعد بصف امير وضرب كتفه
وكال
تميم : اخوي العزيز اريد منك شغله
امير : غرد
صارو يحجون والي فهمته انو شلون راح يخابرون
اهلي تميم طلع تلفونه وكال
تميم : حافظه رقم احد من اهلج
هاجر : اي رقم بابا
تميم : كلش حلو جيبي
رديته اله واتصل على بابا رد بابا
تميم : السلام عليكم
علي : عليكم السلام تفضل
تميم : اني خاطف بنتكم....
اجه يكمل رد بابا
علي : وينها انت وينك ليش خطفتها اشتريد منها
تميم : بس خليني احجي اسمعني زين بنتك ماعرفها
بس اعرفكم انتو واعرف عدكم فلوس واريد فلوس
حتى اعوف بنتكم بحالها ولا تخاف محد أذاها بس
الكم يومين لو الفلوس يمي لو بنتكم تروح
علي : اشكد تريد اني حاضر احجي
تميم : .....
علي : هاي هيا اليوم يجوك
تميم : خليها الباجر لان هسه تعبانين نريد نام
علي : يول ابن الجلب كتولك اليوم ماريد بنتي تضل يمكم
تميم : لا خليها يمنه نتونس عود باجر ندزها ههههه
علي : ابن الك****
سده بوجه بابا عصبت وكلت
هاجر : اشون تحجي مع بابا بهل طريقه
تميم : حتى يعرف خاطف مو جاي اتونس
هاجر : اطلع بره
تميم : شنو
هاجر : اطلعععع برههههه
امير : اطلع ياعيني
طلع تميم وعافنه كال امير
امير : ضايجه على ابوج
هاجر : كلش ماشفت الغصه بحجيه
امير : شفتها يعمري تضل حجي باجر ترجعين بس
مثل ماكتلج وتميم لا تعوفي لان يمكن يكررها ومو
بس هيج ويسوي شغلات ماتجي بالج تجفي شره
هاجر : ادري
بقه يحجي وياي وطلع بعدها بقيت افكر اذا بابا
ماكدر يجيب المبلغ شلون اضل يم تميم بس اكيد
جدو يساعده مايعوفه واعرف عندو فلوس بكد رحمة
الله بس المبلغ مو قليل حيل مو قليل
راح يكسر ضهرهم بي بس هما مو محتاجين ليش
ياخذ هيج مبلغ طردت الافكار من راسي ورحت انام
نمت ماحسيت غير زهراء تكعدني
...............
« إيلا »
كاعدين كلنه والخوف مبين بوجوه الكل بل بدايه جنات
واسيا واسيل ماخافن بس هسه خافن عليها مادري
شلون حن كلبهم عليها اكو كثير اسئلة براس الكل
شويه ودك تلفون خالو علي فز وكال
علي : رقم غريب
جدو : رد بسرعه
فتح الخط وفتح سبيكر علمود الكل يسمع الولد
طلب مبلغ عالي بشكل بس محد هتم لان يكدرون
يدفعوبكل سهوله دارت محادثه بينهم طويله وتخوف
ومليئه بقرف من حجي الولد
وبعدها سده بوجه خالو علي وخالو يشيل روحه
ويركعها بل كاع حقو هاي بنتو ويحجون بطريقه
تلعب النفس حسيت سامعه صوت الخاطف بس
وين مادري كال جدو
جدو : المبلغ غدا يصيغ بيدك
علي : اي عفيه لان والله ماعندي هشكل مبلغ
تامر : عيب تحكي هشكل انا ادفع هم هاي بنتي
علي : ماتقصر ياخويه
ثامر : حتى انا ادفع
جدو : ما يحتاج انا عندي واطيق ( اكدر) ادفع
هشكل مبلغ ماعليكم إلياس ويونس تعالو معايه
ثامر : خليها الصبح وين تغوحون بهل ليل
جدو : ميخالف هاجر تستاهل
طلع جدي والولد وبقينه نحنا عمه مروة وضعها ابد
مو مستقر يرتفع الضغط عدها وهيا مريضه قلب
حيل خايفين عليها ماصدكنه تتحسن حالتها وهسه
رجعت انتكست كال تيم
تيم : راح نضل ننتضر والله راح اموت
عمر : مجبورين بس لو اعرف منو خطفها انعل والدي
تيم : اخ لو اعرف هسه هيا من تجي تكللنه اكيد
تعرف
رسل اجت كعدت يمي وتحجي بهمس
رسل : صوت الخاطف سامعتو
إيلا : عبالي بس اني سامعتو
رسل : منو تتوقعين
إيلا : ماعرف
رسل : معقولة إلياس
إيلا : اكيد لا ماتشوفي راح يتخبل
رسل : هم صح عجل منو
إيلا : معرف بس الصوت ابد مو غريب عليه
رسل : حتى اني
اميرة : اشبيكم عتحجون بصوت ناصي
رسل : ماكو شي بس عنحجي بموضوع هاجر
اميرة : احس راح اتخبل
................
« هاجر »
هاجر : تعبت اريد ارجع لهلي
زهراء : اوف والله امير كلي شسوه ابوج حسيت
من كلام امير يريد يموت بس حتى يعرف خبر عنج
هاجر : اي وتميم يستفزو ويحجي بقرف نزل من
عيني
زهراء : مخابيل عدنا والله ماتوقعت يسوي هيج ابد
هاجر : ولا اني عبالي بس يهدد
دخلو الولد يتغدون ويانه كملو وطلعو للصاله زهراء
ودت جاي الهم وجان تميم يكول
تميم : اشش لحد يحجي راح اخابر عمي
امير : واذا حجينه عادي قابل عمو ادريس يضوج
تميم : مو عمو ادريس عمي علي ابو هاجر
سكتنه وهو خابره رد بابا
علي : منو وياي
تميم : ماعرفتني
علي : هاي انت وين وليت ليش ادك عليك ماكو
تميم : اني مو غبي كل مااحجي وياك اكسر
السيمكارت واجيب غيره
علي : مايهمني اريد احجي مع بنتي
تميم : اي تحجي ليش لا ثواني
اجه يمي وهمس بذني
تميم : تحجين وتسوين نفسج خايفه ماتكشفين منو نحنا ديري بالج ترا انتي يمي
هزيت راسي وانطاني التلفون حجيت كوه وصوتي مخنوك
هاجر : بابا
علي : ياروح ابوج ياعمر ابوج
هاجر : طلعني من هينه حباب
علي : اطلعج والله اليوم ماتضلين بس على كيفج
لا تبجين عبالك دموعج نار على كلبي
هاجر : خلصني منهم حباب
علي : انعل ابو الي مايخلصج بس اهدئي احد اذاج
هاجر : لهسه لا
علي : حبيبتي ديري بالج على نفسج اليوم ننطيهم
الفلوس
هاجر : اي حباب لا تتأخر ماتحمل اضل يمهم
تميم اخذ التلفون مني وكال
تميم : خلي نتفق شلون راح تجيبون الفلوس
واستلمها
اتفقو على مكان وتميم حذر بابا انو يجيب احد وكال
تميم : اجيك استلم الفلوس بنتك تبقه يمنا واذا
خبرتو الشرطه عليه وانلزمت بنتك تموت بنتك تروح
لربها فهمت
علي : مو اثول حتى اجيب الشرطه واعرف بنتي
ماراح تسلموني هيا قبل ماتاخذون الفلوس بس
اشنو الي يضمنلي بنتي محد يأذيها بعد ماتاخذون الفلوس
تميم : كلمة زلمه لا تخاف مااخلي احد يجي يمها
هيا بامانتي بس اذا لعبتو بذيلكم بنتك بحححح
خوش
اتفقو وسد الخط اندار الي وكال
تميم : تعرفين تمثلين
هاجر : منو كلك جنت امثل
دحك عليه بعصبيه بس سكت وكال
تميم : انطيت كلمه لابوج محد يمسج بشي
بعدها راحو وجهزو نفسهم وطلعو يجيبون الفلوس
والي بقه ويانه حيدر جان طول الوكت يطمنه انو
ماراح يصير شي لان زهراء بالها يم امير وحقها صراحه
طولو لحد الليل ساعه 11:49 فاتو جان مبين على
وجهم التعب كال راكان
راكان : خلوني احجيلجن شصار
امير : اني احجي
راكان : بداعت بيبي اني احجي
امير : حلفتني بل عزيزه احجي
.............
« راكان »
طلعنا والخوف واضح على وجوهنا ماعمرنا سوينه
هيج شي تميم لازم يورطنا ابد كلبي مو مرتاح كلت
راكان : يا ولد ابد مو مرتاح
امير : شلون اصارحك حتى اني
راكان : كله بسبب هذا المهيلك
تميم : معاجبك ارجع بعدنا مارحنا
راكان : اخليك وحدك عيب ولك
تميم : جا سد حلكك
وصلنا للمكان المتفق عليه نزلنه وجان اكو ثنين واكفين
شويه بعيد قربنه عليهم طبعاً نحنا ملثمين ومو مبين
شي حتى عيونه مو مبينه انتضرنه لليل حتى
مايشوفونا اجه رجال مو كلش جبير تقدم وكال
علي : بنتي وينها
تميم : مو كتلك بنتك ماتجيك لحد مااخذ الفلوس
واتأكد محد ورانه بعدين ادزها الك
علي : شنو يضمنلي بنتي ماتتأذه
تميم : نحنا مو بحاجتها بحاجة الفلوس
علي : زين بنتي اشعليها
تميم : والله عرفنا بنت عائله وفلوس كلنا ماكو غيرها
امير : وين الفلوس
علي : تيم الفلوس
اجه الي اسمه تيم وانطه امير جنطه الضاهر بيها فلوس
فتحها امير وبل فعل بيها فلوس كال امير
امير : الفلوس كامله
تيم : ماناقص ربع ايمتا ترجعون بنتنه
تميم : باجر
علي : ايما وقت
تميم : مادري عود من تجي تعرفون
اندارينا نروح كال الي اسمه تيم
تيم : بنت خالي اذا يصير بيها شي انهيكم
تميم : لا تحمه فدوه
تيم : انعل الوالديك هسه بس اخاف عليها لان
هيا بيد ولد حرام معرف شسون بيها
تميم عصب حيل واجه يروح يضربه امير لزمه وكال
امير : غلس
غلسنا ورجعنا
..........
« هاجر »
راكان : وهاي نحنا كدامك
هاجر : كلت تيم اجه ويا بابا
راكان : اي هو ناده ب اسم تيم
هاجر : يعمري ماخله بابا يجي وحده
تميم : اكلي خره شني يعمري اشك حلكج
هاجر : معليك مايخصك
تميم : صبرني ياربي اذا تبقين هيج ماارجعج
هاجر : اخذت الفلوس شتريد مني رجعني
تميم : مو فرحان فلوسكم ترا هاي الفلوس اخذتها
حتى ابين انو موضوع خطف لا اكثر
كام اخذ الجنطه وطلع الفلوس وحطها كدامنه زهراء
شهكت طلع جكاره وشربها خلصها ذبها فوك
الفلوس واحتركن مابقه منهن شي محد حجه الضاهر
يعرفون يريد يسوي هيج متت قهر هذا تعب بابا
كلت
هاجر : هذا تعب بابا وانت جيت وشعلتو كدامي
اشكد ماتستحي الله ياخذك
عصب حيل بس هم غلس عليه عرفت شما راح احجي
مراح يسويلي شي لان انطه كلمه عشتو كلت
هاجر : لو فلوس ابوك يهلك تشعلها الله يشعلك
تميم : سدي حلكج كوه متحملج
هاجر : الله ياخذك اكرهك
اجه يمي واني ركضت للغرفه وسديتها ماكو قفل
وكفت وراها واسد الباب لكن هو اقوه فتح الباب
وطب واجه ورا امير ولزمه كال تميم
تميم : هدني انعل والديها
هاجر : كل خره لا تحجي على اهلي
تميم بعياط : عوفني ماتسمعها اليوم اشكج
هاجر : زلمه الله يسلمك
امير : سكتي شبيج انجلبتي راح يجنزج سكتي
تميم : اني اعلمج بسيطه
طلع وعافنه امير لزم ايدي وكعدني وكعد يمي وطبت
زهراء كال
امير : مايصير تحجين هيج علي
هاجر : شعل كلبي من شعل تعب بابا
امير : هاي حركهم علمود يبينلج هو ماخطفج
علمود فلوس وعلمود يبينلج انو يريدج وحتى يحرك
كلبج مثل ماحركتي كلبه من عفتي
هاجر : حرك كلبي لما حاول يعتدي عليه بس
ماله حق يشعل تعب بابا سهر سنين حتى يجيبها
وهاي مو بل ساهل تجي وانتو طلبتو مبلغ صعب
امير : هذا المبلغ الصعب تميم يجيبه بيومين واني
هم نحنا عائله عدنا خير بسبب جدي الله يرحمه
هاجر : ايمتا ارجع
امير : والله ماادري هسه اشوفه
طلع امير وعافني اجت زهراء يمي وحضنتني وكالت
زهراء : ابوج دفع هاي الفلوس لسلامتج ابويه
ياخذ هاي لفلوس لأذيتي
صفنت عليها كلت
هاجر : مافهمت
زهراء : انتي ابوج ضحه بهيج مبلغ جبير اما ابويه
يضحي بيه بربع هذا المبلغ
هاجر : تشاقين وين اكو هيجي اب
زهراء : لا تستغربين من اروح زعلانه مايتحملني
ويرجعني حتى مايتحمل اكلي واكل ابني ومصروفنه
ياخذ من امير فلوس ويكله اخذها امي تسكت
ماتكدر تسوي شي وهيا تكلي ارجعي خلصي من
حياتج ويا ابوج بس المشكله حياتي ويا امير كابوس
هاجر : امير مبين يحبج كثير وهو حنون
زهراء : ماانكر حنانه ولا حبه بس يدمرني بتصرفاته
هاجر : شلون
زهراء : حب التملك الي عنده قاتل غيرته قاتلة
لازم اكون اله بس تخيلي يغار من علي يغار من ابنه
هاجر : مااصدك
زهراء : وداعت ابني
هاجر : عجل اشكد متاذيه
زهراء : بكد رحمة الله
هاجر : كلمتي ههههه
زهراء : خرب يومج دعوفيني حزينه شويه لازم
تضحكيني وتخربين الحزن والدراما
هاجر : اضحكي محد يستاهل وداعت عيونج
طب تميم مبين هادء عكس قبل شويه وكال
تميم : كومي اوديج لهلج
هاجر : خوش
كمت لان ماعندي شي اخذه وطلعنا كلت
هاجر : نروح وحدنا
تميم : اي لان عندي حجي وياج هم
هاجر : ماروح وياك وحدنا
تميم : سبب
هاجر : مااثق بيك
عصب حيل وجرني من زندي وكال
تميم : تنجبين شنو مااثق بيك تمشين وياي وانتي
الممنونه واذا تعصبيني اكتلج واخلص منج
بعدته عني وكلت
هاجر : اني مااتهددد فهمتتتتت
تميم : صوتج لا اخفي
غلست علي ورحت كعدت على كرسي قريب علينه
اجه كومني وكال
تميم : لا تستفزيني وحافضي على نفسج مو
مسؤول عن تصرفي فهمتتتيييييي
هاجر : خوش
خفت من عياطه بس سويت نفسي عادي وطلعت
ويا صعدت بل صدر رغم خايفه منه وابد مااثق بي
بس طلعت لان اريد اهلي واعرف ماراح احد يجي
ويانه لان يثقون بي بس اني ابد ولا اثق بي كال
تميم : مو من ترجعين تغلسين عليه ترا ارجع
اخطفج بس مااخلي احد يعرف بيج وين تبقين يمي
حتى امير مااخلي يندل مكانج
هاجر : كافي تهددني فهمت
تميم : عفيه شطوره
باس بوسه بل هوه باوعتله متقززه كال
تميم : عيونج لا افكسها
بقينه نحجي فتره كلش طويله مدري وين ماخذني
بعدين كمت اعرف المكانات بس هو الضاهر مايعرف
لان مطلع بل موقع ويمشي
بعدها فتنه منطقه قريبه حيل على منطقتنه كلت
بفرح
هاجر : راح نصل هاي قريبا علينه
باوعلي وابتسم وصلنا المنطقه عيوني تتفحص لبيوت
شفت بيت رزان كلش مشتاقتلها بعدها وصلنا بيتنه
نزلنا واجه يمي بدون مقدمات حضني ويشم بيه كلت
هاجر : ابتعد عني حباب
تميم : اشششش خليني اشمج لان بعد مااشوفج
لفتره طويله
سكتت مدري شنو الي منعني احجي بعد تقريباً خمس
دقائق عافني ابتسم بوجهي وكال
تميم : راح انتضر براس الشارع لحد ميفتحولج
الباب اروح
هزيت راسي وهو حرك واني دكيت الباب بقوة
اريد يفتحو بسرعه احس راح يرجع ياخذني منهم
فتح الباب بابا وكعت بحضنه ابجي وهو من الصدمه
ماحجه شي بعد سلام طبينه جوه
شفت الكل حرفيا كلهم موجودين بس ماما ماكو
كلبي صار يدك بسرعه كلت
هاجر : ماما وين
علي : بل غرفه
رحت ركض الها فتحت الباب جانت نايمه وفزت
على فتحت الباب شافتني وصرخت وصارت تبجي
اجت حضنتني وتبجي بقيت فتره بحضنها محتاجتها
كمت وشفت الكل ورانا رحت سلمت عليهم كلهم
وبعد ماخلصنا جان واضح التعب بوجهي كال بابا
علي : روحي نامي ياروح ابوج
طلعت على غرفتي ورسل وإيلا وراي كتلهم اسبح
واجي ماحجو شي سبحت وطلعت ماكالو وين جنتي
واني ماحجيت محتاجه انام بجربايتي كعدت الصبح
على لمسات ماما عبالي حلم ماحبيت افز منه بعدها
ماما كالت
مروة : كومي ياروح امج
فتحت عيوني وحضنتها وبديت ابجي اريد اشكيلها
طلعنا نتريك وكملنا جدي كال
جدو : احجيلنا كلشي ابد لا تخبين شي
حجبتلهم شلون نخطفت وشلون الولد جان يلحكني
وكلت
هاجر : الي استغربته محد اجه يمي يجيبولي لاكل
ويرجعون يطلعون
تيم : ماشفتي احد منهم
هاجر : لا كلهم ملثمين ماميزت احد بيهم
تيم : لازم نسلمهم بس اشون
جدو : مااعرف اشون اجيبهم
كالت جنات
جنات : معقول طلعتي من يم شباب بنت
مافهمت جملتها بس عمي ثامر وتامر وبابا وجدي
عاطو بوجها وسكتت كال جدي
جدو : حفيدتي شريفه والي يحجي عليها اكص
لسانو فهمتو الموضوع ينسد
هنا ادركت شنو جانت تقصد بكلامها نزلت دموعي وكلت
هاجر : لا تخافين محد لمسني
جنات : ركبتج شبيها
هاجر : ضربت واحد منهم حتى افهم ليش اني يمهم
وضربني
معرف اذا اقتنعو او لا بس مايهمني كلت
هاجر : اذا مامصدكين اني مابيه شي نروح نفحص
يم دكتوره
علي : بنتي مابيها شي والي يحجي عليها اشكو
رحنا لغرفتي وحجيت ل إيلا ورسل على كلشي
وانصدمن كالت رسل
رسل : اشون دبرها كل هاي
إيلا : شيطان مو بشر
هاجر : حاول يعت* عليه
شهكن ثنينهن كالت إيلا
إيلا : تشاقين وشصار
هاجر : اجو راكان وحيدر وطلعو من يمي
رسل : نزل من عيني حيل
هاجر : بس يكول مو بوعيي معقول جان شارب
رسل : ريحته مو حلوه
هاجر : بل عكس حلوه
إيلا : قصدو الشيطان مسيطر علي
هاجر : وين اكو شيطان مسيطر على انسان
إيلا : مادري والله
رسل : يعني الشيطان لعب بعقلو مو شيطان بي
هاجر : مادري والله
إيلا : يعني الاثر الي بركبتج منو
هاجر : اي
إيلا : لازم يروح بسرعه بس اشون
رسل : يومين ويروح
هاجر : هاي صار ثلاث ايام مدري اربعه وماراح
رسل : جسمج حساس اعتقد يطول اكثر
هاجر : قرفانه من نفسي اريد اشيلو اشون
رسل : اهدي ميخالف المهم تهدين وتاخذين راحه
من كلشي ابتعدي عنو نصيحه
هاجر : خلاني ارجع لان كتولو ارجع احجي وياك
وترجع علاقتنه
رسل : غلط سويتي
هاجر : لو ماسويت هيجي جان اني مو يمكم
رسل : وبعدين اشون
هاجر : اضل اسوي مشاكل واخلي يكرهني وخلصت
رسل : انتي ادره
اجت عمه اميرة وكالت
اميرة : بنات اطلعو بره احجي معاها
طلعو البنات وبقينه اني وياها كالت
اميرة : احجيلي اش صار
هاجر : حجيت كدام الكل ماكو شي اضيفو
اميرة : الاثر الي بركبتج شنو لا تقنعيني ضربه
متصير احجيلي
هاجر : يعني محد قتنع
اميرة : الي بره كلهم مقتنعين بس اني لا
هاجر : ليش حتى ماتقتنعين
اميرة : اعرف احسن منج احجيلي
هاجر : احجي بس محد يدري بلي اكوله
اميرة : اسمعج
هاجر : واحد بينهم حاول يعت* عليه
شهكت وحطت ايدها على كلبها وكالت
اميرة : اش عتحجين واش صار
هاجر : ماصار شي اجو ثنين وطلعو
اميرة : يعني ماصار شي
هاجر : اي بس خله هذا بركبتي
حجت وياي شويه واستني وطلعت بعدها محد دخل
تمدد انام لان جنت هناك ماانام واذا انام افز بسرعه
من خوفي على نفسي ومن باسني بركبتي مانسى
كلامو من كال
تميم : هاي اثر الج تذكرني بي وتعرفين انو اني
كادر على كلشي ومحد يوكفني
احاول استوعب كلامه معقول بس جان يريد يخوفني
ولان اني سمعتهم يحجون هيج خفت وعبالي يسويها
بعدين مستحيل يسويها اني حبيبتو شنو يستفاد
اكيد ولا شي واستوعبت انو هو خلها ذكره تخوفني
منه والي اكد
كلامي زهراء سمعتهم يحجون وجان يكول مجرد
خوفتها واني شفتها واكفه تسمع كلت انو مو بوعيي
يعني ضحك عليه وخلاني اعيش برعب علمود
انفذ كلامو واطلع نمت واني افكر كعدت على صوت
مسج اجاني فتحت عيوني بنعس لكن من
شفت صاحب المسج تعدلت بسرعه وبقيت افرك
بعيوني كاتب
💬 تميم : شني حبيبي نسيتي الاتفاق
💬 هاجر : لا بس احتاج فترة راحه صدكني تعبانه
مالي خلك لشي اعطيني كم يوم انسى الي صار
وارجع احجي وياك طبيعي بس خلي انسى الي
سويته بيه
💬 تميم : براحتج عندج اسبوع ارتاحي بي مني
ماراح ادز شي بس بعد هل اسبوع نحجي
دزيت اوكي وطلعت وثاني يوم اجن رزان وريماس
وسارة وضليت ابجي وهم كتلهن هو خطفني وانصدمن
زران : شلون هيج
ماجبتلهن سيرة الاعتداء لان هيا جانت بغلط تفكير
مني ونيته يخوفني ونجح بهل شي ماله داعي احجي
بي كضينه يوم حلو ويا البنات جان يوم يجنن
بعدها اجو خالاتي والكل عرف بسالفة خطفي والبنات
مبين خايفين عليه جنت بس اصفن مادري شبيه
بارق جان موجود وكال
بارق : شني خاله مطعمين هاجر لحم مطايه شو
بس تصفن
الكل ضحك جان يريد يونسيني هل انسان قمه بل
اخلاق حيل يشاقه نيال الي تاخذه بس المشكله
هو رافض الزواج ليش محد يدري
بقو لليل وراحو ثاني يوم اجو عمامي وعماتي مجانت
عندي طاقه اكعد وياهم رحت لغرفتي شويه واندك
الباب كلت
هاجر : تفضل
دخل إلياس وجان وجه مايتفسر ومبين ضعفان كال
إلياس : شلونج
هاجر : الحمدلله وانت
إلياس : من رجعتي صرت زين
هاجر : شكراً
إلياس : ماعرفتي احد بيهم
هاجر : لا
إلياس : ليش تريدين تحميهم
هاجر : مااحمي احد بس صدك مااعرف احد بيهم
إلياس : لا تجننيني بقيتي اسبوع يمهم مو معقول
ماسمعتي واحد يصيح على احد بيهم باسمو
هاجر : لا جان الهم القاب
إلياس : اشون القاب
هاجر : جاي تحقق وياي عبالك ضابط
إلياس : ترا امتحنت سادس واذا انجح ادخل
كلية عسكريه
هاجر : اي بيها الخير
إلياس : ليش هيجي كارهتني
هاجر : نسيت شسويت
إلياس : ماراح تنسين
هاجر : ابد
إلياس : انسي حبابه اني احبج
عصبت وكلت بعياط
هاجر : انتتتت شنووووو فهمنيييي اشونننن تحبببب
ثنيننننن بنفسسسس الوقتتتت فهمنييييي انانييييي
بس تريددد لنفسكككك
مسك ايدي ورفع راسي بايدو يحجي وياي وسكت
وجان يدحك على ركبتي وعيونه صارت حمر وعصب
وكال
إلياس : شنووو هاييييي
هاجر : شنو
إلياس : الي بركبتج شنوووو
هاجر : عضتني بكه
إلياس : روحي اضحكي على غيري بهاي الجذبه
احد قرب عليج احجي حبابه
هاجر : ماعاش الي يقربلي انهي نسيت اني منو
إلياس : مانسيت والله بس طمنيني راح اجن
هاجر : لا تجن ماكو شي من الي بالك
إلياس : خوش اوعدج بس ادخل كلية عسكريه
اخذ حقج منهم واجيبهم جوه رجليج واصلا عرفت
كم شغله
كام وطلع وكف بل باب وكال
إلياس : الي خطفج واحد اسمو..........
.................
انتهى البارت
شنو تتوقعون إلياس عرف منو خطفها لو ماعرف
عذروني على البارتات القبل لان اكو كلمات غلط
بس لان اكتب وماادقق بيهن زين الي اشوفهم
اصلحهم بس الي ماانتبه عليهن يضلن ف عذروني
- يتبع الفصل التالي اضغط على (رواية قسوة احفاد ال هتان) اسم الرواية